Blog

Ni ubutumwa yatanze mu gikorwa cyo Kwibuka ku nshuro ya 30 Jenoside yakorewe Abatutsi mu 1994, yifatanyijemo n'abaturage bo mu Bisesero mu Karere ka Karongi, ahanabereye igikorwa cyo gushyingura imibiri 41 yabonetse mu mirenge itandukanye y'aka karere.

Yavuze ko ari ubutwari bukwiye kwigishwa hose, kugira ngo n'abakiri bato bamenye aya mateka yaranze Bisesero n'umwihariko wayo.

Iki gikorwa cyabaye kuri uyu wa Gatandatu tariki ya 15 Kamena 2024, kibera ku Rwibutso rwa Jenoside yakorewe Abatutsi rwa Bisesero, rwashyizwe mu Murage w'Isi.

Imibiri yashyinguwe harimo itatu yakuwe mu Murenge wa Gishyita, 34 yabonetse mu Murenge wa Rwankuba, imibiri ibiri yabonetse mu wa Twumba ndetse n'indi ibiri yabonetse mu Murenge wa Bwishyura. Yagiye iboneka ahakorwa ibikorwa by'ubuhinzi bw'icyayi n'ibirayi n'ahasizwaga ibibanza by'amashuri.

Madamu Jeannette Kagame, yagize ati 'Bisesero idushushanyiriza neza wa mutima w'u Rwanda watotejwe, wababajwe bitavugwa ariko ntiwemere gupfa. Iduhamiriza ko kugira ngo Jenoside ishyirwe mu bikorwa kandi ishoboke ubuyobozi bwayigizemo uruhare rukomeye.'

'Birababaje kubona Leta ikoresha intwaro n'ingabo z'igihugu zikica abaturage nyamara ariyo yakabaye ibarinda.'

Madamu Jeanette Kagame, yavuze ko amateka y'uyu musozi yerekana igisobanuro gikomeye cy'umuryango, kandi ko ubutwari n'ubudaheranwa bitozwa abakiri bato.

Yavuze ko urugero rukomeye ari ukuntu Abasesero bagaragaje ko barinda umuryango mu makuba akomeye nk'aya Jenoside.

Ati 'Ibi biduha natwe umukoro wo kuba no kurerera u Rwanda ba ntabagwabira. Irindi somo dukura muri aya mateka ni ukumva agaciro k'Ubunyarwanda, kuva mu itegura rya Jenoside Abasesero bakomeje guharanira kubaho kandi babona neza itotezwa ryabakorerwaga igihe kirekire, gukomera ku isoko muzi y'Ubunyarwanda ni ngombwa niyo wasumbirizwa bimeze bite.'

Kayigema Vincent, warokokeye Jenoside mu Bisesero yavuze ko hari hatuye Abatutsi benshi ku buryo ubwicanyi ho butahise butangira.

Yavuze ko ibitero byatangiye kuza mu Bisesero mu matariki ya 09 Mata 1994, baza batwika banasahura inka, Abatutsi batangira guhungira mu bibaya n'inka zabo.

'Kuva icyo gihe kugera kuri tariki ya 15 abasore n'abagabo batangiye kwirwanaho, interahamwe zavaga mu misozi bakarwana nazo abana n'abagore barundira amabuye abasore n'abagabo.'

Inkuru yaje gusakara ko mu Bisesero ishyirwa mu bikorwa ry'umugambi wa Jenoside ryananiranye kubera ko Abatutsi baho bari kwirwanaho, guverinoma yariho itegura inama y'igitaraganya boherezayo abasirikare n'abajandarume bo gufasha Interahamwe.

Yavuze ko hari ubwo imbaraga zose za Perefegitura ya Kibuye, zahurijwe kuri uyu musozi, igitero kiyobowe n'uwari Konseye wa Bisesero baza guhangana n'Abatutsi.

Nyuma ibitero birimo imbunda ziremereye byabagabweho bibarusha imbaraga, bicwamo ababarirwa mu bihumbi n'inka zabo nyinshi zirasahurwa.

Umuyobozi Mukuru wa HEC, Dr Rose Mukankomeje, wari uhagarariye imiryango yashyinguye, yashimiye Madamu Jeannette Kagame, utarahwemye kubagaragazira ko bari kumwe, ko no mu 1998 ubwo habaga igikorwa cyo gushyingura bwa mbere muri uru Rwibutso yari ahari.

Yagize ati 'Turasaba abazi aho abantu bacu bari badufashe bongere babatwereke, nyuma y'imyaka 30 abantu bagishyingura imibiri 40 byanze bikunze hari abandi.'

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascène, yagaragaje ko hari abajenosideri batandatu bahamijwe ibyaha bya Jenoside bakoreye mu Bisesero, n'Urukiko Mpuzamahanga Mpanabyaha rwashyiriweho u Rwanda [ICTR] ruri Arusha muri Tanzania.

