Webrwanda Backend

Blog

  • Patriots BBC yigaranzuye APR BBC mu mukino wa mbere wa BetPawa Playoffs – YEGOB #rwanda #RwOT

    Ikipe ya Patriots BBC yatangiye neza imikino ya nyuma (Finals) ya BetPawa Playoffs muri Shampiyona y'u Rwanda mu mukino wa Basketball, itsinda APR BBC amanota 83 kuri 71. Uyu mukino wabereye muri Kigali Arena ku mugoroba wo ku wa Gatanu, tariki ya 6 Nzeri 2024, ukaba ari umukino wa mbere muri irindwi iteganyijwe gukinwa.

    Patriots BBC yinjiranye imbaraga zidasanzwe, itangira ishyiraho ikinyuranyo cy'amanota mu gace ka mbere, ibifashijwemo cyane na Perry William na Hagumintwari Steve. Ikipe yatsinze amanota 21 kuri 15 ya APR BBC muri aka gace, yongera gukomeza imbere mu gace ka kabiri itsinda amanota 31 kuri 13, igice cya mbere kirangira Patriots BBC ifite amanota 52 kuri 28 ya APR BBC.

    Mu gice cya kabiri, APR BBC yagarukanye imbaraga zo kugerageza gukuramo ikinyuranyo mu gutsinda amanota atatu. Nshobozwabyosenumukiza Jean Jacques Wilson yatanze icyizere ubwo yatsindaga amanota atatu, ariko Patriots BBC ikomeza guhamya umwanya wayo, ibifashijwemo na Hagumintwari Steve na Perry William batsinda andi manota atanu.

    Agace ka gatatu karangiye APR BBC yisubiyeho, itsinda amanota 22 kuri 16 ya Patriots BBC, ariko mu gace ka nyuma, n'ubwo APR BBC yagerageje gukuramo ikinyuranyo ibifashijwemo na Nshobozwabyosenumukiza, Ntore Habimana na Axel Mpoyo, ntibyayihiriye kuko Patriots BBC yasoje umukino ifite amanota 83, APR BBC ifite amanota 71.

    Henry Mwinuka, umutoza wa Patriots BBC, yongeye gukora amateka yo gutoza umukino wa nyuma wa Playoffs ku nshuro ye ya munani kuva mu mwaka wa 2016. Muri izo nshuro umunani, Mwinuka yatwaye ibikombe inshuro eshanu: gatatu ari kumwe na Patriots BBC mu myaka ya 2016, 2018 na 2019, ndetse inshuro ebyiri atoza REG BBC mu 2021 na 2022. Yatsindiwe ku mukino wa nyuma mu myaka ya 2017 na 2020.

    Gutsinda uyu mukino wa mbere wa BetPawa Playoffs bihaye Patriots BBC icyizere cyo kwegukana igikombe cya Shampiyona, kuko ubu basigaje intsinzi eshatu kugira ngo bahabwe igikombe. Umutoza Henry Mwinuka n'abasore be bakomeje kwerekana ko bafite ubushobozi bwo kwegukana iki gikombe, mu gihe APR BBC nayo ikeneye kongera ingufu no gukosora amakosa yakorewe muri uyu mukino wa mbere kugira ngo ihatane kugeza ku mukino wa nyuma.

    Amafoto y'ibyaranze umukino 

    Abakunzi ba Basketball bari bitabiriye Ku bwinshi barimo na bahanzi nka Bruce the 1st na Kenny 

    Source : https://yegob.rw/patriots-bbc-yigaranzuye-apr-bbc-mu-mukino-wa-mbere-wa-betpawa-playoffs/

  • Ikipe y'u Rwanda yabatarengeje imyaka 18 irakina na Cameroun nyuma yo kurangiza imikino y'amatsinda idatsinzwe – YEGOB #rwanda #RwOT

    Nyuma yo kurangiza neza imikino y'itsinda C idatsinzwe, ikipe y'u Rwanda mu bahungu batarengeje imyaka 18 iragaruka mu kibuga kuri uyu wa Kane, tariki ya 12 Nzeri 2024, aho izahura na Cameroun guhera saa cyenda z'amanywa (15h00). U Rwanda rwari mu itsinda C rwitwaye neza cyane, rukaba rwarihagararaho mu mikino itatu yose rukinnye.

