Blog

Mu myaka myinshi yashize habaruwe hegitari 8250 zikora ku mirenge irimo Rwinkwavu, Mwiri, Murama na Nyamirama zose zacukurwagaho amabuye y'agaciro. Muri izo hegitari hari hatuyemo abaturage benshi.

Mu minsi mike ishize ikigo cyahakoreraga ubucukuzi bw'amabuye ya Wolfram cyarahindutse haza icyitwa Bugambira Mines Ltd. Iki kigo cyagabanyije ubutaka bwo gucukuraho amabuye y'agaciro hasigara hegitari 2186 bituma bwa butaka bwose butuyemo abantu bugabanuka.
Abaturage bakomeje gusaba Leta kubaha ibyangombwa by'ubutaka ibabwira ko bitakunda kuko bubatse mu butaka bwayo. Mu 2017 hashyizweho komite ishinzwe gukemura iki kibazo isiga imiryango 178 ariyo ikwiriye kubakirwa.

Mu 2023 Akarere ka Kayonza kasubiyemo ibarura gasanga hari abantu batuye mu butaka bwanditswe kuri Leta abo baturage batuye mu midugudu ya Muganza, Kinihira na Rwinkwavu aho bari imiryango 432, benshi bubatse mu butaka bwa Leta abandi batura mu nzu z'abacukuraga amabuye y'agaciro.

Tariki ya 6 Kanama 2024 nibwo abarimo Minisitiri w'Ubutegetsi bw'Igihugu, Musabyimana Jean Claude, Minisitiri muri Perezidansi, Judith Uwizeye, Guverineri w'Intara y'Iburasirazuba, Pudence Rubingisa n'abandi bayobozi banyuranye basuye aba baturage ba Rwinkwavu bahava biyemeje ko iki kibazo kigomba kubonerwa umuti.

Mu myanzuro yafashwe byemejwe ko imiryango 432 yose ihabwa ibyangombwa by'ubutaka nyuma yo gusanga aho batuye hatabangamiye abacukura amabuye y'agaciro. Kuri ubu dosiye 130 zimaze kuzuzwa kugira ngo bahabwe ibyangombwa by'ubutaka, abamaze gupimirwa bose hamwe ni 389 mu gihe indi miryango isigaye yari yarubakiwe na Leta hategerejwe amabwiriza ya Minisiteri y'Ubutegetsi bw'Igihugu kugira ngo zibandikweho.

Hakurikiyeho kwiga ku kibazo cy'imiryango byagaragaye ko ibangamiwe n'ubucukuzi harimo imiryango 32 yo mu Mudugudu wa Bunyetongo n'imiryango 34 yo mu Mudugudu wa Gihinga.

Hasabwe ko iyi miryango yose yimurirwa ahandi hantu hatagikorerwa ubucukuzi bw'amabuye y'agaciro, ikaba izubakirwa na Leta muri gahunda yo kubakira abaturage bari batuye mu manegeka.

Shyirambere Claude utuye mu Mudugudu wa Muganza mu Kagari ka Nkondo yavuze ko yabonye ubutaka mu 2007, aho yahasanze abandi baturage bahatujwe nawe ahagura ikibanza arubaka.

Yashimiye Leta yabahaye icyangombwa cy'ubutaka kizatuma babasha kwiteza imbere bakaba banafata inguzanyo muri banki.

Ati 'Ubu umuryango wanjye ugiye kubaho wisanzuye, umwana wanjye nshobora kumuha umunani cyangwa nkanafata inguzanyo muri banki nkabona uko niteza imbere. Ndashimira ubuyobozi burangajwe imbere na Perezida wa Repubulika.'

Mukamazimpaka Jeannette wari umaze imyaka 12 atuye mu Mudugudu wa Muganza, yavuze ko yishimiye guhabwa icyangombwa nyuma y'imyaka myinshi bari bamaze bagitegereje.

Umuyobozi w'Akarere ka Kayonza, Nyemazi John Bosco, yavuze ko nyuma yo gusesengura ikibazo harimo inzego nkuru zitandukanye zirimo Abaminisitiri, Guverineri w'Intara y'Iburasirazuba ndetse n'ubuyobozi bw'Akarere hanzuwe ko abaturage bamwe bahabwa uburenganzira ku butaka batuyeho.

Meya Nyemazi yavuze ko hari imiryango 66 izimurwa izagenerwa n'aho guhinga.

Yavuze kandi ko hari abandi bari bafite ibikorwa mu butaka bugiye kubakwaho umudugudu bakaba bazahabwa bazabibarirwa bishyurwe.

Uyu muyobozi kandi yanasabye ababana mu buryo butemewe n'amategeko gusezerana imbere y'amategeko kugira ngo babashe kubona ibyangombwa by'ubutaka bibanditseho neza nk'umuryangao wemewe.

