Blog

Mu mezi 11 ashize ubwo iyi ndirimbo yari imaze gusohoka nibwo Niyo Bosco yanyarukiye ku rubuga rwa Instagram ashimira cyane Ross Kana ku ntambwe yari akomeje gutera mu muziki ariko mu gusoza ubutumwa bwe, avuga ko agiye gusengera ba nyiri indirimbo kugira ngo bajye bamenya gushima buri wese wagize uruhare mu gikorwa cyabo.

Si ibyo gusa kuko no mu kiganiro Niyo Bosco yagiranye na MIE Empire muri icyo gihe nabwo yivugiye ko ibyo bamukoze kuri iyi ndirimbo abifata nka coup d'état.

Icyo gihe yagize ati 'Noneho kubera uburyo Fou de toi iba yarambabaje ntaho byari bitaniye na coup d'état, Fou de toi bankoreye coup d'état.'

Producer Element uvuga ko iyi ndirimbo ari iye yasubije Niyo Bosco amubwira ko umuhanzi wese ugeze aho akorera indirimbo (Studio) akumva ibyo ari gukora atamushyira ku rutonde rw'abakoze kuri iyo ndirimbo.

Mu kiganiro Element yagiranye na 1:55AM Media yemera ko Niyo Bosco n'abandi bahanzi barimo Okkama na Christopher baje bamugana baje gukora indirimbo zabo ariko basanga ari kumva Fou de toi bakagira ibitekerezo bishya bamuha.

Ati 'Niyo Bosco nabonye ari kuvuga ngo ntabwo twamugaragaje mu bantu bagize uruhare ku ndirimbo 'Fou de toi' ntabyo namuha kuko umwanditsi wayo ni Rumaga ariko ntabwo nanone natesha agaciro ibyo yakoze.'

'Ushobora kuza muri studio ndigukora indirimbo ugatanga igitekerezo cyawe ibyo byonyine biba bifite agaciro kabyo ariko ntabwo bivuze ngo abantu bose banyuze muri studio ndigukora indirimbo ngo ndayibandikaho, gusa nubaha ibyo yayikozeho.'

Element avuga ko atangira gucura injyana ya 'Fou deToi' yari agiye kuyikorera Ross Kana ndetse bafatanya kwandika amwe mu magambo ayigize.

Basangiye ibitekerezo ndetse rimwe na rimwe bakiyambaza n'abandi bahanzi batandukanye yagiye ayumvisha mu bihe bitandukanye.

Indirimbo yatangiye kubaryohana biyambaza umusizi Junior Rumaga abafasha kuyandika neza ndetse bongeramo Bruce Melodie waririmbye inyikirizo yayo.

Kuri ubu iyi ndirimbo ni imwe mu ndirimbo nyarwanda zikunzwe hanze y'u Rwanda imaze gucurangwa inshuro zirenga miliyoni 14 ku rubuga rwa Youtube mu mwaka umwe imaze isohotse.

Producer Element asubiza Niyo Bosco yamubwiye ko buri muhanzi wese uje muri studio ari gukora indirimbo ataringobwa ko amwandika mubayigizemo uruhare

Muri ibyo biganiro u Rwanda rwari ruhagarariwe n'Umuyobozi Mukuru w'Urwego rushizwe guteza imbere amashuri ya Tekinike imyuga n'ubumenyingiro, Ing. Paul Umukunzi.

Ni ibiganiro byabanjirije isinywa ry'amasezerano y'imikoranire ateganyijwe hagati y'impande zombi aho u Bushinwa bwifuza gufasha u Rwanda mu guteza imbere amashuri ya Tekinike, imyuga n'ubumenyingiro.

Ing. Paul Umukunzi yagaragaje ko ibiganiro byibanze ku kugaragaza uko amashuri ya TVET mu Bushinwa yatejwe imbere n'icyo amaze gufasha igihugu cyabo ku ruhando mpuzamahanga ndetse n'uburyo biteguye gufasha u Rwanda.

Ati 'Bifuza kudufasha mu Rwanda duhereye kuri TVET uburyo twazamura ibyo dukora kugira ngo natwe tubashe guhangana ku ruhando mpuzamahanga. Turi hafi gusinyana amasezerano nabo azaturanga mu minsi iri imbere kugira ngo umwana w'umunyarwanda wigiye hano mu Rwanda yigire ku rwego rumeze nk'urwo mu Bushinwa.'

