Blog

Umubare w'Abaturarwanda ugizwe n'abarenga 65,3% bari mu cyiciro cy'urubyiruko by'umwihariko abari munsi y'imyaka 30, benshi barubonamo icyizere cyo gukomeza intambwe y'iterambere igihugu kigezeho.

Ibi nibyo Umunyamabanga Mukuru w'Umuryango FPR-Inkotanyi, Gasamagera Wellars, ashingiraho agaragaza ko rukomeje gushyigikirwa rwageza igihugu ku iterambere.

Mu butumwa bwanyujijwe ku mbuga nkoranyambaga za FPR -Inkotanyi, yavuze ko 'urubyiruko rw'u Rwanda muri rusange rufite umusanzu ukomeye cyane mu iterambere ry'Igihugu. Icya mbere ni wa mubare munini wabo, dukwiye kuwushingiraho kugira ngo rurusheho koko gutanga wa musanzu.'

'Si ukugira umubare munini gusa, ni ukuwugira kandi ushoboye. Ubwo rero igice cy'Abanyarwanda tubatezeho byinshi, cyane cyane ubwabo kuko barabyumva […]. Izi mbaraga zose n'ubushobozi zikwiye gushyirwa imbere kandi bagira icyo bagezaho igihugu kurenza abakuru kuko turagenda tuvamo.'

Muri Mutarama uyu mwaka nibwo Minisiteri y'Urubyiruko n'Iterambere ry'Ubuhanzi yagaragaje ko yifuza ko mu guhangana n'ikibazo cy'ubushomeri, hakwiye kubaho imishinga iha umwanya urubyiruko binyuze muri za Minisiteri.

Mu gutegura urubyiruko kandi hashyirwa imbaraga mu kuzamura umubare w'abanyeshuri biga amashuri y'imyuga n'ubumenyingiro.

Binyuze muri izo gahunda zitandukanye zagenewe urubyiruko harimo no guhanga udushya, kuva mu 2018 hahanzwe imirimo 1.374.214.

Umunyamabanga Mukuru w'Umuryango FPR-Inkotanyi, Gasamagera Wellars, asanga urubyiruko rushyigikiwe rwashingirwaho iterambere ry’igihugu

Aya madosiye yakozweho iperereza kuva mu 2019 kugeza mu 2024, amadosiye 35 yari ay'abatunze gerenade, andi 34 bari batunze amasasu, amadosiye 12 bari batunze ububiko bw'amasasu (magazine), na ho amadosiye 10 yerekeye abari bafite imbunda.

Umuvugizi wa RIB Dr Murangira B. Thierry ubwo yari mu kiganiro Dusangire Ijambo cya RBA, yagaragaje ko izo mbunda wasangaga ari izo bihambiriyeho 'ugasanga zimwe zishaje'

Ati 'Nk'abo baba bagitunze amasasu bakurikiranyweho ibyaha harimo ababa bagifite ya myumvire ngo yo gutunga isasu cyangwa se kurigendana bitanga ubwirinzi, iby'imyuka mibi […] hariho n'utambuka hariya wamusaka ugasanga afite isasu rimwe, wamubaza ngo iri sasu uritungiye iki? Ngo oya ni ubwirinzi mu by'imyuka mibi ngo nta myuka mibi yantera kuko mfite isasu, rivamo umuriro, ukumva ni imyumvire abantu bari bakwiye kureka bagasubiza izo ntwaro.'

RIB igaragaza ko intwaro ziboneka mu gihugu zifitanye isano n'urugamba rwo kubohora igihugu n'intambara y'abacengezi yakurikiyeho mu 1997 kugeza mu 2000.

Hari intwaro zirimo imbunda, amasanduku y'amasasu, gerenade n'imbunda ziganjemo AK 47 zitahurwa aho zitabye.

Umuvugizi wa Polisi y'u Rwanda, ACP Boniface Rutikanga yatangaje ko umuntu ugifite intwaro mu buryo butemewe n'amategeko n'uzi aho ziri yazimenyekanisha ku bushake, byaba ari ibiturika akamenyesha inzego z'umutekano zikaza kubihakura bitagize ubuzima bwangiza.

