Blog

Tugiye kugaruka ku buzima bwaranze uyu Mwami kugeza yimye ingoma amazeho imyaka isaga 30 ubusanzwe yitwa Ronald Edward Frederick Kimera Muwenda Mutebi II yabonye izuba kuwa 13 Mata 1955 ni Umwami w'Ubwami bwa Bugandsa akaba ari uwa 36 wimye iyi ngoma.

Yavukiye mu Bitaro bya Mengo ni umuhungu wa Edward Frederick William David Walugembe Mutebi Luwangula Muteesa II wabaye Umwami w'u Buganda hagati ya 1939 kugera 1969.

Nyina akaba ari Umwamikazi Nabakyala Sarah Nalule, Muwenda Mutebi II yasoreje amasomo ya Kaminuza mu Bwongereza mu Kaminuza ya Magdalene.

Yigeze kubaho imyaka itari micye nk'impunzi mu mirimo yakoze harimo iy'itangazamakuru yanabaye umwe mu bagize Inama Nyobozi ya ANC muri London nyuma y'urupfu rwe yagizwe Umwami aza no gusubira mu Bugande muri 1988.

Kuwa 24 Nyakanga 1993 ni bwo yimitswe ku mugaragaro nk'Umwami w'u Buganda u Bwami bwe bubarizwa muri Mengo.

Muwenda Mutebi II yashyingiranwe n'Umwamikazi Sylvia Nagginda kuwa 27 Kanama 1999 muri Katederali ya Saint Paul muri Kampala afite abana barimo Igikomangoma Savio Muwenda [Juunju Suuna] wavukiye muri London mu 19986.

Uyu muhungu mukuru w'uyu Mwami yamubyaranye n'Umunyarwandakazi Ambasaderi Vénantie Sebudandi.

Mu bandi bana afite barimo Igikomangomakazi Joan Nassolo, Igikomangomakazi Victoria Nkinzi, Igikomangomakazi Sarah Katrina Mirembe Ssangalyambogo Nachwa wavukiye mu Bwongereza muri 2001.

Igikomangoma Richard Ssemakookiro wavutse muri 2011 yabyaranye na Rose Nansikombi.

Guhera muri Mata 2011 ni we Muyobozi wa Kaminuza ya Muteesa I Royal yashizwe mu 2007 afite kandi n'ibindi bikorwa bikomeye agiye abereye Umuyobozi binyuze mu Nshingano afite nk'Umwami bishamikiye ku Bwami bw'u Buganda.    Muri 1993 ubwo Mwenda Mutebi II yimikwaga imihanda yari yuzuye abantu bagenda bamusingiza Mwenda Mutebi II n’Umwamikazi Sylvia Nagginda bamaze imyaka 25 biyemeje kubana Mu mwaka wa 2023 yakoze ibirori byo kwizihiza imyaka 30 amaze yimye ingoma Aha Perezida Yoweli Kaguta Museveni yari kumwe n’Umwami Mwenda Mutebi IIAmbasaderi Sebudandi uheruka kwitaba Imana yari umwe mu bagore ba Mwenda Mutebi II banafitanye umwana w’umuhungu

Kuwa Kane w'iki cyumweru tariki 11 Mata 2024, nibwo umunya-Espanye Corina Mrazek w'imyaka 23 y'amavuko yatorewaga guzahagararira iki gihugu mu irushanwa rya Miss World rizaba ku nshuro ya 72, ahigitse bagenzi be 50 bari bahataniye iri kamba.

Corina afite impamyabumenyi mu bijyanye n'ubukerarugendo, akaba umukorerabushake mu bigo bitandukanye bitanga ibiribwa muri Espanye. Kuri ubu, uyu mukobwa akora akazi ko kwita ku bagenzi mu ndege.

Igisonga cya Miss Corina cya mbere ni Charlotte Harrison, naho Maria Arcos, Miss World Granada, akaba igisonga cya kabiri.

Corina Mrazek yanyuze abagize akanama nkemurampaka bakimukubita amaso, bitewe n'ubwiza bwe butangaje bwitamuruye cyane ubwo yabyinaga imbyino gakondo yo mu muco wa Canariya.

