Blog

Yabivugiye mu murenge wa Bugarama ku wa 21 Gicurasi 2024, muri gahunda y'Urwego rw'Umuvunyi yo gukumira no kurwanya akarengane.

Mu murenge wa Bugarama ahari hateraniye abaturage baturutse mu mirenge ya Bugarama, Gikundamvura na Muganza, Nirere yakiriye ibibazo by'abaturage.

Ni ibibazo byiganjemo iby'abareganyijwe amasambu n'indi mitungo, ibibazo by'abangirijwe imitungo n'ikorwa ry'ibikorwaremezo ntibahabwe ingurane n'ibibazo by'izungura bituruka ahanini ku bushoreke n'ubuharike.

Umuvunyi Mukuru yabwiye itangazamakuru ko ikibazo cy'abishyuza ingurane bagiye kugikorera ubuvugizi abaturage bakishyurwa.

Ati 'Ibibazo twabonye by'ubutaka ni ibibazo bishobora gukemurwa n'inzego z'ibanze mu cyumweru cy'ubutaka no mu nteko z'abaturage…ikindi ni icy'abagabo babyara ku bandi bagore. Ubona ko abaturage mu by'ukuri badasobanukiwe iby'izungura. Icyakorwa ni ukwigisha abaturage amategeko y'izungura n'ubushyingiranwe.”

Nirere yavuze ko ari inshingano z'abayobozi kwigisha abaturage amategeko, abasaba kwifashisha inteko z'abaturage, uyu munsi bakigisha itegeko rimwe, ubutaha bakigisha irindi ku buryo abaturage basobanikirwa.

Ibibazo Umuvunyi Mukuru yakiriye yabihaye umurongo, atanga ukwezi kumwe cyo kuba zamaze kubikemura.

Ikibazo umuvunyi yakiriye kigahabwa umurongo atwara nomero ya telefone y'umuturage, kugira ngo azakurikirane ko cyakemutse, ndetse n'iyo ubuyobozi bumaze gukemura ikibazo buha raporo Umuvunyi.

Urwego rw'Umuvunyi ruvuga ko 70% by'ibibazo rwakira bigahabwa umurongo, bikemuka.

Umuvunyi Mukuru, Nirere Madeline, ubwo yarimo gukemura ibibazo by’abaturage

Bitewe n’ubusabe bw’umutoza Frank Sptller wakomeje kugaragaza ko yifuza rutahizamu Ani Elijah, Ishyirahamwe ry’Umupira w’Amaguru mu Rwanda ryemeye ko ajya mu mwiherero kimwe n’abandi nubwo atarabona ibyangombwa.

Ku wa Mbere tariki ya 20 Gicurasi 2024 ni bwo ikipe y’igihugu y’u Rwanda by’umwihariko abakinnyi bakina imbere mu gihugu binjiye mu mwiherero wo kwitegura imikino ya Benin na Lesotho mu ijonjora ryo gushaka itike y’igikombe cy’Isi cya 2026.

Mu bakinnyi bari baje mu mwiherero harimo na rutahizamu ukomoka muri Nigeria, Ani Elijah wasabye kuba umunyarwanda, ni nyuma y’uko umutoza Frank Spittler yagaragaje ko amwifuza cyane.

Gusa bitunguranye yahise akurwa muri uyu mwiherero kuko yari atarabona ibyangombwa bimwemerera gukinira u Rwanda kuko amategeko amugonga.

Ku mugoroba w’ejo hashize ni bwo uyu rutahizamu watsinze ibitego 15 muri shampiyona ya 2023-24, yongeye gusubira mu mwiherero benshi bibaza icyahindutse.

Mu kiganiro cy’umwihariko umunyabanga wa FERWAFA, Kalisa Adolphe yahaye ikinyamakuru ISIMBI, yavuze ko nta cyahindutse yagiye mu mwiherero kuko umutoza amushaka ngo ibyangombwa nibiboneka azamutwara nibibura azamusiga.

Yavuze ko ari umukinnyi umutoza yagaragaje ko ashaka cyane. Ati 'Elijah ni umukinnyi umutoza yifuza ariko tukamwereka ko hari ibintu ibisabwa kugira ngo umukinnyi ahindure ubwenegihugu abe yakinira ikindi gihugu kuko atari umunyarwanda.'

Yakomeje avuga ko intambwe ya mbere kwari ukubaza Federasiyo ya Nigeria niba atarakiniye iki gihugu kuko mu ibaruwa ye isaba kuba umunyarwanda ariko yari yanditse.

