Blog

Uyu musore yafatiwe mu Majyaruguru y'Umujyi wa Las Vegas aho yari asanzwe atuye atangira kuburana kuri icyo cyaha. Nyuma yo gutangira kuburana, hibazwaga byinshi bijyanye n'igihugu kizamwakira, hagati y'u Rwanda ndetse na Afurika y'Epfo.

Semuhungu yinjiye muri Leta Zunze Ubumwe za Amerika akoresheje ibyangombwa byo muri Afurika y'Epfo, byatumaga umunyamategeko we asaba ko ariho yakoherezwa, aho koherezwa mu Rwanda yaherukagamo mu myaka myinshi.

Amafoto ye amugaragaza yagiye hanze ku mugoroba wo kuri uyu wa Gatatu tariki 1 Gicurasi 2024, ubwo yari ageze ku kibuga cy'indege Mpuzamahanga cya Kigali i Kanombe, nyuma y'igihe cyari gishize ategereje umwanzuro w'urukiko ku gihugu azoherezwamo.

Yaherukaga gukoresha imbuga nkoranyambaga mu byumweru 52. Icyo gihe yanditse avuga ko yinjiye muri Leta Zunze Ubumwe za Amerika, ku wa 2 Gicurasi 2016, kandi yishimira amahirwe yahagiriye arimo no guhura n'uwabaye umugabo we witabye Imana.

Umwana ujya iwabo!

Amashusho ya mbere yashyize ku rubuga rwe rwa Instagram, yavuze ko yishimiye kuba agarutse mu Rwanda, avuga ko ubwo yari ku kibuga cy’indege mpuzamahanga cya Kigali yirinze kugirana ikiganiro n’itangazamakuru, kandi ko yakiriwe muri Kigali Serena Hotel.

Uyu mugabo yavuze ko afite ‘byinshi byo kuzaganiriza abantu be’. Ati “”Ndahari amazina yanjye ni Eric Semuhungu, dufite byinshi byo kuzaganira igihe nikigera.” Ndi mu Rwanda, erega ndi umuryarwanda, amazi arashyusha ariko ntiyibagirwa iwabo wa mbeho. Ndi mu rugo rero i Kigali…”   

Muri Werurwe 2020, Semuhungu nabwo yari yafunzwe azira gusakaza amashusho y'urukozasoni yashyize ku mbuga nkoranyambaga ari gusambana n'undi mugabo.  Ni icyaha yakoze mu mwaka w'2018 akiregwa mu mwaka w'2019.

Semuhungu yahakanye iki cyaha. Ariko muri Raporo ya Polisi ya Las Vegas yavuzemo ko bamushinja icyaha cyo gusambanya ku gahato no gukwirakwiza mu buryo butemewe amashusho y'urukozasoni.

Muri Raporo banditse bagira bati 'Uwahohotewe yavuze ko amafoto na Video byashyizwe ahagaragara binyuze kuri WhatsApp ku bantu batamenyekanye.'

Ibi byaha byose byagejeje Semuhungu ku kuba yari gukatirwa imyaka 25 cyangwa se akemera gutaha mu Rwanda.

Semuhungu yoherejwe mu Rwanda nyuma y'igihe cyari gishize afunzwe, aho  amakuru avuga ko Amerika yahisemo kumwohereza mu Rwanda (Deportation).

Mu 2015, nibwo Eric Semuhungu yatangiye kuvugwa cyane mu Rwanda

Muri uriya mwaka, nibwo hamenyekanye inkuru y'uko Eric Semuhungu wavukiye ku Kimisagara mu Mujyi wa Kigali yakoze ubukwe n'umunyamerika Ryan Hargrave witabye Imana mu 2017 agasiga agahinda mu mutima w'umukunzi we.

Iyi nkuru yasamiwe hejuru na benshi kuko bitari ibintu bisanzwe bimenyerewe mu Rwanda; aho umunyarwanda ashobora kwerura ko ari 'umutinganyi'. Semuhungu yari 'umugore' wa Ryan witabye Imana bamaranye imyaka ibiri mu munyenga w'urukundo.

Semuhungu ni umwana wa kane mu bana batandatu. Yabaye muri Uganda no muri Afurika y'Epfo ari naho yahuriye n'uwahoze ari umugabo we, Ryan Hargrave witabye Imana afite imyaka 66 y'amavuko.   

We n'umugabo we 'Ryan Hargrave' bari batuye i San Franscio muri Carifornia. Amafoto n'amashusho bagiye basakaza mu bihe bitandukanye yagiye ahishura umubano udasanzwe washibukagamo ibyishimo nk'iby'umugabo n'umugore. 

Mu 2015 nibwo Semuhungu yagiye muri Afurika y'Epfo ari naho yamenyaniye n'umuzungu w'umunyamerika wamubereye umugabo barakundana karahava.

Amafoto agaragaza ko mu bukwe bw'aba bombi Semuhungu yari yambaye imishanana. Hari amakuru avuga ko yagiye gutura muri Leta Zunze Ubumwe za Amerika nk'igihugu giha ubwisanzure 'abatinganyi' [Abaryamana bahuje igitsina].

Uwari umukunzi wa Semuhungu Eric witwa Ryan Hargave yavutse ku ya 25 Kamena 1956 yitaba Imana ku wa 02 Kamena 2017. Semuhungu [Umugore] yanditse kuri konti ya Instagram agaragaza ko 'umugabo' we yamukundaga cyane.