Yagaragaje ko u Bushinwa bwifuza kwagura ibikorwa byarwo muri Afurika bishingiye ku gukora ishuri rya TVET rikora nk'iryo mu Bushinwa muri Afurika ritangiriye mu Rwanda.

Ati 'Dushaka kureba uburyo duhereye kuri iri shuri ryatewe inkunga n'u Bushinwa ryakwaguka rikagera ku rwego rw'amashuri yo mu Bushinwa. Ubu rero bavuze bati ni gute ishuri nk'iryo twari dufite mu Bushinwa twarigeza muri Afurika. Twizeye ko mu gihe cy'umwaka utaha hazatangira kwagura iri shuri riri aha ngaha.'

Nirimara kwagurwa, hazaba hatangirwa amasomo y'ibyiciro bitandukanye harimo ay'igihe gito, amasomo y'amashuri yisumbuye ndetse n'ay'icyiciro cya Kaminuza.

Ati 'Ikizakurikiraho ni ukumenya uko bizagenda kuko ubutaka bwo barabufite ni hano duhagaze, hazakurikiraho uburyo bwo kuhagura no kubona ibyangombwa bitandukanye ngo babashe kuza kwigisha ibyo byiciro binyuranye.'

Yagaragaje ko mu masezerano y'imikoranire u Rwanda ruteganya kujya rubona abarimu baturutse mu Bushinwa bakigisha mu mashuri yo mu Rwanda mu birebana na TVET.

Ing. Paul Umukunzi yagaragaje ko mu masezerano hashobora kubamo kuba abarimu b'Abanyarwanda bajya guhugurirwa mu Bushinwa cyangwa inzobere zo mu Bushinwa zikaza gutanga ubumenyi mu Rwanda.

Hari kandi gukorana mu bijyanye no kunoza imitegurire y'integanyanyigisho n'ibindi bitandukanye mu gihe cy'imyaka itanu iri imbere.

Umuyobozi w'Ikigo cy'Igihugu gishinzwe Ingufu mu Bushinwa, Dr.Yang Kun, yagaragaje ko nk'igihugu cyateye imbere mu bijyanye n'ubumenyi bushya mu ikoranabuhanga ryo gutunganya amashanyarazi hari byinshi u Rwanda ruzungukira muri iyo mikoranire.

Yagaragaje ko u Rwanda baruhisemo nk'igihugu kimakaje ikoranabuhanga kandi gifite intumbero ikomeye mu bijyanye no kugira ubukungu bubungabunga ibidukikije.

Yakomeje ati 'Nk'uko mu bizi u Bushinwa buza ku mwanya wa mbere mu gutanga umuriro w'amashanyarazi ukomoka ku mirasire y'izuba n'ukomoka ku muyaga. Twifuza gusangira ubwo bunararibonye ku Rwanda.'

Yagagaragaje ko bifuza gutanga ubwo bumenyi ku bakiri bato ku buryo bushobora gutanga umusaruro kandi bifuza guhera ku banyarwanda nyuma bikazagera no ku banyafurika muri rusange.

Umuyobozi Mukuru wa Beijing Forever Technology Co. ltd, Chen Xianlong, yashimangiye ko bishimira umusaruro mwiza wa Forever TVET School basanzwe batera inkunga ndetse rikaba rigiye kwagura, ashimangira ko u Rwanda ari umufatanyabikorwa wo kwizerwa.

Itsinda ry’Abashinwa biyemeje guteza imbere TVET mu Rwanda

Muri ibi biganiro itsinda ryo mu Bushinwa ryagaragaje aho igihugu kigeze kubera guteza imbere TVET

Ibiganiro byibanze ku guteza imbere imikoranire myiza ku mpande zombi

Bemeje ko hagiye kubakwa Kaminuza ya Sino Africa Polytechnic

Icyongereza nacyo ni ingenzi cyane mu burezi by'umwihariko mu Gihugu nk'u Rwanda kuko ari rwo rurimi rutegurwamo gahunda y'amasomo yigishirizwa mu Gihugu, kikaniyongera ku Kinyarwanda n'Igifaransa nk'indimi zimewe.

