Blog

Itegeko nº 048/2023 ryo ku wa 05/09/2023 rigena inkomoko y'imari n'umutungo by'inzego z'imitegekere y'Igihugu zegerejwe abaturage, riteganya ko umusoro w'ipatanti utangwa n'umuntu wese utangije igikorwa cy'ubucuruzi mu Karere.

Mu gihe abahisemo kwishyurira rimwe umusoro w'ipatanti w'umwaka wose babikoze bitarenze itariki ya 31 Mutarama, abahisemo ibihembwe bo bari mu gihe cyo kwishyura ipatanti y'igihembwe cya gatatu.

Komiseri Wungirije ushinzwe Intara n'imisoro yeguriwe Inzego z'ibanze, mu Kigo cy'Imisoro n'Amahoro (RRA), yasabye abarebwa no kwishyura umusoro w'ipatanti w'iki gihembwe kubikora kare, kugira ngo ukeneye ubufasha abashe kubuhabwa ku gihe.

Yakomeje ati 'Iyo turebye imibare yacu y'abantu bamaze kumenyekanisha, dusanga bakiri bakeya. Ndagira ngo rwose mbashishikarize ko bihutira kumenyekanisha hakiri kare, kugira ngo birinde ko itariki nirenga bazacibwa ibihano, kubera ko amategeko hari ibihano ateganya. Ushobora kumenyekanisha uyu munsi ukishyura ejo, upfa kutarenza itariki ntarengwa.'

'Kandi ni ibintu byoroshye, ni ikoranabuhanga, ntabwo bikeneye ko uza ku biro bya RRA kugira ngo umenyekanishe, kubera ko ufite TIN yawe n'umubare w'ibanga, ujya muri sisiteme ukabyikorera cyangwa se ukegera abafasha abacuruzi mu kumenyekanisha umusoro bakabigukorera.'

Karasira avuga ko abacuruzi bakwiye kubahiriza inshingano zabo kuko muri iri tegeko boroherejwe, aho umuntu ufite ubucuruzi bufite amashami mu karere kamwe, yishyura ipatanti y'igikorwa kimwe gusa.

Yakomeje ati 'Ugereranyije n'itegeko rya mbere, buri shami wagombaga kuryishyurira ipatanti. Icyo rero ni ikintu cyiza itegeko ryazanye. Hanyuma ufite ibikorwa bitandukanye mu karere kamwe, buri gikorwa cyo cyishyura ipatanti.'

Iyo bya bikorwa by'ubucuruzi biri mu turere twinshi, buri gikorwa cyishyura ipatanti muri buri Karere.

Iyo amashami yose ari mu karere kamwe n'icyicaro gikuru, usora yishyura ipatanti hashingiwe ku gicuruzo cy'icyicaro gikuru. Iyo amashami ari mu karere kamwe gatandukanye n'agakoreramo icyicaro gikuru, ayo mashami yishyurirwa ipatanti imwe ibariwe ku gicuruzo cy'ishami rimwe ryabonye igicuruzo cyo hejuru.

Ipatanti y'igihembwe cya mbere yishyurwa bitarenze ku wa 31 Mutarama, igihembwe cya kabiri kikishyurwa bitarenze ku wa 30 Mata, icya gatatu kikishyurwa bitarenze ku wa 31 Nyakanga, naho igihebwe cya kane kikishyurwa bitarenze ku wa 31 Ukwakira.

Mu itegeko rishya, umusoro w'ipatanti ubarwa hashingiwe ku byacurujwe mu mwaka uheruka, mu gihe usora ugitangira igikorwa cy'ubucuruzi amenyekanisha kandi akishyura umusoro w'ipatanti ashingiye ku mubare w'igishoro atangije.

Itegeko ryateganyije amafaranga ashingirwaho mu kubara umusoro w'ipatanti haba ku bikorwa bibyara inyungu bisoresherezwa ku byacurujwe ndetse n'ibindi bikorwa bitabasha kubarirwa ibyacurujwe.

