Blog

Kuryamana n’abakobwa cyangwa abagore benshi n’ubuzima bwuzuyemo iraha bizwi cyane ku byamamare bitandukanye byo mu ngeri zose, yaba mu muziki, mu mideli hamwe no muri Sinema hakunze kugaragara ibyamamare byagiye bica agahigo ko kuryamana n’abagore benshi.

Nubwo ibyamamare byinshi birangwa n’iyi ngeso, gusa hari abandi baciye agahigo ko kuryamana n’abakobwa/abagore benshi cyane ku Isi ku buryo wagirango niko kazi konyine bakora.

Ikinyamakuru The Sun cyasohoye urutonde rw’abagabo b’ibyamamare, baciye agahigo gatangaje ko kuryamana n’abagore benshi ku isi. Irebere uru rutonde rurangajwe imbere n’icyamamare Wilt Chamberlain, waryamanye n’abakobwa 20,000.

The Sun ivuga ko igitangaje kuri ibi byamamare 10 byaryamanye n’abagore benshi ku Isi, ari uko benshi muri bo bashaje atari abasore bagifite akabaraga ko kwiruka mu gitsina gore. Benshi muribo barengeje imyaka 60 abandi bato muri bo bari hagati y’imyaka 50 kuzamura ndetse harimo na Gene Simmons w’imyaka 74 y’amavuko.

1. Wilt Chamberlain

Wilt Chamberlain ni umwe mu bakinnyi ba Basketball kabuhariwe babayeho muri Leta Zunze Ubumwe za Amerika, yagiye akinira amakipe akomeye arimo nka Lakers ndetse yanakinnye muri NBA mu gihe cy’imyaka 14.

Wilt Chamberlain waharuriye inzira benshi mu birabura bakina Basketball, yaciye agahigo ko kuryamana n’abagorebangana ni 20,000. Mu gitabo yasize yanditse mbere y'uko yitaba Imana mu 1999 cyitwa ‘A View From Above’, yavuze ko ikintu yishimira cyane yakoze ari ukubasha kuryamana n’abakobwa benshi cyane, ndetse bose akabasha kubanyura. Kugeza ubu nta cyamamare kirabasha kunyura kuri Wilt Chamberlain, mu kuryamana n’abagore benshi ku isi.

2. Warren Beatty

Umukinnyi wa filime unazitunganya, Warren Beatty aza ku mwanya wa kabiri mu byamamare byaryamanye n’abagore benshi ku Isi. Warren Beatty we yatangaje ko yaryamanye n’abakobwa ibihumbi cumi na bibiri (12,000). Uyu musaza w’imyaka 85 yatanze ubuhamya  avuga ko yatakaje ubumanzi afite imyaka 16, ndetse aryamana n’abakobwa 12,000 mbere y'uko arushinga n’umugore we Annette Bening. Warren Beatty yanaciye agahigo ko kurushinga afite imyaka 55, amaze kuryamana n’abakobwa 12,000.

3. Charlie Sheen 

Umukinnyi wa filime akaba n’umunyarwenya, Charlie Sheen wamenyekanye cyane muri filime y’uruhererekane yitwa ‘Two and a Half Men’, yahishuye ko yaryamanye n’abagore ibihumbi bitanu (5.000). Mu 2018 Charlie Sheen yahishuye ko arwaye Sida, yakuye mu kuryamana n’abakobwa benshi atakoresheje ubwirinzi bw’agakingirizo.

4. Gene Simmons

Gene Simmons uvuka mu gihugu cya Israel gusa akaba akorera umuziki muri Leta Zunze Ubumwe za Amerika, wamamaye cyane ku izina rya ‘The Demon’ nawe ari mu byamamare byaryamanye n’abagore benshi ku Isi. Uyu mugabo wiyise idayimoni, amaze kuryamana n’abagore ibihumbi bine na magana atandatu (4,600) ku myaka 74 afite. Gene Simmons icyamamare mu njyana ya Rock yatangaje ko akunda cyane imibonano mpuzabitsina, aricyo cyatumaga ashobora no kuryamana n’abakobwa bane mu ijoro rimwe.

