Blog

Perezida Paul Kagame  yirukanye mu gisirikare Jenerali Majoro Martin Nzaramba na Col Dr Etienne Uwimana hamwe n'abandi ba ofisiye bakuru n'abato 19, ku mpamvu zitatangajwe.

Itangazo rigufi ry'igisirikare cy'u Rwanda rivuga ko Kagame yanemeje gusesa amasezerano y'abandi basirikare 195 b'ayandi mapeti mu gisirikare cy'u Rwanda,RDF.

Umwaka ushize Maj Gen Nzaramba yasohotse ku rutonde rw'abasirikare bakuru, barimo na Gen James Kabarebe, bashyizwe mu kiruhuko cy'izabukuru.

Gusa Sitati yihariye y'ingabo z'u Rwanda ivuga ko abasirikare barangije umurimo 'bashyirwa mu Nkeragutabara [umutwe wa gisirikare] mu gihe cy'imyaka itanu (5), ishobora kongerwa rimwe'.

Iki cyemezo cya Perezida Kagame yagifashe nyuma y'uko kuwa kane agiranye inama n'abajenerali ba RDF n'abandi basirikare bakuru ngo 'baganire ku mahoro y'u Rwanda n'ibindi byihutirwa ku mutekano'

Umwaka ushize, Kagame yirukanye abasirikare barenga 200 barimo Jenerali Majoro Aloys Muganga na Brigadiye Jenerali Francis Mutiganda n'abandi 14 bo ku rwego rwo hejuru.

Ni mu mikino ibanziriza amatsinda ya UEFA Conference League 2024/25 yakinwe ku mugoroba wo kuwa Kane.

Saa kumi n ebyiri ikipe ya Zira FK ikina shampiyona y’icyikiro cya mbere muri Azerbaijani ikanakinamo Mutsinzi Ange yari yakiriye Omania yo muri Cyprus kuri Dalga Arena Baku.

Uyu mukino warangiye Zira FK yari mu rugo itsinze igitego 1-0 cyabonetse ku munota wa 79 gitsinzwe na Raphael Utzig, gusa birangira n’ubundi isezerewe ku kinyuranyo cy’ibitego 6-1 dore ko mu mukino ubanza Omania yari yayitsinze ibitego 6-0.

Muri uyu mukino myugariro w’Amavubi, Mutsinzi Ange Jimmy yari mu bakinnyi 11 Zira FK yabanje mu kibuga ndetse yarangije n’umukino adasimbujwe.

Ku rundi ruhande Saa tatu z’ijoro ikipe ya FC Kryvbas Kryvyi Rih ikina shampiyona y’icyikiro cya mbere muri Ukraine ikaba inakinamo Bizimana Djihad yari yakiriwe na Real Betis yo muri Espagne kuri Estadio Benito Villamarin mu mukino wo kwishyura.

Uyu mukino warangiye Real Betis itsinze ibitego 3-0 bya Ruibal ku munota wa 40, Ezzalzouli ku munota wa 40 n’uwa 43. Ubwo FC Kryvbas Kryvyi Rih yahise isezererwa ku kinyuranyo cy’ibitego 5-0 nyuma yuko umukino ubanza wo wari warangiye itsinzwe ibitego 2-0.

Kuri uyu mukino Kapiteni w’ikipe y’igihugu y’u Rwanda, Amavubi, Bizimana Djihad yabanje mu kibuga kandi ntabwo yigeze asimbuzwa.

Aba bakinnyi 2 basezerewe mu mikino ya UEFA Conference League mbere yuko basanga bagenzi babo bo mu ikipe y’Igihugu “Amavubi” aho bazakina na Libya taliki ya 4 Nzeri i Tripoli ndetse bakazakina na Nigeria taliki ya 10 Nzeri 2024 kuri Stade Amahoro mu gushaka itike y’igikombe cy’Afurika cya 2025.

Mutsinzi Ange n’abakinnyi bagenzi be bishimira igitego batsinze nubwo kitagize icyo kibafasha

Bizimana Djihad n’ikipe ye ntabwo bahiriwe muri UEFA Conference League 

Ni ibikubuye mu itangazo ryashyizwe hanze n’igisirikare cy’u Rwanda (RDF) mu ijoro cyo kuri uyu wa Gatanu taliki ya 30 Kanama 2024.

RDF ivuga ko Nyakubahwa Perezida wa Repubulika y’u Rwanda akaba n’Umugaba w'Ikirenga w'Ingabo z’u Rwanda, yirukanye muri RDF, Maj. Gen Martin Nzaramba, Col Dr Etienne Uwimana ndetse n'abandi ba Ofisiye bakuru n'abato 19.

