Blog

Iyi mpamuka yabereye mu Mudugudu wa Rwakagaju, Akagari ka Kibogora ku wa 20 Gicurasi 2024.

Saa munani z'amanywa nibwo imodoka ya Fuso yerekezaga I Nyamasheke mu murenge wa Kagano yagonganye na moto yavaga Kagano yerekeza mu I Tyazo, uwari uyitwaye ahasiga ubuzima, uwo yaratwaye arakomereka bikomeye.

Ababonye iyi mpanuka bavuga ko iyi mpanuka yatewe no kunyuranaho mu buryo butaribwo bwakozwe n'uwari utwaye moto.

Umunyamabanga Nshingwabikorwa w'umurenge wa Kanjongo, Kanyogote Cyimana Juvenal yabwiye IGIHE ko iyi mpanuka yatewe no kunyuranaho mu buryo butakurikije amategeko.

Ati 'Ubutumwa twaha abaturage ni uko bajya bakurikiza amategeko y'umuhanda'.

Uwitabye Imana ni Nambajimana Jean w'imyaka 34 y'amavuko, naho uwakomeretse ni uwo yari atwaye witwa Irutabyose Jean de la Croix w'imyaka 23 y'amavuko.

Uwakomeretse n'uwitabye Imana bombi bajyanywe mu Bitaro bya Kibogora.

---

Source : http://igihe.com/amakuru/u-rwanda/article/nyamasheke-impanuka-yahitanye-umumotari-uwo-yari-ahetse-arakomereka

Barikana Eugène yatawe muri yombi ku wa 13 Gicurasi 2024 akurikiranyweho icyaha cyo gutunga intwaro mu buryo bunyuranyije n'amategeko.

Uyu mugabo wamaze kwegura mu Nteko Ishinga Amategeko, yavuze ko izi ntwaro yazitunze kera akibana n'abasirikare, nyuma akaza kuzibagirwa.

Icyo abantu benshi bibajijeho ni ubwoko bw'intwaro uyu mugabo yasanganywe, na cyane ko kuva ku nkoni kugera kuri 'fighter jet' byose bishobora kubarwa mu ntwaro.

Kuri Barikana, amakuru avuga ko uyu mugabo yasanganywe gerenade imwe, ndetse anasanganwa 'magazine y'amasasu akoreshwa mu mbunda izwi cyane ku rwego mpuzamahanga ya AK 47 ntoya, cyangwa se 'submachine gun.'

Ubusanzwe, magazine ya AK 47 iba ishobora kwakira amasasu agera muri 30, uretse ko ashobora kwiyongera cyangwa akagabanuka.

Icyaha akurikiranyweho cyo gutunga intwaro mu buryo bunyuranyije n'amategeko, giteganwa n'ingingo ya 70 y'itegeko ryerekeye intwaro. Aramutse abihamijwe n'Urukiko yahanishwa igifungo kuva ku mwaka umwe ariko kitarenze imyaka ibiri n'ihazabu y'amafaranga y'u Rwanda kuva kuri miliyoni 1 Frw ariko atarenze miliyoni e 2 Frw cyangwa kimwe gusa muri ibyo bihano.

RIB iributsa abaturarwanda ko gutunga intwaro bifite amategeko abigenga ko kandi unyuranyije nayo uwo ari we wese aba akoze icyaha ndetse akurikiranwa nk'uko amategeko ahana mu Rwanda abiteganya.

Barikana yabaye umudepite kuva mu 2013, mbere yaho akaba yari Umuyobozi mu Biro bya Minisitiri w'Intebe hagati ya 2010 na 2013. Kuva mu 2003 kugera mu 2013, uyu mugabo yari Umunyamabanga Uhoraho muri Minisiteri y'Ubutegetsi bw'Igihugu, mu gihe yari Préfet wa Préfecture ya Kibungo hagati ya 1999 na 2001.

---

Source : http://igihe.com/amakuru/u-rwanda/article/dosiye-ya-barikana-eugene-yoherejwe-mu-bushinjacyaha

Umushinjacyaha mu Rukiko Mpuzamahanga Mpanabyaha (International Criminal Court: ICC), Karim Khan, yasohoye impapuro zo guta muri yombi Minisitiri w'Intebe wa Israel, Benjamin Netanyahu, Minisitiri w'Ingabo Yoav Gallant, n'abayobozi b'umutwe wa Hamas, abashinja kugira uruhare mu byaha by'intambara kuva tariki ya 7 Ukwakira 2023.

