Blog

SKOL imaze kuba ubukombe mu Rwanda, yakoze ibirori by'agatangaza yamurikiyemo inziga yitwa 'Virunga Silver' hanatangizwa umurongo wo gushyira ku isoko izi nzoga z’abanyabirori.

Ibi birori byabaye mu ijoro ryakeye tariki ya 07 Kamena 2024 kuri Mundi Center, byitabiriwe n'abarenga 500, basogongera kuri iki cyo kunywa cy’akataraboneka cy’uruganda rwa SKOL.

Nta rungu ku bitabiriye kuko basusurukijwe n'abavanzi b'umuziki bo muri Afurika y’Epfo [DJs], Soul Nativz, bafatanije n’abo mu Rwanda ari bo DJ Sonia na DJ Fiston. Batumye abantu barushaho kwishimira iyi nzoga, babyina basabana.

Iki kinyobwa cya Virunga Silver cyakomeje kwirahirwa, dore ko gifite umwihariko wo kuba umwimerere ijana ku ijana – nta sukari yigeze yongerwamo. Gikozwe mu ruvange rwiswe 'Citra' bituma irushaho kumara icyaka no kwizihira abayisoma.

Ubu izi nzoga zose za Virunga zamaze kugera ku isoko, ikaziye imwe ikaba irimo amacupa 24 aho rimwe rimwe rifite sentilitiro 33. Igiciro cy’iyi nzoga ni 800 Frw.

Umuyobozi Mukuru wa Skol, Eric Gilson yagarutse ku budasa bw’iyi nzoga. Yagize ati: 'Iyi nzoga nshya ya Virunga Silver, ibumbatiye ubwiza bwacu bwo ku rwego rwo hejuru. Isobanuye umuhate dufite mu gukorera abakiliya bacu inzoga z’akataraboneka;

Ntewe ishema ko uru rugendo twarutangiye kandi nshimiye itsinda rigari rya Skol ku bw'iyi ntambwe yerekeza ahazaza. Dutewe icyubahiro no kuyibamurikira, biterekana gusa umurava mu gukora ibyiza ariko binerekana guhanga udushya no kumenya guhitiramo ibikwiriye abakiliya bacu.'

Umuyobozi ushinzwe Iyamamazabikorwa muri Skol, Marie Paule Niwemfura yagize ati: 'Kumurika Virunga Silver ni agahigo kadasanzwe, twifuje gukora ibirori byo kubamurikira Virunga Silver kandi twishimiye uko mwayakiriye.'

Iki kinyobwa ni icy’abanyabirori nk’uko byagarutsweho. Ibikorwa byo kwamamaza Virunga Silver bizakomeza mu nguni zitandukanye z'igihugu.

Virunga Silver yitezweho guhindura ibihe by'ibirori abantu bari kwinjiramo muri iyi mpeshyi 'Summer'. Ku bindi birambuye washaka kumenya kuri iyi nzoga, wabasura kuri Instagram aho bitwa: @virungabeverages.

Ibinyobwa bya Virunga bifite umwihariko wo kuba byihariye kandi bikananyura ababisomyeho. Ibirori byo kumurika iyi nzoga nshya y’uruganda rwa SKOL, byashimangiye umwihariko n'ubudasa bw'ikinyobwa n'uburyo gifasha abantu kwizihirwa no gusabana.

Virunga Silver yasangiwe hanerekanwa Virunga Gold na Virunga Mist zimwe mu nzoga zihariye mu birango byazo bishyaVirunga Silver yamaze kugera ku isoko yamuritswe mu birori by’agatangaza isogongerwa n’abanyabiroriByari ibyishimo ku buyobozi bwa Skol ubwo hamurikwaga Virunga Silver inzoga ifite umwihariko Abasogongeye iki kinyobwa bemeje ko ari icy’ibirori kandi kigafasha abantu kwidagadura no gusabana Umuyobozi Mukuru wa Skol yavuze ko iki kinyobwa cyerekana umuhate iki kigo gifite mu gukora ibinyobwa byihariye ku isokoHari abavanzi b’umuziki mu ngeri zitandukanye harimo n’abavuye mu gihugu cy’Afurika y’EpfoByari bishyushye ku mugoroba muri Mundi Center ahahuriye abakunzi ba Skol berekwa inzoga nshya za Virunga by’umwihariko iyitiriwe ifeza [Silver]DJ Sonia, DJ Fiston bari mu batanze ibyishimo mu gihe mu bitabiriye harimo DJ Pius na DJ Toxxyk

