Blog

Abandi banyeshuri b'Abanyarwanda babonye umudali wa feza, n'indi itatu y'umuringa abandi bakobwa benshi babona imidali y'umuringa. Aya marushanwa yahuje abanyeshuri bo mu bihugu 30 bya Afurika aho abana bagaragaza impano zabo mu mibare.

Urugendo rwaganishije abanyeshuri bahagarariye u Rwanda ku ntsinzi rwatangiye mu ntangiriro z'uyu mwaka ubwo bakoraga neza mu marushanwa y'Imibare mu karere ka Afurika y'Iburasirazuba, East African Mathematical Olympiad (EAMO) begukana umwanya wa mbere mu bihugu umunani.

Aba banyeshuri kandi bitabiriye Irushanwa Mpuzamahanga ry'Imibare (IMO) bahakura ubunararibonye kandi na ho bitwara neza.

Ni abanyeshuri batoranywa mu bigo by'amashuri yisumbuye binyuze mu bufatanye bw'Ikigo Nyafurika gishinzwe guteza imbere Ubumenyi bushingiye ku Mibare, AIMS Rwanda, Minisiteri y'Uburezi n'abandi bafatanyabikorwa batoranya mu barenga ibihumbi 40, bakazavamo abagera kuri 23 ari na bo bahagararira igihugu mu marushanwa yo mu karere no ku rwego mpuzamahanga.

Perezida wa AIMS Rwanda Centre na AIMS Network, Prof. Sam Yala yagaragaje ko umusaruro w'abanyeshuri b'u Rwanda uteye ishema.

Ati 'Dutewe ishema n'umusaruro abana bacu bagezeho, uyu mudali wa zahabu ntabwo ari intsinzi y'iri tsinda ahubwo ni uw'igihugu cyose. Uragaragaza amahirwe urubyiruko rw'u Rwanda rwiga amasomo ya siyansi, ikoranabuhanga n'imibare (STEM) bafite. Twiyemeje guteza imbere impano zabo binyuze muri gahunda zo kwegera abantu, duteza imbere imibare mu Rwanda.'

AIMS Rwanda ifasha gutegura abanyamibare, kubatoza kuva bakiri bato ndetse binyuze muri gahunda zayo zitandukanye yiyemeje guteza imbere ibyerekeye imibare mu Rwanda.

AIMS yashinzwe mu 2003. Ihuriyemo ibigo by'icyitegererezo byigisha abantu ku rwego rwa kaminuza mu bumenyi mu mibare n'ubushakashatsi. AIMS ifite amashami mu bihugu nk'u Rwanda, Afurika y'Epfo, Senegal, Ghana na Cameroon kandi igira uruhare mu iterambere ry'imibereho myiza n'ubukungu.

Abanyeshuri b’Abanyarwanda begukanye umudali wa zahabu mu marushanwa mpuzamahanga y’imibare

Perezida wa AIMS Network, Prof. Sam Yala yavuze ko abanyeshuli bahesheje u Rwanda rwose ishema

Amarushanwa y’imibare yari yitabiriwe n’abakomoka mu bihugu 30

Nyuma y’amashusho yasakaye ku mbuga nkoranyambaga ya The Ben ari kumwe n’umufana we bifotoza agateza ururondogoro, uyu mukobwa yavuze ko asanzwe aziranye n’uyu muhanzi kandi ko nta n’icyo yakoze kidasanzwe.

Ni amashusho yagiye hanze mu mpera z’icyumweru gishize, The Ben ubwo yari i Musanze gutaramirayo, yanafashe umwanya asabana n’abafana be.

Amashusho yavugishije benshi ni amashusho ya The Ben na Emelyne usanzwe ari umukinnyi wa filime ndetse akaba afite ikiganiro akora yise “Popcorn Podcast” gitambuka kuri YouTube.

Ubwo barimo bifotoza, The Ben yafashe mu mayunguyungu ye noneho agaragara hari akantu akurura, benshi bahise bavuga ko ari umwenda w’imbere w’uyu mukobwa.

