Blog

Kuri uyu wa kabiri kuri Kigali Pele Stadium, Sosiyete ya Canal Plus Rwanda yagiranye ikiganiro n'itangazamakuru kigaruka aho imyiteguro ya shampiyona y'umwaka 2024-2025 igeze.

Nk'uko bimaze kumenyerwa, imikino hafi ya yose ikunzwe ku Isi ndetse na filime zigezweho nta handi ho kubisanga hatari kuri Canal Plus imaze kwibikaho uwo mwihariko wayo.

Nk'uko bikunze kugenda mu rwego rwo gusobanura imigambi mishya Canal Plus itangirana umwaka w'imikino, uyu munsi Canal Plus yagaragaje imikino bagiye kwerekana muri uyu mwaka w'imikino mushya harimo shampiyona zari zisanzwe zica kuri Canal Plus ndetse n'izindi nshya.

Umuyobozi wa Canal Plus, Sophie Tchatchoua yatangaje ko uyu mwaka iyi sosiyete izakomeza kwerekana Shampiyona y'Ikiciro cya mbere mu Bwongereza (English Premier League), La Liga, League 1, Bundesiliga, Champions League ndetse na Saudi Pro kwa Neymar.

Muri uyu mwaka, Serie A ntabwo izaca kuri Canal Plus ahubwo bakaba barashyize imbaraga mu kwerekana imikino irimo abakinnyi bakomeye cyane nko muri Saudi Arabia ahari Cristiano, Neymar, Karim Benzema, …

Si mu mupira w'amaguru gusa kuko Canal Plus igera mu mfuruka zose z'imikino nta na hamwe yibagiwe kuko imikino ya NBA, imikino yo gucyirana, Boxing n'indi myinshi itibagiranye kuri Canal Plus.

Si ku ruhande rw'imikino gusa ahubwo Canal Plus yongereye imbaraga mu bisata by'imyidagaduro harimo cinema aho nko kuri shene ya Zacu TV hagiye gukomeza guca film nshya kandi nziza nyinshi mu rwego rwo kua hafi y'abakunzi b'imyidagaduro.

Aho Canal Plus ibera umubyeyi wa bose, izi neza ko n'ubwo yashyize igorora abantu ariko abanyeshuri nabo bacyeneye gusubira ku ishuri kandi bakenera amafaranga y'ishuri akenshi asiga abantu benshi mu bukene.

Kuri ubu, Canal Plus yashyizeho Promotion ku bakiri bashya aho byaguraba amafaranga 20,000Rwf ukibikaho Canal Plus ndetse na Abonema y'ukwezzi (Ni ukuvuga Dekoderi yagizwe 5,000Rwf, Installtion ni 5,000Rwf hanyuma ukaguriraho Abonema ya 10,000Rwf).

Bitari ibyo gusa, ku muntu uri kugura Abonema guhera none ari guhabwa indi minsi 15 y'ubuntu nk'uburyo bwo kwifatanya nawe muri ibi bihe byo kohereza abana ku ishuri kandi hakenerwa ibikoresho byinshi kugira ngo umwana asubire ku ishuri.

Uhagarariye Canal Plus mu Rwanda, Sophie Tchatchoua yavuze ko uyu mwaka abakunda imikino bashyizwe igorora

Abafatabuguzi ba Canal Plus batekerejweho muri iki gihe cy’itangira ry’amashuri asiga benshi ubukungu butifashe neza

Back To Foot: Shampiyona zikomeye ku Isi zagarutse kuri Canal Plus

Uretse kuzareba imikino ikomeye i Burayi, Abanyamakuru bagize umwanya wo guconga kuri ruhago

Umubano wa Zari Hassan n’umugabo we Shakib Lutaaya wafashe indi ntera kugeza aho nta wugikurikira undi kuri Instagram.

Bibaye nyuma y’uko bagiranye ikibazo kubera Diamond Platnumz wabyaranye na Zari abana babiri yagiye mu isabukuru y’umukobwa we muri Afurika y’Epfo, Shakib atariyo ndetse atanabizi.