KANDA HANO UREBE AMAFOTO YOSE

AMAFOTO: NGABO SERGE-INYARWANDA.COM

Iyi ndirimbo yagiye hanze kuri uyu wa Gatandatu tariki 8 Kamena 2024, ishyirwa kuri shene ya Youtube y'Umuvugizi Wungirije wa Guverinoma y'u Rwanda, Alain Mukuralinda [Alain Muku] kubera uruhare yagize mu ikorwa ry'iyi ndirimbo.

'Contre Succès' yabaye ibendera ry'umuziki wa Dr Claude, yaba mu Rwanda ndetse no mu Burundi. Yumvikanye mu bitangazamakuru bitandukanye, bituma uyu muhanzi abona ibiraka byo kwamamaza, kuririmba mu bitaramo bikomeye n'ibindi.

Mu kiganiro cyihariye na InyaRwanda, Dr Claude yavuze ko gusubiramo iyi ndirimbo akayihuza n'ibikorwa Perezida Kagame yagejeje ku Banyarwanda, yashingiye ku rukundo amukunda no kuba yarahaniye ko u Rwanda rugira ijambo mu mahanga.

Uyu muhanzi wamamaye mu ndirimbo zirimo 'Igikara', avuga ko se yitabye Imana 1992 ubwo yari afite imyaka 14 y'amavuko, avuga ko kuva icyo Perezida Kagame yamubereye umubyeyi, biri no mu mpamvu zatumye avugurura indirimbo ye.

Ati 'Impamvu nasubiyemo iyi ndirimbo ni ukubera y'uko Nyakubahwa Perezida Paul Kagame ari umubyeyi wacu, ni umubyeyi w'Abanyarwanda bose. Njyewe ni Papa wanjye, ndabikubwiye. 

Nta muntu wamfashije mu buzima bwanjye nkawe, kuko Papa wanjye bwite yapfuye mfite imyaka 14 hari mu 1992, rero nyuma y'itabaruka ry'umubyeyi wanjye, nabonye undi mubyeyi ariwe Nyakubahwa Perezida Kagame. Mama wanjye wamfashije ni Nyakubahwa Jeannette Kagame.'

Dr Claude yavuze ko yasubiyemo iyi ndirimbo anashingiye ku bikorwa byivugira Perezida Kagame yagejeje ku banyarwanda. Ati 'Ibintu yagejeje ku Banyarwanda, ni ibintu bikomeye cyane, ubu ngubu umunyarwanda afite agaciro ahantu hose ku isi hose, nanjye ubwanjye iyo ngiye hanze abantu bampa agaciro, narabibonye […]'

Uyu muhanzi yavuze ko ari umuhamya w'ibikorwa Perezida Kagame yageje ku Banyarwanda, kuko nawe byamugezeho. Avuga ko Umukuru w'Igihugu ari umubyeyi we mu buryo bwihariye, biri no mu mpamvu yakoze mu nganzo akandika iyi ndirimbo.

Iyi ndirimbo 'Contre Succès' yagiye hanze bwa mbere mu 2007, bivuze ko imyaka irenze 17 iri ku isoko. Mu kuyivugurura yagaragaje amashusho yafashwe mu bihe bitandukanye, agaragaza bimwe mu bikorwa Perezida Kagame yagejeje ku Banyarwanda.

Anagaragaza amashusho yerekana Perezida Kagame ari mu bikorwa byo kwiyamamaza mu matora yo mu 2017. Hari aho aririmba agira ati 'Bamwe bakubwira ngo bazarusenya, abandi bakakubwira ngo bazamuvanaho, abo bose bakubwira ibyo barebe bavuge, dore umugore yahawe agaciro, uburinganire bwashinze imizi […] Kagame Paul aradukunda, tureke kumva ibyo bavuga, ibyo byose ni amashyari, abo bose ni aba 'Contre Succès'.