Aba barimo Alfred Musema wayoboraga uruganda rw'icyayi cya Gisovu, Abaminisitiri babiri barimo Niyitegeka Eliezer na Ndindabahizi Emmanuel, hakabamo Munyakazi Yussuf n'abandi.

Ati 'Bisesero ihagarariye ubutwari bw'abishwe n'ingoma y'amaraso birwanaho ariko icyo nababwira ntabwo muri ikinege muri ubudatsimburwa hari n'ahandi mu gihugu Abatutsi bishwe bahangana n'Interahamwe bagatsindwa n'amasasu y'abasirikare ba Leta n'abajandarume. Byarabaye muri Nyaruguru, mu Bugesera n'ahandi.'

Umusozi wa Bisesero uzwi cyane mu mateka ya Jenoside yakorewe Abatutsi biturutse ku kuba abari bahatuye n'abawuhungiyeho birwanyeho bakoresheje amabuye n'amacumu mu kurwanya ibitero byabagabwaho byabaga birimo n'ibije kubatwara inka zabo.

Abasesero, babifashijwemo n'umusaza witwaga Birara Aminadab, wabafashaga gupanga urugamba, babashije kwirwanaho hafi ukwezi kose bananiza Interahamwe.

Birara yafataga abagabo n'abasore akabashyira imbere, abana n'abagore bakajya inyuma bakajya barundira abafite imbaraga amabuye yo gutera Interahamwe.

Ubu Urwibutso rwa Bisesero rushyinguyemo imibiri y'Abatutsi barenga ibihumbi 50 biciwe hirya no hino, harimo n'umubiri wa Birara Aminadab n'umuhungu we Nzigira.

Meya w’Akarere ka Karongi, Mukase Valentine, ni we watanze ijambo ry’ikaze

Musenyeri Rukundo Jean Pierre, ubwo yasengaga isengesho ryo gutangira iki gikorwa

Hafashwe umunota wo kunamira abazize Jenoside yakorewe Abatutsi

Kayigema Vicent, warokokeye Jenoside mu Bisesero yavuze ko hari hatuye Abatutsi benshi ku buryo ubwicanyi ho butahise butangira, ariko nyuma ingabo zari iza leta zaje zikabicisha intwaro zikomeye

Minisitiri Bizimana yagaragaje ko hari abajenosideri batandatu bahamijwe ibyaha bya Jenoside bakoreye mu Biseser

Madamu Jeannette Kagame yavuze ko amateka y'uyu musozi yerekana igisobanuro gikomeye cy'umuryango

Iki gikorwa cyari cyitabiriwe n’abaturage batandukanye batuye muri Karongi

Urwibutso rwa Bisesero rushyinguyemo imibiri y'Abatutsi barenga ibihumbi 50

Kapiteni wa Rayon Sports, Muhire Kevin yemeje ko yagiriye inama ubuyobozi bw’iyi kipe kuba bwazana Richard Ndayishimiye ndetse no kugarura Niyonzima Olivier Seif kuko abona ari abakinnyi bayifasha.

Ibi Muhire Kevin yabivuze nyuma y’umukino wa gicuti wahuje Rayon Sports na APR FC bakanganya ubusa ku busa uyu munsi, ni umukino aba bakinnyi bombi bagaragayemo.

Richard Ndayishimiye ukina mu kibuga hagati, ni umukinnyi ukomoka i Burundi akaba akinira Muhazi United aho asigaje amasezerano y’umwaka umwe ariko akaba yaraje mu igeragezwa muri Rayon Sports.

Kevin Muhire akaba yavuze ko yabwiye ubuyobozi ko bishobotse bamuzana kuko yabafasha muri muri iyi kipe ikunzwe na benshi.

Ati “Richard [Ndayishimiye] namubonye mu myitozo tuvuye mu Mavubi mu Nzove ndetse no muri Muahzi twarahuye ni umukinnyi mwiza, mbwira abayobozi ko ari umukinnyi mwiza bishoboka bavugana na Muhazi bakamuzana yadufasha, umukinnyi nk’uriya mu kubaka Rayon Sports ibyo yifuza kugeraho byose mbona afite ubushobozi bwo gukina muri Rayon Sports.”

Yanakomeje avuga ko ari we wabwiye ubuyobozi ko bwagarura Seif kuko ari umukinnyi wafasha muri byinshi.

Ati “Icya mbere kuri Seif ninjye wamubwiye ubuyobozi, mbabwira ko twamukeneye kuko ni umukinnyi nzi neza twakinanye kuva mu Isonga, mu Mavubi, ni umukinnyi nzi neza uzafasha Rayon Sports rero twavuganye n’ubuyobozi ku bw’amahirwe baranyumva baremwemerera.”