5. Mick Jagger

Umuhanzi akaba n’umukinnyi wa filime Mick Jagger ukomoka mu Bwongereza, yaciye agahigo ko kuryamana n’abagore ibihumbi bine (4,000). Mick Jagger wakanyujijeho n’icyamamarekazi Angelina Jolie, yatangarije ikinyamakuru Variety Magazine ko yaryamanye n’abagore 4,000 mbere y'uko yuzuza imyaka 50.

6. Simon Cowell

Simon Cowell watangije  amarushanwa ya X-Factory yo kuzamura impano z’abahanzi ndetse akaba ari umwe mu bagize akanama nkemurampaka k’irushanwa rya ‘American Idol hamwe na ‘American Got Talent’ yashinze, yatangaje ko mu buzima bwe amaze kuryanama n’abagore ibihumbi bibiri (2000), gusa yavuze ko ibi yabikoze akiri muto agifite amaraso ashyushye.

7. Hugh Hefner

Umuherwe Hugh Hefner washinze ikinyamakuru Playboy Magazine cyandika ku bijyanye n’imibonano mpuzabitsina, ndetse akanashinga inzu ya Playboy Mansion ikinirwamo filime z’urukozasoni (Pornography), ni umwe mu byamamare byaryamanye n’abagore benshi ku Isi. Mu gitabo yanditse cyitwa ‘The New Bedside Of Playboy’ yavuze ko yaryamanye n’abakobwa 1.500, abenshi muri bo ni abakinnyi ba filime z’urukozasoni.

8. Russell Brand

Umunyarwenya akaba n’umukinnyi wa filime Russell Brand ukomoka mu Bwongereza uzwiho gukunda igitsina gore cyane, nawe yaciye agahigo ko kuryamana n’abagore benshi. Russell Brand wahoze ari umugabo w’icyamamare Katy Perry bamaranye imyaka 2 bagatandukana kubera kumuca inyuma, yaryamanye n’abagore igihumbi (1000). Katy Perry nawe yigeze gutangaza ko Russell Brand bakibana yamubwiraga ko atabasha kumuhaza mu buriri ari umwe, akamusaba ko yajya kuryamana n’abandi bagore ku ruhande.

9. Peter Stringfellow

Umuherwe Peter Stringfellow washinze utubyiniro (Night Clubs) twinshi mu Bwongereza, nawe yaciye agahigo ko kuryamana n’abagore benshi bagera kuri magana inani (800). Peter Stringfellow yatangaje ko byibuze ku munsi umwe, yabashaga kuryamana n’abakobwa batanu akiri umusore.

10. Gaz Beadle

Umunyamideli Gaz Beadle ukomoka mu Bwongereza wamamaye mu kiganiro Geordie Shore cyanyuraga kuri televiziyo mpuzamahanga ya MTV, niwe cyamamare kiri ku mwanya wa cumi mu byamamare byaryamanye n’abagore benshi ku Isi. Gaz Beadle yatangaje ko yujuje imyaka 31 y’amavuko amaze kuryamana n’abakobwa 600.

Shampiyona y’icyiciro cya mbere mu bagabo ya Basketball y’uyu mwaka wa 2024 izatangira mu mpera z’iki cyumweru.

Ku wa Gatanu, tariki 9 Gashyantare 2024 ni bwo izatangira ikazakinwa n’amakipe 10 avuye kuri 12.

Iimikino myinshi, izajya ibera ku bibuga bya LDK ndetse na Kepler, izaba irimo amakipe abiri mashya mu cyiciro cya mbere ari yo; Inspired generation na Kepler.

Amakipe 10 azitabira shampiyona y’icyiciro cya mbere mu Rwanda muri Basketall ni; APR BBC, REG BBC, ESPOIR BBC, PATRIOTS BBC, K.TITANS, ORIONS, TIGERS BBC, UGB, INSPIRED GENERATION na KEPLER.

APR BBC ifite igikombe cya shampiyona giheruka cya 2023, izatangira ihura na Kepler BBC na yo ifite igikombe cya shampiyona y’icyiciro cya kabiri 2023.