Iri tangazo rikomeza rivuga ko kandi Perezida Kagame yategetse iyirukanwa ndetse n'iseswa ry'amasezerano y'abandi basirikare bato 195.

Maj Gen (Rtd) Nzaramba wirukanywe mu ngabo z'u Rwanda, yakoze inshingano zitandukanye zirimo no kuba yarayoboye Ikigo cy'Ishuri rya Gisikare cya Nasho ndetse akaba ari no mu ba Ofisiye barimo n'abo ku rwego rwa ba Jenerali, Umukuru w'Igihugu yari yohereje mu kiruhuko cy'izabukuru.

Maj Gen (Rtd) yavukiye i Mpigi muri Uganda mu 1967, aho umuryango we wari warahungiye. Ni umwe mu basirikare bagize uruhare mu rugamba rwo kubohora igihugu no guhagarika Jenoside yakorewe yakorewe Abatutsi mu 1994.

Col Dr Etienne Uwimana na we wirukanywe, aherutse kugirwa Umuyobozi w'Ishami rishinzwe serivisi zo gucisha abantu mu cyuma mu Bitaro bya Gisirikare i Kanombe.

Ibi bibaye nyuma y’uko kuwa Kane Perezida Paul Kagame akaba n'Umugaba w'Ikirenga w'Ingabo z'u Rwanda, yahuye n'abasirikare bakuru mu Ngabo z'u Rwanda aho baganiriye ku mahoro n'umutekano by'Igihugu.

Gen Maj Martin Nzaramba ni umwe mu birukanywe mu Gisirikare cy’u Rwanda

Nyarwaya Innocent wamamaye nka Yago Pon Dat yasabye Uganda kumwakira ko ahahungiye agatsiko k’abashaka kumwica.

Yahishuye ko atagiye ku bushake bwe ahubwo ahunze abashatse kumugirira nabi mu myaka ine ishize ndetse ko yagerageje gutabaza inshuro nyinshi ariko ntihagira umuntu umwumva.

Ni nyuma y’iminsi aterana amagambo n’abantu batandukanye ku mbuga nkoranyambaga hari abo ashinja gushaka kumugirira nabi.

Mu butumwa yanyujije ku mbuga nkoranyambaga ze yagize ati 'Rwanda nkunda nkuhunze ntakwanga ahubwo mpunze agatsiko k’abashatse kunyica mu myaka ine ishize, nkataka ariko ntawanyumvise n’umwe.'

Yongeyeho ati 'Umutima wanjye urababaye cyane ariko Rwanda numpamagara nzitaba, kuko data yaragukoreye, mama arakubyarira. Uganda munyakire ndabasabye!'

Uyu musore watangiye kumenyekana ari umunyamakuru wa Radio TV10, mu minsi ishize yatangaje ko kuva yajya mu muziki mu mpera ya 2022 yatangiye kugira abanzi benshi batamwifuriza ibyiza, ahubwo bahoraga bashaka kumuharabika.

Nubwo avuga ko agiye kuba muri Uganda, hari amakuru avuga ko iyi yaba ari inzira yatangiye imugeza mu bihugu birimo Canada na Leta Zunze Ubumwe za Amerika dore ko nawe ubwe yagiye abikomozaho mu biganiro yagiye akora yaba kuri Youtube na Instagram.

Yago yavuze ko ahungiye muri Uganda

Myugariro wa Birmingham Legion FC muri Leta Zunze Ubumwe za Amerika, Phanuel Kavita ntiyitabiriye ubutumire bw’ikipe y’igihugu Amavubi kubera ko umugore we yenda kubyara impanga.

Uyu mukinnyi w’imyaka 31 ukina mu mutima w’ubwugarizi yari yahamagawe bwa mbere mu ikipe y’igihugu Amavubi gusa ntiyabasha kuboneka.

Byahuriranye n’uko tariki ya 4 Nzeri 2024 umunsi u Rwanda rufiteho umukino wa mbere na Libya mu gushaka itike y’igikombe cy’Afurika cya 2025 ari bwo umugore we azabyara impanga.

“Hari undi mukinnyi mushya wari wahamagawe, yarampamagaye ambwira ko umugore we yenda kubyara impanga kandi akazabyara igihe tuzakinira umukino wa mbere, akaba ari mu bihe bigoye atazi icyo gukora, namubwiye ko nta kibazo ariko abaye ataje ku mukino wa mbere kuza ku mukino wa kabiri bigoye ibyiza yaguma mu rugo akita ku mugore akazaza ubutaha.” Umutoza w’ikipe y’igihugu Amavubi Frank Spittler agaruka ku izina rishya (Phanuel Kavita) ryari ryahamagawe ariko ntiriboneke.

