Blog

Abakinnyi bane gusa muri 14 bahamagawe mu Mavubi ni bo bonyine amakipe ya bo yabashije kubona amanota 3 yuzuye.

Ku wa Gatanu w’icyumweru gishize tariki ya 8 Werurwe 2024, umutoza w’ikipe y’igihugu Amavubi Frank Spittler yahamagaye abakinnyi 38 barimo 14 bakina hanze y’u Rwanda, ni mu rwego rwo kwitegura imikino ibiri ya gicuti na Madagascar tariki ta 18 Werurwe na Botswana tariki 25 Werurwe 2024, imikino yose izabera muri Madagascar.

Muri iyi nkuru tugiye kurebera hamwe uko abakinnyi 14 bahamagawe mu Mavubi bitwaye n’amakipe ya bo mu mpera z’icyumweru gishize.

Bizimana Djihad – Kryvbas FC

Bizimana Djihad yari mu kibuga akina iminota 90 mu mukino w’umunsi wa 20 wa shampiyona y’icyiciro cya mbere muri Ukraine Obolon-Brovar ku wa Gatandatu w’icyumweru gishize. Ubu iyi kipe iri ku mwanya wa 2 n’amanota 40 inganya na Shakhtar Donetsk ya mbere.

Mutsinzi Ange Jimmy – FK Jerv

Mutsinzi Ange Jimmy yabanje mu kibuga ku wa Gatandatu w’icyumweru gishize tariki ya 9 Werurwe 2024 mu mukino wa gicuti ikipe ye ya FK Jerv mu cyiciro cya gatatu muri Norway yanganyijemo na Lysekloster 2-2.

Runanguka Steve- Al Nojoom

Al Nojoom ya Rubanguka Steve mu cyiciro cya gatatu muri Saudi Arabia ntabwo byayigendekeye neza ku wa Gatanu w’icyumweru gishize, ni nyuma yo gutsindwa na Al-Rawdhah 2-0. Rubanguka Steve yari mu kibuga. Iyi kipe iri ku mwanya wa 14 n’amanota 24, urutonde ruyobowe na Neom na 61.

Hakim Sahabo – Standard Liege

Hakim Sahabo ejo hashize ku Cyumweru yabanje mu kibuga akina iminota 61 mu mukino wa shampiyona y’icyiciro cya mbere mu Bubiligi batsinzwemo na Genk 1-0.

Nyuma y’umunsi wa 29 iyi kipe iri ku mwanya wa 10 n’amanota 31, Union Saint-Gilloise ya mbere ifite 69.

Maxime Wenssens – Royale Union Saint-Gilloise

Ntabwo umunyezamu w’umunyarwanda, Maxime Wenssens yari muri 18 bifashishijwe n’ikipe ya Union Saint-Gilloise mu mukino w’icyiciro cya mbere mu Bubiligi iyi kipe yaraye inganyijemo na KAA Gent. Iyi kipe iyoboye urutonde n’amanota 69nyuma y’umunsi wa 29.

Byiringiro Lague – Sandvikens IF

Ejo hashize ku Cyumweru, Sandvikens IF ya Byiringiro Lague na Yannick Mukunzi (utarahamagawe), yanganyije na GIF Sundsvall 1-1 mu mukino wa gicuti. Byiringiro Lague yabanje mu kibuga. Yannick ntiyari muri 18.

Gitego Arthur – AFC Leopards

Gitego Arthur ejo hashize ku Cyumweru yabanje mu kibuga mu mukino wa shampiyona ya Kenya ikipe ye ya AFC Leopards yatsinzwemo na Tusker FC 1-0. AFC Leopards iri ku mwanya wa 8 n’amanota 34 ni mu gihe Gor Mahia ya mbere ifite 50.

Sibomana Patrick Papy – Gor Mahia

Ntabwo ku wa Gatandatu w’icyumweru gishize, Papy na Emery (Emery we ntiyahamagawe) bakinira Gor Mahia muri Kenya byagenze neza kuko batsinzwe na Bandari 1-0 mu mukino w’umunsi wa 24 wa shampiyona y’icyiciro cya mbere muri Kenya. Iyi kipe ni yo iyoboye urutonde n’amanota 50.

