Blog

Ibi Ngabonziza yabitangarije mu gikorwa cyo kwibuka ku nshuro ya 30 Jenoside yakorewe Abatutsi mu Murenge wa Gitega. Ni igikorwa cyabaye kuri iki Cyumweru tariki ya 14 Mata 2024 ari na yo tariki Abatutsi bo muri uwo murenge batangiye kwicirwaho.

Ni igikorwa cyatangiranye no kunamira ndetse no gushyira indabo ku mva zishyinguyemo inzirakarengane mu Rwibutso rwa Cyahafi.

Mparabanyi Faustin wahoze ayobora IBUKA mu Murenge wa Gitega, yavuze ko ubwo Jenoside yatangiraga ku itariki 7 Mata muri Segiteri ya Gakinjiro muri uyu murenge ho ubwicanyi butahise butangira kuko hari urubyiruko rushyize hamwe rubasha kwihagararaho Interahamwe zirarutinya kugeza ku itariki ya 14 Mata.

Kuri iyo tariki mu masaha y'umugoroba, Interahamwe zaje guhimba amayeri atuma zihangara Gitega zibeshya ko harashwe uwari konseye mu rwego rwo gushaka impamvu yo gutangiza Jenoside.

Ati 'Ubwo bahise bafata burende imwe bayitera ku muhanda wo haruguru wa kaburimbo, indi bayitera ku muhanda wo hepfo w'amabuye zose zitunze iminwa mu Gakinjiro. Ubwo abantu batangira kugira ubwoba n'Abahutu bari barafatanyije n'abatutsi na bo bagira ubwoba biba ngombwa ko bakora ibyo bategetswe n'ubuyobozi'.

Yakomeje ati 'Ubwicanyi bwatangiye ubwo kuri uwo munsi bishe abantu barenga nk'igihumbi. Byarakomeje bica, bafata abagore ku ngufu imfubyi ziba nyinshi n'abapfakazi, ubwo kwa kwihagararaho biba birarangiye Abatutsi bagabijwe Interahamwe zikomeza kubica'.

Mparabanyi yavuze ko muri Gitega Abatutsi bakomeje kwicirwa mu ngo abandi batangirirwa mu nzira bahunga ndetse n'abari bahungiye ku rusengero rwa ADEPR Nyarugenge Interahamwe zabasohoyemo zibicira hanze.

Yavuze ko nubwo hari imibiri yabonetse igashyungurwa mu cyubahiro, hari n'indi itaraboneka y'Abatutsi bishwe umugenda bahunga muri Gitega ariko magingo aya amakuru y'aho bajugunywe akaba ataramenyekana.

Umunyamabanga Nshingwabikorwa wa Nyarugenge, Emmy Ngabonziza yanenze cyane abaturage bakomeje kwinangira ku gutanga amakuru y'aho aho abishwe bagiye bashyirwa.

Ati 'Nagira ngo tugaye abo bose bafite amakuru y'aho imibiri y'abazize Jenoside yajugunywe batayatanga kugira ngo tubashyingure mu cyubahiro. Bikomeze bibabere inkomanga ku mutima kugeza igihe bazabigaragariza kugira ngo tubahe agaciro bakwiye'.

Yakomeje ati 'Uyu munsi turateganya gushyingura imibiri igera kuri 68 twabonye muri uyu mwaka [mu Karere ka Nyarugenge], atari uko bamwe mu bafite ayo makuru babigaragaje ahubwo biraterwa n'impamvu z'ibikorwaremezo, inyubako n'ibindi bigenda bikorwa tukabasha kubona iyo mibiri. Tugenda tubona n'ibimenyetso ndetse hakagira imitima iruhuka iyo ibonye ibyo bimenyetso by'uko hari ababo bahiciwe'.

Yongeyeho ko ibyo bigagaragaza ko mu by'ukuri hari benshi mu bacu bazize Jenoside bakiri hirya no hino mu byobo hatazwi aho biherereye.

Ngabonziza yasabye abari bateraniye aho umusanzu mu gatanga ayo makuru.