Ati 'Icya mbere ni ukubaza Federasiyo y’igihugu cye cya Nigeria niba atarigeze akinira iki gihugu, twarayandikiye ntabwo yahise isubiza ariko ku bw’amahirwe turi mu nama yarasubije ko atigeze abakinira ndetse ko nta n’ikibazo gihari akiniye u Rwanda, ibyo birimo mu ibaruwa twandikiwe.'

Aha ngo ni ho umutoza yahise yumva yamutwara mu mwiherero 'yahise avuga ko yaza mu mwiherero ariko turamubwira ngo yaba yihuse kuko hari ibindi bitarakemuka, ni bwo yongeraga akavamo.'

Kalisa Adolphe akomeza avuga ko icyari gikurikiyeho ari ukureba niba Nigeria ivuga ko atayikiniye, amategeko ya FIFA yo avuga iki kugira ngo umukinnyi akinire ikindi gihugu kuko hari imyaka bisaba kuba amaze mu gihugu mu gihe nta nkomoko gifitemo.

Ati 'Icyo gihe ntabwo wigira nyirandabizi, hari 'FIFA Status of player’ ni yo ibishinzwe, twarayandikiye ntabwo iradusubiza turategereje.'

Gusubira mu mwiherero ngo byatewe n’umutoza wakomeje kugaragaza ko amukeneye asaba ko yaza mu bandi ngo nibikunda bizakunde ari mu bandi.

Ati 'Ariko umutoza aratubwira ngo mwanyeretse ko hari ibirimo gukorwa n’aho bigeze, naze mu bandi nibikunda tuzajyana ariko nibidakunda ntabwo azajya ku rutonde rw’abakinnyi bazagenda azasigara.'

Umunyamabanga wa FERWAFA kandi yakuyeho urujijo avuga ko nta bwenegihugu arasabirwa kuko atabusabirwa bataramenya niba koko yemerewe gukinira u Rwanda.

Amavubi azakina na Benin muri Côte d’Ivoire tariki ya 6 Kamena na Lesotho muri Afurika y’Epfo tariki ya 11 Kamena.

Ani elijah yasubiye mu mwiherero w’Amavubi

Ku nshuro ya mbere, Umuryango Fondasiyo Ndayisaba Fabrice binyuze muri Ecole Foundation Ndayisaba Fabrice, wagejeje igikorwa cyo Kwibuka mu mashuri abana n’impinja bazize Jenoside yakorewe Abatutsi mu Ntara y’Iburengerazuba aho wahereye mu Karere ka Nyabihu kiyongereye ku ka Kicukiro n’aka Bugesera twari dusanzwe tuberamo iki gikorwa.

Ku wa Mbere, tariki ya 20 Gicurasi 2024, ni bwo hatangiye igikorwa ngaruka mwaka cyo Kwibuka mu mashuri, impinja n’abana bazize Jenoside yakorewe Abatutsi mu 1994.

Ni igikorwa cyari gisanzwe kibera mu mashuri y’Akarere ka Kicukiro, mu 2023 kigezwa mu Karere mu Bugesera ko mu Ntara y’Iburasirazuba, ariko kuri iyi nshuro cyaraguwe kigera no mu mashuri yose yo mu Karere ka Nyabihu mu Ntara y’Iburengerazuba.

Umuyobozi wa NFF Rwanda itegura iki gikorwa, Ndayisaba Fabrice yavuze ko bafite intego y’uko iki gikorwa kizagera mu mashuri yose yo mu gihugu ndetse no mu Banyarwanda batuye hanze yarwo.

Ati “Ni igikorwa cyaberaga mu mashuri y’Akarere ka Kicukiro muri Kigali, mu mwaka ushize tukigeza muri Bugesera none ubu kimaze kwaguka kuko ku nshuro ya mbere cyatangiye kubera mu Karere ka Nyabihu ndetse turateganya no kugera mu tundi turere. Turifuza ko iki gikorwa kigera mashuri yose agize igihugu no muri Diaspora.'

Kuri iyi nshuro, iki gikora kizakorwa mu gihe cy’icyumweru kimwe, kugeza ku wa 24 Gicurasi, aho hazajya hatangwa ubutumwa bumwe mu mashuri yose, hakazifashishwa n’imikino mu Kwibuka mu rwego rwo kugaragaza ko abishwe hari uburenganzira bavukijwe.

Muri iyi minsi, abanyeshuri bashishikarizwa gutanga ubutumwa bujyanye n’iki gikorwa bukagera kuri bose.

Ni ku nshuro ya 14, NFF Rwanda yibuka abana n’impinja bazize Jenoside yakorewe Abatutsi mu 1994, bikaba ku nshuro ya 10 itegura iki gikorwa mu bigo by’amashuri.

