Blog

Shampiyona y’icyiciro cya mbere mu Bwongereza yegukanywe na Manchester City nyuma yo gutsinda West Ham United ni mu gihe Arsenal gutsinda Everton ntacyo byayifashije.

Uyu munsi ku Cyumweru tariki ya 19 Gicurasi 2024 ni bwo shampiyona y’u Bwongereza umwaka w’imikino wa 2023-24 yasozwaga aho igikombe cyegukanywe na Manchester City.

Uyu munsi wa nyuma wagiye gukinwa, Manchester City ari iya mbere n’amanota 88, Arsenal ari iya kabiri n’amanota 86 akaba ari yo makipe yagombaga kuvamo imwe yegukana igikombe cya shampiyona.

Arsenal yasabwaga gutsinda umukino wa yo yari ifitanye na Everton ubundi igategereza ko Manchester City itsindwa na West Ham United ibintu byari bigoranye cyane.

Arsenal yaje kuruhira ubusa ubwo yatsindaga Everton 2-1 ariko Manchester City na yo yitsindira West Ham United 3-1.

Everton ikaba ari yo yabanje gufungura amazamu ku munota wa 40 ku gitego cyatsinzwe na Idrissa Gana Gueye.

Ibi byishimo bya Everton ntibyamaze kabiri kuko Takehiro Tomiyasi acyishyura ku munota wa 43, hari mbere y’uko Kai Havertz atsinda agashinguracumu ku munota wa 89.

Manchester City itagombaga gukora ikosa iryo ari ryo ryose, igikombe isa n’aho yakegukanye mu gice cya mbere aho ku munota wa kabiri Phil Foden yari yamaze kugiterekamo no ku munota wa 18 ashyiramo icya kabiri. Mbere y’uko amakipe ajya kuruhuka ku munota wa 42, Mohammed Kudus yatsindiye West Ham United igitego cya mbere. Rodri yaje gushimangira intsinzi ya Manchester City ku munota wa 59 ayitsindira igitego cya 3.

Kuva shampiyona y’icyiciro cya mbere mu Bwongereza yitwa First Division kugeza ibaye Premier, Manchester City ikaba iki ari igikombe cya 10 cya shampiyona yegukanye. Iki kibaye igikombe cya kane yegukanye yikurikiranya.

Manchester City yishimira ibitego bya yo

Byari ibyishimo bikomeye

Umutoza Guadiola akomeje kwandika amateka

Kwambara ntibyari bikiri ngombwa

Man City yegukanye igikombe cya 4 yikurikiranya

Arsenal byanze…

Ni igikorwa cyabaye kuri iki Cyumweru kibera kuri Dayenu Hotel yo mu Karere ka Nyanza. Iyi kipe yahembye umukinnyi mwiza w’uku kwezi kwa Gicurasi akaba yabaye Tuyisenge Arsene.

Uyu mukinnyi yegukanye iki gihembo yari ahanganye na Muhire Kevin ndetse na Iradukunda Pascal. 

Mu ikipe y’abagore uwahawe igihembo cy’ukwezi kwa Gatanu ni Andersen Uwase agitwaye Umuhoza Angelique ndetse na Uwimana Françine.

Ikipe ya Rayon Sports kandi ku bufatanye na SKOL yahembye Muhire Kevin nk’umukinnyi mwiza w’umwaka w’imikino wa 2023-2024, Charles Bbale ahabwa icy’umukinnyi watsinze ibitego byinshi naho Iradukunda Pascal ahabwa icy’umukinnyi mwiza ukiri muto witwaye neza mu mwaka ushize w’imikino.

Mu ikipe y’abagore Gikundiro Scholastique yahawe igihembo cy’umukinnyi ukiri muto witwaye neza kurusha abandi naho Mukandayisenga Jeannine uzwi nka Kaboy aba ariwe uhabwa icy’umukinnyi witwaye neza kurusha abandi muri rusange mu mwaka ushize w’imikino.

Iki gikorwa cyabaye nyuma y’uko Rayon Sports isoje umwiherero waberaga mu karere ka Nyanza wiga ku kuntu umwaka ushize w’imikino wagenze ndetse n’uko umwaka w’imikino utaha ugomba kugenda.