Anagaruka kuri gahunda zirimo Uburezi bwagejejwe kuri bose, gahunda ya Gira Inka, guhanga udushya n'ubushakashatsi, ubwisungane mu kwivuza n'ibindi.

Anavuga ku ikoranabuhanga mu buhinzi n'ubworozi, kubungabunga ibidukikije, ubumwe, kurinda ibyagezweho, umutekano, imiyoborere yahaye ijambo buri wese n'ibindi.

Dr Claude yavuguruye indirimbo ye yamamaye mu 2007 yise 'Contre Succès' ayihuza n'ibigwi bya Perezida Kagame

Claude yavuze ko yaririmbye ibyo Perezida Kagame yagejeje ku banyarwanda 'kubera ko yambereye umubyeyi' 

Ababyinnyi barimo Titi Brown na Jojo Breezy bifashishijwe muri iyi ndirimbo igaruka kuri Perezida Kagame 

Dr Claude yavuze ko Perezida Kagame yahesheje agaciro Abanyarwanda mu mahanga

 

KANDAHANO UREBE AMASHUSHO Y'INDIRIMBO 'CONTRE SUCCES' YA DR CLAUDE

“>

Alliah Cool na Irakoze Ariane mu bakinnyi ba filime barahiriye kuba abanyamuryango b’Umuryango FPR Inkotanyi.

Ni igikorwa cyabaye ku mugoroba w’ejo hashize ku wa Gatanu tariki ya 7 Kamena 2024.

Urubyiruko rwarahiye rwiganjemo ibyamamare ndetse n’abandi bantu bazwi cyane ku mbuga nkoranyambaga nk’uko bigaragara mu mashusho Ishimwe Jean Aime uzwi nka No Brainer yasangije abamukurikira kuri Twitter.

FPR Inkotanyi yungutse abanyamuryango bashya barimo Alliah Cool, Irakoze Ariane Vanessa, Keza Ange Noella [Maddie Noella], Ishimwe Jean Aime [No Brainer], Kubwimana Dominique uzwi nka Kemnique cyangwa ‘Uri inde wiyemera’.

Nishimiye kuba Umunyamuryango wa @rpfinkotanyi .

Nakiriwe neza kandi ndashima Ko Twakiriwe neza mu muryango .

Murebye neza na @kemnique yarahiye. ✊ pic.twitter.com/gaUmeIpkDH

— NO_BRAINER🇷🇼 (@kanisekere) June 7, 2024

Alliah Cool mu barahiriye kuba abanyamuryango wa FPR Inkotanyi

Umuraperi Zeotrap yasabye abantu bose bashyize indirimbo ye ‘Sinabyaye’ kuri YouTube kuyisiba kuko na we yayisibye abisabwe n’Urwego rw’Igihugu rw’Ubugezacyaha (RIB), batabikora bagakurikiranwa n’amategeko.

Ni indirimbo yumvikanamo amagambo akomeye y’ibitutsi, yibasira abahanzi bagenzi be bakora ‘Trapish’ barimo Ish Kevin.

Nyuma yo gusohora iyi ndirimbo yaje gutumizwaho n’Urwego rw’Igihugu rw’Ubugezacyaha, ruramuganirza ubundi baramureka arataha.

Nyuma nibwo yafashe umwanzuro wo gusiba iyi ndirimbo ayikura kuri Shene ye ya YouTube.

Akiyikuraho yahise atanga gasopo ko we yayikuyeho ariko umuntu uyisubizaho ari bubihanirwe n’amategeko.

Ati “Njye ubwanjye nakuye igihangano cy’indirimbo ‘Sinabyaye’ kuri YouTube, , uwongera kugisubizaho atabifitiye uburenganzira arahanwa n’amategeko.”

Asibye iyi ndirimbo ndetse atangira gukurikiranwa nyuma y’ubutumwa Urwego rw’Igihugu rw’Ubugenzacyaha ruherutse kugenera abahanzi bakora ibihangano byuzuyemo ibitutsi n’amagambo y’urukozasoni.

