Blog

Muri rusange imibare y'uru rugaga igaragaza ko uru rwego rubarizwamo abenjeniyeri b'umwuga basaga ibihumbi 3.500 mu gihe ab'igitsina gore muri bo ari 10% gusa.

Mu busanzwe abenjeniyeri babarizwa mu nzego zitandukanye zirimo ubukanishi [mechanical engineering]; amashanyarazi [electrical engineering]; ubwubatsi bw'imihanda n'ibindi bikorwaremezo [civil engineering]; ikoranabuhanga [software engineering]; itumanaho [telecommunication engineering]; ubumenyi bw'ibijyanye n'indege [aerospace engineering], n'ahandi.

Mu kiganiro n'itangazamakuru cyabanjirije Inama Mpuzamahanga izarebera hamwe uruhare rw'Abenjeniyeri mu iterambere rirambye mu nzego zinyuranye, yateguwe n'Urugaga Nyarwanda rw'Abenjeniyeri mu Rwanda, IER, ku bufatanye n'Ihuriro ry'Ingaga z'Abenjeniyeri ku Isi, Umunyamabanga Nshingwabikorwa wa IER, Steven Sabiti, yagaragaje ko hari ikiri gukorwa ngo icyuho cy'abagore kiri muri uru rwego gikurweho.

Iyi nama izaba hagati ya tariki 15-18 Ukwakira, izitabirwa n'abarenga 800.

Sabiti yavuze ko umubare w'abenjeniyeri w'abagore ukiri muto kandi uteye impungenge.

Ati 'Uru rwego rufite ikintu gikomeye ruvuze ku iterambere ry'igihugu, kurujyamo dusize umubare munini w'abaturarwanda inyuma ntabwo byumvikana niyo mpamvu turimo gushyiramo ingufu nyinshi mu gukangurira abagore kuyoboka uyu mwuga.'

Sabiti yavuze ko mu rwego rwo gushishikariza abagore kwinjira mu bwenjeniyeri bashyiriweho agashami kabashinzwe, aho bategurirwa ingendoshuri, inama n'ibindi biganiro bigamije kubagaragariza amahirwe muri uru rwego.

Ati 'Turi gukora ibishoboka byose ngo dushishikarize abagore bato gukunda no kuyoboka umwuga w'ubu-enjeniyeri.'

Bipfira he?

Sabiti yavuze ko mu bushakashatsi bwakozwe n'Urugaga rw'Abenjeniyeri mu Rwanda, hari ibyagaragaye nk'inzitizi.

Ati 'Twashakaga ngo tumenye kuki mu mashuri yisumbuye harimo abakobwa benshi cyane, no muri kaminuza bikaba uko ariko waza mu mwuga ugasanga umubare uri hasi cyane?'

Mu bushakashatsi bwakozwe hagaragaye ko ikibazo cy'ibanze ari imyumvire nkene ivuga ko umwuga w'ubu-enjeniyeri ari umwuga usaba imbaraga z'umubiri nyinshi bityo bigaharirwa abagabo gusa.

Ikindi cyagaragaye n'uko ahenshi usanga ibikorwaremezo bikorerwaho imirimo itandukanye y'ubu-enjeniyeri cyane imwe isaba imbaraga, biba bitorohereza abagore gukora akazi kabo neza.

Sabiti ati 'Tumaze gukora ubwo bushakashatsi twafashe umwanzuro wo guhashya iyo mitekerereze idakwiye. Twashyizeho agashami gashinzwe abagore tunashyiraho ingamba z'uko gakora.'

Umuyobozi Mukuru wa IER, Eng. Gentil Kangaho, yavuze ko ubu-enjeniyeri ari urwego rwagutse cyane bityo abantu badakwiye kurubonera mu bwubatsi gusa.

Yavuze ko kubera iterambere Isi ikomeza kugeraho cyane mu ikoranabuhanga, uru rwego na rwo rugenda rwaguka bityo hari amahirwe menshi yo guhitamo aho umuntu yakisanga hatari mu bwubatsi gusa.

Umunyamabanga Nshingwabikorwa wa IER, Steven Sabiti, yavuze ko hari imitekerereze nkene igomba kwamaganwa

Umuyobozi Mukuru wa IER, Eng. Gentil Kangaho, yavuze ko hari amahirwe menshi muri uru rwego atari ubwubatsi

Abakobwa baracyari bake cyane mu mwuga w’ubu enjeniyeri

Kugeza mu mwaka w'amashuri wa 2022/2023 mu Rwanda habarurwaga ibigo by'amashuri 4,923, ndetse umubare uriyongera kuko mu bice bitandukanye by'igihugu hari amashuri mashya atangirana gahunda zo kwigisha icyiciro cy'incuke n'abanza.