Muhire Kevin yahembwe nk’umukinnyi mwiza w’umwaka w’imikino ushize 

Tuyisenge Arsene yahawe igihembo cy’umukinnyi mwiza w’ukwezi kwa 5

Gikundiro Scholastique yahawe igihembo cy’umukinnyi ukiri muto witwaye neza kurusha abandi mu ikipe y’abagore 

Mukandayisenga Jeannine ‘Kaboyi’ yahawe igihembo cy’umukinnyi mwiza kurusha abandi mu ikipe y’abagore 

Iradukunda Pascal yahawe igihembo cy’umukinnyi ukiri muto witwaye neza kurusha abandi mu ikipe ya Rayon Sports 

Manchester City  vs West Ham United 

Uko umukino uri kugenda:

Igice cya mbere kirangiye Manchester City iyoboye n’ibitego 2-1 cya West Ham United 

45+1′ Erling Haaland utarahirwa n’uyu mukino yongeye kurata uburyo ku mupira yarahawe na Jeremy Doku arekuye ishoti gusa umuzamu arishyira muri koroneri 

Umukino bongeyeho iminota 4

41′ West Ham United ibonye igitego cya 1 gitsinzwe na Mohammed Kudus ubanje kwihindukiza arekura ishoti rihita rijya mu izamu 

40′ Kugeza ubu ikipe ya Manchester City niyo ifite igikombe cya shampiyona y’ikiciro cyambere mu Bwongereza cya 2023-24

24′ Umunyezamu wa West Ham United Aréola niwe uri gukina n’abakinnyi ba Manchester City arwana no gukuramo amashoti gusa 

18′ Manchester City ibonye igitego cya 2 gitsinzwe na Phil Foden ku mupira yarahawe na Jeremy Doku 

14’Ikipe ya Manchester City yihariye umukino irase uburyo bwashoboraga kuvamo igitego ku ishoti ryari rirekuwe na Jeremy Doku gusa umuzamu arishyira muri koroneri 

6′ Ikipe ya Manchester City nyuma yo gufungura amazamu ikomeje gushaka igitego cya 2,Kevin De Bryne arekuye ishoti gusa umunyezamu arikuramo

2′ Manchester City ifunguye amazamu ku gitego cya Phil Foden ku mupira yarahawe na Bernado Silva 

1′ Ikipe ya Manchester City niyo itangiije umupira iri guhererekanya gake gake 

Abakinnyi 11 ba Manchester City babanje mu kibuga: 

Ortega

Walker

Akanji

Rúben Dias

Gvardiol

Rodri

Doku

B. Silva

De Bruyne

Foden

Haaland

Abakinnyi 11 ba West Ham babanje mu kibuga: 

Aréola

Coufal

Zouma

Mavropanos

Cresswell

Emerson

Soucek

Ward-Prowse

Kudus

Paquetá

Antonio

Arsenal VS Everton 

Uko umukino uri kugenda:

Igice cya mbere kirangiye amakipe yombi anganya igitego 1-1

45+5′ Thomas Partey arekuye ishoti ripima amatoni ku mupira yarahawe na Martin Odegaard gusa rinyura hejuru y’izamu gato 

Umukino wongeyeho iminota 7

42′ Arsenal ibonye igitego cyo kwishyura ku mupira waruhinduwe na Martin Odegaard maze Tomiyasu awuhindurira mu izamu

39′ Everton ifunguye amazamu kuri kufura yaritewe na Idriss Gana Gueye maze Declan Rice ashyiraho umutwe ashaka gukuraho umupira gusa uragenda ujya mu izamu David Raya ntiyamenya uko byagenze 

35′ Ba myugariro ba Everton barimo Tarkowski na Branthwaite bari gukora akazi bakura imipira ku maguru ku bakinnyi ba Arsenal barimo Gabriel Martinelli na Leandro Trossard 

31′ Ikipe ya Everton yongeye kurata uburyo ku mupira waruzamukanywe na Calvert-Lewin ageze imbere y’izamu arekura ishoti gusa rikubita igiti cy’izamu 

16′ Everton ibonye kufura nziza ku ikosa rikorewe Dominic Calvert-Lewin gusa iterwa nabi ntiyagira icyo ibyara

14′ Ikipe y’abarashi ikomeje kurata uburyo bikomeye imbere y’izamu ku ishoti ryari rirekuwe na Leandro Trossard maze ukubita ku maguru ya myugariro wa Everton,Coleman umupira uhita ujya muri koroneri itagize icyo itanga 

11′ Arsenal yongeye kubona amahirwe ku makosa yarakozwe n’abamyugariro ba Everton maze Declan Rice abona umupira gusa arekuye ishoti Jordan Pickford arikuramo nta nkomyi

6′ Nyuma yo gisatirwa cyane ikipe ya Everton nayo ibonye uburyo imbere y’izamu gusa ibupfusha ubusa