Amakuru Yavuye mu Bushinjacyaha

Umushinjacyaha Karim Khan yavuze ko Netanyahu na Gallant bakekwaho ibyaha by'intambara n'ibyibasiye inyokomuntu. Ibyo byaha birimo kwicisha abantu inzara, kubabaza cyangwa se gukomeretsa bikomeye, kwica ku bushake, gutanga ibwiriza ryo kugaba ibitero bigambiriye abasivili, no gutoteza.

Khan yasobanuye ko yagejeje ibimenyetso bifatika muri ICC byerekana ko Netanyahu na Gallant bagize uruhare mu bikorwa by'intambara byagizwemo ingaruka zikomeye ku basivili. Ibyo bimenyetso birimo ubuhamya bw'abarokotse ibitero by'ingabo za Israel, amashusho y'umwimerere, amafoto, amajwi, n'amatangazo ya Netanyahu na Gallant agaragaza ko ibyakozwe byose byari bigambiriwe.

Impapuro Zo Guta Muri Yombi Abayobozi ba Hamas

Abayobozi ba Hamas bashyiriweho impapuro zo kubata muri yombi barimo Yahya Sinwar, Umugaba Mukuru w'abarwanyi Mohamed Diab Ibrahim al-Masri, na Ismail Haniyeh uyobora ishami rya politiki. Aba bashinjwa ibyaha by'intambara n'ibyibasiye inyokomuntu byakorewe ku butaka bwa Israel no muri Gaza.

Khan avuga ko aba bayobozi ba Hamas bashinjwa kugira uruhare mu bwicanyi bwakorewe amagana y'abasivili ba Israel no gufata bunyago abantu 245 ubwo bagabaga igitero muri Israel. Ibi bimenyetso birimo amashusho yafashwe na CCTV, amajwi y'umwimerere, amafoto, n'amatangazo y'aba bayobozi.

Gusura Ibice Byibasiwe

Umushinjacyaha Khan yavuze ko yasuye ibice byibasiwe birimo Kibbutz Be'eri, Kibbutz Kfar Aza, na Re'im, aho ibitaramo bya Supernova byabereye, akabona uko ibitero byagabwe n'ingaruka zabyo. Yanavuganye n'abarokotse ibitero, yumva akababaro kabo.

Kuva intambara yatangira, Gaza ntiyongeye kugoheka. Abahatuye bagera kuri 85% by'abaturage miliyoni 2.3 bavuye mu byabo. Abana ibihumbi 14 bishwe n'ibitero bya Israel. Muri rusange, abantu 34.183 bamaze kwicwa muri Gaza, abandi barenga ibihumbi 77 bamaze gukomereka.

Inkunga n'Ishyigikira

Intambara hagati ya Israel na Hamas yatangijwe nyuma y'uko Hamas yohereje ibisasu birenga 5,000 muri Israel biturutse i Gaza. Ibi byateje uburakari Israel yahise itangiza intambara yeruye muri Gaza. Israel ishyigikiwe n'ibihugu by'iburengerazuba bw'Isi (u Burayi na Amerika) n'inshuti zabyo, mu gihe Palestine ishyigikiwe cyane n'ibihugu byiganjemo Abayisilamu nka Irani.

Mu bihugu byamaganye ibitero bya Hamas harimo u Bwongereza n'u Bufaransa, mu gihe Irani yashimiye Hamas ndetse na Qatar. Hamas ivuga ko yagabye igitero kuri Israel nyuma y'uko Israel ivuze nabi Umusigiti wa Al Aqsa uri i Yerusalemu.

Icyizere ku Mutekano

Umushinjacyaha Khan yasoje yizeza Abanyekongo n'abayobozi ko inzego zishinzwe umutekano zikomeje kuba maso, ziteguye kurinda abaturage ku manywa na nijoro.

Source : https://kasukumedia.com/icc-yasohoye-impapuro-zo-guta-muri-yombi-minisitiri-wintebe-wa-israel-nabandi-bayobozi/?utm_source=rss&utm_medium=rss&utm_campaign=icc-yasohoye-impapuro-zo-guta-muri-yombi-minisitiri-wintebe-wa-israel-nabandi-bayobozi

Mu gitondo cyo ku Cyumweru tariki 19 Gicurasi 2024, itsinda ry'abarwanyi bagera kuri 50 ryagabye igitero ku bayobozi bakuru ba Repubulika Iharanira Demokarasi ya Congo (DRC). Umuvugizi w'Igisirikare cya DRC (FARDC), Gen Maj Sylvain Ekenge, yatangaje ko abo barwanyi bafite ubwenegihugu butandukanye, kandi bari bafite intwaro zikomeye.