Akanyamuneza ni kose ku miryango imwe n'imwe yatangiye guhabwa ibyangombwa by'ubutaka

Abaturage babangamiwe n'ubucukuzi bunasenya inzu zabo bo bagiye kubakirwa na Leta

Ni ingigo yagarutseho kuri uyu wa Gatandatu tariki ya 21 Nzeri 2024, ubwo u Rwanda rwifatanyaga n'Isi muri rusange mu kwizihiza Umunsi Mpuzamahanga w'Amahoro.

Yagaragaje ko tariki ya 20 Gicurasi 1963 ubwo u Rwanda rwari rumaze amezi icyenda gusa rubonye ubwigenge, Perezida Kayibanda yatangaje icyiswe itegeko teka rigena ko abantu bakoze ubwicanyi kuva mu 1959-1963 batagomba gukurikiranwa, ngo bitewe n'uko igikorwa bakoraga cyari impinduramatwara yo kubohora rubanda nyamwishi ko atari icyaha.

Aba bantu bahanaguweho ibyaha bishe Abatutsi mu cyiswe 'Revolusiyo y'Abahutu'.

Ati 'Iryo ni rimwe mu matekego yatowe n'Inteko ishinga amategeko ya mbere y'u Rwanda. Mwumve kubangamira amahoro aho byageze kugeza aho abari bashizwe guhagararira abantu bicara bakemeza ko abicanyi badakwiye guhanwa no gukurikiranwa ahubwo bakwiye gushimirwa.'

'Hagati ya tariki ya 01 Nyakanga 1962 na 21 Ukuboza 1963 aho kugira ngo ubwigenge burangwe n'amahoro ahubwo Abatutsi barishwe mu Rwanda.'

Ni ubwicanyi bwatangiriye mu yahoze ari perefegitura ya Kibungo mu Bugesera bukomereza mu yahoze ari Perefegitura ya Gikongoro.

Ati 'Mu 1963 ni bwo bwa mbere mu mahanga bemeje, bandika ko mu Rwanda habera Jenoside, nyamara twa mu gihe twita icy'ubwigenge, bivuze ko ari ibihe Abanyarwanda bagombye kuba barasezereye ubukoloni ariko icyiswe repubulika cyatangiranye no kwica Abanyarwanda bamwe b'Abatutsi.'

Mu 1966 ubutegetsi bwariho bwinjiye mu gushyiraho amategeko akumira Abatutsi n'impunzi ku mitungo bishyirwa mu itegeko ryatangajwe ku wa 26 Gashyantare uwo mwaka.

Iyi mitungo yagabijwe abayobozi b'Ishyaka rya Parmehutu ryari ku butegetse cyangwa bakayiha abandi.

Minisitiri Bizimana yavuze ko hakiri abantu batanyurwa n'uko mu bihe bitandukanye agenda agaruka ku mateka yaranze u Rwanda.

Yagize ati 'Hari igihe njya mbivuga nk'ubu bamwe bakiyumvamo cyangwa bakumvamo ababo babigizemo uruhare mu gushyiraho aya mategeko bakarakara ugasanga hari uwababajwe gusa n'uko bavuze ibyo abo mu muryango we bakoze aho kugira ngo bimutere guca bugufi no kumva uruhare abe bagize mu gusenya igihugu, bakarakarira abavuga bagamije kubaka.'

Minisitiri Bizimana yavuze ko hari intambwe Abanyarwanda bakwiye gutera mu kwakira amateka, kuyavanamo isomo no kwicisha bugufi 'Kugira ngo abayagizemo uruhare bafashe abandi mu kuyakosora no kongera kubaka no gutanga ubuhamya aho gukomeza gushaka gushora igihugu mu icuraburindi.'

'Mbahaye urwo rugero kuko nanjye ibyo mbivuga ntya hari abandakarira bati Bizimana arazura akashize. Oya ntabwo tuzura urwango ahubwo tugomba kwerekana ibyaranze politiki mbi kugira ngo bijye bihora bitubera bariyeri ituma ntawe uyirenga ngo asubire gukora byabindi.'

Umuyobozi w'umuryango uharanira kubaka amahoro arambye [InterPeace], Kayitare Frank, yagaragaje ko kugira ngo buri wese abone neza uruhare mu kubaka amahoro mu gihugu hari ibyo aba agomba kwibaza.

Ati 'Ukibaza uti ese iyo uri wenyine utekereza iki? Ni ibihe biba bikuri mu mutwe, ese ni ibyubaka cyangwa ni ibishobora gusenya amahoro. Iyo uri hamwe n'incuti zawe muvuga ibiki, ibyo muvuga birubaka?'

