Blog

Ikipe y’igihugu y’u Rwanda yamaze guhamagara abakinnyi 38 barimo 4 bahamagawe bwa mbere, bakaba bitegura imikino 2 ya gicuti.

Umudage utoza Amavubi, Frank Spittler ndetse n’abo bafatanyije bamaze guhamagara abakinnyi 38 bazifashishwa mu mikino ibiri ya gicuti izakina muri uku kwezi.

Amavubi azakina na Madagascar tariki ya 18 Werurwe ndetse na Botswana tariki ya 25 Werurwe. Imikino yose ikazabera muri Madagascar.

Muri aba bakinnyi bahamagawe harimo 14 bakina hanze y’u Rwanda ni mu gihe abakinnyi 4 ari bo bashya bahamagawe mu Mavubi makuru.

Abahamagawe bwa mbere ni myugariro wo AS Kigali, Akayezu Jean Bosco, myugariro Nsengiyumva Samuel wa Gorilla FC, myugariro wa Rayon Sports, Bugingo Hakim ndetse na Kanamugire Roger ukina mu kibuga hagati muri Rayon Sports.

Kubwirwa ko Alejandro Garnacho azahamagarwa mu ikipe y’igihugu ya Argentina, ni amakuru yari ategerejwe n’amatsiko menshi, kubera ko umutoza wa Argentina, Lionel Scaloni, yari yaramubwiye ko azamuhamagara nazamura urwego rw’imikinire.

Lionel Scaloni yasezeranyije Alejandro Garnacho ko azamwifashisha mu mikino ikipe y’igihugu ya Argentina izakinamo ishaka itike y’igikombe cy’isi cya 2026.

Imikino ikipe y’igihugu ya Argentina yaherukaga gukina, ntabwo Alejandro Garnacho yayitabiriye, kubera urwego rwari ruri hasi. Icyo gihe ni bwo Lionel Scaloni yavuze ko bizamusaba kubanza kuzamura urwego.

Nyuma yo kubona ko Alejandro Garnacho yazamuye urwego, Lionel Scaloni yamaze kumuha ubutumwa ko azamwifashisha mu mikino ikurikira. Lionel Scaloni yagize ati: “Inshuro nyinshi nkunze kubazwa kuri Alejandro Garnacho. Gusa nakunze kubivuga ko azabanza kuzamura urwego rwo gukina.

Ukurikije uko uyu mukinnyi yitwara mu mikino akina, namaze kumwemerera ko mu mikino tuzakurikizaho, azahabwa iminota yo gukina. Kugeza ubu tugomba kumufasha akazaba umukinnyi mwiza, gusa ntabwo nari gukora ikosa ryo kumuhamagara tukajya twirirwa mu ndege tuzenguruka isi, ngo acyure kwicara ku ntebe y’abasimbura”.

Nyuma yuko Alejandro Garnacho yakiriye ubwo ubutumwa, ubu agomba kwitegura kuzajya akinana n’abakinnyi bakomeye barimo Lionel Messi, Julian Alvarez, Lautaro Martinez, Angel di Maria Nicolas Gonzalez, n’abandi.

Lionel Scaloni yasezeranyije Alejandro Garnacho ko azamwifashisha mu mikino ikipe y’igihugu ya Argentina izakinamo ishaka itike y’igikombe cy’isi cya 2026 

Alejandro Garnacho aritegura gukinana na Lionel Messi, Julian Alvarez n’abandi 

Nyuma yo kuzamura urwego rw’imikinire no gutsinda ibitego bidasanzwe, Alejandro Garnacho yasezeranyijwe kujya mu ikipe y’igihugu ya Argentina 

Alejandro Garnacho yari asanzwe akinira Argentina y’abakiri bato

Iyi myaka iherekejwe n'ibikorwa bifatika; birimo nk'ibitaramo n'amaserukiramuco yaririmbyemo, abageni yagiye aririmbira mu bukwe n'ibirori bitandukanye, uruhare rwe mu guteza imbere abahanzi bakiri bato, gukomeza gukotanira Itorero ry'Igihugu Urukerereza n'ibindi.

Ibi nibyo byatumye abari hafi ye bamusaba gukora igitaramo cyo kwizihiza iyi myaka ishize ari mu muziki. InyaRwanda ifite amakuru avuga ko iki gitaramo kizaba tariki hagati ya tariki 10 na 15 Kanama 2024 nyuma y'Amatora ya Perezida n'ay'Abadepite.