Manzi Thierry – Al Ahli Tripoli

Manzi Thierry yasimbuwe ku munota wa 90 mu mukino Al Ahli Tripoli ye mu cyiciro cya mbere muri Libya yatsinzemo Al Bashayer 2-0 ejo hashize ku Cyumweru. Muri iri tsinda Al Ahli Tripoli ni yo iyoboye urutonde n’amanota 38.

Nshuti Innocent – One Knoxville

Nshuti Innocent yinjiye mu kibuga asimbura ku wa Gatandatu tariki ya 9 Werurwe 2024 mu mukino wa gicuti iyi kipe ye yatsinzwemo na Louisville City 2-1.

Mugisha Bonheur Casemiro – AS Marsa

Muri shampiyona ya kamarampaka mu makipe arwana no kutamanuka mu cyiciro cya kabiri muri Tunisia, ejo hashize Mugisha Bonheur Casemiro na AS Marsa akinira batsinzwe 1-0 na CA Bizertin. Iyi kipe ifite amahirwe menshi yo kumanuka mu cyiciro cya kabiri kuko ari iya nyuma mu makipe 8.

Imanishimwe Emmanuel Mangwende – FAR Rabat

Ejo hashize ku Cyumweru, Imanishimwe Emmanuel Mangwende yari mu kibuga akina iminota 90 mu mukino wa shampiyona batsinzemo Youssoufia Berrechid. Iyi kipe ubu ni yo iyoboye urutonde n’amanota 55.

Biramahire Abeddy – UD Songo

Biramahire Abeddy usigaye ugorwa no kubona umwanya wo gukina muri UD Songo yo muri Mozambique, ntabwo yari muri 18 bifashishijwe n’iyi kipe ejo ku Cyumweru mu mukino wa Super Taça Pronvicial batsinzemo Chingale 5-0.

Ntwali Fiacre – TS Galaxy

Umunyezamu mpuzamahanga w’Umunyarwanda ukinira ikipe ya TS Galaxy yo muri Afurika y’Epfo mu cyiciro cya mbere, Ntwari Fiacre yari yabanje mu kibuga ku wa Gatandatu w’icyumweru gishize mu mukino wa shampiyona ikipe ye yanganyijemo na Richards Bay FC 0-0. Ubu iyi kipe iri ku mwanya wa 9 n’amanota 25, Mamelodi Sundowns ya mbere ifite 45.

Source : http://isimbi.rw/siporo/article/benshi-mu-bakinnyi-bakina-hanze-bahamagawe-mu-mavubi-ntibahiriwe-n-impera-z-icyumweru

Ku munsi w'ejo hashije nyuma yaho ikipe ya Rayon Sports itsinzwe na mukeba w'ayo umutoza wa Rayon Sports, Julien Mette, yavuze ko bamaze kuva ku Gikombe ca Shampiyona akimara kubona ko arushwa amanota 13.

Uyu mutoza yabigarutseho nyuma yo gutsindwa na mukeba APR FC ibitego 2-0 mu mukino w'umunsi wa 24 wa shampiyona.

Yagize ati 'Dushobora kuvuga ko byarangiye ku bijyanye no kwegukana Igikombe cya Shampiyona ariko tuzakomeza guhatana mu cy'Amahoro.'

Yakomeje avuga ko kuba baratsinzwe harimo kuba barabuze abakinnyi benshi barimo kapiteni Rwatubyaye, Ojera wakoresheje penaliti ebyiri ku mukino wa super cup.'

Yakomeje avuga ko imbaraga agiye kuzishyira ku gikombe cy'Amahoro kigeze muri ½.

Src: IGIHE

Source : https://yegob.rw/umutoza-wa-rayon-sports-julien-mette-yamanitse-amaboko-nyuma-yo-kwandagazwa-na-mukeba-wayo-atangira-kuzana-urwitwazo/

Umukino wahuzaga Manchester City yanganyije na Liverpool igitego 1-1, byabereye amahirwe Arsenal kuko yahise ifata umwanya wa Mbere.

Ubu Arsenal iyoboye urutonde rwa Shampiyona, aho inganya amanota na Liverpool 64.

