Blog

Umusifuzi mpuzamahanaga w’Umunyarwanda, Uwikunda Samuel yahawe kuzasifura umukino wa Champions League wa Pyramids FC na Nouadhibou FC.

Ni umukino wo mu itsinda A rya CAF Champions League uzahuza Pyramids FC na Nouadhibou FC yo muri Mauritania ku wa Gatandatu tariki ya 2 Werurwe 2024.

Uyu mukino ukaba uzabera mu Misiri ku kibuga cya ’30 June Stadium’ cyubatse mu Mujyi wa Cairo, yubakwa n’igisirikare cya Misiri ishami rirwanira mu kirere, ifite ubushobozi bwo kwakira ibihumbi 30.

Uyu mukino rero ukaba uzasifurwa n’umusifuzi mpuzamahanga w’umunyarwanda, Uwikunda Samuel waherukaga gusifura umukino w’itsinda D rya CAF Champions League wo Belouizidad na Al Ahly banganyije 0-0 tariki ya 16 Gashyantare 2024.

Pyramids FC ubu iri ku mwanya wa nyuma wa 4 n’amanota 4 inganya na Nouadhibou FC ya 3, Mamelodi Sundowns ni yo ya mbere n’amanota 10 inganya na TP Mazembe ya kabiri.

Nk’uko hari abantu babaye imbata y’ibiyobyabwenge cyangwe se izindi ngeso mbi zigira ingaruka ku buzima harimo kuba imbata y’ibinyobwa, imbata y’ibiyobyabwenge (Drug Addiction) n’ibindi, no kuba imbata y’ubusambanyi nabyo bimaze kuba indwara yugarije benshi byumwihariko igitsinagore.

Hari abayirwara bakabigira ibinga rikomeye, mu gihe hari abayirwara ntibanabimenyeko bayirwaye kuko bibwira ko gukunda cyane imibonano mpuzabitsina ari ibisanzwe cyangwa bakibwira ko ari uko imibiri yabo ikora neza kurusha iya bandi. Nyamara ngo 69% y’abantu bakunda imibonano ni uburwayi.

Ikinyamakuru Hollywood Reporter cyashyize hanze urutonde rw’ibyamamarekazi 10 byiyemereye ko bikunda cyane imibonano mpuzabitsina kugeza aho byabaye imbata yabyo ndetse hari nabajyanywe kwitabwaho n’inzobere zibafasha gutandukana n’iki kibazo:

1. Angelina Jolie

Ku ikubitiro ry’ibyamamarekazi byabaye imbata y’ubusambanyi, hari icyamamarekazi muri Sinema, Angelina Jolie wanahishuye ko iki kibazo cyamusenyeye. Mu 2017 uyu mugore uri mubakomeye i Hollywood yatangaje ko akunda imibonano mpuzabitsina ku kigero gikabije kuburyo biri mu byatumye atadukana n’umugabo we wa kabiri Billy Bob Thornton kuko atari akibasha kumunyura mu buriri bikabaviramo guhora muntonganya ndetse anemera ko yamucaga inyuma akigira mu bandi bagabo. Iki gihe abitangaza, Jolie yavuze ko agitandukana n’uyu mugabo mbere yo kubana na Brad Pitt yitabaje abaganga ngo bamufashe.

2. Britney Spears

Umuhanzikazi w’icyamamare Britney Spears wigeze kwifatira mu biganza bye injyana ya Pop mu myaka ya kera, nawe yaje kwisanga gukunda gutera akabariro bivuyemo ingeso yabyaye indwara. Uyu ariko siwe wafashe iya mbere ngo atangaze ku mugaragaro ko yabaye imbata y’ubusambanyi ahubwo umugabo we wa kabiri witwa Kevin Ferderline babafitanye abana babiri niwe wabivuze bwa mbere mu 2015. Yabwiye TMZ ko rwose Britney yamusabaga gukora imibonano buri kanya kandi bihoraho kuburyo nawe avuga ko byagezeho bikamubangamira. Agitangaza ibi, Britney Spears yahise avuga ko rwose asanzwe abana n’uburwayi bwo gukunda imibonano cyane.