Mu kiganiro yahaye ikinyamakuru ISIMBI, Emelyne yavuze ko The Ben yamukozeho yumva ikintu kibyimbye amabuza niba ari bya bintu by’abapfumu.

Ati “yankozeho yumva ikintu kibyimbye, ahita ambwira ngo nizere ko utambaye bya bintu by’abapfumu, nari nambaye ishanga (utuntu tw’amasoro abakobwa bambara mu nda), abantu bavuga ngo nahise mureba nabi sibyo kuko narahindukiye ndamubwira ngo buretse babanze badufotore, baradufotora n’amashusho arafatwa arimo kumbaza ngo ese iki kintu ni igiki? Ngiye kugenda naramubwiye ngo ni ishanga.”

Ibyo kuba ari umwenda w’imbere yakuruye, Emelyne yavuze ko ari ugusebya umuntu kandi banazi ko afite umuryango.

Ati “sinzi ukuntu abanyarwanda duteye ariko biriya mbifata nko gukinira ku buzima bw’umuntu kandi bazi ko afite umuryango. Si umwambaro w’imbere yakuruye, yakuruye ishanga niba abantu banabizi umwambaro w’imbere ntukururwa kuriya, bisaba ukurure ufate kandi nari nambaye ikanzu imfashe, ni ishanga, ni umugozi nari nambaye mu nda.”

Emelyne avuga ko we na The Ben basanzwe baziranye kuko ari umufana we kandi ajya agera igihe akajya guhura n’abafana be.

Yongeyeho ko n’umugore wa The Ben amufata nk’ikitegererezo kuko akenshi ni yo agiye kugura umwenda abanza kujya kuri Instagram ye Pamela ngo arebeho umwenda yagura.

Emelyne yavuze ko The Ben atari umwenda w’imbere yakuruye ahubwo ari ishanga

Myugariro w’ibumoso, Ishimwe Jean-René wakiniraga Marines FC yatangiye imyitozo muri APR FC nk’umusimbura wa Niyomugabo Claude.

APR FC yarekuye abakinnyi benshi bakina mu bwugarizi nka Rwabuhihi Aime Placide, Buregeya Prince, Omborenga Fitina na Ishimwe Christian gusa basimbujwe babiri gusa Byiringiro Gilbert na Aliou Souane ukomoka muri Senegal.

APR FC yisanze kapiteni wa yo Niyomugabo Claude nta musimbura afite maze umutoza Darko Nović yishakamo ibisubizo ahatwara Nshimirimana Ismaïl Pitchou usanzwe ukina mu kibuga hagati.

Uyu mugabo usanzwe utishimye muri APR FC cyane ko kuva mu mpera z’umwaka w’imikino ushize yasabaga gutandukana na APR FC, noneho aho bamutwariye ku ruhande biba bibi kurushaho, we yifuza gutandukana na APR FC.

Amakuru avuga ko yaba yarabwiye umutoza ko atazigera ahakina ari na yo mpamvu yahisemo kuzana Ishimwe Jean-René.

René mu minsi ishize akaba yari yatangajwe nk’umukinnyi wa Mukura VS ariko Intare FC yari afitiye amasezerano ivuga ko batumvikanye ni ko kumugarura asubira muri Marines FC akaba ari ho yari amaze iminsi akorera imyitozo.

Akaba yaraye agaragaye mu myitozo ya APR FC ubwo iyi kipe yari yasuwe n’umugaba mukuru w’ingabo z’u Rwanda abasaba kuzasezerera Azam FC yo muri Tanzania muri CAF Champions League.

Ishimwe Jean Rene, wa kabiri mu bicaye uturutse ibumoso yagaragaye mu myitozo ya APR FC

Ishimwe Jean Rene, wa kabiri mu bicaye uturutse ibumoso yagaragaye mu myitozo ya APR FC

Mu ijoro ryo ku wa 17-18 Kanama 2024, nibwo inzego zishinzwe umutekano zataye muri yombi abantu 22 bari basohokeye mu kabyiniro kabamo inkumi zambaye ubusa buri buri mu Karere ka Gasabo.

Ni akabyiniro ubusanzwe gakora gafunze ndetse gacungiwe umutekano n'abasore b'ibigango mu kwirinda ko hari uwahinjira atari umukiliya.