Semuhungu yanditse ubutumwa burebure agira ati: ” Wari byose kuri njye, uko ngiye kuryama mu buriri bwacu mbona isura yawe. Uruhukire mu mahoro mukunzi. Ndabizi ko uri kundeba aho uri mu ijuru, uzakumburwa iteka, ugiye hakiri kare. Wanyeretse uko unkunda kuva tugihura, kandi nzazirikana urwo rukundo iteka.'

Semuhungu yaherukaga i Kigali, ku wa 20 Ukuboza 2018. Icyo gihe yari yitabiriye igitaramo cyamuhuje n'inshuti ze bari basanzwe bavuganira ku mbuga nkoranyambaga. Yakiriwe n'abiganjemo abo mu muryango witwa 'Best Family Forever' yashinze.

Icyo gihe yari amaze imyaka ibiri abarizwa muri Leta Zunze Ubumwe za Amerika. Mu kiganiro n'itangazamakuru, yavuze ko yishimiye kugaruka ku ivuko arenzaho ko yanogewe no kwakira n'abafana be.

Eric Semuhungu yagarutse i Kigali, ku mugoroba wo kuri uyu wa Gatatu tariki 1 Gicurasi 2024
 

Semuhungu yaherukaga i Kigali mu 2018, yavuze ko umwana ugaruka iwabo atabara iminsi

 

Kuva muri Nyakanga 2023, Semuhungu yatangiye gukurikiranwaho icyaha cyo gufata ku ngufu

 

Semuhungu yari amaze igihe afunzwe, ndetse yahisemo kudafungwa imyaka 25 muri Amerika, yoherezwa mu Rwanda 

Semuhungu ari kumwe n’umukunzi we barushinze mu 2016

Iyi nkuru turakomeza kuyikurikirana………………,

Wari umukino wa nyuma w’igikombe cy’Amahoro wabereye kuri sitade ya Kigali Pele Stadium, ukaba wari witabiriwe n’abantu benshi ugereranyije n’amakipe yari yakinnye. 

Ni umukino watangiye ukerereweho isaha irenga, kuko wagombaga gutangira ku isaha ya Saa 15:00 PM, ariko kubera imikino y’abakozi yari yabereye muri iyi sitade umukino ukaba watangiye saa 16:05 PM.

Igice cya mbere cy’umukino cyarangiye ari ubusa ku busa, mu gihe mu gice cya kabiri cyabonetsemo ibitego 3 harimo ibitego 2 bya Police FC byatsinzwe na Akuki Djibrin na Nsabimana Eric, naho Bugesera FC itsindirwa na Ruhinda Farouk.

Uhereye Iburyo: Minisitiri wa Siporo Aurore Mimosa Munyangaju, Umugaba Mukuru w’ingabo z’u Rwanda, Gen Mubarakh Muganga, umuyobozi wa Polisi y’u Rwanda CG Felix Namuhoranye

Hakizimana Muhadjiri ni umwe mu bakinnyi bari barwaye igikombe cy’Amahoro ndetse akaba yifuzaga guterura igikombe ari mu ikipe ya Police FC akaba yanasohokera igihugu 

Savio Nshuti usanzwe ari kapiteni wa Police FC ni umwe mu bakinnyi bitwaye neza kuri uyu mukino 

Abafana bari bagerageje kwitabira ugereranyije n’amakipe yari yakinnye kuko atazwiho abafana benshi 

Rujugiro umwe mu bafana bakomeye ba APR FC yari yaje gutera ingabo mu bitugu ikipe ya Police FC Nsabimana Eric bakunze kwita Zidane ni we watsinze igitego cya kabiri cya Police FC cyashimangiye intsinzi. Uyu musore yateye umutwe ukomeye mu izamu, ubundi ibyishimo biramusaga Akuki wageze muri Police FC avuye muri Mukura, niwe watsindiye Police FC igitego cya mbere ku mupira yahawe na MuhadjiriPolice FC yari yamanuye “umufana” kuri sitade ku buryo budasanzwe kandi ubona ko bari bafite icyizere cy’igikombe

Bamwe mu babyeyi bo mu karere ka Bugesera bari baje gushyigikira ikipe yabo ndetse bafannye kuva ku munota wa mbere kugera umukino urangiye ariko batashye batageze ku cyo bashakaga 

Niyongira umunyezamu wa Bugesera ni umwe mu bayifashije kugera ku mukino wa nyuma, kuri uyu wa 3 yakoze igishoboka ariko biranga 

Karim Kamanzi wakiniye ikipe y’igihugu Amavubi ubwo yari mu gikombe cy’Afurika mu 2004, ni we waje ashigatiye igikombe cyahatanirwaga

Mbere y’uko umukino utangira, hafashwe umunota wo kwibuka ku nshuro ya 30 Jenoside yakorewe Abatutsi mu 1994Mbere y’uko umukino utangira abatoza bafashe ifoto y’urwibutso bari kumwe na Ruzindana Nsoro wasifuye uyu mukino 

Abakinnyi 11 Bugesera FC yabanje mu kibuga 

Abakinnyi 11 Police FC yabanje mu kibuga 

Nyuma y’igikombe cy’Amahoro cyo muri Mukura mu 2018, igikombe cy’Amahoro muri Rayon Sports mu 2023, Umutoza Haringingo yifuzaga igikombe cya 3 cy’Amahoro, gusa ntabwo byamuhiriye 