Zari icyo akaba yarisobanuye avuga ko nta kintu kiri hagati ye na Diamond uretse abana babyaranye, ndetse yahise asa n’umuha gasopo ko nakomeza ibyo arimo azamureka.

Yavuze ko yatunguwe no kubona Diamond iwe nk’uko na Shakib yatunguwe, byose bikaba byaratewe n’uko uyu muhanzi yashakaga gutungura umukobwa we.

Yakomeje avuga ko aramutse ashaka gusubirana na Diamond ari ibintu byoroshye ariko nta kintu na kimwe kiri hagati ya bo.

Ati “reka ngire ikintu mbabwira, iyo mba nshaka gusubirana na Diamond nabikora. Diamond ashatse gusubirana nanjye ashobora kubikora. Ariko ibyo twarabirenze, simushaka na we ntanshaka, mfite mugabo na we afite umukunzi.”

Yakomeje avuga ko umubano we na Diamond ari uwo kurera abana gusa, akaba ahangayikishijwe no kutigirira icyizere gusa.

Ati “Umugabo wanjye nta cyizere yigirira akaba ari nabyo birimo gutera ibibazo. Mba ngomba kwisobanura ngo ‘ntabwo nari ndimo nkora biriya’, ‘ntabwo ariko bimeze’, koko? Mba ngomba kumuhamagara ‘live’ kugira ngo mwereke ukuri.”

“Njyewe Zari The Boss Lady, ndi umuherwekazi, mfite ubwenge. Naba ndi kumwe n’uwo nshaka ariko nahisemo umugabo wanjye kandi ntabwo nitaye kuko mumubona, ‘ngo ni umukene, si mwiza’. nahisemo kubana na we ariko akaba arimo anyuza muri ibi? Bibaye byiza wahinduka ukanazirikana.”

Yavuze ko nadahinduka ashobora kuzamureka agashaka undi utamuhoza ku nkeke nk’izo uyu amuhozaho.

Ati “niba adashaka kuzirikana uwo ndi we … ni igisebo. Nzashaka undi uzamenya agaciro kanjye. Ndamukunda, iyo nakunze buri umwe arabimenya, ndi umwizerwa. Niba utagiye kubiha agaciro ubwo niko bimeze.”

Bisa nk’aho umubano wa bo wakomeje kuba mubi kurushaho kuko nta n’umwe ugikurikira undi kuri Instagram.

Zari ntakiri mu bantu bakurikira Shakib Lutaaya

Shakib ntakiri mu bantu bakurikira Zari Hassan

Umubano wa bo ntumeze neza

Aba baturage bavuga ko ubu aba bana bato biganjemo abataye ishuri birirwa ku muhanda no mu tubari mu isantere ya Cyarubare byagera nijoro bagasambanywa n'abagabo bakuru baba biriranwe muri utwo tubari.

Barasaba ko inzego bireba zakemura icyo kibazo kuko babona cyinongera umubare w'abandura indwara zandurira mu mibonano mpuzabitsina.

Mu baganiriye na BTN umwe yagize ati 'Usanga harimo nk'abana bafite imyaka 13 na 17 ndetse n'abafite 10 barimo. Nta muntu wakabaye indaya ataragira imyaka y'ubukure kuko usanga abo bana umugabo w'imyaka 38 adatinya kubasambanya kandi ntawe ufite imyaka 20 urimo'.

Undi yagize ati 'Umuntu w'umugabo cyangwa w'umusaza ntatinya gufata umwana ngo amusambanye. Kandi niba hari ikintu hano gihari n'indwara zandurira mu mibonano mpuzabitsina kandi bamwe ntibafata imiti'.

Aba baturage bongeyeho ko inzego z'ibanze zibegereye zidakemura iki kibazo.

Umuyobozi w'Umurenge wa Kabare, Kagabo Jean Paul yabwiye IGIHE ko iki kibazo atari akizi ariko ko bagiye kugikurikirana kuko ibyo bishoboka nk'ahantu hari isantere.

Ati 'Twakurikirana tukamenya amakuru yabyo niba bihari kuko ntabwo byemewe guhohotera abana kandi ubifatiwemo tumushyirikiza RIB, ariko kugeza ubu ntabwo twari tubizi. Ahantu hari isantere y'ubucuruzi birashoboka ariko ntabwo byemewe n'iyo baba ari abantu bakuru ntitwashyigikira uburaya'.

