Blog

Umhanzi akaba n’umunyamakuru, Andy Bumuntu wakoraga kuri Kiss FM yamaze kuyisezeraho.

Uyu munyamakuru wakoraga ikiganiro cya mu gitondo cya Breakfast with a Star na Rusine ndetse na Sandrine Isheja uheruka kwerekeza kuri RBA nk’umuyobozi wungirije, yari ahamaze imyaka 2.

Andy Bumuntu winjiye muri Kiss FM muri Mata 2022, asezeye nyuma y’iminsi ibiri gusa Anita Pendo atangiye akazi kuri Kiss FM asimbura Sandrine Isheja Butera.

Kayigi Andy Fred akaba yasohoye itangazo yanyujije ku mbuga nkoranyambaga ze avuga ko yamaze gusezera kuri iyi radio ikorera Sonatubes.

Yatangiye umuziki muri 2009, yakunzwe mu ndirimbo nka 'Ndashaje’, ‘On fire’, 'Valentine’, 'KK 509 St’, 'Umugisha’, 'Appreciate’ n’izindi zatumye yubaka izina mu Rwanda no hanze yarwo.

Andy Bumuntu yasezeye kuri Kiss FM

Harabura igihe gito Uwayezu Jean Fidele agasoza manda ye nk’umuyobozi wa Rayon Sports, ntaremeza niba azongera kwiyamamariza kuyobora iyi kipe, gusa amahirwe menshi ni uko atazakomeza nubwo yatowe benshi bakamwita umuyobozi w’umutsindirano bitewe n’uburyo yagiyeho. Ese iyi manda ye izarangira mu Kwakira azibukirwa kuki?

Tariki ya 24 Ukwakira 2020 ni bwo Uwayezu Jean Fidele yatorewe kuyobora Rayon Sports mu gihe cy’imyaka 4. Mu Kwakira 2024 ni bwo hazaba amatora ya Komite Nyobozi nshya.

Rayon Sports yari imaze igihe mu bibazo bijyanye n’imiyoborere yatumye na Leta ibyinjiramo aho Urwego rw’Igihugu rw’Imiyoborere (RGB) na Minisiteri ya Siporo (MINISPORTS) muri Nzeri 2024 bahisemo gusesa ubuyobozi bw’uyu muryango wari uyobowe na Munyakazi Sadate bagashyiraho Komite y’inzibacyuho yayobowe na Murenzi Abdallah ahabwa inshingano zo kuba yateguye amatora ya Komite Nyobozi nshya ya Rayon Sports mu minsi 30.

Byatangiye Uwayezu Jean Fidele agitorwa, bamwe ntibamwemeraga cyane ko bavugaga ko ari umuyobozi bazaniwe (umutsindirano) cyane ko uretse kuvuga ko ari umukunzi wa Rayon Sports nta bikorwa bya yo yakunze kugaragaramo, ibintu we yigeze gusobanura ko atari umwana utoragura imipira ngo arahora ku kibuga.

Gusa Umunyarwanda yabivuze neza ngo “Ntawuvuma Iritararenga”, buri ngoma igira abayo, hari abari bafite icyizere ko ibibazo muri Rayon Sports bigiye kurangira, ibintu agiye kubishyira ku murongo.

Na we yabahaye icyizere tariki ya 30 Ukwakira 2020 mu muhango wo guhererekanya ububasha hagati ya Komite y’inzibacyuho ndetse na Komite nshya ya Rayon Sports aho Uwayezu Jean Fidele yavuze ko amateka y’ibibazo muri Rayon Sports arangiye.

Ati 'Baca umugani mu Kinyarwanda ngo nta joro ridacya, ngo nta mvura idahita. Rayon Sports imaze iminsi mu icuraburindi, abafana ba yo, abakunzi ba yo, abakunzi b’umupira barababaye, bagira agahinda, ariko ahari abagabo beza, abagore beza, ntabwo hagwa ibara. Amateka mabi y’ibibazo muri Rayon Sports ararangiye, amateka y’ibyishimo n’indangagaciro ziranga Aba-Rayon aratangiye.'

Iyi mbwirwaruhame yagaruye ihumure mu bakunzi ba Rayon Sports, batangira kugira icyizere ko bagiye kongera guhangamura ibihangange.

Gusa hadaciye kabiri bamwe batangiye gusa n’abakemanga ko azabigeraho ndetse ko ashobora kuba aje mu bintu atazi neza aho yavuze ko nta mafaranga ye azashyira muri iyi kipe ndetse ku myitozo ya mbere ya Rayon Sports yavugaga ko atangije amahugurwa aho kuba imyitozo byatunguye benshi.

Ubundi Uwayezu Jean Fidele atorerwa kuyobora Rayon Sports yari yitezweho ibintu bibiri by’ingenzi kubaka ikipe ikomeye itwara ibikombe ndetse no kugarura ubumwe bw’Aba-Rayon agahuza benshi mu bayigiye kure (abari mu ishyamba).

Benshi banyuzwe n’uburyo bw’imiyoborere yashyizeho

Uwayezu Jean Fidele icyerekezo yashyizeho cy’uburyo ikipe yabaho n’uburyo yayoborwamo byanyuze benshi kuko ubona ko uretse Komite Nyobozi ikipe ifite abakozi bahoraho bafite amasezerano kandi bahembwa buri kwezi.

Ibi kandi bikiyongera ku kuba kuva yageramo ibintu abantu bari bamenyereye ko amakuru y’ikipe asangwa mu muhanda byaragabanutse, ikipe itangira kugira ibanga rikomeye.

Yaragerageje gushaka uburyo ikipe yabaho idateze amafaranga y’umuntu umwe, yashatse abafatanyabikorwa bikorwa batandukanye binjiriza Rayon Sports amafaranga atari make, ibi bigaragararira ku mwambaro w’iyi kipe aho uba utatse ibirango by’amakompanyi atandukanye.

Yagerageje kandi gukemura ibibazo by’imishahara ikipe igerageza guhembera ku gihe, nubwo hari igihe cyageraga bakabajyamo ibirarane ariko si nka mbere abakinnyi bajyaga bigumura bakanga gukora imyitozo kuko ubu ishobora gutinda ariko abakinnyi baba bafite icyizere ko bazahembwa kandi bikaba ari ko bigenda. Si nka mbere aho hari n’abatandukanaga n’ikipe ikibarimo ibirarane by’imishahara.