    Mu rugendo rwarwo mu matsinda, ikipe y'u Rwanda yatsinze imikino itatu yose ikaba ari yo yatumye irangiza iyoboye itsinda. Uko imikino yagenze:

    U Rwanda rwatsinze Afurika y'Epfo amanota 81 kuri 64
    U Rwanda rwatsinze Maroc amanota 56 kuri 51
    U Rwanda rwatsinze Zambiya amanota 86 kuri 69

    Ibi byatumye ikipe y'u Rwanda yitwara neza, ikaba yitezweho kongera kwerekana imbaraga no kwiyemeza ku mukino wo guhatanira gukomeza mu mikino ya nyuma, aho izaguhura n'ikipe ya Cameroun, imwe mu makipe akomeye mu irushanwa.

    Source : https://yegob.rw/ikipe-yu-rwanda-yabatarengeje-imyaka-18-irakina-na-cameroun-nyuma-yo-kurangiza-imikino-yamatsinda-idatsinzwe/

  • Ibikorwaremezo, ubuhanziIbyitezwe mu kiganir… – #rwanda #RwOT

    Nk'ibisanzwe kizabera muri Kigali Conference and Exhibition Village ahazwi nka Camp Kigali. Abaye umuyobozi wa kabiri ugiye gutanga ikiganiro muri ibi bitaramo biba kabiri mu kwezi, nyuma ya Tom Close, usanzwe ari Umuyobozi Mukuru w'Ikigo Gishinzwe gutanga amaraso muri RBC.

    Ariko kandi muri 'Meet me Tonight' hagiye hatumirwamo abahanzi mu ngeri zinyuranye, abashoramari, abacuruzi, abahangamideli n'abandi bitsa cyane ku kubwira urubyiruko uko bakwiye kwitwara muri iyi si y'ikoranabuhanga, ndetse n'uburyo bakishakamo imbaraga zo kwikorera no guteza imbere Igihugu.

    Bisaba n'aho Gen-Z Comedy iherekeza Nzeri ya 2024 izaba yihariye, kuko yatumiwemo abanyarwenya bakomeye barimo nka Alex Muhangi wo muri Uganda, Mugisha Emmanuel wamenye nka Clapton Kibonge, Michael Sengazi, Ramjaane Joshua, Manzere na Kampire, Dudu, Clement, Pirate n'abandi.

    Fally Merci utegura ibi bitaramo yabwiye InyaRwanda, ko batumiye Meya Samuel kugirango aganirize urubyiruko kuri gahunda zinyuranye Umujyi wa Kigali uri gutegura, ibikorwaremezo biri guhangwa, guteza imbere ubuhanzi n'ibindi binyuranye.

    Ati 'Ikiganiro azatanga kizibanda kuri gahunda z'Umujyi wa Kigali mu iterambere ry'ubuhanzi cyangwa mu gufasha abahanzi muri rusange ndetse n'icyo asaba urubyiruko kugirango Umujyi wa Kigali ukomeze gutera imbere. Harimo kandi n'ibijyanye no guhanga imirimo ku bashomeri n'ibindi.'

    Ibyavuye mu ibarura rusange rya 2022 bigaragaza ko mu Mujyi wa Kigali hatuye abantu 584,290 bafite imyaka iri hagati ya 16 na 30.

    Ubwo yari mu kiganiro Waramutse Rwanda cya tariki 2 Mutarama 2024, Meya Samuel Dusengiyumva, yabwiye urubyiruko rwo mu Mujyi wa Kigali, ko hari amahirwe menshi yo kubona imirimo.

    Yagize ati 'Amahirwe burya ugomba kuyakurikirana, cyane cyane ku rubyiruko ni ugushyiramo imbaraga ugashakisha amahirwe udahuga. Ntabwo amahirwe akwizanira, ntabwo ashobora kugusanga ahantu uri. Hari igihe ubona abantu babiri bavukiye ahantu hamwe, umwe atera imbere undi bikanga. Mu by'ukuri iyo ugiye kureba itandukaniro usanga ari imbaraga buri wese yashyizemo.'