Ku kijyanye no kuba hari abayobozi b'inzego z'ibanze abaturage bavuga ko bagira uruhare muri iri hohohoterwa, Kagabo yavuze ko na byo bagiye kubikurikirana kuko hari n'undi muyobozi w'umudugudu muri ako gace kuri ubu ukurikiranyweho kwaka ruswa y'igitsina abaturage ngo abahe serivisi.

Raporo y'Ikigo cy'Igihugu cy'Ibarurishamibare ku mibare y'ingenzi mu buzima n'imibereho by'Abanyarwanda (Rwanda Vital Statistics Report) yasohotse muri Gicurasi uyu mwaka, igaragaza ko mu 2023 abana 4.5% b'abakobwa mu gihugu, bakoze imibonano mpuzabitsina batarageza ku myaka 15, mu gihe abahungu bo ari 10.1%.

Muri abo harimo abagera kuri 75 bafite imyaka iri hagati ya 10 na 14 babyaye mu gihe abatewe inda muri rusange mu 2023 ari 19 406 biganjemo abari hagati y'imyaka 15 na 19.

Umubare munini w'aba bana ni abo mu byaro kandi biganjemo abize amashuri abanza gusa ndetse n'abize ayisumbuye.

Ubu bushakashatsi bwa Uswitch ikora ubushakashatsi bw’itumanaho, bwakozwe ku bantu 2,000 bwasanze kandi 70% by'abari hagati y'imyaka 18 na 34 bahitamo ubutumwa bwanditse aho guhamagara/rwa cyangwa bakabanza gushaka uko bamenya uwari uhamagaye.

Ku bantu bo mu biragano (Old Generations) bikuru kuri aba, kuvugira kuri telefone ni ibintu bisanzwe. Ku rundi ruhande abo muri iriya myaka bo bakuze bakoresha ahanini kwandika ubutumwa.

Mu 2009, ubwo guhamaraga kuri telefone byari bihenze, kwandika ubutumwa bugufi byatangiye gukoreshwa na benshi, ni ho ikiragano cy'ubutumwa bugufi cyavukiye.

Guhamagara byatangiye kuba ku bw'impamvu yihutirwa, naho za telefone z'umugozi zo mu nzu zihinduka izo guhamagara ba nyogokuru, ku bari bazifite.

Dr Elena Touroni, inzobere mu mitekerereze, asobanura ko kuko ababyiruka batagize umuco wo kuvugira kuri telefone, 'ubu kuyivugiraho bisa n'ikintu kidasanzwe kuko bitagezweho'.

Ibi bishobora gutuma abato batinya ko hari ikintu kibi kibaye iyo telephone yabo ihamagawe.

Hejuru ya kimwe cya kabiri cy'urubyiruko rwasubije mu bushakashatsi bwa Uswitch bavuze ko iyo telefone ibahamagaye batari bayiteze bitega kumva inkuru mbi.

Eloise Skinner inzobere mu kuvura indwara zo mutwe asobanura ko igishyika giterwa no guhamagarwa kiva 'ku gutinya ikibi gishobora kuza'

Ati: 'Mu gihe ubuzima bwacu bugenda burushaho guhuga n'akazi kakazamo ibitari biteganyijwe, tubona umwanya muto wo guhamagara inshuti ngo tuganire gusa. 

Guhamagara rero bihinduka iby'inkuru ikomeye mu buzima bwacu, akenshi ishobora kuba ari inkuru ikomeye cyangwa mbi'.

'Ni ibyo neza neza', ni ko Jack Longley w'imyaka 26 avuga, yongeraho ko nawe atajya yitaba telephone atazi kuko 'ishobora kuba ari abashukanyi cyangwa abagurisha ibicuruzwa.

Ariko kutavugira kuri telephone ntibivuze ko urubyiruko rutaganira n'inshuti zarwo. Imbuga bahuriramo (group chats) ziba zishyushye umunsi wose mu butumwa butebya, 'memes', ibihuha, ndetse na vuba aha za 'voice notes'.