Igitero cyibasiye abayobozi bakuru ba DRC

Gen Maj Ekenge yasobanuye ko abagabye igitero bagambiriye kugaba ibitero ku ngo z'abayobozi bakuru ndetse n'ibiro by'Umukuru w'Igihugu, Palais de la Nation. Abo barwanyi bari bitwaje imbunda, drones, n'ibikoresho byo guhagarika itumanaho.

Abo barwanyi ni ba nde?

Iki gitero cyari kiyobowe na Christian Malanga n'umuhungu we Marcel Malanga, bombi bakaba Abanyekongo bafite ubwenegihugu bwa Leta Zunze Ubumwe za Amerika (USA). Gen Maj Ekenge yongeyeho ko harimo n'abagabo babiri b'uruhu rwera bakomoka muri USA, ndetse n'Umunyekongo ufite ubwenegihugu bw'u Bwongereza, akaba yari yungirije Malanga.

Aho abagabye igitero bagabye ibitero

Gen Maj Ekenge yavuze ko abo barwanyi bagabye ibitero ku ngo za Minisitiri w'Intebe Judith Suminwa Tuluka, Minisitiri w'Ingabo Jean Pierre Bemba, ndetse na Minisitiri w'Imari Vital Kamerhe. Nyuma yo kugaba igitero kwa Vital Kamerhe, aho bahasanze abapolisi baharinda bakarasamo umwe, bahise berekeza ku biro by'Umukuru w'Igihugu, Palais de la Nation. Muri icyo gitero, bamwe mu barwanyi barishwe, abandi bafatwa mpiri.

Imyitwarire y'Igisirikare cya DRC

Gen Maj Ekenge yatangaje ko igisirikare cya FARDC cyakoresheje imbaraga zikomeye kugira ngo gitsinsure icyo gitero. Umuyobozi wabo, Christian Malanga, hamwe n'abandi batatu bishwe, mu gihe abandi barwanyi bane bishwe harimo na Malanga.

Iperereza rirakomeje

Nubwo hari ibihuha ku byerekeye ibihugu bishobora kuba byarafashije abo barwanyi, Gen Maj Ekenge yavuze ko iperereza rigikomeje kandi yirinze kugira igihugu na kimwe ashinja.

Umutekano wongeye kugaruka

Umuvugizi wa FARDC yijeje Abanyekongo ko umutekano wongeye kugaruka nyuma y'ibikorwa bya gisirikare na Polisi byo gufata abo bashatse guhirika ubutegetsi. Yasabye abaturage kuba maso, kandi yizeza abayobozi ko inzego zishinzwe umutekano ziri maso ku manywa na nijoro.

Source : https://kasukumedia.com/ese-koko-abagabye-igitero-ku-bayobozi-ba-congo-bari-bafite-ubwenegihugu-butandukanye/?utm_source=rss&utm_medium=rss&utm_campaign=ese-koko-abagabye-igitero-ku-bayobozi-ba-congo-bari-bafite-ubwenegihugu-butandukanye

Mu mpera z'icyumweru dusoje, mu mukino w'intoki wa volleyball hakinwaga imikino ya ½ ya kamarampaka (Playoffs), aho yasize amakipe ya APR zombi (abagabo n'abagore), Kepler ndetse na Police y'abagore zibonye itike yo gukina imikino ya nyuma.

Ibyaranze Imikino ya ½ ya Playoffs

Amakipe yitwaye neza mu mikino ya ½

Abakurikiye iyi mikino bavuga ko baryohewe cyane n'urwego volleyball yo mu Rwanda igezeho gusa bamwe bakavuga ko batunguwe n'ibyavuyemo, bijyanye ahanini n'uko imikino ya shampiyona isanzwe yagenze.

Gahunda y'Imikino

Mu busanzwe umwaka w'imikino usanzwe muri shampiyona ya volleyball warangiye taliki ya 5 Gicurasi uyu mwaka mu byiciro byombi (abagabo n'abagore). Nk'uko amabwiriza y'irushanwa abigena, amakipe ane yabaye aya mbere mu byiciro byombi yabonye itike yo kwerekeza mu cyiciro gikurikira cya kamarampaka (Playoffs), maze agahatana ari naho hava uwegukana igikombe cya shampiyona.

