Blog

Kuri uyu wa Mbere tariki ya 8 Nyakanga 2024, nibwo mu gihugu hose hatangijwe ku mugaragaro ibizamini bya Leta bisoza amashuri abanza y'umwaka wa 2023-2024. Ni ibizamini biri gukorwa n'abanyeshuri 202 189 barimo abakobwa 111 810 n'abahungu 91 189.

Umuvugizi wa RCS, CSP Kubwimana Thérèse, yabwiye IGIHE ko ibi bizamini bizakorwa kandi n'abana 16 bagororerwa mu Igororero ry'abana rya Nyagatare barimo abahungu 15 n'umukobwa umwe.

Yavuze ko kandi muri aba bana barimo abana babiri barangije ibihano ariko bari gukorana n'abandi ibizamini bya Leta.

CSP Kubwimana yavuze ko kandi mu mashuri yisumbuye bafite abana bane bazakora ibizamini bya leta bisoza umwaka wa gatatu w'amashuri yisumbuye, bose bakaba baba bigishirijwe mu Igororero ry'abana rya Nyagatare.

Mu kwezi gushize bamwe mu bana bagororewe muri iri gororero ry'abana rya Nyagatare batanze ubuhamya bw'uburyo kuhagororerwa bakemererwa gukomeza amashuri byafashije bamwe kugororoka neza.

Nkundiyimana Hussein wagororewe muri iri gororero akanakatirwa imyaka 14 azira ibyaha birimo ubugambanyi n'iterabwoba, yavuze ko akigera muri iri gororero yakomeje kwiga anakora ibizamini bya Leta anabitsinda neza.

Nyuma yahawe imbabazi na Perezida wa Repubulika bituma ajya kwiga hanze ndetse anakomeza gutsinda neza ibizamini bya Leta ku buryo ari kwitegura kujya kwiga muri Kaminuza y'u Rwanda muri Nzeri uyu mwaka.

Uretse uyu muhungu hari n'abandi benshi bagiye bahiga imyuga irimo ubudozi, gusudira, ububaji, no kogosha. Iyi myuga ibafasha mu kwiteza imbere iyo barangije ibihano byabo.

Kugeza ubu abana 161 bagororewe mu Igororero ry'abana rya Nyagatare bamaze gukora ibizamini bya Leta, abagera kuri 64 bahawe imbabazi n'Umukuru w'Igihugu.

Abana 16 bagororerwa muri gereza ya Nyagatare batangiye gukora ibizamini bya Leta

---

Source : http://igihe.com/amakuru/u-rwanda/article/abana-16-bagororerwa-muri-gereza-ya-nyagatare-batangiye-gukora-ibizamini-bya

Chairman wa APR FC, Col Richard Karasira yasabye abakunzi b’iyi kipe gukomeza kuyishyigikira ko na bo bazakora ibishoboka byose bakabashimisha.

Yabivuze mbere yo guhagaruka ku Kibuga Mpuzamahanga cy’Indege cya Kigali i Kanombe aho APR FC yerekeje muri Tanzania mu irushanwa rya CECAFA Kagame Cup rizatangira ejo ku wa Kabiri tariki ya 9 Nyakanga rikazasozwa tariki ya 21 Nyakanga 2024.

Chairman wa APR FC, Col Richard Karasira akaba yavuze ko ubu bashishikajwe no kuba ikipe ikomeye kandi yubashywe muri Afurika.

Ati “Dushishikajwe no kubaka ikipe ikomeye, ikongera ikaba ikipe yubashywe, inzira zose tunyuramo ni ho twumva tuganisha, amatsiko bafite ndabumva cyane, umufana bisobanura ibyishimo, ubuyobozi rero nta kindi buba bukorera, buba bukorera ibyo byishimo by’abafana, na ba nyir’ikipe benshi cyane aho bari hose kuri iyi si baba bifuza ko ikipe yakomera.”

Yakomeje asaba abakunzi b’iyi kipe gukomeza kuyiba hafi bakayishyigikira ndetse ko nk’ubuyobozi buzakora ibishoboka byose bukabashimisha.