Igihe kinini cya manda ye yakoze ari wenyine

Ubwo yatorwaga, ni nabwo hatowe n’abandi bari muri Komite Nyobozi ye aho visi perezida wa mbere yabaye Kayisire Jacques mu gihe visi perezida wa kabiri yabaye Ngoga Roger Aimable n’aho umubitsi aba Ndahiro Olivier.

Uko iminsi yagendaga ishira ni ko byagaragaraga ko arimo akora wenyine aho aba bari bamwungirije bose mu bihe bitandukanye ntabwo bongeye kugaragara mu bikorwa bya Rayon Sports.

Amakuru avuga ko bagiye badahuza ku bintu bimwe na bimwe bose bahitamo kwegura, asigara asa n’aho ari wenyine afashwa n’Umunyamabanga wa Rayon Sports, Patrick Namenye waje ashinzwe ibijyanye n’imishinga ibyara inyungu muri Rayon Sports ndetse na DAF, Adrien.

Kubaka ikipe ikomeye itwara ibikombe byaranze

Ntabwo yahiriwe n’umwaka we wa mbere muri Rayon Sports kuko hari muri COVID-19, iyi shampiyona yakinwe mu matsinda, mu itsinda ry’amakipe ahatanira igikombe yasoje ku mwanya wa 7.

Umwaka wakurikiyeho wa 2021-22 ikipe yagerageje guhatana ariko n’ubundi biranga isoza ku mwanya 4 n’amanota 48 irushwa inota rimwe na AS Kigali ya 3, Kiyovu Sports ya kabiri yari ifite 65 n’aho APR FC yegukanye igikombe n’amanota 66.

Abakunzi b’iyi kipe bari batangiye kwiheba bongeye kugarura icyizere mu mwaka w’imikino wa 2022-23 ubwo ikipe yegukanaga igikombe cy’Amahoro igatsindira kongera gusohoka nyuma hafi y’imyaka 4 itagaragara ku ruhando Nyafurika, gusa muri shampiyona yari yasoje ku mwanya wa 3 inyuma ya APR FC na Kiyovu Sports.

Wari umwaka mwiza kuri Rayon Sports kuko baje no kwegukana igikome kiruta ibindi mu gihugu 'Super Cup’ batsinze mukeba APR FC 3-0, perezida wa Rayon Sports, Uwayezu Jean Fidele yari atangiye kubigendera noneho yumva uburyohe bw’intsinzi, gusa byaje kugabanywa na Al Hilal Benghazi yo muri Libya yababujije kujya mu matsinda ya CAF Confederation Cup kandi nyamara imikino yose yarebereye i Kigali.

Bigendanye n’imyaka yabanje, benshi bari bafite icyizere ko umwaka uzakurikiraho bizaba byiza kurushaho, gusa si ko byagenze kuko byarangiye nta gikombe na kimwe yegukanye (mu bitanga itike yo gusohokera igihugu) kuko muri shampiyona yasoreje ku mwanya wa 2 n’aho mu gikombe cy’Amahoro ikurwamo na Bugesera FC muri 1/2.

Bigendanye kandi n’uko amakipe yiyubatse yitegura umwaka w’imikino wa 2024-25, biragoye ko iyi kipe nabwo yazagira icyo yegukana. Kumara imyaka 5 nta gikombe cya shampiyona iregukana ntawabica ku ruhande ko ari ugutsindwa ku bayobozi bayiyoboye.

Byageze aho asa nucika intege kubera amikoro, agasaba abatoza kuzana abakinnyi b’ubuntu nk’uko aheruka kubitangaza mu kiganiro ‘Rayon Time’ ko byabayeho mu mwaka ushize w’imikino. Urumva ko abo bakinnyi ntacyo bari gufasha ikipe.

Kugarura ubumwe bw’Aba-Rayon byaranze…

Kimwe mu bintu yari yitezweho ni ukugarura bamwe mu bahoze bayobora Rayon Sports bakongera kuyiba hafi nk’uko byahoze ndetse bakaba bagira n’ubufasha batanga aho biri ngombwa.

Uyu munsi umuntu wavuga ko wayoboye Rayon Sports ugaragara mu bikorwa bya yo ni Munyakazi Sadate bashinja kuba ibibazo Rayon Sports yanyuzemo ari we wabiyishyizemo.

Benshi bumvaga ko nubwo RGB ubwo yakemuraga ikibazo yarasabye abahoze bayobora iyi kipe ndetse benshi bita ba nyira yo kutimvanga mu buyobozi bwa yo bakajya ku ruhande, wari umukoro wa Uwayezu Jean Fidele kongera gutuma biyumva mu ikipe.

Dr Usta Kayitesi wari umuyobozi wa RGB wagize uruhare mu ihindurwa ry’ubuyobozi bwa Rayon Sports, muri Gicurasi 2024 agaruka kuri aba bagabo bitwa ba nyir’ikipe, yagize ati “Ntabwo abitwa ba nyir’ikipe, umuryango utari uwa Leta ntugira ba nyira wo bafite amazina bwite, uba ushingiye ku nyungu rusange, ikipe ikibazo yari ifite ni ubuyobozi, abayobozi b’ikipe ntabwo ari ba nyira yo kandi abagize ikipe ni bo batubwiye ibibazo by’imiyoborere yari ihari tubikemura mu buryo bw’imiyoborere.'

Uwayezu Jean Fidele yagerageje gusa n’uwegera aba bagabo bafata ibyo bakorewe nk’agasuzuguro ariko ntibyagenda neza ngo abiyegereze.

Gusa hari harajemo agatotsi muri 2021 ubwo yanenze bikomeye abayobozi ba Rayon Sports bakoze amazezerano n’Akagera kabahaye imodoka izajya itwara abakinnyi ngo bajye bayishyura gake gake ariko bikaza kurangira Akagera kayisubije (hari ku bwa Mubunyi Paul), yavuze ko ari amasezerano y’igisebo.

Ati “Ni agahinda amasezerano nk’ayo kuyasinya uri umuyobozi, ni igisebo, ni byo bibazo turimo muri Rayon Sports, byarananiranye noneho no kuba imaze igihe, imyaka ingahe iparitse icyo ni ikindi kibazo, twe ibyo tureba ni ibifitiye inyungu Rayon Sports, ushobora kuyizana ikakubera ikindi kibazo, twe turifuza gushaka imodoka nshya igezweho, ikomeye yadukorera akazi kuruta kujya kurwana n’iyaboreye mu Kagera'.