Icyakora ubu gukoresha ikoranabuhanga n'imikoreshereze y'ururimi rw'Icyongereza mu burezi ntibiragera ku rwego rushyitse ndetse akaba ari bimwe mu bikibangamiye ireme ryabwo nk'uko byagarutsweho n'Umuyobozi wa Koleji y'Uburezi muri Kaminuza y'u Rwanda [UR-CE], Prof Nsanganwimana Florien.

Ni ingingo yagarutsweho ku wa 13 Gicurasi 2024 ubwo UR-CE binyuze muri gahunda ya Leaders in Teaching [LIT] yatangizaga inama mpuzamahanga y'iminsi itatu ihuza abashakashatsi baturutse mu bice bitandukanye by'Isi.

Muri iyi nama hazarebwa ku ngingo nyinshi zigaruka ku mpinduka zikenewe mu burezi bugamije iterambere rirambye.

Prof Nsanganwimana, yagize ati 'Gutanga ubumenyi bugendanye n'Isi ishingiye ku ikoranabuhanga ni ikintu kigiteye impungenge nk'ubu ubwenge bukorano buri kwigarurira hafi inzego zose ugasanga mu byo abanyeshuri biga byose turakenera iryo koranabuhanga ariko nk'abarimu tuba dufite ntibize muri ibi bihe bikaba ngombwa ko nabo bongera kwiga kugira ngo bagire ubwo bushobozi bwo gufasha abanyeshuri.'

Yakomeje agira ati 'Turacyafite urubyiruko rukeneye kuza kwiga ariko ugasanga ubushobozi za kaminuza zifite butabasha kwakira umubare munini icyarimwe.'

Kubera impamvu nyinshi zagiye zigaragaza ko hakeneye amavugurura mu masomo atangirwa muri UR, Prof Nsanganwimana, yavuze ko by'umwihariko porogaramu nyinshi zo muri Koleji y'Uburezi muri Kaminuza y'u Rwanda zavuguruwe.

Nko ku bijyanye n'Icyongereza amasomo n'ibizami bitangwa byashyizwe ku rwego mpuzamahanga ndetse mu masomo yose umunyeshuri yaba yiga hashyirwamo ikoranabuhanga ku buryo amenyera gukoresha mudasobwa na porogaramu zinyuranye.

Ati 'Ku barimu bari mu kazi hari ibyo dukorana na Minisiteri y'uburezi n'abandi bafatanyabikorwa mu kubukabira ubushobozi kuko ubumenyi basabwa ni ibintu bigenda bihinduka kubera igihe bigasaba ko habaho amahugurwa ahoraho.'

Kuri ubu hari imishinga itatu iri gufasha abarimu bo ma mashuri abanza n'ayisumbuye ku kuzamurwa urwego rwabo irimo uwatangijwe muri 2019 na MINEDUC utangirwamo amahugurwa afasha abigisha amasomo y'imibare, na siyansi, Ikoranabuhanga n'Imibare [STEM] mu kwimakaza gukura mu magambo ibyo bigisha bakabishyira mu bikorwa.

Hari undi mushinga w'Umuryango w'Abongereza witwa British council, wo gufasha abigisha bo mu cyiciro kimwe cy'amashuri abanza n'ikindi cy'ayisumbuye mu kuzamura urwego rwabo rw'icyongereza, ukaba waratangijwe mu 2023.

Undi mushinga ni uwatangijwe mu 2023 wo gufasha abarimu bose mu gihugu kuzamura ubumenyi bwabo mu ikoreshwa ry'ikoranabuhanga ukaba ushyirwa mu bikorwa n'abafatanyabikorwa batandukanye.

Umuyobozi Mukuru wa Kaminuza y'u Rwanda, Prof. Kayihura Muganga Didas, yavuze ko inama nk'izi ziba kugira ngo habeho kwisuzuma no kumenya aho uhagaze mu cyerekezo wihaye.

Ati 'Uyu munsi ni ukwibanda ku kureba niba imyigishirize y'ubu ijyanye n'ikinyejana turimo. Natwe tugomba kwisuzuma nk'abarimu tuti ese tujyanye n'ikinyejana? Ese umunyeshuri wigira muri icyo kinyejana tuzamufasha iki? Nibyo dushaka kurebera hamwe uko imyigishirize igezweho imeze, abayitabiriye [inama] bakanatwereka ibyo bo bagezeho.'