Uyu muyobozi kandi yahaye abaturage umukoro wo gukomeza kuba maso no kwirinda ingengabitekerezo ya Jenoside kuko mu cyumweru cyo kwibuka mu Kerere ka Nyarugenge abaturage babatu bagaragaweho ingengabitekerezo ya Jenoside.

Hashyizwe indabo ku mva zishyunguyemo imibiri y’abishwe muri Jenoside

Abaturage basabwe gukomeza kunga ubumwe birinda ingengabitekerezo ya Jenoside

Umuyobozi Nshingwabikorwa wa Nyarugenge, Ngabonziza Emmy yasabye abafite amakuru y’ahajugunywe imibiri y’abishwe muri Jenoside, kuyatanga

Mu Murenge wa muyira mu karere ka Nyanza hashize minsi itanu abaturage n’ubuyobozi bw'inzego z'ibanze n'inzego z'umutekano bashakisha ibendera ry'Igihugu ryari ku biro by'akagari ka Nyamure. Abaturage barakeka ko uwahoze ari mutekano mu mudugudu waburiwe irengero ariwe waritwaye.

Amakuru avuga ko byamenyekanye bivuzwe n'irondo ry'umwuga mu kagari ka Nyamure  ribibwira ubuyobozi. Icyo gihe kandi urwego rw'Igihugu rw'Ubugenzacyaha, RIB rwahise rutangira  iperereza.

Amakuru avuga ko RIB yanataye muri yombi abantu batatu bari basanzwe bakora akazi k'irondo ry'umwuga, ari bo Mushokambere Samuel, Kubwimana Alex na Ntawuhigumuto Evariste.

Amakuru avuga ko abaturage bakeka ko iryo  bendera ry'u Rwanda ryibwe n'uwahoze ashinzwe umutekano mu mudugudu wa Kanyundo, witwa Bazambanza Emmanuel.

Bazambanza Emmanuel ukekwa yahoze  ashinzwe umutekano ariko yari amaze igihe gito yeguye mu nshingano ze, amakuru akavuga ko atumvikanaga n’Umukuru w’Umudugudu wa Kanyundo witwa Nsabimana Emmanuel.

Ikindi bariya baturage bashingiraho bamukeka, ngo ni uko Bazambanza wahoze ashinzwe umutekano atakiri muri kariya gace, kandi ntawe uhamagara telefone ye ngo ayifate, cyakora we ngo hari abo ahamagara ababaza uko byifashe ku ivuko aho i Nyamure hibwe ibendera.

InyaRwanda.com yagerageje kuvugana n’ubuyobozi bw’Akarere ka Nyanza ariko duhamagaye umuyobozi w’Akarere Ntazinda Erasme ntiyitaba telefone ye igendanwa ndetse ubutumwa twamwandikiye ubwo twakoraga iyi inkuru yari atarabusubiza.

Abavuga ko batandukanye barashingira ku kuba batarakigaragara mu ruhame bari kumwe, ndetse kenshi ibikorwa Alliah Cool ategura akunze kugaragara atari kumwe n'abo. Banashingira ku kuba imwe mu mishinga bari bateguje mu gihe cya vuba irimo no gushyira hanze filime igaruka ku buzima bw’abo itarajya hanze.

Ubwo yari avuye mu gihugu cya Kenya mu ijoro ryo kuri uyu wa Mbere tariki 15 Mata 2024, aho yegukanye igikombe cy’umukinnyi wa filime wahize abandi ‘Best Film Star Act’, Alliah Coool yabajijwe n’itangazamakuru ibivugwa ko Kigali Boss Babes yatandukanye, asubiza ko bitigeze bibaho kuko ari ‘kompanyi ifite n’ibyangombwa’.

Ati “Kigali Boss Babes iracyahari, Kigali Boss Babes ni kompanyi yanditse muri RDB kandi iracyahari.”

Abagize Kigali Boss Babes bavuga ko imyaka irenze 10, ubushuti bwabo n'ibikorwa by'ishoramari bakora byagutse, byatumye igihe kimwe bagira igitekerezo cyo kwihuriza hamwe kugirango bibagirire akamaro bigera no ku bandi.

