Blog

Ni igikorwa cyabereye ku Rwibutso rwa Jenoside rwa Ntarama mu Karere ka Bugesera kuri uyu wa 05 Kamena 2024, cyitabirwa n'abahagarariye ibyo bigo byose.

Umunyamabanga Mukuru w' Itorero Zion Temple akanaba Umushumba muri iryo torero, Muhirwa Jérôme, yavuze ko abahoze mu matorero bakoze Jenoside yakorewe Abatutsi mu 1994 batari abakirisitu nyakuri, akomoza ku kuba abo mu gihe cya none bafite inshingano zo kubaka u Rwanda rushya.

Ati ''Mu by'ukuri dushingiye ku mateka batweretse hano, uruhare abanyetorero bagize muri Jenoside yakorewe Abatutsi mu 1994, icyo nabivugaho ni uko mu by'ukuri atari itorero ryakoze jenoside, kuko itorero ubwaryo ntiryakora jenoside. Kuko itorero ni abantu b'ukuri, ni abantu baboneye, ariko kubera ko benshi bari bari mu itorero batamenye Imana by'ukuri, bateshutse ku nshingano, bari abanyedini niko navuga.''

''Muri iki gihe cya none ubutumwa dufite tugomba kubwira itorero cyane cyane nk'itorero ryacu rya Zion Temple ryitwa Umurimo w'Ijambo ry'Ukuri, ni ukuvuga ngo tugomba gukosora amakosa yose yakozwe tukigisha abakirisitu gukizwa by'ukuri bashingiye ku ijambo ry'Imana.''

Ibi kandi byashimangiwe n'Umuyobozi w'Ikigo Authentic International Academy akanaba Umuvugizi w'Umuryango Authentic Word Ministries ubarizwamo Zion Temple, Tuyizere Jean Baptiste, wavuze ko nyuma y'ihagarikwa rya Jenoside yakorewe Abatutsi mu 1994, Zion Temple iri mu matorero yafashe iya mbere mu gutegura inyigisho, ibiterane n'ivugabutumwa ryomora ibikomere byo ku mitima.

Harimo nk'Igiterane 'Heal our land' cyazengurutse igihugu, igiterane ngarukamwaka cyatangijwe mu 2000 cyitwa 'Afurika Haguruka' na cyo kivugirwamo amagambo y'ibyiringiro, n'ibindi. Mu kubaka ubumwe bw'Abanyarwanda kandi Zion Temple yatangije gahunda yo gukangurira abandi banyamatorero gusaba imbabazi bakemera ko batsinzwe mu gihe cya Jenoside yakorewe Abatutsi mu 1994 ubwo bamwe mu bayabarizwagamo bayikoraga, isaba abo mu gihe cya none gusaba imbabazi mu izina ry'abayikoze.

Muri iki gikorwa cyo gusura Urwibitso rwa Jenoside rwa Ntarama kandi, urubyiruko rwiganjemo urwavutse nyuma ya Jenoside yakorewe Abatutsi rwibukijwe ko ari rwo mizero yo kuzuka k'u Rwanda, rusabwa gufata iya mbere mu kunga ubumwe rwirinda ingengabitekerezo ya jenoside.

Umushumba w'Urubyiruko muri Zion Temple, Ndizeye Eric, yasabye bagenzi be kugira imitekerereze mizima, kuko ari bwo u Rwanda ruzababonamo icyizere bafitiwe cyo kurwubaka.

Ati ''Urubyiruko rugire imitekerereze mizima, nibwo tuzaba urubyiruko rutanga ibyiringiro kandi rufata urumuri rukarukomezanya no mu bihe biri imbere.''

Sangwa Fred na we ni urubyiruko akaba yitabiriye iki gikorwa ahagarariye abanyeshuri bo muri Authentic International Academy, yavuze ko amasomo yungukiye ku Rwibutso rwa Jenoside rwa Ntarama azayageza kuri bagenzi be, kugira ngo na bo bakomeze basobanukirwe byinshi ku mateka ya Jenoside yakorewe Abatutsi, bibafashe kwirinda ingengabiterezo yayo.

Abayobozi, abakirisitu n’abakozi ba Zion Temple n’ibigo biyishamikiyeho, bibutse abazize Jenoside yakorewe Abatutsi mu 1994

Abo muri Zion Temple biyemeje kugira uruhare mu gukosora amateka mabi yaranze Jenoside yakorewe Abatutsi mu 1994

Ubuyobozi bwa Zion Temple bwanateye inkunga Urwibutso rwa Jenoside rwa Ntarama mu gusigasira amateka

Amafoto:Ingabire Nicole

Mu munsi umwe gusa ku rubuga rwa YouTube iyi ndirimbo yarebwe inshuro zigera ku bihumbi 300.