Source : https://yegob.rw/umukino-wahuzaga-manchester-city-na-liverpool-warangiye-arsenal-ariyo-ibyungukiyemo/

Umugabo witwa Habimana Jalibu w'imyaka 41, wari utuye mu murenge wa Bugarama, akarere ka Rusizi, yapfiriye mu bitaro bikuru bya Kaminuza bya Butare (CHUB) kubera kuribwa n'imvubu ikamurya ubugabo.

Jalibu yariwe n'imvubu ku wa 7 Werurwe 2024, ubwo yari mu mugezi wa Ruhwa ari kogamo amaguru nyuma yo gusoza guhinga kugira ngo atahe asa neza.

Iyi mvubu yari yamwihishe maze agitangira koga, yamuturutse inyuma, imufata mu matako ubugabo burahakomerekera cyane, ndetse imwangiza n'ibindi bice by'umubiri. Yatabawe n'abaturage.

Yahise ajyanwa mu bitaro bya Gihundwe yanegekaye, naho bamuha transfer yo kujya kuvurirwa mu bitaro bikuru bya Kaminuza bya Butare 'CHUB' ari naho yaguye.

Source : https://yegob.rw/rip-jalibu-umugabo-uherutse-kurumwa-nimvubu-ikamurya-ubugabo-yitabye-imana/

Abakinnyi ba Dynamo BBC bari baserukiye Uburundi muri Afrika y'epfo bahanishijwe ibihano bikakaye kuko banze gukina bambaye ibirango by'umuterankunga wa BAL ariwe 'Visit Rwanda'.

 Dynamo BBC yafatiwe ibihano bikurikira:

1. Imyaka itanu badakina imikino mpuzamakungu, ibyo bigakora ku mukinyi uwariwe wese yari muri iyi kipe yagiye muri Africa y'epfo.

2. Amande ya 500.000 $ (n'ukuvuga hafi imiriyaridi zibiri n'inusu mu mafaranga y'amarundi)azishyurwa Federasiyo ya Basketball mu Burundi 'FEBABU'.

Source : https://yegob.rw/ikipe-ya-dynamo-bbc-na-federasiyo-ya-basketball-mu-burundi-zafatiwe-ibihano-bikakaye-nyuma-yaho-abakinnyi-biyi-kipe-banze-gukina-bambaye-visit-rwanda/

Ubuyobozi bwa Rayon Sports bwageneye ubutumwa abafana biyi kipe nyuma y'amashusho yagaragaye aba-Rayon bari kwishima mu buryo budasanzwe kandi APR FC yari imaze kunyabika Murera ibitego 2-0.

Mu butumwa ubuyobozi bwa Rayon Sports bwanyujije ku mbuga nkoranyambaga z'ikipe bugira buti 'Video yafashwe nyuma y'umukino yadukoze ku mutima. Ntabwo uyu wari umunsi wacu gusa turabashimira ko mwatubaye inyuma nta kudohoka.'

#PNL #RAYAPR

We can’t believe that this video was captured after the game. Despite our loss, you, the fans, stood behind us throughout the entire day.
🔵🔵🔵🔵🔵🔵🔵🔵🔵🔵🔵🔵🔵

Video yafashwe nyuma y'umukino yadukoze ku mutima. Ntabwo uyu wari umunsi wacu gusa turabashimira… pic.twitter.com/2CxemvcsJR

— Rayon Sports Official (@rayon_sports) March 9, 2024

Source : https://yegob.rw/ubuyobozi-bwa-rayon-sports-bwageneye-ubutumwa-abafana-biyi-kipe-bagaragaye-mu-mashusho-bari-kwishima-mu-buryo-budasanzwe-kandi-apr-fc-yari-imaze-kunyabika-murera-ibitego-2-0-videwo/

Ubuyobozi bwa Basketball Africa League bwatangaje ko bwateye mpaga ikipe ya Dynamo Basketball Club y'i Burundi mu irushanwa rya BAL 2024.

Iyi kipe yarewe mpaga ku bwo kwanga gukurikiza amabwiriza y'irushanwa rya BAL 2024 arebana n'imyenda yo gukinana mu gihe bari mu kibuga.

Iyi kipe yagombaga gukina na FUS Rabat yo muri Maroc kuri iki cyumweru gusa iyi kipe yanze kwambara imyambaro yanditseho Visit Rwanda.

