Blog

Yageze muri uriya mujyi mu ijoro ryo kuri uyu wa Gatatu rishyira kuri uyu wa Kane tariki 19 Nzeri 2024. Wabaye umunsi udasanzwe kuri we kuko byahuriranye n'umunsi yizihiza isabukuru y'amavuko, ndetse yasohoye ifoto afashe indabo yahawe asaba abantu kumushyigikira. Ati 'Isabukuru nziza kuri njye.'

Akigera i Dubai, Young Grace yakiriwe n'ababarizwa muri Sosiyete ya 'Agakoni' yamutumiye muri iki gihugu.

Ni ubwa mbere, Young Grace agiye gutaramira i Dubai nyuma y'imyaka irenga 10 ari mu muziki, azaba abisikanye n’umuraperi P-Fla. Ndetse, mu bihe bitandukanye yakoze indirimbo zafashije benshi kwiyumvamo Hip Hop, kandi ibihangano bye byatinyuye benshi mu bakobwa kwinjira mu muziki.

Ni umwe mu bakobwa bacye bahatanye muri Primus Guma Guma Super Stars. Kandi, yagaragaje ko umuhanzi wo mu Ntara ashobora gukora umuziki nyiramubande zikumvikana mu Mujyi wa Kigali.

Uyu mugore wakuriye ku Gisenyi mu Karere ka Rubavu, mu myaka 10 ishize yashyize imbaraga mu muziki, bituma ibihangano bye byumvikana i Kigali. Bitandukanye n'imyumvire yari iriho, y'uko umuhanzi wese agomba kuba ava i Kigali.

Azataramira abakunzi be, ku wa Gatandatu tariki 21 Nzeri 2024, ndetse ageze kure imyiteguro ari nako ashaka ibyangombwa bizamufasha kujyayo. Azahurira ku rubyiniro na Ice The Rapper, Skipado Di Satta ndetse na Hiriri Koco.

Young Grace aherutse kubwira InyaRwanda, ko yiteguye gutanga ibyishimo ku bakunzi be i Dubai, kandi azatanga umusogongero wa Album ye ya Gatatu muri iki gitaramo mu rwego rwo kuyiteguza, kuko ateganya ko izasohoka muri uyu mwaka.

Ati 'Niteguye neza rwose ntakibazo, ndavuga ko ngeze kure ikorwa ry'iyi Album ya Gatatu, kandi abakunzi banjye ba Dubai nzabasogongezaho.'

Batman wateguye iki gitaramo, yavuze ko yahisemo Young Grace ‘kubera ko abakunzi ba Hip Hop hano i Dubai barabinsabye’ kandi ‘afite abakunzi benshi be hano’. Ati “Ndatekereza bazaryoherwa kurushaho. Bakunze gutaramirwa n’abagabo, ariko ubu noneho hajemo n’igitsinagore, urumva ko bizagenda neza.”

Uyu muraperi yari amaze igihe atumvikana mu muziki, ahanini bitewe n'ibikorwa yashoyemo imari birimo ubuhunzi n'ibindi byamwinjiriye agatubutse.

Album ye amaze igihe ayitunganya, ndetse aherutse kubwira InyaRwanda ko yifashishije aba Producer bakoranye mu bihe bitandukanye cyane cyane abagezweho muri iki gihe mu rwego rwo kugerageza kujyanisha n'ibigezweho.

Yavuze ko iyi album ye izaba yihariye kandi izaba 'itandukanye kure na Album zabanje'. Yumvikanisha ko abazumva iyi Album bazayumva 'Young Grace wakuze mu bitekerezo no mu bikorwa'.

Grace wamamaye mu ndirimbo zirimo nka 'Ataha he', avuga ko ashaka gushyira hanze iyi album muri uyu mwaka. Ati 'Album ndacyari kuyikoraho, kandi izaba iriho indirimbo icumi (10), zakozwe na ba Producer batandukanye.'