Bikaba ari ibintu byakoze ku mutima Element wayikoze ndetse akayishoraho akayabo mu kiganiro inyaRwanda yagiranye na Director Gad watunganije akanayobora amashusho yahishuye byinshi.

Gad yavuze ko igitekerezo cyuko yazakorerwa muri Kenya cyazanwe na Element agaragaza ko yifuza ko yazakorwa nkaho ari umwe mu baturage ba Masai bo muri iki gihugu.

Nyuma yo kubiganiraho bakaba barabibwiye abashinzwe kureberera inyungu za Element igitekerezo baragishima.

Kubera ko ariko hari mu gihugu cy'amahanga byabaye ngo ko bitabaza undi muhanga mu gutunganya amashusho y'indirimbo Omoke Ogao.

Wabafashije byinshi yewe akaba ari na we wabafashishije gutoranya abayigaragaramo n'ibindi byinshi bijyana no gukora indirimbo anagira uruhare mu kuyitunganya.

Baje gufata rutema ikirere bajya kuyikora iyi ndirimbo, Milele ikaba yarakozweho n'itsinda rigari mu mboni za Gad asanga yaratwaye agera ku bihumbi 20 by'amadorali [Miliyoni zisaga 26Frw].

Mu bayikoze bandi bamaze kugwiza ibigwi hakaba harimo Junior Rumaga na Kenny K Shot mu myandikire hakaza mu kuvanga amajwi [Mixing], Madebeat.

Kubona Madebeat akora ku mushinga 1:55AM nyuma y’inkundura ye na Coach Gael nyirayo ariko bayitangiranye bisa ntigitangaza kuko bafitanye inkuru zitari nziza zajemo no gushinjanya ubwambuzi.

Mu gihe kuyayungurura neza [Mastering] byakozwe na Bob Pro umaze gushinga imizi muribyo.

Ku rundi ruhande Coach Gael ari mu bagaragaje ibyishimo nyuma yuko iy'indirimbo isohotse avuga ko imukoze ku mutima.

Mu bandi harimo Christopher, Shaffy, Christopher kimwe na Prince Kiiiz wagiye yumvikana muri aka naka na Element.

Ndetse bamwe bakunze kubagereranya wagize ati'The Big Eleeh.' Mbega yerekana icyubahiro n'ikaze aha iy'indirimbo.

KANDA HANO UREBE MILELE

“>

Element akomeje kugaragaza ubudasa mu muziki yaba mu kuwutunganya no kuririmba Mu munsi umwe gusa Milele yarebwe inshuro zisaga ibihumbi 300 kuri YouTube

Iyi ndirimbo yakozwe na Element mu buryo bw’amajwi bitunguranye Madebeat aza mu bamwunanganiye mu kuyikoraAnitah Muller niwe ‘Video Vixen’ w’ingenzi muri Milele indirimbo ikomeje kubica mu gihe gito imaze

 

Ntabwo ari ubwa mbere u Budage bugiye kwakira iyi mikino kuko no mu 1988 bwari bwayakiriye, birangira igikombe gitwawe n’u Buhorandi. Icyo gihe ni amakipe 8 yari yitabiriye akaba yari yakinnye imikino 15 akiniye kuri sitade 8 zitandukanye.

Kuri ubu rero muri iri rushanwa rya Euro ya 2024 hari Sitade zari zakoreshejwe mu 1988 zizakoreshwa nubwo inyinshi muri zo zavuguruwe, gusa hari n’inshya zizaba zigiye kuryakira bwa mbere.

Mu rwego rwo kwinjirana neza muri iyi Euro muzakurikira 5 kuri 5 kuri InyaRwanda, tugiye kurebana byinshi kuri izi sitade 10 zizifashishwa.

Olympiastadion Berlin Stadium

Iyi sitade isanzwe yakirirwaho n’ikipe ya Hertha Berlin, niyo sitade nini izaba iri muri iri rushanwa rya Euro kuko ifite ubushobozi bwo kwakira abantu ibihumbi 70 ndetse ni nayo ikunze kuberaho imikino ya nyuma iyo ariyo yose mu gihugu cy’u Budage kuva mu 1985.

Sitade ya Olympiastadion Berlin kandi ikunze kuberaho imikino ya nyuma ikomeye kuko muri 2015 yakiriye umukino wa nyuma wa UEFA Champions League wari wahuje FC Barcelona na Juventus ndetse ni nayo yakiriye umukino wa nyuma w’igikombe cy’Isi cya 2026 wari wahuje ikipe y’igihugu ya y’u Butaliyani n’u Bufaransa.