Amaze kwambikwa ikamba ry’Umwamikazi mushya, Corina yaragize ati: “Iri joro ni ikigaragaza amezi menshi yo gukora cyane. Uru rugendo rwose rwahinduye ubuzima bwanjye.”

Mrazek yahawe ikamba na Paula Pérez, umudogiteri wari uhagarariye Espanye mu iserukamuco/irushanwa rya Miss World World ubwo ryabaga ku nshuro ya 71, rikabera mu Buhinde mu ntangiriro z’uyu mwaka. Paula, yabashije kugera mu 12 ba mbere, aba uwa 3 ku mugabane w'u Burayi.

Miss World Espagne, Corina Mrazek azitabira irushanwa rya Miss World ku nshuro ya 72, biteganijwe ko rizaba mu mezi ya mbere ya 2025.Ni mu gihe Nyampinga w'Isi wambaye ikamba kugeza ubu, ari Krystyna Pyszková ukomoka muri Repubulika ya Czech.

Dore amwe mu mafoto agaragaza uburanga bwa Miss Corina Mrazek watorewe kuzahagararira igihugu cya Espanye mu irushanwa rya Nyampinga w’Isi riteganyijwe umwaka utaha:

Corina Mrazek niwe uzahagararira Espanye muri Miss World 2025

         

Pastor Dr Ian Tumusime yashakanye na Janet Tumusime, bakaba bafitanye abana batandatu. Yakiriye agakiza mu 1999, akaba ari bwo yomatanye n'Imana. Mu mwaka wa 2008 ni bwo yasengewe kuba Pasiteri, bisobanuye ko amaze imyaka 16 ari Umushumba.

Pasiteri Ian yimitswe na Bishop James Mulisa uyobora Revival Palace Community Church mu Rwanda. Mu 2014 ni bwo yatangije Itorero mu Karere ka Bugesera. Nyuma y’imyaka 10 gusa, iri torero rifite inyubako irimo urusengero rw’icyitegererezo mu Karere ka Bugesera.

Muri ibi byo kwibuka ku nshuro ya 30 Jenoside yakorewe Abatutsi muri Mata 1994, Pastor Dr. Ian Tumusime yahumurije abanyarwanda yifashishije icyanditswe cyo muri Bibilya, Yobu 14:7, ababwira ko hakiri ibyiringiro byo kubaho kandi ‘tubeshejeho abandi’.

Yobu 14:7 'Erega hariho ibyiringiro yuko igiti iyo gitemwe cyongera gushibuka,Kandi kikajya kigira amashami y’ibitontome. 8 Nubwo umuzi wacyo usazira mu butaka,N’igishyitsi cyacyo kigahera mu mukungugu, 9 Iyo cyumvise amazi cyongera gushibuka,Kigatoha nk’igiti kikiri gito.

Pastor Dr. Ian Tumusime ati “Ndahumuriza abanyarwanda ko hakiri ibyiringiro byo kubaho kandi tubeshejeho abandi. Ni twe tuzi neza ububabare bw’aho tuvuye, nta muntu ukwiye gutegereza ibisubizo by’aho dushaka kujya ahandi.

Imizi iracyafite ubuzima bwo kuvamo ishyamba rinini, imvura ikenewe yarabonetse ni imiyoborere myiza. U Rwanda rwarashibutse kandi bivuye ku mbabazi abarokotse Jenoside batanze, u Rwanda ruzakomeza ‘kubaho’ kuko abanyarwanda bahisemo kwimakaza imbabazi, ubutabera ndetse n’ubumwe. Humura Rwanda, abana bawe bari maso”.

Ubwo Jenoside yakorewe Abatutsi mu 1994 yabaga mu Rwanda, amahanga yatereranye u Rwanda, ingabo zari mu Rwanda mu butumwa bw’amahoro bw’Umuryango w’Abibumbye (UN) zisubirira mu bihugu byabo, kugera aho inzirakarengane zirenga miliyoni zicwa urw’agashinyaguro. 

Muri icyo gihe nta cyizere cy’ubuzima cyari gihari mu Rwanda, ariko ku bw’amahirwe Inkotanyi zahise zitabara zihagarika Jenoside yakorewe Abatutsi zinabohora igihugu. Imyaka 30 irashize kuva u Rwanda ruzutse, ubu rurakataje mu rugendo rwo kwiyubaka ari na ko rumurikira amahanga. 