Ni album avuga ko izaba iriho indirimbo zinyuranye zigaruka ku buzima busanzwe, urukundo, ibyivugo, kwitaka n'ibindi yizera ko bizanyura benshi. Yumvikanisha ko indirimbo eshanu mu zizaba zigize iyi album zamaze gutunganywa.

Atangaje ko agiye gushyira hanze ya Gatatu, nyuma ya Album ya kabiri yise '20à22ans' ikubiyemo amateka ku byo yanyuzemo hagati y'iriya myaka.

Album ye ya kabiri yayimurikiye mu Karere ka Rubavu mu 2017 ashyigikiwe n'abahanzi barimo Bull Dogg, Ama G The Black, Marina, Aime Bluestone, Lil G n'abandi.

Young Grace asobanura ko kuba yari amaze igihe atumvikana mu muziki ahanini byaturutse ku bikorwa by'ubuhinzi amaze igihe ashyizemo imbaraga, aho ahinga ibitunguru, ibirayi ndetse n'ibisheke. Ati 'Yego! Nabyo ndabikora ku ruhande (Afatanya ubuhinzi n'umuziki).'

Imyaka 13 irashize, Young Grace ari mu muziki, aho yagiye yigaragaza mu bihembo binyuranye birimo nka Salax Awards n'andi marushanwa akomeye.

Muri iki gihe, afite ikiganiro akora yise 'Single Mother Vibes' anyuza kuri shene ye Youtube, kivuga ku buzima bw'umubyeyi urera umwana wenyine.

Ubwo yatangizaga iki kiganiro, yavuze ko agamije gushishikariza aba 'Single Mother' kudatakaza ibyiringiro by'ubuzima, ahubwo bagaharanira kurera neza abana babo.

Young Grace yamaze kugera mu Mujyi wa Dubai aho ategerejwe mu gitaramo kuri uyu wa Gatandatu tariki 21 Nzeri 2024 

Young Grace yagaragaje ko yageze i Dubai ku munsi yizihirizaho isabukuru y'amavuko

Ni ubwa mbere, Young Grace azaba ataramiye mu Mujyi wa Dubai. Yatumiwe na sosiyete 'Agakoni' isanzwe itegura ibitaramo muri kiriya gihugu

KANDA HANO UREBE AMASHUSHO Y'INDIRIMBO 'DANGEROUS' YA YOUNG GRACE

Munyakazi Sadate yarahiye ko adashobora kongera gusubira mu buyobozi bwa Rayon Sports ariko yiteguye gushyigikira umuyobozi wese uzajyaho, ubufasha bwose yifuza abufitiye ubushobozi akaba azabumuha.

Ibi uyu mugabo yabitangarije ikinyamakuru ISIMBI mu gihe habura ukwezi kumwe gusa ngo amatora ya Komite Nyobozi ya Rayon Sports abe, ni nyuma y’uko uwari umuyobozi wa yo Cpt (Rtd) Uwayezu Jean Fidele.

Abajijwe niba aramutse asabwe kugaruka ku buyobozi cyangwa abakunzi ba Rayon Sports bakamwereka ko bamukeneye yiteguye kuba yakwemera kugaruka, yavuze ko bitashoboka bitewe n’izindi nshingano ariko azafasha uzatorwa wese.

Ati “ntabwo bishoboka ko nagaruka kuyobora Rayon Sports. Si uko nyanze ahubwo mfite ibintu byinshi bintwara umwanya ku buryo bitakunda, uwo ari we wese uzatorwa niteguye kumushyigikira.”

Munyakazi kandi yahakanye ko atigeze yanga kwitabira inama iheruka guhuza abahoze bayobora Rayon Sports biga uko bafasha iyi kipe mu mikino ibiri iri imbere ya Gasogi United na Rutsiro.

Ati “Iyo nama sinanze kuyitabira kuko nta muntu wampamagaye niba hari uwababwiye ko yantumiye si byo yarababeshye.”

Bivugwa ko Dr Rwagacondo ari we watumiye iyi nama, yaba yarahamagaye Sadate akamubwira ko ari buze kumusubiza, gusa yabiteye utwatsi.