Niyonzima Olivier Seif bwa mbere yinjiye muri Rayon Sports muri 2015 avuye mu Isonga, yayikiniye kugeza 2019 ubwo yajyaga muri APR FC yavuyemo muri 2021 ajya muri AS Kigali yavuyemo ajya muri Kiyovu Sports yakiniraga kugeza uyu munsi.

Richard Ndayishimiye arahabwa amahirwe yo gukinira Rayon Sports

Seif yagarutse muri Rayon Sports

Muhire Kevin ni we wabagiriye inama yo kubagura

Ibi ni ibyagarutsweho mu gikorwa cyo Kwibuka ku nshuro ya 30 abazize Jenoside yakorewe Abatutsi, cyajyanishijwe no gusura ndetse no kunamira Abatutsi basaga 5000 baruhukiye mu rwibutso rwa Jenoside rwa Ntarama mu Bugesera.

Ntarama, ni hamwe mu hantu hazwi cyane mu mateka ya Jenoside yakorewe Abatutsi. Hahoze habarizwa muri Komini ya Kanzenze, imwe mu zoherezwagamo Abatutsi babaga barameneshejwe n'ubutegetsi bubirukana mu bindi bice by'igihugu kugira ngo bazahicirwe n'isazi ya Tsetse.

Itotezwa ry'abatutsi ryatangiye muri 1959, ryigaragarije cyane mu Bugesera cyane cyane ubwo ibitero by'Inyenzi byatangiraga muri 1963, aho Abatutsi batangiye kwicwa bitwa ibyitso by'Inyenzi, ndetse no mu 1966 byarasubiriye n'ubundi baricwa.

Perezida w'Urugaga rw'Abahesha b'Inkiko b'Umwuga, Me Niyonkuru Jean
Aimé yemeza ko urwego rw'Ubutabera rwatsinzwe urugamba rwo kurengera abanyantege nkeya.

Mu butumwa bwe yagarutse ku ruhare rw'inzego z'ubutabera mu kurenganya Abatutsi aho kubarengera, ibyo agaragaza ko biha umukoro ukomeye abanyamategeko ba none wo gukoresha ubumenyi bafite mu mategeko bakarwanya akarengane no gukumira ko Jenoside yazongera kuba ukundi.

Perezida w'Urugaga kandi yasabye Abahesha b'Inkiko b'Umwuga bose gukomeza umuco wo Kwibuka bazirikana uruhare bagomba kugira bakoresheje ubumenyi bafite maze bakanyomoza abigize impirimbanyi zo kugoreka amateka yaba mu Rwanda no mu mahanga, kuko bene abo bifuza gusubiza igihugu mu icuraburandi kimaze kwikuramo.

Umuyobozi w'Ishami rishinzwe kwegereza abaturage ubutabera muri Minisiteri y'Ubutabera , Gahongayire Myriam, wari umushyitsi mukuru muri uyu muhango, yibukije Abahesha b'Inkiko ko igikorwa cyo Kwibuka ari ingenzi mu rugendo rwo kubaka amahoro arambye mu banyarwanda.

Gahongayire yihanganishije abarokotse Jenoside ndetse asaba Abahesha b'Inkiko
b'Umwuga n'abandi bari mu nzego zitanga ubutabera, kwigira ku mateka ya
Jenoside n'ibyatumye ishoboka maze bagakora ikinyuranyo binyuze mu kubahiriza amategeko no kutavangura Abanyarwanda.

Urwibutso rwa Jenoside rwa Ntarama ruri mu karere ka Bugesera ni hamwe mu hantu hagaragaza amateka y'ubugome n'ubwicanyi ndengakamere kuko Abatutsi bahungiye ku yahoze ari santarali ya Ntarama bibwiraga ko mu kiliziya bazaharokokera nk'uko bajyaga bahahungira no mu bwicanyi bwabanjirije Jenoside nyirizina ariko byarangiye abahahungiye bose biciwe muri iyo kiliziya yanahinduwe Urwibutso rwa Jenoside yakorewe Abatutsi mu 1994.

Gahongayire Myriam yasabye abari mu nzego zitanga ubutabera gukomeza kubahiriza amategeko no kwirinda icyavangura Abanyarwanda

Perezida w'Urugaga rw'Abahesha b'Inkiko b'Umwuga, Me Niyonkuru Jean Aimé yavuze ko Kwibuka ari ingenzi cyane.

Visi Perezida w’Urugaga rw'Abahesha b'Inkiko b'Umwuga ashyira indabo ku mva iruhukiyemo abarenga 5000 muri uru Rwibutso

Abagize Urugaga rw'Abahesha b'Inkiko b'Umwuga bibutse ku nshuro ya 30 Jenoside yakorewe Abatutsi

Komisiyo y'Igihugu y'Amatora yatangaje urutonde ntakuka rw'abemerewe kwiyamamaza ku wa 14 Kamena 2024 rugaragaraho bamwe mu babaye abanyamakuru ndetse n'abakibikora.