    'Igihugu cy'u Rwanda ni igihugu kirimo amahirwe menshi, buri wese rero akwiye kureba amahirwe amugenewe akayahiga akayafata. Dufate urugero, urebye inyubako zizamurwa ntabwo zubakwa n'imashini zubakwa n'abantu, urebye ibikorwa bitandukanye, umuntu ukeneye iki cyangwa kiriya, hari amahirwe ataba mu cyaro, ahubwo itandukaniro ni iyo uyabonye uyakoresha ute kugira ngo akugeze ku yandi ejo uzagende uzamuka?'

    Minisitiri w’Intebe Dr Edouard Ngirente aherutse gutangaza ko muri gahunda ya Guverinoma ijyanye no guhanga imirimo mishya ibyara inyungu ingana na Miliyoni 1,250,000, ubuhanzi n’imyidagaduro biri mu nzego zizibandwaho kugirango bazabashe kugera ku ntego bibaye mu myaka itanu iri imbere.

    Imibare yo muri 2022, yerekanaga ko muri rusange mu Rwanda abagera kuri 21.5% by'abagejeje imyaka yo gukora bugarijwe n'ubushomeri ariko byagera ku rubyiruko icyo gipimo kikagera kuri 33%, aho mu cyaro ubushomeri mu rubyiruko buri kuri 35.1% naho mu mujyi bukaba ari 27%.

    Ariko muri gahunda ya NST2, Ngirente yavuze ko nk'Igihugu hifuzwa guhangwa imirimo mishya nibura Miliyoni 1,250,000 mu myaka itanu. Ni ukuvuga ko buri mwaka hazajya hahangwa imirimo mishya ibihumbi 250,000.

    Umuyobozi w'Umujyi wa Kigali, Samuel Dusengiyumva yatumiwe kuganiriza urubyiruko muri Gen-z Comedy izaba tariki 19 Nzeri 2024 muri Camp Kigali

    Dusengiyumva azatanga ikiganiro kizibanda kuri gahunda ziteganyijwe n'Umujyi wa Kigali harimo guteza imbere ubuhanzi





       

    Source : https://inyarwanda.com/inkuru/146779/ibikorwaremezo-ubuhanziibyitezwe-mu-kiganiro-meya-samuel-azatanga-muri-gen-z-comedy-146779.html

  • Haruna, Muhadjiri, Djihad, Jacques Tuyisenge bamukuriye mu biganza – Umutoza Vigoureux yitabye Imana #rwanda #RwOT

    Umutoza Mungo Jitiada, wamenyekanye cyane nka ‘Vigoureux’ mu mupira w’amaguru yitabye Imana azize uburwayi.

    Uyu mutoza wari uzwiho kuzamura abakiri bato mu mupira w’amaguru by’umwihariko mu gace ka Rubavu, inkuru y’urupfu rwe yamenyekanye mu gitondo cyo kuri uyu wa Kane tariki ya 12 Nzeri 2024.

    Uyu mutoza wazamuye abakinnyi benshi bageze ku gasongero k’umupira w’amaguru mu Rwanda, yari amaze igihe arembeye mu bitaro bya Gisenyi.

    Bwa mbere bimenyekana ko arwaye hari muri Mata 2023 ubwo yari arwaye imitsi, kubura amaraso ndetse na hépatite C kugeza ubwo kuva mu nzu byabaye ikibazo gikomeye.

    Ubu burwayi kandi bugenda buhindagurika kuko rimwe na rimwe akaguru kamwe kagira 'paralysie’, ikindi gihe kakabyimba.

    Ibiganza bye byanyuzwemo n’abakinnyi benshi nka Niyonzima Haruna udafite ikipe ubu, Tuyisenge Jacques na we nta kipe afite, Bizimana Djihad wa Kryvbas muri Ukraine, Hakizimana Muhadjiri wa Police FC, Nizeyimana Mirafa [wakiniye amakipe arimo Police FC na Zanaco FC], Imanizabayo Florence wakiniye Rayon Sports y’Abagore n’abandi benshi biganjemo abakomoka i Rubavu.