3. Jada Pinkett Smith

Kabuhariwe mu gukina filime akaba n’umuhanzikazi, Jada Pinkett Smith umugore w’icyamamare Will Smith, azwiho kuba atajya agira ibanga ubuzima bwe dore ko anakunze kwinubirwa kubera gutangaza byinshi ku rugo rwe na Will Smith. Mu gitabo Jada aherutse gusohora yise ‘Worthy’ kivuga ku buzima bwe, yanditsemo ko kuva akiri inkumi yikundiraga cyane gukora imibonano gusa ngo byiyongereye amaze kubana na Will Smith. Muri iki gitabo avuga ko kubera ko yarasigaye ahoza Will ku nkeke y”iki gikorwa byabaye ngombwa ko amugurira ibikoresho byo mu buriri bizwi nka ‘Sex Toys’ kugirango bijye bimufasha kwimara ipfa igihe Will Smith adahari.

4. Lindsay Lohan

Umwe mu bakinnyi ba filime bakanyujijeho i Hollywood, Lindsay Lohan, wanigeze no kuba imbata y’ibiyobyabwenge dore ko yahoraga muri ‘Rehab’, yaje no kuba imbata y’ubusambanyi nk’uko yabyitangarije. Mu 2018 Lohan yavuze ko amaze igihe afite iki kibazo kandi ko yatangiye kukigira cyane mu 2010 ubwo yafungwaga akamara umwaka n’igice muri gereza aho byanatumye aryamana n’abagore bagenzi be bari bafunganywe.

5. Paris Hilton

Umunyamideli Paris Hilton umukobwa w’umuherwe Richard Hilton, yamamaye mu 2001 ubwo yakinaga filime y’urukozasoni ubwo yarafite imyaka 20 y’amavuko. Kuva iki gihe yanatangiye kujya acuruza amafoto y’ubwambure bwe mu binyamakuru no kuri murandasi. Kuba yaravuze ko ari imbata y’ubusambanyi ntibyatunguye benshi mu 2016 kuko yarasanzwe azwiho iyi ngeso kuva akiri muto.

6. Danielle Staub

Umuhanzikazi uri mubakuze muri Amerika, Danielle Staub wahoze ari umunansuzi (Stripper) akiri inkumi, yemeye kumugaragaro ko gukunda imibonano mpuzabitsina byabaye ingeso kuri we. Ibi yabitangaje mu gitabo yanditse cyitwa ‘The Naked Truth’ yasohoye mu 2012. Uyu mugore kandi anazwiho kuba ari mu byamamarekazi byabanye n’abagabo benshi.

7. Amber Smith

Umunyamideli Amber Smith akaba n’umukinnyi wa filime, azwiho kuba yaratanze ubuhamya bwo kuba yaratanze ubuhamya bwo kuba imbata y’ubusambanyi mu 2012 mu kiganiro ‘Celebrity Sex Rehab’ cyakorwaga na Dr.Drew Pinsky cyanyuraga kuri televiziyo ya VH1. Iki gihe Amber Smith yavugaga ko yifuza umuganga w’inzobere wamufasha kurwanya ubu burwayi bwari bumaze kumubaho ingeso.

8. Nicole Narain

Umunyamideli Nicole Narain wabanje kuba umukinnyi wa filime z’urukozasoni nyuma akabireka, yatangaje ko ingaruka ya mbere yavanye muri uyu mwuga ari ukuba imbata y’ubusambanyi dore ko ngo aribyo yahoragamo mbere y’uko abihagarika. Ibi byakomeje kumukurikirana kugeza mu 2018 agiye muri ‘Rehab’ y’abantu babaswe n’iyi ngeso.

9. Jenifer Lewis

Icyamamarekazi muri Sinema kiri no mubabirambyemo, Jenifer Lewis w’imyaka 67 benshi bita ‘Mother of Black Hollywood’, mu gitabo cye ‘Walking in my Joy: In These Streets’ yasohoye mu 2022, yanditsemo ko akiri inkumi yanyuze mu bihe bitoroshye birimo no gukunda cyane imibonano mpuzabitsina kuburyo ngo yaryamanaga nuwo abonye wese. Icyakoze ngo umubyeyi we yaje kumushakira ubufasha bw’ubuvuzi kugeza igihe yabiretse.

