Webrwanda Backend

Blog

  • Rayon Sports yatsindiye Amagaju FC i Huye – #rwanda #RwOT

    Uko umukino wagenze umunota ku munota:

    Umukino urangiye Rayon Sports itsinze Amagaju FC igitego 1-0

    Amagaju FC ari gukina yirwanaho ngo ashake igitego cyo kwishyura ariko byanze 

    Umukino wongeweho iminota 6

    84′ Paul Gomes arase igitego abafana bahita biyamira muri sitade,ni ku mupira yarazamukanye acenga ariko ageze mu rubuga rw’amahina ari wenyine arekura ishoti rinyura impande y’izamu

    75′ Rayon Sports ikoze impinduka mu kibuga havamo, Charles Bbaale na Tuyisenge Arsene hajyamo Paul Gomes na Ishimwe Ganijuru Elie

    73′ Ikipe ya Rayon Sports yongeye kurata igitego cyabazwe ku mupira waruhinduwe na Serumogo ally maze Youssef Rharb agiye gushota arawuhusha usanga Hertier Luvumbu arekura ishoti ariko rinyura hejuru y’izamu kure

    71′ Umusifuzi atanze akaruhuko ko kunywa amazi ku bakinnyi kubera ubushyuhe( Cooling break)

    68’  Amagaju FC akoze impinduka mu kibuga havamo Sebagenzi Cyrille na Bizimana Ibutihadji hinjiramo  Dusabimana Christian ndetse na Nkurunziza Seth

    67′ Rayon Sports ikoze impinduka mu kibuga havamo, Iraguha Hadji hajyamo Youssef Rharb

    63′ Umunyezamu wa Rayon Sports, Khadime Ndiaye ari kwitabwaho n’abaganga nyuma yo kugongana na Rukundo Abdoul Rahmani w’Amagaju FC

    58′ Amagaju FC akoze impinduka mu kibuga,havamo Ndizeye Innocent na Shaban Rachid hajyamo Niyonkuru Claude na Irumva Justin

    57,Rayon Sports nyuma yo kuboan igitego ikomeje gusatira,Charles Bbale arase igitego cyabazwe ku mupira yarahawe na Serumogo Ally i

    52′ Rayon Sports ibonye igitego cya 1 gitsinzwe na Muhire Kevin nyuma yo gucenga ba myugariro b’Amagaju FC arahindukira arekura ishoti mu nguni ya ruguru  ku mupira yarahawe na Bugingo Hakim

    46′ Iigice cya kabiri gitangiye Rayon Sports ibona uburyo buremereye ku ishoti Luvumbu yararekuye ariko umunyezamu w’Amagaju FC aratabara arikuramo

    Igice cya mbere kirangiye amakipe anganya 0-0

    45+1′ Serumogo Ally yarazamukanye umupira yiruka ageze imbere y’izamu awuhindura mu rubuga rw’amahina ashaka Charles Bbale ariko ba myugariro b’Amagaju FC baba maso baratabara

    Igice cya mbere cyongeweho iminota 3

    39′ Bizimana Ibutihadji azamukanye umupira ku ruhande rw’ibumoso awuhindurira Malande Destin afungira Ndizeye innocent arekura ishoti riremereye ariko rinyura hejuru y’izamu gato cyane



    35’Myugariro w’Amagaju FC,Tuyishime Emmanuel yari yatsinze igitego ku mupira waruhinduwe na Serumogo Ally ariko umunyezamua aratabara ashyira umupira murin koroneri itewe na Muhire Kevin ntihagira ikivamo

    30′ Iraguha Hadji wa Rayon Sports aryamye mu kibuga ari kwitabwaho n’abaganga nyuma yo kugongana n’umukinnyi w’Amagaju FC

    Muri iyi minota nta kipe iri kumarana umupira kabiri ngo ihererekanye

    22’Kapiteni,Masudi Narcise ahawe ikarita y’umohomdo nyuma yo kwitambika Heltier Luvumbu Nzinga warugiye guhana ikosa

    15′ Rayon Sports irase igitego cyabazwe ku mupira Iraguha Hadji yarahaye Charles Bbale ahagaze wenyine ariko gutereka mu izamu biramunanira umupira uramucika

    11′ Amagaju FC abonye uburyo bwa mbere imbere y’izamu rya Rayon Sports kuri koroneri yarizamuwe na Matomona Abedel ariko Ndizeye Innocent agiye gushyiraho umutwe aba aba akojeje intoki ku mupira

    6′ Amagaju FC yabuze umupira ukomeje kwiharirwa na Rayon Sports

    3’Ikipe ya Rayon sports ikomeje gusatira ishaka igitego hakirikare,ibonye koroneri itewe na Muhire Kevin ba myugariro b’Amagaju FC baratabara

    1’Umukino utangiye ikipe Rayon sports isatira ,Muhire Kevin arekura ishoti ku mupira yarahawe na Charles Bbale ariko umunyezamu ahita arikuramo


    Abakinnyi 11 b’Amagaju FC babanje mu kibuga:

    Ndikuriyo Patient

    Masudi Narcisse

    Matomona Abedel 

    Tuyishime Emmanuel

    Bizimana Ibutihadji

    Dusabimana Jean Claude

    Sebagenzi Cyrille

    Rukundo Abdoul Rahmani

    Marande Exauce Destin

    Ndizeye Innocent

    Shaban Rachid

    Abakinnyi 11 Rayon Sports yabanje mu kibuga:

    Khadime Ndiaye 

    Serumogo Ally 

    Bugingo Hakim 

    Aimable Nsabimana

    Mitima Isaac 

    Kanamugire Roger

    Muhire Kevin 

    Hertier Luvumbu

    Charles Bbaale

    Tuyisenge Arsene 

    Iraguha Hadji

    14:15’Amakipe yombi atangiye kwishushya

    Ni umukino uri kubera kuri sitade mpuzamahanga ya Huye guhera saa kenda. Impamvu utabereye ku gihe ni ukubera ko ikipe ya Rayon Sports yagomba gukina imikino y'igikombe cy'Intwari cya 2024  byarangiye cyegukanwe na Police FC itsinze APR FC ku mukino wa nyuma mu gihe Murera yo yari yasezerewe rugikubita.

    Amagaju agiye gukina uyu mukino ari ku mwanya wa 9 n'amanota 23 naho Rayon Sports iri ku mwanya wa 2 n'amanota 33. Umukino ubanza wari wari wakiriwe na Rayon Sports kuri Kigali Pele Stadium wari warangiye amakipe yombi anganyinje igitego 1-1.

    Mu mikino 21 imaze guguza aya makipe yombi,Rayon Sports yatsinzemo imikino 14,Amagaju FC atsindamo imikino 4 banganya imikino 3.Muri 2019 nibwo Amagaju FC yaherukaga kwakira Rayon Sports ariko uwo mukino warangiye atsinzwe ibitego 2-1 ahita anamanuka mu kiciro cya 2.  

     

    Source : https://inyarwanda.com/inkuru/139438/live-amagaju-fc-yakiriye-rayon-sports-139438.html

  • Imibare n’amateka byagufasha gusobanukirwa To… – #rwanda #RwOT

    Kuva tariki 18 kugera tariki 25 Gashyantare 2024, u Rwanda rugiye kongera kwakira irushanwa ngarukamwaka rya Tour du Rwanda, rizaba ribaye ku nshuro ya 16 kuva rigizwe mpuzamahaganga, ikazaba ari inshuro ya 6 riri ku kigero cya 2,1.