View this post on Instagram

A post shared by STREET GOAT 🐐 (@zeotrap)

Zeotrap yatanze gasopo ku bantu basubiza indirimbo ye ‘Sinabyaye’ kuri YouTube

Niyosenga Joseline wamenyekanye nka Jojo muri Sinema Nyarwanda, yavuze ko amajwi aheruka kujya hanze y’umukobwa avuga uko yasambanye akamwitirirwa atari we, bamwibeshyeho.

Hamaze iminsi hanze amajwi y’umukobwa yashyizweho ifoto ya Jojo, uyu mukobwa aba yigamba uburyo yaryamanye n’umugabo nyuma ajya muru bus ahurirayo n’undi musore na we biba uko.

Mu kiganiro yahaye ikinyamakuru ISIMBI, Jojo yavuze ko ayo majwi atari we ahubwo umuntu yafashe ifoto ye ayihuza n’ayo majwi ariko akaba atari we.

Ati 'hari abantu babyitiranyije ko ari njye ariko si njye. Mbimenya ntabwo uriya muntu namukurikiraga kuri Tik Toko nubwo mbaho, nabimenye barimo kunyoherereza ariya majwi, bambwira ngo ibi ko ari amahano wakoze ni ibiki? Mbyumvise numvise amajwi y’uwo muntu nanjye bitandukanye, ngerageza gusobanurira abantu bamwe na bamwe ariko ntibibuza ko abantu bamwe na bamwe bacyumva ko ari njyewe.'

'Umuntu wese wumvise ariya majwi, ntabwo ari njyewe, ntabwo ari Jojo, ni abantu bafashe amajwi y’ibishegu cyangwa amajwi arimo ibintu by’urukozasoni, bakoresha ifoto yanjye ariko iriya foto n’ijwi, ni abantu babiri batandukanye.'

Yavuze ko ayo majwi yamubabaje aho yibajije impamvu umuntu wabikoze yahisemo gukoresha ifoto ye kandi abizi neza ko atari we, gusa ngo ubu byarashize.

Jojo yamenyekanye muri filime zitandukanye nka 'Umuturanyi’ ya Clapton Kibonke, 'The Messege’ na ‘My Heart’ za Nyambo n’izindi, ubu arimo gusohora iye bwite yise 'Impeta’.

Jojo yavuze ko amajwi bumvise atari aye

Ni kaminuza zirimo nka Massachusetts Institute of Technology, MIT, yo muri Leta Zunze Ubumwe za Amerika ndetse na Cambridge yo mu Bwongereza, akarusho kakaba ko abari kuyigamo ari abakobwa.

Ni amarushanwa akorwa n'abari mu mashuri yisumbuye UR yatangije mu buryo bwo gukundisha abantu Imibare, by'umwihariko abakobwa.

Hari hagamijwe gukuraho imyumvire ishaje y'uko imibare ikomera cyangwa ntacyo imaze n'ibindi bicantege nk'ibyo.

Ahera ku rwego rw'akarere, abatsinze bagakomereza mu ntara, batsinda bagahatana ku rwego rw'igihugu.

Abahize abandi bakomereza mu Karere, abatsinze bakajya guhatana ku rwego rw'Afurika, hanyuma abahikuye bagahatana ku rwego rw'Isi.

Muri aya marushanwa abanyeshuri bahabwa ibizamini byujuje amategeko mpuzamahanga biba byateguwe n'intiti muri iri somo.

Umuyobozi w'Ishuri rya Siyansi, Koleji ya UR y'Ubumenyi n'Ikoranabuhanga, akaba umuhanga mu mibare, Prof Denis Ndanguza, yavuze ko muri izo nzego abana b'u Rwanda bakomeje kugaragaza ubudasa.

Hari mu muhango wo guhemba abana 23 bitwaye neza mu mibare mu byiciro bitandukanye babarizwamo.

Ati 'Kwitwara neza kw'abo banyeshuri byatumye hari ababyungukiramo babona buruse muri MIT no muri Cambridge. Akarushyo kakaba ko ari n'abakobwa. Urumva ko imibare iri gukundwa cyane bitandukanye na mbere.'