10. Zoe Saldana

Icyamamaekazi mu gukina filime, Zoe Saldana, wamamaye cyane muri filime ya ‘Avatar’, nawe yatangaje ko gukunda cyane iminonano mpuzabitsina byabaye nk’ingeso kuri we. Ibi yabivugiye mu kiganiro n’umwongerezakazi Amanda Cadenet mu 2019 ubwo yagize ati: ”Nanjye ntaho ntandukaniye n’ababaye imbata y’ubusambanyi. Ndabikunda cyane, ntakintu kimpa umunezero nkabyo kandi mba numva nabikora buri kanya nuko bitankundira’.

Umuhanzikazi wo muri Tanzania, Zuchu yavuze ko we na Diamond ari nk’umwana n’ibitotsi badashobora gutandukana mu buryo bworoshye.

Ni nyuma y’inkuru zasohotse mu mpera z’icyumweru gishize zivuga ko amashusho ya Diamond afatanye agatoki ku kandi na Zari Hassan babyaranye yarikoze, ko we n’umukunzi we Zuchu batandukanye.

Mu gitaramo bakoreye Zanzibar, Zuchu yaboneyeho kugira icyo avuga kuri ibyo byavuzwe ubwo yari ku rubyiniro.

Zuchu yavuze ko abatekereza ko bazamumutwara bidashoboka kuko we na Diamond Platnumz ari nk’umwana n’ibitotsi atamusiga.

Ati “ku rundi ruhande reka dutange ubutumwa. Si byo? Abatekereza ko bazatwara Diamond, mumeze nk’abasenga ibigirwamana, muribuza amahoro, uyu nta hantu ashobora kujya.”

Kuva mu mpera za 2022 ni bwo aba bombi bemeje ko bari mu rukundo, ni nyuma y’igihe babihakana bavuga ko bahujwe n’akazi gusa kuko Zuchu abarizwa mu nzu itunganya umuziki ya Diamond Platnumz, Wasafi Classic Baby (WCB).

Kuri uyu wa Mbere tariki 26 Gashyantare 2024, hatangijwe ubukangurambaga kuri gahunda ya 'Zamukana ubuziranenge' yatangijwe n'Ikigo cy'Igihugu gitsura Ubuziranenge (RSB), mu rwego rwo gufasha inganda nto n'iziciriritse na serivisi zitunganya ibiribwa zashyizweho n'urubyiruko, abagore n'abafite ubumuga mu rugendo rwo kugera ku buziranenge bwifuzwa.

Ku ikubitiro, hasuwe ba rwiyemezamirimo babiri bo mu ntara y'Amajyaruguru mu Karere ka Burera, aho bagaragaje urugendo rwabo mu kwiteza imbere no guteza imbere gahunda ya 'Made In Rwanda' by'umwihariko bibanda ku gutanga ibicuruzwa byujuje ubuziranenge.

Nsengukuri Elie, ni umwe muri aba ba rwiyemezamirimo bato ufite uruganda rukora ibikoresho by'isuku birimo amasabune, amavuta yo kwisiga n'ibindi rukorera mu murenge wa Cyanika ho mu Karere ka Burera.

Nyuma yo guhabwa amahugurwa atandukanye, Nsengukuri Elie yatangaje ko mu 2019 ari bwo yiyemeje gutangira kubyaza umusaruro ubumenyi yahawe maze atangirana na gahunda ya 'Zamukana Ubuziranenge,' imuha umurongo uhamye.

Kugeza uyu munsi, akoresha abakozi bagera kuri 25 barimo biganjemo urubyiruko n'abagore barimo barindwi bahoraho n'abandi bakora mu buryo budahoraho. 

Yatangije amafaranga angana n’ibihumbi 600Frw, none ubu akoresha imashini zigura amafaranga miliyoni 15 ndetse n’ibindi. Yatangaje ko ibikoresho bakoresha bigera kuri 75% ari ibiboneka mu Rwanda bikomoka ku bimera

Uyu rwiyemezamirimo yatangaje ko yatangiye kwikorera nyuma yo kubona ko hari ikibazo cy’uko u Rwanda rushora amafaranga menshi mu gutumiza ibicuruzwa byinshi mu mahanga, hanyuma akiyemeza kugira uruhare mu korohereza abanyarwanda kubona bimwe mu bicuruzwa by’ibanze ku giciro gito, byaba ngombwa bikanoherezwa mu mahanga.

Mushimiyimana Emimah ni umucungamutungo w’uruganda ‘Amaboko y’u Rwanda Ltd.’ Yavuze ko kuba akora muri uru ruganda bimufasha guteza imbere umuryango we, akibonera iby’ibanze nkenerwa atagombye gutega amaboko ku mugabo we, ahubwo bakuzuzanya.