Ati “Icyo tubasaba ni ugukomeza gukomera ku ikipe ya bo, bakayishyigikira mu nzira zose zishoboka, baranayishyigikira pe, mu nzira zose tutavugira hano, bakomeze babe hafi y’ikipe ya bo badufashe muri izo nzira turimo zo kubaka, ndumva byanze bikunze natwe tuzakora ibishoboka byose turebe ko twabashimisha.”

Col Richard Karasira yahamije ko ikipe itarava ku isoko hari abandi bakinnyi bategereje bishoboka ko hari abazabasanga Dar es Salaam mu gihe abandi bazabasanga i Kigali.

Abona kandi CECAFA Kagame Cup ari irushanwa rizabasha kwitegura neza umwaka w’imikino wa 2024-25, abakinnyi bashya bakamenyerana.

Col Richard Karasira yasabye abakunzi ba APR FC gukomeza kuba hafi y’iyi kipe

Source : http://isimbi.rw/siporo/article/icyo-chaiman-wa-apr-fc-yasabye-abakunzi-ba-yo-mbere-yo-kwerekeza-tanzania

Ubwo kuri iki cyumweru, muri Zanzibar haberaga umwiherero w'abaminisitiri b'ububanyi n'amahanga mu bihugu bigize Umuryango w'Afrika y'Uburasirazuba, Minisitiri Wungirije w'Ububanyi n'Amahanga wa Kongo, Bestine Yamba Kazadi, yibese bagenzi be, asohora itangazo rihabanye kure n'ibyo yumvikanye na bagenzi be.

Mu gihe umwiherero wari umaze kwemeza ko ibyemezo bya Luanda na Nairobi bigomba kubahirizwa mu rwego rwo kugarura amahoro n'umutekano muri Kongo, harimo kuyoboka inzira y'ibiganiro hagati y'impande zihanganye no gusenya imitwe yitwaje intwaro, iy'abanyamahanga nka FDLR igasubizwa mu bihugu ikomokamo, Madamu Yamba Kazadi yavuze ko 'ibibazo byo mu burasirazuba bwa Kongo biterwa n'ingabo z'u Rwanda, RDF, n'umutwe wa M23, indi mitwe yitwara gisirikari ntaho ihuriye n'ibyo bibazo'.

Ayo magambo ya Minisitiri uhagarariye guverinoma ya Kongo asobanuye ko indi mitwe isaga 260, irimo FDLR, Mai-Mai, CODECO, ADF, ntacyo itwaye abanyekongo.

Reka abivuge ariko, n'ubundi iyo mitwe yica abaturage, ikabasahura, igasambanya abagore ku ngufu, yashinzwe kandi ikorana n'ubutegetsi bwa Kinshasa.

Abasesenguzi basanga ariko n'ubundi ntacyo uwo mwiherero wari kugeraho kigaragara, kuko ubutegetsi bwa Tshisekedi bwakomeje kwerekana ko budaha agaciro Umuryango w'Afrika y'Uburasirazuba.

Urugero rwa hafi ni uko bwirukanye nabi ingabo z'uwo muryango zari zagiye gutanga umusanzu wo kugarura amahoro n'umutekano mu burasirazuba bw'icyo gihugu, buzisimbuza ingabo za SADC, kugeza ubu zitari zagira icyo zimara kuva zagera muri Kongo mu mpera z'umwaka ushize, ahubwo ibintu bikaba byararushijeho kujya irudubi.

Kuva Kongo yakwinjira mu Muryango w'Afrika y'Uburasirazuba kandi ntiratanga umusanzu wayo na rimwe, ubu ikaba irimo umwenda ukabakaba miliyoni 15 z'amadolari y'Abanyamerika.

The post Amahoro mu burasirazuba bwa Kongo aracyari kure nk'ukwezi appeared first on RUSHYASHYA.