Muri abo banyamakuru harimo abatanzwe n'imitwe ya Politiki babarizwamo barimo Niyodushima Dieudonnée watanzwe n'Ishyaka PPC binyuze mu ihuriro ryayo n'Umuryango FPR Inkotanyi.

Yagaragaye ku rutonde rw'abakandida batanzwe n'Umuryango wa FPR Inkotanyi ndetse yemerewe kwiyamamza kuko yujuje ibisabwa.

Uyu mugabo wakoze itangazamakuru kuri radiyo zitandukanye zirimo Isangano na RadioTV Flash yabwiye IGIHE ko azi imibereho y'Abanyarwanda bityo ko byamuteye gushaka gukomeza gukorera abaturage ubuvugizi.

Ati 'Gukorera Abanyarwanda ubuvugizi rero ni kimwe mu byansunikiye kumva natanga umusanzu wanjye mu nteko ishinga Amategeko. Hagatorwa amategeko ashingiye ku mibereho, umuco n'imigirire ya Kinyarwanda.'

Yize itangazamakuru n'itumanaho muri Kaminuza y'u Rwanda ndetse yananyuze mu ishuri rya Politiki n'imiyoborere ryitwa Youth Political Leadership Academy ry'ihuriro ry'imitwe ya Politiki yemewe mu Rwanda.

Undi munyamakuru ugaragara ku rutonde rw'abemerewe kwiyamamaza ni Ally Muhirwa watanzwe n'Ishyaka Ntangarugero muri Demokarasi PDI.

Ally Muhirwa amaze imyaka 10 akorera mu Karere ka Musanze. Yize ibirebana n'ikoranabuhanga mu mashuri yisumbuye ndetse anabikomerezamo muri Kaminuza.

Yagaragaje amaze imyaka akora inkuru n'ibiganiro bya Politiki bityo ko byamuteye imbaraga no gutinyuka ibirebana nayo.

Yagize ati 'Kuba umunyamakuru yagaragara ku rutonde rw'abemerewe kwiyamamariza kuba umudepite mbibona nk'uruhare dukomeza kugira nk'itangazamakuru tukaba tunashaka kurugira no mu Nteko Ishinga Amategeko. Tuba dufite inararibonye mu bintu bitandukanye rero ni umwanya mwiza tubonye kugira ngo dukomeze kubaka igihugu cyacu mu ngeri zinyuranye.'

Ishyaka Riharanira Demokarasi no Kurengera Ibidukikije mu Rwanda (DGPR) ryemerewe na NEC abakandida 54 ko ari bo bujuje ibisabwa muri 64 bari batanzwe.

Muri abo bakandida harimo Byiringiro Jean Elysee watangiye itangazamakuru mu 2006.

Byiringiro yanyuze ku maradiyo atandukanye arimo Radio Sana, Ikinyamakuru Gasabo, Rushyashya, City Radio, Isango Star, The Newtimes mu Izuba Rirashe, Imvaho Nshya ndetse n'icye yaje gushing cya Indatwa.

Yavuze ko nk'uko yatanzwe n'Ishyaka biteze intsinzi hagendewe ku bikubiye muri manifesto yabo baheruka gushyira ahagararara mu Nteko rusange.
Ati 'Harimo ko abaturage bagomba kwihaza mu biribwa, tugabanyirizwe umusoro wa TVA, kugabanya ubushomeri bwugarije urubyuriko, gusaba ko umuturage yemererwa kugura imiti muri za farumasi zose ukoresheje ubwishingizi bwa Mitiweli ndetse no gusaba ko igifungo cy'iminsi 30 y'agateganyo gikurwaho.'

Hari kandi Kwigira Issa wakoze ku bitangazamakuru bitandukanye birimo Radio na Televiziyo Flash akaba yaratanzwe n'Ishyaka Ntagarugero muri Demokarasi PDI.

Kwigira Issa wayoboye Ishami rya Radio Flash mu Karere ka Nyagatare mu gihe cy'imyaka itandatu yize ibijyanye n'Itangazamakuru muri Kaminuza ndetse kuri ubu ari kurangiza icyiciro cya Gatatu cya Kaminuza mu Itumanaho muri Mount Kigal (yahoze yitwa Mount Kenya University).

Yagize ati 'Ntabwo navuga ko Politiki ari inzira nshya, kuko nk'umunyamakuru ubimazemo imyaka isaga 10, akazi ka buri munsi nkora Politiki iriganje. Mbaye nyigezemo byeruye, narushaho gukorera abaturage ubuvugizi butandukanye kuko nanjye naba narigeze kuba nka bo, kandi nta we uribara nk'uwariraye.'

Mu bandi batanze kandidatire harimo Uwababyeyi Jeannette wakoze mu Rwego rw'Igihugu rw'Itangazamakuru RBA igihe kinini ariko kuri ubu akaba abarizwa muri RNIT Iterambere Fund.