Ati “Si byo, mperuka kuvugana na Dr Rwagacondo hashize nk’umwaka, yarimo antumira mu bukwe bw’umwana we kandi naranabutashye.”

Munyakazi Sadate yayoboye Rayon Sports kuva mu 2019-2020, yavuyeho kubera ikibazo cy’imiyoborere asimburwa na Murenzi Abdallah wayoboye inzibacyuho yarangiye mu Kwakira 2020 ari bwo hatorwaga Uwayezu Jean Fidele uheruka kwegura.

Yahakanye ko atazongera kuyobora Rayon Sports

Ngo iyi nama nta muntu wigeze amutumira

Nyuma yo kumva ko bamwe mu bahoze bayobora Rayon Sports bahuje imbaraga ngo bategure umukino wa Gasogi United, perezida w’iyi kipe Kakooza Nkuriza Charles [KNC] yavuze ko batamuteye ubwoba kuko bari barahunze.

Gasogi United izakira Rayon Sports mu mukino w’umunsi wa 4 wa shampiyona y’icyiciro cya mbere mu Rwanda umwaka w’imikino 2024-25.

Ni umukino perezida wa Gasogi United yagiye atangaza amagambo menshi aho yavuze ko azaba ari umwanya wo gucyura umugore wa yo Rayon Sports.

Ni amagambo atarakiriwe neza na bamwe mu bahoze bayobora Rayon Sports, bihurirana n’uko Uwayezu Jean Fidele yeguye maze bajya inama yo gufasha ikipe kwitegura uyu mukino aho bakusanyije miliyoni 15 zizabafasha ku mu mukino wa Gasogi United na Rutsiro FC.

Bamwe mu bakoze iyi nama barimo Muvunyi Paul, Gacinya Chance Denis, Dr Rwagacondo, Paul Ruhamyambuga, Me Muhirea Freddy, Gakwaya Olivier n’abandi

KNC nyuma yo kumva ko bagarutse yavuze ko byamushimishije ariko na none bitamuteye ubwoba kuko bari bamaze igihe barahunze.

Ati “Byanshimishije ko aba basaza bagarutse, ubundi bari baragiye he? Kuba bagarutse bari barahunze imyaka 4 batagaragara ku mukino uwo ari wo wose uyu munsi bakumva ngo igihangange kiyoboye shampiyona Gasogi United bakavuga ngo turaje, ntabwo nagira ubwoba bw’abo bagabo.”

Yavuze ko bashobora gusanga umupira warahindutse kuko ubu ntawatinyuka gucukura Stade Amahoro ngo arimo gutegura.

Ati “Ubundi umupira warahindutse amayeri bari bafite yarahindutse cyane cyane muri Stade Amahoro ayo mayeri hari igihe atakora na gato, iriya Stade irimo ikoranabuhanga, reba aho umuyobozi aba yicaye, uzasakuriza umusifuzi ko n’ijwi ritamugeraho, iriya Stade rero ubwayo hari byinshi yakemuye, hari uzayiraramo se ayicukura nka bimwe nabonye byo kwirirwa bakata amatapi ya Stade?”

Yabashimiye ko bakusanyije amafaranga yo gutera imbaraga abakinnyi kuko akunda gukina n’ikipe ifite ibyo iharanira.

KNC yavuze ko adatewe ubwoba n’abahoze bayobora Rayon Sports

Abahoze bayobora Rayon Sports bahuje umugambi wo gutsinda Gasogi United

Kuri uyu wa Gatatu tariki 18 Nzeri 2024, ni bwo iri tsinda rigizwe n'abaturutse mu Kigo cya Leta Gishinzwe Gutera Inkunga Imishinga y'Imihanda ndetse n'abo mu Kigo Gishinzwe Ubwikorezi n'Umutekano wo mu Muhanda byo muri Zambia, ryasuye Icyicaro cy'Urwego rw'Umuvunyi.

Urwego rw'Umuvunyi rwasobanuriye iri tsinda imikorere yarwo irimo gahunda zo kurwanya akarengane na ruswa ndetse na gahunda z'imenyekanishamutungo.