Gusa ntibitungurana gusanga ishuri rikorera mu nzu zo guturamo cyangwa izagenewe gukorerwamo imirimo isanzwe ku buryo ibikorwa byo kwigisha bidashobora gukorwa uko bikwiye.

Nk'urugero mu Murenge wa Kinyinya hari ishuri rikorera mu Mudugudu wa Kadobogo, riri mu nzu zahoze zituwemo n'abantu batandukanye, nyuma zihindurwa amashuri.

Umuyobozi Ushinzwe Amasomo muri iri shuri, Manishimwe Eric yemereye itangazamakuru ko izi nyubako zabanje gukodeshwa abaturage bakazibamo ariko nyuma ziravugururwa, zihindurwa amashuri.

Ati 'Twaravuguruye wabibonye dushyiramo ibyumba by'amashuri ariko tubonye ibyangombwa twavugurura akaba amashuri. Hari agace kamwe kabagamo abantu n'ikindi cyari kibereye aho ngaho.'

Umuyobozi Mukuru wa NESA, Dr. Bahati Bernard yabwiye IGIHE ko hari gukorwa ubugenzuzi ku mashuri yigisha amasomo asanzwe ku buryo atemerewe gukomeza kwigisha azashyirwa ahagaragara mu gihe cya vuba.

Ati 'Turi kubikoraho. Vuba aha tuzayerekana.'

Kugaragaza amashuri adafite uburenganzira bwo gukomeza gutanga amasomo runaka byari bimaze igihe bikorwa ku mashuri ya tekinike, imyuga n'ubumenyi ngiro.

Umuyobozi w'Ishami rishinzwe Ubugenzuzi bw'Ireme ry'Uburezi muri NESA, Kavutse Vianney Augustine mu mpera za 2023 yabwiye IGIHE ko iyo ishuri risanganywe ibibazo rihabwa umwaka wo kubikemura byananirana rigafungwa.

Ati 'Hari aho usanga rwose no kugoragoza abanyeshuri babigwamo cyangwa ugasanga inzu zirashaje zanabagwira, icyo gihe turarifunga. Ubundi twebwe tureba inyungu z'abanyeshuri, ibindi biza nyuma.'

Kavutse yahamije ko mu gihe basanze ishuri ritujuje ibisabwa rihita ribuzwa kongera gufata abanyeshuri bashya, rigahabwa igihe cy'umwaka wo gutunganya ibisabwa byatuma abanyeshuri biga neza.

Ati 'Ntabwo wahita ubwira abana bari mu ishuri ngo muhagarare. Tubaha igihe cy'umwaka, hanyuma tukamenyesha akarere kugira ngo kitegure kuzareba aho kashyira abo bana n'ibindi byose byo kwita ku kibazo kakabikora.'

'Niba ari umushoramari, ari ikibazo cy'intebe cyangwa ibikorwa remezo muri icyo gihe cy'umwaka akatwandikira akavuga ati 'bya bintu nabikoze, duhita tugenda tukamufungurira. Ntabwo wahita ubwira abanyeshuri ngo muvemo kugira ngo abana n'abarimu badahungabana.'

Imibare y'Ikigo cy'Igihugu cy'Ibarurishamibare igaragaza ko ibigo by'ubucuruzi byashinzwe hagati ya 2021 na 2023 byerekeza mu ngeri y'uburezi bigera kuri 413.

Umuyobozi Mukuru wa NESA, Dr Bahati Bernard yahamije ko bari gukora igenzura ku bigo bishobora kuba bikora nta byangombwa

Amashuri yubakwa kuri ubu yubakwa mu buryo burambye

Inzu abanyeshuri ba TSS ntoma bararamo

Aho abanyeshuri barara harimo ibitanda na matels bigezweho

Ifite ubwiherero n’ubwogero bijyanye n’igihe

Yatangaje ibi mu gihe u Rwanda rwiteguye kwakira Inama Mpuzamahanga izarebera hamwe uruhare rw'Abenjeniyeri mu iterambere rirambye mu nzego zinyuranye.

Iyi nama izaba hagati ya tariki 15-18 Ukwakira, yateguwe n'Urugaga Nyarwanda rw'Abenjeniyeri mu Rwanda, IER, ku bufatanye n'Ihuriro ry'Ingaga z'Abenjeniyeri ku Isi. Izitabirwa n'abarenga 800.