La Douce avuga ko Kigali Boss Babes ari ihuriro ry''Umugore wihagazeho/wigenga, ufite inzozi zagutse, utekereza kure, uzi icyo ashaka, ufite indangagaciro, kandi utaruhuka kugeza ageze ku nzozi ze'.

Iri tsinda rikimara gushingwa havuzwe byinshi, bamwe ku mbuga nkoranyambaga bibaza aho bakuye amafaranga n'ibindi byatuma bagaragara nk'abagore b'abanyamafaranga.

Alliah yigeze kubwira Kiss Fm ko bitabaciye intege nubwo hari abavuze ko bibonekeje, ariko kuri we siko abibona. Ati 'Kwibonekeza ni byiza. Buriya utibonekeje ugasigara inyuma y'abandi waba usigaye, wazasigara inyuma y'abandi.' 

Alliah Cool yavuze ko gushyirwa ku rutonde rw’abari bahataniye ibihembo 'East Africa Arts Entertainment Awards' byatanzwe ku nshuro ya gatatu, hashingiwe ku bikorwa bye bya cinema yagiye akora mu bihe bitandukanye, binashamikiye ku bikorwa by’ubugiraneza kuri sosiyete.

Ati “[….] Bari bavuze ko ari umusitari wa Cinema ariko ukora ibikorwa bifitiye sosiyete akamaro, rero nareba abantu duhanganye, nakireba nanjye nka Ambasaderi nkavuga nti kano kantu gahita kabakubita, kakabashyira hehe hasi.”

Alliah Cool yavuze ko atagiye muri Kenya kubera ibi bihembo, ahubwo ko byahuriranye na gahunda yari afite muri iki gihugu. Yavuze ko inzozi ze zirenze ku guhabwa igikombe, kuko yihaye intego yo kwagura imikorere ye akagiranye ubufatanye n’abanyamahanga.

Akanama Nkemurampaka kifashishijwe mu gutanga amanota, ndetse hanabaye icyiciro cy’amatora yo kuri Internet cyari gifite amajwi 50%. Yavuze ko umuhate ashyira mu bikorwa bye, gukorana n’abantu banyuranye biri mu bimufasha kugera ku nzozi ze.

Imyaka irenga 11 ari muri Cinema ntiyigeze akora filime y’uruhererekane (Series), yavuze ko ahanini biterwa n’ubushobozi ndetse n’umwanya uhagije.

Yavuze ko kuba yegukana ibihembo byinshi muri Cinema, ahanini bituruka ku kuba yarashyize imbere kumenyekana n’abantu bategura ibihembo nk’ibi, hanyuma buri uko batangaje itegurwa ry’ibihembo agatangamo filime.

Uyu mukinnyi wa filime, yavuze ko igikombe yegukanye yagituye abatuye mu Karere k’Afurika y’Iburasirazuba, kandi muri iki gihe yihaye intego yo kumenyekanisha ibikorwa byo muri EAC.

Ati “Urumva EAC abantu benshi bumva Igiswahili, ngira amahirwe igiswahili ndakizi, ni amahirwe, kuko narakize. Niyo mpamvu ndi kwita cyane kuri EAC, kandi nizeye ko bizakunda.”

Alliah Cool ni umukinnyi wa filime wamenyekanye cyane muri filime 'Rwasa' yitwa Nelly, ndetse akaba ari n’umufana ukomeye wa Rayon Sports.

Alliah Cool yageze i Kigali nyuma yo kwegukana igikombe 'Best film star of year East Africa’

Alliah Cool yavuze ko kwegukana iki gikombe abicyesha ibikorwa yakoze bifasha sosiyete ndetse na filime yagiye ashyira hanze

Alliah Cool yatangaje ko Kigali Boss Babes batigeze batandukana kuko ari kompanyi

   

KANDA HANOUREBE IKIGANIRO TWAGIRANYE NA ALLIAH COOL NYUMA YO KUGERA I KIGALI

“> 

VIDEO: Freddy Rwigema- InyaRwanda.com

Nyuma y’uko umushoramari akaba n’umuhanzi, Marchal Ujeku yegukanye ibihembo 2 muri East Africa Entertainment Awards (EAEA) biheruka gutangirwa muri Kenya, yashimiye umugore we umutera imbaraga zo gukora umunsi ku munsi.