Abatsinze ku rwego rw'igihugu UR ifatanya n'abafatanyabikorwa batandukanye barimo nk'Ikigo Nyafurika Gishinzwe Guteza Imbere Ubumenyi Bushingiye ku Mibare (AIMS), kikabatoza ku marushanwa azakurikiraho.

Prof Ndanguza yavuze ko mbere “Abakobwa bavugaga ko imibare ari iy'abahungu, basaza babo bakavuga ko iyo urangije iri somo usarara, ko ntacyo imaze, intekerezo dushaka kurandura.”

Ati “Abana b'abakobwa batinyaga imibare. Byahereye ku bwacu ugasanga mu ishuri ry'abana 20 abakobwa ugasanga ni batanu, ukabona ko mu masiyansi abana bataboneka. Niyo mpamvu twafashe icyemezo cyo guhera mu yisumbuye ngo tuzamure uwo muco.”

Uyu munsi UR ifite amasomo y'imibare ari ugutatu, arimo azwi nka 'Mathématique Appliquée,' Imibare isanzwe n'ay'ayibarurishamibare.

Buri somo riba rikenewemo byibuze abantu 40, Prof akavuga ko ubu bose babonetse nyamara mu minsi yashize kubabona byari intambara.

Yavuze ko n'abakobwa batasigaye kuko ubu bamaze kugera kuri 45% muri buri somo, imibare yazamutse cyane kuko 'njye nize Imibare i Butare dufite umukobwa umwe gusa.'

Yavuze ko ari nako byari bimeze ku barimu ubwo yazaha kwigisha muri Kaminuza y'u Rwanda mu myaka yashize aho nta mwarimu w'umugore wigisha Imibare bari bafite ariko ubu 'dufite batanu bafite PhD mu Mibare.'

Yasabye abana gutinyuka Imibare agaragaza ko izo ngero zose ari zimwe mu zigaragaza ko ibintu bishoboka, bakareka imyumvire yo kumva ko imibare ikomera 'kuko n'ejo bundi tugiye gutanga akazi twashakaga abatsinze ku manota ya mbere, abakobwa babiri ni bo begukanye uwo mwanya.'

Abahembwe kuri iyi nshuro barimo 17 bo mu cyiciro cya kabiri cy'amashuri yisumbuye, barindwi bo mu cyiciro usange, na batanu bitwaye neza mu marushanwa y'Akarere yabereye i Nairobi.

Amarushanwa y’Imibare yatangijwe na UR ku bana bo mu mashuri yisumbuye akomeje gutanga umusaruro

Muri abo bantu, 21% gusa nibo bakoresha serivisi z'imari mu bigo byanditse (formal), mu gihe abakoresha banki by'umwihariko bari 14% gusa, aho ari bo bari bafite konti muri banki ndetse banagera kuri serivisi z'imari.

Iyi mibare yari hasi cyane, kandi ntabwo bishoboka ko wateza imbere igihugu abantu badakoresha ibigo by'imari, kuko ari byo bituma bizigamira bakazakora ishoramari rirambye, ari nako bashobora kubona inguzanyo ituma bashyira mu bikorwa imishinga ibazamura, ikanazamura igihugu binyuze mu guhanga imirimo no gutanga imisoro.

Niyo mpamvu Leta yashyizeho ingamba zidasanzwe zigamije kuzamura umubare w'abakoresha serivisi z'imari mu Rwanda, dore ko igihugu cyari mu rugendo rukiganisha kuri Vision 2020.

Ku ikubitiro, hagombaga kubanza gukemurwa ibibazo bituma abantu badakoresha serivisi z'imari, nk'uko byagarutsweho na Ivan Murenzi, Umuyobozi Mukuru Wungirije w'Ikigo cy'Ibarurishamibare (NISR), Ivan Murenzi.

Mu kiganiro kigaruka ku kugeza serivisi z'imari kuri bose, cyatangiwe mu Nama igaruka ku ruhare rwa banki nkuru z'ibihugu mu iterambere rirambye, Murenzi yavuze ko u Rwanda rumaze kubona imibare iri hasi cyane y'abakoresha serivisi z'imari, rwihutiwe kumenya impamvu.