Ibyiza u Rwanda rukomeje kugeraho nyuma ya Jenoside yakorewe Abatutsi mu 1994, rubicyesha ubuyobozi bwiza burangajwe imbere na Perezida Paul Kagame. Dr. Tumusime yikije ku buyobozi bw’u Rwanda bwavanye u Rwanda mu icuraburindi mu myaka 30 ishize, Iterambere ry’u Rwanda rikaba rikomeje kwishimirwa n’isi yose.

Mu kiganiro na InyaRwanda, Pastor Dr. Ian Tumusime yacyeje Perezida Kagame, ati “Ubuyobozi bw'u Rwanda bwabaye intangarugero ku isi n’indashyikirwa muri iki kinyejana cya 21. Ndashimira Perezida Kagame Paul ubuhanga n’ubushishozi byakomeje kumuranga”.

“Kugeza n'uyu munsi, sindabona cyangwa ngo numve undi perezida wakuye igihugu mu icuraburindi agahagarika Jenoside, yarangiza akabanisha abaturage, igihugu kikajya ku murongo!! Sindabonaho igihugu kiyubaka kuva mu busa mu gihe gito nk’u Rwanda.”

Yavuze akantu ku kandi ku bigira Perezida Kagame umuyobozi w’indashyikirwa ku Isi, atanga ingero ko yubatse amashuri menshi abana bakiga kandi ku buntu, umunyarwanda wese akaba yivuza bimworoheye kandi ku ivuriro rimwegereye, amashanyarazi akaba agera ku baturarwanda hafi ya bose, abahinga bakaba babona amasoko n’ibindi.

Yamushimiye kandi ko ubutabera bukora ntawubukoreyemo, ashima ko abanyamakuru bubaka igihugu aho gusenya, yewe buri muntu akaba yibona mu iterambere ry’igihugu cy’u Rwanda, “abanyarwanda baba mu mahanga bagahabwa agaciro nk’abari mugihugu”.

Arakomeza agira ati: “Imiyoborere myiza nyuma ya Jenoside, yasaranganyije ubutaka abanyarwanda, yaciye nyakatsi, abaturage b’u Rwanda bose bambara inkweto, hari ibintu bisa n’aho ari bito ariko bigaragaza imiyoborere ifite aho iganisha abanyarwanda.”

Pastor Tumusime uzwi cyane mu biterane bya A Light to The Nations asemurira Ev. Dana Morey akanigisha Ijambo ry’Imana, yasabye abakristo bose gukomeza gusengera ubuyobozi n’igihugu muri rusange “ariko muri uko gusenga dukomeza kuba abakozi b’ijambo”.

Ati “Ndasaba abakristo n’abanyarwanda bose guhaguruka tugakura amaboko mu mufuka tugasenga ariko dukora ibituma u Rwanda rukomeza gukataza mu iterambere ridukura mu guhora tugirirwa impuhwe tukanja mu bihugu bifite icyo bizana ku meza y’iterambere ry’isi.

Pastor Dr Ian Tumusime yashimiye Perezida Kagame avuga ko atarabona undi muperezida wakoze nk’ibyo yakoze

Pastor Dr Ian Tumusime yahumurije abanyarwanda muri ibi bihe byo #Kwibuka30

Pastor Dr Ian Tumusime hamwe n’umufasha we bafatanya kuyobora Revival Palace Church mu Bugesera

Aba bafatwa nk’aba mbere bagize uruhare rukomeye mu kubika amateka ya Jenoside yakorewe Abatutsi, ubumwe n'ubwiyunge bw'Abanyarwanda n'ibindi babinyujije mu bihangano byabo bagiye bashyira hanze mu bihe bitandukanye byomoye benshi.

Baririmbye kuri uyu wa Gatandatu tariki 13 Mata 2024, mu gusoza icyumweru cy'inyunamo ku rwego rw'Igihugu, byabereye ku rwibutso rwa Jenoside rwa Rebero.

Muri uyu muhango, Perezida wa Sena, Dr. Kalinda François Xavier n’abandi banyacyubahiro batandukanye ndetse n’imiryango y’abanyapolitiki, bashyize indabo ku mva, banunamira abanyapolitiki bashyinguye mu Rwibutso rwa Jenoside yakorewe Abatutsi rwa Rebero.