Marchal akaba yegukanye ibihembo bibiri, icya mbere icya kompanyi ye ya ‘Marchal Real Estate’ icuruza ibibanza ndetse n’icy’indirimbo y’umuco muri Afurika y’Iburasirazuba.

Yavuze ko igihembo ‘Marchal Real Estate’ yegukanye agikesha gukora cyane, ashimira abakozi ba yo bakora umunsi ku munsi ngo kompanyi itere imbere.

Ati “Ibihembo negukanye ni bibiri. Icya ‘Marchal Real Estate’ ndagikesha gukora cyane, nshimira abakozi bose ba kompanyi bakora umunsi ku munsi kugira ngo dushyire mu bikorwa ibyo abakiliya baba bifuza, navuga ko iki gikombe ngituye abakozi bose n’abakiriya muri rusange.”

Yavuze ko iki gihe mbo cya ‘Marchal Ral Estate’ yegukanye bizafasha mu kwihutisha ibijyanye n’umushinga afite muri Kenya wo gufungurayo ishami ry’iyi kompanyi ye.

Ati “muri Kenya twari twatangiye kureba uburyo twahashyira ibiryo bya Marchal Real Estate, umushinga twarawutangiye dutangira no gukorana na kompanyi yitwa Mizizi, iki gikombe mpawe byatumye hazamo kwihutisha ibikorwa.”

Ku gihembo indirimbo ye ya ‘Ntakazimba’ yegukanye nk’indirimbo y’umuco muri Afurika y’Iburasirazuba, yavuze ko cyamuhaye ishyaka ryo kugaruka mu muziki.

Ati “Igikombe cya muzika nka Marchal Ujeku, indirimbo nziza y’umuco muri Afurika y’Iburasirazuba, navuga ko ari ibimpa ishyaka na none ryo kugaruka muri muzika numva ko indirimbo itumye bampa iki gikombe, ni indirimbo n’abanya-Kenya bumvaga ko yumvikana ari iy’umuco ari n’aho abantu abera bavuga ko mu Rwanda dushobora kuba dufite umwihariko.”

Yakomeje kandi avuga ko yagize amahirwe yo guhura na Producer David wahoze akora muri Future Record baganira ku mishinga bazakorana mu minsi iri imbere ijyanye na muzika.

Yashimiye kandi umugore we umuba hafi muri byose, akamutera imbaraga zo gukora cyane ndetse n’umwanya muke abona mu gihe atari mu kazi ka ‘Marchal Real Estate’ akaba yamwemerera kuwukoresha muri muzika.

Muri ibi bihembo kandi Muyoboke Alex yegukanye igihembo cy’umujyanama uhiga abandi mu Karere ka Afurika y’Iburasirazuba, Producer Irakoze Jean Pierre [Kozze] yegukanye icya producer uhiga abandi, Alliah Cool yegukana icy’umukinnyi mwiza wa filime n’abandi.

Marchal yegukanye ibihembo bibiri muri Kenya

Mu gihugu cya Switzerland mu murwa mukuru wa Geneva habereye ibirori ngaruka mwaka bya ‘Watches and Wonders 2024’, aho hamurikiwemo ubwoko bw’amasaha 10 y’abagore agezweho ku Isi. Amazu atandukanye azwi cyane mu mideli no gukora amasaha arimo nka ‘Rolex’, ‘Patek Philippe’, ‘Cartier’, ‘Chopard’ na ‘Chanel’ niyo yiganje mu kugira amasaha meza y’abagore agezweho.

Dore urutonde rw’amasaha 10 y’abagore agezweho ku Isi mu 2024:

1. Hermès Cut

Isaha yitwa ‘Hermes Cut’ iri ku mwanya wa mbere mu zikunzwe z’abagore, ni ikorwa na kompanyi y’imideli ya Hermès yo mu Bufaransa. Iyi kompanyi isanzwe ikora imyenda n’inkweto n’imibavu. Iyi saha ihagaze igiciro cya $9,950.