Amakipe y'Abagabo

Mu cyiciro cy'abagabo, amakipe yayoboye shampiyona ni:

• REG VC: Iya mbere
• Police VC: Iya kabiri
• Kepler VC: Iya gatatu
• APR VC: Iya kane

Amakipe y'Abagore

Mu cyiciro cy'abagore, amakipe yabonye itike ni:

• APR
• Police
• RRA
• Ruhango

Nk'uko imiterere y'irushanwa ibigena, ikipe yabaye iya kane yagombaga guhura n'iyabaye iya mbere, naho iya kabiri ikahura n'iya gatatu.

Ibyaranze Imikino

Mu bagore:

1. APR VC vs Ruhango VC:
   • APR VC yatsinze Ruhango VC amaseti 3-0 mu mukino wa mbere.
   • Mu mukino wo kwishyura, APR VC yongeye gutsinda Ruhango VC amaseti 3-0.
   • Ikipe ya APR VC ikomeye mu kibuga ugereranyije na Ruhango.
2. Police VC vs Rwanda Revenue Authority (RRA):
   • Police VC yatsinze RRA amaseti 3-2 mu mukino wa mbere, ibi byayiha amahirwe 50% yo gukina umukino wa nyuma.
   • Mu mukino wo kwishyura, Police VC yatsinze RRA amaseti 3-0, yerekeza ku mukino wa nyuma.

Mu bagabo:

1. APR VC vs REG VC:
   • APR VC yatsinze REG VC amaseti 3-1 mu mikino yombi.
   • Ibi byatunguye benshi kuko mu mwaka w'imikino, APR VC itigeze itsinda REG VC, kandi REG VC ifite abakinnyi b'imena.
2. Kepler VC vs Police VC:
   • Kepler VC yatsinze Police VC mu mikino ibiri yombi.
   • Police VC yari imwe mu makipe akomeye mu Rwanda, kandi imaze imyaka ibiri ishinzwe.

Gutegura Imikino ya Nyuma

Amakipe azakina umukino wa nyuma:

• Mu bagabo: APR VC na Kepler VC
• Mu bagore: APR VC na Police VC

Imikino ya nyuma n'iy'umwanya wa gatatu biteganyijwe kuri uyu wa gatanu taliki ya 24 Gicurasi mu nzu y'imikino ya Ecole Belge.

Umukino wa Nyuma n'Umwanya wa Gatatu:

• Amakipe azahatana: APR VC, Kepler VC (abagabo), APR VC, Police VC (abagore).
• Icyizere cya Kepler VC: Ku mwaka wayo wa mbere, Kepler VC irimo guhatana mu mikino ya nyuma kandi ifite amahirwe menshi yo kwegukana shampiyona.

Source : https://kasukumedia.com/volleyball-playoffs-2024-amakipe-yabagabo-nabagore-ya-apr-na-kepler-yerekeje-ku-mikino-ya-nyuma/?utm_source=rss&utm_medium=rss&utm_campaign=volleyball-playoffs-2024-amakipe-yabagabo-nabagore-ya-apr-na-kepler-yerekeje-ku-mikino-ya-nyuma

Umugabo witwa Ntarindwa Emmanuel w'imyaka 51, wafunzwe kuwa 16 Gicurasi 2024, akekwaho gukora jenoside yakorewe abatutsi mu 1994, dosiye ye yashyikirijwe Ubushinjacyaha. Ntarindwa yari amaze imyaka 23 yihishe munsi y'igitanda n'umugore we Mukamana Eugenie, aho bombi bahise batabwa muri yombi.

Iperereza rya RIB: Ikinyamakuru UMUSEKE dukesha iyi nkuru, cyamenye amakuru ko dosiye yabo bombi yamaze gukorwa, RIB ikaba yayishyikirije ubushinjacyaha kuri uyu wa 20 Gicurasi 2024. Urwego rw'Igihugu rw'Ubugenzacyaha (RIB) ruherutse gutangariza UMUSEKE ko uyu mugabo yari yihishe mu mudugudu wa Rukandiro mu kagari ka Kavumu mu murenge wa Busasamana.

Gufatwa kwa Ntarindwa na Mukamana: Ntarindwa n'umugore we bafungiye kuri sitasiyo ya RIB ya Busasamana. Mu mwaka wa 2001, yavuye mu gihugu cya Repubulika Iharanira Demokarasi ya Congo (yahozwe yitwa Zaire) kuva icyo gihe akaba atarigeze agaragara hanze. Ntarindwa akurikiranyweho icyaha cyo gukora jenoside, naho umugore we Eugenie Mukamana akekwaho icyaha cyo kumuhisha no gukorana nawe mu bugome.

