Webrwanda Backend

Blog

  • Rusine yatomagije umukunzi we nyuma yo kumwambika impeta ya fiançailles #rwanda #RwOT

    Umunyarwenya akaba n’umunyamakuru, Rusine Patrick yabwiye umukunzi we Iryn Uwase Nizra ko buri uko umutima utera amutekereza.

    Ni nyuma yo kumwambika impeta ya fiançailles akamusaba ko yazamubera umugore undi akabyemera.

    Ejo hashize ku wa Mbere, Rusine yasangije amafoto abamukurikira ku mbuga nkoranyambaga yambika impeta ya Iryn, ubona bose bishimye.

    Aya mafoto ya Rusine yaherekejwe n’amagambo yuje imitoma yabwiraga umukunzi we wemeye kuzabana na we akaramata.

    Ati “uyu munsi ni icyemenyetso cy’intangiriro yo kubana ubuziraherezo. Buri uko umutima uteye nkuhitamo. Ubuziraherezo bw’ibyishimo, urukundo n’ibyiza bidashira. Sinjye uzarota maranye na we ibihe byose nkukunda. Ubu n’iteka ryose.”

    Rusine na Iryn bakaba bamaze igihe bakundana nubwo urukundo rwa bo barugize ibanga, amakuru avuga ko aba bombi bibarutse mu minsi ishize, banitegura gukora ubukwe vuba.

    Rusine yambitse umukunzi we impeta ya fiançailles

    Source : http://isimbi.rw/imyidagaduro/article/rusine-yatomagije-umukunzi-we-nyuma-yo-kumwambika-impeta-ya-fiancailles

  • Kasuku Breakfast 13/08/2024 Abasirikare ba FARDC na Wazalendo bafatiwe mu mukwabo wabaye i Goma #rwanda #RwOT

    13 Kanama: Ibyaranze mu Mateka

    Abavutse:

    1. Fidel Castro (1926-2016)
      • Ku itariki ya 13 Kanama 1926, mu gihugu cya Cuba, Fidel Castro yavutse. Yabaye umuyobozi w'ingenzi mu mateka y'isi, ashinze guverinoma ya gikomunisiti muri Cuba nyuma y'intambara ya revolisiyo. Castro yayoboye igihugu kuva mu 1959 kugeza mu 2008, akaba azwi cyane ku ruhare rwe mu ntambara y'ubutita no ku bikorwa byo guhangana n'ibihugu by'iburengerazuba.
    2. Alfred Hitchcock (1899-1980)
      • Alfred Hitchcock, umwanditsi w'ama-filime akaba n'umuyobozi ukomeye mu by'ubugeni, yavutse ku itariki ya 13 Kanama 1899. Azwi cyane kubera amafilime ye akomeye nka 'Psycho,' 'Vertigo,' na 'Rear Window,' akaba ari umwe mu banyabugeni bafite uruhare rukomeye mu buryo amafilime y'ubwoba n'ibindi bintu by'ubugeni bikoreshwa mu gihe cya none.
    3. John Logie Baird (1888-1946)
      • John Logie Baird, umuvumbuzi w'ikoranabuhanga rya televiziyo, yavutse ku itariki ya 13 Kanama 1888. Yavumbuye uburyo bwo kohereza amashusho mu buryo bwa televiziyo ya mbere ku isi, akaba ari umunyabumenyi ufite uruhare rukomeye mu iterambere ry'ikoranabuhanga rya televiziyo.

    Abitabye Imana:

    1. Florence Nightingale (1820-1910)
      • Florence Nightingale, umubyeyi w'akabati k'umuriro, yitabye Imana ku itariki ya 13 Kanama 1910. Yari umuvuzi ukomeye mu gihe cy'intambara ya Abasivile muri Amerika, akaba yarashatse uburyo bwo guteza imbere serivisi z'ubuvuzi ndetse no gushyiraho amategeko y'ubuvuzi.
    2. H.G. Wells (1866-1946)
      • H.G. Wells, umwanditsi w'ibitabo by'ubuhanga mu binyabumenyi, yitabye Imana ku itariki ya 13 Kanama 1946. Yamenyekanye cyane kubera ibitabo bye nka 'The War of the Worlds' na 'The Time Machine,' bikaba bimwe mu byibasiye iterambere ry'ibitekerezo by'ubuhanga mu binyabumenyi.
    3. Mickey Mantle (1931-1995)
      • Mickey Mantle, umukinnyi w'icyamamare mu mupira wa Baseball, yitabye Imana ku itariki ya 13 Kanama 1995. Mantle yamenyekanye cyane kubera uruhare rwe mu ikipe ya New York Yankees, akaba yarafashije ikipe gutsindira imidari myinshi muri Major League Baseball.

    Mu Rwanda:

    1. Ibyaranze mu mateka y'u Rwanda:
      • Nubwo hari ibihugu byinshi byagiye byandikwa ku itariki ya 13 Kanama, mu Rwanda hari ibikorwa byihariye byagiye biba kuri iyi tariki ariko biri mu buryo bwihariye. Ntabwo hari amakuru amenyerewe cyane ku byaranze Rwanda kuri uyu munsi mu mateka yacyo.

     

    Amakuru Ashyushye:

     

    • Abasirikare ba FARDC na Wazalendo bafatiwe mu mukwabo wabaye i Goma

    Ni mu mujyi wa Goma
    hafatiwe abantu 9 bivugwa ko ari abagizi banabi aho bahise batabwa muri yombi n'inzego zishinzwe umutekano, ubwo harimo hakorwa umukwabo wiswe 'safisha.'

    Abatawe muri yombi bamuritswe ubuyobozi bw'uy'umujyi wa Goma uzwi nk'umurwa mukuru w'i Ntara ya Kivu y'Amajyaruguru.

    Nk'uko byasobanuwe, aba batawe muri yombi bafatanwe n'imbunda zabo zirindwi zirimo izo mu bwoko bwa AK-47 ndetse zihita zishikirizwa akarere ka gisirikare ka 34.

    Muri aba batawe muri yombi, barimo abasirikare ba FARDC batanu, mu gihe abandi bane ari abo muri Wazalendo. Ibyaha bashinjwa ni ukugenda amajoro biba no guteza umutekano muke, n'ibindi byaha bikaze.