Kavita usanzwe ari kapiteni wa Birmingham Legion FC ukomoka k’umubyeyi umwe w’umunyarwanda (nyina), amakuru ISIMBI yamenye ni uko nyuma yo kubona Jojea ahamgawe mu Mavubi kandi bakina mu cyiciro kimwe, cya kabiri muri Amerika, yahise amubaza uko byagenda ngo nawe akinire Amavubi.

Jojea yahise atanga ubu butumwa ko abona hari icyo yafasha mu ikipe y’igihugu kuko we yifuza gukinira igihugu nyina avukamo.

Ejo u Rwanda ruzahaguruka mu Rwanda rwerekeza muri Libya aho ruzakina n’iki gihugu tariki ya 4 Nzeri mu mukino wa mbere w’itsinda D mu gushaka itike y’igikombe cy’Afurika cya 2025 kizabera muri Maroc. Tariki ya 10 Nzeri azakira Nigeria i Kigali kuri Stade Amahoro.

Gen Maj Martin Nzaramba yavutse mu 1967 mu gace ka Mpigi muri Uganda, aho umuryango we wari warahungiye, yigeze kuba Umuyobozi w'Ikigo cy'Ishuri rya Gisikare cya Nasho.

Col Dr Etienne Uwimana we yari asanzwe ari Umuganga ndetse yamaze igihe kinini avura mu Bitaro bya Gisirikare bya Kanombe. Mu 2020 yari yagizwe Umuyobozi w'Ishami rishinzwe serivisi zo gucisha abantu mu cyuma mu Bitaro bya Gisirikare i Kanombe

Itangazo ryashyizwe hanze n'Igisirikare cy'u Rwanda mu rukerera rwo kuri uyu wa Gatanu, rivuga ko Umugaba w'Ikirenga w'Ingabo z'u Rwanda yatanze kandi uburenganzira bwo kwirukana no gusesa amasezerano y'abandi basirikare 195 bafite amapeti atandukanye.

Ntabwo higeze hatangazwa impamvu aba basirikare bakuru birukanywe, gusa amategeko ya RDF agena ko umuntu wese ukora ibikorwa bitesha agaciro umwuga wa gisirikare birimo ubusinzi bukabije cyangwa se ibitesha agaciro umwuga wa gisirikare ariko byatuma akurikiranwa mu nkiko za gisirikare nko gukoresha ibiyobyabwenge, ubujura n'ibindi; yirukanwa.

Mu mpamvu zituma umusirikare yirukanwa mu gisirikare harimo amakosa akomeye ajyanye no kuba atarubahirije indangagaciro za gisirikare.

Harimo nko kutarangwa n'indangagaciro ziranga Ingabo z'u Rwanda zirimo kuba umuntu agomba kubaha inzego za gisirikare. Umusirikare wagaragayeho ruswa cyangwa amacakubiri, amatiku, kurema uduce n'ibindi nawe aba ashobora kwirukanwa.

Gusesa amasezerano mu gisirikare bibaho iyo umukoresha abonye ko nta mpamvu yakomeza kuyubahiriza cyane cyane biturutse ku myitwarire idahwitse.

Gen Maj Martin Nzaramba mu basirikare bakuru birukanywe

Ibi yabitangaje nyuma y'uko we n'abandi ba ryiyemezamirimo b'abagore 53 basozaga gahunda y'imyaka ibiri bateguriwe n'Ikigo Mpuzamahanga cyo mu Busuwisi giharanira iterambere ry'igihugu biciye muri ba rwiyemezamirimo, BPN Ishami ry'u Rwanda, gifatanyije n'Umuryango ufasha abagore kwigira mu rwego rw'imari, Rugori Investment Network ndetse na Mastercard Foundation.

Ni ubufatanye bwatangijwe nyuma yo kubona ko ba rwiyemezamirimo batabona amafaranga bakeneye yo kwifashisha mu mishinga yabo ariko bigaterwa no kuba batiteguye bihagije ku buryo bakorana n'ibigo by'imari kugira ngo bibashyigikire. 

Aba ba rwiyemezamirimo bahuguwe ndetse bahabwa ubujyanama ni abo mu nzego zinyuranye kuko harimo abafite imishinga ijyanye no gutunganya imyambaro, ubuhinzi, gutunganya ibiribwa, ubukerarugendo no kwakira abashyitsi, ubutetsi n'ibindi byinshi.