Abasonewe umusoro w'ipatanti barimo inzego za Leta zidakora ubucuruzi; n'ibikorwa by'ubucuruzi bito n'ibiciriritse mu myaka ibiri ya mbere ikurikira ishingwa ryabyo.

Iyo umaze kumenyekanisha uyu musoro uhabwa nimero yo kwishyuriraho, ukishyura ukoresheje uburyo butandukanye burimo Mobile Money, Mobicash cyangwa Online Banking.

Itegeko rigena uburyo bw'isoresha riteganya ko usora utamenyekanisha kandi ntiyishyure umusoro mu gihe giteganywa n'amategeko, yishyura uwo musoro kandi agacibwa n'ihazabu yo mu rwego rw'ubutegetsi.

Iyo hazabu ihwanye na 20% y'umusoro wagombaga kwishyurwa, iyo igihe ntarengwa cyo kwishyura kirenzeho iminsi itari hejuru ya mirongo itatu; 40% y'umusoro wagombaga kwishyurwa, iyo yishyuye mu gihe gitangira ku munsi wa 31 kikageza ku wa 60 uhereye ku munsi ntarengwa wo kwishyura; na 60% y'umusoro wagombaga kwishyurwa, iyo arengeje ku gihe ntarengwa cyo kwishyura iminsi irenga 60.

Komiseri Wungirije ushinzwe Intara n’imisoro yeguriwe Inzego z’ibanze, mu Kigo cy'Imisoro n'Amahoro (RRA), yasabye abarebwa no kwishyura umusoro w'ipatanti w'iki gihembwe kubikora kare, kugira ngo ukeneye ubufasha abashe kubuhabwa ku gihe

Imisoro igira uruhare mu iterambere ry’u Rwanda

Rayon Day cyangwa Umunsi w’Igikundiro ntukibereye muri Stade Amahoro nk’uko byari biteganyijwe, wimuriwe muri Kigali Pelé Stadium.

Umunsi w’Igikundiro ni umunsi Rayon Sports itegura mbere y’uko umwaka w’imikino utangira ikereka abakunzi ba yo abakinnyi izifashisha ndetse ikanakina umukino wa gicuti, uyu mwaka izakina na Azam FC.

Kuri iyi nshuro uteganyijwe tariki ya 3 Kanama 2024, ukaba wagombaga kuzabera kuri Stade Amahoro ariko iyi kipe yamaze kumenyeshwa ko iki kibuga kitazaboneka hari izindi gahunda zizaba zirimo.

Umuvugizi wa Rayon Sports, Ngabo Roben yabwiye ISIMBI ati “Rayon Day ntikibereye kuri Stade Amahoro kubera impamvu zidaturutseho. Izabera kuri Kigali Pelé Stadium.”

Rayon Sports amakuru avuga ko yari yemeye kwishyura ibizagenda kiri Stade byose kugira ngo umukino ube (expenses) aho byanganaga na miliyoni 15 z’amafaranga y’u Rwanda, gusa yamaze kumenyeshwa ko iki kibuga kitazaboneka.

Umunsi w’Igikundiro wimuriwe kuri Kigali Pelé Stadium aho Rayon Sports izanakina umukino wa gicuti na Azam FC yo muri Tanzania mu gihe ikipe y’abagore izakina na Kawempe Muslim Ladies yo muri Uganda. Itariki n’umunsi ntacyahindutse.

Umunsi w’Igikundiro wimuriwe kuri Kigali Pelé Stadium

Ku gicamunsi cy’ejo ku wa Gatanu ni bwo ikipe ya Rayon Sports yasinyishije uyu mukinnyi nyuma y’ukwezi kurenga abafana bayo bakusanya Miliyoni 40 z’amafaranga y’u Rwanda zo kumugura.

Nyuma yuko Muhire Kevin ateretse umukono ku masezerano yahise yitabira imyitozo ku mugoroba kugira ngo atangire akorane n’abandi. 

Asoje iyi myitozo yakoreshejwe n’umutoza mushya wa Rayon Sports, Robertinho, uyu mukinnyi yagiranye ikiganiro n’itangazamakuru atangaza byinshi bitandukanye.