Yavuze ko bijyanye no kubaka amahoro ari urugendo, akaba ari yo mpamvu muri uyu muryango bimakaza kuyubaka binyuze mu gufasha abafite ubuzima bwo mu mutwe, imibanire ndetse no binyuze mu nkingi y'imibereho myiza.

U Rwanda rwizihiza Umunsi Mpuzamahanga w'Amahoro kuva mu 2011. Kuri iyi nshuro wahawe insanganyamatsiko igira iti 'Indangagaciro na kirazira by'umuco Nyarwanda mu kwimakaza amahoro'.

Minisitiri, Dr. Jean Damascène Bizimana, yavuze ko ubwo igihugu cyabonaga ubwigenge byabaye icuraburindi ku baturage bamwe kubera ubuyobozi bwariho

Umuyobozi w'umuryango uharanira kubaka amahoro arambye [InterPeace], Kayitare Frank, yagarageje ko kubaka amahoro ari urugendo

Minisitiri w’Urubyiruko n’Iterambere ry’Ubuhanzi ni umwe mu batanze ibiganiro

Umuyobozi Mukuru wa Aegis Trust, Munyantwali Alphonse

Iyi gahunda yabereye ku Rwibutso rwa Jenoside rwa Kigali

U Rwanda rwizihiza Umunsi Mpuzamahanga w’Amahoro kuva mu 2011

Amafoto: Aegis Trust

Abo bahinzi bavuga ko ubusanzwe byajyaga begera muri aya matariki ya Nzeri imvura y'Umuhindo yaraguye ndetse imyaka imaze kugira ibibabi bibiri. Gusa ngo muri uyu mwaka si ko byaje kugenda kuko intabire zabo zibereye aho nk'uko babitangarije BTN.

Umwe yagize ati 'Ubu imvura yarabuze kandi iki gihe twabaga turi kubiba ibishyimbo. Dushobora guhura n'amapfa kuko izuba ni ryinshi'.

Undi ati 'Intabire zibereye aho kandi muri uku kwezi twabaga twarateye imyaka. Turategereje kuko nta kindi twakora ariko iri zuba rikomeje gutya byaduteza inzara kubera amapfa. Amapfa na yo atera ibibazo byinshi amatungo agapfa ndetse n'ubukene mu miryango bamwe bakaba bata ingo'.

Ubusanzwe mu ntangiriro za Nzeri hakunze kugwa imvura izwi nk'Inkangabagisha ikagwa ari nyinshi kandi yikurikiranya abahinzi bamwe bakaba bayitiranya n'imvura y'Umuhindo. Gusa nyuma y'ibyumweru bike Izuba rirongera rikava abenshi bagahitamo gutegereza amabwiriza ya Minisiteri y'Ubuhinzi n'Ubworozi ngo babe ari yo bagenderaho.

Iteganayagihe ry'Umuhindo wa 2024 rigaragaza ko mvura itegenyijwe kugwa iri ku mpuzandengo y'imvura isanzwe igwa mu gihe cy'umuhindo mu myaka 30 ishize ndetse ikaba imvura isanzwe ku buhinzi.

Ikigo cy'Igihugu cy'Iteganyagihe kandi cyagaragaje ko mu ntangiriro z'Umuhindo imvura iteganyijwe ari nyinshi irimo umuyaga n'amahindu ariko ko mu minsi ikurikira itangira ry'Umuhindo nta mvura iteganyijwe mu duce dukunze kugira amapfa.

Ibitaramo bitegurwa na EAP ku bufatanye na MTN na BRALIRWA byakomereje i Ngoma.Aho abahanzi barimo Chriss Eazy, Ruti Joel, Bushali, Bwiza, Dany Nanone, Kenny Sol na Bruce Melodie bataramiye.

Kuri iyi nshuro ariko bikaba bitagenze nko mu tundi turere dutatu twabanje, kuko hajemo ikibazo cy'imvura.Ibi byatumye igitaramo gihagaragara igihe kingana n'isaha.

Ubwo yari ihise ibitaramo byakomeje  abantu bakomeza baryoherwa n'umuziki.

Musanze, Gicumbi, Nyagatare na Ngoma ni two turere tumaze kugerwamo n'ibi bitaramo.

Bikaba bizakomereza i Bugesera, Huye, Risizi na Rubavu aho bizasorezwa tariki ya 19 Ukwakira 2024.

Nk’uko bimaze kumenyerwa ibi bitaramo byayobowe na Bianca na MC Buryohe.

Hanabanje kandi kwigaragaraza abahanzi bo muri aka gace ndetse na MC Bior ubihuza no kuvanga umuziki yongera guhabwa urubyiniro.