    Irushanwa Mpuzamahanga ryo kuzenguruka ibice bitandukanye by’u Rwanda yakoreshejwe igare (Tour du Rwanda) ni kimwe mu gikorwa cya siporo gikomeye mu Rwanda ndetse no muri Afurika kubera urwego rigezeho ndetse n’imitegurire yaryo. Iyi Tour du Rwanda mureba imara icyumweru yaciye ibintu mu Rwanda no muri Afurika, ntabwo ari iya vuba aha kuko yatangiye kugeragezwa ahagana mu 1970.

    Ahagana mu 1977 Karemera Pierre wakoraga muri Minisiteri y’umuco na siporo afatanyije na bagenzi be, bashinze ishyirahamwe ry’umukino wo gusiganwa ku magare ndetse banaryandikisha muri Afurika. Umukino watangiye uko ku ruhande rw’abanyarwanda watangiye uko, ndetse hatangira n’amarushanwa mato mato yahuzaga uduce tw’u Rwanda nka Tour de L’Est, Tour de Volcano ndetse n’irindi ryajyaga mu Majyepfo.

    Mu 1987, u Rwanda twitabiriye imikino nyafurika yabereye muri Kenya, ndetse bituma abayobozi b’uyu mukino mu Rwanda bahakura igicekerezo cyo gushinga isiganwa rinini rizenguruka u Rwanda rwose.

    Mu 1988, ni bwo habayeho isiganwa rwa mbere rya Tour du Rwanda aho abasiganwa bazengurutse igihugu cyose, riza kwegukanwa na Celestin Ndengeyingoma. Tour du Rwanda yarakinwe kugera mu 1990, gusa kubera ibihe bigoye u Rwanda rwanyuzemo, kuva mu 1991 kugera 2000 ntabwo iri rushanwa ryabaye.

    Nsengiyumva Bernard niwe wegukanye Tour du Rwanda ya mbere nyuma ya Jenoside yakorewe Abatutsi mu 1994

    Mu 2001 ni bwo Tour du Rwanda yagarutse, yabaye yegukanwa na Nsengiyumva Bernard. Mu 2009 ni bwo Tour du Rwanda yaje kugirwa mpuzamahanga ndetse ijya mu cyiciro cya 2.2, kuva ubwo Tour du Rwanda ikaba yarabaye ikimenyabose ku Isi yose. 

    Reka turebe hamwe amwe mu mateka n’imibare ya Tour du Rwanda kuva ibaye mpuzamahanga mu 2009

    Tour du Rwanda imaze kwegukanwa n’abakinnyi 13 mu nshuro 15 imaze gukinwa, abo akaba ari: Jelloul Adil (2009), Teklehaimanot Daniel (2010), Reijnen Kiel (2011), LillDarren (2012), Girdlestone Dylan (2013), Ndayisenga Valens (2014,2016), Nsengimana Jean Bosco (2015), Areruya Joseph (2017), Mugisha Samuel (2018), Kudus Merhawi (2019), Testatsion Natnael (2020, 2022), Rodriguez Cristian (2021), na Mulubrhan Henok.

    Abakinnyi bamaze kwegukana uduce twinshi twa Tour du Rwanda

    Restrepo Jhanatan ukomoka muri Colombia ni we umaze kwegukana uduce twinshi twa Tour du Rwanda tugera kuri 6, akaba akurikirwa na Ndayisenga Valens Eyob Metkel na Nsengimana Jean Bosco. Aba bakinnyi bose ukuyemo Ndayisenga Valens, bazaba bari muri Tour du Rwanda y’uyu mwaka.

    Testatsion Natnael na Ndayisenga Valens nibo bakinnyi bafite Tour du Rwanda nyinshi (2) abandi bakaba bafite imwe.

    Abakinnyi 3 bamaze kugera kuri Podium inshuro nyinshi mu duce twa Tour du Rwanda, ni Restrepo Jhonathan (8) wabaye uwa mbere inshuro 6 aba uwa kabiri inshuro 2, ndetse aba uwa gatatu inshuro 1. 

    Eyob Metkel (12), yegukanye uduce 5, aba uwa kabiri inshuro 4 aba uwa gatatu inshuro 3. Ndayisenga Valens (10), yegukanye uduce 5, aba uwa kabiri inshuro 4 aba uwa gatatu inshuro 1.

    Restrepo niwe mukinnyi ufite uduce twinshi twa Tour du Rwanda tugera kuri 6

    Merhawi Kudus ukomoka muri Eritrea, niwe wegukanye agace ka Tour du Rwanda ari muto, akaba yari afite imyaka 18 n’iminsi 301, aha bikaba byari mu gace ka mbere ka Tour du Rwanda ya 2012, ubwo abakinnyi bavaga Kigali bajya Nyagatare. 

    Umunyarwanda uza hafi ni Ndayisenga Valens uza ku mwanya wa 5, kuko yabikoze mu 2013, afite imyaka 19, iminsi 322 mu gace ka kabiri ka Tour du Rwanda Rwamagana Musanze.

    SMET Guy niwe mukinnyi wegukanye agace ka Tour du Rwanda akuze, akaba yarabizikoze mu 2011, mu gace ka ka Gatanu Gitarama Butare, aho yari afite imyaka 39 n’iminsi 293. 

    Biziyaremye Joseph niwe mukinnyi w’umunyarwanda wegukanye agace ka Tour du Rwanda akuze aho yari afite imyaka 26 n’iminsi 325, mu 2014 mu gace ka gatanu kavaga Rubavu kajya i Nyanza.

    Agace ka Tour du Rwanda kakinwe gafite umuvuduko wo hejuru

    Agace ka gatatu ka Tour du ya 2010, niko kabayeho abakinnyi bihutaga aho abakinnyi bavuye i Byumba bajya i Kigali ku Ntera ya Kirometero 62.5, icyo gihe abakinnyi bakaba baragenderaga ku muvuduko wa Kirometero 53 ku isaha.

    Gakurikirwa n’agace ka 8 ka Tour du Rwanda ya 2012 ka Kigali Kigali, Kari gafite intera ya Kirometero 124, abakinnyi bakaba barasiganwaga ku muvuduko wa Kirometero 49.571 ku isaha.

    SMET Guy ukomoka mu Bubiligi, niwe wegukanye agace ka Tour du Rwanda akuze aho yabikoze mu 2011 afite imyaka 39

    Ndayisenga Valens niwe mukinnyi wambaye imyenda myinshi y’abakinnyi beza muri Tour du Rwanda (Most leader Jerseys in Tour du Rwanda) igera kuri 12, akaba arusha Nsengimana Jean Bosco ufite 10. Ndayisenga ibi yabikoze hagati ya 2014 na 2016 gusa.

    Nsengimana Jean Bosco niwe mukinnyi umaze gukina Tour du Rwanda inshuro nyinshi (13), ndetse zose akaba yarazisoje. Akurikirwa na Byukusenge Patrick umaze kubikora inshuro 10 nawe zose akaba yarazisoje.