Yavuze ko iyo intwaro itanzwe ku bushake hakorwa iperereza hakarebwa niba iyo ntwaro nta byaha yakoreshejwe, byaba bihari bikaryozwa nyirayo.

Kuva mu 2019 kugeza mu 2024 nta cyaha cyifashishijwe intwaro nk'ubujura n'ubwicanyi byagaragaye mu Rwanda.

Mu gikorwa cyatewe inkunga na Skol, abakora umuziki mu Rwanda biganjemo abacuranzi bamenyerewe mu bitaramo byagutse bagiye guhurira mu gitaramo kizabera mu Imbuga Car Freezone.

Paco uri mu bari gutegura iki gikorwa mu kiganiro n'itangazamakuru yagize ati'Twaguye nka Vanginganzo CBC ishyirahamwe ry'abacuranzi bacuranga muri Hoteli, Bar no mu birori bitandukanye.'

Yavuze kandi ko ari ibyo kwishimirwa kugeza ubu ko bizihiza uyu munsi mpuzamahanga w'umuziki buri gihe hari intambwe imaze guterwa.

Iki gikorwa kizatangira ku isaha ya saa Cyenda.

Mu bazataramira abazitabira harimo Orchestre Impala, Makanyaga, Orchestre les Fellows, Les Ambassadeurs de la Rhumba, Dauphin Band, El Pedro na Paco XL Band.

Band zinyuranye n’abahanzi bamenyerewe mu kuririmba mu buryo bwa Live bazatarama ku munsi mpuzamahanga w’umuzikiUmunyabigwi mu muziki Makanyaga Abdul ari mu bazataramira abazitabira umunsi mpuzamahanga w’umuziki

Ni urugendo bakoze kuri uyu wa Gatandatu tariki ya 15 Kamena 2024, aho basuye icyiciro cya mbere n'icya kabiri cy'umuhora wo kubohora igihugu uherereye mu Karere ka Nyagatare, kuva Kagitumba kugera Tabagwe ahari indaki Paul Kagame wari uyoboye urugamba.

Ibi bice bigizwe no gusura umupaka wa Kagitumba, agasozi ka Nyabwishongwezi ari naho Maj Gen Fred Gisa Rwigema yarasiwe ndetse no gusura igice kibarizwamo agasantimetero n'indake Perezida Kagame yabagamo.

Nyuma yo gusura ibi bice, urubyiruko rwo mu Murenge wa Nyakariro n'abandi baturage bahagarariye abandi, bavuze ko bahakuye amasomo n'umukoro bigiye kubafasha guteza imbere igihugu kurusha uko babikoraga.

Iradukunda Jeanne uri mu rubyiruko rwitabiriye uru rugendo, yavuze ko yahungukiye ibintu byinshi birimo ko kuba umukorerabushake ari ibintu byatangiye kera kandi ko n'Inkotanyi bari abakorerabushake kuko baranzwe n'ubwitange.

Ati 'Nabonye ko kuba umukorerabushake byatangiye kera ubwo Inkotanyi zafataga umwanzuro wo kuza kubohora igihugu cyacu kandi ari abantu bake. Ntibakoreraga igihembo, ntabyo kurya, ntabyo kunywa ahubwo ari uguharanira ko buri Munyarwanda agira umutekano usesuye. Ndabizeza ko nyuma yo kubona imbaraga bakoresheje, amahoro baharaniye natwe tugiye kuyasigasira.'

Mugiraneza Jean Nepo we yavuze ko yahungukiye ishyaka ryo gukunda igihugu kurushaho, nyuma yo kumenya uko Inkotanyi zagize ishyaka ryo kubohora Abanyarwanda kubera ibibazo birimo ivangura ryari imbere mu gihugu.

Ati ' Ubu abaturage ba Nyakariro ikintu banyitegaho nk'urubyiruko harimo kuba imbere mu bijyanye n'ubumwe n'ubwiyunge kuko buzadufasha mu gukomeza kubaka igihugu cyiza. Ikindi ubu twaje hano duhagarariye abandi, tugiye kugenda tubasobanurire ubwitange Inkotanyi zagaragaje kugira ngo bitubere inkingi yo gukomeza guteza imbere igihugu cyacu tutizigamye, ubu turi mu mahoro turasabwa bike ugereranyije n'ibyo bo bakoze.'