Ku nshuro ya 14 NFF Rwanda yibuka abana n’impinja bishwe muri Jenoside yakorewe Abatutsi mu 1994

Ni ku nshuro ya 10 NNF Rwanda itangije igikorwa cyo kwibuka mu mashuri

NNF Rwanda yibutse ibinyujije muri Ecole Foundation Ndayisaba Fabrice

Umuyobozi wa NNF Rwanda, Ndayisaba Fabrice

Bwa mbere iki gikorwa cyagejejwe muri Nyabihu

Mu kiganiro cyateguwe na Global Security Forum kuri uyu wa 21 Gicurasi 2024, Perezida Kagame yatangaje ko amahanga yose azi ko u Rwanda rufite umutekano kuko rwashoboye kuwuha Abanyarwanda.

Yagize ati 'U Bwongereza burabizi, Uburayi burabizi, Amerika irabizi, u Rwanda ruratekanye. Gutekana ntibizishingira ku kuba umuntu adukunda cyangwa atadukunda. Ni ikintu twihaye ubwacu, tugiha igihugu cyacu.'

Umukuru w'Igihugu yakomeje ati 'Ikibura ni urwego rw'iterambere rigeze abantu bacu aho dushaka, rikanita ku bandi bantu baza hano; baba ari abimukira cyangwa abandi, aho baba baturutse hose no kuba bafatwa uko bashaka cyangwa uko tubishaka.'

Perezida Kagame yasobanuye ko u Rwanda kuva mu 2018, u Rwanda rwakira by'agateganyo abimukira, agaragaza ko u Bwongereza bwashingiye ku buryo rwakemuyemo iki kibazo, burusaba ubufatanye.

Ati 'Kuva mu 2018, abantu babarirwa mu bihumbi amagana bazanywe n'indege zavuye muri Libya. Ntekereza ko ari byo u Bwongereza bwabonye, ko hari uburyo bwiza bwo gukemura iki kibazo cyabaye umutwaro kuri bwo ndetse n'Uburayi bwose. Badusabye niba twakwagura iyi gahunda, tugakemura ikibazo bafite kandi twarabyemeye kuko twari dusanzwe dufitanye umubano mwiza, dufitanye ubufatanye mu iterambere.'

Umukuru w'Igihugu yasobanuye ko u Rwanda n'u Bwongereza byaganiriye ku buryo byashyira mu bikorwa iyi gahunda, u Rwanda rugaragaza ikibazo cy'ubushobozi bwo kubitaho, ni bwo hongerewemo ingingo yo kurushyigikira mu iterambere.

Yagize ati 'Impaka zavutse mu Bwongereza, mu Burayi cyangwa ahandi hose, niba u Rwanda rutekanye, kuri twebwe nta shingiro zifite. Tuzi abo turi bo, tuzi icyo dufite, tuzi ko twaha umutekano buri wese n'imiyoborere, icyo tubura ni uburyo bwo gufasha aba bantu gutera imbere. Iyo abantu bajya impaka, niba u Rwanda rutekanye, ibyo biba byabaye politiki.'

Gahunda y'u Rwanda n'u Bwongereza ishingiye ku masezerano yashyizweho imikono na guverinoma z'ibihugu byombi muri Mata 2022, yavuguruwe mu Ukuboza 2023. Biteganyijwe ko hatagize igihinduka, abimukira ba mbere bazoherezwa i Kigali muri Nyakanga 2024.

U Rwanda n’u Bwongereza byavuguruye aya masezerano mu Ukuboza 2023

Mu ijoro ryo kuri uyu wa Mbere ni bwo ishyirahamwe ry’umupira w’amaguru mu Rwanda “FERWAFA” ryabwiye ikipe ya Espoir FC ko yatewe mpaga ku mikino 5 ya shampiyona umukinnyi wabo Christian Watanga Milemba yakinnye kandi adafite ibyangombwa bimwemerera gukina.

Amwe mu makuru InyaRwanda yabonye, ni uko uyu musore yabonywe ari kuganira n’umwe mu nshuti ze za hano mu Rwanda yavuze ko Espoir FC ariyo yizize ijya guhindura ibyangombwa bye ko yari gutegereza.

Christian yagize ati: “Ikibazo ntabwo ari njye. Iki kibazo nacyumvise dukina umukino wa nyuma, iyo nza kuba mfite ikibazo FERWAFA iba yarampagaritse ndetse n’ubu tuvugana nibereye muri DR Congo.”

Visa y’uyu musore ubwo yajyaga muri Muhazi Unite yari yanditseho Mulemba 

Amakuru avuga ko uyu musore yaje muri Muhazi United agasinya amasezerano y’amezi 6 ariko ntiyahabwa License kuko Muhazi United yahisemo gusinyisha rutahizamu. Icyo gihe shampiyona irangiye nibwo uyu musore yagiye muri Espoir FC agiye kuyizamura.

