Blog

Miss Mutesi usanzwe ubarizwa muri Leta Zunze Ubumwe za Amerika, yanditse kuri konti ye ya Instagram, kuri uyu Kabiri tariki 30 Mata 2024, amenyesha inshuti, abavandimwe n’abandi ko ari mu myiteguro y’ubukwe bwe n’umukunzi we.

Yagaragaje ko ibindi bijyanye n’umuhango w’ubukwe bizatangazwa mu minsi iri imbere. Aba bombi basezeranye imbere y'amategeko ya Leta Zunze Ubumwe za Amerika, ku wa 28 Gashyantare 2024, mu muhango wabereye ahitwa Goodyear Phoenix mu Mujyi wa Arizona,

Uyu muhango witabiriwe n'abarimo Mupenda Ramadhan uzwi nka Bad Rama, umunyamakuru usigaye utegura ibitaramo by'abahanzi muri iki gihe, Ernesto Ugeziwe, itsinda rya Charly&Nina, Cedruc, Lionel ukina Basketball n'abandi.

Nyuma yo gusezerana mu mategeko, Kayibanda yanditse kuri konti ye ya Instagram, abwira umukunzi we bamaranye imyaka ibiri ko ibihe by'isezerano ry'abo bizakomeza 'kuba urwibutso rw'indi minsi imeze nk'iyi'. 

Yakoresheje emoji z'imitima itatu, mu gusobanura paji nshya y'ubuzima bw'urugo binjiyemo, ashimangira ko iminsi yabo izarangwa n'umunezero n'urukundo rudashira.

Ku wa 18 Mutarama 2023, nibwo amakuru yacicikanye avuga ko Aurore Mutesi wabaye Miss Rwanda 2021 yabwiye 'Yego' umukunzi we nyuma y'igihe bari mu munyenga w'urukundo, amuteguza kurushinga nk'umugabo n'umugore.

Jacques Gatera witegura kurushinga na Kayibanda, ni umwe mu bahanga mu mukino wa Golf, ndetse hari amakuru avuga ko yagiye yegukana ibikombe byinshi.

Uyu mugabo ari kumwe na Innocent Rutamu bafashije ikipe ya Kigali Golf Club kugera muri kimwe cya kabiri cy'imikino ya '2022 PMC Golf Championship'. 

Mu 2000, nibwo yagiye gutura muri Leta Zunze Ubumwe za Amerika nyuma yo kuva muri Repubulika Iharanira Demokarasi ya Congo (RDC) n'umuryango we.

Kimwe mu binyamakuru byandikira muri San Francisco muri Leta California cyitwa SFGATE, gisobanura Jacques Gatera nk'' umwe mu bahanga bari bakiri bato mu mukino wa Golf bigaragaje muri Phoenix mu 2005'. Icyo gihe yari afite imyaka 18 y'amavuko.

Iki kinyamakuru gikomeza kivuga ko Gatera ari kumwe n'abavandimwe be Patrick Kisomanga ndetse na Serge Gashegu baje kwihuza na Tim Kloenne wabafashije kwisanga mu mikino ikomeye ya Golf yaberega muri Phoenix.

We n'abavandimwe be bavuka kuri Se Anaclet Munyurangabo ndetse na Nyina Therese Mbuya. Amakuru avuga ko Gatera Jacques, umugabo wa Miss Aurore yagaragaje ubuhanga cyane kurusha abavandimwe be mu mikino ya Golf, bituma aba Kapiteni w'ikipe mu mashuri yisumbuye.

Uretse kuba ari umuhanga mu gukina Golf, Jacques Gatera asanzwe afite n'ibikorwa by'ubushabitsi akorera mu Rwanda no muri Leta Zunze Ubumwe za Amerika.

Ku wa 5 Mutarama 2024, Miss Kayibanda yanditse amagambo yuzuye imitoma yifuriza umukunzi we isabukuru y'amavuko. Bari bamaze umwaka urenga mu munyenga w'urukundo, waherekejwe no kwambikwa impeta y'urukundo.

Mu magambo ye ati 'Umunsi mwiza w'amavuko ku mugabo w'ubuzima bwanjye, Imana ihe umugisha imirimo y'amaboko yawe, intambwe zawe hejuru ya byose umutima wawe w'igikundiro n'ubugwaneza. Uzarambe kugira ngo uzabone ibyo wifuje kubona mu buzima bwawe bwose. Ndagukunda kandi mpora nishimira kubaho kwawe buri munsi.'

