Blog

Yabigarutseho ku wa 25 Kamena 2024, ubwo Umukandida w'Umuryango FPR-Inkotanyi, Paul Kagame yiyamamarizaga kuri Site ya Rugarama, i Nyamirambo mu Karere ka Nyarugenge.

Ni ubutumwa Sheikh Harerimana yagarutseho ubwo yagaragazaga uburyo ku buyobozi bwa Perezida Kagame abaturage bafashijwe mu nguni zose bigera aho n'abari batuye mu manegeka bahabwa inzu z'icyitegererezo zo guturamo.

Yashingiraga kandi ku byakozwe mu Karere ka Nyarugenge ku bijyanye n'imiturire aho hubatswe imidugudu ibiri y'icyitegerezo ari yo Rugendabari na Karama mu mushinga wo gutuza neza imiryango 328.

Sheikh Harerimana yavuze ko kuri iyi nkunganire y'inzu hari umuntu bayihaye, abwira umugore n'abana ko 'Nta gusohoka. Igipindi cy'Inkotanyi ntawamenya icyo ari cyo. Muraramuka musohotse bakayiha undi ibyo [muzabyirengera]. Nta byo gusohoka bihari.'

Sheikh Harerimana yavuze ko bwa budasa bw'Inkotanyi no gusohoza ibyo uyu Muryango wiyemeje, bwakeye uwo muturage yahawe ibyangombwa by'iyo nzu iba iye kugeza uyu munsi.

Ati 'Basohotse bavuga ngo Inkotanyi ni ukuri. Inkotanyi ni ukuri ni byo koko. Inkotanyi si igipindi ni ukuri. Ubwo nimumbaza ngo kuki PDI mumukomeyeho? Tumukomeyeho kubera ayo mateka, nta kiduteye ubwoba.”

Yavuze ko ubuyobozi bwa Perezida Kagame budashirira mu mpanuro gusa ahubwo bubishyira no mu bikorwa byivugira, “biboneka kuri buri wese.”

Ati “N'ufite uburwayi bwo kudashaka kubibona arabibona akabyirengagiza. Ntawe utabibona. Umuyobozi nk'uyu ni ukumukomeraho. Iri terambere dufite ntabwo turi kurisogongera, bya bindi byo kubonja, oya ntabwo tubonjwa ngo ejo haze abandi babitwara, ni ibyacu.”

Perezida wa PDI yavuze ko “Niba hari n'ababyifuza, abo bumve ko bidashoboka, gusubira inyuma, kugirirwa nabi byararangiye, ni iterambere gusa.”

Yamenyekanishije ko abaturage ba Nyarugenge bamutumye ko bashaka ko Perezida Kagame yazafatanya na bo mu gutorera muri aka Karere, ati “Rwose ubwo burenganzira bwo kwiyimura ku ilisiti y'itora mufite, bambwiye ngo mbababwirire ko iryo shema badashaka ko muribambura.”

Mu gusubiza ubusabe bw'abaturage b'i Nyarugenge, Perezida Kagame yavuze ko atavuye hamwe ngo ajye ahandi kuko yanze aho yari ari, ashimangira ko nta kabuza azifatanya na bo.

Ati “Ntibyambuza gutorera aho ari ho hose nkagaruka nkifatanya namwe igihe muba mutora. Tuzaba turi kumwe ibyo ari byo byose.”

Mu byagezwego Sheikh Harerimana yagarukagaho uretse imiturire, ab'i Nyarugenge bahawe umuhanda wa Ruliba- Karama- Nyamirambo wa km 7,8 aho iki gikorwa cyatangiriye mu 2018 kigasozwa mu 2019 gitwaye ingengo y'imari ya 7 300 000 000 FRW.

Hari kandi umushinga wo kwagura imihanda ingana na km 54,56 mu Mujyi wa Kigali.

Mu bikorwaremezo bijyanye n'amazi, habayeho gusana no kwagura imiyoboro yayo mu Mujyi wa Kigali n'inkengero aho hubatswe ibilometero 580. Uretse uwo muyoboro wa km 580 hanubatswe ibigega 41 bifite ubushobozi bwo kubika m³ 86.450.