    Amakuru yatanzwe n'uru rwego rushinzwe umutekano i  Goma avuga ko aba bafashwe mu gihe barimo gutongana bapfa ibyo bari bibye mu gace kitwa i Rusayo ko muri teritware ya Nyiragongo.

    Byanavuzwe kandi ko aba Wazalendo bafashwe ko ari abo mu mutwe wa APCLS. Bashinjwa kwica n'umuturage aho bivugwa ko bamwiciye i Mugunga, usibye kuba barishe uwo muturage bashinjwa kandi no kwica umusirikare wo mu ngabo za SADC ukomoka mu gihugu cya Afrika y'Epfo.

    Bivugwa ko uwo musirikare wo mu butumwa bwa SADC wishwe na Wazalendo ko yishwe mu ijoro ryo ku itariki ya 19/07/2024.

    Umuyobozi w'umujyi wa Goma, komiseri Faustin Kamand Kapend, yijeje Abanye-goma ko serivisi ze zikomeje kuba maso kugira ngo zisenye imiyoborere yose y'abagizi ba nabi.

    Yagize ati: 'Akazi kacu ntigacika intege, twari hasi nta guhagarika umutima, twabonye umwanya wo gukora iperereza kandi Imana ishimwe n'amakuru meza dufite n'uko twasenye ku ruhande rumwe, agatsiko k'abagize umutwe wa satani, brigade ya 11 yo gukwirakwiza amasasu.'

    • Ingabo za Ukraine zikomeje gukora ibikomeye aho ziri kurwanira mu Burusiya

    Abasirikare ba Ukraine bamaze kugera mu birometro 30 uvuye mu gace ka Kursk ko mu Burusiya ako ziheruka kwigarurira, nk'uko byatangajwe n'abategetsi bo mu gihugu cy'u Burusiya.

    Ingabo za Ukraine zikomeje kuja imbere no kugaragaza ubushobozi bwa gisirikare, nyuma y'uko zifashe agace ka Kusker mu Burusiya agace gaherereyemo umupaka uhuza ibihugu byombi.

    Amakuru agahamya neza ko, iz'i ngabo za Ukraine zinjiye imbere mu gihugu cy'u Burusiya mu birometero 30 uvuye muri kariya gace ka Kursk.

    Umwe mu bategetsi bo muri Ukraine, yabwiye ibiro ntara makuru by'Abafaransa, AFP ko abasirikare babo babarirwa mu bihumbi barimo kurwana ku butaka bw'u Burusiya. Ibi kandi bikaba byari byatangajwe na bashinzwe kurinda imipaka ku ruhande rw'u Burusiya.

    Minisiteri y'ingabo z'u Burusiya yavuze ko aba basirikare babwo barwanye n'abasirikare ba Ukraine hafi y'ibyaro bya Tolpino na Obshchy Kolodez, mu gihe igitero cya Ukraine mu karere ka Kursk cyahagabwe ku wa Gatandatu tariki ya 10/08/2024.

    Umuvugizi wa minisitiri y'ububanyi n'amahamga y'u Burusiya Marie Zakharov yashinje Ukraine 'gutera ubwoba abaturage b'u Burusiya.'

    Volodymyr Zelensky, yemeye bwa mbere ko igisirikare cye kigaba igitero cyambukiranya imipaka mu karere ka Kursk mu Burengerazuba bw'u Burusiya.

    Yanabwiye kandi abaturage ba Ukraine bo mu mujyi wa Kyiv ko intwaro zikomeye, zirimo zirasa kure ndetse na za drone z'intambara zikomeje kubagabaho ibitero.

    Ati: 'Tunagabwaho ibitero bya misile, kandi buri gitero nk'icyo gikwiye igisubizo kiboneye.'

    The post Kasuku Breakfast 13/08/2024 Abasirikare ba FARDC na Wazalendo bafatiwe mu mukwabo wabaye i Goma appeared first on KASUKUMEDIA.COM.

    Source : https://kasukumedia.com/kasuku-breakfast-13-08-2024-abasirikare-ba-fardc-na-wazalendo-bafatiwe-mu-mukwabo-wabaye-i-goma/

  • #rwanda #RwOT

    13 Kanama: Ibyaranze mu Mateka

    Abavutse:

    1. Fidel Castro (1926-2016)
      • Ku itariki ya 13 Kanama 1926, mu gihugu cya Cuba, Fidel Castro yavutse. Yabaye umuyobozi w'ingenzi mu mateka y'isi, ashinze guverinoma ya gikomunisiti muri Cuba nyuma y'intambara ya revolisiyo. Castro yayoboye igihugu kuva mu 1959 kugeza mu 2008, akaba azwi cyane ku ruhare rwe mu ntambara y'ubutita no ku bikorwa byo guhangana n'ibihugu by'iburengerazuba.
    2. Alfred Hitchcock (1899-1980)
      • Alfred Hitchcock, umwanditsi w'ama-filime akaba n'umuyobozi ukomeye mu by'ubugeni, yavutse ku itariki ya 13 Kanama 1899. Azwi cyane kubera amafilime ye akomeye nka 'Psycho,' 'Vertigo,' na 'Rear Window,' akaba ari umwe mu banyabugeni bafite uruhare rukomeye mu buryo amafilime y'ubwoba n'ibindi bintu by'ubugeni bikoreshwa mu gihe cya none.
    3. John Logie Baird (1888-1946)
      • John Logie Baird, umuvumbuzi w'ikoranabuhanga rya televiziyo, yavutse ku itariki ya 13 Kanama 1888. Yavumbuye uburyo bwo kohereza amashusho mu buryo bwa televiziyo ya mbere ku isi, akaba ari umunyabumenyi ufite uruhare rukomeye mu iterambere ry'ikoranabuhanga rya televiziyo.