    Mugisha Samuel niwe mukinnyi wegukanye Tour du Rwanda ari umwana (afite imyaka mike) akaba yarabikoze yegukana Tour du Rwanda ya 2018, ubwo yari afite imyaka 20 n’iminsi 250. Lill Darren niwe wegukanye Tour du Rwanda akuze aho yabikoze muri Tour du Rwanda ya 2012, afite imyaka 30 n’iminsi 97.

    Amateka agaragaza ko Ndayisenga Valens ariwe mukinnyi ufite ibingwi byinshi bya Tour du Rwanda bigendanye n’igihe yakinnye 

    U Rwanda na Eritrea ni byo bihugu bifite Tour du Rwanda nyinshi zigera kuri 5, ariko u Rwanda rukaza imbere kuko rwabaye urwa kabiri muri Tour du Rwanda inshuro nyinshi 4, Eritrea ikagira 3. Afurika y’Epfo ifite Tour du Rwanda 2, USA, Maroc na Espagne bakagira Tour du Rwanda 1.

    Eritrea niyo imaze kwegukana uduce twinshi twa Tour du Rwanda tungana na 27, u Rwanda 20, u Bufaransa 11, u Bubiligi, Namibia, Poland, Kazakhstan na Ukraine bikaba bifite inshuro imwe.

    U Bufaransa nicyo gihugu kimaze kugira abakinnyi benshi muri Tour du Rwanda, 72, u Rwanda 61, Afurika y’Epfo 53, Eritrea 42.

    Imijyi imaze kwakira/gusorezwamo na Tour du Rwanda inshuro nyinshi

    Umujyi wa Kigali umaze kwakira Tour du Rwanda inshuro 16 bivuze ko ari buri mwaka, Huye inshuro 15, Musanze inshuro 12, Rubavu 11, Rwamagana 9. Nyamagabe na Kibungo, zimaze kwakira Tour du Rwanda inshuro imwe gusa hose ikaba yarahageraga ihasorezwa.

    Agace kanini kabaye ka Tour du Rwanda ni agace ka gatatu ka Tour du Rwanda ya 2019, kavaga Huye kajya i Rubavu, ku ntera ya Kirometero 213, kagakurikirwa n’agace ka 4 ka Tour du Rwanda ya 2020, kavaga Rusizi kerekeza Rubavu. Agasozi ko kwa mutwe niko kamaze kuzamukwa inshuro nyinshi muri Tour du Rwanda, inshuro zigera ku 9 muri Tour du Rwanda 6. 

    Mugisha Samuel niwe mukinnyi wegukanye Tour du Rwanda ari muto, kuko mu 2018 abikora, yari afite imyaka 20 n’iminsi 250 

    Nsengimana Jean Bosco niwe mukinnyi umaze gukina Tour du Rwanda inshuro nyinshi kuko kuva mu 2012 atarasiba umunsi n’umwe, ndetse uyu mwaka niyitabira azaba ashyizeho agahigo gashobora kuzagorana kugakuraho 

    Tour du Rwanda ni isiganwa warebera ubuntu ariko ugataha unyuzwe 

    Abanyarwanda bakunda Tour du Rwanda kandi mu bice byose by’igihugu

    Source : https://inyarwanda.com/inkuru/139432/imibare-namateka-byagufasha-gusobanukirwa-tour-du-rwanda-139432.html

  • Guteza imbere ubuhanzi na Siporo- Imyanzuro y… – #rwanda #RwOT

    Kuva ku itariki ya 23 kugera ku ya 24 Mutarama 2024, i Kigali hateraniye Inama y'Igihugu y'Umushyikirano ya 19; yayobowe na Nyakubahwa Paul Kagame, Perezida wa Repubulika y'u Rwanda.

    Iyo nama yitabiriwe n'Abanyarwanda bahagarariye ibyiciro bitandukanye: Abayobozi, Abanyarwanda baba mu mahanga, abahagarariye ibihugu n'Imiryango Mpuzamahanga, abafatanyabikorwa mu iterambere hamwe n'abahagarariye ibitangazamakuru bitandukanye harimo ibyo mu karere u Rwanda ruherereyemo n'ibyo ku rwego mpuzamahanga.

    Mu ijambo ritangiza inama, Nyakubahwa Perezida wa Repubulika y'u Rwanda yagaragarije Abanyarwanda aho Igihugu kigeze cyiyubaka nyuma y'imyaka 30 u Rwanda ruvuye mu icuraburindi rya Jenoside yakorewe Abatutsi, yibutsa ko urugendo rwo kubaka Igihugu rukomeje ndetse anagaragaza uko Igihugu gihagaze.

    Yagaragaje ko Igihugu gihagaze neza mu nzego zose.

    Ibiganiro byatangiwe muri iyi Nama byibanze ku ngingo zikurikira: 

    1.Kugaragaza iby'ingenzi bimaze kugerwaho mu ishyirwa mu bikorwa rya Gahunda y'Igihugu yo Kwihutisha Iterambere (NST1).

    2. Guharanira kwigira mu bukungu: Ingamba n'ibisubizo bishingiye ku nkingi  zisanzwe z'ubukungu n'inkingi nshya.

    3. Urugendo rw'ubumwe n'ubudaheranwa by'Abanyarwanda.

    4. Uruhare rw'urubyiruko mu kugena ejo hazaza heza h'u Rwanda.

    Nyuma yo kungurana ibitekerezo kuri ibi biganiro, Guverinoma yagaragaje ko hafashwe imyanzuro ikurikira:

    UBUKUNGU:

    Kwihutisha ingamba zo kongera umusaruro w'ubuhinzi no kwihaza mu biribwa harimo:

    ” Kongera ingano y'ubutaka buhingwa, ubutabyazwa umusaruro bugahingwa;

    ” Kongera ibishanga bitunganyijwe hibandwa ku bice bitandukanyeb y'Igihugu;

    ” Kongera ingano y'ubuso bwuhirwa;

    ” Kunoza ibikorwa byo guhunika umusaruro.

    2. Gukomeza kwihutisha gahunda yo kubaka udukiriro mu Gihugu hose, cyane cyane aho tutaragera no kubyaza umusaruro utwamaze kubakwa.

    3. Gukomeza gukora imihanda y'imigenderano no gusana iyangiritse kugira yorohereze abahinzi n'aborozi kugeza umusaruro ku isoko.

    4. Gushyiraho ihuriro ry'Abanyarwanda baba hanze kugira ngo bashobore gushora imari mu Gihugu, kandi bagahabwa amakuru ku mahirwe y'akazi aboneka mu Gihugu.

    5. Gukomeza gukwirakwiza amazi mu bice by'icyaro no mu bindi bice Abaturarwanda bataragezwaho amazi meza.

    6. Kuvugurura gahunda ya BDF kugira ngo icyo Kigega kirusheho gufasha abafitei mishinga mito n'iciriritse kubona inguzanyo, hibandwa ku mishinga yerekeranye n'ubuhinzi n'ubworozi.

    IMIBEREHO MYIZA

    7. Gukomeza kunoza imikorere y'urwego rw'ubuvuzi, hongerwa umubare w'amavuriro aho bikenewe ndetse hongerwa umubare w'abakora muri urwo rwego ku ngeri zose, hanongerwa ibikorwaremezo n'ibikoresho by'ubuvuzi no gukemura imbogamizi izo ari zo zose zishobora kubuza ibigo by'ubuvuzi gutanga serivisi nziza.