Mu kiganiro n'itangazamakuru cyabaye ku wa 08 Ukwakira 2024, Dr Ngarambe yavuze ko muri iyi nama hazabaho kwisuzuma ku ruhande rw'u Rwanda hagendewe ku bimaze kugerwaho ahandi, harebwe niba 'Turi ku rwego rw'Isi.'

Yagize ati 'Iyi nama izadufasha kwigisha abakozi ba Leta cyane ibigo dukorana muri Minisiteri y'Ibikorwaremezo. Cyane cyane nka Minisiteri twibanda ku iterambere rirambye ry'imijyi, tuzareba ese abandi bageze he, ni he twashyira imbaraga.'

'Si ukwiga gusa, tuzanareba ese ibyo bakora hariya, no mu Rwanda byakunda?'

Mu Cyerekezo 2050, u Rwanda rwiyemeje kuzaba rufite imiturire igezweho kandi igera ku byiciro byose by'abaturage.

Umubare w'ingo zo mu cyaro zituye ahantu hamwe hateguwe uzazamuke uve kuri 67,2% mu 2016/17 ugere kuri 80% mu 2024 no ku 100% mu 2035, bikomeze gutyo kugeza mu 2050.

Imidugudu yo mu cyaro izaba ijyanye n'igihe, iteye imbere, abantu batuye mu buryo bwiza, bafite ibikorwa remezo by'ibanze na serivisi nkenerwa.

Kubera ko byitezwe ko Abanyarwanda barenga 70% bazaba batuye mu mijyi, mu gihugu hazashyirwaho uburyo bw'imiturire bwerekana ahagomba guturwa n'ahagenewe gutangirwa serivisi, ndetse n'uko imiturire na serivisi byuzuzanya kandi ntibibangamire imikoreshereze myiza y'ubutaka bwagenewe ibindi bikorwa bitari imiturire.

Umunyamabanga Nshingwabikorwa wa IER, Steven Sabiti, yavuze ko u Rwanda hari aho rumaze kugera mu guteza imbere ibikorwaremezo birengera ibidukikije binagira uruhare mu iterambere rirambye, bishobora no kubera isomo abazitabira iyi nama.

Ati 'Urebye nk'Umushinga wo kubaka Umudugudu wa Mpazi, hagiye hakoreshwa ibikoresho bitangiza ibidukikije, ikindi hari umujyi wacu uko ugenda utunganywa hari icyo bivuze. Hari kandi ibishanga biri gutunganywa, ibyo rero ni byinshi biri gukorwa mu murongo n'ubundi w'intego z'iterambere rirambye.'

Umuyobozi Mukuru wa IER, Eng. Gentil Kangaho, yavuze ko kuba ari ubwa mbere iyi nama igiye kubera munsi y'Ubutayu bwa Sahara, bizaha urubuga umugabane ugaragaze ibyo wagezeho.

Biteganyijwe ko abazitabira iyi nama bazasura bimwe mu bikorwaremezo u Rwanda rwagezeho birimo, Kigali Norrsken House, Stade Amahoro, Inyubako ya I&M Bank, Ikibuga Mpuzamahanga cy'Indege cya Bugesera, Nyabarongo II n'ahandi.

Umuyobozi muri Minisiteri y’Ibikorwaremezo, Dr Jack Ngarambe, yavuze ko kimwe mu bishyirwa imbere n'iyi minisiteri harimo no kwita ku iterambere rirambye ry'imijyi mu gihugu

Umunyamabanga Nshingwabikorwa wa IER, Steven Sabiti yavuze ko u Rwanda hari aho rumaze kugera mu guteza imbere ibikorwaremezo birengera ibidukikije

Umuyobozi Mukuru wa IER, Eng. Gentil Kangaho, yavuze ko kuba ari ubwa mbere iyi nama igiye kubera munsi y'Ubutayu bwa Sahara, izaba ari urubuga rwo kugira ngo umugabane ugaragaze ibyo wagezeho

Iyi nama izaba hagati ya tariki 15-18 Ukwakira, izitabirwa n'abarenga 800

Amafoto: Rusa Willy Prince

Sitati y'Ihuriro ry'ibihugu bigize HCCH yemejwe ku wa 31 Ukwakira 1951, itangira gukurikizwa ku wa 31 Nyakanga 1955.

Bisobanurwa ko u Rwanda rwabanje kwemeza amwe mu masezerano y'uyu muryango kuko rwabonaga afite akamaro ariko rutaraba umunyamuryango, kuko nk'amasezerano ya HCCH agamije kurinda abana yemejwe mu 1993, nyuma hemezwa andi yitwa Apostille.