    Abitabye Imana:

    1. Florence Nightingale (1820-1910)
      • Florence Nightingale, umubyeyi w'akabati k'umuriro, yitabye Imana ku itariki ya 13 Kanama 1910. Yari umuvuzi ukomeye mu gihe cy'intambara ya Abasivile muri Amerika, akaba yarashatse uburyo bwo guteza imbere serivisi z'ubuvuzi ndetse no gushyiraho amategeko y'ubuvuzi.
    2. H.G. Wells (1866-1946)
      • H.G. Wells, umwanditsi w'ibitabo by'ubuhanga mu binyabumenyi, yitabye Imana ku itariki ya 13 Kanama 1946. Yamenyekanye cyane kubera ibitabo bye nka 'The War of the Worlds' na 'The Time Machine,' bikaba bimwe mu byibasiye iterambere ry'ibitekerezo by'ubuhanga mu binyabumenyi.
    3. Mickey Mantle (1931-1995)
      • Mickey Mantle, umukinnyi w'icyamamare mu mupira wa Baseball, yitabye Imana ku itariki ya 13 Kanama 1995. Mantle yamenyekanye cyane kubera uruhare rwe mu ikipe ya New York Yankees, akaba yarafashije ikipe gutsindira imidari myinshi muri Major League Baseball.

    Mu Rwanda:

    1. Ibyaranze mu mateka y'u Rwanda:
      • Nubwo hari ibihugu byinshi byagiye byandikwa ku itariki ya 13 Kanama, mu Rwanda hari ibikorwa byihariye byagiye biba kuri iyi tariki ariko biri mu buryo bwihariye. Ntabwo hari amakuru amenyerewe cyane ku byaranze Rwanda kuri uyu munsi mu mateka yacyo.

     

    Amakuru Ashyushye:

     

    • Abasirikare ba FARDC na Wazalendo bafatiwe mu mukwabo wabaye i Goma

    Ni mu mujyi wa Goma
    hafatiwe abantu 9 bivugwa ko ari abagizi banabi aho bahise batabwa muri yombi n'inzego zishinzwe umutekano, ubwo harimo hakorwa umukwabo wiswe 'safisha.'

    Abatawe muri yombi bamuritswe ubuyobozi bw'uy'umujyi wa Goma uzwi nk'umurwa mukuru w'i Ntara ya Kivu y'Amajyaruguru.

    Nk'uko byasobanuwe, aba batawe muri yombi bafatanwe n'imbunda zabo zirindwi zirimo izo mu bwoko bwa AK-47 ndetse zihita zishikirizwa akarere ka gisirikare ka 34.

    Muri aba batawe muri yombi, barimo abasirikare ba FARDC batanu, mu gihe abandi bane ari abo muri Wazalendo. Ibyaha bashinjwa ni ukugenda amajoro biba no guteza umutekano muke, n'ibindi byaha bikaze.

    Amakuru yatanzwe n'uru rwego rushinzwe umutekano i  Goma avuga ko aba bafashwe mu gihe barimo gutongana bapfa ibyo bari bibye mu gace kitwa i Rusayo ko muri teritware ya Nyiragongo.

    Byanavuzwe kandi ko aba Wazalendo bafashwe ko ari abo mu mutwe wa APCLS. Bashinjwa kwica n'umuturage aho bivugwa ko bamwiciye i Mugunga, usibye kuba barishe uwo muturage bashinjwa kandi no kwica umusirikare wo mu ngabo za SADC ukomoka mu gihugu cya Afrika y'Epfo.

    Bivugwa ko uwo musirikare wo mu butumwa bwa SADC wishwe na Wazalendo ko yishwe mu ijoro ryo ku itariki ya 19/07/2024.

    Umuyobozi w'umujyi wa Goma, komiseri Faustin Kamand Kapend, yijeje Abanye-goma ko serivisi ze zikomeje kuba maso kugira ngo zisenye imiyoborere yose y'abagizi ba nabi.

    Yagize ati: 'Akazi kacu ntigacika intege, twari hasi nta guhagarika umutima, twabonye umwanya wo gukora iperereza kandi Imana ishimwe n'amakuru meza dufite n'uko twasenye ku ruhande rumwe, agatsiko k'abagize umutwe wa satani, brigade ya 11 yo gukwirakwiza amasasu.'

    • Ingabo za Ukraine zikomeje gukora ibikomeye aho ziri kurwanira mu Burusiya

    Abasirikare ba Ukraine bamaze kugera mu birometro 30 uvuye mu gace ka Kursk ko mu Burusiya ako ziheruka kwigarurira, nk'uko byatangajwe n'abategetsi bo mu gihugu cy'u Burusiya.

    Ingabo za Ukraine zikomeje kuja imbere no kugaragaza ubushobozi bwa gisirikare, nyuma y'uko zifashe agace ka Kusker mu Burusiya agace gaherereyemo umupaka uhuza ibihugu byombi.

    Amakuru agahamya neza ko, iz'i ngabo za Ukraine zinjiye imbere mu gihugu cy'u Burusiya mu birometero 30 uvuye muri kariya gace ka Kursk.

    Umwe mu bategetsi bo muri Ukraine, yabwiye ibiro ntara makuru by'Abafaransa, AFP ko abasirikare babo babarirwa mu bihumbi barimo kurwana ku butaka bw'u Burusiya. Ibi kandi bikaba byari byatangajwe na bashinzwe kurinda imipaka ku ruhande rw'u Burusiya.

    Minisiteri y'ingabo z'u Burusiya yavuze ko aba basirikare babwo barwanye n'abasirikare ba Ukraine hafi y'ibyaro bya Tolpino na Obshchy Kolodez, mu gihe igitero cya Ukraine mu karere ka Kursk cyahagabwe ku wa Gatandatu tariki ya 10/08/2024.

    Umuvugizi wa minisitiri y'ububanyi n'amahamga y'u Burusiya Marie Zakharov yashinje Ukraine 'gutera ubwoba abaturage b'u Burusiya.'

    Volodymyr Zelensky, yemeye bwa mbere ko igisirikare cye kigaba igitero cyambukiranya imipaka mu karere ka Kursk mu Burengerazuba bw'u Burusiya.

    Yanabwiye kandi abaturage ba Ukraine bo mu mujyi wa Kyiv ko intwaro zikomeye, zirimo zirasa kure ndetse na za drone z'intambara zikomeje kubagabaho ibitero.