    8. Gukomeza guteza imbere uburezi bw'imyuga hongerwa umubare w'amashuri yigisha imyuga no kuyashakira ibikoresho bigezweho kandi bikwiye.

    9. Gukomeza guteza imbere no gufasha urubyiruko rw'Abanyarwanda biga ubumenyi bw'imbonekarimwe (rare skills) no kubashishikariza gutaha mu gihe barangije amasomo kugira ngo bagire uruhare mu iterambere ry'Igihugu.

    10. Guteza imbere Urwego rwa siporo hibandwa ku: Gushyiraho uburyo bunoze bwo kuzamura impano z'urubyiruko rw'Abanyarwanda mu mikino itandukanye.

    IMIYOBORERE

    11. Gukomeza gushishikariza Abanyarwanda by'umwihariko urubyiruko kwimika umuco w'ubumwe n'ubudaheranwa, kubigisha amategeko yerekeye kurwanya ihakana n'ipfobya bya jenoside, guhangana n'uwo ariwe wese washaka guhembera ingengabitekerezo ya Jenoside, no gushyikiriza Ubutabera abagize uruhare muri Jenoside yakorewe Abatutsi mu mwaka wa 1994. 

    12. Kwihutisha kongera umubare wa serivisi zitangwa hakoreshejwe ikoranabuhanga ry’irembo.

    13. Kurushaho kwerekera no gufasha urubyiruko uburyo bwo kwiteza imbere, harimo:

    Kurumenyesha amahirwe yo kwihangira imirimo ari mu nzego zitandukanye no gukomeza kurwongerera ubumenyi;

    ” Guteza imbere ubuhanzi buteza imbere ababukora kandi bwubaka umuryango nyarwanda;

    ” Gushyiraho ibigo by'amahugurwa y'urubyiruko aho bikenewe. 

    Perezida Kagame yayoboye Inama y’igihugu y’Umushyikirano tariki 23-24 Mutarama 2024 muri Kigali Convention Center 


    Imyanzuro y’Inama y’igihugu y’Umushyikirano yasohotse kuri uyu wa Gatatu tariki 7 Gashyantare 2024

    Inama y’Igihugu y’Umushyikirano yafatiwemo imyanzuro irimo guteza imbere ubuhanzi na siporo

    Source : https://inyarwanda.com/inkuru/139443/guteza-imbere-ubuhanzi-na-siporo-imyanzuro-yinama-yigihugu-yumushyikirano-139443.html

  • Ubuzima bwa Perezida Andrzej Duda wa Poland w… – #rwanda #RwOT

    Guhera kuwa 06 Gashyantare 2024, Perezida Duda ari kubarizwa i Kigali aho yageze mu masaha y'umugoroba. Biteganijwe ko azasura Ingoro ya Bikilimariya iri i Kibeho ndetse n’Urwibutso rwa Jenoside yakorewe Abatutsi mu 1994 ruherereye ku Gisozi.

    Nk’uko Perezida Kagame yabigaragaje, igihugu cya Poland gikomeje kwakira abanyarwanda bifuza kujya kukigamo, bakaba banafite n'ibindi bikorwa birimo nk'ishuri ry'abafite ubumuga riherereye i Kibeho.

    InyaRwanda igiye kukugezaho mu buryo burambuye uko uyu mugabo w'imyaka 51 yaje kuvamo Perezida, ibikorwa yakoze n'ubuzima bwe busanzwe.

    Perezida Duda ubwo yageraga mu Rwanda yakiranywe urugwiro na Minisitiri w’Ububanyi n’Amahanga Dr Vincent Biruta na Ambaderi w’u Rwanda muri Poland Shyaka Anastase 

    Duda yavutse kuwa 16 Gicurasi 1972 muri Krakov kuri Janina na Jan Tadeusz Duda. Afite impamyabushobozi y'ikirenga mu mategeko yakuye muri Kaminuza ya AGH.

    Sekuru ari mu barwanyi bakomeye Poland yigeze kugira akaba yaranarwanye mu Ntambara ya Kabiri y'isi. Duda yabayeho umwarimu wa Kaminuza muri Poznan.

    Duda yinjiye muri politike mu buryo bwimbitse muri za 2000. Mu mirimo yakoze harimo no kuba yarabaye Umunyamabanga wa Leta muri Minisiteri y'Ubutabera.

    Kuva muri 2008 kugera muri 2010 ubwo Poland yayoborwaga na Perezida Lech Kaczynski, yabaye umwe mu bakozi b'imbere mu biro by'uyu mukuru w'igihugu.

    Muri 2011 yabaye umwe mu bagize Inteko Ishingamategeko. Muri 2013 ibinyamakuru byinshi byatangiye kumugarukaho bamubonamo umwuka wo hejuru wa politike.

    Muri 2014 yatorewe kuba umwe mu bagize Inteko Ishingamategeko y'Umuryango w'Abibumbye. Mu mwaka wa 2015 ni bwo yakubise atanzitse abarimo Perezida Bronislaw Komorowski ahita amusimbura.

    Mu mwaka wa 2020 yongeye gutorerwa manda ya Kabiri ari nayo kugeza ubu ayoboye. Imyaka 9 irashize kuva atangiye inshingano zo kuyobora igihugu cya Poland.

    Muri manda zose z'uyu mukuru w'igihugu yagiye agaragaza ubushake bwo kwakira abaturage baturutse mu bindi bihugu bifuza kujya muri Poland cyane mu bihugu bya Eritrea na Syria.

    Perezida Duda n’umufasha we bari mu Rwanda mu ruzinduko rw’iminsi 2

    Duda kandi kugeza ubu yamaze kugaragaza ko gushyira imbaraga mu mikoranire k'Ubumwe bw'Uburayi na Leta Zunze America ari ingenzi.

    Umutekano w'ibikomoka kuri peteroli no gukomeza gufasha Ukraine, Moldova n'Uburengerazuba bwa Balkan ni ibintu by'ingenzi k'Uburayi mu mboni za Perezida Duda.

    Muri 2018 amabwiriza ye yazamuye agatotsi hagati ya Poland na Israel by'umwihariko Minisitiri w'Intebe Benjamin Netanyahu agaragaza Duda nk’uhakana Jenoside yakorewe Abayahudi.

    Nyuma ariko ibi byaje gusa nk’ibibonerwa umurongo no muri 2022 umugore wa Duda yitabiriye ishyingurwa rya Edward Mosberg uri mu barokotse Jenoside yakorewe Abayahudi.

    Duda azwiho kuba umwe mu bagabo bavuga rikijyana ku isi batemeranya n’iby'uko hari abantu babana bahuje ibitsina. 

    Kuva yaba Perezida wa Poland amaze guhura n'abandi bakuru b'ibihugu batandukanye.

    Muri Gicurasi 2023 yashyize umuko ku masezerano yo gutangira gukora iperereza ku bikorwa by'u Burusiya muri Poland bikaba byitezwe ko raporo ya mbere izajya hanze mbere yuko haba amatora.

    Duda yashyingiranwe na Agata Kornhauser-Duda umwarimu w'umudage wigishaga muri Krakow, bakaba barahuye ubwo bigaga mu mashuri yisumbuye.