Iyi niyo sitade izaba imaze igihe kinini kuko yubatswe mu 1936 ubwo yari igiye kwakira imikino ya Olympic. Biteganyijwe ko izakinirwaho imikino izahuza Espagne na Croatia taliki ya 15, uwa Poland na Austria taliki 21, u Buhorandi na Austria, uwa 1/8, uwa 1/4 ndetse n’umukino wa nyuma.

Cologne Stadium

Cologne Stadium isanzwe yakirirwaho n’ikipe ya Cologne yubatswe mu 1923 yitwa Mungersdorf, gusa nyuma iza guhindurirwa izina muri 2001 ubwo yari imaze kuvugururwa kugira ngo izakire imikino y’igikombe cy’Isi cya 2006 cyabereye mu gihugu cy’u Budage.

Muri icyo gikombe cy’Isi yakiriye imikino 5 irimo uwo u Bwongereza bwanganyijemo na Sweden ibitego 2-2 ndetse n’uwo Switzerland yasezerewemo na Ukraine muri 1/8.

Kuri iyi nshuro nabwo niko bimeze kubera ko izakira imikino 5 irimo n’umwe wa 1/8. Ntabwo ari ubwa mbere Cologne Stadium igiye kwakira imikino ya Euro kuko iri rushanwa ubwo riheruka kubera mu gihugu cy’u Budage mu 1988 nabwo iri muri sitade zakoreshejwe.

Iyi sitade ifite ubushobozi bwo kwakira abantu 47 kandi ni yo yakira imikino ya nyuma y’igikombe cy’igihugu cy’u Budage mu Bugore kuva muri 2010 ndetse ijya inaberamo indi mikino itari umupira w’amaguru gusa ndetse inaberamo ibitaramo by’abahanzi.

BVB Stadion Dortmund

BVB Stadion Dortmund cyangwa Signal Iduna Park, ni sitade isanzwe yakirirwaho na Borussia Dortmund, gusa abantu benshi bakaba barayimenye kubera umwuka uba uyirimo bitewe n’ibikorwa by’abafana ba Borussia Dortmund bazwiho gufana cyane aho usanga banaturitsa imiriro.

Iyi sitade ifite ubushobozi bwo kwakira abantu ibihumbi 66 ikaba yarashinzwe mu 1974 kugira ngo yakire imikino y’igikombe cy’Isi cyo muri icyo gihe ndetse yanakiriye icyo muri 2006 aho yakiniweho umukino wa 1/2, ikipe y’igihugu y’u Bubiligi yasezerewemo n’u Butaliyani.

Biteganyijwe ko izakira imikino 6 ya Euro 2024 irimo n’umwe wo muri 1/2.

Dusseldorf Arena Stadium

Ni sitade ifite ubushobozi bwo kwakira abantu ibihumbi 47 yakirirwaho n’ikipe ya Fortuna Dusseldorf yo muri shampiyona y’icyiciro cya kabiri mu Budage, ikaba yaratangiye kubakwa muri 2000, yuzura muri 2004 itwaye arenga Miliyoni 240 z’Amayero.

Iyi sitade yubatswe kugira ngo isimbure indi yitwaga Rheinstadion nayo yari ku butuka bumwe nubwo bayubatseho. Euro ni ryo rushanwa rya mbere rikomeye rizaba riyibereyeho, gusa yagiye yakira imikino y’ikipe y’igihugu y’u Budage rimwe na rimwe.

Nubwo hatajya haberamo imikino ikomeye, haberamo ibitaramo bikomeye birimo icyo Beyonce yigeze kuhakorera ndetse higeze no kubera umukino ukomeye w’iteramakofi wahuzaga Tyson Fury na Wladimir Klitschko muri 2015.

Frankfurt Arena Stadium

Frankfurt Arena Stadium izwi nka Waldstadion cyangwa Deutsche Bank Park iri hafi kuzuza imyaka 100 yubatswe kuko yatashwe mu 1925, ifite ubushobozi bwo kwakira abantu ibihumbi 35.

Nyuma yaho hagati yo mu 1950 no mu 1970 yaravuguruwe kugira ngo ikoreshwe mu mikino y’igikombe cy’Isi cyo mu 1974 cyabereye mu Budage.

Muri 2004 yongeye kuvugururwa none kuri ubu ifite ubushobozi bwo kwakira abantu ibihumbi 46 bicaye neza. Kimwe n’izindi Sitade nyinshi zizakira imikino ya Euro 2026 nayo ijya ikorerwamo ibindi bintu bitari umupira w’amaguru gusa birimo n’ibitaramo by’abahanzi.