Uwobasa Alodie yavuze ko mu muhora wo kubohora igihugu yahungukiye byinshi birimo nko kwitanga byakozwe n'urubyiruko rwari Inkotanyi, aho ibyo bakoze byose byari ukugira ngo imbere mu gihugu hagaruke ituze n'umutekano.

Yavuze ko yahigiye amasomo arimo kwihangana no gukora cyane kugira ngo ugere ku cyo wifuza.

Umunyamabanga Nshingwabikorwa w'Umurenge wa Nyakariro, Muhoza Théogene, yavuze ko amateka yo kubohora igihugu abantu benshi bayumva nk'amateka ariko ngo iyo urubyiruko ruje kuhasura rukamenya ayo mateka, bahavoma imbaraga zo kwitangira igihugu.

Ati 'Aha bahavoma umuco w'ubutwari bwaranze Inkotanyi, bikongera kubazamurira imbaraga zo gukunda igihugu no kugikorera, bakumva ko hari abitangiye igihugu mu bihe bibi ari nayo mpamvu bituma bamenya ko kugira ngo ugere ku bintu byiza bigusaba kubanza kwitanga.'

Gitifu Muhoza yasabye urubyiruko gukunda igihugu bakumva ko kugira ngo igihugu kigire umutekano hari abigomwe ubuzima n'imbaraga byabo.

Yavuze ko urugamba rw'amasasu rwarangiye kuri ubu urubyiruko rusabwa kwiteza imbere bakanaharanira inyungu z'abaturage bose muri rusange.

Urubyiruko rwa Nyakariro rwishimiye gusura ibice Inkotanyi zatangirijemo urugamba rwo kubohora igihugu

Bishimiye kugera i Gikoba ahari indake ya Perezida Kagame

Abenshi mu rubyiruko ni ubwa mbere bari bahageze

Mugiraneza yavuze ko amasomo yahungukiye azamufasha mu kongera ubukorerabushake

Umunyamabanga Nshingwabikorwa w'Umurenge wa Nyakariro, Muhoza Theogene, yavuze ko iyo urubyiruko rusuye ibice Inkotanyi zatangirijemo urugamba rwo kubohora igihugu ruhigira amateka

Babanje gusobanurirwa icyatumye Inkotanyi zitangiza urugamba rwo kubohora u Rwanda

Imibare y'iki kigo igaragaza ko 25% by'Abanyamerika babajijwe bagaragaje ko batishimiye abakandida batanzwe n'ishyaka ry'aba-Democrates ndetse n'aba-Republicains.

Mu babajijwe 36% bagaragaje ko bashyigikiye Donald Trump, mu gihe 34% bagaragaje ko bashyigikiye Joe Biden.

Ubu bushakashatsi bwagaragaje ko abanga abakandida bombi bahanganye bikubye kabiri mu myaka 30 ishize ndetse no mu 2020 ubwo Joe Biden na Trump bahanganaga bwa mbere, abatabishimiye bombi bari 13%.

Ubu bushakashatsi bwakozwe kuva tariki 13-19 Gicurasi 2024, mbere y'uko urukiko rw'i New York ruhamije Donald Trump ibyaha byo guhimba inyandiko z'ubucuruzi agamije guhindura ibyavuye mu matora ya 2016, ndetse na tariki 11 Kamena 2024 ubwo urukiko rwa Delaware rwahamyaga Hunter Biden (umuhungu wa Perezida Joe Biden) ibyaha byo gutunga intwaro binyuranye n'amategeko kuko yari yarabaswe n'ikiyobyabwenge cya cocaine.

Abatishimiye Perezida Joe Biden na Trump bikubye kabiri mu myaka 30 ishize

Perezida Kagame yari yabanje kugirana ikiganiro n'abajyanama b'ubuzima barenga 8000 baturutse hirya no hino mu gihugu ndetse n'abandi bagize urwego rw'ubuzima mu Rwanda.

Bahuriye muri BK Arena mu rwego rwo kwishimira uruhare rwabo mu guteza imbere ubuzima bw'Abaturarwanda.