    Kuwa 21 Ukuboza 1994 ni bwo aba bombi basezeranye kubana, ubu bafitanye umwana umwe w'umukobwa Kinga wavutse mu 1995.

    Perezida Kagame yakiriye Perezida Duda bagiranye ibiganiro byihariye banaganira n’itangazamakuru

    Source : https://inyarwanda.com/inkuru/139442/ubuzima-bwa-perezida-andrzej-duda-wa-poland-wakiriwe-na-perezida-kagame-i-kigali-139442.html

  • Banyarwanda bagenzi banjye ninde uzabigisha kureba ibibareba? , amagambo ya Rwatubyaye Abdul asubiza abavuze ko yataye akazi muri Rayon sports. – YEGOB #rwanda #RwOT

    Nyuma y'amafoto myugariro wa Rayon sports akaba na kapiteni wayo Rwatubyaye Abdul yashyize hanze ari mu mwitozo mw'ikipe shya itari Rayon sports yitwa Shkupi FC yari yaravuyemo yerekeza muri Rayon sports muri Kanama 2022.

     

    Nyuma yibi habajijwe umunyamabanga wa Rayon sports atangaza ko kapiteni wa Rayon sports Rwatubyaye Abdul yagiye mwigeragenzwa batabizi ntaruhushya rw'ikipe afite ngo bo bari Bazi ko ari mu karuhuko k'imvune yagize .

     

    Rwatubyaye Abdul yagize icyo atangaza abwira abanyarwanda ko bakwiye kwiga kureba ibibareba abinyujije kurukuta rwe rwa Snapchat.

     

    yagize Ati 'Banyarwanda bagenzi banjye, mu by'ukuri hari umuntu ukwiye kuza abagisha mwese kureba ibibareba ni mu gihe mumeze nk'abashishikajwe no kumenya iby'abandi.'

     

    Source : https://yegob.rw/banyarwanda-bagenzi-banjye-ninde-uzabigisha-kureba-ibibareba-amagambo-ya-rwatubyaye-abdul-asubiza-abavuze-ko-yataye-akazi-muri-rayon-sports/

  • Urukundo rw'ibanga rwatumye yiyambura ikamba ry'ubwiza-Miss Japan ashyira #rwanda #RwOT

    Umukobwa wavukiye muri Ukraine uheruka gutsinda irushanwa ry'Ubwiza-Miss Japan yeguye kuri uwo mwanya areka ikamba rye nyuma y'inkuru yatangajwe ivuga ko afitanye urukundo rw'ibanga n'umugabo wubatse. Yitwa Karolina Shiino, w'imyaka 26, yagizwe Miss Japan mu byumweru bibiri bishize ariko intsinzi ye yateje impaka kubera inkomoko ye.

    Mu gihe bamwe bishimiye intsinzi y'uyu wahawe ubwenegihugu, abandi bavuze ko Karolina atari ishusho y'ubwiza gakondo mu Buyapani. Muri izo mpaka, ikinyamakuru cyaho cyatangaje inkuru ndende ivuga urukundo rwe rw'ibanga.

    Iyo nkuru y'ikinyamakuru Shukan Bunshun ivuga ko Karolina Shiino yagiye mu rukundo n'umugabo wubatse w'umuganga akaba n'umuntu uvuga rikumvwa ku mbuga nkoranyambaga.

    Uyu mugabo ntacyo arasubiza kuri ibi mu buryo buzwi. Mu gusubiza kuri iyi nkuru mu cyumweru gishize, abategura ririya rushanwa ry'ubwiza barengeye Karolina, bavuga ko atari azi ko uwo mugabo asanzwe yarashakanye n'undi mugore.

    Gusa kuwa mbere, abategura ririya rushanwa bavuze ko Karolina yemeye ko yari azi iby'urushako rw'uriya mugabo n'umuryango we.

    Miss Japan Association yavuze ko Karolina yasabye imbabazi ku kubayobya kandi ko bemeye kwegura kwe ku mwanya yatsindiye.

    Karolina yasabye imbabazi kandi abakunzi be na rubanda muri rusange mu itangazo yasohoye kuwa mbere, aho yavuze ko mbere yari yasubije kuri iyo nkuru mu bwoba n'igihunga arimo kwirengera. Yagize ati: 'Ndasaba rwose imbabazi ku kaga gakomeye nateje no kugambanira abanshyigikiye'.

    Ikamba rya Miss Japan nkuko BBC dukesha iyi nkuru ibivuga, ubu riraba aho nta nyiraryo rifite kugeza uyu mwaka urangiye, nubwo hari benshi bari baje inyuma ye.

    Karolina Shiino yegukanye iri kamba tariki 22 Mutarama(1), aba umukobwa wa mbere w'i Burayi uryegukanye. Yavukiye muri Ukraine mbere yo kwimukana na nyina bakajya kuba mu Buyapani ubwo yari afite imyaka itanu, maze agafata izina ry'Ikiyapani ry'umugabo wa nyina.

    Karolina yakandika kandi akavuga neza Ikiyapani, yahawe ubwenegihugu mu 2022. Amaze gutsindira ririya kamba mu ijambo rye yagize ati:' Inshuro nyinshi sinemewe nk'Umuyapani, ariko nuzuye ishimwe ko nemewe nk'Umuyapani uyu munsi'.

    intyoza

    Source : https://www.intyoza.com/2024/02/07/urukundo-rwibanga-rwatumye-yiyambura-ikamba-ryubwiza-miss-japan-ashyira/

  • Prosper Nkomezi agiye gukora igitaramo azamur… – #rwanda #RwOT

    Uyu muhanzi wamamaye mu ndirimbo zirimo nka 'Nzayivuga', 'Singitinya' n'izindi, yavuze ko yatangiye imyiteguro yo gutaramira abakunzi tariki 12 Gicurasi 2024, kandi ni igitaramo azahuriramo n'abandi bahanzi bazwi mu muziki w'indirimbo ziha ikuzo Imana.

    Ni igitaramo agiye gukora nyuma y'imyaka ine ishize adataramira abafana be n'abakunzi b'umuziki mu gitaramo cye bwite; kuko ibitaramo yagiye agaragaramo ari iby'abandi banyamuziki yabaga yatumiwemo.

    Prosper Nkomezi avuga ko mu minsi iri imbere ari bwo azatangaza aho iki gitaramo kizabera. Yabwiye InyaRwanda ko yateguye iki gitaramo mu rwego rwo kumurika Album ze ebyiri, no kongera gutaramira abakunzi b'ibihangano bye.

    Ati 'Ni igitaramo nteguriye abakunzi banjye nyuma y'imyaka ine tudataramana. Ni igitaramo nzamurikiramo Album ebyiri 'Nzakingura' ndetse na 'Nyigisha'.

    Uyu muhanzi avuga ko mu gihe ari kwitegura iki gitaramo cye tariki 12 Gicurasi 2024, ari no gukora ku ndirimbo zuzuza Album ye yise 'Nyigisha' kuko hari izitararangira.

    Iki gitaramo yagombaga kugikora mu mpera z'umwaka ushize, bihurirana n'ibindi bitaramo yakoreye muri Uganda n'ahandi, bituma atabasha gukora iki gitaramo cye nk'uko abivuga.