Arena AufSchalke Stadium

Ni sitade ikipe ya Schalke 04 isanzwe yakiriraho imikino yayo, ikaba ifite ubushobozi bwo kwakira abantu ibihumbi 50. Igitekerezo cyo kuyubaka cyaje mu 1990 gusa yuzura muri 2001.

Imwe mu mikino yakiriye ikomeye irimo umukino wa nyuma wa UEFA Champions League muri 2004 ikipe ya FC Porto yatozwaga na Jose Mourinho yatsinzemo AS Monaco ibitego 3-9. Yanakiriye imikino 5 y’igikombe cy’Isi cya 2006 irimo n’uwo ikipe y’igihugu y’u Bwongereza yasezerewemo na Portugal muri 1/4 iyitsindiye kuri penariti.

Volksparkstadion Hamburg

Volksparkstadion Hamburg ni sitade yakirirwaho na Hamburg SV yo mu cyiciro cya kabiri mu Budage imikino yayo, ikaba yarubatswe guhera muri 1990, ifungura ku mugaragaro muri 2000. Aho iyi sitade yubatswe hari harahoze indi yari yarasenywe mu ntambara ya kabiri y’Isi ndetse yubakwa hanakoreshejwe bimwe mu bikoresho byari biyigize.

Volksparkstadion Hamburg ifite ubushobozi bwo kwakira abantu ibihumbi 51 ntabwo ari ubwa mbere igiye kwakira imikino ikomeye kuko ni ho Shakhtar Donetsk yo muri Ukraine yakiriye imikino ya UEFA Champions League ya 2023-24 bitewe nuko mu gihugu cyabo nta mutekano wariyo. 

Yanakiriye kandi imikino y’igikombe cy’Isi cya 2006 ndetse hanabereye umukino wa nyuma wa Europa League ya 2010 ikipe ya Atletico Madrid yo muri Espagne yatsindagamo Fulham yo mu Bwongereza.

Red Bull Arena (Leipzig Stadium)

Iyi sitade yubatswe mu 1956, ikaba ariyo yari nini mu Burayi bwose aho yakiraga ibihumbi 100 by’abafana bicaye neza. Amakipe menshi yayikoreshaga yakira imikino ikomeye, gusa biza kugera aho isigwa n’igihe maze mu 1997 umujyi wa RB Leipzig utekereza kuyivugura yose ariko birangira amafaranga abuze bahitamo kubaka inshya.

Yubatswe guhera muri 2000 kugera muri 2004, gusa muri 2015 yongera kuvugururwa ihabwa ubushobozi bwo kwakira abantu ibihumbi 42 ku mikino mpuzamahanga.

Red Bull Arena isanzwe ikinirwaho na RB Leipzig yanakoreshejwe mu mikino y’igikombe cy’Isi cya 2006. Umwe mu mikino uhita uza mu mitwe y’abantu yakiriye muri iki gikombe cy’Isi ni uwo Mexico yasezereyemo Argentine muri 1/8.

Allianz Arena (Munich Football Arena)

Allianz Arena isanzwe ikinirwaho n’ikipe ya FC Bayern Munich, yatangiye kubakwa muri 2003 kugera muri 2005. Iyi kipe yo yatangiye kuyikiniraho mu mwaka w’imikino wa 2006-07 kuko mbere yakiniraga kuri Munich Olympic Stadium guhera mu 1972.

Iyi sitade ifite ubushobozi bwo kwakira abantu ibihumbi 70 ndetse inafite umwihariko wo kuba ari yo sitade yonyine ishobora guhindura amabara ahantu hose.

Imwe mu mikino ikomeye imaze kuyiberamo irimo iy’igikombe cy’Isi cya 2006 ndetse yanakiriye umukino wa nyuma wa UEFA Champions League wa 2012, Chelsea yatsindagamo FC Bayern Munich yari imbere y’abafana bayo.

Stuttgart Arena Stadium

Iyi sitade yubatswe mu 1933, gusa ikaba yaragiye ivugururwa inshuro nyinshi inahindurirwa izina, gusa iheruka kuvugururwa muri 2005. Stuttgart Arena Stadium izwi ku izina rya Mercedes Benz Arena ifite ubushobozi bwo kwakira abantu ibihumbi 54 bicaye neza. 