Chukwuma Odili yahuraga n’ikipe yavuyemo ya Bugesera 

Abafana ba Bugesera FC bishimiraga amateka yabo ya mbere yo kugera ku mukino wa nyuma w’igikombe cy’Amahoro

Abafana ingeri zose bari babukereye baje kubika mu bwonko ibihe by’ingenzi mu mateka y’umupira w’amaguru mu Rwanda 

Abakinnyi 3 b’Abarundi uhereye ku munyezamu Rukundo Onesme, Ndizeye Samuel na Bigirimana Abedi bishimiye cyane igikombe cy’Amahoro begukanye 

Abatoza ba Police FC ndetse na bamwe mu bagize Staff ya Police FC bafata ifoto y’urwibutso ku munsi w’amateka 

Police FC yashimiye Imana mu masengesho nyuma y’umukino kubera ibyo yari imaze kubakorera 

Ikipe ya Police FC yakoze umutambagiro w’igikombe kuva kuri sitade ya Pele kugera ku cyicaro cya Polisi y’u Rwanda kiba ku Kacyiru 

Umuhanda nawo wari wahaye icyubahiro Ikipe ya Polisi y’igihuguSavio Nshuti na Rutanga Eric ni bo bagiye bafite igikombe mu modoka yari yateguwe 

Savio ntabwo yabyiyumvishaga 

Police FC yegukanye igikombe cya kabiri cy’Amahoro nyuma y’igikombe cya mbere yegukanye mu 2015 

Rutanga Eric arimo kumva amabwiriza y’umuyobozi mukuru wa Polisi y’u Rwanda CG Felix Namuhoranye

Minisitiri wa Siporo ashyikiriza igikombe Savio Nshuti kapiteni wa Police FC 

Abasifuzi bayoboye umukino nabo bafashe ifoto y’urwibutso nk’umwe mu mikino y’amateka bayoboye 

Umugaba Mukuru w’ingabo z’u Rwanda Gen Mubarakh Munganga yifatanyije na Polisi y’u Rwanda mu byishimo, aho yagaragaye we na CG Felix Namuhoranye umuyobozi mukuru wa Polisi y’u Rwanda, bafite akamwenyu 

CG Felix Namuhoranye Umuyobozi Mukuru wa Polisi y’u Rwanda yihanganisha Richard Mutabazi uyobora akarere ka Bugesera, akaba n’umuyobozi w’icyubahiro wa Bugesera FC 

Sarpong uherutse kureka gufana ikipe ya Rayon Sports akerekeza muri APR FC, yari yaje kwifatanya n’abafana ba Police FC 

Mashami Vincent yegukanye igikombe cya 2 cy’Amahoro nyuma y’igikombe cya mbere yegukanye mu 2014 ari muri APR FC 

Haringingo yageze aho imibare imubana myinshi hajemo na za X na Y, ndetse yakwibuka ko no muri shampiyona ikipe ye yenda kumanuka umutima ukagwa mu nda 

Umunyamakuru Gatete uherutse kuva mu ikipe ya Gasogi United akerekeza muri Police FC yahise yegukana igikombe cya mbere nk’umufana mushya w’iyi kipe 

KANDA HANO UREBE AMAFOTO MENSHI

“>

“>

“>

AMAFOTO: Ngabo Serge – InyaRwanda

VIDEO: Eric Munyantore & Yaka Pro – InyaRwanda

Umuyobozi Mukuru wa Polisi y’u Rwanda, CG Félix Namuhoranye, yavuze ko banyuzwe n’umusaruro Mashami Vincent n’abamwungirije batanze ko bakiri kumwe na bo umwaka utaha nibabyifuza.

Yabivugiye mu muhango wo kwishimira Igikombe cy’Amahoro baraye begukanye batsinze Bugesera FC 2-1.

Nyuma yo kwegukana iki gikombe cyakinwe ku wa 1 Gashyantare, Police FC yatsindiye itike yo kuzahagararira u Rwanda muri CAF Confederation Cup ya 2024/25.

Ubwo bishimiraga iki gikombe Kacyiru, umuyobozi Mukuru wa Polisi y’u Rwanda, CG Félix Namuhoranye, yashimye umusaruro Police FC avuga ko bataba bageze kuri 75% basubire inyuma kuko bishoboka ko umwaka utaha bagera 100%.

Ati 'Nidutwara ibikombe bibiri mu mwaka utaha; icya Shampiyona n’icy’Amahoro, tuzaba turi kuri 90%. Nitugera ku mukino wa nyuma w’icy’Amahoro, tugatwara Shampiyona, tuzaba turi kuri 90%. Nitubitwara uko ari bitatu tuzaba turi ku 100%.'

Yashimiye umutoza n’abamwungirije avuga ko ibyo babatumye babigezeho ku kigero cya 75% bityo ko ari amanota meza batakwifuza gutandukana, nibabishaka bazagumana.

Ati 'Kubera ko tugiye guhatana n’Isi yo hanze y’u Rwanda, ntitwisenye ahubwo twiyubake. Ikipe tekinike, Mashami, abatoza bakungirije n’abandi, ibyo mwagombaga gukora twabatumye, mwarabikoze, 75% ni amanota meza cyane.'