Source : https://rushyashya.net/amahoro-mu-burasirazuba-bwa-kongo-aracyari-kure-nkukwezi/?utm_source=rss&utm_medium=rss&utm_campaign=amahoro-mu-burasirazuba-bwa-kongo-aracyari-kure-nkukwezi

Ibikorwa byo kwamamaza Umukandida w'Ishyaka riharanira Demokarasi no kurengera Ibidukikije mu Rwanda( Democratic Green Party of Rwanda), Dr Frank Habineza ku mwanya wa Perezida wa Repubulika byakomereje mu karere ka Karongi. Iri shyaka ryijeje abaturage bakurikiye imigabo n'imigambi yaryo ko rizakora ubuvugizi bwisumbuye ku misoro y'ubutaka.

Mu murenge wa Rubengera mu Karere ka Karongi niho Ishyaka Democratic Green Party of Rwanda ryakoreye ibikorwa byo kwamamaza abakandida baryo barimo Dr Frank Habineza uhatanira kuba Perezida wa Repubulika ndetse n'Abakandida baryo 50 bashaka kujya mu Nteko Ishinga Amategeko.

Bamwe mu baganiriye n'Umunyamakuru wa intyoza.com, bavuga ko kwitabira ibi bikorwa bituruka ku kuba baramaze gusobanukirwa n'amahame ya Demokarasi, bakaba baha agaciro ibitekerezo bitandukanye ariko byuzuzanya.

Dr Frank Habineza, umukandida rukumbi w'iri shyaka ku mwanya wa Perezida wa Repubulika, avuga ko ibyo ishyaka ayoboye ryakoreye ubuvugizi mu myaka bamaze mu Nteko Ishinga Amatekego byakemutse ku kigereranyo cya 70%.

Mu rwego rw'Ubukungu, Ishyaka Democratic Green Party of Rwanda ririzeza abaturage ko rizaharanira kugabanya inyungu ku nguzanyo baka muri Banki kuko ahanini usanga zitajyane n'ijanisha bunguka mu mishinga bashoye.

Kubijyanye n'Ubuzima, iri shyaka rirashaka ko Umunyarwanda azajya agura imiti yose yishingiwe n'ubwisungane mu kwivuza. Uyu mukandida Dr Frank Habineza avuga kandi ko azaca akarengane kabera mu bigo ngororamuco.

Ishyaka Democratic Green Party of Rwanda, ni rimwe mu mashyaka atavuga rumwe na Leta ryemerewe gukorera mu Rwanda rikaba muri manda ishize ryabashije kubona  imyanya mu nteko ishinga amategeko y'u Rwanda umutwe w'Abadepire no muri Sena.

Ngoboka Sylvain

intyoza

Source : https://www.intyoza.com/2024/07/08/karongi-ishyaka-green-party-ryiyemeje-guca-akarengane-kubijyanye-numusoro/

Kuri uyu wa mbere nibwo ikipe y'ingabo z'igihugu yerekeje mu gihugu cya Tanzania aho igiye gukina irushanwa rya CECAFA Kagame Cup 2024.

Iyi kipe yari imaze iminsi itangiye imyitozo yitegura umwaka w'imikino wa 2024-2025 harimo n'imikino mpuzamahanga irimo CAF Champions League izakinwa guhera mu ntangiro za Nzeri.

APR FC yerekeje muri Tanzania igizwe n'abakinnyi basanzwe bayibarizwamo ndetse kandi hari n'andi masura mashya baherutse guha Amasezerano.

Muri abo bakinyi bashya ikipe yaraye itangaje Umunya — Ghana Richmond Lamptey, rutahizamu wo muri Mauritania Mamadou Sy n'umunya- Senegal Seidou Daouda.

Aba baje basanga ababdi bakinnyi binjiyw muri iyi kipe bakinaga hano imbere mu gihugu bayobowe na Mugiraneza Froduard wavuye muri Kiyovu SC, Byiringiro Gilbert wavuye muri Marines, Muzungu Olivier wakinaga muri Bugesera na Tuyisenge Arsène wavuye muri Rayon Sports.