Watanga akomeza avuga ko ibyangombwa yavanye i Rwamagana aribyo yatwaye i Cyangugu. Ati” Ibyangombwa navanye i Rwamagana nibyo nabahaye muri Espoir FC ndetse Team Manager wa Rwamagana nanamuhuje n’uwa Espoir ubwo sinzi uko babigenje njye nziko nari gukinira ku mazina yanjye. Reka nkwereke amasezerano yanjye ndetse na Visa yanjye urebe amazina nkoresha hanyuma ayandi sinzi impamvu Espoir FC yayagize kuriya.”

Visa yakoresheje aza muri Espoir FC nayo yari yanditseho Mulemba 

Andi makuru InyaRwanda yamenye ni uko uyu musore amaze kugera i Rusizi ikipe ya Espoir FC yagombaga gusaba icyangombwa mu ishyirahamwe ry’umupira w’amaguru muri RD Congo kugira ngo bakijyane muri FERWAFA ubundi abone gukina.

Amasezerano yagiranye na Espoir FC nayo yanditseho Mulemba bigaragaza ko iri zina ariryo uyu mukinnyi yemera aho kuba Milembe iryo Espoir FC yari yaramwise 

Abayobozi bo muri Espoir FC babonye bizatinda Kandi shampiyona irimbanyije, bahisemo guhindura amazina ndetse umukinnyi bamushyira mu ikipe y’abana kugira ngo ahite atangira gukina ariko asa n’aho aba avuye mu ikipe y’abana.

Ni umwe mu basore bize umuziki mu ishuri rya muzika rya Nyundo. Akigera ku isoko ry'umurimo, izina rye ryisanze cyane mu bavugwa biturutse mu kuba Bruce Melodie yaramufashe akaboko atangira kumukorera indirimbo, ndetse amuhuza n'ibitangazamakuru binyuranye.

Indirimbo ye yise 'Funga Macho' yakorewe na Prince Kiiiz yatumye uyu muhanzi avugwa cyane, ndetse abona ibiraka mu buryo bifatika. N'ubwo umwaka ushize abafana be n'abakunzi b'umuziki bategereje indirimbo cyangwa se Album (Reka ntitubigarukeho cyane).

Ubwo Bruce Melodie yari afashe Prince Kiiiz yamuhuje na Coach Gael, ndetse akorera muri 1: 55 AM mu gihe cy'amezi atandatu. Icyo gihe yahawe kontaro yari yashyizweho umukono na Mike, Umuyobozi Mukuru wa 1:55AM ariko ntiyigize ayisinyiho bitewe n'ingingo zamugonga zarimo.

Ni kontaro y'imyaka ibiri y'imbanzirizamushinga, yari kongerwa igihe impande zombi igihe zari kuba zibishatse. Kiiiz yasabaga arenga Miliyoni 20 Frw kugirango akorera muri iyi studio, ariko ubuyobozi bwa 1:55 AM ntibwabyemera, bituma yerekeza muri Country Records. Yabisikanye na Element winjiye muri 1: 55 AM yari amazemo imyaka ibiri.

Kiiiz aherutse kubwira InyaRwanda, ko mu gihe cy'umwaka umwe yari amaze muri Country Records yakoreyemo indirimbo 100 zirimo 40 zabashije kujya hanze.

Ati 'Nizere ko nagerageje gukora ibyo nasabwaga mu gihe cy'umwaka umwe. Imibare mfite ya hafi mbona ko nakoreyemo indirimbo 40 zamaze gusohoka, ariko hari imishinga y'izindi ndirimbo 60 zitarajya hanze, nazo zizakomeza gukorwa.'   

Yavuze ko yishimira ibihe byiza yagiriye muri iriya studio, ahanini biturutse ku kuba yaramuhaye izina kandi ikamuhuza n'abasitari bakomeye.

Ati 'Ni byiza ko nangira kugerageza ibintu byanjye. Gukorera abandi nabyo ni byiza ariko kwikorera ntako bisa. Ntekereza ko ari studio izaba iri ku rwego rwiza, kandi yamaze gutunganywa, hasigaye imirimo ya nyuma.'

Uyu musore yavuze ko yasezeye muri Country Records, mu gihe byavuzwe ko yasabye Miliyoni 30 Frw kugirango ajye gukorera muri 1:55 AM.

Ubwo yari kuri Radio Rwanda, yavuze ko kuva muri Country Records nta ruhare ubuyobozi bwa 1: 55 AM bwabigizemo, ahubwo yashakaga gukurikira inzozi ze.