     Asobanura ko umwaka wa 2023, yawukozemo ibikorwa byinshi byazamuye ibendera ry'umuziki we, kandi bimufasha no gutegura Album ze ebyiri.

    Ati '2023 n'umwaka nakozemo ibitaramo byinshi ahantu hatandukanye, ari nako ntegura album zanjye ebyiri ngiye kumurika muri iki gitaramo. Navuga ko ari umwaka wambereye udasanzwe mu rugendo rwanjye rw'umuziki binatuma ngiye gukora iki gitaramo.'

    Prosper Nkomezi afite album ziriho indirimbo ziryoshye. Kandi kuva akiri muto yagaragaje inyota yo gukorera Imana binyuze mu ndirimbo ziyihimbaza.

    Yigeze kuvuga ko gukunda umuziki no kuwitangira, ari bimwe mu bimenyetso byamwerekaga ko igihe kizagera agahimbaza Imana.

    Uyu musore wavutse mu 1995, avuga ko yigeze kumena ijerekani ashyiramo Radio kugirango ajye abasha kumva neza umuziki udunda. Ngo byari ibimenyetso by'urukundo rw'umuziki rwashibutse muri we.

    Nkomezi yakuriye mu muryango w'Abakristo, kandi igihe kinini cy'ubuto bwe yakimaze yiga gucuranga Piano.

    Yaririmbye muri Korali yo muri ADEPR mbere y'uko yerekeza muri Zion Temple. Avuga ko umwaka wa 2014, udasanzwe mu buzima bwe, kuko ari bwo Nyirarume yamwemereye kumufasha agatangira umuziki nk'umuhanzi wigenga.

    Nkomezi yigeze kubwira TNT ati 'Nari mfite Marume wacurangaga Piano. Yangiriye inama yo gutangira umuziki nk'umuhanzi. Yambonye ndirimba, aranshima, iyo n'iyo yabaye intangiriro y'umuziki wanjye.'

    Mu 2017, nibwo Nkomezi yasohoye indirimbo ye ya mbere yise 'Sinzahwema'. Yarakunzwe bimutera imbaraga zo kurushaho mu rugendo rw'umuziki we.

    Nkomezi yigeze kuvuga ko hari igihe cyageze indirimbo ze zikaririmbwa mu rusengero n'ahandi nawe ahari, ariko abantu ntibamenye ko ari ize.

    Mu 2022, uyu muhanzi yaririmbye mu gitaramo cya Vestine na Dorcas. Mu 2023,  yaririmbye mu bitaramo birimo icya Alex Dusabe, icyo yakoreye muri Kaminuza Nkuru y'u Rwanda ishami rya Huye n'ahandi.

    Prosper Nkomezi yatangaje ko tariki 12 Gicurasi 2024 azakora igitaramo yise 'Nzakingura Live Concert' cyo kumurika album ze ebyiri

    Nkomezi yavuze ko iki gitaramo yagiteguye mu buryo bwihariye, kuko amaze imyaka ine adataramira abakunzi be 

    Nkomezi yavuze ko mu minsi iri imbere azatangaza aho azakorera iki gitaramo 


    Nkomezi yavuze ko umwaka wa 2023 wamubereye mwiza mu rugendo rw’umuziki we, kuko yataramiye mu bihugu bitandukanye

    KANDA HANO UREBE AMASHUSHO Y'INDIRIMBO 'NYIGISHA' YA PROSPER NKOMEZI

     “>

    KANDA HANO UREBE AMASHUSHO Y'INDIRIMBO 'NZAYIVUGA' YA PROSPER NKOMEZI

    “>    

    Source : https://inyarwanda.com/inkuru/139428/prosper-nkomezi-agiye-gukora-igitaramo-azamurikiramo-album-ebyiri-139428.html

  • Nta birenze 1M c’est quoi? – Tonzi ku biciro… – #rwanda #RwOT

    Tariki 01/01/2024 ni bwo Tonzi yashyize hanze iyi Album ye nshya, aca agahigo ko kuba umuhanzi nyarwanda wabimburiye abandi gushyira hanze Album mu 2024. Yayise “Respect” bivuye mu ijambo Imana yivugiye muri Yesaya 42:8 ko ntawe basangiye icyubahiro.

    Tonzi ati: “Ni byo koko nasanze mu buzima Imana irihariye, ibyo ikora birihariye, ni Imana ikwiriye kubahwa mbibona mu buzima bwanjye bwa buri munsi uburyo Imana inyitaho, indinda by’umwihariko uburyo umuntu wese uriho, ari uyemera ari utayemera ariho kuko yaremwe n’Imana”.

    Yunzemo ati “Rero Umuremyi wanjye akwiriye Icyubahiro noneho yaturemeye kudukunda kandi Imana ngo itura mu mashimwe. Aho rero ni ho nahisemo guhora mbwira Imana yanjye ko ikwiriye #Respect (Icyubahiro), irihariye mu byo ikora. Ndi umuhamya”.

    Nta gutinda, kuwa Kane tariki 4 Mutarama 2024, Tonzi yahurije hamwe abanyamakuru barenga 50, abasogongeza kuri Album ye “Respect” igizwe n’indirimbo 15. Yanatangaje ko ari gutegura igitaramo cyo kuyimurika kizaba ku wa 31 Werurwe 2024.

    Tonzi uherutse gutorerwa kuba Visi Perezida w’Inama y’Igihugu y’Abahanzi, azwiho kuticisha irungu abakunzi be dore ko buri kwezi ashyira hanze indirimbo nshya. Mu nshingano nyinshi agira azirikana n’abakunzi be. N’Ikimenyimenyi, Album ye “Respect” yayikoze ubwo yari atwite, akimara kubyara ahita asohora indirimbo nshya.

    “Respct” ni murumuna wa Album 8 Tonzi amaze gushyira hanze. Imfura muri zo ni “Humura” yitiriye indirimbo ye yamufunguriye umuryango w’ubwamamare. Album ze zose ni: Humura, Wambereye Imana, Wastahili, Izina, I am a Victor, Amatsiko, Akira, Amakuru na Respect yanditse amateka avuguruye mu muziki wo kuramya no guhimbaza Imana.

    “Respect” ya Tonzi ni Album iriho indirimbo 15 ari zo: “Respect”, “Nshobozwa” Ft Gerald M; “Merci”, “Warabikoze”, “Umbeshejeho”, “Uwirata”, “Nimeonja”, “Ndashima” ft Muyango, “Niyo”, “Ubwami”, “Ndakwizera”, “Nahisemo”, “Wageze” na “Kora” yakoranye n’bahanzi 15.

    Abo bahanzi bumvikana kuri “Kora” ni Tonzi, Dj Spin, Josh Ishimwe, Alfred Kwizera, Sano Olivier, See Muzik, Brian Blessed, Favour, Aguilaaa, Gilbert Heaven, Yves Bisengimana, Eddie Mico, Linda Kamikazi, Manzi Olivier, Rachel Rwibasira na Grace de Jesus.