Byinshi muri ibi biganiro bibera ku mbuga nkoranyambaga, cyane cyane kuri WhatsApp, Instagram, X na Snapchat aho biba byoroshye kohereza ifoto, bikajyana n'ubutumwa bwanditse.

Mu bushakashatsi bwa Uswitch, 37% by'abari hagati y'imyaka 18 na 34 bahitamo gukoresha 'voice notes' mu itumanaho. Naho 1% mu bari hagati y'imyaka 35 na 54 nibo bahitamo 'voice notes' aho guhamagara. Ubutumwa bwanditse na 'voice notes' bituma urubyiruko ruganira mu buryo bwarwo kandi bigatuma basubiza babitekerejeho. 

Yifashishije konti ye ya Instagram, kuri uyu wa Kabiri tariki 27 Kanama 2024, uyu muraperi wamamaye mu ndirimbo zirimo 'Nituebue', yavuze ko iyi Album ye izajya hanze ku wa 18 Nzeri 2024.

Hari hashize igihe abafana be n'abakunzi b'umuziki we bategereje iyi Album. Ariko yakunze kumvikanisha ko habayemo impinduka zatumye atabasha kuyishyira hanze ku gihe yari atangaje.

InyaRwanda yabonye amakuru yizewe, avuga ko hari ikigo cyo mu gihugu cya Kenya cyaguze Album ya Bushali bamutegeka igihe cyo kuyisohora, kuko bari bihaye igihe cyo kubanza kuyicuruza.

Ibi byatumye Bushali atinda gusohora iyi Album, ariko kandi byanamuhaye umwanya wo kuyitegura mu bijyanye no kuzayimenyekanisha ku mbuga zitandukanye zicururizwaho umuziki, mu itangazamakuru n'ahandi.

Bushali asobanura ko kuri iyi Album hariho indirimbo 'ziryoshye', kandi yifashishijeho abaraperi bagenzi be barimo nka B-Threy, Kivumbi, Slum Drip, ndetse na Khaligraph Jones uri mu bakomeye mu gihugu cya Kenya.

Ni ubwa mbere Bushali ahuriye mu ndirimbo na Khaligraph Jones. Ariko benshi bamenye uyu muraperi mu Rwanda nyuma y'uko ahuriye mu irushanwa rya Coke Stuido na Bruce Melodie, ibintu byamufashije kugenderera urwagasabo mu bihe bitandukanye.

Unyujije amaso mu ndirimbo zigize iyi Album, Bushali yongeye kumvikanisha umwimerere wa Kinyatrap, ariko kandi anakorana n'abantu bagize uruhare mu gutuma uyu munsi izina rye ryaracengeye cyane.     

Ni Album kandi izumvikanaho amajwi y'abagize umuryango we nk'umwana we n'umugore we. Atangaje isohoka rya Album ye, mu gihe ari no kwitegura kuririmba mu bitaramo bya MTN Iwacu Muzika bizagera mu Ntara zitandukanye z'u Rwanda.

Bushali afite gahunda yo gusohora indirimbo imwe imwe kuri Album kugeza ubwo yose azayishyira hanze. Uyu muraperi aherutse kuririmba mu gitaramo cyo kumurika Album 'Icyumba cy'amategeko' ya Riderman na Bull Dogg, cyabereye muri Camp Kigali, ku wa 24 Kanama 2024.

Uyu muraperi asanzwe afite ku isoko Album ebyiri zirimo 'Ku Gasima' iriho indirimbo 12 zirimo iyitwa 'Kinyatrap', 'Sindi Mubi', 'Zunguzayi', 'Ipafu', 'Kinyarock', 'Mamayiwe', 'Kugasima', 'Inganjyi', 'Ayura', 'Bitinze', 'Impanda' na 'Niyibizi'. Yatunganyijwe na ba Producer barimo Danny Beats, Dr. Nganji, Victoria, Bushali na Maxime. Anafite Album yise yise 'Nyiramubande' yasohoye muri Gashyantare 2018.