Muhire Kevin bakunze gutazira Rooney wakiniye Manchester United, yavuze ko yishimiye kuba asubiye mu rugo mu ikipe amazemo imyaka myinshi.

Ati: “Ndumva nishimye kuba ngarutse mu rugo kipe mazemo imyaka myinshi, ni mu rugo rero navuga ko ku bwanjye nishimye kuba ngarutse mu rugo”. 

Uyu mukinnyi ufite ubushobozi bwo gukina mu kibuga hagati asatira cyangwa anyuze ku ruhande rw’iburyo, yavuze ko impamvu yari yaratinze gusinyira Rayon Sports ari ukubera amafaranga atari yakabonetse anavuga ko yasinye amasezerano y’umwaka 1 aho kuba 2 nk’uko benshi bari babizi.

Ati: “Twari twaravuganye, irimo [Rayon Sports] gushakisha amafaranga, amafaranga abasha kuboneka, niyo mpamvu nabashije kugera hano.

Iyo ugiye gusinya amasezerano haba harimo ibintu byinshi mutarumvikana, rero twumvikanye uyu munsi ni bwo byabashije kurangira navuga ko nishimye kuba ndi hano. 

Nasinye umwaka umwe kuko ibyo nasabaga ntibyabashije kuboneka nk’uko nabyifuzaga. Nasinye umwaka kuko nibishoboka umwaka w'imikino nurangira nzongera undi mwaka ariko kugeza aka kanya nasinye umwaka umwe”.

Muhire Kevin wari waragiye agira inama Rayon Sports yo kuzagura abakinnyi bakomeye, yavuze ko urwego rw’abakinnyi baguzwe nta bitekerezo yatangaho ariko ari abakinnyi beza.

Ati: “Nta bitekerezo byinshi nabitangaho kuko abayobozi bajya gukora ikintu bagitekerejeho. Rero ushobora kubagira inama ariko ntabwo ari ngobwa ko iyo nama banayumva kuko ibyo bakeneye nabo barabizi.

Niba bakeneye igikombe, bakeneye kwitwara neza muri shampiyona nabo baba bakeneye abakinnyi beza.

Navuga ko aka kanya abakinnyi bahari bameze neza, nasanze umwuka ari mwiza mu ikipe, navuga ko nta bitekerezo nabitangaho, gusa navuga ko abakinnyi bahari ari beza, igisagaye ari ukubashyigikira bakababa hafi kugira ngo umusaruro uboneke”.

Ku bijyanye no kuba agiye gutozwa na Robertinho bagiranye ibihe byiza batwara igikombe cya shampiyona ndetse bakagera muri 1/4 cya CAF Confederation Cup, yagize ati: “Ndishimye kuko uyu munsi twasinyiye amasezerano rimwe. Navuga ko ari iby'agaciro ni umutoza uzi icyo ashaka, ni umutoza ukina asatira.” 

Navuga ko ku bwanjye ni umutoza uzi kubana n'abakinnyi be neza kugira ngo babashe kumuha umusaruro kuko umutoza ntabwo ajya mu kibuga ariko iyo abashishije kugenzura abakinnyi afite biroroha kugira ngo agere ku musaruro yifuza. 

Navuga ko Robertinho ibintu arabishoboye kandi ndizera ko ibintu bizagenda neza”.

Ikipe ya Rayon Sports nyuma yuko isinyishije umutoza mukuru n’uwumgirije ndetse ikanasinyisha Muhire Kevin, kuri uyu wa Gatandatu Saa Cyenda irakina umukino wa Gicuti na Musanze FC kuri Stade Ubworoherane.

Umuyobozi wa Green Safari ifasha gutembereza ba mukerarugendo yabwiye IGIHE ko Abanyamahanga bakunda kureba uburyo Abanyarwanda ba kera basengaga ndetse n'uko basenga muri ibi bihe.