Ibihumbi by’abantu bitabiriye ibitaramo bya MTN Iwacu na Muzika i Ngoma MC Bior ufatanya kuvanga umuziki n’ubushyushyarugamba yongeye kwiyerekana MC Buryohe na Bianca bongeye gufata kuyobora ibi bitaramo muri bwa buryo bwaboChriss Eazy ni we wabimburiye abandi ku rubyiniro, asusurutsa abakunzi be mu ndirimbo zirimo Jugumila Ruti Joel wakomwe mu nkokora n’imvura yakoresheje iminota mike yabashije kubonaBushali umwami w’urubyiniro na Kinya Trap yongeye gushimangira ubukaka n’ubuhanga bweBwiza umukobwa umwe rukumbi wahawe umwanya muri ibi bitaramo yaririmbanye ijambo kurindi indirimbo ze n’abakunzi beDany Nanone yerekanye ko imyaka isaga 10 mu muziki atari ubusa Bruce Melodie wananyuzagamo akibutsa abantu uburyohe bwa Primus yatigishije urubyiniro

Umuhanzi Cyusa Alpha Serge yigaritse umusore witwa Shyaka Blaise uzwi ku mbuga nkoranyambaga nka Blaise Niels umushinja kumubeshya urukundo, kumuca inyuma ndetse no kumucucura utwe, avuga ko atamuzi ndetse ko ibyo atangaza ari ibihuha.

Blaise Niels abinyujije ku rubuga rwa Snapchat, yasangije abamukurikira ubutumwa burebure avuga inkuru ye uko yahuye na Serpha bakamenyana kugeza bakundanye ndetse n’uko batandukanye.

Muri ibu butumwa Blaise avuga ko yahuye na Serpha hagati ya Kamena na Nyakanga muri uyu mwaka ubwo yari i Kigali, barahuye baribwirana baramenyana ndetse baza no gutahana. Blaise agaragaza ko ijoro rya mbere bahura bagiranye ibihe byiza, barasangira ndetse baranaryamana.

Akomeza avuga ko bamenyanye asigaje iminsi nk’ine i Kigali, ariko yose yayimaranye na Serpha baryamana buri munsi bishimana, kugeza ubwo baje gukundana.

Uyu musore uba muri Canada agaragaza ko yaryohewe n’urukundo rwe na Serpha kugeza aho uyu musore yaje kumuherekeza ubwo yasubiragayo, amwandikira akabaruwa amubwira urwo amukunda undi nawe akomeza kumwizera ndetse amuha urwaho maze undi amurya utwe atanzitse.

Aganira na ISIMBI, Serpha yavuze ko ataziranye n’uyu musore ndetse ko yatunguwe nawe abonye ibyo yatangaje, ahamya ko ibi ari ibihuba bikomeje gukwirwakwizwa n’abatishimiye intambwe y’urugendo rwe mu muziki.

Ati “Nta kintu na kimwe nzi kuri uwo muntu (Blaise), nanjye nabibonye gutyo.”

Yakomeje agira ati “Ntabwo nzi niba hari ikintu nakora ngo mpagarike ibi bihuha, gusa icyo nabwira buri wese ni uko ndajwe ishinga no kwita ku muziki wanjye, nasohoye indirimbo ariko abanzi bazahora baza gusa urukundo mfitiye umuziki ntago ruzigera ruhagarara uko byagenda kose, uko abanzi bantera kose.”

Umuhanzi Serpha uvugwa muri izi nkuru yamamaye mu irushanwa rya ‘The Voice Afrique Francophone,’ yitabiriye muri Afurika y’Epfo mu 2020.

Serpha yigaramye ibyo ashinjwa

Blaise ushinja umuhanzi Serpha kumurya utwe amubeshya urukundo

RUKUNDO Sulaiman / ISIMBI.RW

Irere yavuze ko gushyira umwarimu mu kigo kiri hafi n'aho aba ari byo bikwiye gukorwa mu rwego rwo kumworohereza ariko atari ko bizakunda kuri bose.

Ibi yabigarutseho kuri uyu wa Gatandatu tariki ya 21 Nzeri 2024, mu kiganiro Dusangire Ijambo cya RBA, aho yari ari kumwe na Minisitiri mushya w'Uburezi, Nsengimana Joseph.

Iyi ngingo Irere yayikomojeho ubwo uwitwa Twizeyimana Eugène akaba n'umwarimu ukorera mu Karere ka Rubavu, yatangaga igitekerezo agaragaza ko hari abarimu bashyirwa mu bigo biri kure cyane y'aho baba aho yifashishije urugero rw'umwarimu uva i Rusizi agahabwa akazi i Rwamagana.