Ku rutonde rw'abanyapolitiki basanzwe bashyinguye kuri uru rwibutso hiyongereyeho abandi icyenda, na bo baranzwe n'ibikorwa by'ubutwari no kwanga akarengane.

Muri uyu muhango, Munyanshoza yaririmbye indirimbo ye yise 'Ibijya gucika bica amarenga'. Mbere yo kuyiririmba, yavuze ko yayanditse ashaka kugaragaza amateka mabi Abanyarwanda banyuzemo.

Nyiranyamibwa Suzanne we yaririmbye indirimbo 'Ese Mbaze nde?'. Nyuma yo kuyiririmba, yavuze ko ari inshingano za buri wese kwibuka 'kugira ngo aya mahano atazasubira ukundi'.

Yavuze ati 'Ndabifuriza gukomera no kwihangana, kuko inshingano za buri wese muri twe ni ukubaho tugatsinda ikibi, aya mahano ntazongera kugwirira igihugu cyacu. Murakoze, twibuke, twiyubaka.”

Mukankusi Grâce we yaririmbye indirimbo yise ‘Mfite ibanga’. Yavuze ko ishingiye ku buhamya bwe, kuko igaruka ku buzima bw’umubyeyi we (Nyina) wishwe muri Jenoside yakorewe Abatutsi.

Ati “Mfite ibanga’ ni indirimbo ikubiyemo ubuhamya, Mama yishwe muri Jenoside yakorewe Abatutsi ku itariki nk’iyi ngiyi ya 13 Mata 1994, aho bamwishe bamuciye amaguru n’amaboko bamujugunya mu cyobo bamugerekaho indi mirambo yicwa no kubura umwuka.”

Ku rutonde rw'abanyapolitiki basanzwe bashyinguye kuri uru rwibutso hiyongereyeho abandi icyenda, na bo baranzwe n'ibikorwa by'ubutwari no kwanga akarengane.

Ni urwibutso rushyinguyemo abanyapolitiki bemeye guhara ubuzima bwabo barwanya bivuye inyuma umugambi wo kurimbura Abatutsi wabibwe na Repubulika ya mbere n'iya Kabiri.

Ibikorwa byabo byasize umurage udasaza, kandi batanga urugero rw'uko buri wese akwiriye guharanira kurwanya yivuye inyuma ivangura rigeza kuri Jenoside.

Kuva mu 2006, ku rwibutso rwa Jenoside rwa Rebero niho habitse amateka y'abanyapolitiki bishwe muri Jenoside bazira kurwanya Politiki y'urwango.

Kuri uyu wa Gatandatu tariki 13 Mata 2024, hibutswe kandi hazirikanwa amazina y'abanyapolitiki bongewe muri uru rwibutso. Barimo: Gisagara Jean Marie Vianney wari Burugumesitiri wa komini Nyabisindu;

Dr Gafaranga Theoneste wari umudepite, Dr Habyarimana Jean Baptiste wabaye Perefe wa perefegitura ya Butare aba n’umwarimu muri Kaminuza Nkuru y’u Rwanda (UNR);

Kabageni Venantie wari umudepite, Kamenya Andre wari mu bashinze ishyaka rya PL yari n'umuyobozi w’ikinyamakuru 'Rwanda Rushya', Kavaruganda Joseph wagize uruhare mu gusinywa kw’amasezerano y’amahoro muri Arusha, Kayoranga Charles wakoze muri Ministeri y’Ubucamanza;

Mushimiyimana Jean Baptiste wabaye umujyanama mu bya politiki muri Ministeri y’Imirimo ya Leta n’ingufu, Me Ngabo Félicien wabaye Visi-Perezida w’ishyaka rya PSD yajyaga avuga ati 'Ndabizi ko nzicwa ariko reka turwanire ukuri ku buryo n’abazadukomokaho bazajya bamenya ibibazo twanyuzemo ntihazagire ubayobya.”