Uwababyeyi Jeannette asanzwe ari umurwanashyaka w'Ishyaka Riharanira Demokarasi n'Imibereho Myiza y'Abaturage (PSD) akaba n'umuhuzabikorwa w'abagore ku rwego rw'Igihugu muri ryo.

Uwababyeyi Jeannette ari mu bagore 199 bari guhatanira imyanya 24 mu cyiciro cyihariye cy'abagore mu matora azaba ku wa 16 Nyakanga 2024.

Kandidatire ye yayitanze nk'uziyamamariza mu Ntara y'Amajyepfo aho ari mu bagore 60 batangajwe ko bujuje ibisabwa muri yo.

Hari kandi Umunyamakuru akaba n'Umuyobozi w'ikinyamakuru Tumwesigire Peace Hillary nawe watanze kandidatire mu cyiciro cyihariye cy'abagore.

Kandidatire ye yaremejwe ndetse yagaragaje ko aziyamamariza mu Ntara y'Amajyepfo.

Byiringiro Elysee yatanzwe n’ishyaka DGPR

Ally Muhirwa amaze imyaka 10 akora muri Radiyo Musanze

Kwigira Issa ni umwe mu banyamakuru bemerewe kwiyamamaza

Tumwesigire Peace Hillary na we ari mu bakandida bemerewe kwiyamamaza

Uwababyeyi Jeannette ubwo yatangaga kandidatire ye

Niyodushima Dieudonne yagaragaje ko yiteguye kwinjira mu Nteko Ishinga Amategeko

Ni ku nshuro ya mbere iri rushanwa riri kuba. Rihuje abakobwa babarizwa mu bihugu bitandukanye ku Isi, b'Abiraburakazi. Ryubakiye ku ntego yo guteza imbere umukobwa binyuze mu gutera inkunga umushinga we ufitiye akamaro Sosiyete muri rusange.

Kwiyandikisha byatangiye ku wa 16 Gashyantare 2024, bisozwa ku wa 16 Werurwe 2024. Nyuma y'ukwezi kurenga, hiyandikishije abakobwa bagera kuri 400 babarizwa mu bice bitandukanye by'Isi.

Ryitabiriwe n'abakobwa bo mu Rwanda, U Burundi, Uganda, Tanzania, Canada, Mauritius n'abandi.

Akanama Nkemurampaka kagizwe n'abahanga mu ngeri zinyuranye bafashe igihe cy'iminsi ibiri bahitamo abakobwa 59 'bafite imishinga myiza'.

Umuyobozi wa Imanzi Agency Ltd iri gutegura iri rushanwa, Byiringiro Moses yabwiye InyaRwanda ko hejuru yo guhitamo umushinga mwiza, banarebye uburyo umukobwa abasha kuwusobanura, ndetse n'uburyo uzafasha sosiyete kwiteza imbere.

Ati 'Twahisemo abakobwa 60 bafite imishinga myiza, bazi kuyisobanura ndetse tureba n'umushinga ushoboka. Mu kubahitamo twifashishije abazobereye mu bijyanye n'imishinga, urumva ko cyari igikorwa kitoroshye, yaba kuri twe nk'abategura, ndetse n'abagize akanama nkemurampaka.'

Akomeza ati 'Hari hiyandikishije abakobwa 400 guhitamo 59 kari akazi gakomeye, ariko twifashishije abahanga mu bijyanye n'imishinga ku rwego Mpuzamahanga.'

Byiringiro yavuze ko nyuma yo guhitamo abakobwa 59 bagiye gutangiza icyiciro cy'amatora yo kuri Internet (Online), kandi buri mukobwa azagirana ibiganiro n'Akanama Nkemurampaka hifashishijwe uburyo bwa Zoom, bizasiga hamenyekanye abakobwa 10 bazajya i Dubai muri Leta Zunze Ubumwe z'Abarabu.  

Yavuze ko abafana ari bo bazagena abakobwa 10 bazagera mu cyiciro cya nyuma. Ati 'Icyiciro cy'amatora tugiye kwinjiramo kirakomeye, ni uruhare rw'abafana mu guhitamo umukobwa babona ko akwiye guhembwa ku mwanya wa mbere. Ariko kandi ibi bizakomeza gukorwa bihujwe n'amajonjora azakorerwa kuri 'Zoom', abazatsinda aho rero ni abo 10 bazakomeza kuri 'Final'.

Umukobwa wa mbere azahembwa amadorali 15,000 [Ni hafi Miliyoni 19,634,910.00], azagaragirwa n'igisonga cya mbere uzahembwa amadorali 5,000 [Ni hafi Miliyoni 6,544,970.00] cyo kimwe n'igisonga cya kabiri. Aba bakobwa kandi bazafashwa kwitabira andi marushanwa ahuriza hamwe abiraburakazi.