    Vigoureux wazamuye benshi yitabye Imana

    Source : http://isimbi.rw/siporo/article/haruna-muhadjiri-djihad-jacques-tuyisenge-bamukuriye-mu-biganza-umutoza-vigoureux-yitabye-imana

  • Nyabye Dacosta se we kandi muri CANADA byagenze bite? #rwanda #RwOT

    Nyabye Dacosta se we kandi muri CANADA byagenze bite?

    Umunyarwanda Nyabyenda Donat uzwi cyane ku izina ry'ubuhanzi Nyabyenda Dacosta akaba Umubyinnyi w'umuhanga, umuvuzi w'ingoma, Umucuranzi. w'imbyino gakondo nyuma yigihe kinini atagaragara yongeye kubura umutwe ati reka abanyarwanda nongere mbasusurutse mu ndirimbo gakondo nsigasira n'umuco gakondo wabanyarwanda kugeza n'imahanga.

    Bityo rero ku makuru atugeraho avuga ko uyu muhanzi agiye gutangira gahunda zose yarasanzwe akora mu RWANDA kugira ngo n'abanyarwanda baba CANADA ajye abataramira anabakumbuza u RWANDA.
    NYABYENDA ni nawe kandi waririmbye indirimbo yise ikigote.

    The post Nyabye Dacosta se we kandi muri CANADA byagenze bite? appeared first on KASUKUMEDIA.COM.

    Source : https://kasukumedia.com/nyabye-dacosta-se-we-kandi-muri-canada-byagenze-bite/

  • Umunyamakuru Fuadi Uwihanganye avuga ku itandukaniro rya Karekezi Olivier na Jimmy Gatete nkabakinnyi. #rwanda #RwOT

    Umunyamakuru Fuadi Uwihanganye avuga ku itandukaniro rya Karekezi Olivier na Jimmy Gatete nkabakinnyi.⚽🧠

    'Jimmy Gatete yatsinze ibitego biri special, ibitego bikenewe cyane, Ariko tugiye kureba skills Olivier Karekezi yari Danger Man. Ikindi kandi turebye uwatsinze ibitego byinshi mu ikipe y'igihugu Karekezi Olivier arusha Jimmy Gatete. Ikintu Gatete arusha Karekezi nuko yatsinze ibitego bifite amateka ku mupira wacu. Ikindi akaba yari Superstar kubera ibyo bitego yagiye atsinda Ariko kuri Talent na skills Olivier Karekezi yari amurenze, yari Danger'.

    Karekezi Olivie

    Ese wowe uremeranya na Fuadi.?? Niba warabonye aba bagabo bombi bakina Umupira mu byukuri ninde warushaga undi talent..!? 🇷🇼⚽

    The post Umunyamakuru Fuadi Uwihanganye avuga ku itandukaniro rya Karekezi Olivier na Jimmy Gatete nkabakinnyi. appeared first on KASUKUMEDIA.COM.

    Source : https://kasukumedia.com/umunyamakuru-fuadi-uwihanganye-avuga-ku-itandukaniro-rya-karekezi-olivier-na-jimmy-gatete-nkabakinnyi/

  • Patriots BBC yatsinze APR BBC mu mukino wa mbere wa Kamarampaka wa Bet Pawa Playoffs 2024 #rwanda #RwOT

    Kuri uyu wa Gatatu tariki nibwo hatangiye uruhererekane rw'imikino irindwi ya nyuma ya kamarampaka muri Basketball izwi nka Bet Pawa PlayOffs hagati ya APR BBC na Patriots BBC.

    Ni umukino wa mbere wakinwe muri irindwi iba iteganyijwe kugirango hamenyekane izegukana iri rushanwa rizatanga ikipe izahagararira igihugu mu mikino ya Basketball Africa League 2025.

    APR BBC yaje muri uyu mukino ihabwa amahirwe yo kwitwara neza, gusa ntabwo ariko byagenze kuko mu duce tubiri twose tubanza tw'umukino.