Imwe mu mikino ikomeye yagiye yakira harimo iyo mu gikombe cy’Isi cyo 1974, iyo muri Euro yo mu 1988. Mu gikombe cy’Isi cya 2006 cyabereye mu Budage na bwo hari imikino yakiniwe kuri iyi sitade isanzwe yakirirwaho n’ikipe ya Stuttgart harimo iya 1/8 ndetse n’uwo gushaka umwanya wa 3 u Budage bwatsinzemo Portugal.

Uyu munsi ikipe y’igihugu y’u Rwanda Amavubi, arakina umukino wa 4 w’itsinda C mu gushaka itike y’igikombe cy’Isi cya 2026 aho icakirana na Benin muri Côte d’Ivoire.

Ni umukino uteganyijwe kuba saa 21h00′ zo kuri uyu wa Kane tariki ya 6 Kamena 2024 ukabera kuri Stade Félix Houphouët Boigny.

Umutoza w’ikipe y’igihugu Amavubi akaba yarahagurukanye abakinnyi 25 agomba kwifashisha kuri uyu mukino.

Baraye bakoze imyitozo ya nyuma bitegura Benin aho bahigiye gutsinda bagakomeza kuyobora itsinda.

Ni umukino n’agahimbazamushyi kazamuwe mu rwego rwo gukomeza gutera imbaraga abakinnyi nk’uko visi perezida wa FERWAFA, Richard yabigarutseho.

Ati “Umunyamabanga wa MINISPORTS n’umunyamabanga wacu hari inama bakoze rero agahimbazamusyi bahabwa mu byiciro byose yaba ako gutsinda umukino, kunganya, amafaranga y’imyitozo yarazamutse, nshobora kutajya mu mibare nonaha kuko hari ibitararangire ariko guhera kuri uyu mwiherero byarazamutse.”

“Turabikora ku mpamvu 2, iya mbere n’ibiciro ku Isoko byarazamutse ariko igikomeye kurusha ibindi ni ikipe itsinda uri umuntu uyishimira w’umuyobozi, ni ibintu byoroshye kumva.”

Kugeza ubu u Rwanda ni rwo ruyoboye iri tsinda n’amanota 4, Afurika y’Epfo ifite 3, Zimbabwe 2 mu gihe Benin ifite 1.

Iyo urebye abakinnyi yajyanye, ntabwo wahita wemeza abo abanzamo ariko na none bijyanye n’imikino yatambutse hari abafite amahirwe menshi yo kubanzamo.

11 ashobora kubanzamo

Umunyezamu: Ntwali Fiacre

Ba Myugariro: Omborenga Fitina, Manzi Thierry, Mutsinzi Ange Jimmy na Imanishimwe Emmanuel Mangwende

Abakina Hagati: Rubanguka Steve, Bizimana Djihad, Rafael York na Muhire Kevin

Ba Rutahizamu: Mugisha Gilbert na Nshuti Innocent

Amavubi arakina Benin uyu munsi

APR BBC yatangiye neza imikino yo kwishyura ya shampiyona y’icyiciro cya mbere muri Basketball umwaka wa 2024 itsinda Kepler BBC amanota 89-79.

Ni wo mukino wa mbere APR yari ikinnye nyuma nyuma yo gusezererwa muri BAL itabonye itike y’imikino ya Nyuma yabereye mu Rwanda mu mpera z’icyumweru gishize.

Wabaye ku mugoroba w’ejo hashize ku wa Gatatu tariki ya 5 Kamena 2024 muri Lyce de Kigali.

Agace ka mbere k’umukino APR BBC yaje kukegukana itsinze amanota 22-15. Ntabwo APR yahiriwe n’agace ka kabiri kuko Kepler ibifashijwemo n’abarimo Nijimbere Guibert na Done bakuyemo aya manota 7 barushwaga maze bashyiramo 2 y’ikinyuranyo. Bagatsinze 23-14. Amakipe yagiye kuruhuka ari 38 ya Kepler kuri 36 ya APR.

Ikipe y’Ingabo z’Igihugu yagarutse mu gace ka gatatu ubona nta mwanya wo gutakaza maze abarimo Axel Mpoyo bagerageza kugabanya ikinyuranyo ndetse biranabahira bongera kuyobora. Aka gace bagatsinze amanota 32-22.

APR mu gace ka nyuma yakomeje gucunganwa n’uko amanota yayo yashyizemo atavamo, umukino warangiye iwutsinze ku manota 89-73.

Hahise hakurikiraho umukino wo REG BBC yatsinzemo Tigers BBC itayibabariye amanota 92-69.

Nshobozwa wa APR ashaka uko acika abakinnyi ba Kepler

Ntore Habimana umwe mu bafashije APR cyane

Styles yagoye Kepler cyane

APR yagize umukino mwiza