    Ati: 'Tunagabwaho ibitero bya misile, kandi buri gitero nk'icyo gikwiye igisubizo kiboneye.'

    The post appeared first on KASUKUMEDIA.COM.

    Source : https://kasukumedia.com/1371-2/

  • Ibya mbere byayobowe na Meddy! Ibirori biber… – #rwanda #RwOT

    Ibi birori byiswe 'Sunset Cruise White Party' bizaba ku Cyumweru tariki 18 Nzeri 2024, kandi buri wese uzabyitabira asabwa kuba yambaye imyambaro y'ibara ry'umweru.

    Ni ibirori byitabirwa n'abantu bari hejuru y'imyaka 18 mu rwego rw'umutekano rw'ahantu bibera, no gufasha buri wese kwidagadura n'abo baba bajyanye.

    Bigaragara ko kwinjira ku muntu umwe ari ukwishyura amadorali 60, kandi amatike yatangiye kuboneka ku rubuga www.eventbrite.com 

    Dj Innox yavuze ko kuri iyi nshuro ibi birori bizabera ahitwa Naples nka hamwe mu hantu hari imigezi ifasha benshi gutemberera mu bwato.

    Yabwiye InyaRwanda, ko bishimiye uko ibi birori byagenze mu nshuro ebyiri zabanje ari nayo mpamvu biyemeje kongera kubitegura ku nshuro ya mbere.

    Ati 'Ibi birori ni ngaruka mwaka. Bwa mbere byabaye biyobowe na Meddy, ku nshuro ya kabiri biyoborwa na ba Dj batandukanye bo muri Amerika barimo abo mu Rwanda n’abo mu Burundi.”

    “Ni ibirori byitabirwa cyane, kuko abantu baba babikeneye kuko biba rimwe mu mwaka, kandi bikatabirwa ku rwego rwo hejuru.”

    Innox yavuze ko afite abafatanyabikorwa bakorana mu gutegura ibi birori, biri mu mpamvu zituma ubwitabire bw’abantu buzamuka uko bucyeye n’uko bwije.

    Dj Innox yavuze ko kuri iyi nshuro nabwo bazifashisha aba Dj mu kuyobora ibi birori barimo nka Dj Fab, Dj Jimmy Tabz ndetse na Dj Naomi.

    Kuri iyi nshuro bizabera ku mugezi wa 'Songo River Queen II' wubatse ku mugenzi wa Missisippi mu Mujyi wa Naples. Ni ubwato bufite uburebure bwa Metero 93 na metero 23 z'ubugari.

    Inyandiko zivuga kuri ubu bwato zigaragaza ko bufite ubushobozi bwo gutwara toni zirenga 100. Ibi bituma bifasha abagenzi be n'abandi baba bafite imyitwaro kubutembereramo mu bihe bitandukanye n'imiryango yabo bishimira ibihe. 

    Ubu bwato bwubatswe mu 1982, ndetse kuva icyo gihe ntiburatakaza umwimerere. Imibare igaragaza ko bushobora gutwara abantu barenga 350, kandi indege ishobora kubuparikaho.

    Bufite ubwirinzi bugezweho bijyanye no kurinda abantu izuba ndetse n'imvura. Bunafite ibice bibiri, harimo igice cyo hasi ndetse n'igice cyo hejuru.

    Ku rubuga rw'ubu bwato, bavuga ko bwakira ibihumbi by'abantu, kandi hakaberamo ibirori bitandukanye, ubukwe, inama, ibirori byo kwizihiza isabukuru y'amavuko, kuhatangiriza umushinga w'ubukwe, gutera ivi, kuhakorera ibirori byo gusoza amashuri ya Kaminuza n'ibindi binyuranye.

    Muri ubu bwato kandi harimo aho gufatira icyo kunywa no kurya, bituma nta muntu wemerewe kwitwaza ibyo kunywa byose. Kandi nta muntu uri munsi y'imyaka 21 y'amavuko wemerewe kunywa inzoga, kandi ugura inzoga asabwa kubanza gutanga indangamuntu ye. 

    Meddy yayoboye ibirori byabereye mu bwato ku nshuro ya mbere byahuje abanyarwanda n’abandi batuye muri Amerika

    Dj Innox [Ubanza ibumoso] yavuze ko bateguye ibi birori ku nshuro ya gatatu bitewe n’uburyo abantu babyitabira ku bwinshi

    Meddy yasabanye n’inshuti ze n’abandi bitabiriye ibi birori ku nshuro ya mbere



    Abitabira ibi birori bagomba kuba bambaye imyambaro y’ibara ry’umweru


    Ubwo byabaga ku nshuro ya kabiri mu 2023, ababyitabiriye basusurukijwe na ba Dj




    Dj Naomi uri mu bakobwa bari kwigaragaza cyane muri iki gihe mu kuvanga imiziki azasusurutsa abazitabira ibi birori

    Dj Fab ari mu bazasusurutsa abazitabira ibi birori bigiye kuba ku nshuro ya Gatatu hagamijwe kwidagadura 

    Ubu bwato bufite ubushobozi bwo kwakira abantu barenga 350, kandi haberamo ibirori binyuranye

    Source : https://inyarwanda.com/inkuru/145837/ibya-mbere-byayobowe-na-meddy-ibirori-bibera-mu-bwato-byagarutse-mu-isura-nshya-amafoto-145837.html

  • Abagize P Square bararebana ay'ingwe – #rwanda #RwOT

    Aba basore bigeze guhangana cyane ku buryo byavuzwe ko banakozanyijeho, icyakora nyuma baza kwiyunga, benshi bakeka ko iby'uku kwiyunga biramba cyane ko aba basore bombi ari impanga.

    Icyakora ibi byari amavamuhira kuko aba basore bombi bongeye kurebana ay'ingwe, bagashinjanya ubugambanyi n'ibindi bigamije kubikirana imbehe.

    Byatangiye mu minsi ishize Paul Okoye (Rudeboy) avuga ko yagambaniwe na mugenzi we wamuhururije inzego za leta amushinja kwinjiza amafaranga mu buryo bunyuranyije n'amategeko.