APR FC yerekeje muri Tanzaniya gukina CECAFA Kagame Cup izatangira ku munsi w'ejo wo kuwa Kabiri.

APR FC izakina kuri uyu wa Kabiri saa mbili z'ijoro na Singida Black Stars FC yo muri Tanzaniya bari mu itsinda rimwe.

The post AMAFOTO — APR FC irimo amasura mashya yerekeje muri Tanzania gukina CECAFA Kagame Cup 2024 appeared first on RUSHYASHYA.

Source : https://rushyashya.net/apr-fc-irimo-amasura-mashya-yerekeje-muri-tanzania-gukina-cecafa-kagame-cup-2024/?utm_source=rss&utm_medium=rss&utm_campaign=apr-fc-irimo-amasura-mashya-yerekeje-muri-tanzania-gukina-cecafa-kagame-cup-2024

Muri iki gihe cy'isoko ry'igura n'igurisha amakuru y'ibihuha aba menshi cyane ku buryo usanga abafana batangiye gutera imijugujugu abanyamakuru baba babivuze.

Muri iyi nkuru twakoze urutonde rw'abanyamakuru bazwiho gutangaza amakuru bikarangira abaye ibihuha.

Ku mwanya wa Mbere haza umunyamakuru Mucyo Anta Biganiro wa Radio&TV10, uyu aba-Rayon bageze n'aho benda kumukubita kubera amakuru yatangazaga ku ikipe yabo bikatangira abaye ibihuha. Hari n'amakuru avuga ko bamukubise.

Bamwe muri bagenzi be b'abanyamakuru ntibajya bamwita Biganiro nk'uko izina rye riri ahubwo kenshi batebya bamwita Bihuha. Nta nduru ivugira ubusa ku musozi.

Ku mwanya wa Kabiri haraza umunyamakuru Ishimwe Ricard wa Fine Fm, uyu yiyita Umutasi gusa abo bakorana mu Urukiko Rw'ubujurire fntibajya bemera ibyo atangaza. Uyu yigeze gutukana na KNC bapfa amakuru yari yatangaje kuri Gasogi United bikarangira abaye ibihuha.

Mu minsi yashize kandi uyu munyamakuru yaje guhagarikwa kuri Fine FM azira gutangaza igihugu cy'uko Hakizimana Muhadjiri yasinye muri Rayon Sports, gusa yaje kugarurwa mu kazi.

Ku mwanya wa Gatatu haraza umunyamakuru Nkusi Denis uzwi nka Mutangazaji ukora ku Isibo Fm. Uyu na we akunze gutangaza amakuru bikarangira abaye ibihuha.

Mu minsi yashize nibwo yivugiye ko muri APR FC ruri gukinga batunu gusa iyi kipe yabinyomoje ihita igura abakinyi bakomeye cyane ibakuye mu gihugu cy'umupira aricyo Ghana.

Ku mwanya wa Kane turasangaho Kazungu Clever uherutse gutangaza igihuha cy'uko Muhadjiri Hakizimana yasinye muri Rayon Sports.

Nyuma yo gutangaza ayo makuru agasanga ari ibihuha, yasabye imbabazi kuri Radio mu kiganiro Urukiko.

Mureke aba banyamakuru tubasoreze kuri Ndayishimiye Reagan Rugaju wa RBA cyane cyane kuri Radio Rwanda mu Urubuga Rw'imikino.

Uyu mu minsi yashize yatangaje inkuru yabaye igihuha cy'isoko ryo muri iyi mpeshyi ubwo yatangazaga ko APR FC igiye gusinyisha Gervinho.

Reagan kandi yashinjwe ibihuha mu kiganiro live na Mvukiyehe Jevénal wayoboraga ikipe ya Kiyovu Sports.

Source : https://yegob.rw/bayobowe-na-anta-abanyamakuru-5-ba-siporo-bazwiho-ibihuha-ndetse-nibihuha-bagiye-batangaza/

APR FC yamaze guhaguruka mu Rwanda yerekeza muri Tanzania aho igiye kwitabira irushanwa rya CECAFA Kagame Cup rizatangira ku munsi w’ejo.