4′ Ikipe ya Arsenal ikomeje gusatira ishaka igitego hakirikare, Declan Rice azamuye umupira maze Tomiyasu ashyiraho umutwe gusa umupira unyura impande y’izamu gato cyane 

1″ Umukino utangiye ikipe ya Arsenal ibona uburyo gusa Kai Havertz ntiyabubyaza umusaruro 

Abakinnyi 11 ba Arsenal babanje mu kibuga:

David Raya

White

Saliba

Gabriel

Tomiyasu

Odegaard

Partey

Rice

Martinelli

Havertz

Trossard

Abakinnyi 11 ba Everton babanje mu kibuga: 

Pickford

Coleman

Tarkowski

Branthwaite

Young

Garner

Onana

Gueye

McNeil

Doucouré

Calvert-Lewin

Ikipe ya Manchester City iyoboye urutonde rwa shampiyona n’amanota 86 igiye kwakira West Ham United kuri Etihad Stadium isabwa kuyitsinda kugira ngo yegukanye igikombe.

Mu mikino 36 iheruka guhuza aya makipe, Manchester City yatsinzemo 26, West Ham itsinda 3, mu gihe banganyije imikino 7.

Mu gihe Manchester City yatsinda igatwara igikombe cyaba ari icya 4 itwaye yikurikiranya igahita ikora amateka yo kuba ikipe yambere ibikoze.

Ikipe ya Arsenal yo igiye kwakira Everton kuri Emirates Stadium iri ku mwanya wa kabiri n’amanota 86.

Bivuze ko kugira ngo iyi kipe y’abarashi yegukane igikombe cya shampiyona nyuma y’imyaka 20 itazi uko gisa bisaba ko iri butsinde Everton naho Manchester City yo ikaba yatsinzwe cyangwa nibura yanganyije na West Ham United.

Ibi babivuze ku wa 18 Gicurasi 2024, ubwo hibukwaga Abatutsi biciwe ku musozi wa Kabakobwa, mu cyahoze ari Komini y'Umujyi ya Ngoma.

Amateka agaragaza ko ku itariki ya 18 Gicurasi 1994, Abatutsi bari baragerageje kwihisha babeshywe ko hatanzwe ihumure bakava aho bari bihishe, kuri iyo tariki babahuriza ku Kabakobwa barabica.

Igikorwa cyo kwibuka ku nshuro ya 30 Abatutsi biciwe ku musozi wa Kabakobwa mu Murenge wa Mukura cyahuriranye no gushyingura imibiri yimuwe mu nzibutso za Sahera na Buvumu, mu rwego rwo kurushaho kubungabunga inzibutso.

Imibiri isaga ibihumbi 14 yahurijwe hamwe mu rwibutso rwa Kabakobwa rusanzwe ruruhukiyemo abasaga ibihumbi 30.

Abarokotse Jenoside yakorewe Abatutsi bo muri Mukura, babwiye IGIHE ko kuba izi nzibutso zahujwe bizabafasha gukomeza kubungabunga amateka ntazibagirane.

Kantarama Marcianne, umwe mu barokokeye ku Kabakobwa, yavuze ko mu gihe cya Jenoside yakorewe Abatutsi aka gasozi bagahinduriye izina bakahita ku 'Kabatutsi' kugira ngo abatutsi bahahungiye ari benshi maze bicwe.

Nk'umwe mu bafite ababo bahashyinguye, yavuze ko iyi gahunda yo guhuza inzibutso izafasha gukomeza kubungabunga amateka.

Yagize ati 'Birakwiye ko aya mateka ya Jenoside akomeza kubungabungwa, bizashoboka neza rero igihe imbaraga zihurijwe hamwe, kugira ngo byorohere ubuyobozi kwita ku bimenyetso bya Jenoside biri mu nzibutso, iki ni ikintu dushima.''

Ku rundi ruhande, abarokotse bo muri uyu murenge, banagaragaje imbogamizi z'umuhanda ugera ku rwibutso rwa Kabakobwa, aho bifuje ko nawo watekerezwaho kugira ngo habe nyabagendwa.

Umuyobozi w'akarere ka Huye Sebutege Ange, yavuze ko igikorwa cyo guhuza inzibutso mu karere ka Huye gikomeje, aho muri buri murenge hazasigara urwibutso rumwe, mu rwego rwo gukomeza kubungabunga amateka ya Jenoside yakorewe Abatutsi.