Nshimiyumuremyi Cephas, ni rwityemezamirimo ufite uruganda rutunganya ibikoresho by’isuku rwitwa ‘Uburanga Products,’ rufite amashami mu bice bitandukanye by’igihugu, ni umwe muri ba rwiyemezamirimo batangiranye na gahunda ya ‘Zamukana Ubuziranenge.’

Yatangaje ko mu 2013 ubwo yashingaga iyi kompanyi yiga muri Kaminuza, byari bikomeye kuko igihugu cyari cyikiyubaka hataraza iyi gahunda igamije gushyigikira cyane cyane urubyiruko. 

Yagize ati: “Muri 2013 natwaye igihembo cy’umushinga mwiza muri YouthKonekt, ariko dukomeza guhura n’imbogamizi zo kugira ngo ibicuruzwa byacu natwe bibashe kuba byagaragaza ko byujuje ubuziranenge. Icyo gihe rero, twagize amahirwe yo kuba mu 2017 haratangijwe gahunda nziza ya ‘Zamukana Ubuziranenge.’ Mu banyarwanda rero bakiri bato bariho icyo gihe nanjye nari ndimo ndetse ntangirana na RSB muri iyi gahunda kandi ndabashimira ko bamfashije gusobanura ibitari bisobanutse.”

Uyu munsi, uyu rwiyemezamirimo niwe ugemurira amahoteli menshi yo mu Karere kazwi nk’Akarere k’Ubukerarugendo ka Musanze, ku buryo 70% by’ahacumbikirwa muri aka Karere bakoresha isabune y’Uburanga igura guhera ku giceri cy’ijana.

Imwe mu mbogamizi bagize ni iy’amacupa yo gushyiramo amavuta n’ibindi bicuruzwa bitewe n’uko Leta y’u Rwanda yaciye amashashi ndetse n’ibikoresho bya ‘plastic,’ byanatumye bahomba amwe mu masoko bari bamaze kugira mu turere 30 tw’igihugu.

Nubwo bimeze bityo ariko, uyu rwiyemezamirimo afite intego yo kugabanya ibyinjira mu gihugu ariko hongerwa ibyoherezwa mu mahanga. Ni muri urwo rwego ari kunoza amasezerano n’abanyamerika bashaka guhagararira Uburanga iwabo, bityo akaba akomeje gukorana na RSB mu kugaragaza ko ibicuruzwa byabo byujuje ubuziranenge kandi bishobora gucuruzwa ku mugabane w’Amerika n’i Burayi.

Umuyobozi w’agateganyo w’Ishami ritanga ibirango by’Ubuziranenge muri RSB, Bajeneza Jean Paul yavuze ko iyi gahunda yaje ari ingirakamaro ku bagiraga ibitekerezo by’imishinga bagahura n’imbogamizi y’ubumenyi bucye bushingiye ku mabwiriza y’ubuziranenge bigatera igihombo ku gitekerezo wagize, nuko biba ngombwa ko hashyirwamo imbaraga mu kuzamura ubuziranenge hashingiwe ku mabwiriza yagendaga asohoka akorwa n’Ikigo cy’Igihugu gitsura Ubuziranenge.

Yagize ati: “Uko igihugu kiushaho kwiyubaka, ‘Zamukana Ubuziranenge’ ni umusingi mwiza wo kugira ngo dukore ibyiza kandi bishobora kujya ku masoko yo mu gihugu no hanze yacyo.”

Uyu muyobozi yasobanuye ko iyi gahunda imaze imyaka irindwi yatanze umusaruro ufatika, cyane cyane ubumenyi yahaye ba rwiyemezamirimo, kwizerwa kw’ibicuruzwa, no kwiyizera kwa ba nyirabyo.

Ati: “Nk’uko mubizi, Leta y’u Rwanda yagiye ishyiraho ingamba zigamije iterambere rirambye. Imwe muri zo ni uguteza imbere urwego rw’abikorera cyane cyane abakora ibicuruzwa bitandukanye, cyane ko ibyinshi byavaga mu mahanga kandi hari ubushobozi hari n’ubushake. Iyi gahunda yaje ikurikiye politiki yo guteza imbere ibikorerwa mu gihugu, ariko igamije kubakira ku bintu by’ubuziranengemu rwego rw’ubumenyi, urwego rw’imikorere, ndetse no mu buryo bya bicuruzwa bibona ibyemezo by’ubuziranenge.”