Twizeyimana yagaragaje ko abarimu bakwiye kujya bashyirwa mu bigo bibegereye kugira ngo babone n'uko bazajya bita ku miryango yabo.

Irere Claudette yavuze ko 'Amashuri ari hirya no hino mu gihugu za Rubavu, za Rusizi kandi ibyo abarimu bigisha biba bitandukanye, ku buryo kubasha kubona umwarimu uturiye aho aba wigisha ibihasabwa biba bigoye. Ntawe uba wishimiye kohereza umwarimu kure.'

Yavuze ko buri mwarimu wese afite uburenganzira bwo gusaba kwimurwa ariko kubera ubwinshi bw'ababa basaba n'ubuke bw'imyanya bw'aho baba bashaka kujya bidahura bigatuma hari bamwe bidakunda.

Ati 'Muri Rusizi uyu mwaka mu basabye bashaka kwimuka bavayo twabonye abarimu 252 mu gihe abashakaga kujyayo ari abarimu 59. Ukibaza ngo abo barimu bose bashaka kuva Rusizi amashuri yaho arasigarana iki?'

'Icya kabiri abari kujyayo imibare ntabwo ingana kandi amasomo aba atandukanye. Nk'abifuza kujya mu mijyi ni benshi cyane. Ntabwo twabona aho tubashyira.'

'Ntabwo tubona uburyo butworoheye ngo umwarimu tumutuze hafi hamwegereye gusa uko bishobotse imyanya ikaboneka ni bo duheraho.'

Mu busanzwe hari uburyo butatu umwarimu ashobora kunyuramo asaba guhindurirwa ikigo, burimo kuba abarimu babiri bagurana, kuba abarimu basimburanwa mu karere no kuba abarimu bava mu karere kamwe bajya mu kandi.

Mineduc iteganya ko byibuze umwarimu agomba kuba amaze imyaka itatu mu kigo cy'amashuri kugira ngo abashe guhindurirwa ikigo.

Twizeyimana watanze igitekerezo yavuze ko imyaka itatu babanza gusabwa gukora mu kigo runaka kugira ngo bimurwe ari myinshi cyane asaba ko yagabanywa ikagirwa byibuze ibiri.

Irere yagize ati 'Imyaka itatu kuri twe tubona ko ihagije kuko niba utangiye ku ishuri ukahamara umwaka umwe w'igerageza hamare indi ibiri byibuze iryo shuri ribe rifite umwarimu koko nyuma ubone wongere ugerageze. Naho ubundi twajya duhora turi guhinduranya.'

Ubwo hatangazwaga amanota y'abanyeshuri bakoze ibizamini bya Leta bisoza amashuri abanza n'ibisoza icyiciro rusange, mu mwaka w'amashuri wa 2023/2024, Mineduc yatangaje ko muri uyu mwaka abarimu basabye kugurana babiri babiri [paires] zari 73, izari zijuje ibisabwa zari 49 kandi kugurana bigenda neza. Bivuze ko muri iki cyiciro abari bemerewe kugurana 100% bose bafashijwe bigakunda.

Ku bijyanye n'abarimu bimukaga imbere mu karere hari hakiriwe ubusabwe bw'abarimu 856 muri bo harimo 498 bujuje ibisabwa, aho 343 ari bo bafashijwe kwimurirwa ku bigo bari basabye.

Ku bijyanye no kwimuka umwarimu ava mu karere kamwe ajya mu kandi, ubusabe bwari bwakozwe n'abarimu 2,235 muri bo 1,226 ari bo bonyine bujuje ibisabwa mu gihe 751 ari bo babashije kubonerwa umwanya barimurwa.

Umunyamabanga wa Leta muri Minisiteri y'Uburezi, Irere Claudette, yavuze ko muri uyu mwaka mushya w'amashuri abarimu basaga 4,100 ari bo bashyizwe mu myanya mishya.

Umunyamabanga wa Leta muri Minisiteri y'Uburezi, Irere Claudette, yavuze ko bagerageza uko bashoboye ngo abarimu bashyirwe aho bifuza ariko hakaba ubwo imibare idahura

Ni umuhango wabereye i Ntendezi mu Murenge wa Ruharambuga ku wa 21 Nzeri 2024, ubimburirwa no gufata imirambo ya Iranzi Liliane w'imyaka 9 na Abizera Hirwa Ghislaine, mu buruhukiro bw' ibitaro bya Bushenge.

Nyuma gufata imirambo hakurikiyeho gusezera bwa nyuma kuri ba nyakwindera mu muhango wabereye iwabo wa buri mwana, bikurikirwa n'igitambo cya misa yo kubasabira, babona gushyingurwa mu irimbi rya Ntendezi.