Kunanirwa kongera guhuza aba bagabo batangaga amafaranga muri Rayon Sports ngo bongere bayibe hafi bayifashe, benshi babifata nko kunanirwa kuri we.

Yashyizeho Rayon Sports y’abagore

Kimwe mu bintu azibukirwaho ni ukuba ku ngoma ye ari bwo hashinzwe Rayon Sports WFC ndetse iza ihigika AS Kigali yari yarigaruriye ruhago y’abagore.

Muri 2022 ni bwo iyi kipe yashinzwe ihera mu cyiciro cya kabiri aho yaje no kwegukana igikombe cya shampiyona idatsinzwe, yanageze ku mukino wa nyuma w’igikombe cy’Amahoro ariko itsindwa na AS Kigali.

Mu mwaka w’imikino wa 2023-24 ubwo yakinaga icyiciro cya mbere bwa mbere yahise iyegukana ndetse inatwara igikombe cy’Amahoro cya 2024.

Umuyobozi mushya wa Rayon Sports yitezweho iki?

Mu kwezi gutaha k’Ukwakira 2024 ni bwo hazaba amatora ya Komite Nyobozi nshya Rayon Sports, amahirwe menshi ni uko Uwayezu Jean Fidele atazongera kwiyamamariza kuyobora iyi kipe.

Umuyobozi uzamusimbura icyo yaba asabwa ni uguhuza Aba-Rayon akarwanya ishyamba rigacika ndetse no kubaka ikipe itsinda.

Uwayezu Jean Fidele agitorwa yavuze ko amateka y’ibibazo muri Rayon Sports arangiye

Hari igihe cyageze atangira gusogongera ku buryohe bwa ruhago

Uwayezu Jean Fidele anengwa kuba atarabashije kwiyegereza abahoze bayobora Rayon Sports ngo bamufashe

Amahirwe menshi ni uko atazongera kwiyamamariza kuyobora Rayon Sports

Umuyobozi mushya wa Rayon Sports azaba afite aho ahera

Ibyo ni ibitero bya FLN byahitanye ubuzima bwa benshi ndetse byangiza byinshi, nk'aho abarwanyi b'uyu mutwe mu ijoro ryo ku wa 19 Kamena 2018 bagabye igitero ku Biro by'Umurenge wa Nyabimata bakomeretsa n'Umunyamabanga Nshingwabikorwa w'Umurenge batwika n'imodoka ye.

Bishe uwitwa Munyaneza Fidèle wari Perezida wa Njyanama y'Umurenge wa Nyabimata, uwitwa Maniriho Anathole wari ushinzwe amasomo ku Rwunge rw'Amashuri rwa Nyabimata n'umuturage wundi witwa Habimana Joseph.

Kuri uwo munsi wari ku wa Kabiri kandi abarwanyi ba FLN batwitse imodoka ya RAV4 hamwe n'inzu ya Koperative imwe y'abatuye muri ko gace.

Icyakora ya ntero ko nta wagirira nabi u Rwanda ngo bimugwe amahoro, bidaciye kabiri Paul Rusesavagina wari inyuma y'ibyo bitero mu buryo atazi yisanze i Kigali, akurikiranwa kuri ayo mahano yakoze aranayahanirwa.

Ni ibitero byaciye igikuba abantu batangira gutinya gukoresha umuhanda muri iyo parike batinya ko bashobora kugirirwa nabi na cyane ko bari barahahamuwe n'ibyabaye ku baturage b'i Nyabimata.

Icyakora ubu harabarwa indi nkuru, muri Parike ya Nyungwe umutekano ni wose, imodoka zaba izitwara abagenzi n'amakamyo atwara ibicuruzwa bigenda amasaha 24 ku yandi, hashimwe Ingabo z'u Rwanda zihora ziri maso ku cyahungabanya ubusugire bw'u Rwanda.

Uwo mutekano wanashimangiwe na Ntihemuka Pierre usanzwe ari umuyobozi w'ishami rihuza Pariki ya Nyungwe n'abayituriye mu kigo cyita kuri Pariki y'Igihugu ya Nyungwe, Nyungwe Management Company (NMC), ukorera muri iyo pariki umunsi ku wundi.

Aganira na IGIHE Ntihemuka yavuze ko abo bantu bazaga guhungabanya umutekano ingabo z'u Rwanda zabaga ziri hafi zigahita zikemura ibibazo mu buryo bwihuse.

Ati 'Abasirikare barabikemuye nta kibazo gihari abaturage baratekanye hirya no hino mu nkengero za pariki, barakora imirimo yabo yose. Natwe dukorera mu ishyamba dukorana neza n'inzego z'umutekano ibikorwa byacu birakorwa ndetse bigakorwa uko byateguwe.'

Ntihemuka na bagenzi be baba bareba ibijyanye n'umutekano w'urusobe rw'ibinyabuzima nko guhangana n'abangiza pariki, ubuhigi, ubucukuzi bw'amabuye y'agaciro, gutema ishyamba, kwahira, bakabifatanyamo n'ingabo z'u Rwanda kugira ngo icyo cyanya kibungwabungwe.

Ku bijyanye n'abatinyagaga kunyura muri Nyungwe cyane cyane mu masaha ya nijoro, Ntihemuka avuga ko byabaye amateka na cyane ko umuhanda wose kuva umuntu acyinjira mu ishyamba kugeza asohotse aba amurikiwe n'amatara yashyizwemo.

Ati 'Mu ishyamba hashyizwemo n'iminara ifasha mu itumanaho. Ubu winjira mu ishyamba ukarinda urisohokamo utarava ku murongo wa telefone wabijyanisha n'umutekano w'ingabo byose bigaha abantu icyizere ko nta kibazo gihari. Bisi, amakamyo n'izindi modoka bikora amasaha 24 ku yandi.'

Yifashishije ingero z'uko umutekano uhari, Ntihemuka yavuze ko hari n'ubwo imodoka ipfira ku muntu ageze muri parike rwagati umukanishi akayijya munsi akayikora agakomeza kuko aba arindiwe umutekano byuzuye.

Ati 'Cyangwa yaba nta mukanishi afite akiyambaza ingabo akazibwira ko nta mukanishi afite zikarinda imodoka ye, akajya gushaka umukanishi akaza akayikora, imodoka igakomeza haba ku modoka ipakira ibicuruzwa cyangwa itwara abagenzi.'

