Blog

Zimwe mu mashini iki kigo cyerekanye kuri uyu wa 15 Nzeri 2024 harimo 'G-foot massage' ikandagizwaho ibirenge igakangura imitsi ndetse n'amaraso agatembera mu mubiri neza.

Herekanywe kandi 'G- leg Beautician' ifasha abarwara imitsi cyangwa abagira ikibazo cyo kubyimba ibirenge, ikagira umwihariko wo kuvura umunaniro ukabije, agahinda gakabije n'ibindi byakwangiza ubwonko.

Hari kandi imashini yitwa Treadmill ifasha abantu kwiruka batava aho bari. Ifite umwihariko wo gukomeza amagufwa, kuzibura imitsi bituma amaraso agatembera neza no kongerera imbaraga umubiri.

Izindi mashini bafite ni G- Vibration plate, portable Souna, G-Body shaker, G- advanced chair, zihariye mu gufasha umubiri gukora neza.

Inyunganiramirire ziri kuri iri soko zirimo 'Best Man Prime' Umuti urinda abagabo kurwara kanseri y'udusabo tw'intanga [Prostate] ukongera umusemburo wa testosterone ndetse ukabongerera ubushake bw' imibonano mpuzabitsina.

'Best Lady Care' yo ifasha abagore kuringaniza imisemburo, ikarinda nyababyeyi n'ubushake bwo gutera akabariro bukiyongera ku batabugira.

Hari kandi Best Kids Brain Gummies ifasha imikurire yabo, ikabongerera n'ubwenge.

Izindi nyunganiramirire zikenewe n'abantu b'ibyiciro binyuranye harimo Best Fish Oil, Best Fit & Detox Tea, Best X Power Coffee na Best Brain Booster zikora ku mubiri wose.

Uwimana Marie Rose wamenyekanye nka Solina mu ikinamico 'Urunana' yagaragaje ko uburwayi bw'imitsi n'umuvuduko w'amaraso yahuye na bwo mu minsi ishize bwari bugiye kumutera ubumuga bwo ku buryo yari agiye no kugendera mu kagare ariko gukoresha inyunganiramirire n'imashini zo muri Mega Global Market bituma yongera kuba muzima.

Ati 'Narindwaye cyane ndi hafi kujya mu igare. Naraje baransuzuma basanga ndwaye imitsi mfite n'umuvuduko w'amaraso wo hasi n'izindi ndwara zikora ku bwonko. Nari nsigaye nibagirwa simenye impamvu.'

'Ngeze aha bamvurishije imashini zabo, n'inyunganiramirire ntangira no gukora siporo nza gukira, ni yo mpamvu mpagaze imbere yanyu.'

Umuhanga mu buzima bwo mu mutwe, Rukundo Arthur yavuze ko burya abantu bakwiye kwita ku magara yabo bakoresha izi nyunganiramirire n'imashini zifasha kubungabunga ubuzima aho kwibuka agaciro kayo bamaze kuremba.

Umuyobozi mukuru wa Mega Global Market Dr Francis Habumugisha yabwiye IGIHE ko bateganya gufungura amasoko menshi mu bice bitandukanye by'Isi kugira ngo bafashe abantu bose kugira ubuzima bwiza.

Yahamije ko abifuza ibi bicuruzwa bashobora kujya ku cyicaro cy'ikigo mu Mujyi wa Kigali cyangwa bakagura bakoresheje urubuga rw'iri soko.

Ati 'Muri Covid-19 twize isomo rikomeye aho abantu batari bemerewe kujya muri siporo. Twaravuze ngo reka tuzane imashini buri wese ashobora gukora iwe cyangwa ahugiye mu bindi byo mu rugo.'

Yanakomoje kuri servise bamaze igihe batanga yo gufasha abantu gutembera mu bihugu bitandukanye bigize Isi nka Dubai, i Burayi, Canada, Amerika n'ahandi henshi.

Uwifuza kujya kuminuriza mu mahanga na we afashwa n'iki kigo ndetse bikamwohereza mu gihe gito. Abifuza kujya gutembera no kwiga mu bindi bihugu barabafasha, mu gihe uwabarangiye abakiliya, bamushakira Visa y'ubuntu agatembera amahanga.

Asobanura ko ibyo bakora n'abakiliya babagana biherekezwa n'amasezerano yasinyiwe imbere ya noteri wemewe, ku buryo habonetse nk'impamvu mu byangombwa bye ituma bamwima Visa asubizwa amafaranga ye byoroshye.