Hari kandi Ngurinzira Boniface wabaye mu bitandukanyije n'ishyaka rya MRND ryari ku butegetsi ajya muri MDR. Yishwe n'abasirikare barindaga Umukuru w'Igihugu,

Mu bandi bibukwa harimo, Me Niyoyita Aloys wari mu ishyaka rya PL ritari rishyigikiye imiyoborere y'igitugu n'andi mashyaka yarangwaga n'ivanguramoko, Nyagasaza Narcisse wabaye Burugumesitiri wa Komini Ntyazo;

Nzamurambaho Frederic wabaye Perezida w’ishyaka PSD wajyaga avuga ngo ” Ushobora gupfa uzira kuba ikigwari, kandi ushobora gupfa uzira kuba intwari. Rero uzahitemo icyo uzapfa uzira', Rucogoza Faustin wabaye Minisitiri w'itangazamakuru;

Prof. Rumiya Jean Gualbert wabaye muri komite ya MRND ariko ntiyigeze ashyigikira amacakubiri, Rutaremara Jean De La Croix wabaye umujyanama mu by’amategeko muri Ministeri y’Ubucuruzi, Ruzindana Godefroid wabaye Perefe wa Perefegitura ya Kibungo;

Rwabukwisi Vincent wari mu barwanyije Politiki mbi y’amoko binyuze mu mwuga w’itangazamakuru ndetse na Rwayitare Augustin wakoze muri Ministeri y’umurimo n’imibereho myiza y’abaturage.

 

Umuhanzi Munyanshoza Dieudonne ubwo yaririmbaga mu muhango wo kwibuka Abanyapolitike

Munyanshoza yavuze ko yahimbye iyi ndirimbo ‘mu rwego rwo kugaragaza uko Jenoside yateguwe’

Nyiranyamibwa yaririmbye indirimbo ye yise 'Ese mbaze nde?

Nyiranyamibwa yasabye buri wese guharanira ko Jenoside itazongera kubaho ukundi

Mukankusi Grace yaririmbye muri uyu muhango indirimbo ye yise 'Mfite ibanga' yahimbiye umubyeyi we

Mukankusi yavuze ku kuntu umubyeyi we yishwe urw’agashinyaguro muri Jenoside

KANDA HANO UREBE UBWO MUNYANSHOZA YARIRIMBAGA

“>

KANDA HANO UREBE UBWO NYIRANYAMIBWA YARIRIMBAGA

“>

Kanda hano urebe amafoto menshi yaranze uyu muhango wokwibuka abanyapolitiki

AMAFOTO: Serge Ngabo- InyaRwanda.com

Ni impanuka yabaye kuri uyu Wagatandatu taliki 12 Mata 2024 mu masaha ya saa sita ibera mu muhanda uva Lusaka werekeza Kafue aho imodoka ntoya, Rainford Kalaba yararimo yo mu bwoko bwa Mercedes Benz yagonganye n’igikamyo cyo mu bwoko bwa Howo gitwara ibitoro.

Nyuma y’iyi mpanuka uyu munyabigwi  yajyananywe  kwa muganga n’umukunzi we warumutwaye bose  bakomeretse cyane ariko nyuma y’amasaha macye baza kwitaba  Imana nkuko police yo muri Zambia yabitangaje.

Reinford Kalaba wapfuye ku myaka 37 dore ko yari yaravutse taliki 14 z’ukwezi kwa 08 mu 1986 yakiniye amakipe arimo Zesco United guhera muri 2006,nyuma y’imyaka 2 ahava yerekeza muri Braga ,muri 2008 ahita  yerekeza muri Gil Vicente nyuma ajya gukinira Leiria maze muri 2012 yerekeza mu ikipe ya TP Mazembe ari naho benshi bamumenyeye gusa aza gutandukana nayo mu mwaka ushize.

Yanakiniye ikipe ye y’igihugu ya TP Mazembe guhera muri 2005 kugeza muri 2018 anatwarana nayo igikombe cy’Afuruka cya 2012.

Yatwaranye ibikombe 2 na Zesco United,9 ari kumwe na TP Mazembe ndetse muri 2016 yegukanye igihembo cy’umukinnyi watsinze ibitego byinshi muri CAF Confederation Cup 

Uko imodoka yaririmo Reinford Kalaba yabaye 

Reinford Kalaba yamenyekanye cyane akina muri TP Mazembe

Reinford Kalaba yafashije ikipe y’igihugu ya Zambia kwegukana igikombe cy’Afurika muri 2012