Ni umushinga wagendeyeho ingengo y'imari y'amadolari ya Amerika agera kuri 65 026 927,9 ku buryo byafashije kugeza amazi meza ku baturage bangana na 398,300.

Mu burezi, hateganyijwe kubaka ibyumba by'amashuri 1 424 ndetse kugeza mu 2022, ibigera kuri 551 byari bimaze kuzura bitwaye ingengo y'imari ingana na 3 472 430 791 Frw.

Hanubatswe ishuri rya GS Kigali mu mudugudu w'ikitegererezo wa Karama, ku ngengo y'imari ya 2 347 476 596 Frw.

Hubatswe amashuri ane y'imyuga n'ubumenyingiro (TVET Schools) atwara ingengo y'imari ya 329 663 283 Frw.

Amashanyarazi nayo yarakwirakwijwe agezwa mu bice bitandukanye ndetse ku buryo ingo zayahawe zavuye ku 80 337 mu 2017 zikagera ku 100 744 mu 2023 n'ibindi.

Perezida w'Ishyaka Ntangarugero muri Demokarasi, PDI, Sheikh Mussa Fazil Harerimana yerekanye ko gusubira inyuma ku Rwanda bidashoboka

Perezida w'Ishyaka Ntangarugero muri Demokarasi, PDI, Sheikh Mussa Fazil Harerimana yifashishije ibikorwa wakoze, yagaragaje uburyo Umuryango FPR-Inkotanyi ari ukuri

Uyu musore wamamaye mu ndirimbo zirimo 'Akagezi ka mushoreza', yahagurutse ku kibuga cy’indege Mpuzamahanga cya Kigali mu ijoro ryo kuri uyu wa Mbere tariki 24 Kamena 2024.

Mbere yo guhaguruka, yavuze ko yiteguye gususurutsa abatuye muri Leta ya Texas muri Amerika. Yashishikarije abakunzi be n’abandi kutazacikwa n’iki kiganiro n’ibindi. 

Ati “Bwira inshuti zawe n’abandi kuzaza kwifatanya natwe mu kwishimira umuziki ndetse n’ibiganiro bizatangwa kuri uriya munsi, tuzahurireyo.”

Yaherukaga muri Amerika muri Nyakanga 2023, ubwo yari yagiye gusoza amasomo ye y'Icyiciro cya Gatatu cya Kaminuza mu Ishami rya 'Contemplation Center' muri University of Virginia mu Mujyi wa Washington.

Iri serukiramuco ryiswe 'Freedom Celebration' ni ngaruka mwaka, ritegurwa na Ramjaane Foundation, umuryango udaharanira inyungu uharanira amahoro n'ubwisanzure mu muryango mugari w'impunzi n'abimukira babarizwa muri kiriya gihugu.

Uyu muryango washinzwe n'umunyarwenya akaba n'umubwirazabutumwa bwiza, ufite inkomoko mu Majyaruguru ya Repubulika Iharanira Demokarasi ya Congo (RDC), mu miryango y'abavuga ururimi rw'Ikinyarwanda.

Ni iserukiramuco rizaba ku wa 29 Kamena 2024. Mani Martin yabwiye InyaRwanda ko yatumiwe muri iri serukiramuco 'nk'umuhanzi uharanira ukwishyira ukizana kwa muntu'.

Muri iri serukiramuco, Mani Martin azahuriramo n'abandi bahanzi batandukanye. Yavuze ko azatanga ikiganiro kizibanda ku rugendo rugana aho umuntu yakwita imuhira.

Ni ikiganiro avuga ko gishingiye ku butumwa bwumvikana kuri Album ye ya Gatandatu yise 'Nomade' yashyize hanze mu 2023.

Uyu muhanzi amaze imyaka irenga 15 yunze ubumwe n'umuziki. Azwiho ubuhanga budasanzwe mu kuririmba imbona nkubone ibizwi nka Live Performance.