 

Bushali yatangaje ko tariki 18 Nzeri 2024 azashyira hanze Album 'Full Moon'

 

Umuraperi Khaligraph Jones yakoranye na Bushali imwe mu ndirimbo kuri Album ye

B-Threy, inshuti y'igihe kirekire ya Bushali yanamufashije kuri Album ye nshya

 

Umuraperi Kivumbi yateye inkunga Bushali kuri Album ye ishushanya ukwezi kuzuye

Slum Drip, umuraperi wafatanyije igihe kinini na Bushali yakoze kuri Album ye

 

Album ya Bushali yagombaga kujya hanze mu Ukuboza 2023 

KANDA HANO UBASHE KUMVA ALBUM YA KABIRI ‘KU GASIMA’ YA BUSHALI

“>

Ibi yabigarutseho ubwo yarimo yigisha ijambo ry’Imana mu gitaramo cyabaye ku Cyumweru i Remera mu mujyi wa Kigali. Ijambo ry’Imana Rev Dr Antoine Rutayisire yifashishije muri iki gitaramo ni iryo mu Ibyahishuwe mu gice cya 14 kuva ku murongo wa mbere.

Yavuze ko umurimo wo kuririmba ari wo murimo wonyine ukorwa mu Isi uzasigara unakorwa mu ijuru kuko iyo usomye Bibiliya utabona aho babwiriza cyangwa aho bafasha abakene.

Yakomeje avuga ko abantu bose bazagera mu ijuru bazaririmba ndetse ko hari umusaruro uva mu kugendana n'Imana. Yavuze ko inyungu ugira iyo ugendana n’umwana w’Intama bikurinda ibyaha ndetse bikanakurinda ubwoba.

Ati: “Ni izihe nyungu ugira mu kugendana n'Umwana w'Intama?. Ikintu cya mbere iyo ugendana nawe bikurinda ibyaha, niyo mpamvu abangaba bagaragara mu ijuru.

Ubundi inyigisho z'ijambo ry'Imana ntabwo zigoranye. Hari ibanga riri mu kugendana na Yesu kuko ni cyo kintu kizakurinda ibyaha, nugendana na Yesu ni cyo cyizere uzaba ufite cyo kutagwa mu cyaha;

Ariko ibyo ntabwo nenda kubitindaho cyane, narabivuze kenshi gusa n'ubundi nzajya mbisubiramo kuko n'abantu rimwe na rimwe babyumva ari uko wabisubiyemo nk'inshuro y'igihumbi. 

Kugendana na Yesu bikurinda ibyaha, ukamenya ngo aha hantu ngenda ndimo ndagendana na Yesu arandeba ntabwo nkora ibyaha kuko Yesu arandeba ikindi bikurinda ubwoba. 

Iyo ugendana n'Umwami wawe uba wumva ngo nta cyantera ubwo kuko umwami wanjye arandeba kandi nta cyankura umutima kuko umwami wanjye aranyobora, ampa umutekano no kutayoba no kudahuzagurika”.

Rev Dr Rutayisire yavuze ko ikintu amaze kubona mu myaka amaze mu murimo w’Imana ari uko Korali ariyo tsinda ribamo Ubusambanyi bwinshi.

Ati: “Reka mbabwire ikintu maze kubona mu myaka amaze mu murimo w'Imana n'imyaka maze mu gipasitoru. Niba hari itsinda ribamo ubusambanyi bwinshi munyihanganire kubivuga ni Korali. 

Uzi impamvu? Korali zibamo abantu benshi baba abagabo n'abagore, abakobwa n'abahungu bavanze kandi satani nawe akazanamo abakozi be cyangwa n'abarimo akabungura ibitekerezo akaza akabwira ati ‘ariko aha muri korari ko mwegeranye muri hamwe’ “.

Yanagiriye inama abaririmbyi ko ibiganza bazungurije Uwiteka badakwiye gukabakaba abagore, ati: “Ibiganza wazunguje imbere y'Uwiteka ntibizakabakabe abagore. Ikiganza cyafashe indangururamajwi ubwiriza ubutumwa ntuzakirambure ukabakaba;

Kandi mbwira abakobwa ngo niba uhagarara imbere y'Imana ukagendana nayo nihaza ba bahungu b’abapfapfa ujye umubwira uti umbabarire iyo Umwami wanjye andeba ibyo biganza birafunze kuko abangaba bazaririmba imbere y’Intebe y'Umwana w'Intama, ni abantu batandujwe n'ubusambanyi”.