Ati '1:55 AM nta ruhare bari kubigiramo kuko nabo bigeze gushaka kumpa amasezerano y'uko twakorana ariko nabyo ntibyakunda, mu byukuri navuye muri Country Records kubera inzozi zanjye zo kubaka studio nini kandi cyaricyo gihe, bagiye baza benshi banyegera ariko nkababera ibamba kuko njye nari mfite icyo nshaka kugeraho.'

Akomeza ati 'Kwikorera zari inzozi zanjye, mbere y'uko njya muri Country Records nari natangiye gutekereza kugukora studio yanjye, gusa ndavuga nti reka mbanze nkore umwaka umwe mbe nisuganya, nagure izina ryanjye ngire ibikorwa byinshi bihagije nshyireho urwego rwanjye, igihe cyarageze ubu studio irahari amazina ntabwo ndatangira kuyashyira hanze.'

Kiiiz yavuze ko atigeze ateguza ubuyobozi bwa Country Records ko agiye kwikorera, kuko n'ubundi mu gihe cy'umwaka umwe wari urangiye yumva atazakomeza gukorana n'iyi studio.

Ati 'Ntabwo nabateguje cyane ariko njye numvaga ko iyo umuntu mwasinye amasezerano y'umwaka umwe yajya kurangira ntihabeho ibiganiro byo kuyongera, urumva biba byararangiye, ni ibintu biba byaranyuze mu mucyo, nawe akabyakira ku giti cye.'

'Gukoramo ni ikintu cyiza, ndabashimira bambereye abana beza turakorana, turafashanya, ari Country Records yabyungukiyemo ariko nanjye nabyungukiyemo ku ruhande rwanjye n'umuziki ubyungukiramo.'

Ubwo yari mu kiganiro na Televiziyo Rwanda, Nduwimana Jean Paul 'Noopja' washinze Country Records, yavuze ko yagize igitekerezo cyo gushinga iyi studio 'mu gihe hari studio nke zifasha inakanorohereza abahanzi'. Ati 'Studio zari nke, kandi urubyiruko bafite impano ari benshi, rero ntekereza gushinga studio.'  

Ni icyemezo avuga ko yafashe mu gihe muri iriya myaka, abahanzi benshi bo mu Rwanda bakora umuziki ariko uko bakorera umuziki muri studio zo muri Uganda. Ati 'Gushaka niko gushobora, ndiyemeza, ndavuga nti ngomba gushinga igomba korohereza Abanyarwanda ndetse n'abanyamahanga…'

Prince Kiiiz yashingiwe Studio na Coach Gael?

Bamwe mu basesenguzi b'umuziki bagaragaza ko n'ubwo 1:55 AM ari imwe muri studio zivugwa cyane ariko zidafite akazi kenshi ugereranyije n'izindi.

Ni studio irimo abahanzi batatu (Kenny Sol, Ross Kana na Bruce Melodie) ikagira na ba Producer babiri (Kompresor ndetse na Element).

Iyo unyijije amaso mu bihangano bisohoka muri iki gihe, ibyinshi byiganje mu bahanzi babarizwa muri iyi studio, abandi ni inshuti z'abahanzi babarizwa muri iriya Label.

Umwe mu baganiriye na InyaRwanda ati 'Bisa n'aho abahanzi bakoreshereza indirimbo muri 1:55 AM ari inshuti z'ababarizwa muri iriya Label, hari abishyura n'abatishyura ahanini bitewe n'ubushuti bwabo.'

Coach Gael nk'umwe mu bashoramari ushaka kungukira mu byo akora, isoko z'amakuru zivuga ko ariwe washingiye studio Prince Kiiiz kugirango abahanzi batagana 1: 55 AM bagane Prince Kiiiz bazi ko ariwe bishyuwe, ariko amafaranga agera mu biganza bye

Ati 'Bisa n'aho Coach Gael yatekereje agashaka guca undi muvuno, witegereje neza abahanzi bagana 1:55 AM ntabwo ari benshi, rero gushinga indi studio akayishyira mu maboko ya Prince Kiiiz ni ibintu bishoboka. Buri wese utekereza, yabibona ko ari ko byagenze.'

Prince Kiiiz yabwiye InyaRwanda, ko iyi studio yise 'Hybrid Records' azayimurikira sosiyete mu minsi iri imbere, ariko yirinda kuvuga umushoramari bafatanyije.

Ati 'Ntabwo navuga ko ari Coach Gael cyangwa undi wese. Icyo nakubwira ni uko 'studio' iri mu biganza byanjye, kandi ibikenewe kugirango itangire gukora byararangiye.'