Ati 'Ibibazo byari ukugera kuri serivisi z'imari, kumenya serivisi z'imari ndetse n'ubuke bwa serivisi z'imari.'

Yavuze ko serivisi z'imari ari ingenzi cyane mu buzima bwa muntu, ati 'nk'uko mubizi kugera kuri serivisi z'imari ni ikintu cy'ingenzi mu iterambere ry'ubukungu. Twabigereranya no kwiga, kubona amazi n'umuriro w'amashanyarazi.'

Ibi byatumye inzego zose bireba zihaguruka zishakisha igisubizo, kwegereza abaturage serivisi z'imari bigaragara nk'ingingo y'ingenzi, ari nabwo gahunda y'Umurenge SACCO yatangira gushyirwamo imbaraga.

Ati [Binyuze] mu Murenge SACCO, twashoboye kugeza ikigo cy'imari muri buri murenge w'u Rwanda, aho 90% by'abantu bakuru, bashobora kubona serivisi z'imari batarenze ibilometero bitanu [uvuye aho batuye].'

Ibi byabaye imbarutso yo kuzamura abakoresha serivisi z'imari ku buryo mu bushakashatsi bwa Finscope mu 2020, byagaragaye ko abakoresha serivisi z'imari mu Rwanda bageze kuri 93%, abagera kuri 77% bagakoresha uburyo bwanditse (formal) mu gihe abakoresha serivisi za banki bavuye kuri 16% bakagera kuri 36% by'abantu bakuru mu gihugu, ni ukuvuga kuva ku bantu hafi ibihumbi 500 ukagera ku bantu hafi miliyoni eshatu.

Mu bushakashatsi bwa Finscope 2024 buri hafi kujya hanze, Murenzi yirinze kuvuga umubare w'abakoresha serivisi z'imari, gusa avuga ko “uri hejuru cyane bishimishije.'

Yanatanze icyizere cy'uko mu myaka 10 iri imbere, umubare w'abakoresha serivisi z'imari uzakomeza kwiyongera 'abizigamira by'igihe kirekire bakiyongera n'abakoresha serivisi z'ubwishingizi nabo bazazamuka,' ikintu avuga ko kizagira ingaruka nziza cyane ku rwego rw'imari mu Rwanda.

Umuyobozi Mukuru Wungirije w'Ikigo cy'Ibarurishamibare, Ivan Murenzi, yavuze ko u Rwanda rwateye intambwe ishimiishije mu kuzamura umubare w’abakoresha serivisi z’imari

Guverineri wa Banki Nkuru ya Cambodia, Rath Sovannorak, ni umwe mu batanze ikiganiro

Umuyobozi Mukuru wa Reserve Bank of India Innovation hub, RaJesh Ranjan, ni umwe mu batanze ikiganiro

Amafoto: Kwizera Moses

Ni inkuru zigaragaza ko mu Rwanda byacitse, ko ntawe uvuga n'ubigerageje yicwa, agafungwa cyangwa agatotezwa.

Nubwo bimeze gutyo, raporo z'ibigo bitandukanye zigaragaza ko uko iminsi ishira ibinyamakuru bigenda bivuka umunsi ku munsi, imbuga nkoranyambaga zikarushaho kuvuka kandi abazikoresha nabo bakiyongera.

U Rwanda ruri mu bihugu bya mbere bya Afurika rufite internet ya 4G igera hose mu gihugu ndetse ikaba ihendutse ugereranyije n'ibindi bihugu, wongeyeho no kwihuta.

Kalinijabo Jean de Dieu ni umunyamakuru umaze imyaka 14, yakoze mu bitangazamakuru bitandukanye birimo TV1 ndetse kuri ubu arikorera ku muyoboro wa Youtube witwa Primo Media Rwanda.

Ati 'Mu kuvuga ko buhari, mbishingira ku kuba muri icyo gihe maze nkora umwuga wanjye nta muntu uranziza ko nkora uwo mwuga. Nagiye mpura na benshi, nagiye ntangaza amakosa ya benshi byaba mu nzego z'ubutegetsi, ubutabera ndetse n'inzego nyubahirizamategeko. Nta n'umwe wigeze ampamagaza ambwira ibi n'ibi.'