Amakuru y'Iperereza: RIB yatangaje ko mu iperereza ryakozwe, Ntarindwa yemeye ko yishe abantu mu gihe cya jenoside, ariko akaba atazi umubare wabo. Avuga ko yavuye muri Congo yihisha kwa Mukamana, bari banaziranye mbere ya jenoside yakorewe abatutsi 1994, ndetse bakaba barabana bakabyarana abana babiri.

Ubuzima mu Mwobo: Uyu mugabo yari yihishe mu mwobo wari waracukuwe mu nzu ya Mukamana. Iyi nzu yari yaracukuwemo umwobo wihishe aho Ntarindwa yamaze imyaka 23, ahungira ubutabera.

Icyateganywa mu Manza: Ntiharamenyekana itariki Ntarindwa n'umugore we bazaburaniraho ifungwa n'ifungurwa ry'agateganyo.

Source : https://kasukumedia.com/nyanza-umugabo-wamaze-imyaka-23-yihishe-mu-mwobo-akekwaho-jenoside-yashyikirijwe-ubushinjacyaha/?utm_source=rss&utm_medium=rss&utm_campaign=nyanza-umugabo-wamaze-imyaka-23-yihishe-mu-mwobo-akekwaho-jenoside-yashyikirijwe-ubushinjacyaha

Ku mugoroba wo kuri uyu wa Mbere tariki ya 20 Gicurasi 2024, ni bwo Hon Dr Frank Habineza yagejeje kandidatire ye muri Komisiyo y’Igihugu y'Amatora imwemerera guhagararira Green Party mu matora y’umukuru w’igihugu.

Dr Frank Habineza yemejwe na Green Party ko ariwe ugomba guhagararira iri shyaka agahatana bwa kabiri mu matora y’umukuru w’igihugu umwaka ushize mu  nama yahuje abarwanashyaka b’iri shyaka.

Uretse Dr Frank Habineza watanze kandidatire ye kuri uyu mwanya, abadepite 65 baheruka kwemezwa muri Manifesto yabaye ku wa 11 Gicurasi 2024 nabo bazanye ibyangombwa bibemerera guhatana mu matora y'abadepite.

Mu byangombwa bisabwa, hari bimwe mu bitabashije kuboneka ku mukandika Perezida kuko hari ibindi yari yaratanze mu matora aheruka bityo asabwa ko yazagaruka kubitanga kuko igihe cyo gutanga ibyangombwa bisigaye kigihari.

Mu myanya y'abakandida depite 65 batanzwe n'ishyaka rya Green Party, babanje kongera gusobanurirwa neza ibyangombwa byose bisabwa kugira ngo bemererwe guhagararira iri shyaka mu matora ateganyijwe mu kwezi kwa Nyakanga.

Mu kiganiro kigufi n'itangazamakuru, Perezida wa Green Party akaba ahagarariye iri shyaka mu matora ku mwanya wa Perezida wa Repebulika, Dr Frank Habineza yatangaje ko afite icyizere cyo gutsinda aya matora no kugira amajwi meza kurenza  aheruka kuko ubu ishyaka rimaze kugira abarwanashyaka benshi hirya no hino mu gihugu.

Yongeye kugaruka kuri imwe mu migabo n'imigambi ye naramuka atowe harimo gushyiraho ikigega cy'ubwiteganyirize bw'abanyamakuru, kwishyura abafungwa nta cyaha bakurikiranyweho ndetse no gukomeza guteza imbere igihugu mu buryo bw'ububanyi n'amahanga.

Si ubwa mbere Dr Frank Habineza yiyamamaje kuri uyu mwanya w'umukuru w'Igihugu kuko mu mwaka wa 2017 yiyamaje atorwa ku majwi angana na 0.48%.

Dr Frank Habineza yatanze kandidatire ye yabuzemo bimwe mu byangombwa azongera gutanga

NEC yakiriye kandidatire ya Dr Frank Habineza

Abarwanashyaka ba Green Party bari baherekeje Dr Frank Habineza mu gutanga kandidatire 

Source : https://inyarwanda.com/inkuru/143148/hon-dr-frank-habineza-yatanze-kandidatire-ku-mwanya-wa-perezida-wa-repubulika-143148.html

Bamwe bamuzi nk'umujyanama w'abahanzi, abandi nk'umucuruzi, umushoramari, umuvugabutumwa, n’ibindi byinshi yanyuzemo kugera aho ageze ubu. Coach Gael ari mu bagabo bamaze gushinga imizi mu mujyi wa Kigali.