Iyi nama mpuzamahanga ibaye ku nshuro ya kabiri, kuko yabaye bwa mbere mu 2023. Yakiriwe na Kaminuza y'u Rwanda, Koleji y'u Burezi ku bufatanye na Mastercard Foundation.

Umuyobozi Mukuru wa Kaminuza y'u Rwanda, Prof. Kayihura Muganga Didas, yagaragaje ko iyi nama ari ahantu heza ho gukorera isuzuma ku burezi buri gutangwa muri ibi bihe

Umuyobozi wa UR-CE, Prof Nsanganwimana Florien, yagaragaje ko hari imbaraga zigomba gushyirwamo ku kuzima icyuho cyimikoreshereje y’Icyongereza n’ikoranabuhanga mu burezi

Iyi nama mpuzamahanga ibaye ku nshuro ya kabiri, kuko yabaye bwa mbere mu 2023

Muri iyi nama hamuritswe bumwe mu bushakashatsi n’imishinga byakozwe mu byiciro binyuranye mu rwego rw’uburezi

Iyi nama mpuzamahanga yahurije hamwe abashakashatsi baturutse mu bice bitandukanye by'Isi, aho hazibandwa cyane ku mpinduka zikenewe mu burezi bugamije iterambere rirambye

Ku munsi wa mbere w’iyi nama habaye ikiganiro cyagarutse ku cyakorwa kugira ngo hatangwe uburezi bujyanye n’ikinyejana turimo

Prof. Wenceslas Nzabalirwa wigisha muri UR, yagaragaje ko umwarimu akomeje guhabwa agaciro n’ireme ry’uburezi ryarushaho gukomeza kwiyongera

Amafoto: Niyonzima Moïse

Bamwe mu basirikare bagize umuburi harimo 'Anticorps/Antibodies' mu ndimi z'amahanga, naho ibyo bintu biba byinjiye mu mubiri utabizi ni byo bita 'Antigenes'.

Antigenes ziri ubwoko bwinshi; antigene kandi ishobora kuba amaraso. Urugero izo bita antigenes rhesus ni antigenes ziba mu nsoro zitukura z'amaraso. Ni yo mpamvu umuntu adapfa guhabwa amaraso kwa muganga cyangwa urugingo yabuze batabanje gupima ubwoko bw'amaraso ye kugira ngo batamuha ibidahuye. Urugero wumva abantu bahabwa impyiko, umwijima n'ibindi. Babanza kureba ko umubiri we ushobora kwakira izo ngingo cyangwa amaraso neza hapimwa ubwoko bw'amaraso.

Bumwe mu buryo abantu bashobora kuburamo urubyaro bitewe n'uko amaraso yabo adahura urugero:Umubiri ushobora gukora abasirikare bashobora kurwanya ikintu gishya kiwinjiyemo ku buryo kitabasha kwangiza cyangwa ngo gitere indwara igihe ba basirikare twavuze batatsinzwe n'icyo kintu.

Ubusanzwe amoko y'amaraso ari mu byiciro byinshi ariko iby'ingenzi ni 2; aribyo itsinda rizwi nka ABO ribarizwamo amoko ya A, B, AB na O, hakaba n'itsinda rya Rhesus ariryo ribamo Rhesus positif na Rhesus negative.

Medical News Today ivuga ko amaraso y'umuntu afite 'Rhesus negatif'; iyo bapimye bagasanga ku nsoro zitukura ze, uturemangigo tuba mu maraso tuyafasha gukwirakwiza umwuka wa oxygene mu mubiri hose, nta antigenes rhesus ihabarizwa. Naho igihe bayisanze bakavuga ko afite 'Rhesus positif'. 

Ibi nibyo bitera kwandika groupe sanguin runaka ariko bakongeraho ikimenyetso cyo guteranya cyangwa cyo gukuramo biba bishaka kuvuga ubwoko bwa rhesus aba afite. Urugero umuntu ufite Groupe sanguin O-,O+,A-,A+ gutyo gutyo.

Ubushakashatsi bugaragaza ko abantu bashakanye bahuje ubwoko bw'amaraso bashobora kubura urubyaro cyangwa se banarubona bakarubona mu buryo bugoranye.

Ni byiza ko mbere y'uko abantu bafata umwanzuro wo kubana bakwiye kubanza kwipimisha buri wese akamenya ubwoko bw'amaraso afite.