Umuyobozi Mukuru w'Ikigo gishinzwe gutera inkunga imishinga y'imihanda [National Road Fund Agency] muri Zambia, Charles Kandeke, yashimye imikorere y'Urwego rw'Umuvunyi avuga ko basanzwe bazi ko u Rwanda rwashyize imbere kurwanya akarengane na ruswa, ashima cyane uko yabonye igikorwa cy'imenyekanishamutungo gikorwa mu Gihugu.

Yagize ati 'Ubundi iwacu muri Zambia ntabwo dukora imenyekanishamutungo nk'uko nabonye hano bigenda. Iwacu imenyekanishamutungo rikorwa imbere mu kigo gusa ariko byanejeje cyane kubona hano n'abayobozi bakuru bamenyekanisha umutungo wabo n'inkomoko yawo.'

Yakomeje avuga ko 'Muri Zambia na ho biteganijwe ko mu mwaka utaha itegeko rizaba ryemejwe ku buryo igikorwa cy'imenyekanishamutungo kizajya gikorwa ku rwego rw'igihugu aho gukorwa ku rwego rw'ikigo gusa, murumva ko rero uru rugendoshuri ari ingirakamaro kuri twe.'

Kandeke yahamije ko ashima intambwe ikomeye u Rwanda rwateye mu kurwanya akarengane na ruswa ndetse n'ubushake bwa politike bugaragarira mu bikorwa byo gukomeza kuba kwisonga mu gukorera mu mucyo.

Umunyamabanga Uhoraho mu Urwego rw'Umuvunyi, Clarisse Munezero, yashimye iri tsinda kuba ryaratekereje gusura u Rwanda by'umwihariko rigasura Urwego rw'Umuvunyi, agaragaza ko ari ingenzi ko imikoranire nk'iyi yakomeza gushinga imizi.'

Yagize ati 'Turashima kuba mutekereza kugenderera u Rwanda mukamenya ibyo rukora mukamenya n'imikorere y'Urwego rw'Umuvunyi. Natwe nk'Urwego hari ibyo twigiye mu mikorere y'inzego zo mu gihugu cyanyu.'

'Nk'uko mwabibonye mu biganiro byatambutse dushyize imbere gukorera umuturage, ibyo rero ntibyagerwaho ahari akarengane cyangwa ruswa ni na yo mpamvu dufite intego ko mu mwaka wa 2050 u Rwanda ruzaba ruri ku mwanya wa mbere mu kurwanya ruswa.'

Ubushakashatsi bwo mu 2023 bugaragaza uko ibihugu bihagaze mu kurwanya ruswa [Corruption Perception Index 2023] bugaragaza ko u Rwanda ruri ku mwanya wa mbere mu bihugu byo mu karere k'Iburasirazuba bwa Afurika, rukaza ku mwanya wa kane muri Afurika yose no ku mwanya wa 40 mu bihugu byose bigize Isi.

Iri tsinda rigizwe n'abaturutse mu Kigo cya Leta Gishinzwe Gutera Inkunga Imishinga y'Imihanda ndetse n'abo mu Kigo Gishinzwe Ubwikorezi n'Umutekano wo mu Muhanda muri Zambia

Umuyobozi Mukuru w'Ikigo gishinzwe gutera inkunga imishinga y'imihanda [National Road Fund Agency] muri Zambia, Charles Kandeke, yashimye imikorere y'Urwego rw'Umuvunyi

Umunyamabanga Uhoraho mu Urwego rw'Umuvunyi, Clarisse Munezero, yashimye iri tsinda kuba ryaratekereje gusura u Rwanda

Intumwa za Zambia ziri kwigira ku Rwanda ibirimo no kurwanya ruswa

Ni bamwe mu batuye mu mudugudu wa Kireranyana bavuga ko rwiyemezamirimo witwa Mutuyimana Joseph acukura umucanga mu mirima yabo nta masezerano y'ubugure bagiranye.

Mukantabana Marie yagize ati “Uyu rwiyemezamirimo yaje kumbohoreza ubutaka akuramo imicanga kandi nta masezerano mfitanye na we, nta hantu muzi.'