InyaRwanda igiye kukugezaho amakuru y’ubuzima bw’umugabo w’umukire Karomba Gael wamamaye nka Coach Gael uherutse gutaha ku mugaragaro Kigali Universe – inyubako ikomatanyije ibikorwa by’imikino ikaba imaze gutwara agera kuri Miliyari 2 Frw.

Umukire Coach Gael yavukiye mu Burundi, yiga Kaminuza mu Buhinde. Ni umugabo wubatse, ufite n'abana. Yabonye izuba mu 1988. Guhera mu 2013 yari atuye muri Maine muri Leta Zunze Ubumwe z'Amerika.

Ni umucuruzi, umushoramari n'umujyanama mu birebana n'ubushabitsi. Nyuma y’ibyo ni umuntu ukunda Imana, bikajyana no gukunda abantu, ni ko yizera.

Iyo bigeze ku mafunguro, yishimira cyane gusangira n'abantu ubugari n'inyama z'ihene. Yavukiye mu Burundi ari na ho yatangiriye kwiga, aza gukomereza mu Rwanda amashuri abanza n'ayisumbuye.

Coach Gael avuka mu muryango w'abana 5. Umukuru mu muryango wabo ni umukobwa, we akaba imfura mu bandi bahungu bane basigaye.

Coach Gael ni intiti mu mbare kuko ayifitemo Master’s. Amashuri ya Kaminuza yayatangiriye muri Uganda muri Kaminuza ya Makerere aho atatinze kuko yahise ayakomereza mu Buhinde.

Afite impamyabumenyi y'icyiciro cya Kabiri cya Kaminuza mu ishami ry'Imibare n'Ibarura mibare [Statistics&Mathematics] n'icya Gatatu cya Kaminuza mu Mibare yakuye mu Buhinde muri 2012.

Yageze muri Amerika mu mwaka wa 2013. Muri Mata 2014 ni bwo Coach Gael yatangiye gukora imirimo itandukanye muri Leta Zunze Ubumwe za Amerika kuko mu mezi ya mbere, yabanje gushaka ibyangombwa bimwemerera gukora.

Ni umugabo wabanje kugorwa no kwakira ubuzima bwo kubaho akora akazi gaciriritse ko guterura amakarito, gukora mu rugo, kwita ku ipusi n'ibindi.

Gusa nyuma yaje kubyakira, yanga guheranwa n'agahinda, yishakamo ibisubizo ashingiye ku nkuru y’uko abakomeye bava ahakomeye.

Aho ni ho yahereye atangira kwizigamira yirengagije byinshi nko kugura za telefone zihenze, imodoka zihenze no kuba mu nzu zihenze.

Igihe kimwe yigeze kubaho arara mu modoka, igihe kijya kugera ku mwaka, akajya acumbika bishingiye ku kuba yarakuriye mu muryango w'abana benshi kandi ukagira abashyitsi, ibintu byatumaga atitinya, yisanga kuri buri umwe.

Muri ibyo byose intego yari ukugira ngo abashe kugira ibyo ageraho, azave mu buzima bwo gukorera abandi, ahubwo na we atangire kwikorera no gutanga akazi.

Icyo gihe yakoraga ahantu hane hatandukanye ku buryo yinjizaga byibuze ibihumbi bitandatu by'amadorali mu kwezi mu masaha 120 yakoraga mu cyumweru.

Muri ayo mafaranga byibuze kubera kwizirika umukanda yabashaga kwizigamira ari hagati y'ibihumbi bitatu kugera kuri bitanu by'amadorali buri kwezi.

Gahunda yari afite ikaba yari iyo kwizigamira ibihumbi 50 by'amadorali na we agatangira kwikorera. Ibi yabifatanyaga no kwiga ku birebana n'ubucuruzi bw'amazu.

Ubwo yari amaze kugera ku ntego yihaye, yafashe umwanzuro ajya gutura hirya y'umujyi, ahagura inzu ifite n’aho yakodeshaga akaba yarayiguze yitabaje ubushobozi yari afite na Banki. Icyo gihe abapangayi ayo bishyuraga ni yo yahitaga aha Banki.

Iyo nzu niyo yashakiyemo umugore we Amanda, biha intego yo kugura inzu zigera kuri eshatu buri mwaka. Intego yari ukugira inzu esheshatu ku buryo n’iyo bava mu kazi babaho nta nkomyi.