Amasezerano yari afite muri Country Records yaramugonze

Inyandiko yarabutswe na InyaRwanda, igaragaza ko mu masezerano y’umwaka umwe Prince Kiiiz yari yashyizeho umukono muri Country Records, yavugaga ko naramuka avuye muri Country Records 'atemerewe kugira indi studio asinyira uretse kwikorera'.

Bivuze ko iyi kontaro (Contract) nta hantu na hamwe yamwemereraga ko ajya gukorera muri studio runaka, uretse kuba we yakwishingira studio ye.

Ubwo yari mu kiganiro na Televiziyo Rwanda, Nduwimana Jean Paul 'Noopja' yabaye nk'ukomoza ku biganiro yagiranye na Prince Kiiiz bakimara gusinya amasezerano.

Yavuze ko yumvikanye n'uyu musore gutangira gutekereza uko yakwikorera agashinga studio ye bwite, akareka gukomeza gukorera abandi.

Babiganiriye agamije, kugirango ibikorwa bya Prince Kiiiz bimushyire mu ba Producer batanu ba mbere mu Rwanda.

Umwaka w'amasezerano muri Country Records warangiye Prince Kiiiz atarabasha kwiyuzuriza studio, bituma 'Noopja' akomeza kumubwira kubaka studio ye nk'uko babivuganye. Mu byo bari baganiriye kandi, harimo ko Kiiiz atangiza studio ye mu gihe anafite imodoka yo kugendamo.

Mu ndirimbo Prince Kiiiz akora, ahanini zumvikanamo umwihariko n'ibicurangisho bidasanzwe byumvikana mu ndirimbo zo mu Rwanda ari nacyo ashimangira ko gifasha ibikorwa bye kutisanisha n'ibyakozwe n'abandi.

Mu Rwanda hari abahanzi bakomeye batarakorana nawe. Ariko bake bakoranye nawe bagaragaza ko afite ahazaza heza.

Atangira urugendo rwa 'Production' yahereye ku gutunganya indirimbo nyinshi zitandukanye ariko iyakunzwe cyane ni ''Funga Macho'' ya Bruce Melodie yakoze mu 2022.

Yanakoze indirimbo ya Alyn Sano yitwa 'Boo and Bae' aho yagize uruhare runini mu myandikire yayo ndetse no kuyirangiza. Hari kandi 'Addicted' ya Kenny Sol n'iya Calvin Mbanda yitwa 'Joliki'.

Prince Kiiiz avuga ko afite intego yo 'gushyira umusanzu ku ruganda rw'umuziki nyarwanda no guhindura imikorere imwe n’imwe ku bijyanye no kwandika indirimbo ndetse na mix na mastering aho byari bisanzwe bizwi ko zirangirizwa ahandi, njye nkagerageza kujya mbikora byose; mbigira nk’umwihariko wanjye.'

 

Prince Kiiiz yirinze gutangaza uwamufashije mu ishoramari rye muri studio yise 'Hybrid Studio'

Kiiiz aherutse kugaragaza ko uretse gutangiza studio, azabihuza no gufasha abahanzi binyuze muri 'Label' 

KANDA HANO UREBE AMASHUSHO Y'INDIRIMBO 'FUNGA MACHO' KIIIZ YAKOREYE BRUCE MELODIE

“>

Ibi bayagarutsweho mu nama y'Inteko Rusange y'Ishyirahamwe ry'Amavuriro Yigenga (RPMFA) yabaye kuri uyu wa 21 Gicurasi 2024. Abagize iri shyirahamwe bagaragarije Minisitiri w'Ubuzima ibikibangamiye imitangire ya serivise baha abarwayi, aho ku isonga hari ibiciro biri hasi kuko biheruka kuvugururwa mu 2017.

Umunyamabanga Nshingwabikorwa wa RPMFA, Ntakirutimana Christian yavuze ko umwe mu myanzuro iri shyirahamwe ryafatiye mu nama iheruka muri Mutarama 2022 wari ugukora ubuvugizi kugira ngo ibiciro bya serivise z'ibikorwa by'ubuvuzi mu mavuriro yigenga zivugururwe ariko magingo aya bikaba nta kirakorwa.

Ati 'Ubuyobozi bwa RPMFA bwegereye inzego zitandukanye harimo MINISANTE n'Inteko Ishinga Amategeko hakorwa ubuvugizi kugira ngo ibiciro by'ibikorwa by'ubuvuzi bivugururwe,'

'Mu minsi yashize MINISANTE yasohoye ibiciro bivuguruye ku mavururo 11 ndetse no kuri serivise nkeya. Ishyirahamwe ryabonye ko hagombaga gukorwa ivigurura ku mavuriro yose ryegera MINISANTE ngo ibiciro bivugururwe mu mavuriro yose'.