Amakipe yazamutse mu cyiciro cya mbere umwaka ushize wa 2023, ari yo Orion BBC na K Titans azahura ku munsi wa 3 wa shampiyona uzakinwa tariki 24 Gashyantare 2024.

APR BBC izahura na REG BBC ku munsi wa 21 wa shampiyona, tariki 29 Werurwe 2024.

Amakipe yazamutse muri shampiyona y’icyiciro cya mbere uyu mwaka wa 2024, ari yo Inspired Generation na Kepler, azahura ku munsi 8 wa shampiyona uzakinwa tariki, 24 Gashyantare 2024.

Patriots BBC (izaba idafite uwari kapiteni wayo, Mugabe Aristide, wari uyimazemo imyaka 7), izakira REG BBC ku munsi wa 15 wa shampiyona uzakinwa tariki 15 Werurwe 2024.

APR BBC izasoza imikino ibanza ya shampiyona ihura na Patriots BBC ku munsi wa 18, tariki 22 Werurwe 2024.

Shampiyona y’icyiciro cya mbere ya Basketball iratangira mu mpera z’iki cyumweru

Kapiteni wa Rayon Sports, Rwatubyaye Abdul mu mvugo ikakaye yabwiye Abanyarwanda ko bakwiye umuntu ugomba kubigisha kureba ibibareba.

Ni nyuma y’uko avuye mu Rwanda yerekeza muri Turikiya mu ikipe ya FC Shkupi yo muri Macedonia aho irimo gukorerayo imyitozo.

Uyu mukinnyi yagiye mu buryo butavugwaho rumwe aho n’ubuyobozi bwa Rayon Sports bwemereye ISIMBI ko butari bubizi bwabibonye ku mbuga nkoranyambaga.

Rwatubyaye Abdul wari usigaranye amasezerano y’amezi 6 muri Rayon Sports, ubuyobozi bw’iyi kipe bwahisemo kumwandikira bumubaza niba koko ari ho ari, arabemerera ko ari Turikiya bamusaba kugaruka mu kazi ni mu gihe we yifuzaga ko ikipe yamurekura.

Nyuma yo kugenda kwe benshi babifashe nko gutoroka aho yagiye ikipe itabizi, ni bwo haje amakuru y’uko ashobora kuba yaragiye ahunze ibibazo bimwe na bimwe afite.

Abinyujije kuri Snapchat, yashyizeho ubutumwa buvuga ko abanyarwanda bakwiye umuntu ushobora kuza kubigisha kureba ibibareba.

Ati 'Banyarwanda bagenzi banjye, mu by’ukuri hari umuntu ukwiye kuza abagisha mwese kureba ibibareba ni mu gihe mumeze nk’abashishikajwe no kumenya iby’abandi.'

Ku wa Gatandatu w’icyumweru gishize ni bwo Rwatubyaye Abdul yashyize hanze amafoto ari mu myitozo ya FC Shkupi bari baratandukanye muri Kanama 2022 ari bwo yasinyiraga Rayon Sports amasezerano y’imyaka 2.

Rwatubyaye Abdul yavuze ko abanyarwanda bakwiye kwiga kureba ibibareba

Travis Michael Kelce, umukinnyi w'umupira w'amaguru w'umunyamerika ukina mu ikipe ya Kansas City Chiefs, ni umwe mu bantu bari kwandikwaho cyane n'ibinyamakuru by'imyidagaduro bitewe ahanini n’urukundo rwe n'umuhanzi w'icyamamare Taylor Swift rumaze kugaragarira buri wese.

Uyu mukinnyi  w'imyaka 34 y'amavuko yavukiye Ohio muri Leta Zunze Ubumwe za Amerika ku ya 05 Ukwakira 2024. Yabyawe n'icyamamare Donna Kelce ndetse na Ed Kelce.

Travis afite umuvandimwe witwa Jason Kelce nawe ukinira NFL mu ikipe ya Philadelphia Eagles. Aba bombi bafitanye amateka maremare, kubera ko uyu munsi Travis yambara nimero 87 mu kibuga, mu rwego rwo kwereka mukuru we Jason ko amwubaha kuko yavutse mu 1987.