Kamayirese Xaverine we yauvuze ko yabajije rwiyemezamirimo impamvu amucukurira mu murima nta masezerano bafitanye akamubwira ko yabuhawe n'ubuyobozi.

Ati 'Nkamubaza nti ese ubwo butaka wabuhawe nande? Hari amasezerano dufitanye kugira ngo ube wangira mu butaka? Ambwira ko ubwo butaka yabuhawe n'ubuyobozi.'

Mutuyimana Joseph uvugwaho kwigabiza ubutaka bw'abaturage yabwiye Flash FM ko ahantu hose acukura umucanga afite amasezerano y'ubugure.

Ati 'Nta muntu nigeze ntwarira umucanga, nta n'uwo nize nsaba uruhushya ngo arunyime kuko mfitanye amasezerano y'uko nabaguriye.'

Mutuyimana avuga ko aba baturage bageze no mu karere kagasanga amasezerano ahari, ibyo bavuga ari ibinyoma.

Umuyobozi w'Akarere ka Nyanza, Ntazinda Erasme yabwiye IGIHE ko uyu Rwiyemezamirimo yerekanye amasezerano y'ubugure n'abaturage barayemera.

Ati 'Icyangombwa hari aho twagitanze kuri uwo Mutuyimana [Joseph] kubera ko yari afite amasezerano yose.'

Meya Ntazinda yahamije ko amasezerano y'ubugure hagati y'abaturage na Mutuyimana ahari uretse ko hari abaturage bagurishije inshuro ebyiri n'abantu batandukanye. Rwiyemezamirimo wa kabiri we uvuga ko hari aho yaguze yasabwe kwishyuza abo baguze.

Ati 'Hari abayemera, hari n'abatayemera ariko bigaragara ko bayasinyanye kuko tujya kumuha icyangombwa twayagendeyeho kandi abaturage baranayemera. Gusa hari aho ataguze, twamusabye ko atahakoraho igihe cyose ataravugana na banyiraho.'

Uyu muyobozi asaba abaturage kwirinda kugirana amasezerano na ba rwiyemezamirimo bashya kandi ayo bagiranye n'aba mbere akiri gushyirwa mu bikorwa kuko bikurura amakimbirane.

Hari abaturage bavuga ko abacukura umucanga mu murima wabo nta masezerano bafitanye

Ibi yabigarutseho kuri uyu wa Gatatu tariki ya 18 Nzeri 2024 ubwo yari mu kiganiro n’itangazamakuru gitegura umukino bazakiramo Rayon Sports ku wa Gatandatu Saa Moya z’umugoroba muri Stade Amahoro.

KNC yavuze ko kuba abahoze bayobora Rayon Sports bahuye bakiyemeza kuyiba inyuma muri ibi bihe bitamuteye ubwoba dore ko na Kiyovu Sports igihe yari ikomeye itigeze ibatsinda.

Ati” Buriya mu buzima bwanjye ikintu cyitwa ubwoba ntabwo kijya kimbamo ngira ngo n'umutoza yabikubwira,nagira ubwoba bwiki?.

Twaba tutaratinye Kiyovu Sports ya ba Okwi bakiri abasore n'aba Abeddy,ba Pitchou bakiri abakinnyi, ikipe wabonaga ko ari ikipe y'Ingome mu buryo bwose bushoboka inafite n'ubushobozi butegura muri ubwo buryo bwose ariko ikajya iza tugahonda nk'agahinja none ngo dutinye Rayon Sports y'uyu munsi?. 

Mwese murabizi iyo Kiyovu Sports murayizi yakubise amakipe yose uvanyemo Gasogi United. Ibyo rero bavandimwe muribuka n'abantu bari bagiye kokesha inka bagiye batayiriye kubera intsinzi nziza ya Gasogu Ubited. 

Nemera ko ubu ngubu intsinzi ni nko kugura inyama ku ibagiro wakina nabi ariko ugatsinda hari igihe amanota ashimisha ariko twebwe no muri kamere yacu ntabwo dushaka no gukina umupira mubi, turashaka dukine umupira ku buryo buri muntu wese abibona”.