Ntakirutimana yavuze kandi ko ibiciro bigenderwaho mu kwishyura amazi n'amashanyarazi biri hejuru ugeranyije na bimwe mu bigo by'ubucuruzi.

Ati 'Twakoze isuzuma dusanga ibiciro by'amazi n'umuriro mu mavuriro yigenga biri hejuru y'iby'inganda n'amahoteli. Twakoze ubuvugizi mu nzego zitanduaknye harimo Inteko Ishinga Amategeko na Minisiteri y'ibikorwa remezo'.

Abanyamuryango b'iri huriro kandi banagaragaje ko ibyo bibazo bibatera gukorera mu gihombo byiyongeraho n'ibirarane Ikigo k'Igihugu gishinzwe Ubwitegenyirize kibababerayemo bigatuma bafata imyenda hamwe kandi na bo baberewemo imyenda.

Yavuze ko ibyo byo byatumye batangira gutekereze uko bakwegeranya ubushobozi bwo gushinga ikigo cy'imari iciriritse ngo kizabafashe kwihaza ku mikoro bakeneye.

Minisitiri w'Ubuzima, Dr Nsanzimana Sabin yavuze ko ikibazo cyo kuvurira ku biciro biri hasi kinagira ingaruka ku mitangire ya serivise abavuzi baha ababagana.

Ati 'Uretse no kuba mwahombye n'umurwayi hari icyo aba atabonye cyuzuye. Abatanga ubwishingizi na bo twarwahuye bati 'iyo umuntu ari kwirwanaho hari aho ashakishiriza ahandi kugira ngo nibura imibare ize guhura iryo joro'. Ibyo byose ni ingaruka z'uko ikibazo nyamukuru kiba kitakemutse'.

Dr Nsanzimana yijeje ko icyo kibazo cy'ibiciro bitajyanye n'igihe n'igihe bari kugikoraho ku buryo mu minsi mike kizaba cyakemutse.

Ati 'Ibiciro nagira ngo mvuge ko mwakabaye mwarabigizemo uruhare niba bitarabaye bize gukorwa wenda muri ducye dusigaye. Ababikozeho turi kumwe twari twihaye ko bizaba birangiye mu gihe kitarenze icyumweru kimwe cyangwa bibiri. Mwaza kureba niba nta byibagiranye ariko [ayo ni yo] makuru mfite ava mu itsinda ryabikozeho'.

Dr Nsanzimana ku kibazo cy'amazi n'umuriro yavuze ko ari ikibazo mu bigo bya Leta no mu by'abikorera ariko ko na cyo kiri kuvugutirwa umuti.

Ati 'Iki kibazo kizweho ku nzego zose dutegereje umwanzuro wa nyuma w'ukuntu ibiciro by'amazi n'umuriro byagabanuka. Iki kiri mu bintu byihutirwa kibangamiye cyane cyane amavuriro n'amashuri, kizakemuka mu buryo bwihuse'.

Minisitiri w'Ubuzima kandi yavuze ko gukemura ikibazo cy'ibiciro biri hasi bizanakemura ikibazo cy'abakora mu bwishingizi bajya bivanga muri serivise z'ubuvuzi bagategeka abaganga ubwoko n'ingano y'imiti bagomba gutanga kandi bo batarize ubuvuzi atari n'inshingano zabo.

Dr Nsanzimana yijeje ko icyo kibazo cy'ibiciro bitajyanye n'igihe n'igihe bari kugikoraho ku buryo mu minsi mike kizaba cyakemutse

Hagaragajwe inzitizi ku mavuriro yigenga

Ntibanyendera usanzwe ari Umuyobozi w'Ikigo cya HVP Gatagara Ndera mu Karere ka Gasabo, yatangaje ko kuri iyi nshuro yizeye kuzabona amajwi akenewe kugira ngo yinjire mu Nteko ishinga Amategeko y'u Rwanda.

Yagaragaje ko kuri iyi nshuro yizeye kuzabona amajwi akenewe ngo yinjire mu Nteko ishinga Amategeko y'u Rwanda.

Ntibanyendera yagaragaje ko amajwi akenerwa ngo umukandida wigenga abone umwanya mu Nteko ishinga Amategeko ari menshi ariko yizera ko abanyarwanda bazamutora.

Yagize ati 'Amajwi asabwa umukandida wigenga ni menshi kuko angana n'asabwa ishyaka rifite abayoboke mu gihugu hose. Ubushize twasabaga ko yagabanyuka, ushyize mu mibare yoroshye usanga hiyamamaje abo mwita ngo ni abigenga benshi ni ukuvuga ngo hatorwa abadepite 20 gusa, harimo icyuho mu mibare ukurikije uko byabazwe.'