Jason yagize uruhare mu mwuga wa Travis kuva bakiri bato. Amaze kurangiza amashuri yisumbuye, Travis yashakishwaga n’amashuri makuru menshi ngo abakinire, harimo Akron, Miami, na Eastern Michigan, ariko yahisemo kaminuza ya Cincinnati kubera ko ariyo na mukuru we yakiniraga.

Kuva yagera muri kaminuza yakinnye neza agaragaza impano idasanzwe, ariko nyuma aza kugwa mu ikosa ryafashwe nko kwica amategeko agenga ikipe, nubwo byaje kumenyekana ko yari yakoresheje ikiyobyabwenge cya Marijuana nuko birangira ahanishije guhagarika gukina 'season 2010' yose.

Icyo gihe yumvaga ibijyanye no gukina umupira w'amaguru birangiye, niko kwerekeza muri Ohio baseball league, umukino yari yaratangiye gukina yiga mu yisumbuye. Nubwo yari yamaze gufata umwanzuro wo kwerekeza mu mukino wa Baseball, mukuru we Jason wari uzi icyo umuvandimwe we yifuza mu buzima, yabimufashijemo mu buryo bwose aramushyigikira kandi amurinda gucika intege biza kurangira asubiye mu mupira w'amaguru. Travis, afite amateka akomeye muri NFL (National Football League) nk'umukinnyi w'indashyikirwa.

Ku bijyanye n'urukundo, Travis Kelce kugeza ubu bivugwa ko yakundanye n'abakobwa bane gusa, aribo Maya Benberry bakundanye kuva mu 2016 kugeza mu 2017, naho kuva mu 2017 kugeza mu 2022 agakundana n'uwitwa Kayla Nicole, nyuma yaho mu ntangiriro za 2023 akavugwa mu rukundo na Zuri Hall.

Mu 2016, Travis yakoraga ikiganiro cyo gushaka umukunzi cyatambukaga kuri televiziyo yise “Catching Kelce,” aho mu bice 8 yakoze yatumiyemo abakobwa bagera kuri 50 baturuka muri leta zitandukanye zo muri Amerika, maze bikaza kurangira uwitwa Maya Benberry ariwe wegukanye umutima we. Uyu mukobwa, bakundanye umwaka umwe gusa, bahita batandukana muri Mutarama 2017.

Ni mu gihe kuva mu Kwakira 2023 kugeza ubu, ari mu munyenga w'urukundo n'umuhanzikazi Taylor Swift ndetse bikaba bimaze iminsi binatangazwa ko bitegura kurushinga vuba bitarambiranye.

Ibihuha by’uko Travis na Taylor bari mu rukundo byatangiye gukwirakwira muri Nzeri 2023, ubwo uyu muhanzikazi yagaragaraga yishimye cyane ku mukino wa Kansas City Chiefs yicaranye n’umubyeyi wa Kelce.

Ibinyamakuru mpuzamahanga bimaze iminsi byandika inkuru z’uko aba bombi bateganya kurushinga vuba ndetse ko Travis ari kwitegura kwambika impeta Taylor ku munsi w’abakundana uzwi nka ‘Saint Valentin’ uteganijwe mu cyumweru gitaha tariki 14 Gashyantare 2024.

Aya makuru yo kwambikwa impeta yaje kunyomozwa n’abahagarariye uyu muhanzikazi, bavuga ko ibyo ari ibinyoma ariko ibyo kuba Taylor yaba yifuza gukora ubukwe mbere y’uko 2024 irangira byo ari ukuri. 

Bisa nk’aho Travis Kelce yari asanzwe ari umufana wa Taylor, kuko na mbere y’uko amakuru y’urukundo rwabo ajya hanze uyu mukinnyi yiyemereye ko yajyaga yitabira ibitaramo bye.

Biciye mu masezerano afitanye n’ikipe ari gukinira azarangira mu 2026, Travis Kelce yishyurwa Miliyoni 14.3$ buri mwaka.

Taylor Swift arusha kure umutungo umukunzi we, kuko we atunze asaga Miliyari y’amadorali  mu gihe Kelce atunze asaga Miliyoni 40$.