Ati “Iyo abanyamahanga baje, batubwira ahantu bifuza kujya cyangwa se bakatubwira ibyo bifuza kureba. Iyibokamana naryo bararitubwira, bakatubwira ko bifuza kureba imisengere yo mu Rwanda natwe tukabajyana ahantu hatandukanye hafite amateka akomeye harimo i Kibeho no kwa Yezu Nyirimpuhwe. Ntabwo ari aho gusa kuko no mu nsengero zitandukanye naho baba bashaka kujyayo ngo barebe uko bimeze.'

Mitari yakomeje avuga ko hari n'ahandi hantu herekana uburyo Abanyarwanda basengaga, harimo nko mu Karere ka Burera, naho bakaba bahajyana ba mukerarugendo.

Si abanyamahanga gusa bajyanayo ahubwo n'Abanyarwanda batangiye kwerekana inyota yo kwitabira ubu bukerarugendo, ukunze gusanga bugezweho mu bindi bihugu, kandi u Rwanda rukaba rubufitemo amahirwe.

Muri bimwe u Rwanda rushaka gukora, ni uguteza imbere ubukerarugendo bushingiye ku Iyobokamana, nk'ubwabera i Kibeho, ahabereye amabonekerwa, hakaba hakunze gukurura imbaga y'abantu, ariko ibikorwa byo kuhatunganya ku buryo hakorerwa ubukerarugendo bwagutse bikaba bitaratera imbere cyane.

Umuyobozi Wungirije w'Ingoro ya Kibeho, Padiri Jean Pierre Gatete, yavuze ko hari byinshi bashobora kwigira kuri Jordanie, na cyane ko ari Igihugu cyateye imbere muri uru rwego, nk'uko aherutse kubigarukaho mu kiganiro na IGIHE.

Gusa yavuze ko u Rwanda rugifite byinshi byo gukora niba rwifuza guteza imbere ubu bukerarugendo.

Ati “Dufite urugendo rwo gukora. Kibeho ni iy'ejo bundi [imaze igihe gito]. Twize byinshi, kwakira abantu, kwereka abantu uko bitwara igihe bageze ahantu hatagatifu, mu rwego rwo guteza imbere ubukerarugendo bushingiye ku iyobokamana. Ntabwo umwana avuka ngo yuzure ingobyi, bagize urugendo, natwe dushobora kubigiraho, bitewe na byinshi bagezeho, natwe tukagira ibyo tugeraho, Kibeho igakomeza igatera imbere, ikaba ahantu abantu bose bahurira kandi bakagira icyo batahana.”

Uretse ubukerarugendo bushingiye ku iyobokamana, ubushingiye ku buhinzi nabwo buri gukurura ba mukerarugendo batandukanye mu Rwanda, nk'uko Mitari yabisobanuye.

ubukerarugendo bushingiye ku buhinzi butangiye gukurura ba mukerarugendo benshi mu Rwanda

Izi nama zirasesengura ibyavuye mu igeragezwa riherutse gukorerwa kuri 'White Sands Test Facility' muri Leta ya New Mexico, hoherezwa icyogajuru mu buryo bumwe n'ubwo Boeing Starliner yoherejwemo, ngo harebwe ibibazo bishobora kukibaho.

Boeing Starliner yoherejwe bwa mbere mu Isanzure itwaye abashakashatsi babiri ba NASA ku wa 5 Kamena 2024.

Butch Wilmore na Suni Williams ni bo bakigiyemo, mu igerageza rya nyuma ryitezweho kwemeza niba gifite ubushobozi bwo kuzajya gikura abantu ku Isi kikabajyana kuri site ikorerwaho ubushakashatsi mu Isanzure izwi nka 'International Space Station (ISS)', cyangwa kigacyura abariyo.

Byari byitezwe ko iri gerageza nirigenda neza, Boeing Starliner ihita yemererwa gukora ingendo zihoraho zijya n'iziva mu isanzure, hafi y'Isi cyangwa kuri ISS.

Gahunda yari uko iryo gerageza rimara icyumweru, icyogajuru kigahita kigaruka ku Isi.