Source : https://yegob.rw/visit-rwanda-ntago-ikinishwa-ya-kipe-yo-mu-burundi-yanze-kwambara-visit-rwanda-ibyayo-birangiye-ari-amarira-gusa/

Nyuma yo kubuza Dynamo BBC kwambara Vist Rwanda bikayiviramo guterwa mpaga, bamwe mu bakozi ba Federasiyo batangiye kwegura.

Armand NISABWE wari ushinzwe media muri FEBEBU(Federasiyo ya Basketball mu Burundi) yabujije Dynamo kwambara Vist Rwanda, amaze kwegura kuri uwo mwanya nyuma yo kudasobanukirwa ibiri gukorwa na Federasiyo.

Ku mugoroba wo kuri uyu wa Gatandatu tariki 9 Werurwe 2024, nibwo Perezida wa FEBABU, Jean Paul Manirakiza, yandikiye ibaruwa abarimo Umunyamabanga Mukuru w'iri shyirahamwe na Perezida wa BAL, asaba ko Dynamo BBC yakina itambaye ibirungo bya Visit Rwanda.

Kuri iki Cyumweru nibwo ubuyobozi bwa BAL bwatangaje ko bwateye mpaga Dynamo Basketball Club y'i Burundi ku bwo kwanga gukurikiza amabwiriza y'irushanwa rya BAL 2024 arebana n'imyenda yo gukinana, yanga kwambara imyenda yanditseho 'Visit Rwanda'.

Source : https://yegob.rw/nyuma-yo-kubuza-dynamo-bbc-kwambara-vist-rwanda-bikayiviramo-guterwa-mpaga-bamwe-mu-bakozi-ba-federasiyo-ya-basketball-mu-burundi-batangiye-kwegura/

Mu mukino wabaye ku munsi wo kuwa 6 tariki ya 9 Werurwe 2024 , wahuzaga ikipe ya Apr Fc ndetse na Rayon Sport, Umuzamu wa Rayon Sport yakoresheje ibyafashwe nk'amarozi ariko ntibyakora kuko umukino warangiye Apr fc itsinze Rayon Sport 2 :0.

Byatangiye ubwo uyu muzamu w'Umunya-Sénégal Khadim Ndiaye yasohokaga mu modoka , ku isaha ya Saa munani Rayon Sport ubwo yageraga kuri stade ya Kigali Pele Stadium.

Uyu munyezamu yabanje gufungura icupa rimwe ry'ibisukika bitari amazi ariko bigaragara nk'ibirenduka, maze arijugunya imbere y'umuryango w'imodoka yazanye Ikipe, ararikandagira birameneka bitembera munsi y'imodoka.

Arangije kubikandagira yatambutse ari na ko afungura irindi cupa na none arijugunya imbere y'umuryango w'urwambariro ararikandagira, abari mu rwambariro barikanga bigirayo ngo bitabatarukira.

Yakomeje kujugunya irindi cupa mu muryango w'urwambariro, nyuma akomeza ajya mu rwambariro mu gice cy'iburyo gisanzwe gikoreshwa n'ikipe yakiriye umukino.

Ubwo amakipe yasohokaga agiye kwishyushya, kubera ko Rayon Sports yari yatinze kugera ku kibuga ni na yo yasohotse nyuma. Umunyezamu Khadime yasohotse amena bya bisukika mu nzira yanyuzemo mu rwambariro, akomeza hanze agana mu kibuga.

Ubwo yabimenaga, yanyuze ku Mutoza wa APR FC, Umufaransa Thierry Froger Christian ndetse n'abakobwa bari bashinzwe gahunda bose baramureba ubona ko batunguwe.

Yakomeje mu kibuga ubwo amakipe yombi yari ari kwishyushya, ajya mu ruziga rw'ikibuga hagati abimenamo asigamo icupa, asubira kwishyushya.

Muri uku kwishyushya, Ndiaye yabanje kuzenguruka urubuga rw'amahina abona gukomeza gusama imipira nk'ibisanzwe.

Ubwo amakipe yombi yageraga mu kibuga arangije gusuhuzanya ndetse no kwifotoza, Umunyezamu Khadime yahagaze imbere y'abasifuzi ku murongo ugabanyamo ikibuga kabiri maze afata rimwe mu macupa yarimo bya bisukika ayasuka ayizengurutsaho.