Yakomeje avuga ko byamushishije kuba abo basaza bayoboye Rayon Sports bagarutse ndetse ko n’amayeri bakoreshaga kera ubu yahindutse.

Ati” Byanshimishije kuba abo basaza bagarutse, ubundi bari baragiye hehe? .

Kuba bagarutse bari barahunze imyaka 4 ntababona batagaragara ku mukino uwo ariwo wose uyu munsi bakumva ngo igihangange Gasogi kiyoboye shampiyona kiraje bakavuga bati tuje nka komite reka tugaruke ibyo ndababwiza ukuri ntabwo nagira ubwoba bwabo b'agabo. 

Ibintu by'umupira byarahindutse wenda amayeri bari bafite ashobora no kudakora noneho nko muri Stade Amahoro.

Iriya Stade irimo ikoranabuhanga, reba nk'umuntu w'umuyobozi aho aba yicaye uzasakuriza umusifuzi se ko n'ijwi ritamugeraho?.

Iriya Stade rero ubwayo hari byinshi yakemuye. Hari uzayiraramo se ayicukura nka biriya abantu bari baramenyereye byo kwirirwa bakata amatapi ya Stade? Hari uzavuga ngo ndi Umujanja hari ibintu hasi?.

Ibyo ngibyo tugomba kubishyira ku ruhande ukwitegura kwiza ikintu nabakundiye nuko bemeye gushyiraho amafaranga bayita ayo guha imbaraga abakinnyi kuko njye nkunda gukina n'abnakinnyi bishimye”.

Perezida wa Gasogi United yavuze ko kumenya umupira atari ukuwica ndetse anaburira abazashaka gukoresha ibindi birimo amarozi kugira ngo intsinzi iboneke.

Ati” Ariko uwavuga ngo amayere ariko ubundi ayo mayere ni iyahe? Ariko birababje buriya kumenya umupira ntabwo ari ukuwica. Iyo umuntu yunva ko umupira awuzi neza araza mu buryo bwose bushoboka ,mu bifatika ikibuga kigasobanura ariko njyewe burya si buno, ndashaka nanagire n'Inama abantu uzatinyuka kwijandika mu bikorwa bibi.

Birababaje kubona umuntu w'umusaza yambaye amapingu twakabaye tumubona bamwambika ingofero yashyingiye ,ibyo nta mikino birimo inguni zose turazireba. 

Biriya bihaye sinzi abandikira umuntu kuri telephone ifite Whatsapp yo muri Kenya bagakora ibyo bakora ariko iyi nshuro nihadapfa nyir’urugo hazapfa igisambo.

Ibyo ndabibabwiye hatagira ubukinisha mumeny eko biriya biri mu bigize ibyaha byose nzabona umuntu ya mico yo kujya mu bakinnyi b'abandi mubashuka kuko baranabizi abakinnyi bacu bazi abo tumaze kwirukana kubera izo ngeso mbi zishukwa na bene abo ngabo biyita abajanja”?

KNC yavuze ko bariya bayoboye Rayon Sports baje kubera ineza dore ko iyi kipe ku wa Gatandatu yashoboraga no kutazagera kuri Stade 

Kakooza Nkuliza Charles yanavuze ko yatabarije Rayon Sports kenshi ndetse akaba yaragize uruhare mu kugura Muhire Kevin bityo Gasogi United ikaba imufiteho imigabane.

Ati” Ndi umwe mu bantu batabarije Rayon Sports mu gihe yari mu bintu bikomeye ,ndi umwe mu bantu bakanze akakanyeri bwa mbere ko kugura umwana w'ikipe ,Muhire Kevin rwose ibyo birazwi kuko nabonaga ibintu bitagenda . Rero Muhire Kevin wumve ko ikipe ya Gasogi United igufiteho imigabane”.

“>

Mu myaka ibiri ishize, ibi bitaramo byashyize ku isoko cyangwa se byagaragaje impano z'abarimo Muhinde, Umushumba, Kadudu, Dudu, Pilate n'abandi birahirwa mu buryo bukomeye.