Ni igitaramo gishobora kubera muri Kigali Convention Center cyangwa se muri BK Arena. Massamba Intore yigeze kuvuga ko kwinjira mu muziki byatumye inganzo ye ivomera ku buhanga bwa Perezida Kagame, kuko imyaka mirongo ine ishize ariho yubakiye.

Mu kiganiro na RBA, yavuze ko Kagame yamubereye icyitigererezo, kandi akurikiranira hafi imiyoborere ye.

Ati “Anyigisha byinshi! Anyigisha ubuzima, akanyigisha uko umuntu yitwara mu butwari cyane cyane, ni byinshi. Intambara twayigiyemo turi bato, tuyinjiramo tutayumva, waganira nawe ukumva we ari kure cyane, arabizi, afite intumbero iri kure cyane, kumukurikira rero no kumwumva ahanini n’indirimbo ndirimba nyinshi cyane izi zijyane n’Ingabo, zijyanye n’ubutwari ibyinshi niwe mbivanaho…”

Uyu muhanzi asobanura ko mu myaka y’ubuzima bwe yababajwe na Jenoside yakorewe Abatutsi muri Mata 1994, ariko kandi yishimira kugira Igihugu ‘kuko ndi mu bagiharaniye’.

Avuga ko indirimbo ‘Wirira’ iranga urugendo rwe, kuko yayihimbye ari mu buhunzi, kandi agendana n’ayo kugeza ahungutse.

Ubwo yari mu gitaramo cya Ally Soudy cyabereye muri Camp Kigali, ku wa 5 Kanama 2023, Massamba yavuze ko imyaka 40 ishize ari mu muziki, ari urugendo rurerure, kandi yarushyigikiwemo no kuba iwabo mu rugo bari abanyamuziki. We avuga ko ari umurage.

Yavuze ko yaririmbye muri Korali mu gihe cy'imyaka mike, nyuma ayivamo kubera ko yumvaga bitaryoshye cyane nka gakondo.

Massamba avuga ko ubwo yari hagati y'imyaka 20 na 21 y'amavuko, yabonye ko akwiye gukoresha inganzo ye mu rugamba rwo kubohora u Rwanda.

Ati 'Naravuze nti ntabwo iyi nganzo ibereye mu buhunzi. Ntabwo ibereye aho ndi, ibereye aho abandi bari kugirango nzabone iki gihugu kibereye Abanyarwanda.'

Massamba avuga ko muri urwo rugendo rwo kwitegura kujya ku rugamba, yasezeye umuryango we anasezera umukobwa w'Umurundikazi bakundanaga.

Yavuze ko ibihe yagiranye n'umukunzi we amusezera, ariho havuye indirimbo 'Wirira'. Ati 'Nanjye nigeze kugira umukunzi icyo gihe. Ntabwo yari umunyarwandakazi, yari umurundikazi, njya kumusezera mubwira ko nsanze abari ku rugamba. Byaramubabaje. Ntiyabishakaga. Ariko mubwira ko nzagaruka.'

Massamba avuga ko nyuma y'imyaka ine yamaze ku rugamba yasubiye mu Burundi, asanga wa mukobwa yarabyabaye.

Ati 'Nasubiye mu Burundi aho navukiye nsanga wa mukobwa amaze kugira abana bane. Imyaka ine namaze, we yari amaze kubyara, Ariko byari byiza.'

Mu 1989 Masamba yagiye aho Ingabo zari iza RPA ziteguriraga muri Uganda (Bwari bwo bwa mbere ahageze), atozwa buri kimwe ntiyongera gusubira mu Burundi kuva ubwo.

Urugamba rwo kubohora u Rwanda rwatangiye mu 1990, Masamba akotanira gushaka Igihugu nk'abandi bose, kuko Se yamubwiraga ko 'u Rwanda ruva inda imwe n'Ijuru'.

Masamba wakoresheje inganzo ye ku rugamba mu gukangurira abantu gutera inkunga Ingabo zari iza RPA, yanigishijwe imbunda kugira ngo azabashe kwitabara igihe yaba asagariwe n'umwanzi ari ku rubyiniro n'ahandi.

Urugamba rwamwigishije umuco w'Ubutwari no kwemera guhara buri kimwe. Yagiye ku rugamba mu gihe hari hashize igihe gito abonye Buruse yo kujya kwiga mu mahanga.

Ni urugamba yahuriyeho na Fred Gisa Rwigema n'itsinda yari ayoboye ry'abasirikare babohoye u Rwanda. Masamba avuga ko yagiye muri Uganda, kugira ngo ahabwe amabwiriza y'urugamba n'uko akomeza gukoresha inganzo ye.