Mu mwaka wa 2017, ni bwo Mani Martin yakoze ibitaramo bikomeye byazengurutse mu bice bitandukanye by'u Rwanda. Icyo gihe yahuye n'abakunzi be abamurikira album ye ya Gatanu yise 'Afro' iriho indirimbo zakunzwe mu buryo bukomeye.

Mu 2019, uyu munyamuziki yataramiye mu gihugu cy'u Buyapani mu ruhererekane rw'ibitaramo 23 yise 'Mani Martin Japan Peace Tour'.

Album yise 'Nomade' yatangiye kuyikoraho kuva mu 2020 igizwe n'indirimbo esheshatu zirimo n'iyo yakoranye n'umunyabigwi Soul Bangs wo muri Guinea-Conakry wegukanye Prix découvertes RFI.

Iriho kandi indirimbo imwe yafatanije n’umuhanzi w’icyamamare ku mugabane wa Africa, Soul Bangs ukomoka muri Guinea Konakri wanegukanye Prix Découvertes RFI mu 2016, ndetse n’indi imwe yafatanije na Bill Ruzima.

Mu 2017, uyu muhanzi yasohoye Album yise 'Afro', mu 2008 ashyira hanze iyitwa ‘Isaha ya 9’, ‘Icyo Dupfana’ yo mu 2010, ‘Intero y’amahoro’ yo mu 2011 na ‘My Destiny’ yo mu 2012.

Mani Martin yerekeje muri Amerika nyuma y'amezi 11 ahaherewe impamyabumenyi y'icyiciro cya Gatatu 

Iri serukiramuco, Mani Martin yitabiriye rizaba ku wa 29 Kamena 2024 muri Leta ya Texas 

Mani Martin avuga ko ikiganiro azatanga kizibanda cyane ku bihangano biri kuri Album ye ‘Nomade’ 

KANDA HANO UBASHE KUMVA ALBUM 'NOMADE' YA MANI MARTIN

“>

Grace Ishimwe ni umukobwa ukiri muto wagaragaye gacye mu myidagaduro, ariko akaba asanzwe ari umuhanzikazi mu muziki wo kuramya no guhimbaza Imana. Avuga ko umuziki ari ikintu akunda. Yaminuje mu mategeko muri Kaminuza ya UNILAK mu 2022, kuri ubu akaba ari kwiga mu ishuri rimufasha kuba Umunyamwuga mu bijyanye n’Amategeko.

Mu kiganiro na InyaRwanda, Ishimwe Grace uri mu bakandida 55 ba PDI bahatanira kujya mu Nteko Ishinga Amategeko y’u Rwanda mu matora azaba kuwa 14-15 Nyakanga 2024, yavuze ko yagize inyota yo kujya muri Politiki ubwo yigaga muri kaminuza “kuko ni bwo nari maze gusobanukirwa, niyumvamo urukundo rw’igihugu cyanjye cyane”.

Mu gihe benshi mu rubyiruko baba bashaka kujya kuba mu mahanga, we yiyumvisemo cyane u Rwanda, ati “Ni na yo mpamvu urungano rwanjye babaga bafite indoto zitandukabye bamwe bifuza kuba mu bihugu by’amahanga banabigerageza, ariko njye nahoze nifuza kuzaguma ku butaka bwambyaye nkakorera u Rwanda n’imbaraga zanjye zose”.

Yahishuye ko igitekerezo cyo kujya mu Nteko Ishinga Amategeko cyaje “ubwo namenyaga inshingano za ‘Parliament’ [Inteko Ishinga Amategeko] ndetse bijyana n’uko nize amategeko. Ubu mbarizwa mu ishyaka rya PDI ari na ho nanyujije kandidature yanjye nyuma yo kubona ko nujuje ibisabwa ngo bibe byakwakirwa na NEC [Komisiyo y’Igihugu y’Amatora]”.