Mu Ukuboza 2023, yanditse kuri Instagram ye ashima Imana yamuhaye umugabo w'ubuzima bwe. Yavuze ati 'Umugisha wanjye, umuntu mwiza utandukanye n'abandi. Warakoze Mwami ku bwo kunkunda cyane ukampa kubana n'umugabo utangaje.'

Kuva mu 2012 yakwambikwa ikamba rya Miss Rwanda kugeza n'uyu munsi Mutesi Aurore Kayibanda aracyabona abamwandikira ku mbuga nkoranyambaga n'ahandi atanga ibiganiro bamubwira ko ari Nyampinga w'ibihe byose w'u Rwanda.

Kayibanda abitse mu kabati ke ikamba rya Miss Rwanda yegukanye tariki 2 Nzeri 2012, irya Miss Fespam Panafrica yegukanye mu 2013 muri Congo Brazzaville, ndetse yahagarariye u Rwanda muri Miss Supranational yo mu 2013 yabereye i Minsk mu Mujyi wa Belarus.

Yigeze kubwira InyaRwanda, ko aya makamba yose yegukanye ayakesha gusenga, ikinyabupfura no kwihugura agakurikiza ibyo amarushanwa yamusabaga.

Uyu mugore ubarizwa muri Leta Zunze Ubumwe za Amerika, avuga ko itariki yambikiweho ikamba rya Miss Rwanda 2012 yahinduye ubuzima bwe mu buryo butandukanye, ihindura amateka ye kugeza kuri ubu.

Akavuga ko ikamba rya Miss Rwanda ryafunguye amarembo y'ubuzima bwe, aho akomanze arakingurirwa rimuhesha akazi kugeza n'uyu munsi.

Yavuze ati 'Ikamba ryahinduye byinshi mu buzima bwanjye kuko hari utuzi twinshi nagiye mbona n'ubu nkibona kuko ryampaye urubuga.'

Miss Aurore Kayibanda yatangaje ko ku wa 15 Kanama 2024 azakora ubukwe n'umukunzi we

Kayinda avuga ko Gatera Jacques yahinduye ubuzima bwe, kandi amukunda bya nyabyo

Ku wa 22 Gashyantare 2024, Kayibanda n'umukunzi we basezeranye imbere y'amategeko

Mu gitondo cyo kuri uyu wa Kabiri tariki 30 Mata 2024, abayobozi na bamwe mu bakozi ba Sosiyete y'imikino y'amahirwe Winner Rwanda basuye urwibutso rwa Ntarama ruherereye mu Karere ka Bugesera, aho baganirijwe ku mateka y'ubwicanyi bw'indengakamere bwakorewe ahari uru rwibutso hahoze Kiliziya Gatolika ya Ntarama.

Muri iki gikorwa, Umuyobozi mukuru wa Winner Rwanda, Shaul Hatzir yavuze ko basuye uru rwibutso mu rwego rwo kunamira inzirakarengane zirenga 5,000 ziharuhukiye no kugira ngo bamenye neza ko ibyabaye bitazongera kubaho ukundi.

Yagize ati: 'Turi hano nka kompanyi ikorera mu Rwanda kandi dukomeje kugerageza gushyigikira igihugu uko dushoboye kose binyuze mu bikorwa dukorera sosiyete umunsi ku wundi.'

Uyu muyobozi, yasobanuye ko bahisemo gusura urwibutso rwa Ntarama kuko ruri hafi y'ibikorwa by'Umuryango w'Ubugiraneza wa Gasore Serge Foundation basanzwe batera inkunga.

Mbabazi Clement ushinzwe Iyamamazabikorwa muri Winner Rwanda, yavuze ko impamvu ya mbere yabasunikiye kujya gusura uru rwibutso, ari uguha agaciro inzirakarengane z'Abatutsi bateshejwe agaciro mu gihe bicwaga muri Jenoside amahanga arebera.

Yongeyeho ko ikindi cyabateye kujyayo ari ukurushaho gushyigikira ibikorwa byo kubungabunga inzibutso zibumbatiye amateka akomeye ya Jenoside yakorewe Abatutsi, kugira ngo n'abo mu binyejana bizavuka bazabashe kumenya amabi yabaye mu gihugu bayirinde.