Bongerewe ubumenyi mu bice bitandukanye birimo nko kumenya gutunganya no gukurikirana neza ibitabo by'imari, kugenzura abakozi n'ibikorwa by'ubucuruzi, imiyoborere, iyamamazabikorwa n'ibindi. Buri wese yagiye ahugurwa haherewe ku rugero yari agezeho. 

Tariki ya 23 Kanama 2024, nibwo iyi gahunda yasojwe ku mugaragaro mu birori byabereye kuri Kigali Convention Center. 

Judith yagize ati 'Iyi gahunda yanyigishije kwiha agaciro nka njye rwiyemezamirimo, inyigisha ko nanjye ngomba kwihemba. kera sinari nzi ko wihemba, wakoraga mu yo wacuruje, ariko ubu ndihemba mfite umushahara, twamenye gutandukanya ubuzima busanzwe, umuryango n'akazi.' 

Uwase Mireille, ufite sosiyete ikora ibijyanye no gutunganya amafunguro, Divine Catering, yavuze ko 'Mbere naracuruzaga nkabona ntacyo nkuramo, nashakaga ko ubushabitsi bwanjye bukura ariko ntazi ngo ndanyura mu zihe nzira. Ikintu cya mbere cyiza bankoreye ni ukunyigisha kumenya kubika amakuru ajyanye n'imikoreshereze y'imari mu mushinga wanjye.' 

Umuyobozi Mukuru wa BPN mu Rwanda, Nkulikiyinka Alice, yavuze ko hagikenewe imbaraga nyinshi mu gukomeza kubakira ubushobozi ba rwiyemezamirimo yaba abagore cyangwa abagabo kugira ngo bagere ku rwego rwo kubona imari bifuza mu kwagura ubucuruzi bwabo.

Ati 'Byatugaragarije ko ari ibintu bikenewe cyane kandi ntibibe mu bagore gusa ahubwo binagere no ku bagabo kuko tubona ko hakiri icyuho ku kwihaza ku mari mu bucuruzi hano mu Rwanda.'

Ubwo hasozwaga iki cyiciro, hari hatumiwe n'ibigo bitanga serivisi z'imari kugira ngo bumve imishinga y'aba bagore bahawe ubujyanama ndetse binamurike serivisi zihari zibagenewe dore ko ubu bose bamaze kugira ubushobozi bwo gukoresha serivisi za banki n'ibindi bigo by'imari.

Umuyobozi Nshingwabikorwa wa Rugori Investment Network, Kareba  Diana, yagaragaje ko aba bagore bose bamaze kubona ishusho ngari y'uko ubucuruzi bukorwa kinyamwuga binyuze muri aya mahugurwa. 

Ati 'Barushijeho kumenya no gusobanukirwa agaciro k'ubucuruzi bwabo. Icyo nababwira n'uko ushyizemo ingufu nyinshi ibintu byose wabigeraho.'

Mu Rwanda, abagore bihariye 42% by'abantu bafite ubucuruzi bwabo bwite, uyu mubare ukaba uri ku rugero rwo hejuru ku rwego mpuzamahanga.

Umuyobozi Mukuru wa BPN mu Rwanda, Nkulikiyinka Alice, yavuze ko hagikenewe imbaraga nyinshi mu gukomeza kubakira ubushobozi ba rwiyemezamirimo yaba abagore cyangwa abagabo

Umuyobozi Nshingwabikorwa wa Rugori Investment Network, Kareba Diana, yagaragaje ko aba bagore bose bamaze kubona ishusho ngari y'uko ubucuruzi bukorwa kinyamwuga binyuze muri aya mahugurwa

Ibyishimo byari byose ku bitabiriye aya mahugurwa

Buri wese yahawe iminota 10 yo kugaragaza imiterere y’ubucuruzi bwe

Iyi gahunda yasojwe ku itariki ya 23 Kanama 2024

Ba rwiyemezamirimo 54 bamaze imyaka ibiri bubakirwa ubushobozi

Ikigo Mpuzamahanga cyo mu Busuwisi giharanira iterambere ry'igihugu biciye muri ba rwiyemezamirimo, BPN Ishami ry'u Rwanda, gifatanyije n'Umuryango ufasha abagore kwigira mu rwego rw'imari, Rugori Investment Network ndetse na Mastercard Foundation bashimiwe umuhate wabo

Abafite ibibazo bagize umwanya wo kubisubiza