Iyi kipe y’Ingabo z’Igihugu ikaba igiye gukina iri rushanwa rizatangira ku munsi w’ejo ku wa Kabiri tariki ya 9 Nyakanga rikazasozwa tariki ya 21 Nyakanga 2024.

Iyi mikino ikaba izaba izabera ku bibuga bibiri icya Azam Complex kiri Chamazi ni mu gihe indi mikino izabera kuri KMC Stadium iri Kinondoni.

APR iri mu itsinda rimwe na Villa SC, Singida Black Stars na El Merreikh Bentiu yo muri Sudani y’Epfo yamaze guhaguruka mu Rwanda yerekeza muri Tanzania.

APR FC ikaba yahagurukanye abakinnyi ba yo barimo n’abakinnyi bashya iheruka kugura.

Barangajwe imbere n’abakinnyi batatu iheruka gutangaza ari bo; abya-Ghana, Richmond Lamptey na Seidu Dauda ndetse na rutahizamu w’umunya-Mauritania Mamadou Sy.

Si aba gusa kuko yanajyanye na myugariro Aliou Souane ukomoka muri Senegal wamaze gusinyira iyi kipe ariko akaba ataratangazwa.

Richmond Lamptey

Mamadou Sy

Seidu Dauda Yussif

Rutahizamu Victor Mbaoma usanzwe yatakira APR FC

Aliou Souane

Umunyezamu Pavelh Ndzila

Source : http://isimbi.rw/siporo/article/barangajwe-imbere-n-intwaro-nshya-apr-fc-yerekeje-dar-es-salaam-amafoto

Mu ijoro ryo kuri iki Cyumweru tariki 7 Nyakanga 2024, umuvugizi wa Rayon Sports, Ngabo Roben yagiye kwakira ku kibuga cy'indege i Kanombe, myugariro w'Umunya-Sénégal ije gukinira Rayon Sports.

Gikundiro yahise itangaza ko uyu mukinnyi witwa Omar Gning yageze i Kigali, akatangirana imyitozo na bagenzi be kuri uyu wa Mbere tariki 8 Nyakanga 2024 Saa 15h00.

 

Source : https://yegob.rw/ngabo-roben-yagiye-kwakira-ku-kibuga-cyindege-i-kanombe-umunya-senegal-wamaze-kumvikana-na-rayon-sports-amafoto/

Cristiano Ronaldo ufatiye runini ikipe y'igihugu cye cya Portugal iherutse gusezererwa muri EURO2024, yatangaje ko azagaragara mu mikino y'igikombe cy'Isi cya 2026.

Ubwo yabazwaga n'umunyamakuru niba azakina igikombe cy'isi gitaha, Cristiano Ronaldo yagize ati 'Ndatekereza ko nzaba ndikumwe na Portugal mu gikombe cy'Isi cya 2026.'

Ronaldo w'imyaka 39 y'amavuko, ntacyo atafashije igihugu cye usibye kugihesha igikombe cy'isi, doreko mugenzi we bahora bahanganye, Lionel Messi we yahesheje Argentine igikombe cy'isi cya 2022 ndetse ubu akaba ageze muri 1/2 cya Copa America.

Source : https://yegob.rw/gusaza-ni-mu-mutwe-igisubizo-cyumusilimu-cristiano-ronaldo-wabajijwe-niba-azakina-igikombe-cyisi-cya-2026/

APR FC yerekeje ku kibuga cy'indege mpuzamahanga cya Kigali i Kanombe, aho igiye muri Tanzaniya gukina CECAFA Kagame Cup, izatangira ku munsi w'ejo.

APR FC izakina kuri uyu wa Kabiri saa mbili z'ijoro na Singida Black Stars FC yo muri Tanzaniya.

Source : https://yegob.rw/apr-fc-yerekeje-ku-kibuga-cyindege-i-kanombe-aho-igiye-gufata-indege-yerekeza-muri-tanzania-amafoto/