Blog

Amatora yabaye mu Rwanda tariki 14-15 Nyakanga 2024 yasize Paul Kagame wari watanzwe n'Umuryango FPR Inkotanyi ayatsinze ku bwiganze, bigaragaza icyizere gikomeye Abanyarwanda bakimufitiye.

Kuva hatangajwe ibyavuye mu matora abakuru b'ibihugu na za Guverinoma bohereje ubutumwa bwo gushimira Paul Kagame wayatsinze, banamwifuriza gukomeza kuyobora igihugu mu mahoro n'iterambere.

Umuyobozi w'Ikirenga wa Qatar Sheikh Tamim bin Hamad Al Thani yashimye Perezida w'u Rwanda, Paul Kagame watsindiye indi manda yo kuyobora igihugu, amwifuriza ishya n'ihirwe ndetse yizeza ko imibanire y'ibihugu byombi izakomeza kurangwa n'iterambere n'uburumbuke.

Minisitiri w'Intebe wa Barbados, Mia Amor Mottley na we yagaragaje ko yishimiye kongera gutorwa kwa Perezida Kagame, ahamya ko ibyavuye mu matora bigaragaza icyizere abatora bafitiye imiyoborere ye.

Ati 'Mu izina rya Guverinoma n'abaturage ba Barbados, nshimiye Paul Kagame wongeye gutorerwa kuyobora Repubulika y'u Rwanda. Ikigero cy'intsinzi yawe ni ikimenyetso cy'icyizere abatora bagufitiye n'icyizere bafitiye imiyoborere yawe.'

On behalf of the Government and people of Barbados, I extend warm congratulations to @PaulKagame on his re-election as President of the Republic of Rwanda.

The margin of your victory attests to the confidence which the electorate has in you and in your leadership.

— Mia Amor Mottley (@miaamormottley) July 18, 2024

U Rwanda rusanzwe rufitanye umubano ukomeye n'ibi bihugu byombi, harimo ibijyanye n'iby'indege, guteza imbere no kurengera ishoramari n'ubufatanye mu bijyanye n'ubukungu, ubucuruzi n'ikoranabuhanga, ubukerarugendo, kurwanya ruswa n'ibindi.

Sheikh Tamim bin Hamad Al Thani wa Qatar yashimiye Paul Kagame watsinze amatora mu Rwanda

Biramahire Abeddy wakiniraga UD Songo yerekeje muri Clube Ferroviário de Nampula nayo yo muri Mozambique.

Abinyujije ku mbuga nkoranyambaga ze ejo hashize ku wa Kane tariki 18 Nyakanga 2024, yagaragaje ko yerekeje mu ikipe nshya nyuma y’umwaka n’igice yari amaze muri UD Songo.

Uyu rutahizamu akaba yamaze gutandukana na UD Songo, yerekeza muri Clube Ferroviário de Nampula (Nampula Railway Club) azakinira mu mwaka utaha w’imikino.

Iyi kipe yashinzwe mu 1924 ifite igikombe kimwe cya shampiyona yegukanye mu 2004 ndetse n’icy’igihugu iheruka mu 2003 mu gihe iheruka mu marushanwa Nyafurika mu 2008.

Biramahire Abeddy yakiniye amakipe atandukanye nka Police FC, Mukura VS na AS Kigali yo mu Rwanda, Buildcon yo muri Zambia, CS Sfaxien yo muri Tunisie na Al-Suwaiq Club yo muri Oman.

Yabonye ikipe nshya

Biramahire Abeddy ni umukinnyi w’ikipe y’igihugu Amavubi

Phantom amaze iminsi ibiri muri Kigali, ndetse yafashe amajwi y’indirimbo ya mbere y’umuhanzikazi Bwiza.

Umuyobozi wa Kikac Music Label, Uhujimfura Claude yabwiye InyaRwanda ko batumiye Phantom kugira ngo ‘akore Extended (EP) ya Bwiza’.

Yavuze ko iyi EP izaba iriho indirimbo imwe mu zo yarangije n’izindi bagombaga gutegura.

Uhujimfura avuga ko Phantom yaje i Kigali mu rugendo rw’akazi, kandi yazanye n’umuntu usanzwe umufasha kwandika indirimbo. 

Ati “Uyu mugabo ntasanzwe mu batunganya indirimbo muri Afurika ari mu ba mbere. Ikindi kirenzeho ni uko yazanye n’umuntu usanzwe umufasha kwandika indirimbo.” 

Kuri gahunda y’urugendo rwe rwa mbere i Kigali, Phantom afitemo kugirana ibiganiro n’abahanzi banyuranye, ndetse azasura inzu z’imyidagaduro zirimo Kigali Universe. 