Yanabwiye Komite Nyobozi y’iyi kipe ko akazi babatumye bagasoje ko umwaka utaha batangira kwitegura ko bazabatuma ibirezneho.

Ati 'Komite Nyobozi namwe, murabizi, hari igihe tutanavuganaga […] akazi twabatumye mwagasoje, umwaka utaha tuzabatuma akandi kandi karenzeho. Mutangire mwitegure.'

Muri rusange umwaka w’imikino wa 2023-24 wagenze neza kuko yegukanye ibikombe 2 icy’Intwari ndetse n’igikombe cy’Amahoro. Cyabaye igikombe cy’Amahoro cya kabiri yegukanye kuko ikindi yagiherukaga muri 2015.

Umuyobozi wa Polisi yashimiye uko ikipe yitwaye muri uyu mwaka w’imikino

Police FC yagize umwaka mwiza w’imikino

Mugisha Fred Robinson wamamaye nka Producer Element, yavuze ko benshi biyitiriye injyana ye ya ‘Afro Gako’ amaze imyaka igera kuri 4 akoraho, ariko bwa nyuma akaba agiye kuyishyira hanze.

Uyu musore wamenyekanye cyane ubwo yari muri Country Record, ari nabwo yatangazaga ko hari injyana na Afro Gako agiye gushyira ku isoko.

Yaje kuyivamo yerekeza muri 1:55AM, ari nabwo byatezaga impaka nyinshi, Country Records ivuga ko iyo njyana atari iye ahubwo ari umushinga wa bo.

Element udakunze kuvuga cyane, ejo hashize akaba yaratanze icyo umuntu yakwita gasopo ku bantu bose biyitiraraga iyi njyana ye yari amaze imyaka 4 akoraho.

Abinyujije ku mbuga nkoranyambaga ze, Element yashyizeho amashusho y’iyi njyana yumvakana ko akozwe mu buryo bwa gakondo, anagaragara akubita ingoma.

Aya mashusho yaherekejwe n’amagambo agira ati “mu myaka 4 ishize, natekereje guhuza umuziki w’umuco wacu w’u Rwanda na Afrobeats, nkawuzamura nkawushyira ku rundi rwego, ni bwo nahise ngira igitekerezo cy’izina Afro Gako.”

Yakomeme agira ati “nubwo mwumvise ibihuha byinshi ariko igihe kirageze. Ninjye nyirayo, wayihimbye ugiye gushyiraho ifatizo ku bisekuruza bigiye kuza, ndi uwatsinze.”

Aya magambo yatangaje, benshi bayahuje no kuba yaba agiye kuva muri 1:55AM cyane ko na yo yamukeje ariko mu buryo busa no kumusezeraho.

Yagize iti “Intangiriro yo kwinjira ni ugusohoka. Imyaka ine yo gukora ku bihangano bimurika umuco wacu bikawagurira mu mico Nyafurika, igihe kirageze ngo umwana acuke. Genda wereke Isi imbaraga z’ubuhanzi buhawe igihe. Amahirwe masa Element.”

Ubwo ISIMBI yageragazaga kuvugana na Element ndetse na 1:55AM ku kuba baba bagiye gutandukana, ntabwo byakunze kuko impande zombi nta n’umwe witabaga telefoni.

View this post on Instagram

A post shared by 𝓔𝓵𝓮𝓮́𝓮𝓱🦅 (@element_eleeeh)

Element yashyize hanze injyana amaze imyaka 4 akoraho

Bijya gutangira Robinson Fred Mugisha [Element] yatangaje ko afite injyana  agiye gushyira ku isoko ya Afro Gako icyo gihe yari akibarizwa muri Country Records.

Ubwo yafataga umwanzuro wo kuyivamo humvikanye inkuru nyinshi zivuga ko iyi njyana yari iyabo ndetse abari basigaye nabinjiyemo batangira kwerekana ko aribo ba nyirayo.

Nyamara Element ukunze kuvuga make yaje gutangaza ko atarigera na rimwe avuza umurishyo w'iyo njyana nubwo indirimbo zitandukanye zari zimaze iminsi zisohoka bivuga ko ariyo nyayo.

Ku munsi w'umurimo kuvuga ku wa 01 Gicurasi 2024, Element mu masaha y'umugoroba yagaragaye mu mashusho mato akubita ingoma, yunganiwe n'inanga mu mashusho agaragaramo n'ingagi avuga ko noneho yiteguye gushyira  ku isoko Afro Gako.

Mu butumwa yaherekesheje aya mashusho yagize ati'Mu myaka 4 ishize, natekereje uko nahuza umuziki ushingiye ku muco nyarwanda [Gakondo] na Afrobeats nkabishyira ku isoko.'

Yongeraho ati'Uko niko nazanye izina rya 'Afro Gako', hirya y’ibindi bihuha mwagiye mwumva iki nicyo gihe imiraba iriyesura vuba. Ndi umuhanzi, umuvumbuzi wifuza gushyira itafari ku hazaza h'ibindi bisekuru. Nari nibagiwe ndi ni umutsinzi.'

Bidatinze Coach Gael usanzwe ari umuyobozi wa 1:55AM yifurije amahirwe masa Element yewe no ku mbuga z'iyi nzu itunganya ikareberera inyungu z'abahanzi bamwifuriza ibyiza.

Amagambo bakoresheje akaba yashimangiye inkuru z'uko Element ufatanya gutunganya umuziki no kuririmba yaba yaramaze gutandukana nabo.