Mu ijambo rye yagize ati: 'Aha ngaha byumwihariko i Ntarama hari ikigo cya Gasore Serge Foundation, dusanzwe dushyigikira mu bikorwa bijyanye no gutoza abana bakiri bato ibijyanye n'amagare. Ni muri urwo rwego rero twahisemo kuza hafi y'aho dukorera ibyo bikorwa ndetse n'ikigo nderabuzima kiri hano turi buze kujya gusura tukagitera n'inkunga, kugira ngo dukomeze gufata mu mugongo Abarokotse ariko na none tubafasha ngo bakomeze biyubake.'

Umukozi muri Minisiteri y'Ubumwe bw'Abanyarwanda n'Inshingano Mboneragihugu, MINUBUMWE, Kagabo Antoine watanze ikiganiro, yashimiye Winner Rwanda ku bw'iki gikorwa cy'ubutwari bakoze.

Mu rwego rwo kurushaho Kwibuka biyubaka, abayobozi ba Winner Rwanda banasuye ivuriro ry'ibanze 'The Kinsley Blake Hanner' ry'Umuryango w'Ubugiraneza wa Gasore Serge Foundation, banashyikiriza ubuyobozi bwaryo inkunga y'amafaranga angana na miliyoni 3 n'ibihumbi 550 igamije gushyigikira ibikorwa bafite by'ubuvuzi.

Umuyobozi w'iri vuriro ryakira abarwayi bari hagati ya 75-100 ku munsi, Mbabazi Sabine, yatangaje ko bishimiye iyi nkunga bahawe kuko izavamo ibikoresho bazifashisha mu kurushaho kwita ku babyeyi bakira ndetse n'abana.

Yagize ati: 'Igikoresho duhawe, ni icyo gupima ibijyanye n'umuvuduko w'amaraso, kureba umuriro, kureba uburyo umwuka uri mu maraso y'umwana kugira ngo tumenye niba imihumekere ye imeze neza cyangwa iri hasi.

Sosiyete y’imikino y’amahirwe ya Winner Rwanda yatangiye umwaka ushize mu 2023 ikorera kuri interineti, none ubu imaze kugira amashami atanu akorera mu Mujyi wa Kigali, kandi ifite intego yo gukomeza kwagurira ibikorwa byayo mu mpande zose by’umwihariko mu ntara zose z’igihugu.

Winner Rwanda yasuye urwibutso rwa Jenoside rwa Ntarama

Umuyobozi wa Winner Rwanda, Shaul Hatzil aganira n’umukozi wa MINUBUMWE, Kagabo Antoine 

Abayobozi na bamwe mu bakozi ba Winner Rwanda basobanuriwe amateka y’urwibutso rwa Ntarama

Bashyize indabo aharuhukiye imibiri y’inzirakarengane z’Abatutsi barenga 5,000 bashyinguye muri uru rwibutso

Itsinda rya Winner Rwanda ryanasuye ibitaro bya The Kinsley Blake Hanner 

Byumwihariko ariko, bateye inkunga iri vuriro ingana na miliyoni 3,550 Frw

Ni inkunga izifashishwa mu kugura ibikoresho nkenerwa mu kwita ku babyeyi n’abana

Umuyobozi w’iri vuriro, Mbabazi Sabine yatangaje ko bishimiye iyi nkunga kuko igiye gukemura byinshi muri serivisi batanga

Kanda hano urebe amafoto menshi yaranze iki gikorwa

AMAFOTO: Freddy RWIGEMA – InyaRwanda

Abakinnyi 11 ba Real Madrid babanje mu kibuga:

Lunin

Vázquez

Rüdiger

Nacho

Mendy

Valverde

Tchouameni

Kroos

Bellingham

Rodrygo

Vinicius

Abakinnyi 11 ba FC Bayern Munich babanje mu kibuga:

Neuer

Kimmich

 Dier, Kim

Mazraoui

Laimer

Goretzka

Sané

Musiala

Guerreiro

Kane

Ikipe ya FC Bayern Munich yageze muri 1/2 isezereye Arsenal ku kinyuranyo cy’ibitego 3-2 mu mukino ubanza n’uwo kwishyura naho Real Madrid yo yasezereye Manchester City kuri Penaliti 4-3 muri 1/4 cya UEFA Champions League.