Ubuzima bw'umuziki wa Masamba n'inganzo ye

Masamba yakuriye mu muryango w'abahanzi kugera kuri Sekuru, Munzenze. Avuga ko imirimo yose yahabwa gukora yasaba kuyiherekesha gukora umuziki.

Se yatangiye kumwigisha kubyina ubwo yari agejeje imyaka itanu y'amavuko. Atangira kuririmba no kujya ku rubyiniro kuva afite imyaka irindwi kugera ku 10.

Ku myaka 13 y'amavuko, ni bwo Masamba Intore yahimbye indirimbo ye ya mbere. Ni indirimbo ariko itari ifite ubuzima nk'uko abivuga, bitewe n'uko nta buhanga n'uburambe yari yakagize mu muziki we.

Byasabye ko Se Sentore Athanase anononsora iyi ndirimbo. Masamba yatinze no kuyishyira kuri Album ze, ahanini bitewe n'ukuntu yari imeze n'uburyo yayikoranye amaraso ya Gisore yatangiye gukunda abakobwa.

Uyu muhanzi nubwo yakuze atozwa kuririmba gakondo, Se yanamujyanye muri Korali kugira ngo ijwi rye rikomere kandi risohoke nk'uko arishaka.

Ku myaka 16, Masamba yatangiye kwiga iby'ubutore birimo guhamiriza no kubyina yigiraga mu itorero rya Se, Indashyikirwa.

Yatangiye kuryoherwa n'ubusitari agejeje imyaka 19, 20… ku buryo abo mu Burundi aho bari bazi ko umuntu uririmba Kinyarwanda abantu bakaryoherwa ari Masamba.

Masamba yabanaga bya hafi na Mutamuliza Annociata [Kamaliza] cyane cyane mu gihe cyo kuvana indirimbo mu mashyi bazishyira muri gitari. Mu gihe yiteguraga gutangira kurya ku mafaranga y'umuziki nibwo yagiye ku rugamba; dosiye y'ubusitari 'iba irarangiye'.

Yakoze ibyo yasabwaga nk'abandi basore ku rugamba, ariko ingabo zari iza RPA zimubonamo ubuhanga bw'inganzo kandi bukenewe atangira gukora indirimbo zihamagarira gushyigikira, urubyiruko kwitabira urugamba no gushakisha inkunga.

Massamba Intore ari kwitegura gukora igitaramo cyo kwizihiza imyaka 40 ishize ari mu muziki

Massamba yasobanuye ko imyaka 40 ishize yaranzwe n'ibyiza n'ibibi mu rugendo rwe rw'ubuzima n'umuziki 

Imyaka 40 ishize ari mu muziki, Massamba yaranzwe n'ibikorwa biteza imbere ubuhanzi muri rusange

KANDA HANO UREBE AMASHUSHO Y'INDIRIMBO 'BENEDATA' YA MASSAMBA INTORE

“>

Harabura umunsi umwe gusa APR FC igasura Rayon Sports mu mukino w’umunsi wa 24 wa shampiyona y’icyiciro cya mbere umwaka w’imikino wa 2023-24.

Ni umukino uzabera kuri Kigali Pele Stadium ejo ku wa Gatandatu tariki ya 24 Werurwe 2024 saa 15h00′.
Uyu mukino uzaba Rayon Sports idafite abakinnyi nka Youssef Rharb ufite amakarita 3 y’imihondo, Rudasingwa Prince ugifite imvune na Aruna Moussa Madjaliwa umaze igihe adakora imyitozo kubera imvune.

Ku ruhande rwa APR FC ikazaba idafite abakinnyi babiri bonyine, umunya-Cameroun, Apam Asongue Bemol ndetse na Nsengiyumva Ir’shad bafite imvune.

Nyuma y’imyitozo y’ejo hashize ku wa Kane, umutoza wa APR FC, Thierry Froger yasabye abakunzi ba yo kuzaza kubashyigikira kubera ko abakinnyi ba bo bakunda Shiboub na Mbaoma bazabanza mu kibuga.

Tugiye kurebera hamwe abakinnyi APR FC ishobora kubanza mu kibuga bigendanye n’imikino itambutse ndetse n’imyitozo bakoze.