Uwimana Marie Rose wamenyekanye nka Solina wo mu ‘Runana’ yavuze ko yavuwe n’izi nyunganiramirire za Mega Global Market

Abantu bashobora gusanga inyunganiramirire mu nyubako yamenyekanye nka Makuza Peace Plaza cyangwa bakagura online

Rukundo Arthur yasabye abantu kwirinda indwara aho gutegereza kuremba

Dr Habumugisha Francis yavuze ko bazafungura amasoko nk’aya ahantu henshi ngo bafashe abantu kwita ku buzima

Imashini zitandukanye zamuritswe zifasha kwita ku buzima bw’abantu barwaye n’abakeneye kwirinda

Abantu b’ingeri zitandukanye bari bagiye kureba imikorere y’izo mashini

Abenshi bazi umuntu waguye mu kibuga cyangwa uwakoze impanuka agashiramo umwuka bagitegereje ko haboneka umuntu uzi ibyerekeye ubutabazi bw'ibanze ngo amufashe nibura amasegonda yo kuba agihumeka yiyongere.

Ubwo hizihizwaga umunsi mpuzamahanga w'ubutabazi bw'ibanze ku wa 14 Nzeri 2024, ufite insanganyamatsiko igira iti 'Ubutabazi bw'ibanze na Siporo'; Umuyobozi ushinzwe Itumanaho no gutsura umubano muri Croix Rouge y'u Rwanda, Mazimpaka Emmanuel yagaragaje ko ari ngombwa kugira ubumenyi bw'ubutabazi bw'ibanze kugira ngo abahagiriye ikibazo babone uko bitabwaho byihuse.

Ati 'Hari nka siporo zijya zikorwa abantu batigeze bateganya ubwo buryo bw'ubutabazi bw'ibanze kandi muri iyo siporo ni ho umuntu ashobora kugirira imvune ikomeye, atabonye ubutabazi bw'ibanze ako kanya ya mvune ikaba yamugeza kure.'

'Bigaragara ko abantu benshi bagira ibibazo bikomeye bitakagombye gukomera kubera ko babuze uzi ubutabazi bw'ibanze ngo abatabare hakiri kare. Muri siporo rero ni hamwe mu hantu abantu bashobora kugirira ikibazo kandi umuntu yari yabigiyemo ari muzima.'

Uyu muyobozi yagaragaje ko haba mu midugugu no mu ngo abantu bajya bahura n'ibibazo birimo ubushye n'imvune ku buryo ugize ikibazo ashobora kwitabara cyangwa agatabara abandi abaye afite ubu bumenyi.

Ati 'Aho dutuye hari igihe haba nk'ikibazo cy'inkongi y'umuriro, ibiza nk'imyuzure n'ibindi bishobora kuba bigateza ikibazo abazi ubutabazi bw'ibanze bagatabara. N'ibindi bishobora kuba iwawe mu rugo, umuntu aritemye, avuye imyuna, aravunitse, ibintu nk'ibyo ntibibura. Ni ubumenyi bukenewe ku bantu bose.'

Yavuze ko abakora mu nganda cyangwa mu bikorwa by'ubucukuzi bw'amabuye y'agaciro bakangurirwa guhugura abakozi babo mu byerekeye ubutabazi bw'ibanze kugira ngo mu gihe habayeho impanuka umuntu abashe gutabarwa mbere yo kugera kwa muganga.

Abakora imyuga ibamo ibyago by'impanuka nk'abamotari, abashoferi n'abakora mu bwubatsi na bo basabwa kugira ubu bumenyi ariko bose bakanagira uruhago rw'umutabazi rubamo ibikoresho by'ibanze bifashisha mu gutabara.

Kugeza ubu kuri stade z'umupira w'amaguru iyo hatari imbangukiragutabara n'abashinzwe ubutabazi imikino izwi ku rwego rw'Ishyirahamwe ry'umupira w'Amaguru mu Rwanda ntishobora kuba.

Croix Rouge Rwanda ivuga ko mu bihe bishize yahuguye abakorerabushake 20 muri buri murenge, mu gihe abari mu gihugu hose bafite ubumenyi ku butabazi bw'ibanze barenga ibihumbi 68.

Mazimpaka yasabye abantu bose guhugukira kwiga ubutabazi bw'ibanze ku buryo ibyo umuntu akora biba bitunganye uko hari abagira ngo bagiye kwitabara bakishyiraho ibintu bishobora kubatera izindi ndwara.