Iyi ni inshuro ya 8 aya makipe ahuriye ku mukino wa 1/2 cya UEFA Champions League gusa mu mikino 2 iheruka yose byarangiye FC Bayern Munich isezerewe. Icyo gihe hari muri 2013-14 ndetse na 2017-18.

Ikipe ya FC Bayern Munich na Real Madrid niyo makipe amaze guhura inshuro nyinshi muri Champions League muri rusange kuko bamaze guhura 26. Inshuro 26 murizo zari mu mikino yo gukuranwamo,ubwo ni uguhera muri 1/8.

Mu mikino 5 iheruka guhuza aya makipe,Real Madrid yatsinzemo imikino 3,banganya 1 naho FC Bayern itsindamo 1.

Ibi bitangajwe nyuma y'aho muri aka karere hamaze iminsi humvikana imfu za hato na hano z'abagabo bica abagore babo.

Abaturage bavuga ko aya makimbirane aturuka ku businzi, uburaya n'ubushoreke.

Ubwicanyi buheruka ni aho Ndayambaje Antoine w'imyaka 36 wo mu Murenge wa Cyato watashye yasinze akagakubita umugore we Mukansengimana Clémentine wari utwite inda y'amezi arindwi bikamuviramo urupfu.

Amakuru yatanzwe n'ubuyobozi bw'inzego z'ibanze ni uko uyu muryango wari usanzwe ubanye mu makimbirane ashingiye ku businzi no kutumvikana ku mikoreshereze y'umutungo w'urugo, kuko uyu mugabo ngo yakoraga yahembwa amafaranga akayamarira mu kabari ntiyite ku nshingano z'urugo.

Ibi bibaye nyuma y'aho undi mugabo wo mu murenge wa Cyato yishe umugore we amuciye umutwe n'amabere ajya kubijugunya mu ishyamba rya Nyungwe ndetse hari n'undi mugabo wo mu murenge wa Shangi muri aka uherutse kwica umugore we na we arimanika.

Umuyobozi w'Akarere ka Nyamasheke wungirije ushinzwe imibereho myiza y'Abaturage, Mukankusi Athanasie yavuze ko bagiye gushyiraho umugoroba w'umuryango wihariye ku miryango isanzwe ibanye nabi kugira ngo iyo miryango bayitinyure abayigize bavuge ibibazo bafitanye.

Ati 'Hari igihe ibibazo babibika tukazabimenya ari uko byaturitse byabaye ikibazo. Tuzabagira inama yo kugumya kubana neza kimwe n'uko hari igihe dushobora gusanga iyo miryango kubana bidashoboka tukabagira inama yo kuba badandukanye by'agateganyo mu gihe bagikurikiranye gutandukana byemewe n'amategeko'.

Imibare y'aka Karere igaragaza ko babaruye imiryango 707 ibanye mu makimbirane zirimo imiryango 611 ibana itarasezeranye mu buryo bwemewe n'amategeko.

---

Imihanda myinshi yo ko rwego rw'igihugu igaragaramo ahantu haba hari gusanwa cyangwa harimo ibiremo bitewe n'imyaka imaze ikoreshwa.

Mu bibazo bigaragara muri raporo y'Umugenzuzi Mukuru w'Imari ya Leta ya 2022/2023 birimo n'iby'imihanda isanwa ariko hadashize igihe kinini ikaba yongeye yangiritse kurushaho.

Umuyobozi Mukuru w'Ikigo cy'Igihugu gishinzwe iterambere ry'Ubwikorezi (RTDA), Imena Munyampenda ubwo yisobanuraga ku bibazo byagaragaye muri iyi raporo kuri uyu wa 30 Mata 2024, yatangaje ko imyinshi mu mihanda imaze imyaka irenga 10 ku buryo ikeneye guhora isanwa kugira ngo izamare imyaka 20 nk'uko biteganyijwe.

Depite Ntezimana Jean Claude yagaragaje ko umuhanda Kigali-Muhanga urimo ibinogo byinshi ku buryo biteza impanuka.

Ati 'Iyo uvuye Nyabugogo kugera i Muhanga harimo ibyobo kandi ni umuhanda unyuramo imodoka nyinshi kandi ufata intara nyinshi z'igihugu ku buryo ushobora guteza impanuka. Mu by'ukuri impanuka zirahaba ariko n'iyo zitabaye uba ubona hari ibyago by'uko zaba.'