    Kuri ubu Tonzi ageze kure imyiteguro y’igitaramo cyo kumurika iyi album ye nshya. Avuga ko mu minsi ya vuba azatangaza andi makuru mashya ku gitaramo cye. Birashoboka ko azaterwa inkunga n’abarimo MTN Rwanda na cyane ko hari amakuru ko yakomanze kuri iki kigo cya mbere mu Rwanda mu itumanaho ndetse ni hamwe mu ho ari kugurishiriza Album ye.

    Tonzi yaciye agahigo mu muziki wo kuramya no guhimbaza Imana

    Gutunga Album ya VIP ya Tonzi ni ukwishyura 10,000 Frw, ukayibona utiriwe uva aho uri kuko iboneka mu buryo bw’ikoranabuhanga rya MTN Pay: *182*8*1*687603# [Alsavort] ugashyiramo umubare w’amafaranga anganga n’ibihumbi icumi y’amanyarwanda.

    Ibyo gusa ntibihagije ngo wemererwe gutunga iyi Album y’umunyabigwi Tonzi, ahubwo hashyizweho na nimero ya Whatsapp wandikiraho ubutumwa bugufi ariyo: 0791687603 ugahabwa ubutumwa burimo Code na Link ikwemerera gutunga Album “Respect’.

    Tonzi yanazirikanye abakunzi be bo mu cyiciro cya VVIP “kuko abakunzi banjye ni ab’igiciro cyane” kandi “basobanukiwe neza gushyigikira ivugabutumwa cyane ko gospel ari ubutumwa budufasha twese mu rugendo gukomeza kuramya Imana binyuze mu ndirimbo”.

    Ni muri urwo rwego mu biciro bya Album ye harimo na Miliyoni imwe y’amanyarwanda. Kopi yise Silver iri kugura 100,000 Frw, kopi ya Gold ikagura 500,000 Frw naho kopi ya Platinum ikagura Miliyoni 1 Frw. Kuyigura bikorerwa kuri Konti: 6823207064 iri muri Ecobank. Niwe muramyi wa mbere mu Rwanda ufite Album wavuga ko ihenze cyane.

    Tonzi yemeje ko ibi biciro ari ukuri. Ati “Ku biciro byo kugura ‘Respect Album ni byo mwabonye kandi biri clear. Nabishyize mu byiciro 2 hari icyiciro cya VIP kugura Album guhera ku bihumbi 10.000 Frw kuko abakunzi banjye ni ab’igiciro cyane”.

    Yongeyeho ko basangiye kuzamura icyubahiro cy’Imana akaba ari yo mpamvu nta kopi afite yo mu cyiciro giciriritse kuko zose ari iz’abanyacyubahiro. Ati “Hakaba n’ikindi cyiciro cya VVIP kugura Album mu buryo bwa Silver 100.000 Frw, Gold: 500000 Frw na Platinum 1M+ Frw”.

    Mu kiganiro na inyaRwanda, Tonzi umaze imyaka irenga 20 mu muziki, yavuze ko uko Mwuka Wera azahishurira abakunzi be ni ko bazajya bamushyigikira mu kugura Album ye bityo nawe abashe gukomeza kwamamaza inkuru nziza binyuze mu kuririmbira Imana.

    Yavuze ko kugena ibi biciro ni ibisanzwe buri wese bitewe n’aho yibona “kuko nagerageje gushyira mu byiciro byose kuko ngira umuryango mugari w’abana b’Imana basobanukiwe neza gushyigikira ivugabutumwa cyane ko Gospel ari ubutumwa budufasha twese mu rugendo gukomeza kuramya Imana binyuze mu ndirimbo”.

    Yashimiye abamaze kugura Album ye kandi “njyenda mbona n’ubutumwa bw’abambwira ko bazagigura vuba”. Yasubije abashobora kwibaza impamvu mu biciro bya Album ye harimo na Miliyoni 1 Frw, ibintu bimugira umuramyi wa mbere ubikoze mu Rwanda. Ati “Rero nta birenze 1M c’est qoui? [Miliyoni ni iki?] Ugura Album yuzuyeho icyubahiro cy’Imana!!!!”.

    Ati “Ubu buryo bwo kugura Respect Album ni uburyo bwiza kandi bworoshye aho waba uri hose ku isi waguramo Album ikakugeraho mu buryo bworoshye. Turi mu gihe ‘Digital’ iyoboye aho uri hose ufite interineti yawe Album ikugeraho. Ndetse no mu gihe cya Cashless uba ufite amafaranga kuri fone ugakoresha Momo pay Album ikakugeraho”.

    Kuba Album ye iri kugura Miliyoni ntibitangaje na cyane ko n’indirimbo akora ziba zirimo ifaranga nubwo atajya abitangaza. Amateka avuga kandi ko Tonzi ari we muramyi wa mbere mu Rwanda wakoze bwa mbere igitaramo gihenze. Hari mu 1993 muri St Andre aho kwinjira byari 50 Frw ndetse na 100 Frw muri VIP. Icyo gihe yigaga muri APAPE.

    Tonzi aherutse gushyirwa ku mwanya wa kabiri mu bahanzi ba Gospel bakize cyane mu Rwanda

    Kuwa 31 Werurwe 2024 ni bwo Tonzi azamurika Album ye ya cyenda

    Nubwo bizwi ko akunda cyane ibara ry’umuhondo aherutse kuvuga atazahora mu ibara rimwe nk’ikigori akaba ari nayo mpamvu asigaye ayahinduranya

    Tonzi yorohereje abakunzi be ku gutunga Album ye ya cyenda

    Album nshya Tonzi yise “Respect” igizwe n’indirimbo 15 

    Aba Producers b’amazina aremereye nibo barambitse ibiganza kuri ‘Respect’ ya Tonzi

    Tonzi yaciye agahigo mu muziki wa Gospel ku biciro bya Album 

    REBA INDIRIMBO “WARABIKOZE” YA TONZI IRI KURI “RESPECT” IRI KUGURA MILIYONI

    Source : https://inyarwanda.com/inkuru/139424/nta-birenze-1m-cest-quoi-tonzi-yavuze-ku-biciro-birimo-na-miliyoni-bya-album-ye-yaciye-aga-139424.html

  • Mu mvugo zikakaye abafana ba APR FC bariye karungu nyuma y’uko irekuye Salomon Banga Bindjeme #rwanda #RwOT

    Ntabwo abakunzi ba APR FC bakiriye neza kuba iyi kipe yatandukanye na myugariro w’umunya-Cameroun, Salomon Bienvenue Banga Bindjeme Charles II wamaze kwerekeza muri Iraq.

    Ku gicamunsi cy’ejo hashize ku wa Kabiri ni bwo Banga Bindjeme yatangajwe mu ikipe ya Al Shorta SC nka myugariro wa yo mushya avuye muri APR FC.

    Bindjeme wari wasinyiye APR FC imyaka 2 muri Nyakanga 2023, bivugwa ko atigeze yakira kuba umusimbura kuko abakina batamurusha.

    Ibi byamuhatirije ku kuba yasaba APR FC gutandukana na yo ariko iyi kipe imubwira ko bidashoboka kuko akiri mu mibare ya bo.

    Banga yababwiye ko atari umukinnyi wo kwicara umwaka wose adakina kandi abakina batamurusha byongeye kandi ko ahembwa amafaranga menshi bityo bamureka bakayakoresha ibindi.