Mu byagendeweho umukobwa yemererwa guhatana harimo kuba afite imyaka hafati ya 18 na 35 y'amavuko no kuba afite umushinga uteza imbere sosiyete n'ibindi.

AMAFOTO YA BAMWE MU BAKOBWA 59 BAHATANIYE KUVAMO MISS BLACK FESTIVAL

Pretty Mwiza

Irene Kayisire

Ange Souvatte

Mariam Uwase

Li Hua Brenda

Ange Nicole

Kaliza Kayirangwa Ornella

Housna Lara Sapna

Lisa Teta Cyuzuzo

Umutoni Eliane

Ibi bigo byombi byatangiye gukorana mu Ugushyingo 2023, aho bifasha abashaka kujya mu kazi, gutembera no kwiga mu mashuri yo muri Canada, Amerika n'ahandi henshi ku Mugabane w'u Burayi.

Ibi bigo bisanzwe bifite amashuri bihuza n'abanyeshuri baba bagiye kwigira kuri buruse ndetse n'abiyishyurira mu byiciro byose bya kaminuza. Iri gabanywa ry'ibiciro rikaba rizarangira ku itariki ya 14 Nyakanga 2024.

Umuyobozi wa Mega Global Link, Dr. Francis Habumugisha, yagarutse ku mahirwe ari mu kujya kwiga hanze, ndetse n'uruhare babigiramo mu koroshya uru rugendo.

Yagize ati 'Mega Global Link ni ikigo kimaze iminsi gikora serivisi zitandukanye mu gufasha abashaka kujya kwiga hanze yaba Canada, Amerika yaba n'u Burayi ndetse tukaba dufasha abagiye kwiga, abagiye mu kazi aho tumaze gutwarayo benshi mu gihe tumaze dukora.'

Yakomeje agira ati 'Uyu munsi twafunguye ibikorwa bishya bibiri, kimwe ni amahirwe twahaye abantu yaba abashaka kujya kwiga muri ibi bihugu mu mwaka w'amashuri muri Nzeri, amarembo arafunguye dufatanyije na ApplyBoard, ApplyBoard ni ikigo kiri i Burayi, Amerika, na Canada ariko icyicaro cyacyo kiri Canada. Twagiranye amasezerano yo kugihagararira muri Afurika, ubu rero tukaba twafunguye ubu buryo bwo gutwara abanyeshuri ku kiguzi gito.'

Aya mahirwe azahabwa abantu bazaba biyandikishije bitarengeje itariki ya 14 Nyakanga uyu mwaka.

Ibi bigo kandi bifite gahunda izwi nka 'Summer camps' ifasha abifuza gutembera mu Burayi, Canada ndetse na Amerika bashaka kuruhuka, kwidagadura n'ibindi. Ni gahunda iba igizwe n'ibikorwa bitandukanye bifasha kwishima birimo imikino ikinirwa hanze, amahugurwa, umuziki, imbyino, siporo n'ibindi byinshi.

Dr. Arthur Rukundo, inzobere mu by'ubuzima, yasobanuye akamaro ko kuruhuka, cyane cyane muri ibi bihe by'impeshyi.

Ati 'Turashaka kwigisha Abanyarwanda umuco wo kuzigama maze bagatembera hanze bakaruhura ubwonko. Nk'uko tubizi abakozi ba Leta usanga bagira ikiruhuko cy'ukwezi kose ariko ugasanga afata ikirihuko ajya mu kandi kazi ibiraka se n'ibindi.'

Yakomeje agira ati 'sinzi niba Abanyarwanda bari kubona imibare y'abarwara 'stroke' ukuntu iri kugenda yiyongera mu gihugu, turi kugenda tubura abantu kubera ko bakora bataruhuka. Iyo umuntu agiye hanze hari ibyo yiga, akabona hanze ukuntu babayeho, ukuntu babana nawe bigahita bimwigisha. Ikindi cya gatatu ni ukwigisha abantu uburyo bwo gushyira hamwe kuko burya bituma umuntu agera kure.'

Umuyobozi wa Mega Global Link, Dr. Francis Habumugisha, yagarutse ku mahirwe ari mu kujya kwiga hanze, ndetse n’uruhare babigiramo mu koroshya uru rugendo

Abanyarwanda basobanuriwe akamaro ko gutemberera hanze y’u Rwanda

Dr. Arthur Rukundo, inzobere mu by'ubuzima, yasobanuye akamaro ko kuruhuka, cyane cyane muri ibi bihe by’impeshyi

Muri Stade Amahoro yari yuzuye abafana baje kwihera ijisho, APR FC na Rayon Sports habuze iyemeza indi maze iminota 90 y’umukino irangira ari ubusa ku busa.

Wari umukino wa gicuti wahuje amakipe y’amakeba mu Rwanda, Rayon Sports na APR FC. Ni amakipe bidakunze kubaho ko yakina umukino wa gicuti.