Uyu mukobwa w’imyaka 24 y’amavuko uri kwiyamamariza kuba Depite, avuga ko naba Umudepite, azafasha urubyiruko mu bijyanye no guhanga imirimo. Aragira ati “Ndamutse ngeze mu Nteko, ibitekerezo byanjye ahanini bizaba bishingiye ku cyakongera amahirwe y’urubyiruko abafasha guhanga imirimo n’ibindi bibazo byugarije urubyiruko”.

Avuga ko amaze imyaka ibiri mu Ishyaka PDI, umwihariko waryo akaba ari uko ari ishyaka ryashinzwe rishingiye ku Idini ya Islam, ariko magingo aya ryafunguye amarembo no ku bandi bose mu kubahiriza Ubumwe bw’Abanyarwanda. Yavuze ko abantu bamwe bazi ko iri shyaka rijyamo aba Islam gusa, ariko “ni ishyaka ryubahiriza Ubumwe bw’Abanyarwanda”.

Grace Ishimwe ni umwe mu Bayobozi mu Ishyaka PDI kandi we si umu Islam, ahubwo ni Umukristo unaririmba indirimbo zihimbaza Imana aho azwi mu yo yise “Ituro” ndetse n’indi yise “Ndagushima”. Ni Umunyamabanga Mukuru wa PDI ku rwego rw’Igihugu, akaba n’Uhagarariye Urubyiruko mu Ntara y’Iburasirazuba.

Uyu mukobwa wakuriye mu Karere ka Rwamagana ariko akaba atuye mu Mujyi wa Kigali, yagaragaje ishusho y’Ishyaka ryamuhaye itike yo kugera ku ndoto ze zo guhatanira kujya mu Nteko. Yagize ati “Ubu ‘PDI’ ntirikiri Islamic ahubwo ni Ideal, kuba ndi umuyobozi ntari umu Islam bitungura abantu bamwe, ariko kugeza ubu nishimira ko ari ishyaka ritavangura”.

Kuba PDI yariyunze kuri FPR-Inkotanyi mu matora y’Umukuru w’Igihugu ariko igatanga Abakandida bayo bwite ku mwanya w’Abadepite ndetse akaba ari bwo bwa mbere bibaye, Umunyamabanga Mukuru wa PDI, Grace Ishimwe, yabishyizeho umucyo, asobanura ko basanze ntawarusha Perezida Kagame “mu gihe akitwemereye kuyobora igihugu”.

Grace Ishimwe yavuze ko bashyigikiye Perezida Kagame mu Matora y’Umukuru w’Igihugu mu kumushimira kuko bamucyesha byinshi birimo kuba bamaze kugera ku rwego rwiza aho bafite urubyiruko, abagore, abagabo bize bafite amashuri ku rwego rwiza, muri make abanyamuryango ba PDI bagutse ku bwa FPR.

Ati “Ni yo mpamvu twifuje gutanga Abakandida Depite ku bwacu gusa, ku mwanya w’Umukuru w’Igihugu dushima ibikorwa by’Indashyikirwa ‘Baba wa Taifa’ yagejeje ku Banyarwanda, twifuje kumushyigikira kuko nta wo muri twe twizeye ko yamurusha mu gihe akitwemereye kuyobora igihugu, twifuje kumushyigikira, Rudasumbwa Paul Kagame”.

Grace Ishimwe yagaragaje ibibazo by’ingutu azakorera ubuvugizi natsindira kuba Umudepite. Ati “Ibibazo bikomeye byugarije urubyiruko harimo kubura akazi, n’ibibazo byo mu mutwe akenshi birimo kongerwa n’abana bato bakoresha ibiyobyabwenge, ibibazo bya ‘depression’ [agahinda gakabije] biterwa n’ubuzima, hari n’ibindi ariko ibiza mbere kuri njye ni ibyo”.

Avuga ko nagera mu Nteko Ishinga Amategeko, atazahagarika kuririmba kuko “umuziki wa Gospel kuri njye ni ubuzima”. Yongeyeho ati “Imana ni yo ingeza ku byo ngeraho byose, mu kanya kose nzajya mbona amahirwe, kuririmba Gospel bizajya biza imbere cyane.”