Nyuma y'ibi biganiro Perezida Kagame yahuye n'abana bo mu marerero ya FC Bayern Münich na Paris Saint Germain, bari mu mukino ubanziriza uwahuje APR FC na Rayon Sports.

Imikino yombi yari yateguwe mu rwego rwo gusuzuma niba Stade Amahoro iheruka kwemerwa n'Impuzamashyirahamwe ya Ruhago muri Afurika (CAF) imeze neza mu bijyanye no kwinjira no gusohoka kw'abafana, umutekano, ubwatsi bw'ikibuga, ibibaho byandikwaho ibitego n'ibindi bikoresho bitandukanye biyigize niba bikora neza.

Umukuru w'Igihugu kandi yanasuhuje abaturage b'i Remera mu Mujyi wa Kigali, biganjemo abari bagiye kureba umukino w'abakeba Rayon Sports na APR FC wahawe inyito ya 'Umuhuro mu Mahoro'.

Uyu mukino wasojwe amakipe yombi aguye miswi ubusa ku busa, ndetse hagaragara umuvundo mu bafana bashakaga kujya kwihera ijisho amakipe yabo akinira muri stade nshya ivuguruye kandi yagutse.

Uyu mukino wabanjirije uwa Rayon Sports na APR FC

Perezida Kagame yahuye n’abana b’amarerero ya PSG na FC Bayern

Yasuhuje ab’i Remera biganjemo abari bitabiriye umukino wa Rayon Sports na APR FC

Benshi biganjemo urubyiruko bamweretse ko bamwishimiye

Abafana bari bafite ubwuzu bwo kumubona

Byagizwemo uruhare n'ingamba zashyizweho kugira ngo inyama ziboneke ku bwinshi inka zibe amahitamo ya nyuma k'ushaka inyama, kuko inka zifasha mu birenze inyama, nk'umukamo ifumbire n'ibindi.

Nk'inyama z'ingurube mbere ya 2019 zabarirwaga muri toni ibihumbi 19,9; iz'inkoko zibarirwa muri toni 5081; amagi akabarirwa mu bihumbi 83 birengaho gato.

Uyu munsi imibare yaratumbagiye kuko inyama z'ingurube zageze kuri toni ibihumbi 22; iz'inkoko zigera kuri toni zirenga ibihumbi 50 mu gihe amagi yazo yo yageze kuri toni ibihumbi 17 birenga ku mwaka.

Ntabwo byapfuye kwizana gutyo gusa. Umwe mu mishinga yatumye uyu musaruro ugera kuri uru rwego ni uwiswe 'Partnership for Resilient and Inclusive Smallstock Market, PRISM' u Rwanda rwafatanyijemo n'Ikigo cy'u Bubiligi gishinzwe Iterambere, Enabel.

Wari ugamije guteza imbere uruhererekane nyongeragaciro rw'ubworozi bw'inkoko n'ingurube, bikorerwa mu turere 10 twagaragazaga ko bushoboka.

Washowemo arenga miliyari 15,5 z'Amayero, ba rwiyemezamirimo bafashwa kubona ibikoresho by'ikoranabuhanga no kugera kuri serivisi z'imari.

Mu kwimakaza ingurube zitanga umusaruro, ku ikubitiro hashyizweho ibigo birindwi mu gihugu cyose bikusanyirizwamo intanga zakomotse ku mfizi zigezweho zakuwe i Burayi. Ubu bitanga doze z'intanga 1120 ku cyumweru.

Iyi ngurube ku nshuro imwe ishobora gutanga doze zirenga 20 z’intanga

Ni imfizi zo mu moko atanu arimo ubwa Pietrain, Landrace, Camborough, Duroc, na Large White, aho zitanga intanga hifashishijwe uburyo butari ubwa karemano ngo ingurube yimye indi, ahubwo baziyikuramo bidasabye ko yimya.

Ni imfizi z'icyororo aho ingurube imwe yatewe izo ntanga ishobora kubyara abana bagera kuri 20 mu gihe izisanzwe kubona abageze ku munani byabaga ari intambara.