Ariko kandi byatumye biba ihuriro ry'urubyiruko rushaka kuganira, abasirimu bashaka gusohoka, aho gufata icyo kunywa no kurya n'ibindi.

Ni ibitaramo bikunze kugaragaramo cyane amasura y'abantu bazwi nka Alex Muyoboke, Kabano Franco uzwi cyane mu ruganda rw'imideli n'andi mazina abanyarwenya bakunze kugarukaho cyane mu bihe bitandukanye bigatembagaza.

Muri ibi bitaramo hashyizwemo agace ka 'Meet me Tonight', aho batumira umuntu runaka ufite icyo yigejejeho agasangiza urubyiruko inzira yanyuzemo n'ibindi.

Ni agace kamaze kunyuramo abarimo Kanyombya wamamaye muri Cinema, Umuhangamideli The Trainer, Christian washinze umuryango Our Past n'abandi.

Kuri iyi nshuro, hatumiwe Umuyobozi w'Umujyi wa Kigali, Samuel Dusengiyumva. Azatanga ikiganiro kizagaruka ku bikorwaremezo mu Mujyi wa Kigali, guteza imbere urubyiruko n'ubuhanzi muri rusange, guhanga imirimo n'ibindi.

Niwe muyobozi wo ku rwego rwo hejuru uzaba atumiwe muri ibi bitaramo, kuva mu myaka ibiri ishize bitangiye kuba.

Inzira ntiyari iharuye

Mu kiganiro na InyaRwanda, Fally Merci yavuze ko imyaka ibiri ishize ategura ibi bitaramo yagiye ahura n'ibihombo ariko ntiyacitse intege. Ati 'Hari igihe ushora, ugasanga ushoye inshuro enye nta nyungu n'imwe urabona. Ibi bintu bisaba ubwitange no kubikunda kuruta ibindi byose.'

Akomeza ati 'Ushingiye ku kuntu Gen-z Comedy iteguye, biragoye ko yahagarara. Kuko, urareba ugasanga harimo urubyiruko baturutse imihanda yose, abana bavuye mu Ntara zitandukanye, ukareba ukavuga uti ntabwo byabashije gucamo, ariko ukabyitaho ku buryo ubutaha bizagenda neza. Gushikama, buriya birafasha.'

Fally Merci avuga ko mu myaka ibiri ishize yahuye na byinshi byari kumuca intege, ariko kandi iyo atekereje ku myaka itanu iri imbere bituma ashyiramo imbaraga. Yavuze ko afatanyije na bagenzi be b'abanyarwenya, bashyize imbere gutuma abanyarwenya bakunda urwenya ari nayo mpamvu 'tubatekerezaho cyane kurusha twe'.

Ati 'Turashora tukavuga tuti tugiye gukora ibitaramo byakunguka, byahomba ntakibazo, kuko ntabwo bihora bihomba, ariko ikintu gihari cyo ni uko Abanyarwanda bagomba gukunda ibyo dukora.'

Uko yagiye avumbura impano

Fally Merci avuga ko buri gihe yakira nimero z'abantu bashya bavuga ko bafite impano yo gutera urwenya. Kandi ko mu kubakira buri wese amuha umwanya akigaragaza.

Ariko kandi hari abatera intambwe, babona batakiriwe neza bagahitamo kubivamo. Atanga, urugero akavuga ko nk'umunyarwenya Pilate yigeze kuvamo kubera ko atari yakiriwe neza, ariko nyuma baza kuvugana amutera imbaraga zo kugaruka muri Gen-z Comedy. Ati 'Yari yarasezeye aragenda. 'Comedy' niko kazi konyine umuntu yiyirukana.'

Yavuze ko benshi mu banyarwenya yakira, harimo abajya ku rubyiniro bafite icyizere cy'uko bakirwa cyane, kandi bakamenyekana mu buryo bwose. Ariko kandi inama ze za buri munsi, ni ukubabwira guca bugufi, no kugerageza kubanira neza abafana.