Rev Dr Antoine Rutayisire yagiriye inama Abaririmbyi abasaba kwirinda ubusambanyi

Ni icyemezo kitabanyuze na cyane ko bagaragaza ko bahatuye kuva kera, bagasaba ko leta yabarenganura bakemererwa kubaka cyangwa ikabashakira ahandi ho kujya.

Uwitwa Rwangabo Tharcisse yabwiye RBA ati 'Bamwe urabona turi abasaza turagasaziye nta bushobozi dufite. Turatabaza Leta y'u Rwanda kugira ngo ibidufashemo irebe icyo yatumarira.'

Ku wa 26 Kanama 2024 inzu zitandukanye zari zatangiye gusenywa, uwitwa Mukanyamushanja Florence akavuga ko niba uwo mudugudu utazaturwamo babashakira aho gutura.

Ati 'Nibatwimure twese badushakire aho tugomba gutura cyangwa niba babona ko tuzahatura nibareke ufite ubushobozi azamure akazu ave mu bukode.'

Ikindi bagaragaza ko kibabaje ni uko babwirwa ko aho hantu hatemewe kubakwa, nyuma bakabona hari inzu nshyashya ziri kuhazamurwa mu gihe izindi ziri gusenywa, abaturage bakabibonamo akarengane.

Umunyamabanga Nshingwabikorwa w'Umurenge wa Rwinkavu, Bagirigombwa Djafari yagaragaje ko hari abaturage barenze ku mategeko bigabiza umutungo w'igihugu ari yo mpamvu bari gusabwa kuhimuka.

Ati 'Iki gice ni ubutaka bwanditse kuri leta 100% nta muturage n'umwe uhafite ubutaka. Icyakora hari abahamaze igihe kirekire, bahageze kera, bo tukaba turi kubavuganira kugira ngo turebe icyo leta yabafasha.'

Bagirigomwa yavuze ko hari abandi baturage bamenye ko ubwo butaka ari ubwa leta bahitamo kuza kubwubakaho nta burenganzira bafite, ari na bo bari gukumirwa kuko hari ibindi ubwo butaka bwateganyirijwe.

Minisitiri w'Ubutegetsi bw'Igihugu, Musabyimana Jean Claude yagaragaje ko icyo kibazo kimaze igihe kirekire kizwi ndetse ahumuriza abaturage, ababwira ko kiri gushakirwa umuti urambye.

Ati 'Ni ikibazo kimaze igihe kirekire. Hari abaturage bahatuye ariko turi mu nzira zo kugikemura. Ntabwo kizakomeza kubaho kuko ni byo dushinzwe. Ubu ikibazo kiri hafi gukemuka.'

Amabuye y'agaciro ni kimwe mu byinjiriza igihugu cyane kuko nko mu 2023 agaciro k'amabuye y'agaciro u Rwanda rwohereje mu mahanga kageze kuri miliyari 1,1$ kavuye kuri miliyoni 772$ mu 2022, bivuze ko kiyongereye ku kigero cya 43%.

Yabigarutseho ubwo yasozaga umwiherero w'abayobozi bo mu Ntara y'Iburasirazuba wari umaze iminsi ibiri. Uyu mwiherero witabiriwe n'abayobozi barimo komite nyobozi z'uturere, komite z'inama njyanama z'uturere n'abandi benshi batandukanye.

Ubwo yagarukaga ku bijyanye n'ubugenzuzi bumaze iminsi bwo kugenzura amadini n'amatorero, yavuze ko ari ibintu byagakwiriye kuba bikorwa buri mwaka, ubuyobozi bw'uturere bukareba niba koko ibyangombwa bayahaye bikoreshwa neza, ababikoresha nabi bakabyamburwa.

Minisitiri Musabyimana yavuze ko nubwo uyu munsi bari kurwana no gufunga ibyafungutse bagifite icyasha cyo kumenya ngo ariko ubundi byaje bite? byaje bari he?