Ni nako bigenda ku ibilo aho ingurube yitaweho igeza ku bilo 100 mu mezi atageze kuri atandatu, mu gihe ku zisanzwe kubona ibilo 100 ku mwaka biba byagoranye cyane.

Kuri ubu hifashishijwe ikoranabuhanga izi mfizi zitanga intanga kabiri mu cyumweru, aho imwe ishobora gutanga ½ cya litiro ku nshuro imwe zikavamo doze z'intanga zirenga 20 imwe ikavamo abo bana b'ingurube 20.

Umworozi ukeneye intanga zo mu kigo cya leta cy'i Muhanga ayibonera ku 3500 Frw mu gihe izaturutse ku by'abikorera ziboneka ku 6500 Frw kuri imwe.

Ni amafaranga make kuko ushaka iyi mfizi bishobora kumutwara nka miliyoni 1 Frw yo kuyigura gusa bidasabye kuyitaho nko kuyimenyera indyo yuzuye n'ibindi.

Iyo intanga zimaze kuboneka, zijyanwa muri laboratwari z'ibyo bigo, zigasuzumwa hanyuma zigashyirwa mu bushyuhe bwa 17 oC, mu bikoresho byabugenewe bituma zigera ku borozi zitahungabanye.

Mu kugabanya igihe izi ntanga zimara ngo zigere ku borozi, leta yafatanyije n'Ikigo gikora ubwikorezi bwo mu kirere hifashishijwe drones cya Zipline, kugira ngo zijye zijyana intanga ku mworozi uzikeneye ariko igiciro cy'urugendo leta ikacyiyishyurira.

Hifashishijwe ibibuga by'indege bya Zipline bihereye i Muhanga n'icya Kirehe, hakifashihwa ahantu harenga 500 hateganyijwe ko iyo drone igwaho harimo n'ibigo nderabuzima.

Uyu munsi intanga 70 zoherezwa mu bice bitandukanye by'igihugu bikozwe n'ishami rya Muhanga.

Ingurube ishyirwa ku cyuma hanyuma ikagira ngo iri kwimya ikarekura intanga

Ni ibintu byaganyije igihe cyane. Na we tekereza nko kuva Muhanga kugera i Nyamasheke (ni rwo rugendo runini drone iva i Muhanga ikora) amasaha atanu ku modoka ariko mu minota nka 55 umuhinzi aba yabonye intanga z'ingurube ze.

Mu mpera za 2023 hakozwe doze 21.247 mu gihe izingana na 13.750 zagejejwe ku borozi hifashishijwe drones za Zipline.

Ikoranabuhanga ryo gutera intanga ryafashije mu kubyaza abana b'ingurube ku bwinshi aho nko kuva mu 2021 ingurube 19.860 zatewe intanga zibyara ingurube 158.880 z'icyororo kigezweho.

Byajyanye no gihugura abaveterineri ku bijyanye no kuvura indwara zifata ayo matungo bigakorwa mu buryo bugezweho, ibituma bwa bworozi ukorwa mu buryo bugamije ubucuruzi.

Ku borozi n'inkoko bafashijwe kubona icyororo cy'izitanga amagi n'inyama cyangwa izibikora zombi, imashini zituraga amagi zigezweho, bagezwaho na serivisi z'imari, ibintu byashyize akadomo kujya gushaka imishwi mu maturagiro yo hanze.

Ibigo 10 by'abikorera birimo bine byorora inkoko, bibiri byorora ingurube na bine bikora ibiryo by'amatungo byafashijwe kubona ibikoresho by'ikoranabuhanga bibafasha.

Abandi bantu 399 barimo abagabo 310 n'abagore 89, bahawe inguzanyo ya miliyari 10,38 Frw yunganiwe ku nyungu ya 8%, inyungu bagombaga kwishyura banki bishyurirwa miliyari 2,1 Frw.

Aborozi baricinya icyara

Abo barimo Shirimpumu Jean Claude usanzwe ahagarariye aborozi b'ingurube mu gihugu, akaba umwe mu bafite bya bigo bikusanyirizwamo intanga z'icyororo.

Icye cyitwa Vision Agri-Business Farm Ltd, gikorera mu Karere ka Gicumbi mu Murenge wa Kageyo, Ltd, uyu mugabo akavuga ko abo amaze koroza batabarika.