    Gusa ubu buhemu Peter yakoreye impanga ye bushobora kuba buturuka ku gikomere yatewe na Paul, ngo kuko uyu mugabo yamuteye agahinda.

    Mu ibaruwa ndende Mr P yandikiye Rudeboy, yavuze ko ababajwe cyane no kuba mu biganiro byose agenda akora avuga ko ari we wagize uruhare rungana na 99% mu kwandika indirimbo n'ibindi bikorwa by'itsinda, akirengagiza imbaraga nawe yabishyiragamo.

    Yanditse agira ati “Muvandimwe wanjye nkunda Paul, nk'uko nabikubwiye inshuro nyinshi, ntabwo ndi mu ihangana nawe cyangwa undi uwo ari we wese, ariko ndi kubona utanga ibiganiro bitabarika aho uhora utesha agaciro imbaraga zanjye mu itsinda twembi twaremye kandi twubatse hamwe rwose warengereye.”

    Yongeyeho ati “Muvandimwe wanjye, muri twe nta muhanzi ufite impano irenze iy'abahanzi ku Isi, ariko wananiwe kumva ko Imana yaduhaye iyi mpano ndetse ikanaduha andi mahirwe yo kwitwara neza nyuma yo gutandukana. Ahubwo, wahisemo guhindura ubusa itsinda ry'umuziki ryahawe ibihembo kandi ryiza cyane muri Afurika.'

    Uyu muhanzi agaragaza ko ari we wagize uruhare runini mu ndirimbo nka 'Ejeajo' iri tsinda ryakoranye n'umuraperi T.I ndetse ko ari we wanayanditse ariko ababazwa no kubona umuvandimwe we ayitesha agaciro avuga ko ntacyo yagezeho.

    Muri iyi baruwa Peter yabwiye Rudeboy ko yakoze buri kimwe agamije kumwangisha abafana, ariko abona ibi atazabigeraho kuko abafana bazabangira rimwe kuko bose babatengushye.

    Mr P we avuga ko yamubereye umuvandimwe mwiza kuko iyo yajyaga mu biganiro yavugaga nk'itsinda ariko Rudeboy we yaba ari mu biganiro akavuga ibintu byose abyiyerekezaho wenyine, akagaragaza ko ari we wabikoze kabone n'ubwo babaga bari kumwe mu kiganiro.

    Iri tsinda ryanyuze benshi mu bakunzi b'umuziki wa Afurika, mu 2022 bari baherutse guhuriza hamwe bakorana indirimbo eshatu ndetse n'ibitaramo bizenguruka Isi nyuma yo gutandukana mu 2017.

    Umva 'Jaiye' indirimbo P Square baherutse guhuriramo

    Source : http://igihe.com/amakuru/u-rwanda/article/abagize-p-square-bararebana-ay-ingwe

  • Amb. Gen Nyamvumba yashyikirije Perezida Suluhu impapuro zimwemerera guhagararira u Rwanda – #rwanda #RwOT

    Ni umuhango wabaye kuri uyu wa Mbere tariki 12 Kanama 2024.

    Mu cyumweru gishize nibwo Amb. Gen Patrick Nyamvumba yari yashyikirije Minisitiri w'Ububanyi n'Amahanga wa Tanzania, Amb. Mahmoud Thabit Kombo, kopi z'impapuro zimwemerera guhagararira u Rwanda muri iki gihugu.

    Inama y'Abaminisitiri yateranye ku wa Kabiri tariki 27 Gashyantare 2024 iyobowe na Perezida Kagame, ni yo yagennye ko Nyamvumba aba Ambasaderi w'u Rwanda muri Tanzania, asimbura Fatou Harerimana.

    Muri Nyakanga 2024, Inteko Rusange ya Sena y'u Rwanda yemeje bidasubirwaho ko Gen Patrick Nyamvumba yujuje ibisabwa bituma yakora izi nshingano neza.

    Amb. Gen Nyamvumba yashyikirije Perezida Suluhu impapuro zimwemerera guhagararira u Rwanda

    Amb. Gen Nyamvumba yaganiriye na Perezida Suluhu

    Inama y'Abaminisitiri yateranye ku wa Kabiri tariki 27 Gashyantare 2024 iyobowe na Perezida Kagame, ni yo yagennye ko Nyamvumba aba Ambasaderi w'u Rwanda muri Tanzania

    Source : http://igihe.com/amakuru/u-rwanda/article/amb-gen-nyamvumba-yashyikirije-perezida-suluhu-impapuro-zimwemerera

  • Mwenda yafashwe n'ikiniga avuga ku gitutu cyashyizwe kuri Muhoozi kubera u Rwanda – #rwanda #RwOT

    Kuva mu 2018 kugera mu 2022, umubano w'u Rwanda na Uganda wajemo agatotsi, Abanyarwanda bakoreraga i Kampala batangira gucunaguzwa, barafungwa, bakorerwa iyicarubozo ndetse bamwe bahasiga ubuzima, abandi imitungo yabo irangizwa.

    Byageze n'aho Uganda ifunga umupaka w'ibihugu byombi, ubuhahirane burahagarara. Gusa mu ntangiriro za 2022, Gen Muhoozi Kainerugaba yafashe iya mbere, yumvikanisha impande zombi, ibibazo bitangira kubonerwa umuti n'ubuhahirane bwongera kubaho.

    Mwenda yavuze ko igihe cyose Uganda n'u Rwanda byagiranye ubwumvikanye buke, Gen Muhoozi ngo ntiyakunze kwemeranya n'imyanzuro imwe n'imwe ya Guverinoma ya Uganda kuri icyo kibazo.

    Ngo yiyemeje gukemura ikibazo ahubwo akirebeye mu ndorerwamo ebyiri, iya mbere ari ukureba ku nyungu z'igihugu cye.

    Ati ' U Rwanda ni umufatanyabikorwa w'ingenzi wa Uganda. Birashoboka ko hari ibyo ibihugu byombi bitabona kimwe ariko mu buryo bwubaka. Aho tugana ni hamwe. Urwo ni rwo ruhande rwe rwa mbere.'