Uyu mugabo mu mvugo ye wumvamo ishimwe ryinshi kuri gahunda ya leta yo kurinda ubusugire bw'igihugu abantu n'ibyabo, akemeza ko umutekano ari byo biryo by'Abanyarwanda.

Ati 'Nkatwe dukorera mu ishyamba tubyumva neza. Biratunezeza kubona umutekano uhari. Ibyo dukora birimo n'ubukerarugendo iyo bitagenda neza burahagarara, ibigira ingaruka ku bukungu bw'igihugu.'

Pariki ya Nyungwe iherereye mu Majyepfo ashyira Uburengerazuba bw'u Rwanda ndetse ikaba iri ku buso bwa kilometero kare 1019, irimo amoko 1068 y'ibimera, amoko 13 y'inguge, amoko 275 y'inyoni n'izindi nyamaswa zirimo inyamabere n'ibikururanda bitandukanye.

Habarizwamo kandi indabo z'amoko 200 (Orchidées), ibiguruka byo mu bwoko bw'ibinyugunyugu biri mu moko arenga 300 n'ibindi.

Kuva mu 2005, hashyizweho n'uburyo bwo gusaranganya n'abaturiye pariki inyungu ziva mu bukerarugendo, kugira ngo aho kuyangiza bafashe kuyibungabunga.

Mu 2023 abaturiye pariki ya Nyungwe bari bamaze guhabwa ibikorwa bifite agaciro ka miliyari 3Frw, akaba yarashyizwe mu kubaka amashuri, amavuriro, no gutera inkunga y'amakoperative y'abavumvu.

Ntihemuka Pierre usanzwe ari umuyobozi w'ishami rihuza Pariki ya Nyungwe n'abayituriye mu kigo cyita kuri Pariki y'Igihugu ya Nyungwe yagaragaje uburyo Ingabo z’u Rwanda zikora akazi gakomeye ngo iyo pariki igendwe amasaha yose

Pariki ya Nyungwe ikunze kurangwa n’amahumbezi n’umwuka uyunguruye uboneka hake

Parike ya Nyungwe yabaye ahantu heze habereye imikino yitabirwa n’abaturutse imihanda y’Isi

Muri Parike ya Nyungwe hashyizweho uburyo butandukanye bufasha ba mukerarugendo kuyisura

Ibi ni bimwe mu byagarutsweho mu kiganiro ngarukakwezi cyiswe 'Kigali Family Night' gitegurwa na Sugira kikagaruka ku ngingo zinyuranye zijyanye n'imibanire.

Ikiganiro cy'uku kwezi cyabereye i Kigali ku wa 7 Nzeri 2024 gifite insanganyamatsiko ijyanye no kugira intego bigeza ku ntsinzi ndetse kinagaruka ku byaranze ubuzima bwa Dr. Myles Munroe wari umuvugabutumwa wo muri Bahamas witabye Imana muri Nzeri 2014.

Sugira yavuze ko mu buzima abantu babamo bagomba kumenya guhitamo icyerekezo cy'ubuzima bwabo n'uwo bashaka kuba bo kuko iyo ari yo intambwe ikomeye y'intsinzi.

Ati 'Iyo tuvuga ubuzima tuba tuvuga icyo ushaka ko abantu bazakwibukiraho. Nta kintu gishimisha nko guha icyerekezo ubuzima ushaka kugira bukaba ari ko bugenda. Umuntu agomba kubaho ubuzima ashaka'.

'Umunsi umwe numvise ijwi muri njye rimbwira ngo 'uvuga ibintu byinshi cyane kandi ku myaka yawe birashoboka, ariko se ni igiki ukora? Hitamo kimwe muri byo abantu bazakumenyaho. Mvuze ku by'ubucuruzi abantu bakumva ndi gutera urwenya ariko hari ikintu kimwe abantu banziho'.

Sugira yemera ko mu buzima hari byinshi biza bishaka gukura abantu mu murongo w'ibyo bahisemo ariko ko intsinzi ya byose ari uguhoza umutima ku mahitamo umuntu yiyemeje.

Ati 'Umunsi umwe, umwe mu nshuti zanjye ziri hano yantumiye muri Afurika y'Epfo gutanga ikiganiro ariko sinigeze njyayo. Impamvu ni uko ibyari buvugirwe muri icyo kiganiro nta ngingo y'imibanire yari irimo. Niba uhisemo gukora ikintu kimwe uramenye ntuzigere ugira ikindi ukora kitari cya kintu kimwe'.

Akomoza ku buryo bwo kwimenya, Sugira yavuze ko muri rusange kwisobanukirwa atari ikintu cyoroshye ariko ko intambwe ya mbere ari ukwitega amatwi ukiyumva ukumva ibyo ushaka kuba byo wowe mbere yo kumva iby'abandi.

Ingingo yo kuba wowe ku ntego zawe, yemeza ko ari imwe mu ntsinzi zikomeye muri ubu buzima kandi ko izanira nyirayo amahoro, mu mibanire n'abo mu muryango we ndetse n'abandi muri rusange.

Umwe mu bayobozi b'Umuryango Munroe Global Inc, Charisa Munroe, akanaba umwana wa Dr. Munroe yavuze ko intangiriro y'ubuyobozi n'ibindi abantu bageraho mu muryango mugari bitangirira ku ntego ya buri muntu ku giti cye.

Ati 'Intego ni yo mpamvu shingiro umuntu ari ku Isi n'ibyo akora. Hari impamvu buri muntu ariho, hari abantu benshi biyahura kubera kutagira intego'.

Charisa yongeyeho ko abantu bakwiye kwicisha bugufi no kwemera gukorera abandi bagatanga ibyo bifitemo bubaka umuryango mugari nka bimwe mu murage Dr. Munroe witabye Imana mu myaka 10 ishize yasize.

Charisa Munroe yavuze ko intangiriro y'ubuyobozi n'ibindi abantu bageraho mu muryango mugari bitangirira ku ntego ya buri muntu ku giti cye

Bunguranye ibitekerezo ku ngingo zinyuranye

Ni ibiganiro nagrukakwezi

Sugira Hubert yavuze ko mu buzima abantu babamo bashobora kugira amahitamo y'abo baba bo bigashoboka kandi ko iyo ari yo intambwe ikomeye y'intsinzi

Byatangajwe ku wa 6 Nzeli 2024, ubwo Umuyobozi Mukuru wa RTD, Umukunzi Paul yari yasuye Ikigo ngororamuco cya Iwawa kigororerwamo abafatiwe mu migirire ibangamiye rubanda.