    APR FC yanze kumurekura undi na we ashaka uburyo bwo kugenda ahita yishyura amafaranga ari mu masezerano ye (buyout clause) ko ikipe imwifuza izashyura angana n’ibihumbi 50 by’amadorali.

    Mu butumwa APR FC yanyujije ku rukuta rwa Twitter yifuriza uyu mukinnyi kuzahirwa aho agiye, abakunzi b’iyi bagaragajemo uburakari bukomeye bavuga ko batagakwiye kumurekura ngo agende ahubwo hari kugenda abatoza.

    Farewell and best wishes to Salomon Banga Bindjeme as he embarks on his new journey with Al-Shorta SC in Iraq. Thank you for your contributions to APR FC, and may your time with your new club be filled with success and fulfillment on the field🤍🖤🤍 pic.twitter.com/SdZOSKUnEx

    — APR F.C. Official (@aprfcofficial) February 6, 2024

    Can the coach explain to us why he didn’t like this defender yet we were all seeing the way he was good. Mutubwire.

    — Olivier Bugingo (@Bugi8581) February 6, 2024

    Ubundi @froger ntakataraza azakazana 😭 I will never miss Froger .@binjeme twamukundaga ark umutoza akamwanga .niyigendere ntakundi ark Bonne chance in your new Team Our lovely defender

    — Niyongira Jean Damascene (@NiyongiraJeanD4) February 6, 2024

    Turababaye
    Turababaye
    Turababaye
    Turababaye
    Turababaye
    Turababaye
    Turababaye
    Uyu Froger wa mugani wagira ngo ari kuri gahunda ya ya kipe yindi ntavuze. Gutanga Binjeme? Nuko murakoze nta kindi

    — 5 Missed Calls (@5_calls) February 6, 2024

    Forugero Injari yiwe irabonetse Njye sinibaza ukuntu umuntumwe numbwabifitiye uburenganzira ariwe ubonako umuntu adashoboye abandi bose nabona ubushobozi bwe Banga yajyagamo yabarikumwe na clement ukagira ikizera wakora associated yiwe na Yunussu bikaba bye forugero wapi nicyondi

    — DMS foromu Nyaruguru (@donathus41) February 6, 2024

    Cyakoze umutoza Thierry arakidukoze tuuuu
    Ntabuze byose atumye tubura umukinnyi mwiza mubwugarizi mukarere
    Iyo aza guhabwa umwanya yarikuzava muRwanda arikuyindi level
    Congz @salomonbangbinjemen

    — Intare🦁Batinya (@IntarebatinyaNO) February 6, 2024

    Ntabwo twishimiye Kuba mutanze umukinnyi nkuyu Uzi umupira rwose ark byose ni Froger utamukunda ,azamukenera Atari bumubone .

    — Niyongira Jean Damascene (@NiyongiraJeanD4) February 6, 2024

    Niyigendere arko agahinda ke ntikazatuva mu mitima gsa mwari kutumenyesha tukaba twaramusezeyeho turi I musanze tukanamuherekeza kuko yaduhaye ibye byose mugihe yajyaga mukibuga arko ntakundi amahirwe masa Aho agiye.

    — Nkurunziza Ildephonse (@Nkurunziza52107) February 6, 2024

    APR, APR, APR why always you?😢 APR, APR, APR, APR why always you?😢

    Better, Frodger yakabaye ariwe wagiye n ubundi ntacyiza narinamubonamo, ase ubwo mwambwira ngo APR iri kwiyubaka next year izaba ikomeye?
    N ubundi umutoza uzaza azehera kuri zero, I will never Miss you Frodger

    — Theophile Ndayizeye (@TheosNdayizeye) February 6, 2024

    Ubwo Froger aracyamariki aho ?? Niba murekeye Binjeme na Froger nimumwirukane 😠😠😠😠

    — Enock @7 (@nsanzenock) February 6, 2024

    Murakoze kuduhemukira gusa.

    — Rubanda ntibanyurwa (@Mwarimumwiza1) February 6, 2024

    Yegoko Froger weeeee uradukoze nugende pe. Ntegereje ko iyi season irangira yakomeza gutoza ubwo nkareba ibyanjye nanjye iptuuuuu

    — Unknown man (@Unknown48430673) February 6, 2024

    @aprfcofficial muratubabaje bayobozi twemera.😢😢 koko,aho mwamurwanyeho ngo akinjiremo muramusohoye,niba mwari mukeneye cash abakunzi ba #nyamukandagira turahari twari gukanda akanyenyeri nk’abariya baturanyi ariko akahaguma.
    Twari kumwubakiraho defence nibura 2 ans,#Froger koko

    — Modeste (@ModesteNsa81753) February 6, 2024

    Ni uko nyine! Ubwo reka tugume kuri Froger na Yunussu hhhhh

    — Emmanuel Ntirushwa (@EmmanuelNtirus5) February 7, 2024

    Icyakora muratubabaza ntako mutagira.
    Uriyamu defender muratinyutse muramurekura kweli?
    Umukinnyi mwiza nk’uriya kiko?
    Ubwose murashaka iki kindi??
    Guhatana mushaka turakubonerahe?
    Icyakora Thierry Froger azahite amukurikira niwe byose ubiri inyuma.
    Bityo natwe ntiduteze kumukund

    — Bobo w’IRwanda (@hakizimanabovi1) February 6, 2024

    Uyu sumukinnyi wogutakaza muratubabaje nk,abakunzi ba APR FC uyuniwe mukinnyi wa1 murwanda twari dufite

    — Mutabazi Gaspard (@MutabaziGa51166) February 6, 2024

    Umupira wacu warapfapfanye neza Neza, Defender wambere mugihugu aragiye🙆 ejo Haze uvuye muri z marine ngo ikipe irashaka amatsinda🥴 turababaye

    — Mr Jack7️⃣ (@jacques_nyandwi) February 6, 2024

    Ntabwo abakunzi ba APR FC bishimiye igenda rya Banga Bindjeme

    Source : http://isimbi.rw/siporo/article/mu-mvugo-zikakaye-abafana-ba-apr-fc-bariye-karungu-nyuma-y-uko-irekuye-salomon-banga-bindjeme

  • Umuherwe yikuye miliyoni 10 aziha ikipe y’igihugu ya Nigeria – YEGOB #rwanda #RwOT

    Nyuma yuko Ikipe y'igihugu ya Nigeria itsinze Angola ikagera muri 1/2 umuherwe Aliko Dangote ,Leta ya Bayelsa ndetse Zenith Bank bahaye abakinnyi bose amafaranga nkishimwe ryuko bitwaye neza .

     

    Ikinyamakuru ScoreNigeria cyatangaje ko umuherwe Dangote Aliko yatanze Miliyoni 100 zama naira akayaha Ikipe ya Nigeria yose ngo iyagabane.

     

    Leta ya Bayelsa bivungwa ko yamaze gutanga Miliyoni 40,00$ iya Ikipe y'igihugu ya Nigeria.

     

    Zenith Bank yo yatangaje ko yatanze Miliyoni 40 zama naira. Aba bakinnyi Kandi babwiwe ko nibatsinda umukino bafitanye na South Africa bazahabwa andi mafaranga menshi.

    Source : https://yegob.rw/umuherwe-yikuye-miliyoni-10-aziha-ikipe-yigihugu-ya-nigeria/