Ubwo yari asoje gutaramira kuri Kigali Pele Stadium, Riderman ubura igihe gito akuzuza ibinyacumi 2 atangiye umuziki by'umwuga.

Mu kiganiro yagiranye na Inyarwanda, yikije ku ngingo zitandukanye ku biba bivugwa ku byo bakora nk'abahanzi ahereye ku bavuga ko abahanzi bakuru baba badashaka gufasha barumuna babo.

Kuri iyi ngingo, Riderman yavuze ko ababibona gutyo baba birengagije ukuri guhari ati'Ntekereza ko njyewe abahanzi bose nzi hano mu Rwanda batanga izo collabo pe.'

Atanga ingero zirimo The Ben wahaye collabo Bushali muri 2019, Bruce Melodie wafashije Juno Kizigenza na Kenny Sol, King James uheruka gufasha Yannick Mani.

Nubwo adahakana ko hari abahanzi bigoye gukorana nabo, agira ati'Wenda hari abahanzi badakorana n'abandi ariko ku giti cyanjye navuga ko abahanzi bakuru bagerageza gukorana n'abahanzi bakizamuka.'

Riderman agaragaza ko abantu badakwiye kuvuga ko abahanzi bakuru badafasha abato kuko ataribyo, ibibazo bishobora kuba ari muri rusange kuba hari ababa batifuza gukora bitagendeye ku bisekuru.

Yagarutse kandi ku ngingo irebana no kuba ibikorwa bya siporo byumwihariko umupira w'amaguru bitangiye kujya bihuzwa n'imyidagaduro, agaragaza ko mu bihugu byateye imbere babibonye mbere.

Asobanura uku guhuza ibi byombi, Riderman ati'Mu by'ukuri umuziki na siporo biragendana bari mu myitozo mu mupira w'amaguru cyangwa n’ahandi hose baba bambaye ecouteur.'

Yumvikanisha ukuntu umuziki ufasha abakora siporo ariko n’abawukora bakunda ibi bikorwa cyane bityo ko gufasha abafana kubibonera hamwe igihe kigeze ngo byongerwemo imbaraga.

Yikije ku kuba Bruce Melodie ku munota wa nyuma byararangiye atagaragaye mu bikorwa bya APR FC ati'Urumva hari impamvu ziba zabayeho wenda ntabwo twabitindaho.'

Yahise anakomoza ku cyo abona cyanozwa mu mitegurirwe y'ibi byose agira ati' Urumva ni ubwa mbere bitangiye yenda niya mihini mishya ishobora kuba itera amavu.'

Gusa agaragaza ko hagiye hategurwa urubyiniro byaba byiza kuko byafasha abahanzi kimwe n'abafana kuryoherwa kurushaho.

Riderman yatangaje kandi ko akomeje gusohora indirimbo nke zigize Album ye anateguza ko ku wa 30 Gicurasi azashyira hanze iyo yakoranye na Bull Dogg.

Ku ngingo irebana no kuba amaze igihe kitari gito akora umuziki kandi adacika intege, yavuze ko ari uko akora ibyo akunda kandi izindi mbaraga aziterwa n'abafana be.

Ku bibaza igihe azamera nka bamwe mu bo batangiranye akabiparika, ati'Ni njyewe uzashyira igihe cyo guhagarikira cyangwa nkakomeza mbikora niyo nagira imyaka 100 nkakomeza nkubita uturongo duke duke.'

Riderman yagaragaje ko yigeze gucika intege akumva yabivamo ariko abantu aribo babigizemo uruhare kugira ngo yongere gukomeza bamusaba ko niyo yajya akora indirimbo imwe mu mwaka ariko ntabihagarike.

KANDA HANO UREBE IKIGANIRO TWAGIRANYE NA RIDERMAN

“>

RCB yatangaje ko u Rwanda rwabonye amahirwe yo kugaragaza ubushobozi rufite mu guhatana mu bukerarugendo bushingiye ku nama mpuzamahanga, rubikesheje urubuga rwahawe muri IMEX, nta kiguzi rusabwe.

Yagize iti 'IMEX Frankfurt ifitiye RCB akamaro gakomeye kuko yayibereye urubuga rwa mbere rwo kumurikiraho ubukerarugendo bw'u Rwanda bushingiye ku nama (MICE). Ubwitabire bwacu bwadufashije kuganira n'abategura inama mpuzamahanga, tubagaragariza ibyiza bya MICE mu Rwanda.'