Nyuma y'itabwa muri yombi rya bo, abantu bacitse ururondogoro ku mbuga nkoranyambaga barimo abagaragaza ko byari bikwiye abandi bakagaragaza ko batemeranya nabyo.

Umunyamakuru Aissa Cyiza yifashishije urubuga rwa X yagaragaje ko mu batawe muri yombi hashobora kuba harimo abantu bakuru bashobora kwifatira ibyemezo bakaba barinjiye muri ako kabyiniro bagiye kuryoshya.

Ati 'Ahbon!!!! Harya ubu ari abantu bakuru ntanujyamo yacurujwe ari ubushake, ubu ntibyaba ari ukwiryohereza?'

Yakomeje abaza niba hari icyo ubusanzwe amategeko y'u Rwanda ateganya ku myitwarire nk'iyo.

Ni ubutumwa bwavuzweho n'abantu batari bake barimo n'Umuvugizi wa Guverinoma, Yolande Makolo, wagaragaje ko gushyigikira imigirire nk'iyo ari ugutesha agaciro sosiyete nyarwanda.

Yagize ati 'Nshuti Aissa, ibi ntabwo ari ukubakira umugore ubushobozi cyangwa uburenganzira bwo guhitamo, ibintu njye nawe nk'abagore b'Abanyarwanda duhora dushyigikira- ibi biragaragaramo gukoreshwa. Ntabwo bikwiriye. Guha rugari ibintu nk'ibi ni ukwemera kureberera ukwangirika no kurunduka kwa Sosiyete yacu.'

Aka kabyiniro kafatiwemo abantu 22 barimo na nyirako, abahakoraga n'uwari ukuriye itsinda ry'ababyinnyi babyinaga bambaye ubusa buri buri.

Amakuri IGIHE yamenye ni uko atari ubwa mbere nyiri aka kabyiniro yari akoze ubucuruzi nk'ubu kuko mu 2023 yafungiwe akandi nk'aka mu Gatsata.

Ni inama yayobowe na Minisitiri w'Ububanyi n'Amahanga wa Angola, Tete António, ikaba yanitabiriwe na Minisitiri w'Ububanyi n'Amahanga wa DRC, Therese Kayikwamba Wagner.

Ubwo hatangazwaga iyo nama, ibiro bya Perezida wa Angola byasobanuye ko izaba umwanya wo kuganira ku bitekerezo byatanzwe n'impande bireba ku buryo bwatuma amahoro arambye aboneka mu karere.

Ni inama ibaye, ikurikira iyabaye tariki ya 30 Nyakanga 2024.

Icyo gihe bashyize umukono ku myanzuro itandukanye irimo usaba impande zihanganiye muri Kivu y'Amajyaruguru guhagarika imirwano.

Undi mwanzuro wafatiwe muri iyi nama ni uw'uko inzobere mu butasi z'u Rwanda, iza RDC n'iza Angola zizahura, zigesesengura uburyo Leta ya RDC ivuga ko izasenyamo umutwe wa FDLR. Nk'uko byari biteganyijwe, zahuriye i Luanda tariki ya 7 n'iya 8 Kanama 2024.

Inzobere mu butasi zasabwaga bitarenze kuri uyu wa 15 Kanama gushyikiriza aba baminisitiri raporo zakoze ku busesenguzi bw'uburyo Leta ya RDC iteganyamo gusenya umutwe wa FDLR, bakayiganiraho mu yindi nama.

Bivuze ko mu nama izaba tariki ya 20 n'iya 21 Kanama, intumwa z'ibi bihugu ku rwego rw'abaminisitiri zizaganira kuri iyi raporo, ziyifateho umwanzuro.

Hategerejwe kumenya imyanzuro ishobora gufatirwa muri iyo nama n'uko izakurikizwa ku mpande zombi nubwo M23 irebwa n'icyo kibazo itari mu bitabiriye ibiganiro.