Kuva muri 2017 muri gahunda ya ‘Zamukana Ubuziranenge’ hafashijwe ibikorwa na serivisi bigera kuri 840, bityo bizamura umubare w’ibicuruzwa byahawe ibirango by’ubuziranenge, uva kuri 300 ugera ku birenga 900 muri uyu mwaka. 

Amafoto yaranze umunsi wa mbere y’ubukangurambaga bwa “Zamukana Ubuziranenge” bugiye kumarana icyumweru:

Nsengukuri Elie ni umuyobozi wa Amaboko y’u Rwanda Ltd

 

Nshimiyumuremyi Cephas ni umuyobozi w’Uburanga Products

Bajeneza Jean Paul ni umuyobozi w’agateganyo w’Ishami ritanga ibirango by’Ubuziranenge mu Kigo cy’Igihugu gitsura Ubuziranenge (RSB)

Mutesi Jolly wabaye Miss Rwanda 2016 yagaragaje ko yishimiye intambwe Kenza Joannah yateye yo kwegukana ikamba rya Nyampinga w’u Bubiligi 2024, agaragaza ko ari ikintu cyo kwishimira ku Banyarwanda bose.

Ni mu butumwa Miss Jolly yashyize ku rukuta rwe wa X, nyuma y’uko Kenza Joannah ufite inkomoko mu Rwanda abaye Miss Belgium 2024.

Miss Mutesi Jolly yagize ati 'Tubarase amashimwe umwiza wacu Kenza Joannah ukomoka mu Rwanda wambitswe ikamba rya Miss Belgium 2024. U Rwanda ruganze mu Isi. Umunyarwanda akomeze aganze.”

Miss Jolly kandi yifashishije amashusho mato y’ikiganiro Kenza yagiranye na ISIMBI, ubwo yari ari kwiyamamaza, aho avuga ko ari umunyarwandakazi kandi ko atewe ishema no kuba ari umunyarwanda, yahise yifashishije ijambo Perezida Kagame yavuze muri Rwanda Day 2024, avuga ko ‘nubwo wava mu Rwanda rwo rutakuvamo’. Agaragaza ko Kenza yumvishe umwitizo.

Mu ijambo Umukuru w’Igihugu yavuze ku wa 3 Mutarama 2024, muri Rwanda Day 2024 yabereye i Washington DC muri Leta Zunze Ubumwe za Amerika, yabwiye Abanyarwanda baba mu mahanga ko bagomba kumenya ko nubwo bava mu Rwanda rwo ruzabagumamo.

Icyo gihe Perezida Kagame yagize ati 'Uko wava mu Rwanda kose ukajya aho ushaka, ntabwo u Rwanda rukuvamo, rugumana na we. Birashoboka ko iyo ugumanye na rwo mu buryo runaka, ari byiza kuri twese. Ni byiza ku Rwanda ni byiza kuri wowe ndetse birashoboka.'

Kenza avuka kuri Mama we w’umunyarwandakazi nubwo yavukiye akanakurira mu Bubiligi.

Uyu mukobwa yegukanye ikamba rya Miss Belgium 2024 mu birori byabaye mu ijoro ryo kuwa 24/02/2024, ni umukobwa uvuga ko afite u Rwanda ku mutima. Yarusuye kenshi kuva mu bwana bwe, ndetse buri myaka 2 arahagera akahamara amezi 2.

Yakuze nyirakuru na sekuru batuye i Gikondo ari ho yazaga kubasura, gusa baje kwimukira Nyarutarama. Kenza aheruka mu Rwanda muri 2023.

Congratulations to our beautiful kenza Joannah of Rwandese decent that has been crowned Miss Belgium 2024. Rwanda🇷🇼 to the world. Umunyarwanda akomeze aganze . Truly Rwandaful pic.twitter.com/1GuzL9CfbN

— Jolly Mutesi. #TeamPK (@JollyMutesi) February 25, 2024

'You should leave Rwanda and go wherever you want to go, but Rwanda shouldn’t leave you' prez #Kagame #RwandaDay2024
This young girl understood the assignment. pic.twitter.com/uJxlUf0b2f

— Jolly Mutesi. #TeamPK (@JollyMutesi) February 26, 2024

RUKUNDO Sulaiman / ISIMBI.RW

Erling Haaland, Katarina Johnson-Thompson, Jude Bellingham, Novak Djokovic n’abandi bakinnyi beza, bari mu bazahatanira igihembo cya Laureus World Sports Awards 2024.