    Ni uduce twaranzwe no kwiharirwa nikipe ya Patriots BBC, agace kambere karangiye itsinze amanota 21-15, mu gihe agace ka kabiri arinako kasoje igice cya mbere itsinze amanota 31-13.

    Mu gice cya kabiri cy'uyu mukino APR BBC yaje iri hejuru kuko agace gatatu yatsinzemo amanota 22 kuri 16, naho agace ka nyuma gasoza umukino karangiye APR BBC ikayoboye ku manota 21-15 ariko ntibyaha iyi kipe gutsinda umukino wa mbere.

    Ni umukino warangiye Patriots Basketball Club itsinze amanota 83-71 ya APR BBC, biteganyijwe ko umukino wa kabiri ni kuri uyu wa 13 Nzeri 2024 uzabera muri BK ARENA.

    The post Patriots BBC yatsinze APR BBC mu mukino wa mbere wa Kamarampaka wa Bet Pawa Playoffs 2024 appeared first on RUSHYASHYA.

    Source : https://rushyashya.net/patriots-bbc-yatsinze-apr-bbc-mu-mukino-wa-mbere-wa-kamarampaka-wa-bet-pawa-playoffs-2024/?utm_source=rss&utm_medium=rss&utm_campaign=patriots-bbc-yatsinze-apr-bbc-mu-mukino-wa-mbere-wa-kamarampaka-wa-bet-pawa-playoffs-2024

  • APR yatangiye nabi imikino ya nyuma ya kamarampaka #rwanda #RwOT

    APR BBC yatangiye nabi imikino ya nyuma ya kamarampaka itsindwa na Patriots BBC amanota 83-71.

    Ejo hashize ku wa Gatatu ni bwo imikino ya nyuma ya kamarampaka muri Basketball yatangiraga aho amakipe yageze ku mukino wa nyuma ari APR BBC yasezereye REG BBC na Patriots BBC yasezereye Keepler.

    Aya makipe akaba agomba gutanguranwa gutsinda imikino 4 muri 7, izayitsinda ni yo izegukana igikombe.

    Umukino wa mbere ukaba waraye wegukanywe na Patriots aho yatsinze amanota 83-71.

    Iyi ikaba yasoje akazi ka yo mu duce tubiri twa mbere aho abarimo Perry, Gaston bayifashije gushyiramo ikinyuranyo kinini (21-15, 31-13), amakipe yagiye kuruhuka ari 52-28.

    Uyu mukino waberaga muri Kigali Arena, APR BBC yagarutse mu gice cya kabiri isa n’aho ari nshya maze abarimo Muller, Nshobozwa bayifasha gutsinda uduce tubiri twa nyuma ariko ikinyuranyo nticyavamo (16-22, 15-21), umukino warangiye Patriots BBC iri imbere na 83-71.

    APR BBC ntiyahiriwe n’umukino wa mbere wa kamarampaka

    Source : http://isimbi.rw/siporo/article/apr-yatangiye-nabi-imikino-ya-nyuma-ya-kamarampaka

  • Robertinho yanyuzwe na rutahizamu we #rwanda #RwOT

    Umutoza wa Rayon Sports yavuze ko anyuzwe n’urwego rw’abakinnyi be barimo na rutahizamu Fall Ngagne utariyereka abakunzi b’iyi kipe neza.

    Uyu mukinnyi ukomoka muri Senegal nyuma yo kugera mu Rwanda akaba yaragize ikibazo cy’imvune ariko akaba yarakize neza ndetse yatangiye imyitozo n’abandi kimwe n’Umurundi Richard Ndayishimiye na we wari umaze igihe arwaye igifu yatangiye imyitozo.

    Nyuma y’umukino wa gicuti Rayon Sports yaraye itsinzemo Esperence, Robertinho yavuze ko yanyuzwe n’urwego abakinnyi be bariho barimo Fall Ngagne ko ari umukinnyi mwiza igihe ari cyo kizabyerekana.

    Ati “Ni umukinnyi mwiza, ufite impano ariko umupira w’amaguru ni igihe, reka turebe icyo igihe kizerekana.”