Minisitiri Amb. Nduhungirehe Olivier uhagarariye u Rwanda yitabiriye ibi biganiro

Minisitiri w’Ububanyi n’Amahanga wa DRC, Therese Kayikwamba Wagner. yitabiriye iyi nama

Impande zombi zongeye guhurira muri Angola

Yabigarutseho mu butumwa yacishije ku rubuga rwa X, ati 'Twirengagize abanamba ku muco. Ariko se abagabo n'abagore bakoze kiriya gikorwa cyo kubyinisha abakobwa bambaye ubusa nizo business twahisemo?'

'Ababyinnyi ba Sheebah nabo babirinduye umwana w'umuhungu, ni kuriya twahisemo imyidagaduro? Ese ni rwo #Rwanda twifuza?'

Twirengagize umuco brigade

Ariko man:

1. Abagabo n'abagore bakoze kiriya gikorwa cyo kubyinisha abakobwa bambaye ubusa nizo business twahisemo?

2. Ababyinnyi ba Sheba nabo babirinduye umwana w'umuhungu, ni kuriya twahisemo #entertainment 😢?

🤔Ese ni rwo #Rwanda twifuza? pic.twitter.com/VUdpQaAbsH

— UTUMATWISHIMA (@jnabdallah) August 20, 2024

Minisitiri w'Urubyiruko n'Iterambere ry'Ubuhanzi Dr. Utumatwishima Jean Nepo Abdallah, yatanze ubu butumwa aho yagarukaga ku biheruka kuba; mu ijoro ryo ku wa 18 Kanama aho abakobwa bafatiwe mu kabyiniro babyina bambaye ubusa ndetse bafatanwa n'abandi bari baje kwihera ijisho. Aba bombi batawe muri yombi ni 22.

Ndetse muri iryo joro umubyinnyi wa Sheebah yabyinishije umuhungu hafi yo kumuritsa umugongo, amuhindukiza buri kanya. Ibi nabyo byaciye igikuba ku mbuga nkoranyambaga.

Mu itangazo ryashyizwe ku mbuga nkoranyambagara z'icyo kigo cyagaragaje ko amasomo azatangira ku wa 9 Nzeri 2024.

Ryakomeje rigaragaza ko ingengabihe n'itangazwa ry'amanota y'abanyeshuri basoje amashuri abanza n'icyiciro rusange cy'amashuri yisumbuye bizatangazwa vuba.

Ku bijyanye n'ibizamini bisoza amashuri abanza, abanyeshuri barenga ibihumbi 200 nibo babikoze barimo abahungu barenga ibihumbi 91 n'abakobwa barenga ibihumbi 111.

Umwaka ushize Mineduc yagaragaje ko abakobwa bakunze gutsindira ku kigero cyo hejuru ugereranyije na basaza babo kuko mu banyeshuri bakoze ibizamini uko bari 201.679, hatsinze 91,09%, muri bo 55,29% bari abakobwa mu gihe 44.71% ari abahungu.

ITANGAZO RIJYANYE N’ITANGIRA RY’UMWAKA W’AMASHURI WA 2024/2025 pic.twitter.com/G3Er1SXVgr

— NESA Rwanda (@NESA_Rwanda) August 20, 2024

Ibi babigaragaje kuri uyu wa Kabiri tariki ya 20 Kanama 2024, ubwo hafungurwaga Imurikagurisha ry'Intara y'Iburasirazuba ribaye ku nshuro ya 13. Ni imurikagurisha riri kubera mu Karere ka Rwamagana ku kibuga cya Polisi ryitabiriwe n'abarenga 200 baturutse hirya no hino muri iyi Ntara.

Bamwe mu baje kumurika bagaragaje ko bakigorwa no kubona ibyangombwa by'ubuziranenge bigatuma bimwe mu byo bakora bitagera kure nkuko baba babyiteze.

Nyirakanani Consilie wo muri koperative KUIR yo mu Karere ka Bugesera yaje kumurika ubuki Nyarwanda, yavuze ko bamaze igihe kinini basaba icyangombwa cy'ubuziranenge ariko ko babasuye inshuro ebyiri na n'ubu bakaba batari bakibaha.