Uyu mugabo niwe wakoze indirimbo zirimo ‘Ye’ ya Burna Boy, ‘Diana’ ya Fireboy na Chriss Brown, ‘Skeletun’ ya Tekno, ‘The Benz,’ ‘Bolanle,’ ‘Sugarcane” n’izindi. 

Ayobami Olaleye niyo mazina yavutse yitwa, ariko yahisemo gukoresha izina rya Phantom mu muziki.

Ni umwe mu begukanye ibihembo bikomeye muri Nigeria, washyize imbere gukora indirimbo zubakiye ku mudiho wa Afrobeat.

Mu 2020, yabaye Producer wa Gatatu wahawe ishimwe rya ‘, ni nyuma yo gutunganya indirimbo ‘Ye’ ya Burna Boy.

Iyi ndirimbo yatumye yegukana igikombe cya Producer mwiza mu bihembo bya MVP Awards Festival.

Phantom yatangiye gukora indirimbo zizaba zigize EP nshya ya Bwiza

Phantom amaze iminsi i Kigali, kandi yazanye n’umwe mu bamufasha kwandika indirimbo- Aha Ari kumwe na Bwiza yakoreye indirimbo ya mbere

Yabigarutseho mu kiganiro n'abanyamakuru kuri uyu wa 18 Nyakanga 2024 nyuma yo gutangaza iby'agateganyo byavuye mu matora ya Perezida wa Repubulika n'Abadepite ndetse n'ibyiciro byihariye yabaye hagati ya tariki 14-16 Nyakanga 2024.

Dr. Frank Habineza wari watanzwe n'ishyaka Democratic Green Party of Rwanda ku mwanya w'Umukuru w'Igihugu, yabwiye IGIHE ko iminsi yo kwiyamamaza yababanye mike ku buryo bagiye bagorwa no kujya mu turere tubiri ku munsi umwe bigatuma hari aho bica amasaha bari bahaye abaturage.

Perezida wa Komisiyo y'Igihugu y'Amatora, Oda Gasinzigwa yatangaje ko kugeza ubu nta mukandida cyangwa se undi muntu wari wabagaragariza ko iminsi yo kwiyamamaza yabaye mike.

Ati 'Nta mukandida wari watugezaho ikibazo ko iminsi yabaye mike ariko iyo dusoje amatora tugira igihe cyo gusuzuma uko amatora yagenze, kwakira ibitekerezo byaba ari iby'abanyamakuru, abakandida, ari iby'Abanyarwanda muri rusange kugira ngo batubwire uko bifuza amatora yabo ategurwa mu bihe biri imbere.'

Yakomeje avuga ko 'mu gihe tuzaba twakiriye icyo cyifuzo kizaganirwaho hakagaragazwa impamvu hari abifuza ko igihe cyo kwiyamamaza cyakwiyongera.'

NEC igaragaza ko amatora yagenze neza, ndetse mu buryo abantu bitabiriye kandi bagatora ku gihe, bigaragaza ko gukomatanya amatora y'Umukuru w'Igihugu n'Abadepite byatanze umusaruro.

Indorerezi zaturutse mu bihugu bitandukanye zitabiriye aya matora zagaragaje ko yabaye mu mutuzo n'umutekano usesuye ku buryo no mu bindi bihugu bya Afurika bakabaye barebera ku Rwanda.

Imibare igaragaza ko abitabiriye amatora ari 98.20% by'abarenga miliyoni 9 bari bari kuri lisiti y'itora mu gihe imfabusa zabaye 0.14%

Imibare y'agateganyo igaragaza ko Paul Kagame yagize amajwi 99.18%, Dr. Frank Habineza wa Democratic Green Party of Rwanda agira 0.50% mu gihe Mpayimana Philippe wiyamamaje nk'umukandida wigenga yagize amajwi 0.32%.

Perezida wa NEC Oda Gasinzigwa yagaragaje ko mu gihe hagira uza gusaba ko iminsi yo kwiyamamaza yiyongera byaganirwaho

Abanyamakuru bahawe umwanya wo kubaza ibibazo ku migendekere y’amatora

Impamvu y'iyi gahunda irumvikana. Ubu turi muri bya bihe buri munyeshuri wese yaba uwo mu mashuri abanza cyangwa ayisumbuye ahora yifuza kugeramo.

Ni ibihe by'ibiruhuko bikuru aho abana baba bagomba kumara iminsi irenga 60 batabyutswa buri gitondo ngo amasaha y'ishuri yageze.