Uyu mukobwa yasabye abanyarwanda kuzatora Paul Kagame ku mwanya wa Perezida wa Repubulika y’u Rwanda kuko ari we ishyaka abarizwamo rishyigikiye, anasaba ko nawe bamuha amahirwe yo kwinjira mu Nteko Ishinga Amategeko Umutwe w’Abadepite ndetse n’uko bamushyigikira. Yagize ati “Nutora PDI, uzaba untoye”.

Ni ubwa mbere PDI itanze Abakandida ku giti cyayo mu Matora y’Abadepite

Hashize imyaka 30, Ishyaka Ntangarugero muri Demokarasi (PDI) rihekwa na FPR-Inkotanyi mu matora y’Abadepite, ariko kuri iyi nshuro rivuga ko ryacutse, akaba ari yo mpamvu ritangiye kwiyamamaza ku giti cyaryo kandi ryizeye kuzitwara neza, gusa ku mwanya wa Perezida bashyigikiye Paul Kagame – Umukandida watanzwe na FPR-Inkotanyi.

Mu matora y’Abadepite, PDI yaserukanye Abakandida 55 barimo abagabo 32 ndetse n’abagore 23. Umuhanzikazi Grace Ishimwe ni umwe muri abo bakandida 55. Perezida wa PDI, Sheikh Harelimana Musa Fazil, avuga ko gukorana na FPR “byatumye dukura, ishyaka ryacu rikamenyekana, abantu bacu bakagirirwa icyizere hirya no hino”, ibyo bikaba byaratumye uyu mwaka biyemeza kujya mu matora y’Abadepite ku giti cyabo.

PDI ivuga ko yabisesenguye neza, yanzura guhatana mu matora y’Abadepite kuko “Dufite ubushobozi”. Mu nkuru ducyesha RBA, Visi Perezida wa Kabiri, Amb. Fatou Harerimana yagize ati 'Mukunze kumva ngo PDI barayiheka, ariko ndagira ngo mbabwire ko ubu twacutse tutagihekwa. Ni yo mpamvu mubona twahisemo gutanga Abakandida-depite kuko dufite ubushobozi.''

Grace Ishimwe avuga ko azakora ibishoboka byose urubyiruko rwinshi rukava mu bushomeri

Grace Ishimwe, Umukandida Depite watanzwe n’Ishyaka PDI arasaba Abanyarwanda kuzatora Paul Kagame ku mwanya wa Perezida

Bimwe mu bibazo by’ingutu bimubuza ibitotsi harimo ibibazo byo mu mutwe bikomeje kwiyongera kubera ikoreshwa ry’ibiyobyabwenge

Grace Ishimwe waminuje mu mategeko mu myaka ibiri ishize arashaka kuba Depite

Grace Ishimwe ari mu Bakandida Depite bahagarariye Ishyaka PDI mu matora y’Abadepite

REBA INDIRIMBO “ITURO” YA GRACE ISHIMWE USHAKA KUBA DEPITE

Nyuma yo gutandukana na APR FC, myugariro Buregeya Prince ari mu biganiro na Rayon Sports ngo abe yayerekezamo mu mwaka w’imikino utaha.

Buregeya Prince wari umaze imyaka 9 muri APR FC mu minsi ishize ni bwo yasabye gutandukana n’iyi kipe yari asigaraniye imyaka ibiri y’amasezerano.

Uyu mukinnyi ukina mu mutima w’ubwugarizi akaba yarahise atangira ibiganiro na Rayon Sports.

Amakuru avuga ko uyu mukinnyi na mbere yo kujya gusaba gutandukana na APR FC hari ibiganiro by’ibanze byatangiye hagati ye na Rayon Sports.

Uyu mukinnyi utaragize amahirwe yo gukina mu mwaka ushize w’imikino, bivugwa ko ibiganiro ubu bigeze kure ndetse bisa n’aho byarangiye isaha n’isaha yasinyira Gikundiro.