Abafashe ijambo ku ruhande rwa buri muryango waburiye abana muri iyi mpanuka bavuze ko ba nyakwigendera bari abana beza, batanga icyizere cy'ejo hazaza ariko ko Imana yashimye ku bisubiza.

Saa Kumi z'umugoroba tariki 19 Nzeri 2024, nibwo imodoka yari itwaye abana 29 biga ku ishuri ribanza rya St Matthews ishami rya Ntendezi yarenze umuhanda igwa mu mugezi wa Cyongoroka.

Ni impanuka ababyiboneye bavuga ko yatewe n'uko iyi modoka yacitse feri abandi bakavuga ko yatewe n'uko umushoferi yashatse guhunga umunyonzi wari imbere ye akarenga umuhanda.

Mu bantu 31 bari muri iyi modoka barimo abanyeshuri 29, umushoferi n'umukobwa uherekeza aba bana, abana babiri bahise bitaba Imana, abandi bose barakomereka ndetse hanakomerekeramo umunyonzi imodoka yagonze.

Abakomeretse boherejwe kuvurirwa ku bitaro birimo Bushenge, Kibogora na CHUB, 16 bakize ndetse bamaze no gusesezerwa mu bitaro.

Ubuyobozi bwa St Matthews buvuga ko abasigaye mu bitaro nabo batarembye kuko n'abari muri koma bayivuyemo, bityo ko hari icyizere ko bose bazakira bagataha ari bazima.

Umuyobozi w'Akarere ka Nyamasheke, Mupenzi Narcisse mu izina ry'abandi bayobozi bitabiriye umuhango wo gushyingura abana babiri baguye muri iyi mpanuka yihanganishije imiryango ya ba nyakwigendera avuga ko urupfu rwabo rusize icyuho mu muryango nyarwanda.

Ati 'Hari n'ushobora kwibaza ngo ubundi kuki twaje hano? Ubundi dufata umuryango nk'ishingiro kamere y'imbaga y'Abanyarwanda. Umuryango iyo habuzemo umwana n'igihugu kiba cyahombye. Haba hacitse icyuho mu muryango, ndetse hacitse n'icyuho mu gihugu.

'Twagombaga kwifatanya nabo nk'ubuyobozi bw'akarere ndetse twanatumwe n'ubundi buyobozi budukuriye kugira ngo tuze kwifatanya n'iyi miryango kuko akababaro tugasangiye. Ku miryango ibiri yabuze abana, twatanga ubutumwa bwo kubihanganisha, bwo kubakomeza kandi tubizeza ko dukomeza kubana nabo muri ibi bihe bitoroshye kugira ngo nk'ubuyobozi bw'akarere dukomeze kubafata mu mugongo'.

Uretse ubuyobozi bw'Akarere na REB, umuhango wo gushyingura aba banyeshuri witabiriwe n'abandi bayobozi barimo abihaye Imana, uhagarariye ingabo, uhagarariye polisi, n'uhagarariye Urwego rw'Igihugu rw'Ubugenzacyaha.

Imibiri y’aba bana ubwo yakurwaga mu buruhukiro bw’ibitaro bya Bushenge

Abana basezezeye kuri bagenzi babo bazize impanuka

Umuhango wo gushyingura Iranzi na Abayizera witabiriwe n’abaturage benshi

Abana babiri baguye mu mpanuka y’imodoka itwara abanyeshuri

Imiryango y’aba bana yavuze ko batangaga icyizere ku hazaza h'igihugu

Ubwo yari mu gukorwa cyo kwizihiza Umunsi Mpuzamahanga w'Amahoro cyabaye ku wa Gatandatu tariki ya 21 Nzeri 2024, Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah yavuze ko ibi bintu nta bupfura burimo.

Ati 'Ikindi ngarukaho ni ikintu cy'ubupfura. Ubupfura bugaragara nk'aho buri mu magambo, kubera ko abantu benshi bashaka amafaranga, kuko iyo ubaza impamvu abantu bifotoza bambaye ubusa, umuntu yarangiza akabisangiza abantu; nk'abantu baba kuri Instagram bakaba banabikora 'live' wibaza icyo bashaka.''

Yakomeje avuga ko amashusho nk'aya uretse kwangiza ubuzima bwa nyiri ukubikora, binagera ku muryango we ndetse n'abandi benshi mu gihe we ashobora kuba yumva ari ibintu byoroshye yakoze ari gushakisha amaramuko.

Ati 'Aho imbuga nkoranyambaga zitangiye gutanga amafaranga umuntu yakora ikidasanzwe cyose ngo abone amafaranga […] ntacyo wakora ngo uyagwize kandi urugendo rwo kuyashaka rwakurangiza rukarangiza n'abandi. Rukarangiza ikiragano cyawe n'umuryango wawe. Iyo umuntu ari kuvugwaho ikintu kibi mujye mutekereza ko afite umuryango, afite aho ababyeyi be basengera cyangwa bafite koperative babamo.'