11 APR FC ishobora kubanza mu kibuga

Umunyezamu: Pavelh Ndzila

Ba Myugariro: Omborenga Fitina, Ishimwe Chritsian, Niyigena Clement na Nshimiyimana Yunusu

Abakina Hagati: Nshimirimana Ismail, Ruboneka Bosco na Sharaf Eldin Ali Shiboub Abdelrahman

Ba Rutahizamu: Kwitonda Alain Bacca, Mugisha Gilbert na Victor Mbaoma

Niyonshuti Yannick [Killaman] yahaye isezerano umugore we Shemsa ko ni yo yagenda mbere ye, atazigera ashaka undi mugore kuko ibyo banyuranyemo yamweretse ko ari we mugore wenyine yari akeneye mu buzimabwe.

Ni mu kiganiro aba bombi bagiranye n’ikinyamakuru ISIMBI, bavuze uburyo banyuze mu buzima bugoye ariko na none bashimira Imana ko byagenze neza.

Killamann yavuze ko hari igihe cyageze bagezemo nyirinzu amezi 4 bisaba ko agurisha televiziyo imbere nyirabukwe.

Ati “hari igihe cyageze bimeze nabi, nshaka kugurisha televiziyo umugore ati ‘ese ko ari yo narebaga ikamara irungu’, nanjye mubwira ko nyirinzu atumereye nabi, tumurimo ameze 4, byibuze tuyigurishe twishyure abiri, nagiye kuzana abayigura nsanga yahamagaye nyina, ariko se byambujije kuyigurisha? Barayifunguye mabukwe akandeba yumiwe.”

Yakomeje avuga ko hari igihe yafashe icyemezo cyo kohereza umugore muri Uganda kubera ubukene, ari n’aho yamuhaye isezerano ryo kuzamushimisha.

Ati “natekerezaga ukuntu bagiye gusohora ibintu byose, mubwira kujya Uganda kwa mama, ati se ndagenda mvuga ng’uki, nti noneho wowe muhamagare umubwire ko wambuze, nta kindi akubwira uretse kuza, yagiye arira inzira yose ariko ni bwo namuhaye isezerano ko nzamushimisha.”

Shemsa akaba yashimiye umugabo we ku bwa buri kimwe kuko icyo yamusezeranyije cyose cyarabaye kandi icyizere yamuhaye ntabwo yigeze agipfusha ubusa.

Ikirenze kuri ibi Shemsa yashimiye Killaman ati “ndagushimira kuba waranyambitse impeta. Aka kantu uzu ukuntu nanjye nari nkarwaye?”

Killaman akaba yasezeranyije umugore we ko ni yo yagenda mbere ye (yitaba Imana) nta wundi mugore azigera ashaka.

Ati “Shemsa Imana ibiturinde, ariko uramutse ugiye mbere yanjye nta wundi mugore nashaka, ibyo mu bikure mu mutwe. Ni yo mpamvu ubukwe wanjye bwagombaga kuba rimwe nkajya mvuga ngo nakoze ubukwe pe!”

Ku byo bashinjwe byo gusesagura mu bukwe bwa bo baheruka gukora atari byo kuko bateguye ibijyanye n’umubare w’abantu bari batumiye kandi bakaba baraje bose ndetse banarengaho.

Uyu munsi tariki 08 Werurwe 2024 harizihizwa Umunsi Mpuzamahanga w’Abagore ku rwego, ukaba ari umwaka wa 47 uyu munsi wizihijwe ndetse n’Umuryango w’Abibumbye (UN) washyizeho insanganyamatsiko y’uyu mwaka igira iti: ”Gushora imari mu bagore: Kwihutisha iterambere’.

Amabara yatoranyijwe kwambarwa hizihizwa umunsi w’abagore uyu mwaka ni ‘Ibara ry’umuyubugwe (Purple), Icyatsi (Green) hamwe n’Umweru (White).

Amateka y'umunsi wahariwe abari n'abategarugori

Kuva muwi 1805 mu gihugu cya Leta Zunze Ubumwe za Amerika ndetse no mu gihugu cy'u Budage bizihizaga umunsi mukuru w'abagore bitaga National Women's Day. Icyo gihe bawizihizaga ku rwego rw'igihugu gusa bitaraba mpuzamahanga.

Bitewe n'amateka y’ibi bihugu byombi iyo bizihizaga uyu munsi abagore baho bajyaga mu muhanda bitwaje ibyapa basaba ko bahabwa uburenganzira bungana n’ubuhabwa abagabo kuko muri icyo gihe abagore bafatwaga nk'abagomba kwicara mu rugo bakarera abana nta kindi babasha gukora.