Mu myaka 10 ishize, nk'uko RCB yabisobanuye, kwitabira IMEX Frankfurt byafashije u Rwanda kwakira inama zikomeye zirimo Swift Africa, inama nyafurika yo gutanga amaraso, inama yo kurwanya SIDA n'ubwandu buturuka mu mibonano mpuzabitsina, zinjije nibura miliyoni 16$.

Iki kigo cyasobanuye ko umusaruro wa IMEX Frankfurt wagize uruhare mu iterambere rya Kigali Convention Centre yafunguwe mu 2016, Intare Conference Arena mu 2018, BK Arena mu 2019 na hoteli mpuzamahanga nka Radisson Blu, Marriott, Four Points by Sheraton, Serena Hotels, Onomo, One & Only Resorts, Wilderness Safaris na Bisate Lodge.

Mu gihe RCB yizihiza imyaka 10 y'amavuko, kuri uyu wa 14 Gicurasi 2024 iramurikira ibikorwa byayo muri IMEX Frankfurt. Yasabye inshuti n'abafatanyabikorwa kwifatanya na yo kwizihiza iyi sabukuru kuri 'Stand D600' guhera saa kumi z'umugoroba.

Ibijyanye n'inama mpuzamahanga u Rwanda rwakira bikomeje kwinjiza amadovize menshi kuko umwaka wa 2023 hinjiye miliyoni 91$, avuye kuri miliyoni 49$ zinjiraga mu 2013.

RCB yasobanuye ko IMEX Frankfurt yagize uruhare mu iterambere ry’ibikorwaremezo birimo Kigali Convention Center na Radisson Blu

Nkombo ni umwe mu mirenge 18 igize akarere ka Rusizi ufite umwihariko wo kuba ugizwe n'ikirwa. Ibi bituma abatuye uyu murenge batoroherwa no guhahirana n'ibindi bice by'igihugu kuko nta bundi buryo bafite kugeza ubu uretse gutega ubwato.

Ni muri urwo rwego Perezida Paul Kagame yemereye abatuye uyu murenge ubwato bwa kabiri bwo kubafasha guhahirana n'ibindi bice by'igihugu.

Ubwo bwato buri gukorerwa mu ruganda rukumbi rukora ubwato bugezweho ku butaka bw'u Rwanda.

Munyaburanga Alain, uyobora Uruganda Afrinest Engineering ruri gukora ubu bwato yavuze ko imirimo yo kubukora iri kugana ku musozi.

Ati “Imirimo yo kubukora igeze kuri 80% turi kugerageza ukuntu bwarangira vuba bishoboka bukajya mu mazi bugatangira gukora.”

Uruganda ruri gukora ubu bwato bwa Nkombo nirwo rwakoze ubwato bwa hoteli y'inyenyeri eshanu butembereza ba mukerarugendo mu kiyaga cya Kivu. Bitaganyijwe ko hatagize igihinduka ubwato bwa kabiri buzaba bwuzuye bitarenze uyu mwaka.

Ni ubwato bunini bufite ubushobozi bwo gutwara abagenzi 150 bunapakiye imizigo irimo n'imodoka 6.

Ubu bwato buzaba ari igisubizo ku bagenzi bakora ingendo Rusizi-Rubavu kuko buzajya bukoresha amasaha ane mu gihe imodoka imodoka itwara abagenzi mu buryo bwa rusange ihakoresha amasaha 6.

Umunyabanga Nshingwabikorwa w'Umurenge wa Nkombo, Abdul Djabar Ntahomvukiye yabwiye IGIHE ko ubu bwato nibwuzura buzaba ari igisubizo ku baturage ba Nkombo kuko ubwo bari basanganywe butwara abagenzi 30 gusa.

Ati “Ubwo bundi nibwuzura bizaba ari amahire kuko buzaba butwara abantu 150 bupakiye n'imizigo. Ubwo dufite bukora ingendo ku Nkombo, Nyamasheke, ku Ishywa no ku Gihaya ariko bakeneye n'ubukora ingendo ndende.”

Umurenge wa Nkombo utuwe n'abaturage barenga ibihumbi 18 600 batunzwe ahanini n'ubuhinzi, ubworozi n'uburobyi bw'isambaza.

Imirimo yo kubaka ubu bwato igeze ahashimishije