Nyuma gato yazaniwe andi macupa abiri na mugenzi we Hategekimana Bonheur wabanje ku ntebe y'abasimbura ndetse bagirana ikiganiro kigufi mbere y'uko ajya mu izamu rye.

Khadime yakomeje agana ku izamu ryo ku ruhande rw'amarembo magari ya Kigali Pelé Stadium, mu gihe amakipe yari amaze gufata imyanya.

Yahagaze iruhande rw'izamu na none afata rimwe mu macupa yari afite arunama asuka yizengurutsa. Ibi yabikoraga ari na ko Umusifuzi wa mbere wo ku ruhande Ishimwe Didier yagenzuraga bwa nyuma niba inshundura ziteguye neza kwakira umukino w'ibihangange bya ruhago Nyarwanda.

Iyi mihango ya Khadime Ndiaye ntacyo yamufashije kuko uyu mukino APR FC yawutsinze ku bitego 2-0 bya Myugariro Niyigena Clement na Niyibizi Ramadhan.

Ibi byatumye Rayon Sports ya kabiri irushwa na APR FC ya mbere amanota 13 mu gihe hasigaye imikino 16 ngo Shapiyona igere ku musozo.

Source : https://yegob.rw/umuzamu-wa-rayon-sport-yazanye-anakoresha-ibisa-nkamarozi-ku-mukino-bakinnyemo-na-apr-fc-ariko-biramupfubana-amafoto/

Imyaka ibaye itanu umuhanzi Ngabo Medard Jobert wamamaye nka Meddy avuzweho gukorana indirimbo n’umunya Tanzania Diamond Platnumz ndetse bombi barabitangaje ariko iyi ndirimbo yabaye nka za hene nk’uko abanyarwanda babivuga iyo bashaka kuvuga ko ikintu runaka cyaburiwe irengero.

Mu 2022 abanyarwanda baratunguwe cyane ubwo babonaga umuhanzi The Ben akoranye indirimbo na Diamond Platnumz igasohoka vuba nyamara iya Meddy yatingiwe mbere ho imyaka isaga itatu.

Havuzwe byinshi ku ndirimbo ya Diamond Platnumz na Meddy ndetse bamwe bakavuga ko aba bombi baje kugirana agatotsi mu mubano wabo.

Umuhanzi The Ben yahishuye uko byagenze kuri izi ndirimbo zabo bombi.

Mu kiganiro yagiranye n’Itangazamakru, The Ben yahishuye ko impamvu indirimbo ya Diamond Platnumz na Meddy itabaye, ari impamvu y’uko aba bombi batabashije guhuriza ku ndirimbo runaka kandi bari bakoze ebyiri.

Ati “Urumva kugirango abahanzi bakorane indirimbo, bisaba ko bose bayihurizaho, urugero. Diamond Platnumz na Meddy bakoranye indirimbo ebyiri ariko zose babura iyo bahitamo. Bwa mbere Meddy yarayikunze, Diamond Platnumz ntiyayishima, iya kabiri Diamond Platnumz arayikunda ariko Meddy ntiyayikunda”.

Ibi yabihishuye nyuma yo guhatwa ibibazo ku mpamvu atakunze indirimbo ye na Bruce Melodie, we akavuga ko atakunze uko yari imeze ariko ngo nta gikuba cyacitse ko abahanzi bibaho ko badahuza ku ndirimbo runaka.

Icyakora izi ndirimbo za Meddy na Diamond Platnumz, kuri ubu birasa n’ibizagorana ko hagira ibaho kuko kuri ubu Meddy yabaye umukozi w’Imana akaba arimo no kwigira kuba Pasiteri.

The Ben yahishuye irengero ry’indirimbo ya Meddy na Diamond Platnumz 

Diamond Platnumz ntiyashimye indirimbo ya mbere yakoranye na Meddy 

Meddy ntiyashimye indirimbo ya kabiri na Diamond Platnumz 

Diamond Platnumz na Meddy bananiwe kumvikana ku ndirimbo yasohoka muri ebyiri zakozwe

Reba ikiganiro The Ben yagiranye na Inyarwanda 

“>

https://youtu.be/jsFhFHmwYww?si=w1ORXYrpwCoVmUyG

Source : https://inyarwanda.com/inkuru/140605/irengero-rindirimbo-za-meddy-na-diamond-platnumz-ryamenyekanye-140605.html