Mu 1909 umuryango witwa Socialist Party Of America wateguye umunsi mukuru w'abagore ku itariki 28/02 wizihirizwa mu mujyi wa New York. Mu bitabiriye uyu munsi harimo abagore 3 baturutse mu gihugu cy'u Budage barimo Clara Zetkin, Kate Duncker hamwe na Paula Thiede.

Aba bagore uko ari 3 bari bahagarariye umuryango urengera inyungu z'abagore mu Budage wari uyobowe na Clara Zetkin ari nawe wajyaga uhana amakuru n'abo muri Amerika ababwira aho bageze bashaka uburenganzira bw'abagore muri rusange.

Uko umunsi wo kwizihiza abari n'abategarugori wabayeho

Mu mwaka wa 1910 ubwo hari hateranye inama yitwa International Women's Conference yahuzaga abagore baturutse imihanda yose no mu bihugu binyuranye bose baje kwiga ku iterambere ry'abagore ni bwo Clara Zetkin yafashe iya mbere asaba ko habaho umunsi ngarukamwaka wizihiza abagore.

Igitekerezo cya madamu Clara Zetkin cyaje kwakirwa neza maze gihera mu gihugu cya Russia ku itari 08/03/1917 batangira kwizihiza umunsi wahariwe abagore. Ibi byatangiye gukwirakwizwa mu bindi bihugu bitandukanye byo mu burayi.

Mu1977 inama y'umuryango w'abibumbye izwi nka United Nations (UN) nibwo yemeje ku mugaragaro ko itariki 08/03 ari umunsi wahariwe abagore ndetse ko ugomba gufatwa nk'umunsi udasanzwe kandi ko ugomba kuba mpuzamahanga.

Ibyatangiye ari igitekerezo cy'itsinda ry'abagore bashaka uburenganzira bwabo baturuka muri Amerika n'u Budage bari bayobowe na madamu Clara Zetkin byagezweho ndetse binaba mpuzamahanga umugore ahabwa ijambo. Kugeza ubu abari n'abategarugori bageze kuri byinshi bikomeye babikesha kuba barahawe uburenganzira bungana n'ubw’abagabo.

Inzira y'uyu munsi n’ubwo itari yoroshye dore ko ibihugu bimwe na bimwe bitabonaga kimwe uyu munsi by’umwihariko ibihugu byubakiye ku mahame ya Islam gusa buhoro buhoro uyu munsi wagiye utera imbere ndetse unateza imbere igitsinagore.

Umunsi ngaruka mwaka wizihiza abari n'abategarugori ugenda ufite intego buri mwaka, uyu mwaka wa 2023 intego yawo iragira iti 'Guhanga udushya n’ikoranabuhanga hagamijwe uburinganire bw’umugabo n’umugore,' byerekana uruhare rw’ikoranabuhanga rishya mu guteza imbere uburinganire no guhuza ubuzima n’iterambere ry’umugore n’abakobwa.'

Injyana ya Rap mu muziki yatangiye gutezwa imbere mu myaka ya 1970 biturutse ku ba DJs ndetse n'Abanyamerika ahanini bakomoka muri Afurika, yari injyana nshya itari imenyerewe aho wasangaga imiririmbire yayo imeze nk'ikiganiro umuntu ari gukora. Iyi njyana ntiyabanje gukundwa ariko uko iminsi yagiye ihita yagiye ikundwa ku Isi ndetse igera no mu bihugu hafi ya byose.

Uku gukwira ku Isi ntabwo byarangiriye aho ahubwo ni ko byajyanaga no gutanga ubushobozi mu buryo bw'amafaranga ku baririmbyi bayikoraga umunsi ku wundi.

Nubwo iyi njyana yatangijwe n’abagabo ndetse kugeza n’ubu aribo biganjemo, harimo n’abagore babashije kuyinjiramo bagaragaza ubuhanga barakundwa ndetse bayibyaza umusaruro inabinjiriza agatubutse.

Dore abaraperikazi 10 bakize ku Isi mu 2024 bayobowe na Nicki Minaj

1. Nicki Minaj

Icyamamarekazi mu muziki, Onika Tanya Maraj, uzwi cyane nka Nicki Minaj uniyita umwamikazi w’injyana ya Rap, niwe muraperikazi wa mbere ku Isi utunze agatubutse. Nicki ubabazwa nuko ntagihembo na kimwe cya Grammy afite, ubu niwe uyoboye abandi baraperikazi ku mutungo wa Miliyoni 150 z’Amadolari.