Munyampenda yagaragaje ko umuhanda Kigali-Muhanga wamaze kurangiza ubuzima ku buryo uyu munsi n'ibikorwa byo gusana bikorwa ntacyo byamara.

Ati 'Uriya muhanda Kigali-Muhanga warashize. Iyo uvuze ko washize ni ukuvuga ko uriya muhanda wabubatse mu bice bibiri. Hari igice cya mbere cyo kuva Kigali kugera Muhanga baracyubatse kigera mu 1999/2000 ikindi cyubatswe kuva hariya i Muhanaga kugera Huye wo warangiye mu 2004.'

'Iyo wongeyeho imyaka 20, ni ukuvuga ko uburyo bwo gusana bwose uri gushyira muri uriya muhanda ntabwo bushobora kugira icyo bufasha, ni umuhanda ugomba kuvugururwa.'

Uyu muyobozi yahamije ko imihanda iki kigo cyubaka iba izamara imyaka imyaka 20.

Ati 'Iyo dukoze isesengura ku ishoramari ryawukozweho usanga warayagaruje bitewe n'ahantu ugiye gushyira umuhanda.'

Munyampenda yagaragaje ko umuhanda wose umaze imyaka irindwi utangira gusanwa mu buryo bukenera ingengo y'imari ifatika ariko uwamaze kumara imyaka 20 uba ukeneye kuvugururwa.

Ati 'Buriya umuhanda iyo urangije kuwukora, imyaka irindwi ya mbere ibikorwa byo kuwubungabunga ukora, ni ugutema ibyatsi, gusukura inzira z'amazi ariko nyuma y'imyaka irindwi hatangira kubaho kwika. Ibyo bice byitse ni byo dukuraho indi kaburimbo.'

Munyampenda yagaragaje ko imirimo ikorwa kuri uyu muhanda ari ugusibura amarange no gusiba ibinogo gusa.

Ati 'Ikintu dukora hano ubwo ni ugusiga amarange no gusiba ibinogo ni byo by'ibanze ikindi kintu kijyanye no gutwara amazi, imiferege ubona itameze neza ubu ngubu rwose tubishyiraho amafaranga make kuko tuzi ko hari umuntu ugiye kuzaza agakora ibyo bikorwa.'

Yagaragaje ko 'hari inguzanyo twemerewe, umuterankunga ni uwo muri Koreya y'Epfo, turakeka ko muri Mutarama cyangwa Gashyantare 2025, turi mu nzira zo gutanga amasoko turatekereza ko muri Mutarama cyangwa Gashyantare tuzaba twatangiye umuhanda.'

---

Igitego kimwe rukumbi cya Nsabimana Aimable yatsinze Gasogi United cyahesheje Rayon Sports umwanya wa 3 mu gikombe cy’Amahoro cya 2024.

Gasogi United yari yasezerewe na Police FC na Rayon Sports yari yasezerewe na Bugesera FC muri 1/2 cy’Igikombe cy’Amahoro, yari yahuriye ku mukino w’umwanya wa 3.

Ni mu gihe umukino wa nyuma uzahuza Police FC na Bugesera FC uzaba ku munsi w’ejo ku wa Gatatu tariki ya 1 Gicurasi 2024 kuri Kigali Pelé Stadium.

Igice cya mbere cy’umukino Rayon Sports yabonye amahirwe ariko ba rutahizamu nka Paul Gomis na Charles Baale ntibayabyaza umusaruro.

Ni na ko ku ruhande rwa Gasogi United, Muderi Akbar na Hakim bagerageje amashoti akomeye ariko umunyezamu Simon Tamale ayikuramo. Igice cya mbere cyarangiye ari 0-0.

Kimwe n’igice cya mbere, igice cya kabiri amakipe yombi yagerageje gushaka igitego kugeza ku munota wa 88 ubwo Nsabimana Aimable yatsindiraga Rayon Sports igitego cy’intsinzi n’umutwe ku mupira wari uvuye kuri kufura yatewe na Muhire Kevin.

Mu bagore umwanya wa 3 wegukanywe na AS Kigali yatsinze Fatima ni mu gihe igikombe cy’Amahoro mu bagore cyegukanywe na Rayon Sports yatsinze Indahangarwa.