Gusa igaruka ryacyo ryasubitswe kenshi, hatangwa ubusobanuro budahwitse bw'impamvu kitagaruka kuko cyoherezwa hari hatangajwe ko gifite uburyo bwatuma kigaruka bitunguranye hagize ikibazo guhurirayo nacyo.

Ku ikubitiro byari biteganyijwe ko Boeing Starliner yagombaga kuba yagarutse ku Isi ku wa 14 Kamena 2024.

Nyuma y'aho NASA yatangaje ko icyo cyogajuru kizagaruka ku Isi ku wa 26 Kamena 2024, ariko nabyo biza guhindurwa, hatangazwa ko kizagaruka muri Nyakanga 2024, gusa yirinda kwemeza umunsi nyirizina.

Iyo tariki yaje kwimurwa biturutse ku makuru ajyanye n'ibibazo icyogajuru cyagize ubwo cyoherezwaga, yasesenguwe n'abashakashatsi ba NASA n'aba Boeing.

Mu kongera gusubika itariki ya kabiri byari biteganyijwe ko icyo cyogajuru kizagarukiraho, NASA yasobanuye ko irimo gusesengura byimbitse ayo makuru ifite.

Igikomeje gutera impungenge ku gusubika igaruka rya Boeing Starliner, ni uko icyo cyogajuru cyabariwe iminsi 45 yonyine kigomba kumara mu Isanzure, kuri ISS.

Iyo minsi yatangiye kubarwa uhereye ku wa 6 Kamena 2024, ikaba yararangiye ku wa 21 Nyakanga 2024.

Ni ukuvuga ko iminsi cyagombaga kumarayo yarangiye, ibyongera ibyago by'uko iryo gerageza ryagenda nabi.

Kugenda nabi kw'iryo gerageza ni igihombo gikomeye kuri NASA na Boeing muri uwo mushinga bibarwa ko ufite agaciro ka miliyari 1.5$.

Byasubiza inyuma urugendo rwo kwemerera Boeing Starliner gukora ingendo zijya n'iziva mu Isanzure, mu gihe icyizere cyari kimaze kuba cyose ko izo ngendo zatangira mu myaka ya vuba.

Haracyategerejwe umwanzuro NASA na Boeing baza gutangaza ko bafashe, by'umwihariko ukuntu bari bukure abo bashakashatsi mu Isanzure.

Boeing Starliner imaze amezi abiri mu Isanzure kandi yaragombaga kumarayo icyumweru kimwe

Aha rero Yesu yamanutse ajya kuri uyu Mugezi, nanjye narahanyuze ubwo nari muri Jordanie, kimwe mu bihugu bikungahaye cyane ku mateka, dore ko kirimo bimwe mu bice Yesu yabayemo.

Ni Igihugu kidakungahaye cyane mu bijyanye n'umutungo kamere, nk'uko bimeze ku bindi bihugu bigikikije, gusa kikaba gikungahaye cyane ku mateka n'umuco, ibyo Minisitiri w'Ubukerarugendo, Makram Mustafa A. Queisi, avuga ko ari 'Peteroli idashira, itazatakaza agaciro, ahubwo agaciro kayo kazarushaho kwiyongera.'

Nasuye iki gihugu ndi kumwe n'itsinda ry'Abanyarwanda 40 ryiganjemo abakora mu rwego rw'ubukerarugendo, ubuzima, uburezi n'ibindi, mu rugendo rwari rugamije kwigira kuri Jordanie, Igihugu gifitanye umubano mwiza n'u Rwanda ariko kikanagira umwihariko wo kuba cyarubatse inzego zituma kigira ubukungu budashingiye ku mutungo kamere, ingingo u Rwanda ruri gushyiramo imbaraga.

Ntabwo ari Igihugu kinini cyane, kuko gikubye u Rwanda hafi inshuro eshatu zirengaho gato, ku buso bwa 89.342 km2, kigaturwa na miliyoni 11 z'abaturage, bagizwe na 95% by'Abayisilamu ndetse na 5% by'Abakirisitu. Aha hari n'umwihariko w'urusengero ruhuza Abayisilamu n'Abakirisitu.