Yijeje abarokotse bo muri uyu murenge ko uko ubushobozi buzagenda buboneka n'umuhanda ujya ku rwibutso rwa Kabakobwa uzakorwa.

Ati 'Byose bishingira ku mikoro y'igihugu, ariko nabyo turabikereza. Uko ubushobozi buzabitwemerera, uyu muhanda uzakorwa kugira ngo urusheho korohereza abagenda kuri uru rwibutso.''

Inzibutso eshatu zahujwe ni urwa Buvumu rwari ruruhukiyemo imibiri 3663, urwa Sahera rwarimo imibiri 11403 yaje isanga indi mibiri 31457 yari isanzwe mu rwibutso rwa Kabakobwa.

Hanashyinguwe kandi indi imibiri umunani yabonetse mu tugari dutandukanye two muri uyu murenge wa Mukura, ibyatumye uru rwibutso rwa Kabakobwa kugeza ubu ruruhukiyemo inzirakerangane 46,531 zishwe muri Jenoside yakorewe Abatutsi mu 1994.

Bamwe mu banyamabanga Nshingwabikorwa b’imirenge ituranye n’uwa Mukura nabo bari baje kwifatanya n’abandi kwibuka

Byari intimba n’agahinda ubwo hibukwaga agashinyaguro Abatutsi biciwe ku Kabakobwa bicanywe

Depite Uwamariya Veneranda yagaye abateguye Jenoside bihaye kwigereranya n’Imana, bagashyiraho amategeko icumi y’abahutu bagamije kwenyegeza urwango mu Banyarwanda.

Habayeho umwanya wo gushyira indabo ku mva ishyinguwemo abishwe, nk’ikimenyetso cyo kubaha agaciro no kubereka urukundo

Inzego zitandukanye zirimo n’iz’umutekano zari zitabiriye uyu muhango

Muri iyo mibiri yashyinguwe harimo n’indi umunani yabonetse hirya no hino mu tugari tugize umurenge wa Mukura

Uhereye ku ruhande ni Depite Uwamariye Veneranda, Umunyamabanga w’Intara y’Amajyepfo Nshimiyamana Vedaste na Meya Sebutege Ange .

Umunyabanga Nshingwabikorwa w’Intara y’Amajyepfo, Nshimiyimana Vedaste, yihanganishije ababuze ababo muri Jenoside bo mu Murenge wa Mukura

Urwibutso rwa Kabakobwa kugeza ubu ruruhukiyemo inzirakerangane 46,531 zishwe muri Jenoside yakorewe Abatutsi mu 1994

Ibi babigarutseho kuri uyu wa Gatandatu tariki ya 18 ubwo mu Murenge wa Kiramuruzi haberaga ubukangurambaga bwo kwirinda Virusi itera Sida.

Ni ubukangurambaga bukorwa n'Ikigo cy'Igihugu gishinzwe Ubuzima, RBC, ku bufatanye na Strive Foundation Rwanda yatewe inkunga na Abbott.

Abaturage baganiriye na IGIHE bavuze ko muri aka Karere hakigaragara abantu benshi cyane cyane abasirimutse banga gufatira imiti ya Virusi itera Sida hafi bakajya kuyifatira mu tundi turere turimo Kayonza, Rwamagana, Nyagatare hakaba n'abajya mu Mujyi wa Kigali.

Ni ikibazo kibahangayikishije kuko ngo niba umuntu yandura Virusi itera Sida ntashake ko bimenyekana ngo bishobora gutuma akomeza gukwirakwiza ubwandu bushya mu bandi benshi kuko baba batabizi.

Nzabonikuze Emmanuel ukorera mu Karere ka Gatsibo ariko utuye mu Karere ka Nyagatare, yavuze ko azi abantu benshi bava mu Karere ka Gatsibo bakajya gufatira imiti ya Virusi itera Sida mu Karere ka Nyagatare agasanga biterwa no gutinya ko abantu babaha akato.

Ati 'Impamvu mbona zituma banga gufatira imiti inaha ni ugutinya ko abaturanyi babaha akato bati dore runaka yaranduye, buriya ni nyakwigendera agiye gupfa bigaturuka kuri izo mpamvu bagatinya kwerekana ko bafite Virusi itera Sida. Kugira ngo bicike Leta nikomeze yongere ubukangurambaga, abafite Virusi itera Sida batange ubuhamya abafite imyumvire mibi bazagenda bagabanuka.'

Kalisa Claude utuye mu Kagari ka Nyabisindu mu Murenge wa Kiramuruzi, yavuze ko kenshi abantu biyita abasirimu usanga batinya gufatira imiti hafi ku bwo gutinya ko abaturanyi babo babimenya.