Abajyanwa muri iki kigo giherereye mu murenge wa Boneza mu karere ka Rutsiro bavurwa ku buntu ingaruka batewe n'ubuzererezi bakanaganirizwa n'inzobere mu mitekerereze zibafasha gusubiza ibitekerezo byabo ku murongo.

Banigishwa imyuga irimo ubuhinzi n'ubworozi bya kijyambere, ubudozi, ubwubatsi n'ububaji kugira ngo nibavayo bazabashe gukorera amafaranga biteze imbere bo n'imiryango yabo.

Sebahizi Alex w'imyaka 36 uri mu bagororerwa Iwawa yabwiye IGIHE ko yajyanywe muri iki kigo nyuma yo gufatwa agura akanacuruza ibikoresho by'ikoranabuhanga by'ibyibano.

Uyu mugabo ukomoka mu karere ka Gisagara yahisemo umwuga w'ubuhinzi kugira ngo naragiza amasomo azasubire iwabo I Gisagara akore ubuhinzi bw'umwuga ariko ngo iyo muri iki kigo baba bigisha umwuga w'ubusuderi niwo yari guhitamo.

Ati 'Nasaba ko mu myuga Iwawa bigisha hakongerwamo sudire kubera ko urubyiruko ruhazanwa rufite imbaraga zo gukora kandi sudire uwayize abona akazi aho ariho hose mu gihugu'.

Confiance Louis Mari wafatiwe mu karere ka Nyarugenge kubera ubujura yavuze ko iyo bageze Iwawa baba bumva ko barenganye, gusa ngo nyuma yo guhabwa umwanya bakitekerezaho basanga koko bari babangamiye umuryango nyarwanda.

Mu masomo bahabwa harimo abafasha gufata icyemezo no kugira intego, ndetse hagakurikiraho intambwe yo kubafasha gushaka uko bazabaho basoje aya masomo ari naho hazamo amasomo y'imyuga.

Ati 'Dushimira Leta ko yashyizeho ubu buryo bwo kwigisha imyuga abagororerwa Iwawa, ariko bishobotse bazongeramo na Multimedia ribamo ibijyanye no gufotora no gufata amashusho no kuyatunganya'.

Avuga ko iri somo ryagabanya umubare w'abigayo imyuga ntibayishyire mu bikorwa kuko benshi mu batayishyira mu bikorwa ari abajyanwayo bararangize za kaminuza bagira bagira ipfunwe ryo gukora igifundi, ubuhinzi, ubudozi n'ububaji.

Umuyobozi wa RTB, Umukunzi Paul yashimye impano n'ubuhanga bw'abagororerwa Iwawa mu gukora ibikoresho bitandukanye avuga ko RTB izakomeza gukorana na NRS mu guhugura abarimo no gutanga ibikoresho kugira ngo aba banyeshuri barusheho kwiga neza.

Ati 'Nibyo, urebye umubare w'urubyiruko ruhari, birakwiye ko imyuga ihigishirizwa yiyongera, kugirango haboneke amahitamo atandukanye. Tuzakomeza ibiganiro na NRS kugira ngo twongereho imyuga mishyashya itari ihasanzwe'.

Mukunzi yasabye uru rubyiruko kwigirira ikizere, kwirinda icyabasubiza mu nzira zidatunganye, ahubwo imyuga myiza bari kwiga bakazayibyaza umusaruro, bakiteza imbere, bakanagira urahare mu gukomeza kubaka igihugu cyacu.

Icyiciro kiri kugororerwa Iwawa ni icya 24, kirimo abasore n'abagabo barenga 5000, barimo 1375 basubiyeyo inshuro irenze imwe.

Umuyobozi Mukuru wa RTB, Umukunzi Paul yavuze ko bazakomeza gukorana na NRS mukongera imyuga yigishwa abajyanwa Iwawa

Umuyobozi wa NRS, Mufulukye Fred asaba abagororerwa Iwawa kwirinda ibyatuma bongera kugwa mu makosa n’ibyaha bafatiweho

Uyu munsi u Rwanda rwerekeje amaso kuri za ndwara zikomeye cyane cyane izitandura nko kubaga indwara zifata ubwonko, umutima, guhindurirwa impyiko n'ibindi.

Uretse ibyo uyu munsi ushobora kuba warahiye, inyama wenda yo ku kuguru yaravuyeho, ukagana abaganga b'Abanyarwanda bakagufasha bagakata nko ku kibuno, iyo bahakuye bakayishyira hamwe hahiye ubuzima bugakomeza.

Uretse ibyo uyu munsi umugore/umukobwa ufite amabere yaguye ashobora kuyahagarika.
Ni na ko bimeze ku bafite ibicece, ikibuno kinini mbese wa muntu ufite ibilo byinshi.

Iyo abishatse barabimugabanyiriza agasubira uko yahoze mbere, byose bigakorwa bidasabye umuntu kurira rutemikirere ngo ajye kubikoresha imahanga.

Ibyo byitwa ukubaga umuntu hagamijwe gukosora inenge (reconstructive surgery) cyangwa hagamijwe ubwiza (cosmetic surgery) byose bikimbumbira mu kizwi nka 'plastic surgery'.

Ibitaro bya Gisirikare bya Kanombe (Rwanda Military Referral and Teaching Hospital: RMHTH) ni bimwe mu bikora iyo mirimo itamaze igihe kinini ikorerwa mu Rwanda.

Muri RMHTH bikorwa na Col Dr Charles Furaha, umaze imyaka 13 abikora akaba n'umwe wabizanye mu rw'imisozi igihumbi kuva yava kubyiga mu 2011.

IGIHE yagiranye ikiganiro kirambuye n'iyi nzobere muri ubwo buvuzi, tuganira ku bijyanye n'uko bukorwa.

IGIHE: Ubundi iyo mirimo y'ubuvuzi ikorwa ite ?

Col Dr Furaha: Imirimo yo kubaga umuntu hagamijwe gukosora inenge ku mubiri cyangwa hagamijwe ubwiza ntabwo abantu bayifata uko iri. Bayifata ko ari ugukora ubwiza gusa, ariko ako ni gace kamwe muri iyo mirimo.

Ubundi igizwe cyane no gusana ibyangiritse. Tuba dusana ibyangiritse ku mubiri. Usanga nka 90% cyangwa irenga by'iyo mirimo ari ugusana ibyangiritse ku mubiri.