Itsinda ryaturutse mu Rwanda risura Urusengero rwitiriwe Umutagatifu George, ruherereye mu mujyi wa As-salt, rukaba ari rumwe mu nsengero zakira abakirisitu n’abayisilamu muri Jordanie

Amateka agaragaza ko abantu ba mbere batuye muri iki gihugu mu myaka ibihumbi 20 ishize, ndetse igishushanyo cy'umuntu kimaze igihe kinini ku Isi, cyabonetse muri iki gihugu.

Twashyitse ku Kibuga Mpuzamahanga cya Amman, mu Murwa Mukuru wa Jordanie, Igihugu gifite abantu bakirana urugwiro, bakavuga indimi zinganjemo Icyarabu, Icyongereza kikavugwa n'abantu bake.

Umugezi Yesu yabatirijwemo

Bibiliya igaragaza ko Yesu yaje mu Isi afite ubushobozi budasanzwe, ariko akabanza kwisanisha n'imibereho y'abatuye Isi kugira ngo bamwakire, bamwiyumvemo.

Yagombaga gukora imwe mu migenzo yabo, irimo no kubatizwa. Yohani Umubatiza niwe wamubatije, abikorera mu Mugezi wa Yorodani, kuri ubu unyura ku nkombe z'ibihugu nka Jordanie, Israel, Syria ndetse n'ibice bya Palestine nka West Bank, aho ukora ibilometero 251 mbere yo kwinjira mu Nyanja (Dead Sea).

Mu bilometero 7.5 uvuye kuri iyi Nyanja, ugera ku gace ka Betaniya, ari naho Yesu yabatirijwe na Yohani Umubatiza. Ubusanzwe Umugezi wa Yorodani ni Umugezi munini, ariko agace Yesu yabatirijwemo kari ku ruhande rw'uyu mugezi, ahazwi nka Al Maghtas, bisobanuye ahantu hakorerwa igikorwa cyo kubatiza.

Ikidendezi gito cy’amazi kiri aho Yesu yabatirijwe

Aha ni kuri Al Maghtas, bisobanuye Site babatirizaho, akaba ari naho Yesu yabatirijwe

Itsinda ryaturutse mu Rwanda ryasuye Al Maghtas, rireba aho Yesu yabatirijwe

Mu bilometero bibiri uvuye kuri iyi Site Yesu yabatirijweho, ugera ku Buvumo Yohani Umubatiza yari atuyemo, ari naho yatangiriye imirimo yo kubwiriza ubutumwa bwiza.

Ubuvumo bivugwa ko Yohani Umubatiza yabayemo, uretse ko abandi bavuka ko yahoze ari inzu, aho kuba ubuvumo

Itsinda ryaturutse mu Rwanda riri gusengera imbere y’Ubuvumo Yohani Umubatiza yari atuyemo

Itsinda riturutse mu Rwanda risobanurwa imiterere y’Ubuvumo Yohani Umubatiza yari atuyemo

Abanyarwanda bishimiye gusengera ahantu hatagatifu. Aha harimo ba padiri na ba bishop b’amadini atandukanye, bari gusenga

Muri aka gace kandi niho Eliya yahagurukiye asubizwa mu Ijuru, nk'uko bigaragara mu Gitabo cy'Abami ba Kabiri. Kubera amateka akomeye hafite, ba Papa batatu bamaze kuhasura ndetse hasurwa n'abakirisitu benshi buri mwaka.

Itsinda riturutse mu Rwanda risobanurirwa, aho ryari ririmo kwerekwa aho Eliya yari ahagaze ubwo yajyanwaga mu Ijuru

Aha niho Eliya yari ahagaze mbere yo kuzamurwa ajyanwa mu Ijuru, nk’uko inkuru yo muri Bibiliya ibivuga

Umusozi wa Nebo, aho Mose yapfiriye

Twahavuye twerekeza mu Majyepfo y'Uburasizuba, nko mu bilometero 31, aha ni ku Musozi wa Nebo nawo ufite igisobanuro gikomeye mu mibereho y'Abakirisitu.