Bakoze urugendo rwasorejwe ku kibuga cy’umupira w’amaguru

Amakipe y’urubyiruko rw’abakorerabushake ba Croix Rouge Rwanda ni yo yakinnye

Abantu basabwa kugira uruhago rw’umutabazi kugira ngo uwo basanze akeneye ubufasha atabarwe byihuse

Uwahuguwe mu by’ubutabazi bw’ibanze aba azi ibyo akora kugira ngo imvune cyangwa igikomere kitarembya umuntu

Bakinnye umukino banawerekaniramo akamaro ko kugira abantu bazi ubutabazi bw’ibanze

Imbangukiragutabara ijyanye uwavunitse ngo yitabweho n’ibitaro nyuma yo guhabwa ubutabazi bw’ibanze

Amafoto: Habyarimana Raoul

Mu nama iherutse kuba yiga uburyo Afurika yakwihaza mu biribwa, u Rwanda rwagaragaje ko hari amahirwe y'ishoramari mu buhinzi ndetse rugaragaza ko rukeneye arenga miliyari 1,7 z'Amadolali (arenga miliyari 2000 Frw) ngo butezwe imbere.

Rwagaragaje ko ayo mafaranga yashorwa mu buhinzi bw'avoka, ubuhinzi bw'urusenda, ibirayi, ubworozi bw'inkoko no gufasha imishinga y'ubuhinzi kugera kuri serivisi z'imari.

Ku buhinzi bw'urusenda gusa, hakenewe miliyoni 470$ (miliyari 627 Frw) yafasha mu guteza imbere ubwo buhinzi hagamijwe kongera umusaruro no kwagura amasoko ku ruhando mpuzamahanga.

Minisiteri y'Ubuhinzi n'Ubworozi igaragaza ko mu 2023, u Rwanda rwohereje mu mahanga toni 3403 z'urusenda zinjiza arenga miliyoni 4.2$.

MINAGRI igaragaza ko igihugu cyifuza kuzamura uwo musaruro ku buryo nibura bizagera mu 2030 rwohereza mu mahanga toni 38.762 buri mwaka.

Ibyo kubigeraho bisaba kongera ishoramari muri ubwo buhinzi, aho u Rwanda rugaragaza ko iryo shoramari rikeneye arenga miliyoni 470$.

Biteganyijwe ko hazongerwa ubuso buhingwaho urusenda bukava kuri hegitari 533 bukagera kuri hegitari 4.457 bikazatwara arenga ibihumbi 53.292$.

Mu bijyanye no kongera umusaruro hazashorwamo miliyoni 168$, ibijyanye no gufasha abarwohereza mu mahanga bizatwara miliyoni 72$, mu gihe arenga miliyoni 230$ azifashishwa mu gutunganya uwo musaruro.

Kugeza ubu, u Rwanda rugaragaza ko urusenda rwarwo rufite isoko rigari mu Bushinwa bityo ko hakenewe kongerwa ingano y'urwoherezwayo.

Abahinga urusenda bagaragaza ko kongera ishoramari bizatuma babasha guhaza isoko mpuzamahanga kandi ko rutanga icyizere bijyanye n'inyungu rushobora kwinjiza.

Bagaragaza ko nibura urusenda rushobora kunguka miliyoni 4 Frw kuri hegitare iba yashowemo hagati ya miliyoni 2.5Frw na 3 Frw.

Bagaragaza ko imbaraga zikenewe kongerwa mu korohereza abahinzi kubona imbuto yujuje ubuziranenge, ku buryo zishobora no gutunganyirizwa mu imbere mu gihugu.

U Rwanda rwohereza urusenda mu mahanga by’umwihariko mu Bushinwa

Hakenewe arenga miliyoni 627 Frw mu guteza imbere ubuhinzi bw’urusenda

Mu mezi ashize Davido yumvikanye avugana agahinda kenshi ko Sophia Momodu atagituma ahura n'umwana bafitanye. Ibi byumvikanisha neza ko umubano wabo udahagaze neza nk'ababyeyi bafatanije kurera. Kuri ubu abafana b'uyu muhanzi bihaye uyu mugore.

Mu minsi micye ishize uyu mugore ni bwo yashyize hanze amashusho ari kumwe n'umukunzi we mushya. Muri aya mashusho icyagarutsweho ni uburyo basaga n'abasura ubwato bw'inyirukansi, bashaka kubugura. Kuva icyo gihe, abafana ba Davido bagaragaje ko uyu mugore nta bushobozi afite.

Sophia Momodu na we utajya uvugirwamo, yatangaje ko abantu bakwiriye gutuza kuko ibyo babona ari bicye kandi ko aramutse agaragaje ibikorwa byose yakoze byabagora kubyakira.

Ati: 'Ndamutse mberetse ibikorwa byose maze iminsi nkora mwavuga ko ndi kubashuka nifashishije ikoranabuhanga (AI).'