Yavuze ko ari ikibazo buri gihe babazwa.

Ati 'Iyo umuntu aje uyu munsi mu karere kawe akakwaka icyangombwa cy'imikoranire ukamusinyira, utibajije ibyo aje gukora cyangwa ngo ujye kureba niba ibyo wamusinyiye aribyo ari gukora uba wumva bizarangira gute? Mureke ibyo tubisige akajagari karimo tugakuremo.'

Minisitiri Musabyimana yavuze ko iyi myaka itanu iri imbere ari iyo gukorera mu mpinduka no gukosora amakosa y'ibitarakozwe neza byose.

Yasabye buri muyobozi gukomeza kugenzura amadini atujuje ibisabwa ndetse n'ibindi byose binyunyuza abaturage biri aho bakorera birimo imishinga.

Ati 'Ntabwo igihugu abantu bavunikiye, igihugu Abanyarwanda bifuza, ari igihugu barindagizwa n'ubonetse uwo ari we wese, akabakurura abajyana iyo aho yishakiye hose, ntabwo bikwiriye ntidukwiriye no kubyemera. Uzabyemera aho ayobora abaturage nabo ntibazamwemerera, abo bantu birirwa bambura abaturage ibyabo bavunikiye bigomba gucika, tugomba gukora ibintu byiza bizwi.'

Minisitiri Musabyimana yavuze ko ku bijyanye n'utubari dukorera mu kavuyo, ahantu hatujuje ibisabwa n'abandi bafungura kuva mu gitondo bigatuma abaturage batajya mu kazi nabyo bakwiriye gufataho ingamba, buri wese ntabyemere aho ayobora ngo kuko ari ibintu byatanzweho umurongo kandi mwiza.

Ati 'Mukwiriye gusura abaturage kenshi mukamenya ko muri ku murongo umwe, ko nta kavuyo muri ibi, nta kajagari muri ibi, ibi biremewe, ibi ntibyemewe. Ntibikorwe nk'uwabitumwe ahubwo mukagira ibyo mwumvikanaho mukabijyanamo, ntihazemo guhangana cyangwa ngo babifate uko bitari biri. Abacuruza inzoga mubivuganye nabo bakubwira ko atari byo gufungura umunsi wose mubaganirize.'

Minisitiri Musabyimana yasabye inzego z'ibanze gukoresha amashyirahamwe y'amadini n'amatorero mu kuyaganiriza naho utubari bagakoresha Urwego rw'Abikorera mu kubikemura aho kubikora bonyine.

Yabasabye kandi gukoresha inzego z'umutekano kuko nazo ari umufatanyabikorwa uhoraho bakwiriye gukoresha.

Minisitiri Musabyimana yakebuye abayobozi b'uturere batanga ibyangombwa ku bantu bagiye kunyunyuza abaturage

Tuyisenge wiga ku kigo Hope Haven mu karere ka Gasabo, yaje ku mwanya wa kabiri muri batanu ba mbere bagize amanota menshi mu bizamini bisoza umwaka wa gatatu w'amashuri yisumbuye.

Amarushanwa y'Imibare Tuyisenge aherutse kwitabira, yari yahuje abanyeshuri bo mu bihugu 27 bya Afurika aho abana bagaragaza impano zabo mu mibare.

Tuyisenge aherutse kubwira itangazamakuru ko icyifuzo cye ari ukuzaba enjeniyeri.

Ati 'Byanteye imbaraga numva nakomeza kwiga cyane kugira ngo nzagere kuri byinshi, ndifuza kuzaba umu enjeniyeri kandi imibare ni inkingi yabyo.'

Intsinzi ya Tuyisenge na bagenzi be batandatu bari bahagarariye u Rwanda, yatumye bakirwa mu minsi ishize na Perezida Kagame ndetse arabashimira, abasaba gukomeza kwiga, bakifashisha ubumenyi bwabo mu mibare mu gushakira ibisubizo ibibazo byugarije Isi.

Tuyisenge yahembwe mudasobwa kubwo kuza mu batsinze neza ibizamini bya Leta

Tuyisenge (ibumoso) ubwo yari ategereje itangazwa ry’amanota