Mu Gitabo cyo Gutegeka kwa Kabiri, Igice cya 34 umurongo wacyo wa mbere, hagira hati 'Mose ava mu Kibaya cy'i Mowabu kinini, azamuka wa Nebo agera mu Mpinga ya Pisiga, iteganye n'i Yeriko…'

Uyu Musozi Mose yazamutse, niwo ngiye kubabwira kuko nanjye nawuzamutse, ukaba uherereye mu bilometero nka 30 uvuye mu Murwa Mukuru wa Jordan, Amman, ndetse no mu bilometero nka bitandatu uvuye mu Mujyi wa Madaba, ndetse no mu bilometero nka 3.5 uvuye mu Mujyi wa Nebo wanditswe muri Bibiliya, kuri ubu ukaba usigaye witwa Khirbet al Mukhayyat.

Uhagaze ku mpinga y'uyu musozi, niho ushobora kubona Umugezi wa Yorodani, ukareba muri Israel ndetse mu gihe nta gihu gihari, uba ushobora kureba Umujyi wa Yerusalemu.

Nyuma yo kureba Igihugu cy'isezerano ariko ntabashe kukigeramo, Mose yaje kugwa kuri uyu Musozi ndetse bikavugwa ko ari ho ashyinguwe.

Kuri uyu musozi kandi uhasanga ikimenyetso kigaragaza inzoka iri ku nkoni Mose yacuze, iyi ikaba yaracuzwe mu rwego rwo kuvura abari bariwe n'inzoka, nk'uko byanditswe mu Gitabo cyo Kubara, mu Gice cya 21.

Ku Musozi wa Nebo, aho Mose yahagaze ari kureba Igihugu cy’Isezerano. Iyo hatari igihu, uba ushobora kubona muri Israel

Iyo uri ku Musozi wa Nebo, uba witegeye Ikibaya cya Betaniya, ari naho hari Umugezi wa Yorodani

Ikimenyetso cy’inkoni iriho inzoka, cyakozwe na Mose kugira ngo Abisirayeli bayirebeho bakire

Andi mafoto

Iki kiziga gitunzweho urutoki ni urusengero rwitiriwe Papa Yohani Paul ||, mu gihe aho abantu bahagaze, ari ho Eliya yari ahagaze ubwo yajyanwaga mu Ijuru

Ahanditse ibirango by’urugi byakoreshwaga mu gufunga imva

Iri ni ibuye ryakoreshwaga mu gufunga imva, ibuye rimeze gutya niryo ryafunze imva ya Yesu, ari naryo Mariya n'abandi bagore basanze ritari ku mva bakagira ubwoba, mbere y'uko Malayika ababwira ko Yesu yazutse

Ikarita igaragaza Umusozi wa Nebo, ari nawo Musozi Mose yapfiriyeho

Akazu kari iruhande rw’Ubuvumo Yohani Umubatiza yabagamo

Ikarita yerekana Umugezi wa Yorodani, ikaba iri iruhande rw’aho Yesu yabatirijwe

Inyandiko ziri hafi y’aho Yesu yabatirijwe

Ikidendezi gito cy’amazi kiri aho Yesu yabatirijwe

Aha ni kuri Al Maghtas, bisobanuye Site babatirizaho, akaba ari naho Yesu yabatirijwe

Mu bihe by’ubushyuhe, amazi ari muri Al Maghtas aragabanuka cyane agakama, ariko mu bihe bisanzwe aba aruta aya

Ibuye ryashyiriweho Papa Yohani Paul || ubwo yasuraga Umusozi wa Nebo

Inzu iri hafi ya Site ya Al Maghtas, ari naho Yesu yabatirijwe

Akazu kari ku ruhande rw’aho Yesu yabatirijwe

Itsinda ryaturutse mu Rwanda ryasuye Al Maghtas, rireba aho Yesu yabatirijwe

Inzira ituruka aho Eliya yahagurutse ajyanwa mu Ijuru, igana aho Yohani Umubatiza yari atuye