2. Chanel Boyfriend Couture

Iza ku mwanya wa Kabiri mu masaha y’abagore agezweho ni iyitwa ”Chanel Boyfriend Couture’ y’uruganda rw’imideli rwa ‘Chanel’ rwashinzwe n’umufaransakazi Coco Chanel. Iyi saha kuyambara bitwara $10,300.

3. Reflection de Cartier

Inzu y’imideli ‘Cartier’ ikora imitako yo mu bwoko bwose, yaba iyo kwambara ku maboko, amaguru no mu ijosi, nayo ibarizwa mu Bufaransa. Isaha y’abagore yabo igezweho niyo bise ‘Reflection de Cartier’. Iyi nzu izwiho kuba yambika amasaha ibyamamarekazi nka Angelina Jolie, Cardi B hamwe na Viola Davis.

4.  Lady Jour Nuit

Isaha ‘ Lady Jour Nuit’ ikorwa n’uruganda rw’imideli rwa ‘Van Cleef & Arpels’ rubarizwa mu Bufaransa ruzwiho gukora imirimbo itandukanye. Iyi saha kandi ngo ifite umwihariko w’uko ihuzwa na telefone.

5. Tag Heuer Carrera Date 36mm

Ku mwanya wa Gatanu mu masaha 10 y’abagore agezweho mu 2024, hari iyitwa ‘Tag Heuer Carrera Date 36mm’ ikorwa n’inzu y’imideli n’imiribo ya Tag Heuer yo muri Switzerland yatangiye gukora amasaha kuva mu 1860. Iyi saha ihagaze $4,950.

6. Piaget

Isaha ‘Piaget’ ikorwa n’inzu y’imideli ya ‘Maison Piaget’ yo muri Switzerland yashinzwe na George Piaget mu 1874. Mu rwege rwo kwizihiza imyaka 150 ishize iyi nzu ishinzwe yasohoye isaha z’abagore yise ‘Piaget’ ziri muzigezweho ku Isi. 

7.  Chopard Happy Sport

Ku mwanya wa Karindwi mu masaha icumi agezweho y’abagore, hari iyitwa ‘Chopard Happy Sport’ ikorwa n’inzu y’imideli ya Chopard ibarizwa i Geneva. Iyi saha ifite ibara ry’ubururu bucuye kuyambara bisaba $16,900.

8. Twenty-4

Isaha ya ‘Twenty-4’ ikorwa n’inzu y’imideli n’imirimbo ya ‘Patek Philippe’ izwiho gukorwa gusa imirimbo y’abagore. Inamaze imyaka 25 ikorera muri Switzerland. 

9. Grand Lady Kalla

Isaha y’abagore yitwa ‘Grand Lady Kalla’ ikorwa n’inzu y’imirimbo ya ‘Vacheron Constantin’ imaze igihe kinini ikora amasaha y’abagabo n’abagore ibarizwa muri Switzerland. 

10.Automatic 40

Ku mwanya wa 10 mu masaha agezweho y’abagore, hari iyitwa ”Automatic 40′ ikorwa n’inzu y’imirimbo ya ‘IWC Portugieser’ yashinzwe n’umunyamerika Florentine Arioto Jones mu 1868. Mu 2000 iyi nzu yafunguye ishami muri Switzerland. Iyi saha igura  $19,500.

Niba ukurikiranira hafi imyidagaduro nyarwanda nta kuntu waba utarigeze wumva ko Element na Miss Heritage 2022, Kelia Ruzindana bakomeje kuvugwa mu rukundo.

Bijya gutangira bikaba byaravuzwe ku buryo uyu musore yashyigikiye byimazeyo urugendo ruganisha ku ku kuba Nyampinga kwa Kelia ndetse banize hamwe muri St Andre.

Ibintu ariko aba bombi bagiye bakomeza kugenda bahakanira kure, bavuga ko ari inshuti z'igihe kirekire, imvugo benshi mu byamamare bakunze gukoresha mu kurinda amazina n'umutekano wabo.

Ibi byose ariko byaje kurangira aba bombi basa  n’abaciye inzira zitandukanye, ibintu umuntu na Element asa n’uwagarutseho ubwo yari mu kiganiro aheruka kugirira muri Kenya muri Werurwe.