2. Cardi B

Umuraperikazi Belcalis Almanzar Cephus, wamamaye nka Cardi B mu muziki, ari mu baraperikazi bazamutse mu buryo butunguranye cyane dore ko mu 2018 ubwo yasohoraga album ya mbere yise ‘Invasion Of Privacy’ yahise yamamara. Kugeza ubu ari mu bahagaze neza yaba mu muziki no mu mitungo dore ko aza ku mwanya wa Kabiri na Miliyoni 80 z’Amadolari.

3. Queen Latifah

Umuraperikazi akaba n’umukinnyi wa filime kabuhariwe, Dana Owens uzwi cyane nka Queen Latifah, ari mu bubashywe i Hollywood bitewe n’igihe abimazemo. Ku myaka ye 53 Latifah ntabwo agikunze gusohora ibihangano bye dore ko ahugiye muri Sinema. Uyu yinjiye mu njyana ya Rap afite imyaka 19 y’amavuko iramuzamura imugeza aho ari ubu. Queen Latifah kandi afite umutungo wa Miliyoni 70 z’Amadolari.

4. Missy Elliott

Melissa Elliott umuraperikazi akaba n’utunganya indirimbo wamamaye ku izina rya Missy Elliott, ari mu binjiye muri iyi njyana kera dore ko yayitangiye mu 1991 ubwo yabarizwaga mu itsinda rya ‘Fayze’ yaje kuvamo agakomeza ku giti cye. Missy Elliott ugiye gushyirwa muri ‘Rock n Roll Hall Of Fame 2024’ afite umutungo wa Miliyoni 50 z’Amadolari.

5. Lil Kim

Kimberly Denise Jones wamamaye nka Lil Kim benshi bita ‘Queen Bee’ banavuga ko ariwe muraperikazi uri mu baje kera wabashije no kujyana n’ikiragano gishya. Lil Kim yazamuwe na nyakwigendera Notorious B.I.G wari n’umukunzi wari waramusinyishije muri label yashinze ya Junior Mafia ari nayo yamuzamuye. Kugeza ubu Lil Kim afite umutungo wa Miliyoni 22 z’Amadolari.

6. Sandra Denton

Umuraperikazi akaba n’umwanditsi w’indirimbo Sandra Jaqueline Denton ufite inkomoko muri Jamaica, ari mu bamaze igihe mu muziki. Yamamaye cyane ubwo yabarizwaga mu itsinda rya ‘Salt N’ Pepa’ yavuyemo mu 2002 agakomeza ku giti cye. Sandra ufatanya kurapa no gukina filime z’urwenya afite umutungo wa Miliyoni 17 z’Amadolari.

7.Iggy Azalea

Umuraperikazi, Amethyst Amelia Kelly wamamaye nka Iggy Azalea mu muziki. Uyu mugore ukomoka muri Australia yazamuwe n’umuraperi w’icyamamare T.I wabonye ubuhanga bwe agahita amusinyisha mu nzu ye ifasha abahanzi ya ‘Grand Hustle’ mu 2014. Uyu kandi azwi mu ndirimbo nka ‘Work’, ‘Black Widow’ na ‘Fancy’ zaciye ibintu kuri Billboard Chart. Azalea atunze Miliyoni 15 z’Amadolari.

8. Cherly James

Umuraperi Cherly James wamamaye mu itsinda rya ‘Salt N’ Pepa’, yavuyemo akagana mu gukora indirimbo zihimbaza Imana zikoze mu njyana ya Rap anabifatanya no kwandikira abandi indirimbo. Cherly atunze Miliyoni 14 z’Amadolari.

9. M.I.A

Mathangi Maya Arulpragas ukomoka mu gihugu ya Sri Lanka wamamaye cyane mu ndirimbo nka ‘Bad Girls’, ‘Paper Planes’ yakoze nyuma y’uko Jay Z yamuzamuye akanamusinyisha  muri label ye ya Roc Nation. M.I.A umaze igihe adasohora ibihangano bishya afite umutungo wa Miliyoni 12 z’Amadolari.

10. Megan Thee Stallion

Uyu muraperikazi nawe ubarizwa mu nzu ifasha abahanzi ya Roc Nation ya Jay Z, uri mu bahagaze neza muri Amerika, azwiho kuba azi kwandika indirimbo zikarishye no gukora amashusho y’indirimbo yerekana cyane imiterere ye. Kugeza ubu Megan The Stallion afite umutungo wa Miliyoni 10 z’Amadolari.