Itsinda riturutse mu Rwanda risobanurwa imiterere y’Ubuvumo Yohani Umubatiza yari atuyemo

Itsinda ryaturutse mu Rwanda riri gusengera imbere y’Ubuvumo Yohani Umubatiza yari atuyemo

Itsinda ryaturutse mu Rwanda riri gusobanurirwa agace ka Al Maghtas ari naho Yesu yabatirijwe

Mu bihe by’ubushyuhe, amazi ari muri Al Maghtas aragabanuka cyane agakama, ariko mu bihe bisanzwe aba aruta aya

Scovia Annaise Uwizeye Kambabazi, Umunyamakuru wa IGIHE, ubwo yari muri ku musozi wa Nebo

Amafoto: Scovia Kambabazi Uwizeye

Muhire Kevin yavuze ko Robertinho ari umutoza mwiza uzi kubana n’abakinnyi uzafasha iyi kipe.

Ni nyuma y’uko ejo hashize ari bwo yongereye amasezerano y’umwaka umwe akinira Rayon Sports akaba ari nabwo n’umutoza Robertinho na we yasinye amasezerano y’umwaka umwe nk’umutoza wa Gikundiro.

Yagarutse muri iyi kipe asangamo Muhire Kevin bandikanye amateka bagera muri 1/4 cya CAF Confederation Cup 2018 akaba ari na we batwaranye igikombe cya shampiyona ya 2018-19 Rayon Sports iheruka.

Muhire Kevin yavuze ko yishimiye uyu mutoza kuko ari umutoza mwiza uzi no kubana neza n’abakinnyi.

Ati “Ndishimye uyu munsi twasinyiye rimwe twese navuga ko ari iby’agaciro, ni umutoza uzi icyo ashaka, ni umutoza ukina asatira, azi kubana n’abakinnyi neza kandi umutoza mwiza ni uzi kubana n’abakinnyi kugira ngo babashe kumuha umusaruro, urumva umutoza ntabwo ajya mu kibuga ariko iyo abashije kubana neza n’abakinnyi be biroroha kugera ku musaruro wifuza, navuva ko Robertinho arabishoboye kandi bizagenda neza.”

Aba bombi nyuma yo gusinya bakaba barahise ejo hashize ku wa Gatanu baratangira imyitozo.

Kevin Muhire yishimiye kongera gukorana na Robertinho

Nyuma yo kongera amasezerano, Muhire Kevin ni we wongeye kugirirwa icyizere n’ubuyobozi bwa Rayon Sports kuba kapiteni w’iyi kipe.

Ku wa Mbere w’iki cyumweru tariki ya 22 Nyakanga, umuyobozi wa Rayon Sports, Uwayezu Jean Fidele yavuze ko ku wa Gatanu (ejo hashize) ari bwo bazatangaza kapiteni, hari nyuma y’uko Kevin Muhire atarasinya.

Icyo Jean Fidele yagize ati “Ubu nta kapiteni dufite. Twari dufite kapiteni umwaka ushize ari we Muhire Kevin, n’ubu turacyaganira bigenze neza ni we twatangaza cyangwa tugatanga undi. Birashoboka yo yasubirana izo nshingano cyangwa zigahabwa undi.”

Nyuma y’uko ejo hashize yongereye amasezerano y’umwaka umwe, amakuru ISIMBI yamenye ni uko Muhire Kevin ari we ubuyobozi bwahisemo kongera guha izi nshingano.

Bashingiye ku kuba ari we usanzwe ari kapiteni kandi umaze igihe mu ikipe uyizi neza ndetse akaba aziranye n’umutoza barakoranye ubwo aheruka mu Rwanda.

Mu bandi bahabwaga amahirwe yo kuba bahabwa izi nshingano ni Haruna Niyonzima uheruka gusinyira iyi kipe ya Gikundiro.

Muhire Kevin ni we wongeye kugirwa kapiteni wa Rayon Sports