Shirimpumu umaze imyaka 15 mu bworozi bw'ingurube yerekana ko intanga nk'izo zigezweho mbere bazikuraga hanze, zikaza zihenze ari yo mpamvu bamaze imyaka itandatu bagerageza iryo koranabuhanga rishya.

Uyu munsi Vision Agri-Business Farm Ltd ifite ingurube zigera kuri 800 zifashishwa mu koroza abantu muri bwa bwoko butanu buri kwibandwaho mu Rwanda, imfizi bakatumiza i Burayi.

Shirimpumu ati 'Kubona amatungo atanga umusaruro byari nk'inzozi. Ubu dufite ingurube zibyara kugeza ku bana 20 kandi kuko tuzitaho bigezweho ziba zigomba gukura.'

Ni ikoranabuhanga ryakuyeho n'ibibazo byo gusangira imfizi, ha handi yabaga irwaye ikanduza izo yimije zose, ingurube ikaba yavunikira mu nzira kubw'urugendo runini 'ariko kuko izi zacu ziturira inyagazi ndetse zihora hamwe, ibyo bibazo byose ntibikibaho.'

Ni ingurube zibaho mu buryo bugezweho bitandukanye n’ubworozi bwa gakondo

Ku ikoranabuhanga rya Zipline uyu mworozi avuga ko 'nk'umuntu uri i Rubavu ashaka intanga z'iwacu byamusabaga amasaha atanu. Ubu bisaba kohereza ubutumwa bugufi gusa ko uzikeneye, ubundi mu minota 40 zikaba zimugezeho.'

Bishimangirwa kandi na Rwiyemezamirimo witwa Edouard Twizeyimana ufite ikigo cyitwa Eddy Farm Ltd cyorora inkoko, ni ukuvuga korora izibyara akagira n'ituragiro.

Yatangiriye ku nkoko 100 ariko uyu munsi ashobora guturagisha imishwi iri hagati ya 5000 na 8000 buri cyumweru.

Enabel yamuhaye imashini zifite agaciro ka miliyoni zirenga 145 zifashishwa mu ituragiro, amafaranga azishyueramo 50% atagira inyungu.

Ati 'Twororaga inkoko twavanaga mu Bubiligi, mu Buholandi no mu bihugu by'abaturanyi. Ubu byarahindutde ntitukijya ibwotamasimbi ndetse ikibuga cyaricuritse ubu abaturanyi baza gushaka icyororo iwacu.'

Twizeyimana avuga ko mu mezi abiri ari imbere ikigo cye kizaba gitanga imishwi ibihumbi 15 mu cyumweru, kuko abayishaka bakomeje kwiyongera.

Tumusura nko mu masa ine twasanze yamaze kugurisha imishwi 5016 aho umwe awutangira 850 Frw.

Ukoze imibare usanga yari amaze kwinjiza arenga miliyoni 4 Frw, mu mezi abiri ari imbere akazaba abarirwa arenga miliyoni 51 Frw ku kwezi.

Raporo ya RAB igaragza ko 2023 yasize mu Rwanda habarurwa ingurube 1.123,075 mu gihe inkoko zo zigeze kuri miliyari 6.047.215 mu gihe imirimo yahanzwe ishingiye ku buhinzi n'ubworozi igera ku 352.572.

Inkoko zo muri Eddy Farm Ltd zishobora gutanga imishwi igera ku 8000 mu cyumweru

Mu mezi atandatu ingurube yaturutse kuri iyi mfizi iba ifite ibilo birenga 100

Izi ngurube z’icyororo zakuwe mu Bubiligi

Icyo cyuma ni cyo ingurube z’imfizi zurira zikagira ngo ni inyagazi zuriye ubundi zikarekura intanga zifashishwa mu bworozi

Ibi byagarutsweho mu gikorwa cyo kwibuka ku nshuro ya 30 Abatutsi baguye muri Paruwase Gatolika ya Sainte Famile, mu kigo cy'Abapadiri cyigishaga Indimi (CELA), muri Saint Paul ndetse no mu cy'Ababikira b'Aba-Calcutta.