Utumatwishima yasabye urubyiruko kujya rusesengura mbere yo kugira ibyo rushyira ku mbuga nkoranyambaga, kuko akenshi hari amahitamo mabi umuntu akora akazamugiraho ingaruka mu buzima bwe bwose.

Minisitiri Utumatwishima yagaragaje ingaruka ziri mu gushyira hanze amashusho y'ubwambure

Nubwo umwaka w'amashuri wa 2024/25 watangiye ku wa 09 Nzeri 2024, na magingo aya hari abanyeshuri bakigana Ikigo cy'Igihugu gishinzwe Ibizamini n'Ubugenzuzi bw'Amashuri NESA, gushaka ibisobanuro ku ngingo nyinshi batumvikanaho na yo.

Kimwe mu byo NESA iri kubazwa cyane harimo kuba hari abanyeshuri benshi batahawe na kimwe mu bigo bari basabye, hakaba n'abandi bahawe kwiga amasomo badafitiye ubushobozi kuko amwe muri yo yabaga ari yo batsinzwe cyane mu manota yatangajwe.

Nyuma y'iminsi mike, Nsengimana Joseph agizwe Minisitiri w'Uburezi hari ibyo yabonye nk'icyuho gituma hari byinshi bitagenda neza.

Mu bisqnzwe, ubu ku bijyanye no kubara amanota n'imitangire y'ibigo ku banyeshuri batsinze bisigaye bikorwa hifashishijwe ikoranabuhanga rikoreshwa mu mashuri rizwi nka School Data Management System (SDMS).

Guhera mu mwaka wa 2022, habayeho guhuza amanota (grades) no gukoresha inyuguti ni ukuvuga ko buri nyuguti iba ifite agaciro kayo mu mibare.

Kugira ngo umunyeshuri amenye amanota yose yagize (aggregates) ateranya agaciro k'inyuguti yagiye agira mu masomo yose.

Mu mitangire y'ibigo, ya sisitemu ntigendera kuri 'grades' ahubwo igendera ku giteranyo cy'amanota yose umunyeshuri aba yagize mu masomo yakoze ubwo ufite igiteranyo kiri hejuru ni we ubona ikigo mbere y'abandi, gutyo gutyo.

Ubwo mu mashuri abanza igiteranyo aba ari 500 mu gihe mu yisumbuye igiteranyo aba ari 900.

Ubwo yari ari mu kiganiro Dusangire Ijambo cya RBA kuri uyu wa Gatandatu tariki ya 21 Nzeri 2024, Minisitiri mushya w'Uburezi Nsengimana Joseph, yagaragaje ko kwerekana amanota nyirizina abanyeshuri baba bagize bizakemura byinshi.

Ati 'Njyewe ndakeka ko ayo manota tugomba kuyerekana uko yakabaye noneho ukamenya neza aho uhagaze. Ntabwo ari ko twabikoraga ariko ni ko tugomba kubikora kugira ngo ari umwana cyangwa umubyeyi ajye amenya aho ahagaze, aho kugira ngo uwabonye 70% na 80% na 90% tubashyire mu cyiciro kimwe, dushaka ko umuntu azajya abona aho ari.'

Hari amashuri asabwa n'andi yirengagizwa

Kimwe mu byagaragaye ni uko hari amashuri amwe abanyeshuri baba bashaka kujyaho nyamara hakirengizwa andi na yo aba abakeneye.

Minisitiri w'Uburezi Nsengimana yagaragaje ko mu isesengura baherutse gukora nk'amashuri 50 aba akeneye abanyeshuri bo mu mwaka wa mbere w'amashuri yisumbuye ½ cyayo ari yo asabwa gusa.

Ati 'Abanyeshuri baravuga ngo dushaka aya mashuri ariko hakaba ikindi gice cy'amashuri kirengagizwa. Ibyo rero tugomba kureba impamvu yabyo, nubwo atasabwe ariko abanyeshuri bagomba kujya ahantu hose. Ariko dushaka kureba impamvu ayo mashuri ntawe uyifuza kugira ngo niba ari ibigomba gukosorwa kuri ayo mashuri bikosorwe noneho n'ejo bundi abanyeshuri bazifuze kujya mu mashuri yose.'

Minisitiri mushya w'Uburezi Nsengimana Joseph, yagaragaje ko kwerekana amanota nyirizina abanyeshuri baba bagize bizakemura byinshi

Kuki abana bahabwa amasomo batsinzwe?

Ikindi cyagarutsweho hatangazwa amanota ni uguha abanyeshuri amasomo batsinzwe ngo abe ari yo baziga mu kindi cyiciro gikurikiyeho.