Yavuze ko nubwo ubwa mbere atahiriwe n'urugendo yizeye ko kuri iyi nshuro amahirwe ashobora kumusekera akinjira mu Nteko Ishinga Amategeko.

Ati 'Ubwa mbere ntabwo nagize amajwi akwiye, nakoze ibyo nagombaga gukora, nshaka abanshyigikiye ndabitanga biremerwa. Ibyari bisigaye ni urugendo rwanyu nk'abanyarwanda ubwo rero mwahisemo abayobozi mushaka ko babayobora kandi babayoboye neza. Ubu rero niteguye ntashidikanya ko ayo majwi nzayagira kuko imyumvire yarazumutse.'

Yagaragaje ko imbogamizi abakandida bigenga bakunze guhura nazo usanga harimo ijyanye n'imyumvire ikigaragara muri bamwe babona ko umukandida wigenga aba atavuga rumwe n'ubutegetsi nubwo bitandukanye n'ukuri.

Ntawunyendera yagaragaje ko yiteguye guhagararira Abanyarwanda mu nteko ishinga Amategeko akabatega amatwi, akabumva kandi akabavugira mu gihe kandidatire ye yaramuka yemejwe.

Ku rundi ruhande Umukandida wigenga ku mwanya w'Umudepite Nsanzimana Aristide, wo mu Karere ka Kirehe yagaragaje ko yizeye guhatana kugeza yinjiye mu Nteko Ishinga Amategeko y'u Rwanda nubwo ari ibintu bitoroshye.

Ati 'Ugendeye ku kigereranyo cy'amajwi angana na 5% basaba nshobora kuyagira, kuyarenza cyangwa kutayagira ariko byose biterwa n'uko kwiyamamaza byagenze. Iyo watangiye iyi nzira uba wifuza gutsinda. Icyifuzo cyanjye mba numva natsinda ariko hari n'ibyo gutora kw'abaturage bitewe n'icyizere bazangirira biteganya.'

Depite Uwumuremyi Marie Claire yagaragaje ko yifuza kongera gusubira mu Nteko Ishinga Amategeko y'u Rwanda mu rwego gukomeza kugira uruhare no gutanga umusanzu we mu nshingano zayo kandi yizeye ko azagirirwa icyizere.

Ati 'Buriya igihugu cyacu kimaze gutera intambwe, n'umugore ntiyasigaye inyuma ariko kuko ari urugendo rukomeza hari ibyo tumaze kugeraho byinshi dukeneye kubirinda no kubyongera uruhare rwacu nk'abagore ruhari. Ijwi ry'umugore rero ryaba rihari mu gihe naba mpari.'

Richard Kananga wifuza kwiyamamaza ku guhagararira abafite ubumuga mu Nteko Ishinga Amategeko yagaragaje ko azashyira imbere ibijyanye no guteza imbere uburezi budaheza no guharanira serivisi z'imibereho myiza ku bafite ubumuga.

Kuri uyu munsi wa Gatatu wo kwakira kandidatire ku bashaka kuba abakandida ku mwanya wa perezida cyangwa uw'Abadepite mu matora ateganyijwe muri Nyakanga 2024 hakiriwe abantu b'ingeri zinyuranye.

Komisiyo y'Igihugu y'Amatora yakiriye abantu batandukanye barimo abashaka kuba abakandida bigenga ku mwanya w'ubudepite, abakandida mu byiciro binyuranye by'aba iby'abagore, abafite ubumuga ndetse n'urubyiruko.

Ntibanyendera yatanze impapuro zisaba kuba umukandida

Nsanzimana Aristide yagaraje ko yabonye abantu barenga 600 bamusinyiye

Ikirango cya Ntibanyendera kizaba kigaragara kuri lisiti y’itora

Ubwo Dr Habineza Frank yageraga ku biro bya Komisiyo y’Igihugu y’Amatora

Abantu batandukanye bakomeje kugaragaza ubushake bwo kwinjira mu Nteko

Abakandida batanze ibyangombwa byabo

Buri wese atanga ibyangombwa bikazasuzumwa

Abashaka kuba abakandida depite bakomeje kujyana kandidatire zabo

Komisiyo y’Igihugu y’Amatora ikomeje kwakira kandidatire

Urubyiruko narwo rwifuza guhatana

Nyiramahirwe wo mu Karere ka Burera atanga kandidatire ye

Richard Kananga ushaka kuba umudepite uharariye abantu bafite ubumuga

AMAFOTO: Kwizera Herve