Uretse uyu mukinnyi kandi Rayon Sports iri mu biganiro n’umukinnyi ukina mu kibuga hagati w’umunya-Nigeria, Rafael Osaluwe.

Uyu mukinnyi wigeze gukiniraho Rayon Sports muri 2022-23 ikaza kumutiza muri AS Kigali 2023-24.

Iyi kipe rero iri mu biganiro na Osaluwe ngo ibe yamugarura aze kuyifasha mu mwaka w’imikino utaha.

Gusa iyi kipe haravugwamo abandi bakinnyi bari mu biganiro na yo nka ba myugariro babiri Emery Bayisenge ndetse na Usengimana Faustin bakiniyeho APR FC.

Hari rutahizamu kandi na we wakuriye mu ikipe ya APR FC, akanayikinira akanyura muri Kiyovu Sports, Mugunga Yves.

Rayon Sports ariko na none irimo kureba uburyo yatandukana na bamwe mu bakinnyi ba yo nka Ngendahimana Eric na Mugisha Francois Master.

Buregeya Prince mu nzira zerekeza muri Rayon Sports

Rafael Osaluwe aravugwa ko yagaruka muri Rayon Sports

Isoko ry’igura n’igurisha mu Rwanda rirarimbanyije, aho amakipe amwe nka Police FC, Amagaju FC, Mukura Victory Sports zigeze kure zihaha abakinnyi. Ni isoko risa n’aho rituje kuko amakipe amwe asa nk’aho adafite amafaranga yo guhaha, ndetse andi aragenda biguru ntege ategereje abakinnyi bibunza mu minsi ya nyuma ku isoko.

Umukinnyi ucunga nabi ashobora kubura ikipe kubera kutagendana n’ibiciro biri ku isoko

Abakinnyi bamwe b’abanyarwanda amakipe ari kwegera arasanga bafite ibiciro bihanitse ndetse wareba n’umusaruro wabo ugasanga ntibiri kujyana n’amafaranga baka.

Amakipe nka Kiyovu Sports na AS Kigali yateje ikibazo ku isoko

Ikipe ya AS Kigali na Kiyovu Sports, yari amwe mu makipe twavuga ko akunze kwihutisha isoko ndetse agatuma rishyuha ku buryo abakinnyi benshi bisangagayo hakiri kare, nibura wasangaga umukinnyi Rayon Sports cyangwa APR FC zitaguze, ahita yibona muri AS Kigali cyangwa Kiyovu Sports.

Hari n’igihe cyageze ugasanga Kiyovu Sports na AS Kigali ni zo zifite amafaranga menshi ndetse zikabanza zikagura n’abakinnyi beza b’abanyarwanda tutibagiwe n’abanyamahanga.

Ubajije umuntu niba AS Kigali iriho ntabwo yabasha kubigusubiza 

Kubera ikipe ya AS Kigali kuri ubu itazi aho iri, ikipe ya Kiyovu Sports ikaba itazi niba izabasha kugura, biri gutuma abakinnyi bakabaye baberwa n’aya makipe bakomeza kwifata mu mifuka ndetse bigakubitiraho ko hari n’abakinaga muri izi kipe bumva bazivamo kuko batazi niba bazongerwa amasezerano.

Abakinnyi bamwe b’abanyarwanda ntabwo bakiri ku rwego rwo guhangana ku isoko

Bamwe mu bakinnyi b’abanyamahanga basubiye inyuma ndetse imikinire yabo ubona ko itagishamaje abayobozi n’amakipe ndetse n’abatoza. Aba bakinnyi usanga n’iyo habonetse ikipe bayica amafaranga y’umurengera bumva ko bakaze batazabura ikipe, bigatuma ikipe yari izanye udafaranga yikuriye ahantu ihita ijya kudushakamo uwemera kudukorera.

Kwiyongera k’umubare w’abanyamahanga

Abakinnyi b’abanyamahanga nyuma y’aho baherewe ijambo bisa n’aho abayobozi n’abatoza b’amakipe batangiye kubizereramo ndetse n’abakinnyi b’abanyarwanda bakagurwa kuko ikipe itakinisha abanyamahanga gusa. 