Ati ' Badusuye inshuro ebyiri ariko na n'ubu ntabwo baradusubiza kandi ni ibintu biri kutudindiza cyane kuko hari amasoko tubona ntitubashe kuyaha ubuki kubera ikibazo cy'uko tudafite icyangombwa cy'ubuziranenge. Icyo nasaba ubuyobozi ni ukudufasha kububona kugira ngo turusheho gukora neza.'

Barakitsimba Pasiteri wo mu Karere ka Rwamagana uhinga ibisheke ndetse akanabikoramo umutobe, yavuze ko yagiye kubaza ibyo asabwa kugira ngo ahabwe icyangombwa cy'ubuziranenge asanga ni ibyangombwa atapfa kuzuza.

Ati 'Twagiye kubaza ibyangombwa bisabwa dusanga ntabwo twapfa kubibona mpitamo kuba mbiretse gusa badufashije bikorohamo bakajya badufasha kugenda tubibona gake gake byadufasha. Ubu umutobe w'ibisheke ducuruza ntabwo urenga inaha kandi ni benshi baba bawukeneye rero badufashije kubibona byatuma dukora byinshi biruta ibyo dukora ubu.'

Nyiransabimana Agnes wo mu Karere ka Ngoma ukora amavuta yo kwisiga akozwe mu mamesa n'isabune y'amazi we yasabye ubuyobozi kujya bubakurikirana mu gihe bagiye kwaka ibi byangombwa ngo kuko aribwo byakoroha aho kugira ngo bijye byakwa n'abaturage.

Umuyobozi w'Urugaga rw'Abaikorera mu Ntara y'Iburasirazuba, Nkurunziza Jean de Dieu, yavuze ko basanzwe bafasha abikorera kubona ibi byangombwa cyane cyane abababa bamaze igihe bakora, yizeza abatabifite kubakorera ubuvugizi.

Ati 'Aba bantu baba baje kumurika ni abikorera bari mu Ntara ndetse harimo haragaragara abakora ibikorwa bigitangira, icyo dukora turabaganiriza, tukabagira inama ndetse tukanabahuza n'ibigo bishinzwe gutanga ubuziranenge kugira ngo babe babafasha ngo ibyo bakora birenge Intara bigere no mu mahanga.'

Guverineri w'Intara y'Iburasirazuba, Pudence Rubingisa, yavuze ko abenshi bavuga iki kibazo bakorera mu makoperative, abashimira ku bikorwa byiza bakora birimo imitobe, amavuta n'ibindi byinshi. Yavuze ko hari abakozi bashinzwe gufasha aba baturage kugira ngo babone ibi byangombwa by'ubuziranenge vuba.

Ati 'Abatarabona ubuziranenge n'ubundi nicyo tubafasha, dufite abakorana n'amakoperative ndetse n'Ikigo cy'Igihugu cy'Ubuziranenge tukabanza tukareba ibikorwa byabo tukabashyigikira tukabakorera n'ubuvugizi kugira ngo nabyo biboneke vuba, ibyavuyemo bishobore kugera ku isoko byemewe.'

Imurikagurisha ry'Intara y'Iburasirazuba ryitabiriwe n'abamurika barenga 200 barimo inganda zikorera muri iyi Ntara, abamurika ibikorwa by'ubuhinzi n'ubworozi, Pariki y'Akagera n'ibindi byinshi bikorerwa muri iyi Ntara.

Umwe mu bakora umutobe w'igisheke yavuze ko abatanga ibyangombwa by'ubuziranenge bakwiriye kuborohereza

Nyirakanani yavuze ko bamaze igihe kinini bashaka icyangombwa cy'ubuziranenge ariko ko na n'ubu batari bakibona

Mu bintu biri kumurikwa harimo ibikorwa by'ubuhinzi

Guverineri w'Intara y'Iburasirazuba, Rubingisa Pudence, yavuze ko muri buri Karere hari abakozi bashinzwe gufasha abaturage kubona ibyangombwa by'ubuziranenge

Umuyobozi wa PSF mu Ntara y'Iburasirazuba, Nkurunziza Jean de Dieu, yavuze ko bagiye gufasha abakeneye ibyangombwa by'ubuziranenge kubibona