Travis Kelce ni umukinnyi ukomey muri Kansas City Chiefs

Yambara nimero 87 ku bw’icyubahiro aha mukuru we wavutse mu 1987

Yamaze kunyomoza amakuru y’uko yaba agiye guhagarika umupira w’amaguru avuga ko iyo gahunda ntayo ihari

Yanditse amateka akomeye muri NFL

Yahagaritswe umwaka wose w’imikino azira ibiyobyabwenge

Yakundanye na Nicole Kayla bahuriye bwa mbere kuri Instagram

Ni umunyamideli akaba n’umunyamakuru w’imikino  

Travis Kelce yakundanye na Maya Benberry amezi make bahita batandukana

Maya Benberry

Mbere gato y’uko ahura na Taylor Swift, Travis yakundanye na Zuri Hall

Zuri Hall 

Kuva mu mpera za 2023 kugeza ubu ari mu rukundo n’umuhanzikazi Taylor Swift

Taylor Swift yatangaje ko uyu mwaka yifuza ko utabasiga badakoze ubukwe

Bamaze igihe bayoboye ibinyamakuru byinshi mpuzamahanga bivuga imyidagaduro

Akunze kugaragara ku mikino yose ya Travis

Urukundo rwabo babanje kurugira ubwiru

Ni inshuti cyane n’umuvandimwe we Jason 

Bombi ni abakinnyi ba NFL

U Rwanda rugiye gukora amateka muri Tennis, rwakira  irushanwa ATP Challenger 50 riteganyijwe gutangira tariki 26 Gashyantare, rikazagera tariki 10 Werurwe 2024. Iri rushanwa ryateguwe n’ishyirahamwe ry’umukino wa Tennis mu Rwanda na Minisiteri ya siporo ku bufatanye na ATP.

Ni irushanwa rizaba mu byumweru bibiri, aho icyumweru cya mbere kizatangira tariki 26 Gashyantare kigere tariki 2 Werurwe, naho icyumweru cya kabiri gitangire tariki 4 kigere tariki 10 Werurwe, rikazabere ku bibuga bya IPRC Kigali Ecology Tennis Club biherereye Kicukiro .

ATP Challenger 50 iri ku rwego rwa kabiri mu marushanwa ya Tennis akomeye ku Isi mu bagabo, rizitabirwa n’abakinnyi basaga 21 bazaba bayobowe n’Umurusiya Ivan Gakhov uri ku mwanya 172 ku Isi. Muri abo bakinnyi ba 21 kandi, bazongerwaho abandi 6 barimo abazaca mu majonjora, ndetse n’abandi basonewe kwitabira iyi mikino.

Aba bakinnyi bagomba kwitabira baje guhatanira ibihembo ndetse bashaka n’amanota atuma baza nibura mu bakinnyi 100 ba mbere ku Isi.

Ni ibyumweru bibiri u Rwanda rwitezemo impano zizava mu bihugu bitandukanye birimo u Bufaransa, Israel, Argentina, Rumania, Croatia, Australia, Zimbabwe u Buholandi, Misiri, Switzerland, Moldova ndetse n’u Butariyani.

Imikino ya ATP Challenger 50 mu Rwanda kandi ntabwo izaba itanga ishusho yo mu kibuga gusa ahubwo izaba yerekana urwego umukino wa Tennis ugeze mu bihugu byo munsi y’ubutayu bwa Sahara byumwihariko u Rwanda.

ATP Challenger 50 niyo yazamuye abakinnyi barimo nimero ya kabiri ku Isi Carlos Alcare ukomoka muri Espagne, Roger Federer wahoze ari nimero ya mbere ku Isi, Rafael Nadal ndetse na Juan Martin Del Potro wigeze kwegukana US Open. 

ATP yemeje ko umukinnyi uzikura mu irushanwa hakiri kare azasimburwa n’abari ku rutonde rw’agateganyo 

Kuva mu 2022, u Rwanda rumaze kuba igicumbi cy’imikino ya Tennis ikomeye muri Afurika no ku Isi