Ibyo abafana ba Davido bashinja Sophia Momodu

Bamushinja kwifotoreza ku bintu by'abandi akifata cyangwa akiyerekana nk’aho ari ibye; Kujya mu birori bya kompanyi zikomeye akigaragaza nk’aho akorana nazo; Kutemera ahahise he ko yatsinzwe n'urugamba rw'ubuzima ngo amese kamwe agakomeza kwiyerakana nk’aho akaze.

Incamake y'ubuzima bwa Sophia Momodu

Yakuriye mu biganza bya Nyina w'umuyoruba, naho Se akaba yari umu-edo. Ari mu bashabitsi mu birebana n'imideli bamaze gushinga imizi n'umujyanama muri byo. Azwi cyane kandi mu bucuruzi bw'imiringa yambarwa.

Kugeza ubu uyu mugore afite imyaka 37 kuko yabonye izuba tariki ya 09 Kamena 1987. Mu mwaka wa 2015 ni bwo yabyaranye na Davido umwana w'umukobwa bise Imade Adeleke.

Akomoka mu miryango y'umunyapolitike n'umushabitsi mu itangazamakuru, Dele Momodu. Agenda yitabazwa na kompanyi zitandukanye zirimo Martell mu bikorwa byo kwamamaza.

Afite umuryango yatangije utanga ubufasha ku bana badafite ubushobozi yibanda ku kubafasha gusubira mu ishuri.

Sophia Momodu ubwo yari kumwe n’umukobwa yabyaranye na Davido ubu uri mu myaka 9Mu birebana n’imideli uyu mugore amaze gushinga imizi yaba mu bushabitsi buyishamikiyeho n’ibindi bijyana nayo

Bahuriye ku rubyiniro mu ijoro ryo kuri uyu wa Gatandatu rishyira kuri iki Cyumweru tariki 15 Nzeri 2024, mu Mujyi wa Edmonton muri Canada. Aba bahanzi bombi bagiye bahurira mu bitaramo bitandukanye, cyane cyane ibya Rwanda Day.

Iki gikorwa baririmbye cyiswe 'Hope Day' ni ngaruka mwaka gitegurwa hagamijwe kwizihiza ubudaheranwa bw'abarokotse Jenoside yakorewe Abatutsi mu 1994.

Kandi hanagamijwe gushimira abakomeje gushyigikira umuryango 'Memory Keepers Association' yo muri Edmonton, ku bw'uruhare rwayo mu guhindura ubuzima bw'abarokotse Jenoside yakorewe Abatutsi.

Iki gikorwa cyabaye umwanya mwiza wo kongera kuganira no kurebera hamwe ibikibangamiye iterambere ry'abarokotse, mu rugendo rwo kubafasha gukomeza kwiyubaha, haharanirwa iterambere ry'ejo hazaza.

Iki gikorwa cyateguwe n’umuryango Memory Keepers Association ifatanyije na Prime Luminisce Rwanda, kizaba mu cyumweru gitaha, ku wa Gatandatu tariki 14 Nzeri 2024.

Massamba niwe wari Umushyitsi Mukuru muri iki gitaramo, ni mu gihe Alpha Rwirangira yari umusangwa kuko asanzwe abarizwa muri kiriya gihugu.

Iki gikorwa cyamaze umunsi wose, kuko cyatangijwe n'ibikorwa byabereye ahitwa Rundle Park, ni mu gihe igitaramo cy’aba bahanzi cyabaye guhera saa kumi n’ebyiri z’umugoroba, kibera ahitwa Canadian Druze Center.

Ni cyo gitaramo cya mbere Massamba Intore yakoreye hanze y’u Rwanda, nyuma y’uko akoreye muri BK Arena igitaramo yizihirijemo imyaka 40 ishize ari mu muziki, n’imyaka 30 y’urugendo rw’iterambere rw’u Rwanda. 

Cyabaye ku wa 31 Kanama 2024, kandi yari ashyigikiwe n’abahanzi barimo Ruti Joel, Teta Diana, Jules Sentore, Nziza Francis n’abandi banyuranye.

Mu kiganiro yagiranye na InyaRwanda, Massamba yagaragaje ko yakozwe ku mutima n’uburyo abantu bamushyigikiye muri iki gitaramo, kandi yagikoze yiteguye kujya muri Canada.