Bakaba kuri iyi nshuro bawukinnye mu rwego rwo gutaha Stade Amahoro yari imaze imyaka irenga ibiri ivugururwa kugira ngo ijye ku rwego mpuzamahanga, yavuye ku bihumbi 25 yakiraga ikaba isigaye yakira ibihumbi 45.7.

Umukino waherukaga guhuza aya makipe muri Stade Amahoro wabaye mu Kuboza 2019 aho warangiye ari 2 bya APR FC ku busa bwa Rayon Sports.

Ni umukino amakipe yombi yakinnye adafite abakinnyi ba yo bose aho bari mu biruhuko kandi akaba ataramara kuva ku isoko ry’abakinnyi.

Nka APR FC nta mukinnyi w’umunyamahanga wa yo wari uhari, gusa yagaragayemo abakinnyi bashya nka Mugiraneza Frodauard, Dushimimana Olivier, Byiringiro Gilbert na Tuyisenge Arsene bivugwa yamaze gusinyisha ndetse n’umunyezamu Ruhamyankiko Yvan wo mu Intare FC.

Rayon Sports na yo yari ifitemo abakinnyi bashya nka Olivier Seif Niyonzima, umunyezamu Jackson Lunang, Richard Ndayishimiye ariko amakuru akavuga ko bari batarasinya.

Iminota 7 ya mbere y’umukino wabonaga umupira ukinirwa mu kibuga hagati nta mahirwe afatika buri ruhande ruramera.

Amahirwe afatika ya mbere yabonetse ku munota wa 9 ku mupira Kabange wa Rayon Sports yahinduye imbere y’izamu ariko Richard yatera ukanyura hejuru yaryo.

Kategaya wa APR FC ku munota wa 10 yagerageje ishoti yatereye inyuma y’urubuga rw’amahina ariko umupira unyura hanze gato y’izamu ryari ririnzwe na Jackson.

Muri iyi minota wabonaga umukino watangiye gufata irange. Ku munota wa 11 Ganijuru Elie yahinduye umupira mwiza imbere y’izamu ariko Charles Baale ananirwa gushyira mu izamu.

Rayon Sports wabonaga irimo kurema uburyo bwinshi, Richard Ndayishimiye yaje guha umupira mwiza Muhire Kevin ariko ateye unyura hanze gato y’izamu rya Ishimwe Pierre.

Kevin yongeye kugerageza ishoti rikomeye ku munota wa 25 ariko rinyura hanze y’izamu, ryakurikiwe n’irya Iraguha Hadji ku munota wa 26 na ryo ryanyuze hanze gato y’izamu.

Kwitonda Alain Bacca ku munota wa 28 yagerageje ishoti rikomeye ariko rinyura hejuru y’izamu rya Rayon Sports.

APR FC yaje gukora impinduka ku munota wa 31, Kategaya Elie aha umwanya Niyibizi Ramadhan.

Ku munota wa 38, Ganijuru Elie yagerageje ishoti rikomeye yatereye inyuma y’urubuga rw’amahina ariko umunyezamu Ishimwe Pierre awushyira muri koruneri itagize icyo itanga. Amakipe yombi yagiye kuruhuka ari ubusa ku busa.

Ku munota wa 51, Jackson Lunang yarokoye Rayon Sports akuramo umupira ukomeye wa Niyibizi Ramadhan.

Umunyezamu wa APR FC, Ishimwe Pierre na we yarokoye ikipe ye ku munota wa 54 ubwo yakuragamo umutwe wa Nsabimana Aimable ku mupira wari uvuye kuri koruneri yari itewe na Muhire Kevin.

Kimwe no mu gice cya mbere Rayon Sports yarimo ikinana neza, bahererekanya ndetse bakagerageza kurema amahirwe y’ibitego kurusha APR FC. Ku munota wa 58 Charles Baale yateye ishoti rikomeye ariko rinyura hanze y’izamu.

Ku munota wa 61, Rayon Sports yakoze impinduka 2, Desire Mugisha na Ibiok binjiyemo havamo Yenga na Iraguha Hadji.

Ku munota wa 63, Byiringiro Gilbert yahinduye umupira imbere y’izamu ariko wigira mu maboko y’umunyezamu Jackson.

Charles Baale yagerageje ishoti rikomeye ku munota wa 73 maze umunyezamu Pierre arawufata.

APR FC yakoze impinduka za kabiri ku munota wa 76, Mugisha Gilbert aha umwanya Tuyisenge Arsene wahoze akinira Rayon Sports.

Ku munota wa 77, Muhire Kevin yacomekeye umupira mwiza Ibiok acika ubwugarizi bwa APR FC ariko Pierre umupira arawumutanga.