Bikorwa biturutse ku mpamvu nyinshi nko kuba umuntu yaravutse afite ubumuga cyangwa yaragize impanuka, yarahiye n'ibindi.

Hari ibintu byinshi dukora kuva ku ino kugera ku mutwe dusana. Ibyo bita kubaga umuntu hagamijwe gukosora inenge (reconstructive surgery).

Ni na cyo kinini dukora. Ni ho tumara umwanya mwishi twiga kandi tunakora. Abatugana benshi hano i Kanombe cyangwa n'ahandi ntabwo baba baje gushaka ubwiza ahubwo baba bafite inenge yavukanye, cyangwa ituruka ku mpanuka, cyangwa ku buvuzi yahawe.

Nk'ubu nko kuri kanseri, iyo umuntu ayigize, aho iyo ndwara yafashe barahabaga bakahakuraho. Barakata, bagakukuraho izuru, ugutwi, ibere n'ahandi yafata.

Muri icyo gihe tuza dusana aho hantu, bigakorwa dukoresheje umubiri w'umuntu cyangwa ikindi kintu gisa n'urwo rugingo bakuyeho, kugira ngo utabaho nta rwo ufite.

Twifashisha umubiri w'umuntu, nk'uw'inda cyangwa ahandi kugira ngo umuntu akore igisa n'ibere kandi kizagumaho. Ibyo ni ugusana.

Nko ku nda akenshi umuntu aba afite ibicece, ushobora gufata igice cy'igicece kiri hasi y'umukondo, ukagikoresha kugira ngo ukore igisa n'ibere.

Biba bivuze ngo ushobora kugikuraho kandi ukongera ukahafunga ntihagire igihinduka cyane ahubwo ugasanga umuntu umugiriye neza umugabanyirije ibicece.

Ushaka igice cy'umubiri kitari ingenzi cyane mu kubaho kugira ngo gifashe mu gukora ikindi gikomeye. Ni ko kazi kenshi tugira.

Nk'umwana uvukanye ikibari gisatura umunwa no mu nkanka ntabwo aba azajya mu ishuri, n'iyo yajyayo aba afite ipfunwe. Aha turamusana bigatuma asa nk'abandi, bikamuha n'uburyo bwo kujya mu ishuri nta pfunwe.

Iyo abantu batekereje iyi mirimo, bakayumva mu buryo bwo gushaka ubwiza gusa baba bibeshye. Na byo birahari ariko ntabwo ari byo bikorwa gusa.

Gahunda yatangijwe ryari? Mumaze gukorera abangana bate?

Impamvu iyi gahunda yatangiye ni uko ari kimwe mu buvuzi bubaho mu bijyanye no kubaga. Nk'uko habaho kubaga amagufwa, ubwonko, n'ibindi n'iyo mirimo ibamo.

Ndangije amashuri y'icyiciro cya kabiri cya kaminuza, Leta yampaye amahirwe yo kujya kwimenyerereza muri Afurika y'Epfo, ngezeyo nsanga iyo 'plastic surgery' ibaho, nanjye sinari mbizi ko ibaho icyo gihe.

Nasabye ko nyikora baranyemerera kandi nasanze ari ikintu tutari dufite mu Rwanda kandi dukeneye.

Narangije kubyiga mu 2011, kuva ubwo ni byo nkora. Natangiye gukorera hano i Kanombe mbifatanya no mu Bitaro Byitiriwe Umwami Faisal, ariko Faisal nza kuhareka nkomereza i Kanombe gusa.

Dukunze gufasha abantu benshi bavukanye inenge nk'ibibari, intoki zifatanye cyangwa zagoramye, ariko hari n'abaza bafite inenge kubera impanuka nk'abahiye cyane cyane n'abandi.

Ku bijyanye n'abo maze gukorera bo ni benshi kuko maze imyaka 13 mbikora. Nawe tekereza abo bantu bakoze impanuka za moto n'izindi, abarwaye kanseri, abavukanye ubumuga. Ni benshi cyane.

Ufashe nk'ibibari byonyinye kandi ni akantu gato. Buri mwaka mba ngomba kubaga abantu barenga 150 bavukanye ibibari. Urumva ko nko ku bibari gusa barenga 1000.

Bivuze ko mukiza inkovu?

Abenshi bazi ko dukuraho inkovu. Ntabwo dukuraho inkovu. Ntabwo zijya zivaho, ntabwo zisibika. Ahubwo mu kuvura hakoreshejwe kubaga, bishobora no kongera izindi nkovu ariko urukingo rukongera gukora neza.

Ndibuka umuntu nigeze kuvura inkovu. Yari umutekinisiye w'amashanyarazi. Yari yarahiye mu nkokora atabasha kurambura ukuboko, bikamugora no kuba yashyikira itara rimanitse.

Cyari ikibazo. Aha umutera izindi nkovu ariko akabasha kurambura kwa kuboko. Byarangiye bikoze. Ni ubuvuzi nk'ubundi buvurirwa kuri Mituweli.

Mwabigarutseho ko mubaga n'abashaka kwibagisha hagamije ubwiza 'cosmetic surgery'. Ha handi ushaka ikibuno/ amabere manini, ushaka kugabanya inda n'ibindi. Bikorwa bite byo?

Uje kwibagisha agamije ubwiza na we twamufasha. Hari abaza batazanywe n'uburwayi. Umuntu akaza avuga ko afite ibinure byinshi ku nda, ku mugongo. Akubwira ko ashaka kongera kuba mwiza mbese akikunda. Abo turabafasha.

Hari abantu baba babikeneye ku buryo bibaha icyizere. Hari umuntu uza afite inenge ituma yitakariza icyizere akaza ari cyo aje gushaka.

Abenshi babifata ko ari ukwirata ariko nkurikije abo maze gufasha kandi iyo tuganiriye ubona ko bashimishijwe na byo, ubona ko atari ukwirata.

Cya cyizere bari barabuze bakakigira, agatera imbere mu buryo butandukanye bijyanye n'uko akorana n'abandi.

Icyakora ntibivurirwa ku bwishingizi kuko ntabwo umuntu aza yarwaye.

Nk'umugabo ashobora kuba afite amabere manini nk'ay'abagore. Urumva iyo wagize ibyo bibazo by'amabere akura nk'ay'abagore nta cyizere uba wifitiye, uhorana ipfunwe.