Alpha Rwirangira ari kumwe n’umugore we n’umwana, bahuye kandi bagirana ibiganiro na Massamba Intore

Massamba yaserutse mu mwambaro uriho Intore, n’imitako myinshi ya gakondo mu gushushanya uburyo abumbatiye umuco Nyarwanda
Massamba asuhuza umwana wa Alpha Rwirangira, mbere y’uko bakorera igitaramo mu Mujyi wa Edmonton muri Canada

Iki gikorwa cyahuje Abanyarwanda mu ngeri zinyuranye babarizwa mu gihugu cya Canada 

Bamwe bahawe ‘Certificate’ mu rwego rwo kubashimira uruhare rwabo mu guteza imbere umuryango ‘Memory Keepers Association’

Massamba yisunze indirimbo zirimo iyo yakoranye na Dj Marnaud na Ruti Joel muri iki gitaramo
Mu bihe bitandukanye, Massamba Intore yakoreye ibitaramo bikomeye muri Canada

Massamba yatangaje ko yakozwe ku mutima no gutaramira abanyarwanda n’abandi muri iki gitaramo cyabaye, ku mugoroba wo ku wa Gatandatu tariki 14 Nzeri 2204 

Ibyishimo byari byose ku bitabiriye iki gitaramo 

Massamba yaserutse yambaye umwambaro ushushanyijeho Intare

Muri iki gitaramo, hifashishijwe ababyinnyi gakondo babyina zimwe mu ndirimbo zizwi mu muco Nyarwanda
Massamba yagiye anyura mu bafana agatanga umwanya kuri bo bakaririmbana indirimbo
Alpha Rwirangira uherutse gushimangira ko yinjiye mu ndirimbo zo kuramya no guhimbaza Imana

 

Rwirangira yaririmbye nyinshi mu ndirimbo ze zakunzwe

Abacuranzi ba Gitari n’ingoma za kizungu, bagaragaje ubuhanga buhanitse muri iki gitaramo 

Massamba ari kumwe n’abasore n’intore mu ngamba

Babyinnye indirimbo zamamaye mu muco w’u Rwanda

Uwase Peace [Angel Lace] wamamaye mu myidagaduro yo mu Rwanda nka Strawberry yakoreye ubukwe muri Uganda, aho yasezeraniye imbere y’amategeko n’umugabo biyemeje kurushinga.

Strawberry yasezeranye imbere y’amategeko n’umugabo we ku wa 14 Nzeri 2024 mu Mujyi wa Kampala ho muri Uganda aho amaze igihe anatuye.

Strawberry yakundanyeho na Michael Sarpong wari rutahizamu wa Rayon Sports, bakaza gutandukana nabi amushinja kumubeshya urukundo muri 2019.

Yaninjiye mu muziki ntiyahirwa. Yagumye mu mitwe ya benshi ubwo yashyiraga ku mbuga nkoranyambaga ze amafoto ye ashotorana.

Nyuma yo gusezerana imbere y’amategeko, biteganyijwe ko n’indi mihango y’ubukwe izaba mu gihe cya vuba.

Strawberry yasezeranye imbere y’amategeko n’umugabo we

We n’umugabo we basezeranye imbere y’amategeko

Mu mpera z’icyumweru gishize ku wa Gatanu tariki ya 13 Nzeri 2024, ni bwo Uwayezu Jean Fidele yeguye ku mwanya wo kuyobora umuryango wa Rayon Sports ku mpamvu z’uburwayi.

Yeguye mu gihe mu kwezi gutaha k’Ukwakira 2024 ari bwo yari kuzasoza manda ye y’imyaka 4 yatorewe tariki ya 24 Ukwakira 2020.

Uwayezu Jean Fidele yeguye nyuma y’iminsi atagaragara mu bikorwa bya Rayon Sports kubera impamvu z’uburwayi kugeza aho ubu yagiye kwivuriza hanze y’u Rwanda, amakuru avuga ko amaze icyumweru agiye.

Amakuru ISIMBI yamenye ni uko Jean Fidele afite ikibazo cy’umugongo, wamuzengereje akaba ari wo yagiye kwivuza kuko yari asigaye ababara cyane.

Uyu mugongo we ntabwo ari uwa vuba kuko no mu mpera z’umwaka w’imikino wa 2023-24 hari ibikorwa bimwe na bimwe atagiye agaragaramo kubera kurwara, na bwo ni wo yari arwaye ariko akaba yaraje koroherwa akomeza ibikorwa bya Rayon Sports.

Muri uyu mwaka w’imikino byaje kuba bibi kurushaho, umugongo ukomeza kumubera ikibazo kugeza aho afashe umwanzuro wo kujya kwivuriza hanze ari nabwo yagezeyo asanga atakomeza kuyobora Rayon Sports bitewe n’uburwayi ahitamo kwegura.

Uwayezu Jean Fidele arwaye umugongo