Icyakora Kalinijabo yagaragaje ko nubwo hari ubwisanzure, hari ubwo umuntu ku giti cye ashobora kubona umunyamakuru yatangaje ibintu runaka akaba yamuhamagaza ari nta kindi ashingiyeho gusa ko bitaba ari umurongo igihugu cyashyizeho.

Yakomeje ati 'Ibyo nabyo byahawe umurongo aho kugira ngo uwo muntu aguhamagare cyangwa akore ikindi kintu cyangwa agutere ubwoba, bashobora kwitabaza urwego rw'abanyamakuru bigenzura bakaba babahuza bigakemuka cyangwa byananirana mukaba mwagana izindi nzego nk'inkiko.'

Umunyamakuru wa Kigali Today, Kagire Edmund, umaze imyaka 18 akora umwuga w'itangazamakuru mu binyamakuru binyuranye, yagaragaje ko aho u Rwanda ruhagaze uyu munsi mu bwisanzure bw'itangazamakuru ari heza.

Ati 'Twebwe abarikora nitwe tuzi aho dukorera, n'ibyo bibazo bakavuze nitwe twakabaye duhura nabyo. Maze gukorera ibitangazamakuru birenga bitanu birimo n'ibyo hanze kandi mu myaka yose ndikoze, nanditse ibyo nshaka. Nta kibazo umuntu yigeze ahura nabyo.'

Yongeyeho ati 'Nibwira ko umuntu wese umaze imyaka mu itangazamakuru ry'u Rwanda yewe n'uwaryinjiramo uyu munsi, yarakuze yumva amakuru uzi ibyo igihugu cyanyuzemo, ubwisanzure bwose aba abufite.'

Kagire yagaragaje ko ubwisanzure mu Rwanda buhari kuko usanga nk'abantu kuri YouTube no ku zindi mbuga nkoranyambaga, usanga batanga ibitekerezo byabo ntacyo bikanga.

Ati 'Ese ubwisanzure bashaka ni ubuhe? Ko hari n'abagera aho batukana ngira ngo turabibona muri iyi minsi, abavuga iby'urukozasoni n'ibindi. Ubwisanzure rero burahari ahubwo biterwa n'ubuvuga n'icyo abupimisha.'

Umuyobozi w'Ikinyamakuru Intego, Uwizeyimana Marie Louise, yavuze ko umunyamakuru ukorera mu Rwanda agomba no kuzirikana amateka y'igihugu.

Ati 'Umunyamakuru aba agomba kwisanzura, ukisanzura bigendanye n'amateka, igihugu ukoreramo n'ubwisanzure mu baturage cyangwa umuco wabo. Njyewe ngerageza guhuza ibyo byose ngo mbone ubwisanzure kandi ndisanzura. Ntabwo numva ngo ndisanzura ngire ikindi kintu mputaza cyangwa ngo nitwaze ko ndi umunyamakuru ngire ikindi nica.'

Ku rundi ruhande Rwanyange Rene Anthère washinze ikinyamakuru cyandika cya Panorama, yagaragaje ko bitewe n'amateka u Rwanda rwanyuzemo kwisanzura mu byo utangaza bigomba gushingira ku bimenyetso by'inkuru umunyamakuru atangaza.

Ubwisanzure bw'itangazamakuru mu kuri no muri raporo

Ubu bushakashatsi ku gipimo cy'imiterere y'itangazamakuru mu Rwanda, Rwanda Media Barometer bwo mu 2021 bugaragaza ko ubwisanzure bw'itangazamakuru buri ku gipimo cya 93.7% mu gihe ubwo gutanga ibitekerezo bwari kuri 86.4%.

Kuba itangazamakuru ryo mu Rwanda rigena umurongo rikoreramo n'ibyo ritangaza kimwe no gufungura ibinyamakuru byari kuri 87,3%; itangazamakuru nk'umuyoboro ufasha mu miyoborere myiza na demokarasi biri kuri 85%; iterambere ry'itangazamakuru n'ubushobozi bwaryo mu bunyamwuga biri kuri 62,4%.