    Ikindi kintu cya kabiri, ngo ni uko Gen Muhoozi yemera ko Perezida Kagame ari umuntu wo kwizerwa, mukabana mu bihe byiza n'ibibi. Ubwo yari ageze kuri iyi ngingo, Mwenda yafashwe n'ikiniga.

    Ati 'Kagame ni umuntu wakwizera. Kandi Gen Muhoozi arabizi neza. Kandi ndatekereza ko ikintu cyatumye umubano usubira mu buryo ni uko kuri biriya by'isabukuru ye [isabukuru ya Muhoozi yabereye i Kigali], abantu bamwe mu nzego z'iperereza muri Uganda bari bari gukwizwa amakuru y'ibihuha ngo Kagame arashaka kwica Muhoozi, arashaka gukora ibi na biriya.'

    'Banditse raporo nyinshi baziha Muhoozi kugira ngo bamwigarurire afate urundi ruhande ku bijyanye na Kagame. Muhoozi ibyo yarabitsinze.'

    Muhoozi yagarutse ku mateka y'umubano w'u Rwanda na Uganda, avuga kuva mu 1998 kugera mu 2011, umubano n'ubundi wari umeze nabi. Muri iyo myaka, ingabo z'ibihugu byombi zagiye mu ntambara muri Congo i Kisangani inshuro eshatu.

    Mu 2011, yavuze ko we na Muhoozi baganiriye uko bakongera guhuza ibihugu byombi ndetse babasha kubigeraho kugera mu 2017 ubwo umubano wongeraga kuzamo igitotsi.

    Ati ' Ni umubano wagoranye.'

    Yavuze ko mu biganiro byinshi yagiye ajyamo byiga ku kibazo cya Uganda n'u Rwanda, ngo akenshi Uganda itagaragazaga ubushake bwo gukemura ikibazo. Ati 'Iyo ubwo bushake buza kuba buhari, ahari ibibazo byari gukemuka.'

    Kuri ubu, Mwenda yizera ko umubano uzarushaho kuba mwiza kubera ahanini uruhare rwa Gen Muhoozi cyane ko abona ko ari ingenzi ku karere muri rusange, ati 'kandi abishyizemo ingufu, ni yo mpamvu ari hano, ni yo mpamvu aza hano.'

    Andrew Mwenda (wegereye Perezida Kagame ibumoso), yakunze kuba hafi ya Gen Muhoozi Kainerugaba mu gushakira umuti ibibazo by’u Rwanda na Uganda

    Source : http://igihe.com/amakuru/u-rwanda/article/mwenda-yafashwe-n-ikiniga-avuga-ku-gitutu-cyashyizwe-kuri-muhoozi-kubera-u

  • Papa Fransisiko Yatoreye Padiri Jean Bosco Ntagungira Kuba Umwepiskopi wa Diyosezi #rwanda #RwOT

    Vatikani, 12 Kanama 2024 — Nyirubutungane Papa Fransisiko yatoreye Padiri Jean Bosco Ntagungira kuba umwepiskopi mushya wa Diyosezi ya Butare, asimbura Myr Filipo Rukamba wari umaze imyaka myinshi ayobora iyi Diyosezi.

    Itangazwa ry'Ibyemezo Bikomeye

    Ku isaha ya Saa Sita, isaha y'i Kigali, ni bwo Vatikani yatangaje inkuru y'ingenzi y'itorwa rya Padiri Jean Bosco Ntagungira. Itangazo ryasohowe na Vatikani rigira riti: 'Nyirubutungane Papa Fransisiko yemeye ubwegure bwa Myr Filipo Rukamba wari umwepiskopi wa Diyosezi ya Butare mu Rwanda. Papa Fransisiko kandi yatoreye Padiri Jean Bosco Ntagungira wari Padiri Mukuru wa Paruwasi Remera kuba Umwepiskopi wa Butare.'

    Amavu n'Amavuko ya Padiri Ntagungira Jean Bosco

    Padiri Jean Bosco Ntagungira yavukiye i Kigali tariki ya 3 Mata 1964. Yize amashuri yisumbuye mu Iseminari Nto ya Ndera mu Mujyi wa Kigali, akomereza mu Iseminari Nkuru ya Rutongo, Iya Kabgayi n'Iseminari Nkuru ya Nyakibanda.

    Tariki ya 1 Kanama 1993, Padiri Ntagungira yahawe isakaramentu ry'ubupadiri. Nyuma yo guhabwa ubupadiri, yahise aba umuyobozi ushinzwe Amasomo mu Iseminari Nto ya Ndera hagati y'umwaka wa 1993 na 1994. Nyuma yaho, hagati ya 1994 na 2001, yagiye gukomeza amasomo i Roma, aho yakuye impamyabumenyi y'ikirenga mu mategeko ya Kiliziya Gatolika.

    Imirimo Yakoze n'Ubufatanye mu Iyogezabutumwa

    Nyuma yo kuva i Roma, mu mwaka wa 2001-2002, Padiri Ntagungira yabaye Umunyamabanga w'Arikidiyosezi ya Kigali, anayobora Komisiyo ishinzwe Iyogezabutumwa n'umubano n'andi madini. Kandi kuva mu 2002 kugeza mu 2019, yabaye umuyobozi wa Seminari Nto ya Ndera, aho yagaragaje ubushobozi mu iyogezabutumwa no gucunga ibikorwa byayo.

    Kuva mu 2019, Padiri Ntagungira Jean Bosco yari Padiri Mukuru wa Paruwasi Remera, inshingano yafatanyaga no gukomeza kwita ku iterambere rya paruwasi ndetse no gukomeza gukorana n'abayoboke mu buryo bwuzuye.

    Umwepiskopi Mushya wa Diyosezi ya Butare

    Padiri Ntagungira Jean Bosco abaye umwepiskopi wa gatatu wa Diyosezi ya Butare nyuma ya Jean Baptiste Gahamanyi na Myr Filipo Rukamba. Abakirisitu ba Diyosezi ya Butare bamwitezeho byinshi mu gukomeza guteza imbere ibikorwa by'iyogezabutumwa, uburezi, ndetse no gukomeza umurage wa diyosezi wari uyobowe na Myr Filipo Rukamba.