Manchester City, niyo kipe iri mu nyungu cyane muri Laureus World Sports Awards, kuko iri mu makipe azatoranywamo inziza kurusha ayandi, ikaba inafitemo Rutahizamu Erling Haaland uzatorwa mu basiporotifu beza b’umwaka.

Iki gihembo kizitabirwa n’Abongereza barimo Jude Bellingham ukina mu kibuga hagati muri Real Madrid, na Josh Kerr wanikiriye bagenzi be, mu gusiganwa ku maguru muri metero 1500.

Erling Haaland na Lionel Messi, bongeye guhurira muri iki gihembo, nyuma yuko Messi yari yakubise inshuro Erling Haaland muri Ballon d’Or.

Erling Haaland, igituma ashyirwa ku rutonde ni uko yafashije Manchester City kwegukana ibikombe birimo FA Cup, UEFA Champions League, English Premier League na Super Cup. Ibi Erling Haaland akaba yarabigezeho nyuma yo gutsinda ibitego 52 mu mikino 53.

Umunya Argentina na Inter Miami Lionel Messi, yagarutse mu bakinnyi bahatanira igihembo cya Laureus World Sports Awards, kandi ni nawe ufite igiheruka gutangwa.

Uko abazegukana Laureus World Sports Awards batoranyijwe, 

1. Umukinnyi w’umwaka

– Novak Djokovic ni umunya Serbia ukina umukino wa Tennis 

– Mondo Duplantis ni umunya Sweden ukina umukino wo gusiganwa ku maguru 

– Erling Haaland ni umunya Norway ukina umupira w’amaguru 

– Noah Lyles akomoka muri Leta Zunze Ubumwe za America, akina umukino wo gusiganwa ku maguru.

– Lionel Messi ni umunya Argentina akina umupira w’amaguru 

– Max Verstappen ni Umuhorandi ukina azenguruka kuri moto.

2. Umukinnyi w’umwaka mu bagore

– Aitana Bonmati ni umunya Espagne akina umupira w’amaguru 

– Shericka Jackson ni umunya Jamaica ukina umukino wo gusiganwa ku maguru 

– Faith Kipyegon ni umunya Kenya ukina umukino wo gusiganwa ku maguru 

– Sha’Carri Richardson akomoka muri Leta Zunze Ubumwe za America akina umukino wo gusiganwa ku maguru 

– Mikaela Shiffrin (USA) – skiing

– Iga Swiatek umunya Pologne akina Tennis 

3. Ikipe y’umwaka 

– European Ryder Cup Team ni ikipe ya Golf

– Germany men ni ikipe ikina Basketball

– Manchester City ni ikipe ikina umupira w’amaguru 

– Red Bull  ikipe ikina umukino wo gusiganwa ku modoka wa Formula 1

– South Africa ni ikipe y’igihugu ya Rugby

– Spain women ni ikipe y’igihugu ya Espagne mu mupira w’amaguru mu bagore 

4. Umukinnyi wakuze atanga icyizere

– Jude Bellingham Umwongereza ukina umupira w’amaguru 

Linda Caicedo (Colombia) akina umupira w’amaguru 

– Coco Gauff (USA) – Tennis

– Qin Haiyang  – Akomoka mu Bushinwa akina umukino wo Koga

– Josh Kerr (UK) – Asiganwa ku maguru 

Salma Paralluelo umunya Espagne akina umupira w’amaguru mu bagore 

Lionel Messi uherutse gukubita inshuro Erling Haaland kuri ballon d’Or, bongeye guhurira mu gihembo cya Laureus World Sports Awards

Manchester City ifite amahirwe muri Laureus World Sports Awards kubera iri mu makipe azatoranywamo ikipe nziza, ikaba inafitemo umukinnyi Erling Haaland

Laureus World Sports Awards ni igihembo kirimo abakinnyi b’ingeri zose, hatitawe ku mukino umukinnyi akina 

Novak Djokovic ari mu bakinnyi bahatanira Laureus World Sports Awards

Jude Bellingham ari mu bakinnyi bazatoranywamo uwakuze atanga icyizere