Ni igikorwa cyabaye tariki 14 Kamena 2024 aho cyabimburiwe n'igitambo cya missa cyo gusabira izo nzirakarengane ndetse hanashyirwa indabo ku Rwibutso rwa Sainte Famille.

Ku itariki ya 14 Kamena mu 1994 ni bwo Abatutsi barenga 2000 bari bahungiye muri Saint Paul birawemo n'Interahamwe zijogoramo abasore n'abagabo barenga 72 zijya kubicira ku biro by'iyahoze ari Segiteri Rugenge.

Ibi byakozwe ku kagambane k'inzego z'ibanze na Padiri Munyeshyaka Wenceslas wayoboraga Paruwasi ya Sainte Famille. Bivugwa ko Interahamwe zatoranyije abagabo bakiri bato ndetse n'abasore zigamije kwica abari imbaraga z'Igihugu bashoboye gukora.

Abarokokeye kuri Sainte Famille no mu bindi bigo biyegereye, bavuga ko ku itariki ya 16 ishyira iya 17 Kamena mu 1994 ari bwo Inkotanyi zabashije kubatabara zibajyana i Kabuga.

Mukabyagaju Marie Grâce waharokokeye akanaba uhagarariye abarokotse, yavuze ko bitari byoroshye kuharokokera kugeza ubwo Inkotanyi zibatabaye.

Gusa yavuze ko Musenyeri Hakizimana wari umupadiri muri Sainte Famille icyo gihe, yabaye byose mu kurokora Abatutsi babashisje kuharokokera.

Yagize ati 'Nta kintu na kimwe Musenyeri Hakizimana atakoze. Yabaye umuzamu, aba umuvomyi aba uwo gutashya inkwi, yabaye byose. Umuntu washoboye kutugaburira kuva ku munsi wa mbere tugera hano kugeza tuhavuye nta munsi n'umwe twaburaye. Njye nari mpamaze amezi abiri n'iminsi mikeya kandi nahasanze abandi, abo bose yabitagaho'.

Yakomeje ati 'Yagerageje kwitambika ngo Interahamwe zitatwica, araduhahira aratugaburira, aratugura baza baje kutwica agatanga ibyo afite harimo n'amafaranga. Kuri twebwe yabaye ishusho y'Imana itaragizwe na benshi muri kiri gihe'.

Musenyeri Hakizimana wari waje kwifatanya na bo, yavuze ko byari biteye isoni cyane kubona abantu bica abo baziranye neza biriranwaga kugeza no ku bihayimana.

Ati 'Wabonaga nka mwalimu wigishije Interahamwe ije kumuhiga imubwira iti 'mwalimu ndakuzi' n'uwihayimana ati 'wa muhereza we sinkuzi mu Kiliziya? Uje gukora iki koko'? Sinzi icyo bari baduhaye cyatumye duhinduka bigeze hariya'.

Yavuze kandi ko bitamworoheye kubona abari abakristu be n'abandi bakoranaga baravuyemo abahiga n'abahigwa, gusa ko we yakoze icyo yari ashoboye ndetse ashimira n'ubutwari bw'Inkotanyi zahagaritse Jenoside.

Perezida wa Ibuka mu Murenge wa Muhima, Mbarushimana Jean Baptiste yasabye abitabiriye iki gikorwa ko bagomba gukora cyane kugira ngo buse ikivi cy'abavukijwe ubuzima muri Jenoside yakorewe Abatutsi.

Yashimye kandi Perezida Paul Kagame wayobowe urgamba rwahagaritse Jenoside kandi akarinda abantu kwihorera byarashobokaga ahubwo bakiyunga.

Bakoze urugendo rwo kwibuka riva Sainte Famille rugana muri Saint Paul

Hashyizwe indabo ku Rwibutso rwa Sante Famille, mu kuzirikana abatutsi bishwe muri Jenoside

Hatanzwe ikiganiro kigaruka ku mateka ya Jenoside yakorewe Abatutsi

Musenyeri Hakizimana yashimiwe ubwitange bwe mu kurokora Abatutsi

Umwanditsi Mukanyiligira Dimitrie Sissi na we yitabiriye iki gikorwa

Muri Saint Paul hari hahungiye Abatutsi basaga 2000 mu gihe cya Jenoside yakorewe Abatutsi

Igikorwa cyabanjirijwe n’Igitambo cya Misa

Hatanzwe ibiganiro binyuranye ku kwirinda Jenoside

Ni abaturage batuye mu kagari tugari twa Nyamuhanda na Rwambogo twombi two mu muri uyu murenge wa Butare uri hagati y'igihugu cy'u Burundi na Pariki ya Nyungwe.