1:55AM yagize iti'Intangiriro yo kwinjira n'ugusohoka, imyaka ine yo gukora ku bihangano bimurika umuco wacu bikawagurira mu mico nyafurika, igihe kirageze ngo umwana acuke. Genda wereke Isi imbaraga z'ubuhanzi buhawe igihe. Amahirwe masa Element.'

Ijambo gucuka bishobora gukoreshwa ku muntu wamaze kubona umukurikira mbega murumuna cyangwa mushiki w'umuntu ariko na none rigakoreshwa mu buryo bwo kumvikanisha ko ibyo umuntu yageneraga undi atazongera kubibona cyangwa no mu buryo bwo gutandukana.

Nubwo tugikomeza kuganira na Element ngo aduhamirize aya makuru, kugeza ubu akaba  yamaze gutangiza inzu ye itunganya umuziki ndetse ikaba yitwa Eleéesphere bigaragara mu mashusho amurika Afro Gako.

Byitezwe kandi ko mu bihe bya vuba Element ashyira hanze indirimbo yakoranye na Chriss Eazy yo kumurikira ku mugaragaro iyi njya ikomatanije umuziki nyarwanda ushingiye ku muco na Afrobeat.

Amajwi yayo akaba ari we wayatunganije mu gihe amashusho yagizwe uruhare na Uniquo ya murumana wa Christopher Muneza, Jean Chretien Munezero.

Element yatangaje ko yifuza kuba urufatiro rw’ibindi bisekuru mu muzikiYifurijwe amahirwe masa na 1:55AM yamaze gutangaza ko igihe kigeza agacuka Kuva yakwinjira mu kazi ko gutunganya umuziki yifuje guhuza umuziki wa gakondo nyarwanda na Afrobeat  igihe kikaba kigeze ngo ahe Isi ibyo amaze igihe ategura

 

Hagiye havugwa amakuru menshi ku rupfu rwe, aho umutwe wa FDLR na Repubulika Iharanira Demokarasi ya Congo byashatse kurwegeka ku Rwanda mu rwego rwo gukomeza gushaka impamvu no kuyobya uburari ku cyabaye intandaro nyamukuru y'urupfu rwe no kwerekana ko ingabo z'u Rwanda zaba ziri muri icyo gihugu.

Sergeant Tuyizere Mose wahoze mu ishami ridasanzwe mu gisirikare cya FDLR rizwi nka Commando de recherche et d'action en profondeur, CRAP ari mu basubijwe mu buzima busanzwe nyuma yo guhabwa inyigisho z'indangagaciro nyarwanda mu kigo gitangirwamo amahugurwa yo gusubiza mu buzima busanzwe abahoze ari abasirikare cya Mutobo.

Mu kiganiro cyihariye na IGIHE, Sgt Tuyizere Mose, yagaragaje ko urupfu rwa Col. Ruhinda Gaby rwatewe n'Umuyobozi mukuru wa FDLR Ntawunguka Pacifique uzwi nka Général Omega.

Uyu musirikare wari mu b'imbere mu mutwe udasanzwe wayoborwaga na Col. Ruhinda yagaragaje ko urupfu rw'uwari umuyobozi we rwaturutse ku bugambanyi yakorewe na Gen. Omega.

Sgt Tuyizere yagaragaje ko ubugambanyi bwaturutse ku gushaka kwikubira amafaranga FDLR yari yohererejwe na Perezida wa Repubulika Iharanira Demokarasi ya Congo Félix Antoine Tshisekedi yagombaga gusaranganywa abasirikare b'uwo mutwe bari bamaze igihe ku rugamba icyo gihugu gihanganyemo na M23.

Ubwo bayoherezaga, Gen Omega yashatse kuyikubira ariko Col. Ruhinda wari uyoboye ingabo za CRAP ari nazo zari mu b'imbere ku rugamba no gutoza ingabo z'icyo gihugu arabyanga.

Ibyo byatumye Gen. Omega ashaka kuyikubira no kuyarigisa ku giti cye ari ho havuye kugambanira Col. Ruhinda azakwicwa nk'uko Sgt Tuyizere abisobanura.

Ati 'Ubundi amabwiriza ya Gen. Omega yarakurikizwaga ariko we na Ruhinda baje gupfa amafaranga yari yoherejwe avuye i Kinshasa. Ariko muri FDLR FOCA bavuze ko atishwe na Omega ahubwo ko yishwe n'ingabo zo mu Rwanda ariko twasanze ari ukubeshya.'

Yongeyeho ati 'Twasanze barapfuye amafaranga miliyoni 12 zaturutse i Kinshasa zari kugabanywa abasirikare bo muri CRAP, Gen Omega ashaka kuyikubira ariko Ruhinda aravuga ngo tuyahe abasirikare kuko bavuye ku rugamba. Bahise bamugira ishyamba bamutega grenade baramwica.'

Uyu musirikare wari mu nkingi za mwamba mu mutwe udasanzwe wa FDLR yagaragaje ko akimara kumenya urupfu rw'uwari umuyobozi we tariki ya 24 Ugushyingo 2023 yahisemo gutoroka akishyikiriza Monusco kugira ngo izamwohereze mu Rwanda.

Col. Ruhinda yapfuye afite imyaka 55.