Ntiwajya koga mu mazi magari, igihe cyose wambara ibiyahisha n'ibindi. Ibyo biba bifite ingaruka mbi.

Nk'ibijyanye no kongerera amabere abakobwa/abagore bafite mato hari utuntu bongeramo tuba tumeze nk'udufuka, tworohereye nk'umubiri, tuba dukozwe muri silicone tuzwi nka 'implants'.

Impamvu badushyiramo ni uko twongera umubyimba wayo, ariko tunafite imimerere y'ibere. Ibindi bikorwa ni uko bafata ibinure ahandi ubifite bakabishyira mu ibere.

Ariko njye ibyo kongera amabere nahisemo kutabikora ku giti cyanjye. Muri serivisi ntanga iyo atari ubuvuzi ntabwo mba ntegetswe kuzitanga.

Kuko nshobora kuvuga ko ntabizi neza bihagije cyangwa nta bumenyi, cyangwa nahisemo kutabikora kubera impamvu zanjye bwite ariko ubikeneye ashobora kubikorerwa n'undi.

Nk'ibyo byo kongera amabere, ibyo kongera ikibuno ntabyo nkora. Muri rusange ibyo kongera ntabyo nakora.

Icyakora nko kugabanya ikibuno, amabere, inda, amaboko, amatako manini, ufite amabere yaguye ashaka kuyahagarika byo ndabikora.

Ni izihe mpamvu zatumye mutongera amabere cyangwa ikibuno?

Iyo ushatse gukora ibyo kongera harashyirwamo twa dufuka two hanze y'umubiri, uburyo bwo kubona ibyo bikoresho biragora cyane.

Ababigurisha cyangwa ababikora, baba bakeneye kubizana mu bihugu, ibyo bikorwa byo kongera amabere bikorwa cyane. Urumva ko kugira ngo bazabizanire umuganga umwe biba ari ikibazo.

Ibyo bigo biba byatanze amafaranga menshi kugira ngo bibone impushya zo gucuruza ibyo bikoresho.

Iyo basanze icyo bashatse gucuruza bazagitangaho amafaranga menshi, kandi kitayagaruza, akenshi ntabwo babizana muri icyo gihugu.

Ikindi gushyiramo utwo dufuka ntabwo uba uzi neza ingano runaka uza gukoresha, ngo uzavuge uti ndakamwandikira wenda azakishakire mu mahanga azakazane nkamushyiriremo.

Iyo ugiye kubikora ukuzanira utwo dufuka akuzanira uturi mu bwoko butatu. Kamwe utekereza ko ari ko uza gukoresha ariko bakazana n'akari hejuru no munsi yako kugira ngo numara gutunganya ibere ugiye kurishyiramo ubone agakwiriyemo.

Hari ibintu twita 'sizers' biba ari bene twa dufuka tuba tumeze nk'impagararizi (sample) umuntu atunganya akadukuraho imyanda akaba adushyize mu ibere mu gihe ari kuribaga kugira ngo arebe ko bitanze imiterere myiza.

Ibyo bikoresho (sizers) ni byo bituma umenya ingano y'agafuka uza gushyiramo.

Ubishyiramo ukareba icyo bitanga, bitagushimisha, ugasaba akandi gafite ingano yindi, wasanga ari ko gakwiye, bakabona gufungura, ka gafuka kazamugumamo.

Urumva ntabwo ari nko kwandikira umuntu umuti wenda utaboneka mu Rwanda ngo wenda uwugure mu mahanga uwuzane uwukoreshe.

Ntuba uzi ko icyo yaguze ari cyo kizakoreshwa, nubwo kiba cyamuhenze. Ibyo ni byo bituma ntabikora kuko birajujubya.

Impamvu yindi ni uko bishobora kugira ingaruka ku buzima. Byaramenyekanye ko mu bindi bihugu bakora ibyo bikorwa cyane, utwo dufuka duteza indwara nka kanseri.

Kuko ako gafuka kaba katurutse hanze y'umubiri, umubiri urakarwanya kuko uba wumva ko ari ikintu gishya cyaje kigomba kurwanywa.

Iyo ari akantu gato, umubiri urakarya kagashira. Iyo ari ikintu kinini, udashobora kurya ngo gishire, urema igisa nka nyirantarengwa izenguruka icyo kintu cyawushyizwemo, ibizwi nka 'capsular contracture'.

Iyo capsule iba imeze nk'inkovu, igenda ikanda cya kintu cyashyizwe mu mubiri, na ya miterere ya ka gafuka ikazahinduka kubera iyo nyirantarengwa.

Ikindi buri myaka 10 ako gafuka kaba kagomba guhindurwa ugashyiramo akandi.

Uwabazwe muri ubwo buryo ashobora kwishima mu minsi ya mbere, ariko bishobora kugira ingaruka zitandukanye. Ibyo byose ni byo ntafitiye umwanya wo kujyamo ni yo mpamvu ntabikora.

Icyakora nigeze kubikora nkiri mu ishuri. Mu kwiga wigishwa byose nabikoze nk'uko nakoze ibindi ariko ibyo nize byose si ko mbikora.

Birumvikana ko mugabanya aho kongera. Ese uyu munsi noneho mumaze gukorera bangahe? Bisaba igihe kingana iki ngo umuntu abe akize?

Tumaze gufasha benshi cyane kuko bamaze kurenga 100. Abenshi baza ni abagore cyangwa abakobwa. Ariko n'abahungu cyangwa abagabo barahari nubwo bakiri bake.

Ab'igitsina gabo baza ni abafite amabere manini bashaka kongera kugira igituza nk'icy'abagabo, ariko hari n'abaza bafite ikibazo cy'inda nini tukamugabanyiriza.

Abaza benshi ni Abanyarwanda na ho abanyamahanga ni bake.

Ku bijyanye n'igihe bamara ni uko bidatinda. Uwo nabaze musezerera bukeye. Ntabwo bituma umuntu aremba cyane ariko arababara. Ni ibintu umuntu ashobora kwihanganira ari mu rugo.

Nk'abo mba nagabanyirije inda, abenshi nyuma y'icyumweru baba bakora imirimo nko gutwara imodoka. Mu byumweru nka bibiri cyangwa bitatu baba batangiye kujya mu kazi.

Ku bijyanye no kugabanya ikibuno ntabwo abantu bakunze kubyitabira. Abagore/abakobwa akenshi bakunda ikibuno cyabo ntibaba bashaka kukigabanya. Icyakora hari abagabo nigeze kubikorera.