Umunyamabanga wa Leta muri Minisiteri y'Uburezi, Irere Claudette wari uru muri iki kiganiro yagaragaje ko aho byabaye hazwi, n'abanyeshuri byabayeho bazwi kandi byakozwe kubera impamvu.

Ati 'Nko mu Karere ka Musanze mu Murenge wa Muhoza hari amashuri atatu, twarayarebye dusanga aya mashuri yose yigisha siyansi kandi iyo dutanga imyanya dukoresha impuzandengo umunyeshuri yatsindiyeho. Rero umwana utuye muri Muhoza watsinze, agomba kwiga kandi ako gace atuyemo nta kindi kintu gihari cyo kwiga.'

Irere yagaragaje ko ari ihurizo ariko hafashwe ingamba zo kureba uko aba banyeshuri bafashwa kandi n'ibigo by'amashuri bikagira ibyo bihindura mu bijyanye n'ubumenyi buhatangirwa.

Minisitiri Nsengimana yavuze ko nka minisiteri hari impinduka zigomba kuba mu gutanga ibigo ku banyeshuri.

Ati 'Ariko tugomba no kureba ibyo bigo tujyanaho abanyeshuri [bitewe n'ibyo byigisha] ibyo ari byo. Ntabwo bihari ariko umwaka utaha ibyo bizajya muri gahunda kugira ngo turebe neza ko nta mwana woherejwe ahantu kwiga ibintu atatsinze.'

Kuki abana bahabwa amasomo batsinzwe?

Ikindi cyagarutsweho hatangazwa amanota ni uguha abanyeshuri amasomo batsinzwe ngo abe ari yo baziga mu kindi cyiciro gikurikiyeho.

Umunyamabanga wa Leta muri Minisiteri y'Uburezi, Irere Claudette wari uru muri iki kiganiro yagaragaje ko aho byabaye hazwi, n'abanyeshuri byabayeho bizwi kandi byakozwe kubera impamvu.

Ati 'Nko mu Karere ka Musanze mu Murenge wa Muhoza hari amashuri atatu, twarayarebye dusanga aya mashuri yose yigisha siyansi kandi iyo dutanga imyanya dukoresha impuzandengo umunyeshuri yatsindiyeho. Rero umwana utuye muri Muhoza watsinze, agomba kwiga kandi ako gace atuyemo nta kindi kintu gihari cyo kwiga.'

Irere yagaragaje ko ari ihurizo ariko hafashwe ingamba zo kureba uko aba banyeshuri bafashwa kandi n'ibigo by'amashuri bikagira ibyo bihindura mu bijyanye n'ubumenyi buhatangirwa.

Minisitiri Nsengimana yavuze ko nka minisiteri hari impinduka zigomba kuba mu gutanga ibigo ku

Amaraso mashya mu mashuri y'incuke

Muri gahunda y'igihugu yo kwihutisha iterambere mu cyiciro cyayo cya kabiri (NST2), Guverinoma y'u Rwanda yiyemeje ko izongera umubare w'abanyeshuri biga mu mashuri y'incuke uve kuri 35% ugere kuri 65% mu gushimangira gahunda yo kwita ku burezi bw'umwana kuva akiri muto.

Minisitiri Nsengimana yavuze ko ubu amashuri ya Leta y'incuke ari mu gihugu ari make cyane, imwe muri gahunda zikwiye kwitabwaho akaba ari ukuyongera.

Ati 'Ariko na none mu kuyongeza tukareba uburyo abayakoramo, ibyo bigishamo biba ari ibintu bisonabutse bifasha abo bana. Biri mu bintu mu minsi iri imbere tuzasangiza abantu bose uburyo tugiye kubikora kugira ngo twongere aya mashuri n'ibyigirwamo.

Imibare ya Minisiteri y'Uburezi igaragaza ko ibigo by'amashuri y'incuke byiyongereyeho 6,3% biva ku 3808 mu mwaka w'amashuri wa 2021/2022 bigera ku 4051 mu 2022/2023.

Umunyamabanga wa Leta muri Minisiteri y'Uburezi, Irere Claudette, yagaragaje ko hagomba kuba impinduka mu masomo atangirwa mu bigo by’amashuri

Minisitiri Nsengimana yashimangiye ko hakwiye kubaho ibiganiro hagati ya minisiteri ndetse n'ababyeyi kugira ngo hajye habaho gusobanurirwa imikorere y'ibintu bimwe na bimwe bitera urujijo

Minisitiri Nsengimana yavuze ko ubu amashuri ya Leta y'incuke ari mu gihugu ari make cyane, imwe muri gahunda zikwiye kwitabwaho akaba ari ukuyongera