Uyu musore yagaragaje ko atigeze yifuza na rimwe gushyira hanze indirimbo  Kashe kuko yari yayikoreye umukunzi we akanayimuha ngo ajye ayumva nk'inkuru yihariye.

Nyamara ariko inzira zaje kubyara amahari   ayishyira hanze nk'impano y'abakundana ngo bajye bayifashisha mu rukundo rwabo.

Iyi inkuru benshi bakaba barahise bayihuza na Miss Ruzindana dore ko uyu musore yavugaga ko mu buzima bwe amaze gukundana rimwe kandi niwe byari  bizwi ko bakundanye byemezwaga n’ababazi kuva mu buto ari we.

Ikindi indirimbo Kashe ikaba yaragiye hanze ubwo Miss Kelia Ruzindana yizihizaga isabukuru y'amavuko muri Nyakanga 2022, ikindi kintu gishimangira ko yari inkuru yabo yihariye.

Kuri ubu ariko aba bombi bikaba bisa nkaho baba barongeye guhuza amaboko mu rukundo binajyana n’akazi bitatungurana kuba Element yabara indi nkuru mu ndirimbo yabo ndetse uyu mukobwa akaba yayigaragaramo mu mashusho.

Kuri uyu wa Mbere tariki 15 Mata 2024 ni bwo benshi biriwe bibaza icyabaye kugira ngo Element akure ibintu byose ku rubuga rwa Instagram.

Gusa ariko ubwo InyaRwanda yageragezaga gushaka amakuru, umwe mu bantu ba hafi b'uyu Producer yatangaje ko inkuru itari kure y'umubano we na Miss Ruzindana na we wari wakuye ibintu byose kuri Instagram.

Kuba aba bombi basibira ibintu rimwe bikaba atari uruhurirane ahubwo bigaragara ko ari umukino mwiza wo kongera kwerekana ko bahagaze neza mu rukundo ndetse bari gufatanya mu bikorwa byabo.

Wabijyanisha na mayeri y'ubucuruzi busigaye bugezweho bw'umuziki bigashimangira ko ntakabuza abakunzi ba Element nyuma ya Kashe na Fou De Toi bakwitega inkuru yindi iremeye ishobora no kugirwamo uruhare na Miss Ruzindana.

Turacyagerageza  kuvugisha Element na Miss Ruzindana ngo twumve icyo babivugaho.

Element ubwo yaganizaga na kimwe mu bitangazamakuru byo muri Kenya yatangaje bwa mbere ko Kashe ishingiye ku nkuru ye mpamoIndirimbo Kashe ya Element yavuze ko yari yarayihaye umukunzi we umwe yagize mu buzima ariko atifuzaga kuyishyira hanze kugeza batandukanyeKelia Ruzindana kimwe na Element mu bihe bitandukanye bagiye bakomeza kumvikanisha ko ari inshuti atari abakunziYaba ubwo uyu mukobwa yuzuzaga ikizamini cya Leta, yitabiraga Miss Rwanda ku isabukuru y’amavuko yagiye akomeza kuzirikanwa na ElementAbiganye nabo muri St Andre bigeze gutangaza ko kuva biga bari mu rukundo ndetse n’umuryango wa Kelia wagiye ukomeza kwerekana ko uzi Element guhera kuri Kessy Ruzindana Ruzindana we yongeye kugira amafoto asubizaho ariko kugera mu ijoro ryakeye ntayarariho mu gihe Element we ntakirahinduka 

 

Umufaransa utoza APR FC, Thierry Froger yavuze ko iyi kipe uko ihagaze ubu ititeguye kuba yahangana ku ruhando Nyafurika bisaba kuzongeramo amaraso mashya.

Ni mu gihe habura imikino 4 ngo shampiyona ya 2023-24 irangire aho isabwa inota rimwe gusa ikegukana iki gikombe.

Nyuma y’umukino yaraye anganyijemo na AS Kigali 2-2, yabajijwe niba ikipe afite abona yiteguye kuba yahangana mu mikino Nyafurika nk’uko niyegukana igikombe izahagararira u Rwanda muri CAF Champions League, avuga ko abona ititeguye.