Uyu mugabo yamenyekanye cyane ubwo mu 2023, raporo z'impuguke za Loni zishinzwe gukurikirana ibijyanye n'umutekano mu Burasirazuba bwa Congo, zagaragaje ko Col Ruhinda yitabiriye inama zitandukanye zabaga zateguwe na Guverinoma ya Congo, hagamijwe ko imitwe yitwaje intwaro ibafasha guhangana na M23.

Ruhinda ariko kandi ari mu batanze itegeko ryo kurasa ibisasu byaguye ku butaka bw'u Rwanda muri Kamena 2022, bikangiza byinshi ubwo igihugu cyiteguraga kwakira Inama y'abakuru b'ibihugu bihuriye mu muryango wa Commonwealth, CHOGM2022.

Imikoranire ya FARDC na FDLR iri ku mugaragaro

Sgt Tuyizere yagaragaje ko ingabo z'umutwe udasanzwe za FDLR zatozwaga na Col. Ruhinda zabarizwaga mu Birunga zikavaha ari uko zigiye gufatanya na FARDC kurwana.

Yagaragaje ko uretse kurwana izo ngabo zanyuzagamo zigatanga amahugurwa ku ngabo za Leta ndetse hari n'abitozanyaga nabo mu bigo by'amahugurwa bya gisirikare mu gukarishya ubumenyi.

Nubwo benshi bakunze kubitera utwatsi ariko Sgt Tuyizere yagaragaje ko yari mu bakomando bakomeye kuko yahawe imyitozo ihambaye n'abasirikare b'abacanshuro b'abarusiya ngo azabashe gufasha aba FRDC ndetse yanagiye gutorezwa i Kinshasa.

Ati 'Njyewe baranzi kuko nari inshuti yabo cyane. Ndi umuntu wahawe imyitozo njya no mu ndege bwa mbere njya kwiga i Kinshasa kugira ngo nzaze nigishe na bagenzi banjye.'

Yasobanuye ko ubwo RDC yatumizaga ibikoresho bishya byo guhangana na M23 ku rugamba birimo indege z'intambara, imbunda n'ibisasu binyuranye byabanje guhabwa FDLR kuko ari yo yari yizeweho amakiriro.

Indi bifitanye isano: https://igihe.com/politiki/article/col-ruhinda-wayoboraga-ingabo-zidasanzwe-muri-fdlr-yishwe

https://igihe.com/amakuru/u-rwanda/article/kurinda-ikibuga-cy-indege-cya-goma-kugenzura-imipaka-uko-fdlr-yabaye-ishyiga-ry

Byagaragaye ko Col Ruhinda yishwe ku kagambane ka Gen Omega bapfa miliyoni 12 zatanzwe na Tshisekedi

Muri uku kwezi kwa Mata, abahanzi nyarwanda ntibigeze bateshuka ku nshingano bihaye yo kuticisha irungu abakunzi b'ibihangano byabo muri uyu mwaka wa 2024, kuko bashyize hanze indirimbo zitandukanye kandi zanyuze abagiye bafata umwanya wabo bakazumva.

Mu ndirimbo amagana zagiye ahagaragara mu kwezi kwa Mata, InyaRwanda yaguhitiyemo 10 gusa zanogeye amatwi y'abakunzi b'umuziki nyarwanda:

1. 2 in 1 – Kenny Sol

“>

Mu mpera za Mata, Rusanganwa Norbert [Kenny Sol] yashyize hanze indirimbo y’amashusho ‘2 in 1’ yifashishijemo umugore we unamutwitiye imfura , Kunda Alliance Yvette, ikaba ari iya mbere yakoze kuva yakwinjira muri 1:55AM.

2. Dans Le Bon – Gabiro Guitar

“>

Nyuma yo gukora ku muzingo yise 'Gishyaka' n'uruhurirane rw'indirimbo yise 'Criminal Love', Gabiro Guitar uri gukora ku giti cye kuva yakwemera guhara imigabane yari afite muri Evolve Music, yagarukanye indirimbo nshya.

Ni indirimbo ifite amashusho yakorewe mu Burundi yayise 'Dans Le Bon'. Mu kiganiro yagiranye na InyaRwanda, Gabiro yavuze ko aya ari amagambo akoreshwa n'abakundana mu gihe baryohewe n'umunyenga w'urukundo barimo.

3. I Gotta Go – Kenny K-Shot

“>

Ni indirimbo nshya y'umuhanzi Kenny K Shot, uri mu baraperi bamaze kubaka izina bo mu kiragano gishya mu muziki.

Muri iyi ndirimbo, uyu musore aba agaragaza ko afite intumbero yo kugera kure kandi agakora cyane yirinda abarimo abakobwa.

4. Idage – QD

“>

Idage ni indirimbo nshya y'umuhanzi Shema Qusay Diaby wamamaye nka QD mu ndirimbo iheruka kubica mu Rwanda yise 'Teta'.

Muri iyi nshya, uyu musore yise 'Idage' yishyira mu mwanya w'umusore utabashije gutereta ahubwo uhora yinywera inzoga gusa nta kindi abashije kijyanye no kwijajara inkumi.

5. Zikana – Yampano ft Fireman

“>

Ni indirimbo nshya Fireman yahuriyemo na Yampano uri mu bahanzi bari kuzamuka muri iki gihe.