Umunyamabanga Mukuru w'Urwego rw'Abanyamakuru Bigenzura (RMC), Emmanuel Mugisha, yagaragaje ko ubwisanzure bw'itangazamakuru mu Rwanda buhabwa agaciro cyane ko butangwa n'itegeko Nshinga.

Ati 'Hari kuba bamwe bashobora kwizigama ku gutanga ubwisanzure cyane ko ihame ry'ubwisanzure rifite inyingo zivuga ko utakoresha uko kwisanzura mu guhungabanya izindi nyungu abantu bose bahuriyeho, inyungu rusange, umudendezo, umutekano w'Igihugu no kutavogera ubuzima bwite bw'abandi.'

Mugisha yagaragaje kuba umuntu ari umunyamakuru bitamukuraho ubumuntu bityo ko atakoresha ubwo bwisanzure ngo akore ibyaha biteganywa n'amategeko.

Yagaragaje ko abanenga u Rwanda bari bakwiye kubikora kinyamwuga bakandika inkuru zifite ireme mu bwisanzure bwabo kandi zirimo ibimenyetso kuko byaha igihugu umukoro ku bitagenda neza, bitandukanye n'abagize 'Rwanda Classified' bavuze byinshi bidafitiwe ibimenyetso.

Ikindi ni uko itangazamakuru ry'umwuga ridakwiriye kubogama, nyamara abakoze izo nkuru bakaba barahaye urubuga abasanzwe bazwiho guharabika u Rwanda.

Edmund Kagire ukorera Kigali Today yagaragaje ko bisanzuye cyane

Umunyamabanga Mukuru wa RMC, Mugisha Emmanuel yemeza ko itangazamakuru ari umuyoboro ukomeye mu bukungu bw’igihugu kandi ko ubwisanzure bwaryo bwuhahwa

Umunyamakuru Kalinijabo Jean de Dieu atangurwa n’abavuga ko abanyamakuru mu Rwanda batisanzuye

Umunyamakuru wa Panorama, Rwanyange Rene Anthere ashimangira ko kwisanzura bigendana n’ibimenyetso bifatika

Uwizeyimana Marie Louise yemeza ko igihe amaze mu itangazamakuru yisanzuye

Bibumbiye mu itsinda “Speacial Team”, Inkoramutima za Rayon Sports ziyobowe na perezida wa yo, Uwayezu Jean Fidele baraye bakoze inama nyunguranabitekerezo yagarukaga ku hazaza h’iyi kipe, gusa bamwe banze kwitabira ubutumire.

Ni inama yabaye kumugoroba w’ejo hashize ku wa Gatanu tariki ya 7 Kamena 2024 kuri Grazia Apartment.

Yitabiriwe na benshi basanzwe bazwi ko bahora hafi y’iyi kipe nka Munyakazi Sadate wayibereye umuyobozi kuva 20219-2020, Furaha Jean Marie Vianney, Muhirwa Prosper n’abandi.

Muri iyi nama nyunguranabitekerezo hanabayeho umusangiro, ubuyobozi bwa Rayon Sports bwari bwatumiye abakunzi ba yo bagera kuri 40 ariko hakaba habonetse 22 gusa.

Uwayezi Jean Fidele yavuze ko hari abagombaga kuza ariko batabonetse. Ati “ndabashimira ko mwitabiriye, hari abandi bakiri mu nzira kubera ’embouteillage’, hari abandi bari bifuje ko twaba turi kumwe, batabonetse.”

Amakuru avuga ko mu bari bahawe ubutumire harimo n’abahoze bayobora Rayon Sports nka Muvunyi Paul, Gacinya Chance Denis n’abandi.

Mu rwego rwo kwitegura neza umwaka utaha w’imikino, izi nkoramutima za Rayon Sports zikaba zakusanyije agera kuri miliyoni 48 azifashishwa mu kugura abakinnyi.

Gacinya na Muvunyi ni bamwe mu batumiwe ariko ntibaza

Uwayezu Jean Fidele yatumiye bamwe mu bakunzi ba Rayon Sports ntibaza