Ati “Ubuyobozi bumbajije niba twiteguye, niba APR FC ya 2023-24 yiteguye guhangana mu marushanwa Nyafurika, nkurikije umukino w’uyu mugoroba ndabishidikanyaho, mu by’ukuri ntabwo biteguye.”

Abajijwe niba yaramaze kongera amasezerano, uyu mutoza yaryumyeho avuga ko we icyo areba ari ugutsinda imikino isigaye ya shampiyona.

Ati “Njyewe ndi umutoza w’ikipe nziza, ngomba gutsinda imikino yose, hasigaye imikino 4 ni amanota 12, ndategura umukino ku mukino ni cyo cy’ingenzi, ibyo nta nubwo ari ikiganiro, buri wese, abakinnyi bose bafite amasezerano bagomba kwibanda kwitegura imikino ikurikiyeho.”

Thierry Froger yagizwe umutoza wa APR FC mbere y’uko umwaka w’imikino wa 2023-24, yasinye umwaka umwe ndetse amakuru akaba avuga ko iyi kipe y’Ingabo z’Igihugu ititeguye kumwongerera amasezerano mashya.

Thierry Froger yavuze ko APR FC ititeguye guhangana ku ruhando mpuzamahanga

Yabitangaje mu ijambo yagejeje ku bitabiriye iserukiramuco ryo guteza imbere ubuhanzi n'ubugeni mu bihugu bikoresha ururimi rw'Igifaransa 'Francophonie', MASA (Marché des Arts et Spectacles Africains), riri kubera mu Mujyi wa Abidjan muri Côte d'Ivoire, kuva ku wa Gatandatu tariki 13 Mata 2024 kuzageza tariki 20 Mata 2024.

Iri serukiramuco ryatangijwe ku mugaragaro na Minisitiri w'Intebe wa Côte d'Ivoire, Robert Beugré Mambé. Yavuze ko 'Côte d'Ivoire ihaye ikaze buri wese witabiriye iri serukiramuco' kandi ko iki gihugu gihaye ikaze abanyafurika n'abandi bashaka kumenya ibyiza bigitatse uhereye ku buhanzi n'ubugeni’.

Ubuhanzi bwabaye intwaro yifashishijwe cyane mu kongera gutanga ubutumwa bw'ihumure n'isanamitima mu myaka 30 ishize. Kandi bwanabaye igikoresho cyiza mu kubika ubuhamya bw'abarokotse Jenoside n'ahagiye habera ibikorwa by'ubwicanyi.

Ariko kandi bwatanze umusanzu mu iterambere ry'Igihugu. Minisitiri Sandrine Umutoni wari uhagarariye Guverinoma y'u Rwanda muri iri serukiramuco ku buhanzi n'ubugeni, yashimye abaritegura  kuba barahaye u Rwanda ubutumire nk'umushyitsi w'icyubahiro.

Avuga ko imyaka 30 ishize iri serukiramuco rya MASA riri kuba, bigaragaza ubufatanye bw'abatuye Afurika n'ubukungu buhishe mu mico y'ibihugu byombi, hakurwaho imbogamizi ku kugera ku bindi bihugu bitandukanye byo ku Isi.

Avuga ati 'Kwizihiza imyaka 30 y'iserukiramuco 'MASA' rimaze ritangijwe, ni intambwe ikomeye mu mateka y'ubuhanzi bwa Afurika, byerekana isano itajegajega y'umuco, ihuza umugabane wacu wose.'

Minisitiri Sandrine yashimye kandi ubushuti n'ubufatanye buri hagati ya Côte d'Ivoire n'u Rwanda, avuga ko ari ikimenyetso cy'uko 'twiyemeje gushyigikirana'.

Yavuze ko intandaro y'inkuru yo kongera kwiyubaka k'u Rwanda nyuma y'amahano ya Jenoside yakorewe Abatutsi ishigiye ku mpinduka zagaragajwe n'ubuhanzi ndetse n'umuco.