Nubwo ibi bihe ari byiza, umubyeyi utabyitwayemo neza ashobora kuhakura imbwa yiruka, ibyari ibyishimo bikaba amarira ku muryango wose.

Uyu ni wo mwanya ababyeyi baba bafite inshingano zikomeye, bakareka abana bakidagadura, ariko bakabacungira hafi kuko ibishuko byabaye byinshi na cyane ko turi mu Isi y'Ikoranabunaga umwana ashobora kwangirika ntubirabukwe.

Aha ni na ho ababyeyi babiteguye neza, bafata abana babo bakabajyana mu bigo bitanga amasomo y'ibiruhuko, amwe atandukanye n'ayo biga mu ishuri, ha handi umwana aba yidagadura ariko anabona andi masomo yamufasha mu buzima busanzwe.

Abahanga bagaragaza ko mu bihe by'ibiruhuko umunyeshuri afashijwe neza, ashobora kumenya byinshi kuruta uko yabyungukira imbere ya mwarimu.

Ni imirimo muri David's Temple Music School, ikigo giherereye i Remera mu Giporoso ku Itorero Angilikani ry'u Rwanda, bamenye kare, kuko imyaka ibaye icyenda gifasha ababyeyi muri ubwo buryo.

Gifite uburambe muri ayo masomo kuko mu myaka icyenda ishize ryigisha abana bato bafite guhera ku myaka itatu kugera kuri 18 bakigishwa umuziki wo ku rwego mpuzamahanga, bigakorwa buri mwaka mu biruhuko bikuru.

Umuyobozi Mukuru wa David's Temple Music School, Ntigurirwa Peter, yabwiye IGIHE ko gushinga iri shuri bigamije gufasha abana kwagura impano no kubarinda guhugira mu bidafite umumaro.

Ati 'Urabona hano mu Mujyi wa Kigali, nta shuri na rimwe riratangira kwigisha abana batangiye nta bumenyi na buke mu bya muzika rihari. Duhera ku bana b'imyaka itatu bataramenya na kimwe tukabigisha bakamenya. Dufasha ba bana ahandi badafata. Buriya hari igice kimwe cy'ubwonko gikora neza uko umwana agenda acuranga kurushaho.'

Yavuze ko uyu mwaka bongeyemo amasomo ya Karate kuko na yo ifasha abana mu bijyanye n'imyitwarire myiza, 'kuko usanga abayize neza bibagirira umumaro muri sosiyete babamo. Dufite ababimu bafite ubunararibonye bwo ku rwego mpuzamahanga'

Kugeza ubu hamaze kwigishwa abana basaga 1200, aho ubuyobozi bw'ishuri bugaragaza ko bitanga umusaruro, haba kuri bo no ku babyeyi, kuko bamwe banakomeje aya masomo ya David's Temple Music School nk'umwuga wabo.

Kuri iyi nshuro David's Temple Music School iri kwakira abanyeshuri bagomba kwiga muri ibi biruhuko, biteganyijwe ko bagomba kwiga amasomo abafasha gucuranga mu itsinda ry'abacuranzi n'andi ajyanye n'imbyino gakondo n'imikino njyarugamba ya Karate.

Abana biga amasaha ane n'igice ku munsi, bakiga iminsi itatu mu cyumweru, kuva Saa mbiri z'igitondo kugeza Saa Sita n'Igice, kuri ubu bakaba bakomeje kwakira abana nubwo amasomo yatangiye.

Umubyeyi aba asaba kwishyurira umwana we ibihumbi 85 Frw ku bana bashaka kwiga gucuranga gitari, piano n'ingoma zigezweho mu gihe abigishwa kubyina n'imikino njyarugamba ya Karate baba basabwa kwishyura ibihumbi 45 Frw.

Umuyobozi Mukuru wa David's Temple Music School, Ntigurirwa Pierre Claver agaragaza impamvu bashyizeho ishuri ryo mu biruhuko

Umuyobozi Mukuru wa David's Temple Music School, Ntigurirwa Peter agaragaza impamvu bashyizeho ishuri ryo mu biruhuko

Abana bigishwa gucuranga gitari bya kinyamwuga

Abasoje amasomo bagabwa impamyabushobozi zerekana ubumenyi bahawe

Abo muri David's Temple Music School bavayo ari intyoza mu gucuranga piano

David's Temple Music School itanga n’amasomo ajyanye no kuvuza ingoma zigezweho

David's Temple Music School itanga n’amasomo atandukanye kuva ku bana bafite imyaka itatu kugeza ku bafite imyaka 18