    Ubushishozi n'Ubufatanye n'Abayoboke

    Ubwepiskopi bushya bwa Padiri Ntagungira Jean Bosco buje mu gihe Diyosezi ya Butare ikomeje gukura mu bukirisitu no guteza imbere ibikorwa by'iyogezabutumwa. Abakirisitu n'abayobozi b'iyi diyosezi bamwitezeho gukomeza guhuza abakirisitu no kubafasha gukura mu kwemera n'ukwiyubaka mu mibereho myiza.

    Padiri Ntagungira azahabwa inshingano z'ubwepiskopi mu muhango uteganyijwe mu minsi iri imbere, aho abakirisitu bazaba bafite amahirwe yo gutangira urugendo rushya rw'ubutumwa n'uyobozi bushya muri Diyosezi ya Butare.

    The post Papa Fransisiko Yatoreye Padiri Jean Bosco Ntagungira Kuba Umwepiskopi wa Diyosezi appeared first on KASUKUMEDIA.COM.

    Source : https://kasukumedia.com/papa-fransisiko-yatoreye-padiri-jean-bosco-ntagungira-kuba-umwepiskopi-wa-diyosezi/

  • MU MAFOTO 300: Twinjirane mu Irahira rya Pere… – #rwanda #RwOT

    Ni umuhango wabaye kuri iki Cyumweru tariki 11 Kanama 2024, ubera muri Stade Amahoro yavuguruwe igashyirwa ku rwego rwo kwakira abantu ibihumbi 45 birenga byicaye neza.

    Witabiriwe n'abakuru b'ibihugu 22, ba Visi Perezida bane, ba Minisitiri w'Intebe babiri, abayobozi b'Inteko zishinga Amategeko babiri, batanu bayobora imiryango mpuzamahanga, batatu bahoze ari abakuru b'ibihugu n'abandi banyacyubahiro batandukanye.

    Abaperezida bitabiriye uyu muhango ni Perezida w'Inzibacyuho wa Gabon, Brice Oligui Nguema; Perezida wa Tanzania, Samia Suluhu Hassan; Perezida wa Kenya, William Ruto; Perezida wa Zimbabwe, Emmerson Dambudzo Mnangagwa; Perezida wa Seychelles, Wavel Ramkalawan; Perezida w’Inzibacyuho wa Guinee Conakry, Lt Gen Mamady Doumbouya; Perezida wa Somalia, Hassan Sheikh Mohamud;

    Perezida wa Angola, João Lourenço; Perezida wa Guinea-Bissau, Umaro Sissoco Embaló; Perezida wa Djibouti, Ismail Omar Guelleh; Perezida wa Ghana, Nana Akufo-Addo; Perezida w'Inzibacyuho wa Sudani, Abdel Fattah al-Burhan Abdelrahman al-Burhan; Perezida wa Mozambique, Filipe Nyusi; Perezida wa Centrafrique, Faustin-Archange Touadéra, Umwami Mswati wa Eswatini.

    Hari kandi Perezida wa Sudani y'Epfo akaba n'Umuyobozi w'Umuryango wa Afurika y'Iburasirazuba (EAC), Salva Kiir Mayardit; Perezida wa Togo, Faure Gnassingbé; Perezida wa Congo Brazaville, Denis Sassou Nguesso; Perezida wa Madagascar, Andry Nirina Rajoelina; Perezida wa Botswana, Mokgweetsi Masisi na Perezida wa Ethiopia, Sahle-Work Zewde.

    Perezida Kagame yarahijwe na Perezida w'Urukiko rw'Ikirenga, Dr Ntezilyayo Faustin. Mu ndahiro ye, Perezida Kagame yagize ati: “Njyewe, Kagame Paul, ndahiriye u Rwanda ku mugaragaro: ko ntazahemukira Repubulika y'u Rwanda; ko nzakurikiza nkanarinda Itegeko Nshinga n'andi mategeko; ko nzakorana umurava imirimo nshinzwe;

    Ko nzaharanira amahoro n'ubusugire bw'igihugu; ko nzashimangira ubumwe bw'Abanyarwanda;ko ntazigera nkoresha ububasha mpawe mu nyungu zanjye bwite; ko nzaharanira ibyagirira Abanyarwanda bose akamaro. Nintatira iyi ndahiro, nzabihanirwe n'amategeko, Imana ibimfashemo.'

    Nyuma yo kurahira yashyize umukono ku ndahiro, Dr Ntezilyayo Faustin ahita amushyikiriza ibirango by'igihugu, naho Umugaba Mukuru w’Ingabo z’u Rwanda, Gen Mubarakh Muganga amushyikiriza ibirango bya gisirikare.

    Perezida Kagame yanakiriye indirimbo y'igihugu nka kimwe mu birango by'igihugu, iraririmbwa, nyuma abona gutambagira mu Ngabo n’Abapolisi bari mu masibo 12, bari biteguye gukora akarasisi, abaha uburenganzira berekana akarasisi bari bamaze igihe bategura.

    Perezida Kagame yatangiye kuyobora u Rwanda mu 2000 ubwo yari amaze kugirirwa icyizere n'Inteko Ishinga Amategeko nyuma y'ukwegura kwa Pasiteri Bizimungu wari Perezida. Muri 2003 yatorewe kuyobora u Rwanda, muri 2010 no muri 2017 nabwo biba uko.

    Tariki 15 Nyakanga 2024 Perezida Kagame yongeye gutorerwa kuyobora u Rwanda muri Manda y’imyaka 5 akaba yaratsinze ku majwi angana na 99.18%.

    Nyuma y’umuhango w’agatangaza wo kurahira kongera kuyobora u Rwanda, Perezida Kagame yakiriye ku meza abashyitsi bagendereye u Rwanda bakifatanya narwo muri ibi birori ndetse anagirana ibiganiro na bamwe mu bakuru b’Igihugu.