Uwizeyimana Joselyne utuye mu Kagari ka Gakenke mu Murenge wa Kiramuruzi we yagize ati 'Abenshi baba bafite isoni kandi ntabwo biteye isoni, Leta niyongere ubukangurambaga yaba ku bafite Virusi itera Sida cyangwa no ku bandi baturage kuko haracyari abantu babona umuntu ufata imiti bakamuha akato.'

Umuyobozi w'Akarere ka Gatsibo wungirije ushinzwe imibereho myiza y'abaturage, Mukamana Marcelline, yavuze ko iki kibazo bakizi kandi ko basanga giteye inkeke.

Ati 'Nibyo koko icyo kibazo turakibona ku bigo nderabuzima byose aho usanga dufite abaturuka ahandi, natwe mu Karere ka Gatsibo hari abantu twakira baturutse mu tundi turere, natwe tukagira abava mu Karere kacu bakajya gufatira imiti ahandi. Ibyo rero ni ibintu bigendanye n'imyumvire iri hasi, buriya umuntu we aba yamaze kwiha akato kandi mu gihugu cyacu umuntu ufite Virusi itera Sida ni umuntu nk'abandi.'

Visi Meya Mukamana yakomeje avuga ko kuri ubu bari gushishikariza abantu kumva ko yafatira imiti hafi ye atarinze gukora ingendo ndende.

Yakomeje avuga ko abantu bakunze kwihisha iyo bagiye gufata imiti ya Virusi itera Sida kenshi usanga ari nabo bakunze gukwirakwiza ubwandu bushya kuko baba barananiwe kwiyakira, badakeneye ko abantu bamenya ko banduye.

Uyu muyobozi yakomeje avuga ko imibare minini ari iy'abantu bananiwe kwiyakira batifuza ko abantu bamenya ko banduye Virusi itera Sida.

Yavuze ko nta bibazo byinshi by'abantu bahabwa akato bafite nubwo bakomeje gushishikariza abaturage ko badakwiriye kubaha akato.

Imibare itangwa na RBC igaragaza ko abantu ibihumbi 219 aribo bafata imiti ya Virusi itera Sida mu Rwanda, ubwandu buri kuri 3% mu gihe ubwandu bushya ari abantu 8/1000.

Abaturage bo muri Gatsibo bavuga ko hari abaturanyi babo bajya gufatira imiti ya Virusi itera Sida mu tundi turere, bagasanga ari ibintu bihangayikishije

Ubusanzwe abihaye Imana bagira irimbi ryabo ryihariye, ari naho kugeza ubu hashyinguye abapadiri n'abandi bihaye Imana bishwe muri Jenoside yakorewe Abatutsi.

Ni mu gihe mu rwego rwo gusigasira ibimenyetso n'amateka ya Jenoside yakorewe Abatutsi, Leta yatangije gahunda yo guhuza inzibutso, aho imibiri y'Abatutsi yari ishyinguye mu marimbi, mu mva rusange no mu nzibutso nto, igenda yimurirwa mu nzibutso nini.

Ku wa 18 Gicurasi 2024, ubwo Diyoseze Gatolika ya Cyangungu yibukaga ku nshuro ya 30 Jenoside yakorewe Abatutsi, Musenyeri Edouard Sinayobye, yavuze ko mu gihe abo mu miryango y'abapadiri bishwe muri Jenoside, ubuyobozi bwa Ibuka, cyangwa ubuyobozi bwa Leta basaba ko imibiri y'abapadiri bishwe muri Jenoside ko yimurirwa mu nzibutso za Jenoside yakorewe Abatutsi byaganirwagaho.

Ati 'Tuzabirebana n'abo bishinzwe, kuba umupadiri nka kuriya Padiri Boneza ashyinguye hano mu irimbi ry'abapadiri kuba yajyanwa hamwe n'abandi bazize Jenoside yakorewe Abatutsi, ngira ngo ni ubwumvikane. Na hariya arubashywe, ni irimbi tumwibukamo iteka. Ni ikibazo cyo kumvikana n'umuryango we na Ibuka n'ubuyobozi bwa Leta. Nihaba ubusabe twaganira ntabwo ari ikibazo, icya ngombwa ni ukubaha neza aho aruhukiye, kubaha ubuzima bwe hanyuma tukajya tumwibuka'.