    Yakomeje avuga ko ubu intego ari ukubaka ikipe ikomeye ibindi by’amagambo avugwa atabyitayeho.

    Ati “Tugomga kubaka ikipe ikomeye ni ko kuri, njye ntibindeba abavuga vuga, njye ngomba gukora akazi kanjye, intego yanjye ni ukubaka ikipe ikomeye yahangana n’uwo ari we wese.”

    Rayon Sports izagaruka mu kibuga ikina umunsi wa 4 wa shampiyona tariki ya 21 Nzeri 2024 na Gasogi United, ni mu gihe imikino 2 ya mbere ya shampiyona itagenze neza aho yanganyije n’Amagaju na Marines FC.

    Fall Ngagne arimo kugenda yemeza umutoza

    Source : http://isimbi.rw/siporo/article/robertinho-yanyuzwe-na-rutahizamu-we

  • Gusana umuhanda Muhanga – Karongi birarimbanyije – #rwanda #RwOT

    Umuhanda Muhanga-Karongi ufite ibilometero 128. Umaze igihe kuko igice cya mbere cyawo cyuzuye mu 2000, ikindi cyuzura mu 2002 icyakora ukaba warangiritse cyane aho wuzuyemo ibinogo byinshi.

    Uyu muhanda Perezida Paul Kagame yawemereye abaturage ku wa 30 Nyakanga 2024, ubwo yari yakomereje ibikorwa byo kwiyamamaza ku mwanya w'Umukuru w'Igihugu, kuri Site ya Mbonwa mu Murenge wa Rubengera mu Karere ka Karongi.

    Icyo gihe Perezida Kagame yagize ati 'Hanyuma hari umuhanda uva hano muri ibi bice, ugenda ukagera za Muhanga mu mujyi. Ntabwo nishimye cyane kuko ikibazo gihari cyari gikwiye kuba cyarakemutse kera ariko ndabasezeranya ko kigiye gukemuka byanze bikunze.'

    Umuyobozi w'Akarere ka Ngororero, Nkusi Christophe yabwiye IGIHE ko igice cy'umuhanda Muhanga- Ngororero cyo mu karere ayoboye kigizwe n'ibilometero 16, aho kiva ahitwa Rambura kugera ku Kiraro cya Nyabarongo gitandukanya Ngororero na Muhanga, kigeze kure cyubakwa.

    Ati 'Imirimo yo kubaka igice cyo mu Karere ka Ngororero igeze ku kigero kiri hejuru ya 65%. Tugendeye ku muvuduko biriho twavuga ko bitazarenza amezi abiri igice gisigaye kitararangira.'

    Yavuze ko igice kindi gikurikiyeho muri uwo muhanda ari icya Nyange-Muhanga na cyo biteganyijwe ko kizatangira kubakwa mu minsi iri imbere.

    Umuhanda Muhanga-Karongi ufatiye runini ubukungu bw'igihugu kuko woroshya ubuhahirane hagati y'ibice by'Iburengerazuba, Amajyepfo n'Umujyi wa Kigali kandi ukanyuramo ba mukerarugendo batandukanye bava cyangwa bajya mu turere nka Rutsiro, Karongi na Nyamasheke.

    Uretse uwo muhanda uhuza uturere, mu Karere ka Ngororero hari kubakwa indi mihanda y'igitaka ingana n'ibilometero 29,6.

    Irimo uwa Gatumba-Bwira-Gashyushya ungana n'ibilometero 17 uzatwara arenga miliyoni 1,8 Frw n'uwa Gatega-Muramba-Rubagabaga ungana n'ibilometero 12,6 ukazatwara miliyari 1,7 Frw.

    Igice cy’Umuhanda Muhanga-Karongi cyo mu Karere ka Ngororero kiva ahitwa Rambura kikagera ku Kiraro kiri ku Mugezi wa Nyabarongo gitandukanya uturere twa Muhanga na Ngororero

    Source : http://igihe.com/amakuru/u-rwanda/article/gusana-umuhanda-muhanga-karongi-perezida-yemereye-abaturage-birarimbanyije