Yavuze ko nyuma ya Jenoside yakorewe Abatutsi mu 1994, u Rwanda rwatangiye inzira y'iterambere y'ubukungu n'ubwiyunge.

Kandi byagizwemo uruhare n'umuco no guhanga udushya 'kugira ngo dukize imitima n'imibiri yakomeretse, mu gihe duteza imbere ubumwe bw'igihugu'.

Akomeza ati 'Mu by'ukuri, imbaraga zikiza z'ubuhanzi zagize uruhare runini mu buzima bushya bw'u Rwanda, zitanga ihumure n'icyizere ku baturage bari banyuze mu bihe bikomeye.'

Yavuze ko muri iki gihe u Rwanda n'Isi bibuka ku nshuro ya 30 Jenoside yakorewe Abatutsi 'twongeye kumenya akamaro ko gukora ibihangano, birimo umuziki, ikinamico, imbyino ndetse n’ibindi byinshi, kugira ngo twibuke abishwe, twubahe ubutwari bw’abarokotse, kandi dutange ubuhamya bwo kwihangana kwacu'.

Minisitiri Sandrine Umutoni yavuze 'Iyo turebye ahazaza, tuzi uruhare rukomeye rw'ubuhanzi n'umuco mu iterambere ry'ubukungu bw'u Rwanda' nk'uko biteganijwe mu gishushanyo mbonera cy'Icyerekezo 2050.'

Iri serukiramuco ribereye muri iki gihugu mu gihe rihuje abahanzi barenga 800 bazagaragaza ibikorwa by'abo mu gihe cy'iminsi.

Ribaye igikorwa gikomeye kibereye muri iki gihe nyuma yo kwakira imikino ya CAN 2023.

Uretse Itorero Urukerereza ryasusurukije abitabiriye gufungura iri serukiramuco, abahanzi barimo Didi B, Mosty, Roselyne Layo bataramiye abaryitabiriye.

Inyandiko zinyuranye zivuga ko kuri iri soko ry'ubuhanzi, zigaragaza ko ryashinzwe mu 1993 bigizwemo uruhare n'iserukiramuco ry'ubuhanzi n'imbyino Nyafurika 'Agence intergouvernementale de la Francophonie,'.

Ryaherukaga kubera i Abidjan ku wa 5-12 Gicurasi 2022, kuko riba buri nyuma y'imyaka ibiri. Ni ku nshuro ya 13 iri soko ry'ubuhanzi rigiye kuba, kuri iyi nshuro rizitsa cyane ku nsanganyamatsiko yubakiye ku kugaragaza uruhare rw''urubyiruko, mu guhanga udushya n'imirimo'.

Kamaté ukuriye iri soko ry'ubuhanzi, aherutse kuvuga ko intego y'abo ari ukugaragaza ibikorwa by'abahanzi no kubahuza n'abashobora kugura ibihangano by'abo.

Yunganirwa na Hassane Kassi Kouyaté ukuriye Komite y'Ubuhanzi muri iri serukiramuco, uvuga ko hafi 65% by'abitabira iri soko ry'ubuhanzi, banitsa ku ruhare rw'abo mu guteza imbere ihame ry'uburinganire.

Ati 'Yaba abagabo bakina, bandika, bayobora, impungenge zishingiye kuri ibi bibazo. Nyuma yibyo, tubona ko abaduhanze amaso, ku mugabane wacu, batangiye kwifuza rwose kwinjiza tekinoloji nshya mu byo baremye.'

Sandrine Umutoni yaganirije abitabiriye isoko ry'ubuhanzi 'Masa' abasobanurira uko ubuhanzi n'umuco bwagize uruhare mu kongera kwiyubaka k'u Rwanda

Sandrine Umutoni yavuze ko uruhare rw'ubuhanzi n'umuco mu iterambere ry'ubukungu bw'u Rwanda rwigaragaza

Ibihumbi by'abantu bitabiriye iri serukiramuco rigiye kumara icyumweru ribera mu Mujyi wa Abidjan muri Côte d'Ivoire

Itorero ry'Igihugu, Urukerereza ryasusurukije abitabiriye ibirori byo gutangiza iri serukiramuco ku isoko ry'ubuhanzi 'Masa'