87 Charles Baale yahaye umwanya Kalenda. Kuri uyu munota Rayon Sports yahushije igitego cyabazwe aho Kevin yarobye Ishimwe Pierre azi ko byarangiye ariko uyu munyezamu awukuramo. Umukino warangiye ari ubusa ku busa.

11 amakipe yombi yari yabanjemo

APR FC: Ishimwe Pierre
Byiringiro Gilbert, Niyomugabo Claude, Nshimiyimana Yunusu, Ndayishimiye Dieudonne, Mugiraneza Frodauard, Ruboneka Bosco, Kategaya Elie, Mugisha Gilbert, Kwitonda Alain Bacca na Dushimana Olivier

Rayon Sports: Jackson Lunang, Emmanuel Nshimiyimana Kabange, Ganijuru Elie, Nsabimana Aimable, Mitima Isaac, Niyonzima Olivier Seif, Richard Ndayishimiye, Muhire Kevin, Iraguha Hadji, Charles Baale na Yenga

Umukino watangijwe n’umunota Kwibuka Jenoside yakorewe Abatutsi mu 1994

Nta Derby yorohaaa

Bacca yagerageje ariko biranga

Bagerageje biranga

Stade Amahoro yari yuzuye

Uyu munyamuziki wamamaye mu ndirimbo zirimo 'Ndakumisinze' yasohoye mu myaka 10 ishize, yageze ku kibuga cy'indege Mpuzamahanga cya Kigali mu ijoro ryo kuri uyu wa Gatanu tariki 14 Kamena 2024, yakirwa na Platini P.

Amashusho yagiye hanze agaragaza Big Fizzo agera ku kibuga cy'indege afite igikapu kimwe. Mbere yo kugera i Kigali, yari yasohoye amashusho kuri konti ye ya Facebook, amugaragaza ari kumwe n'inshuti ze n'abandi baryoshya ku nkengero z'amazi mu Mujyi wa Salerno mu Butaliyani- Ni majyepfo ashyira Uburasirazuba bw'iki gihugu.

InyaRwanda yabonye amakuru yizewe avuga ko Big Fizzo agenzwa no kwitabira ubukwe yatumiwemo, ndetse ni umwe mu bahanzi bashobora kuzaburirimbamo.

Platini na Big Fizzo bafitanye umubano wihariye! Umubano w'abo watangiye kwaguka mu 2016 nyuma y'uko uyu muhanzi wo mu Burundi akoranye indirimbo na Urban Boys, Fireman bise 'She Say yes'- iri mu ndirimbo za Dream Boys zakunzwe cyane.

Ku wa 25 Nyakanga 2022, Platini yasohoye indirimbo 'Ikosa 1' na Big Fizzo. Imaze kurebwa n'abantu barenga ibihumbi 700. Iba indirimbo ya kabiri, aba bahanzi bombi bahuriyemo, nyuma y'imyaka irenga icyenda ubushuti bwabo bwagutse.

Big Fizzo wamamaye mu ndirimbo zitsa ku rukundo, yari yitezwe i Kigali, ku wa 30 Werurwe 2024 mu gitaramo 'Baba Experience', Platini yakoreye muri Kigali Conference and Exhibition Village ahazwi nka Camp Kigali, ariko siko byagenze. Ntiyabashije kugera i Kigali, ahanini bitewe n'umwuka utari mwiza hagati y'ibihugu byombi.     

Big Fizzo ari mu bahanzi bakomeye mu Burundi kuva mu myaak 20 ishize. Yavukiye kandi akurira mu Mujyi wa Bujumbura. Yatangiye umuziki mu myaka ya 1990, yinjiriye mu itsinda ry'abanyamuziki rya Nigga Sound.

Yamaze igihe gito muri iriya tsinda bitewe n'ibibazo byagiye bivukamo, ahitamo kuvamo atangira urugendo rw'umuziki we nk'umuhanzi wigenga.

Mu bihe bitandukanye yagiye avuga ko impano ye yakunze biturutse ku gushyigikirwa na Kidum, umunyamuziki w'umurundi ubarizwa muri Kenya.

Kuva ku  ndirimbo nka 'Mbarira', 'Bajou', 'Sitapenda Tena' n'izindi, Big Fizzo afatwa nk'umuhanzi w'icyatwa mu Karere ka Afurika y'Iburasirazuba.

Platini P yakiriye mugenzi we Big Fizzo wageze i Kigali muri gahunda zirimo no kwitabira ubukwe

Muri Werurwe 2024, Big Fizzo yari yitezwe i Kigali mu gitaramo cya Platini

Platini yakunze kugaragaza ko afitanye umubano wihariye na Big Fizzo

KANDA HANO UREBE AMASHUSHO Y'INDIRIMBO 'IKOSA 1' YA BIG FIZZO NA PLATINI

“> 

KANDA HANO UREBE AMASHUSHO Y'INDIRIMBO 'NDAKUMISINZE' YA BIG FIZZO

“>