Ubwo APR FC na Police FC zagarukaga ku isoko ry’abanyamahanga, byatumye abakinnyi b’abanyarwanda babonaga akazi bagabanyuka. Ku ruhande rwa’abakinnyi bakomeje kwitwara nk’aho nta cyabaye uwo ikipe ikozeho akayica za Miliyoni kandi agaciro kabo ku isoko karamanutse.

Bamwe mu bakinnyi bo mu Rwanda ntabwo bashaka gukina mu ntara

Kuri ubu hari amakipe yo mu ntara twavuga ko aba yihagazeho ku isoko rw’abakinnyi aho usanga ikipe nka Rutsiro FC, Musanze FC na Mukura ziri mu makipe yiteguye kugura ba bakinnyi baba basoje amasezerano.

Nyuma yaho APR FC igarutse kuri gahunda y’abanyamahanga, abakinnyi b’abanyarwanda babona akazi batangiye kugabanyuka ndetse n’agaciro kabo ku isoko karamanuka 

Aya makipe usanga akora ku bakinnyi bamwe bakanga bavuga ko batajya gukina mu ntara baba bishyize ku rwego rwo hasi. Aha twafata nk’urugero rwa Mugunga Yves, umwaka ushize ikipe ya Mukura yashatse kumugura avuga ko atajya mu ntara, biza kurangira nta kipe n’imwe asinyiye kugera ubu akaba akicaye.

Ikipe nka Mukura kuri ubu ni amahitamo ya 3 nyuma ya Police FC na APR FC kuko nibura ariyo iri gutanga amafaranga ari ku rwego rw’ayo Police FC na AS Kigali zatangaga bigihanyanye, gusa usanga hari abakinnyi bakubwira ngo ntibajya i Huye kuko ari kure.

Umukinnyi uzi ubwenge ashatse yatangira gutekereza ku makipe afite ubushobozi n’iyo bwaba buke ndetse akanishimira ko hari ikipe yamwegereye kuko iba yashimye ibyo atanga. Naho umukinnyi ushaka kubaho nka kera APR FC igikinisha abanyarwanda gusa, bishoboka kuzamugora kugera aho abura n’ikipe ndetse bigira ingaruka ku mwuga we no mu myaka itaha.

Iyi ndirimbo yagiye hanze kuri uyu wa Kabiri tariki 25 Kamena 2024, mu gihe Paul Kagame yatangiye ibikorwa byo kwiyamamaza ku mwanya w’Umukuru w’Igihugu guhera ku wa Gatandatu tariki 22 Kamena 2024, aho azagera mu turere 19.

Yvan Muzik yabwiye InyaRwanda ko bahisemo kuvugurura iyi ndirimbo mu rwego rwo kumvikanisha ko bizeye intsinzi ya Paul Kagame ku mwanya w’Umukuru w’Igihugu.

Ati 'Ni indirimbo idasanzwe mu rugendo rw’umuziki wa Mariya Yohana, kuko yaririmbye intsinzi y’ingabo zari iza RPA mu rugamba rwo kubohora u Rwanda, rero twayisubiyemo mu rwego rwo kumvikanisha ko twizeye intsinzi y’umukandida wacu ku mwanya w’umukuru w’Igihugu.”

Akomeza ati 'Ni indirimbo nifuje rero gusubiramo, mbisangiza abahanzi bagenzi banjye ndetse na nyiri ubwite kugira ngo twizihize imyaka 30 u Rwanda rugeze ku ntsinzi idasanzwe cyane cyane ku iterambere dufite. 

Ibyiza ni byinshi twagejejweho n'umukandida wacu Kagame Paul. Ni ukwibutsa Abanyarwanda ibyiza dufite, ni umwiza Imana yaduhaye, dufite utuma ibi byiza tugezeho uyu munsi tubigeraho'.