Ikintu kindi cyafashije Coach Gael harimo kuba yarashatse abantu bo kumufasha banafite ibyo bamurusha nka ba Miliyoneri mu madorali batunze izigera muri magana 300 kugera kuri 400 muri Amerika.

Urugero nk'umusaza wamufashije kugura inzu nyinshi yatangiye amufasha kumenya imibare y'imitungo ye, amafaranga y'ubukode n'ibindi, birangira babaye inshuti.

Akazi k'uyu mugabo kugeza ubu gashingiye ku gucuruza inzu aho azigura akanazigurisha, kuzivugurura no kuzubaka.

Mu Rwanda azwi nk'umushoramari mu myidagaduro binyuze muri 1:55AM, siporo binyuze muri UGB ikipe ya Basketball.

Aherutse gufungura Kigali Universe aho afitiye inzozi zo gukomeza kwinjira no guteza imbere ubukerarugendo bushingiye kuri siporo n'imyidagaduro.

Mu buto bwe, Coach Gael yatojwe ko kugira icyo ugeraho hari icyo ubanza gutanga, akaba yarakuranye inzozi zo kuzaba Guverineri wa Banki akajya asinya ku note.

Asobanura ko mu buzima bwe yakuze afite inzozi zagutse kandi akaba ashima Imana aho ageze uyu munsi.

Coach Gael hamwe na murumuna we Kenny ufatwa nk’ukuboko kw’iburyo kw’ibyo Coach Gael akora umunsi ku wundiCoach Gael yishimira uko ababyeyi bamureze, akaba yaramaze no kubaha abuzukuru, iyi ikaba ari ifoto bifasha nk’umuryangoYanyuze mu buzima bugoye ashaka kugera ku rwego rwo gutanga akazi aho kugasaba Ubu aragereka akaguru ku kandi agashima Imana n’ubwo avuga ko agifite byinshi yifuza kugerahoYitabazwa mu bikorwa bitandukanye, aha yari yitabiriye itangwa ry’ibihembo bya The Choice aho yashyirikije Producer Gad igihembo cya Best Video DirectorCoach Gael mu biganiro bisobanura neza uko ubuzima bwubakwa ahereye ku bunararibonye afite Coach Gael azwi cyane nk’umujyanama w’abahanzi barangajwe imbere na Bruce Melodie nubwo ubu afite n’abandi mu nshingano Yashyize itafari ku muziki wa The Ben aho ari mu bamufashishije mu ikorwa rya “Why” na Diamond Platnumz nubwo batatindanye Yizerera mu gukorera hamwe n’abandi bituma mu byo akora byose aba afite itsinda ryihariye ry’abo bafatanya 

Coach Gael aherutse gutaha ku mugaragaro Kigali Universe yamutwaye $1.500

Source : https://inyarwanda.com/inkuru/143101/uwitaga-ku-ipusi-yibitseho-kigali-universe-amateka-yumukire-coach-gael-warose-kuba-guverin-143101.html

Umugabo witwa Ntarindwa Emmanuel w'imyaka 51, wafunzwe kuwa 16 Gicurasi 2024, akekwaho gukora jenoside yakorewe abatutsi mu 1994, dosiye ye yashyikirijwe Ubushinjacyaha. Ntarindwa yari amaze imyaka 23 yihishe munsi y'igitanda n'umugore we Mukamana Eugenie, aho bombi bahise batabwa muri yombi.

Iperereza rya RIB: Ikinyamakuru UMUSEKE dukesha iyi nkuru, cyamenye amakuru ko dosiye yabo bombi yamaze gukorwa, RIB ikaba yayishyikirije ubushinjacyaha kuri uyu wa 20 Gicurasi 2024. Urwego rw'Igihugu rw'Ubugenzacyaha (RIB) ruherutse gutangariza UMUSEKE ko uyu mugabo yari yihishe mu mudugudu wa Rukandiro mu kagari ka Kavumu mu murenge wa Busasamana.

Gufatwa kwa Ntarindwa na Mukamana: Ntarindwa n'umugore we bafungiye kuri sitasiyo ya RIB ya Busasamana. Mu mwaka wa 2001, yavuye mu gihugu cya Repubulika Iharanira Demokarasi ya Congo (yahozwe yitwa Zaire) kuva icyo gihe akaba atarigeze agaragara hanze. Ntarindwa akurikiranyweho icyaha cyo gukora jenoside, naho umugore we Eugenie Mukamana akekwaho icyaha cyo kumuhisha no gukorana nawe mu bugome.