Guhera mu 2008 imirenge yose yo mu Rwanda yashyizwemo koperative zo kubitsa no kugurizanya zitwa 'Imirenge SACCO' ariko abatuye mu tugari twa Nyamuhanda n'aka Rwambogo basigarana imbogamizi y'uko ibiro by'umurenge SACCO wa Butare bibari kure.

Butare ni Umurenge uboneka umusaruro mwinshi w'ubuhinzi, ibiti n'imbaho bituma abawutuye babona amafaranga menshi bakenera kubitsa muri banki ariko bakabangamirwa n'uko nta kigo cy'imari kiri hafi yabo.

Cipanda Alex ucururiza mu isantere ya Gasumo yabwiye IGIHE ko uyu murenge ari Umurenge munini kuko ubumbira hamwe iyahoze ari segiteri Gasumo na Segiteri Butare.

Ibiro by'umurenge n'ibiro by'Umurenge SACCO ya Butare byubatse mu yahoze ari Segiteri Butare, bityo abatuye mu yahoze ari segiteri Gasumo bagorwa no kubona serivisi kuko ari kure yabo.

Ati 'Dukora urugendo rw'amasaha atandatu n'amaguru kugira ngo tugere ku Murenge SACCO wa Butare, tukongera tugakora andi atandatu kugaruka. Hari abo bica intege amafaranga yabo bakayagumana mu rugo ntibirirwe bajya kuyabitsa mu bigo by'imari'.

Aba baturage iki kibazo bakigeza ku muyobozi wese ubasuye, ndetse banandikiye akarere ka Rusizi basaba guhabwa ishami rya Banki cyangwa ikindi kigo cy'imari ariko n'ubu ntibirakorwa.

Niyigaba Irene wo mu mudugudu wa Karambo, Akagari ka Rwambogo avuga ko kugira ngo ajye kubitsa amafaranga muri SACCO ya Butare bimusaba gutega moto ya 4000Frw agenda na 4000Frw agaruka.

Ati 'Ni igihombo. Icyifuzo cyacu ni uko batuzanira ikigo cy'imari hafi kugira ngo tuge tubasha kubitsa, kubikuza no gusaba inguzanyo bitasusabye gukora urugendo rurerure'.

Hategekimana Cyrille, Umuyobozi Mukuru muri Minisiteri y'Imari n'igenamigambi, ushinzwe amabanki n'ibigo by'imari yabwiye IGIHE ko mu gusubiza ikibazo cy'aba baturage atari ngombwa ko bubakirwa ishami rya SACCO aho batuye ko ahubwo ikoranabuhanga rizabikemura.

Magingo aya Imirenge SACCO yose yamaze kugezwamo ikoranabuhanga, igisigaye ni ukurihuza na telefone ku buryo umuturage ufite konti mu Murenge SACCO azajya abasha kubitsa no kubikuza amafaranga akoresheje serivise yo kohereza no kwakira amafaranga kuri telefone.

Ati 'Biteganyijwe ko mu mirenge SACCO yose iyo serivisi yo kubitsa no kubikuza amafaranga mu mirenge SACCO hakoreshejwe telefone izaba yageze mu mirenge yose bitarenze ukwezi kwa 12 uyu mwaka ariko twavugana n'abashinzwe batoranyemo imirenge ifite abaturage bagorwa no kugera kuri SACCO ariyo baheraho kuko ntabwo twifuza ko umuturage yatakaza amafaranga ajya kubitsa cyangwa kubikuza amafaranga yavunikiye'.

Mu Rwanda habarurwa Imirenge SACCO 416 yose yamaze kugezwamo ikoranabuhanga, aho kubitsa, kubikuza no gusaba inguzanyo bitagikorwa hifashishijwe amafishi.