Muri iyi ndirimbo, aba bahanzi baba bagaragaza ibirushya bagiye bahura nabyo mu buzima yaba ubw'umuziki cyangwa ubundi busanzwe.

6. A Moment Of Silence – Rlutta

“>

Alice Lambert Rutayisire ukoresha amazina ya Rlutta, ni umwe mu bahanzikazi bari kuzamuka neza bakwiriye guhangwa amaso mu muziki nyarwanda ariko akenshi barenzwa ingohe. Akora umuziki wa Afrobeat. Afite imyaka 24 y'amavuko. Abarizwa muri label ya InfoAtassiMusic.

Rlutta yayihanze agendeye ku buzima bwe busanzwe aho yafashe umwanya wo kwitekerezaho no gusubiza amaso inyuma ngo arebe ibyamudindije abivane mu buzima bwe.

7. Suku – Kenny Edwin Fireman

“>

Ni indirimbo nshya y'umuhanzi Kenny Edwin afatanyije na Fireman. Iyi ndirimbo yakozwe na Pakkage muri Country Records, iri mu njyana ya Afrogako. Aba bahanzi baba baririmba urukundo aho bataka umukobwa uba wihariye mu rukundo.

8. Rwamakombe – Zeo Trap ft Dr. Nganji

“>

Ni indirimbo nshya y'umuhanzi Zeo Trap na Dr. Nganji. Muri iyi ndirimbo Zeo Trap aba agaragaza ukuntu yiciriye inzira mu muziki akagera aho atungwa nawo nubwo awutangira byari ibintu bikomeye.

9. Together – Kellia

“>

Nyuma y’uko ahuriye na Alyn Sano mu ndirimbo bise “Ndabizi,” umuhanzikazi Tuyizere Kellia [Kellia] yashyize hanze indi nshya yise “Together” yanditswe na Niyo Bosco.

10. Ifoto – Yee Fanta ft Teco

“>

Producer ukiri muto ukomeje kuzamuka neza mu muziki nyarwanda no kuzamura igikundiro, Fanta yahuriye mu ndirimbo ‘Ifoto’ na Teco.

 

Yashimangiye ko abantu badakwiye kumva ko igikuba kiba cyacitse iyo umuntu agaragaje ko akeneye kwitabwaho, dore ko hari n'ingaruka za Jenoside zadukiriye abavutse nyuma y'ayo mahano bakaba bakiri guhangana nazo.

Ubu butumwa Hubert yabugejeje ku bari bitabiriye gahunda ngarukakwezi ya Kigali Family Night, yabaye kuri uyu wa Kabiri ku ya 30 Mata 2024, muri Park Inn Hotel.

Ni gahunda yari yitabiriwe n'abantu b'ingeri zitandukanye nk'uko bisanzwe, uretse ko kuri iyi nshuro bari bisunzwe n'abakozi ba Jibu Co Rwanda.

Iyi gahunda yari ifite insanganyatsiko igaruka ku ngaruka za Jenoside yakorewe Abatutsi n'uko zatsindirwa mu muryango.

Mu kiganiro na IGIHE, Sugira Hubert yagize ati 'Ikintu cya mbere Jenoside yakoze ni ukwica umuryango no kuwusenya. Abantu barenga miliyoni bishwe bari bagize imiryango, benshi babaye imfubyi abandi baba abapfakazi ku buryo uyu munsi hari ibintu byinshi biri ku muryango Jenoside yateye.'

Hategekimana Sugira Hubert yagaragaje ko hari abana benshi bavutse nyuma ya Jenoside yakorewe Abatutsi, ariko bagerwaho n'ingaruka zayivuyeho, anagaragaza ko mu muryango ari naho hakwiye gusenyerwa izo nzitizi.

Ati 'Icya mbere ni ukubanza abantu bagahura, bakaganira bakumva izo ngaruka bakamenya cyane cyane ko hari ibintu byinshi biri kuba uyu munsi bituruka ku ngaruka Jenoside yadusigiye.'

Yakomeje agira ati 'Ari umubyeyi, ari umwana cyangwa umukecuru hari uruhare yagira cyangwa yazana mu muryango, umwana yige asobanukirwe amenye aho igihugu kivuye, ababyeyi nabo bagire uburyo bwo kuganiriza abana kuko kubahisha si byo ahubwo bagomba kugira uburyo babimenya n'uko babyiga.'

Iyi nzobere mu mibanire y'abashakanye n'abantu muri rusange, yavuze ko abana bari kuvuka muri iyi minsi cyangwa abavutse nyuma ya Jenoside, bagomba kumenya amateka y'igihugu n'imiryango yabo kugira ngo babyigireho.

Ati 'Imyaka 30 ni igihe gito ukurikije ubukana Jenoside yakorewe Abatutsi yakoranywe, abantu bemere kandi bakire ko hakiri ibikomere, niba wumva ugikeneye kuvuga cyangwa ubufasha twumve ko ari ibisanzwe, ibyabaye mu Rwanda ni amahano y'indengakamere.'

'Nubwo rero twumva ko ari igihe kinini iyo utekereje ariko ni igihe gito cyane abantu bemere kwakira no gusaba ubufasha aho bukenewe.'

Muri iki kiganiro, Ancilla Mukarubuga, umwe mu batangije Avega Agahozo, akanatangiza umuryango ARCT Ruhuka, yagaragaje ko mu miryango hakigera ingaruka za Jenoside, ariko intambwe ya mbere ari ukwisobanukirwa ubundi ugatangira urugendo rwo gukira.