Minisitiri Dr Ugirashebuja Emmanuel ubwo yagezaga ku Badepite umushinga w'itegeko ryemera kwemeza ko u Rwanda ruba kimwe mu bihugu bihuriye kuri sitati y'Ihuriro rya Hague ku mategeko mbonezamubano mpuzamahanga yemerejwe i Hague mu Buholandi (HCCH), yasobanuye ko mu gihe u Rwanda ruzaba ari umunyamuryango ruzajya rugira uruhare mu kugena ibikorwa by'uyu muryango hamwe n'ibikorwa by'akanama gahoraho.

Yagaragaje ko mu gihe haba hagiye gushyirwaho amasezerano mashya, igihugu cyajya kigira uruhare mu kuyiga bigatuma inyungu zarwo zihabwa agaciro, bikanafasha mu koroshya imikorere y'amategeko y'u Rwanda n'amategeko mpuzamahanga.

Biteganywa kandi ko mu gihe igihugu ari ikinyamuryango bigifasha guhabwa inkunga zigenewe gushyira mu bikorwa amasezerano ya HCCH.

Kuki u Rwanda ari bwo rugiyemo?

Minisitiri Ugirashebuja yasobanuye ko muri uyu muryango bishoboka ko igihugu cyashyira umukono ku masezerano kandi kitawurimo ariko ko kuwinjiramo biha u Rwanda amahirwe yo kuzajya rutanga ibitekerezo byarwo ku masezerano uzajya utegura.

Ati 'Twabonaga harimo amasezerano menshi yatugirira akamaro nk'u Rwanda ariko tugasanga nta mpamvu yo guhora gutira ibindi tutarigeze tubigiramo uruhare.'

Depite Nabahire Anasthase yagaragaje ko hari ibintu byinshi igihugu gishaka kwakira icyicaro cy'umuryango mpuzamahanga gisabwa, yibaza niba ari u Rwanda ruzabisaba cyangwa umuryango waramaze kubyanzura.

Ati 'Nagira ngo numve neza niba ari u Rwanda ruzasaba kugira ngo icyo cyicaro kibe cyaza hano cyangwa wenda niba hari ibiganiro byakozwe ku buryo hari urwego rwarangije kubifataho umurongo.'

Minisitiri Dr Ugirashebuja yashimangiye ko amahirwe yo kwakira icyo cyicaro ahari ariko byose bisaba kubanza kuba umunyamuryango.

Yahamije ko hari igihe babigusaba, ati 'ndibaza ko twavuganye na Minisitiri Nduhungirehe kuko icyo gihe yari akiri ambasaderi, yatubwiye ko babimusabye ariko aravuga ngo reka tubanze tube abanyamuryango kuko hari intambwe ukurikira kugira ngo ube umunyamuryango, ariko twumva ko yaba ari amahirwe biramutse byemewe.'

Ibyicaro by'uyu muryango biteganyijwe ni ibyo muri Afurika y'Amajyaruguru na Afurika yo munsi y'Ubutayu bwa Sahara.

Minisitiri Dr Ugirashebuja yasobanuye ko nta kindi gihugu cyo munsi y'ubutayu bwa Sahara cyari cyabisaba cyangwa ngo kigaragaze ko kibyifuza 'ariko twe barabidusabye.'

U Rwanda nirumara kwinjira mu banyamuryango ba HCCH ruzajya rutanga abarirwa mu 4445$ ku mwaka. Umuryango HCCH ubarizwamo ibihugu 91 byo ku migabane itandukanye.

Iri tegeko ryahise ritorerwa mu nteko rusange ritabanje kunyura muri komisiyo, ritorwa n'abadepite 79.

Abadepite batoye itegeko ryemerera u Rwanda kwinjira muri HCCH

Mu karere k'Ibiyaga Bigari hamaze igihe hari intambara, zagiye zituma mu bihe bitandukanye ibikorwa by'ubucuruzi bihagarara cyangwa bikagenda biguru ntege.

Nk'u Burundi kuva muri Mutarama 2024, bwafunze imipaka yose ibuhuza n'u Rwanda, hasigara inzira zo mu kirere gusa, bituma n'ubucuruzi bwo ku rugero ruto bushoboka bwakorwa hakoreshejwe indege gusa.

Ku ruhande rwa Repubulika Iharanira Demokarasi ya Congo n'u Rwanda, nubwo umwuka ukomeza kuba mubi hagati y'ibihugu byombi ariko iki gihugu kiri ku mwanya wa kabiri mu byo u Rwanda rwoherejemo ibicuruzwa byinshi mu gihembwe cya kabiri cya 2024.