Mu gihe cya Jenoside hari abihaye Imana bagize uruhare mu kwica Abatutsi ariko hari n'abihaye Imana barimo n'abapadiri b'Abatutsi bishwe muri Jenoside.

By'umwihariko muri Diyoseze ya Cyangungu mu bihaye Imana bishwe muri Jenoside harimo Joseph Boneza wari Padiri mukuru wa Paruwasi ya Mibilizi na Padiri Alphonse Mbuguje wishwe ariko kugeza ubu umubiri we ukaba utaraboneka ngo ushyingurwe mu cyubahiro.

Mgr Sinayobye avuga ko hagize abasaba ko abapadiri bishwe muri Jenoside bimurirwa mu nzibutso byaganirwaho

Mgr Sinayobye na Visi Meya Habimana bunamiye Padiri Joseph Boneza wishwe muri Jenoside

Abihaye Imana bishwe muri Jenoside bashyinguye mu marimbi yabo

Padiri Boneza wishwe muri Jenoside ashyinguye mu irimbi ry’abapadiri i Rusizi

Mgr Sinayobye yagaragaje ko kwimurira mu nzibutso abapadiri bishwe muri Jenoside bishoboka

Utwo turere ni Karongi na Rusizi dukorera mu nzu zahoze zikorerwamo ibijyanye n'uburezi ku rwego rwa Perefegitura (arrondissement) n'Akarere ka Ngororero gakorera mu nzu yahoze ari ibiro bya superefegitura.

Izi nzu kubera ko zubatswe mu myaka myinshi ishize, ntizifite inzira y'abantu bafite ubumuga, ibituma abantu bafite ubumuga bagorwa no kubona serivisi zitangirwa mu biro by'abayobozi n'abakozi bakorera mu igorofa.

Ibi biro by'uturere bishaje kandi ni bito ugereranyije n'umubare w'abakozi n'abayobozi bakorera mu karere. Ibi bituma hari aho usanga abakozi bahurira mu cyumba gito ari benshi bikabagora mu kubika dosiye n'amakuru y'abaturage.

Utu turere mu myaka yashize twagiye dukora inyigo n'ibishushanyombonera kugira ngo twubake ibiro bijyanye n'igihe ariko ntiduhabwe ingengo y'imari yo kubaka.

Mu kiganiro aheruka kugirana n'abanyamakuru, Guverineri w'Intara y'Iburengerazuba, Dushimimana Lambert, yavuze ko mu myaka w'ingengo y'imari utaha nta gahunda ihari yo kubaka ibiro by'uturere bishaje kuko imbaraga ziri gushyirwa mu kubaka ibiro by'utugari n'ibiro by'imirenge aho bishoboka.

Ati 'Twabaye turetse gufata umurongo wo kubaka uturere kuko hari imishinga myinshi dufite mu turere itari yarangira tutifuza ko uturere twatangira indi mishinga iyo ngiyo itararangira'.

Guverineri Dushimimana asaba abakorera mu nyubako z'uturere zitajyanye n'igihe gukomeza kuhihanganira mu gihe batarubakirwa ahajyanye n'igihe.

Ati 'Wenda ahari mu myaka ukurikira utaha w'ingengo y'imari imishinga dufite mu turere izaba igeze hagati cyangwa yarangiye tubone gutekereze ibiro by'uturere'.

Mu Karere ka Karongi by'umwihariko hari impaka z'aho ibiro by'akarere bigomba kubakwa, kuko hari bamwe bifuza ko byubakwa mu Murenge wa Rubengera abandi bakavuga ko bikwiye kubakwa mu Murenge wa Bwishyura.

Guverineri Dushimamana yavuze ko ingengo y'imari yo kubaka ibiro by'Akarere ka Karongi niboneka hazafatwa umwanzuro ku murenge ibi biro bizubakwamo.

Iteka rya Minisitiri ryo mu Ukwakira 2023, rishyiraho ibyicaro by'uturere rivuga ko icyicaro cy'Akarere ka Karongi ari mu Murenge wa Rubengera.

Uturere twa Karongi, Rusizi na Ngororero dukorera mu nzu zitorohereza abantu bafite ubumuga

Igishushanyo mbonera cy’Akarere ka Karongi giteganya ko ari uku ibiro byako bizaba bisa nikuzura

Akarere ka Rusizi gakorera mu nzu yahoze ari ibiro by’uburezi muri Perefegitura ya Cyangugu

Ibiro Akarere ka Ngororero gakoreramo ntibijyanye n’igihe

Igishushanyo mbonera cy’ibiro by’Akarere ka Ngororero