    Perezida Kagame hamwe n’Umufasha we Madamu Jeannette Kagame

    Perezida Kagame ubwo yageraga muri Stade Amahoro asuhuza abitabiriye uyu muhango

    Madamu Jeanette Kagame yari yakenyeye umushanana mwiza cyane

    Perezida Kagame asuhuza Perezida wa Tanzania, Samia Suluhu Hassan

    Perezida Kagame asuhuza Perezida wa Mozambique, Filipe Nyusi

    Perezida Kagame asuhuza Visi Perezida wa Uganda, Jessica Rose Epel Alupo

    Perezida Kagame asuhuza Perezida wa Ethiopia, Sahle-Work Zewde


    Perezida w’Urukiko rw’Ikirenga, Dr Ntezilyayo Faustin niwe warahije Perezida Kagame

    Perezida Kagame araharira kuyobora u Rwanda muri manda y’imyaka 5

    Perezida Kagame ashyikiriza ibirango by’igihugu

    Perezida Kagame ashyira umukono ku Ndahiro

    Perezida Kagame atambagira mu Ngabo n’Abapolisi mbere yuko bakora akarasisi

    Perezida Kagame ageza ijambo ku bari muri Stade Amahoro

    Minisitiri w'Ububanyi n'Amahanga, Olivier Nduhungirehe yakira abakuru b’Ibihugu na za Guverinoma bitabiriye Umuhango w’Irahira rya Perezida Kagame

    Umwami Mswati wa Eswatini ari kumwe na Madamu we

    Perezida wa Sudani y’Epfo, Salva Kiir Mayardit asuhuza abari muri Stade Amahoro

    Abagize umuryango wa Perezida Kagame mbere yuko basezera Abanyacyubahiro bitabiriye uyu muhango

    Umuryango wa Perezida Kagame usezerera kuri Perezida wa Ethiopia

    Perezida Kagame asezera Perezida wa Kenya, William Ruto

    Indege za Gisirikare zakoze akarasisi hejuru ya Stade Amahoro

    Ubwo imodoka yari itwaye Perezida Kagame yari igeze muri Stade Amahoro

    Umuhanzikazi uri mu bagezweho mu Rwanda, Bwiza yeretswe urukundo rwinshi n’abari muri Stade Amahoro

    King James nawe yasusurukije abari muri Stade Amahoro mu irahira rya Perezida Kagame

    Itorero ry’Igihugu Urukerereza ryasusuritsa abari muri Stade Amahoro

    Abapolisi mu karasisi karyoheye benshi mu Irahira rya Perezida Kagame

    Irahira rya Perezida Kagame ryitabiriwe n’Abanyarwanda mu ngeri zitandukanye

    Stade Amahoro niyo yakiriye umuhango wo kurahira kwa Perezida Kagame

    AMAFOTO: Village Urugwiro

    Source : https://inyarwanda.com/inkuru/145840/mu-mafoto-300-twinjirane-mu-irahira-rya-perezida-kagame-ryitabiriwe-nabaperezida-barenga-2-145840.html

  • Perezida Kagame yakiriye ‘ku meza’ Abakuru b… – #rwanda #RwOT

    Perezida Kagame yarahiriye kuyobora u Rwanda muri manda y'imyaka itanu iri imbere mu birori bidasanzwe. Yarahiriye imbere y’Abanyarwanda ibihumbi 45 bari bateraniye muri Stade Amahoro mu muhango witabiriwe n'abakuru b'ibihugu 22, ba Visi Perezida bane, ba Minisitiri w'Intebe babiri, abayobozi b'Inteko zishinga Amategeko babiri, batanu bayobora imiryango mpuzamahanga, batatu bahoze ari abakuru b'ibihugu n'abandi banyacyubahiro.

    Perezida Kagame yarahijwe na Perezida w'Urukiko rw'Ikirenga, Dr Ntezilyayo Faustin. Umukuru w'Igihugu yari agaragiwe na Madamu Jeannette Kagame. Amaze kurahira yahawe ibirango by'igihugu birimo Itegeko Nshinga, Ibendera ry'Igihugu, Ikirangantego cy'Igihugu n'Inkota n'Ingabo.

    Mu ijambo rye, yijeje Abanyarwanda ko iterambere rizakomeza kandi ko bizagerwaho abaturage n'abayobozi bafatanyije. Ati 'Iyi manda nshya ni intangiriro yo gukora ibirenze ibyo twifuza, tubigereho. Kuki se tutarenza ku byo twakoze? Kubitekereza ntabwo ari ukurota, birashoboka, bizashoboka. Twabikora kandi tuzabikora.'

    Nyuma yaho, Perezida Paul Kagame na Madamu Jeannette Kagame bakiriye ku meza abakuru b'ibihugu n'abandi banyacyubahiro bitabiriye ibirori byo kurahira mu gikorwa cyabereye muri Kigali Convention Centre, ku mugoroba wo ku Cyumweru tariki 11 Kanama 2024.

    Perezida Kagame yashimiye abakuru b'Ibihugu n'aba za Guverinoma bifatanyije n'Abanyarwanda ku munsi w'ingenzi mu buzima na politiki by'Igihugu, avuga ko u Rwanda ruzakomeza gukorana na bo mu guharanira ahazaza heza ha Afurika.

    Umukuru w'Igihugu yavuze ko Umugabane wa Afurika wageze kuri byinshi ariko ushobora no kugera ku birenze ibyo abawutuye bakomeje gukorera hamwe no kwishakamo ibisubizo by’imbogamizi uyu mugabane ugihura nabyo.

    Perezida Kagame akomeje kugirana ibiganiro n'abakuru b'ibihugu bitabiriye umuhango w'irahira rye barimo William Ruto wa Kenya, Brice Oligui Nguema wa Gabon na Minisitiri w'Intebe wa Sénégal, aho baganiriye ku ngingo zirimo kongera ingufu mu bufatanye bw'ibihugu byombi.


    Perezida Kagame yakiriye ku meza abakuru b’ibihugu n’abandi banyacyubahiro bitabiriye umuhango w’irahira rye
    Muri uyu musangiro, abayobozi bagize umwanya uhagije wo kuganira

    Perezida Kagame hamwe na Madamu Jeannette Kagame

    Source : https://inyarwanda.com/inkuru/145850/perezida-kagame-yakiriye-ku-meza-abakuru-bibihugu-nabandi-banyacyubahiro-bitabiriye-ibiror-145850.html