Yavuze ko muri rusange iyi ndirimbo bayisubiyemo 'kugira ngo twongere tumwizihize, twizihize n'ibyiza yatugejejeho'. Ati 'Muri iyi ndirimbo dushishikariza abanyarwanda kongera kumwizera, nk'uko twamwizeye, tukamutora twizeye intsinzi, kuko nta wundi ducyesha ibyo twagezeho. Muri macye iyi ndirimbo igaragaza intsinzi u Rwanda rugezeho.'

Mu gusubiramo iyi ndirimbo, aba bahanzi bongeyemo amagambo mashya yumvikanisha cyane ko bizeye ko Paul Kagame azatsinda amatora y’Umukuru w’Igihugu ateganyijwe tariki 15 Nyakanga 2024.

Amashusho yayo yafatiwe mu bice bitandukanye by’Umujyi wa Kigali, ndetse no kuri BK Arena. Mariya Yohana ahuza imbaraga n’aba bahanzi mu kuririmba inkikirizo, ariko Mariya aririmba igitero cya Gatatu, ni mu gihe Yvan Muziki aririmba igitero cya kabiri, n’aho The Ben akungikanya n’abo mu majwi.

Hari aho Mariya Yohana aririmba aririmba agira ati “Muhaguruke dutore” akakirwa na Marina aririmba agira ati “Twiyemeje intsinzi, umukandida wacu… abo mu Ntara mwese mwizere intsinzi…”

Mariya Yohana aherutse kubwira InyaRwanda, ko indirimbo ye ‘Intsinzi’ ‘yabaye iy’Igihugu cyose’ ashingiye ku kuba ahantu hose agiye asabwa kuyiririmba. Ati “Ni indirimbo idasanzwe kuri njye, kandi yabaye iy’igihugu cyacu.”

Iyi ndirimbo yayihimbye mu 1992. Ibyo yaririmbyemo byabaye nk’ubuhanuzi, kuko Ingabo zari iza RPA zageze ku ntsinzi mu rugamba rwo kubohora u Rwanda.

Mariya Yohana avuga ko ahimba iyi ndirimbo yari agamije ko izajya itera imbaraga ‘abana bacu bari ku rugamba’ barwanira Igihugu.

Iyi ndirimbo yagiye yifashishwa cyane mu kwamamaza Paul Kagame mu bikorwa bitandukanye byo guhatanira kuyobora u Rwanda.

Mariya Yohana ati “Ni byo koko bararwanye kandi baratsinda, ndetse naje kumenya ko hari n'Abanyarwanda bayumviraga hirya no hino aho bari bihishe bumvaga bagiye gutabarwa. Ubu barishima iyo bongeye kuyumva kuko bibuka ibihe bitoroshye banyuzemo n'uko batabawe.'

Mariya Yohana asanzwe afite izindi ndirimbo zirimo nka 'Turatashye inkotanyi', Nyiramarere', 'Tufungi Yoyo' iri mu giswayili n'izindi.

Mu buryo bw’amajwi (Audio) iyi ndirimbo yakozwe na Bob Pro n’aho amashusho (Video) yayo yakozwe na Ayo Merci yunganiwe na Dir Chid, ni mu gihe gitari yumvikanamo yacuranzwe na Bolingo Paccy.

Yvan Muziki yatangaje ko yagize igitekerezo cyo gusubiramo indirimbo 'Intsinzi' ahuza imbaraga na bagenzi be

Yvan Muziki ari kumwe na The Ben mu ikorwa ry'amashusho y'iyi ndirimbo 'Intsinzi'

Mariya Yohana ari kumwe na Marina baririmba ko bizeye intsinzi ya Paul Kagame mu matora

Yvan yavuze ko bakoze iyi ndirimbo mu rwego rwo kumvikanisha ibikorwa bya Paul Kagame mu myaka 30 ishize

KANDA HANO UREBE AMASHUSHO Y'INDIRIMBO 'INTSINZI' YASUBIWEMONA THE BEN, MARINA, YVAN MUZIKI NA MARIYA YOHANA