Amakuru y'Iperereza: RIB yatangaje ko mu iperereza ryakozwe, Ntarindwa yemeye ko yishe abantu mu gihe cya jenoside, ariko akaba atazi umubare wabo. Avuga ko yavuye muri Congo yihisha kwa Mukamana, bari banaziranye mbere ya jenoside yakorewe abatutsi 1994, ndetse bakaba barabana bakabyarana abana babiri.

Ubuzima mu Mwobo: Uyu mugabo yari yihishe mu mwobo wari waracukuwe mu nzu ya Mukamana. Iyi nzu yari yaracukuwemo umwobo wihishe aho Ntarindwa yamaze imyaka 23, ahungira ubutabera.

Icyateganywa mu Manza: Ntiharamenyekana itariki Ntarindwa n'umugore we bazaburaniraho ifungwa n'ifungurwa ry'agateganyo.

Source : https://kasukumedia.com/nyanza-umugabo-wamaze-imyaka-23-yihishe-mu-mwobo-akekwaho-jenoside-yashyikirijwe-ubushinjacyaha/

Umujyi wa Kigali wungutse ikindi gikorwa cy'imyidagaduro kizarushaho gushimisha abawutuye n'abawusura, aricyo Kigali Universe, inzu y'imyidagaduro y'umunyemari Karomba Gaël [Coach Gaël]. Iki kigo cyafunguwe ku mugaragaro kuwa 18 Gicurasi 2024.

Ibikubiye muri Kigali Universe: Kigali Universe irimo ibikorwa bitandukanye birimo:

• Ahantu icumi hazajya hakiniwa imikino itandukanye.
• Aho kunywera no gufatira amafunguro.
• Ahantu ho gucururiza.

Imirimo Icyo Gikorwaremezo Cyatanze: Mu itahwa ry'iyi nyubako, abakozi basaga 90 bahawe akazi muri serivisi zose. Coach Gaël aganira na Radio Isibo yagize ati: 'Abantu barabibonye ko twari dufite abashyitsi benshi, mu gikoni, ku bibuga bitandukanye, hariya hose hari abakozi barenga 90 bahawe akazi gahoraho.'

Ibindi Biteganyijwe mu Mushinga wa Kigali Universe: Iki gikorwa kigeze mu cyiciro cya mbere, hakaba hacyubakwa ibindi bikorwa ku buryo Coach Gaël avuga ko hazatangwa akazi ku basaga 200. Ibikorwa biteganyijwe birimo:

• Inzira ica mu kirere yorohereza abayigana.
• Ikindi gice cy'imikino.

Imikino ya Basketball muri Kigali Universe: Mu gihe u Rwanda rwitegura kwakira imikino ya nyuma y'igikombe cya Basketball muri Afurika (BAL), Coach Gaël yavuze ko bamwe mu bakinnyi bazayitabira bazajya bitoreza muri Kigali Universe.

Igitekerezo cy'Inyubako: Coach Gaël yavuze ko kubaka Kigali Universe atari ibintu yari yaratekerejeho kera, ahubwo ko byamujemo amaze kugera muri Leta Zunze Ubumwe za Amerika. Ati: 'Kubera nabaye igihe kinini muri Amerika, nagiye mbona inyubako zaho zibamo imikino myinshi. Aho abantu batemberera bagakina, bakanywa, bakarya batavuye aho basohokeye. Ni uko nifuje kuzashyira mu bikorwa inyubako nk'iriya.'

Ibindi Byifuzo: Coach Gaël yavuze ko hari ibindi yifuzaga ko byajya muri iyo nyubako nka pisine rusange (swimming pool), ariko ubuyobozi bumugira inama ko bitaba bijyanye.

Igiciro cyo Kwinjira Ku giciro cya 10,000 Frw yo kwinjira muri Kigali Universe, Coach Gael yavuze ko kidahanitse cyane ugereranyije na serivisi zitangwa. Ati: 'Buriya se ko ari ahantu h'abasirimu, wabura ibihumbi 10 Frw kandi uri buyakoreshe wiyakira? Twirinze ba bantu baza guhagarara ku bakire, ariko hariya ibiciro ntibihanitse ku bakunda ibyiza bahawe ikaze.'

Source : https://kasukumedia.com/kigali-universe-ikigo-gishya-cyimyidagaduro-gitangaje-mu-mujyi-wa-kigali/