Imyaka ibiri ishize nta muterankunga?

Fally Merci yavuze ko bamwe mu bantu bafite amafaranga batarumva neza impamvu yo gushora amafaranga mu bitaramo by'urwenya, ko n'abagiye babigerageza benshi muri bo bamubwira gukorana ku buntu mu rwego rwo kureba niba bizatanga umusaruro.

Ariko kandi hari abandi bagiye bamuha kontaro zigoye kubahiriza, yaba we ndetse n'abanyarwenya basanzwe bakorana. Ati 'Hari n'abaza ukabona mu by'ukuri nta kintu baje kugufasha, uwo rero ugahita umushyira ku ruhande. Mbese, ukabona icyo kigo nta gaciro cyongereye ku gikorwa cyawe.'

Yavuze ko yagerageje kwegera ibigo binyuranye, bakamuha kontaro 'zitampaga ibyo njyewe nkeneye'. Ati 'Bakambwira bati tuzareba ikizavamo.'

Uyu musore yasabye ibigo n'abandi bafite amafaranga gutera inkunga ibitaramo nk'ibi, kuko byitabirwa n'umubare munini, kandi ni urugendo rwo gushyigikira impano z'abanyarwenya.

Fally Merci avuga ko n'ubwo ariwe uyobora ibi bitaramo bya Gen-Z Comedy, ariko atekereza ko umwaka utaha wa (2025), azakora igitaramo cye bwite.

Amasezerano ye na Alex Muhangi

Muri Kanama 2024, umunyarwenya Alex Muhangi yari i Kigali aho yakurikiranye imikino ya BAL yaberaga muri BK Arena. Icyo gihe yagiranye ibiganiro na Fally Merci byagejeje ku kuba bombi baragiranye amasezerano y'imikoranire, agamije ko bazajya basangira ubumenyi, kandi bagafasha abanyarwenya gutaramira muri Uganda no mu Rwanda.

Fally Merci avuga koi bi byagezweho nyuma y'uko yandikiye Alex Muhangi amusaba ko bahura, bakaganira. Yavuze ko, ariya masezerano y'imikoranire, ariyo yatumye kuri uyu wa Kane tariki 19 Nzeri 2024, uyu musore azatamira abakunzi be muri Gen-Z Comedy.

Ni ubwa mbere azaba ataramiye abantu muri ibi bitaramo. Fally Merci avuga ko 'Alex Muhangi aje kureba imiterere ya Gen-Z Comedy n'ubwo azataramira n'abantu.'

Akomeza ati 'Aje kureba ishusho yayo kugirango amenye imikoranire. Azabe uko abantu baba bameze, kugirango noneho ambwire ukuntu tuzajya duhana abanyarwenya, twongeye natwe tujye hariya, kuko natwe nzajya kumusura, ndebe ngo ni ibiki. Muri rusange, aje kureba uko imishyikirano yanjye n'imikoranire yashoboka.'

Fally Merci yiteze ko ibiganiro azagirana na Alex Muhangi bizasiga bitangije imikoranire yagutse, aho umunyarwenya ugezweho muri Gen-Z Comedy, azajya anatumirwa mu bitaramo bya 'Comedy Store' bitegurwa na Alex Muhangi.

Yasobanuye ko mu gihe cy'imyaka ibiri ishize, ibi bitaramo bisigaye bitanga akazi ku bantu 45 nibura kuri buri gitaramo. Avuga ko atabasha kumenya neza amafaranga bishyura buri umwe 'n'ubwo tutabaha ibingana n'ibyo bakwiye'. Ati 'Ni bacye bahembwa ku kwezi, abandi bahembwa kuri uwo munsi bakoze.' 

Fally Merci yatangaje ko yagiranye amasezerano y'imikoranire na Alex Muhangi yo guteza imbere abanyarwenya

Fally Merci yavuze ko mu gihe amaze ategura ibi bitaramo, agikomwa mu nkokora n'uko adafite abaterankunga

 

KANDA HANO UREBEIKIGANIRO CYIHARIYE TWAGIRANYE NA FALLY MERCI

“>