Ku bijyanye no konsa bituruka ku cyo umuntu aba yakoze. Iyo ari umuntu ushaka kugabanya amabere ubanza kumusobanurira ko atazabasha konsa, niba akiri umuntu uteganya kongera kubyara.

Ibyo biba bishoboka ko hari ubwo adashobora kongera konsa ariko ashobora no konsa kuko aba agifite ibere. Wenda ashobora kutazahaza umwana cyangwa akaba yanamuhaza.

Icyakora bakira vuba. Mu byumweru bibiri ibisebe biba byakize ariko ukomeza kumva udusonga dushobora gutinda.

Ikindi kijya kibaho ni uko nk'iyo wagabanyije inda aho wagabanyije ibinure harabyimba ariko hakazabyimbuka uko agenda akira.

Mu minsi ishize twabonye umuhungu byavugwaga ko ari Umunyarwanda wihinduje aba umukobwa burundu. Hano mu Rwanda byashoboka?

Nk'ibyo nashatse kubikora nabikora. Igikorwa ahandi ku Isi no mu Rwanda cyakorwa. Bisaba kubyiga ukabikora. Nta cyananirana bisaba ubushake.

Bisaba ko hazagira ushaka kubyiga kuko ababikora ari inzobere mu kubaga hagamijwe ubwiza cyangwa gukosora inenge.

Iyo uri mu ishuri ntabwo wiga byose uzakora hari n'ibyo wiyigisha uri gukora.

Uba ufite ubumenyi bw'ibanze hanyuma ukaba wabisoma ukajya ahantu babikora ukaganira na bo, nawe ukaba wabikora. Icyakora ibyo ni bimwe njye ntashaka gukora.

Kuri abo bashaka serivisi zo kubagwa hagamijwe ubwiza, iyo mukurikiranye mubona bimeze bite?

Barishimye kuko uba waratumye icyizere cyabo kigaruka. Hari n'abo bifata umwaka bakanyoherereza ubutumwa bwo kunshimira. Arambwira ati 'warakoze. Uyu munsi ndumva nemye icyizere ni cyose. Warakoze kuba utanga izo serivisi kuko zifasha benshi.

No mu buryo bw'imitekerereze uwo muntu hari igihinduka. Tekereza umuntu umara amezi angahe waranamwibagiwe akakwandikira akakubwira ati 'muganga warakoze kunkorera. Narishimye cyane n'ubu ndishimye.

Mu kubaga umuntu hagamijwe ubwiza, harimo no kuvura uruhara. Ese hano murabikora? Ubundi se byo bikora bite ?

Ibyo ntabwo mbikora kuko ntigeze nshaka kubikora ariko na byo birakorwa, uruhara rukavurwa. Bikorwa nka kumwe batera ubwatsi bw'agacaca ahantu mu murima.

Bafata ibyatsi ahantu, bakabitandukanya noneho bakagenda batera kamwe kamwe ni na ko bigenda mu gutera umusatsi. Bakata nk'aha inyuma (mu irugu) ku gice cy'uruhu gifite umusatsi, bagafunga noneho bagatandukanya iyo misatsi kamwe kamwe cyangwa tubiri dufatanye.

Iyo tubaye twinshi baraza bagatera kamwe kamwe mu mutwe ahari uruhara, baratobora bakagashyiramo nk'uko utera ubwatsi mu murima. Iyo misatsi irakura igafata.

Ni nk'uko iyo umuntu afite igisebe ushishura uruhu ahandi, ukarutera kuri icyo gisebe kugira ngo gikire vuba. Ni na ko bimeze ku ruhara n'uwo musatsi.

Icyakora ibyo simbikora. Buriya n'iyo wabaga umuntu, ukora ibintu bigushimisha. Tekereza na we kugenda urobanura udusatsi ukagenda utera kamwe kamwe ni ibintu birambiranye. Ntabwo nigeze mbyiyumvamo.

Inzobere muri ubu buvuzi benshi ntabwo babikora kuko nta byishimo birimo, biba biteye ubunebwe. Ariko hari abandi batazobereye mu kubaga, cyangwa bumva ko babifitiye umwanya. Ni bo bakora ibyo by'imisatsi kuko kubyiga si ibintu bikomeye.

Kuki mu Rwanda umuntu mugufi adashobora kongererwa uburebure?

Ni ibintu bishoboka kandi numva ko bagenzi banjye bavura amagufwa bagomba kuzatekerezaho. Yego hano mu Rwanda ntibikorwa ariko ahandi birakorwa.

Icyo cyaba ari igice cyo kubaga hagamijwe ubwiza (cosmetic surgery) kibarizwa mu ishami ry'abavura amagufwa. Kuba uri mugufi si uburwayi ariko ushobora kwifuza uburebure.

Kuba bakongereraho nka santimetero eshanu cyangwa icumi hari uburyo icyizere cyawe cyakwiyongera. Birakorwa ariko biratinda bikaba byamara nk'amezi runaka.

Buriya igufwa ryavunitse rirakira. Rifite uko ryongera gufatana bigasa nk'aho umubiri wongeye gushyiraho nk'icyo twakwita sima cyangwa sudire kugira ngo abantu babyumve neza. Ifatanya iryo gufwa ariko itari iyi isanzwe.

Iyo bikorwa rero barakuvuna, bakagushyiraho ibyuma byabugenewe (external fixators) bituma igufa ryavunitse ritava mu mwanya waryo.

Igufwa bararikata noneho bagashyiraho bya byuma hanyuma umubiri ugatangira kurema bya bintu twakwita sima bizafatanya ha handi wavunnye ariko utarindiriye ko ikomera.

Buri munsi ugenda waguraho gato usa n'utandukanya ayo magufwa yavunitse gato kuko hagati yayo haba harimo bya bintu bimeze nka sima, ukongeraho gato nka milimetero imwe ku munsi, bya byuma biba bifite uko ubikaraga, bikagenda bitandukanya.

Uko wongereye umwanya hagati ya ya magufwa abiri, umubiri uba ukora sima, ejo ukongeraho ya ntera na none ukongera ugakora indi kugeza ugeze ku ntego yawe.

Icyo gihe urindira ko ya sima ikomera kuko iba ari igufwa ryiremye ariko riba ryoroshye, ukarindira nk'amezi abiri cyangwa arenga, igufwa rikaba ryakomeye umuntu yabaye muremure.