Uyu mubyeyi warokotse Jenoside, yashimangiye ko na nyuma y'imyaka hafi 80, hakiri bamwe bagihura n'ingaruka za Jenoside yakorewe Abayahudi [Holocaust], bisobanuye ko hadakwiye kunengwa cyangwa gucirwa urubanza abagaragaje ko bakeneye gushyigikirwa mu Rwanda.

Hubert Sugira Hategekimana, yagaragaje ko abagihura n’ingaruka za Jenoside badakwiye guterwa ipfunwe no gusaba ubufasha

Gahunda ya Kigali Family Night iba buri kwezi, hakagenda haganirwa ku ngingo zinyuranye ziba zateguwe

Irakoze Claver, yagaragaje ko hari uburyo bwihariye umuryango ukwiye kuganiramo amateka bitewe n’intumbero ushaka cyane iyo harimo abana bakiri bato

Iyi gahunda yari ifite insanganyatsiko yibanda ku ngaruka za Jenoside yakorewe Abatutsi n'uko zatsindirwa mu muryango

Iyi gahunda yatangijwe n’isengesho

Mukanyiligira Dimitri Sissi, yahaye ubuhamya abari bitabiriye Kigali Family Night

Ngabo Brave, yagaragaje ko kureba umuntu wizeeye uganiriza ibihe unyuramo ari intambwe ya mbere yo kubohoka ikuganisha ku gukira

Yvan Ngenzi, yataramiye abari bitabiriye Kigali Family Night

Amafoto: Habyarimana Raoul

Byagarutsweho kuri uyu wa 1 Gicurasi 2024, mu muhango wo kwizihiza umunsi mpuzamahanga w'umurimo mu Rwanda.

Umunyamabanga Mukuru w'Urugaga rw'Amasendika y'Abakozi mu Rwanda,Biraboneye Africain yatangaje ko umushahara udatangirwa umusoro ukwiye kuva ku bihumbi 60 Frw ukaba nibura ibihumbi 100 Frw kuko umubare munini w'urubyiruko runari mu kazi ari cyo cyiciro bisangamo.

Ati 'Dushingiye ku mubare munini w'urubyiruko, dushingiye ku mubare munini hano mu gihugu w'abantu bakora mu maduka, mu tubari n'ama-restaurants amafaranga bahabwa ashobora kurenga ibihumbi 60 gato ariko ntarenge ibihumbi 100 Frw cyangwa ntabirenge cyane.'

Biraboneye yagaragaje ko bishimishije kuba umushahara usonewe umusoro waravuye ku bihumbi 30 Frw ukagera kuri atarenze ibihumbi 60 Frw ariko hakwiye kwigwa ku buryo umuntu uhembwa ibihumbi 100 Frw yajya ayacyura yose.

Ati 'Ni yo mpamvu dusaba ko byakomeza bigatera indi ntambwe ishimishije nibura bagatangira gukata umukozi uhembwa hejuru y'ibihumbi 100 Frw.'

Iki kibazo ntigisigana n'icy'umushahara fatizo kimaze imyaka myinshi abantu bategereje iteka rya minisitiri riwugena nk'uko itegeko rigenga umurimo mu Rwanda ribiteganya ariko rikaba ritarasokoka kugeza ubu.

Umunyamabanga Mukuru wa Syndicat y'Abakozi bakora mu mahoteli, restaurant n'utubari, Nyiratsinda Flora, yavuze ko kuba nta mushahara fatizo uriho bituma abakozi babaho nabi.

Ati 'Abakozi bo mu tubari cyane cyane bahembwa amafaranga ateye agahinda. Amafaranga iyo ari make, urahembwa nyuma y'iminsi mike akaba yarangiye ugatangirana n'ibibazo ugakora utishimye hakaniyongeraho no kuba ku masoko ibiciro byarazamutse cyane.'

Ku rundi ruhande Umunyamabanga Mukuru w'Urugaga rw'Amasendika y'Abakozi, Biraboneye yagaragaje ko mu buvugizi bari gukora harimo no gusaba ko umushahara fatizo washyirwaho, kugira ngo bitazagera igihe umukozi wagiye mu kazi ntabashe kwibeshaho.

Ati 'Tunasaba ko ikijyanye n'umushahara fatizo cyakongera gutekerezwaho. Itegeko ry'umurimo rigiye gusaza cyangwa rikazahindurwa iteka rigena umushahara fatizo ritarajyaho. Hari ikibazo kuko ntabwo duhuza n'ibyavuzwe mu itegeko'

'Turabisaba kugira ngo turengere imibereho y'abakozi mu gihe tubona ko ibiciro ku masoko bikomeza kuzamuka ku buryo hatabayeho uburyo Leta irinda abakozi bashobora kwisanga badashobora kubasha kubaho kandi bajya ku kazi buri munsi.'

Itegeko rigenga umurimo mu Rwanda ryashyizweho mu 2018, ariko iteka rigena umushahara fatizo rivugwamo imyakaka ibaye itandatu ritarasohoka.

Umushahara fatizo kugeza ubu uracyari ku mafaranga 100 Frw ku munsi, ndetse imyaka irenga 40 irashize nta mpinduka zibikorwaho.

Abakorera umushahara utarenze ibihumbi 100 Frw basabiwe gusonerwa umusoro