Minisitiri w'Ubucuruzi n'Inganda ubwo yari mu kiganiro n'abanyamakuru kibanziriza inama ya Biashara Afrika, kuri uyu wa 8 Ukwakira 2024, yagaragaje ko intambara n'ibibazo bya politike bihungabanya ubucuruzi ariko Isoko rusange rya Afurika rishobora kuba indi nzira yo guhangana na zo.

Ati 'Nubwo rero tubona ingaruka z'intambara ariko kuba muri iyi miryango bidufasha guhangana na zo. Kuba intambara zihari byo ntabwo biterwa no kuba turi mu isoko rusange ahubwo kuba turi muri iri soko rusange bizadufasha guhangana n'izi ntambara.'

Isoko rusange rya Afurika rihurije hamwe ibihugu 54 bya Afurika, rifite abaturage miliyari 1,3 n'umusaruro mbumbe ubarirwa muri miliyari ibihumbi 3,4$, ariko ubucuruzi bukorwa hagati y'ibihugu bya Afurika buracyari ku gipimo kitarenze 16%.

Ubucuruzi bunyuze mu masezerano yIsoko rusange rya Afurika bwatangiye mu Ukwakira 2022, gusa magingo aya nta mibare nyakuri y'ibicuruzwa byacurujwe biyisunze.

Mu mpera za Nzeri 2024 ni bwo ibicuruzwa bya mbere byoherejwe hanze y'u Rwanda hisunzwe amasezerano y'isoko rusange rya Afurika.

Ibyoherejwe birimo ibilo 400 by'ikawa, ibilo 400 by'icyayi, litiro 100 z'amavuta akomoka kuri avoka na litiro 50 z'ubuki, byose byongerewe agaciro byose byoherejwe muri Ghana.

Abasesengura iby'ubukungu bahamya ko AcFTA ikwiye gushyira imbere ikoranabuhanga ku buryo n'iyo haba mu bihe by'umwuka mubi n'intambara bakomeza ibikorwa by'ubucuruzi.

Umunyamabanga Mukuru w'Isoko Rusange rya Afurika, Wamkele Keabetswe Mene, yatangaje ko ibihugu bikorana ubucuruzi binyuze mu masezerano y'isoko rusange bigiye kuva kuri birindwi gusa bikagera kuri 39.

Ati 'Hari intambwe ikomeye yatewe, kuko muri iyi myaka ibiri ishize ibihugu byagombaga gukora amavugurura no gushyiraho amategeko no gushyiraho uburyo bwo kwambutsa ibicuruzwa ku mipaka kugira ngo ubu bucuruzi bushobore gukorwa.'

Wamkele yahamije ko ikigega cy'Isoko Rusange rya Afurika kimaze gukusanya arenga miliyari y'amadorali ya Amerika akazafasha abikorera guteza imbere ibikorerwa mu nganda zo muri Afurika, ndetse ngo nta gihindutse mu 2025 bazatangira kuyaha abayakeneye ari na ko hakomeza gushakishwa andi.

Minisitiri Sebahizi yahamije ko Isoko Rusange rya Afurika rizasindagiza ubucuruzi mu bihe by’umwuka mubi n’intambara

Mu ijoro ryo kuri uyu wa Kabiri ni bwo Urwego rw’Igihugu rw’Iterambere, RBD, rwashyize hanze itangazo rivuga ko ibirori byo “Kwita Izina” byasubitswe. RDB yatangaje ko amatariki mashya ibi birori bizaberaho azatangazwa. 

Ibirori byo Kwita Izina byari biteganyijwe tariki 18 Ukwakira 2024, i Kinigi mu Karere ka Musanze, akaba ari ku nshuro ya 20 bigiye kuba. Icyakora ntihatangajwe impamvu ibi birori byasubitswe.

 Abana 22 b’ingagi nibo bazitwa amazina.

Inguzanyo ziciriritse u Rwanda rufata, zirimo izishyurwa ku nyungu iri hasi cyane kandi mu gihe kirekire, ni kimwe mu byatumye rubona iri nota.

Imiyoborere myiza, ikoreshwa neza ry'umutungo w'igihugu ndetse n'ubushake bw'ubuyobozi mu guteza imbere igihugu nabyo biri mu byatumye u Rwanda rukomeza kugira iri nota, kuko muri rusange byose bituma ubukungu buzamuka.

Iki kigo giteganya ko ubukungu bw'u Rwanda buzazamuka ku kigero cya 8% muri uyu mwaka, na 6.7% mu mwaka w'ingengo y'imari utaha. Ishoramari riri gushorwa mu kubaka Ikibuga cy'Indege cya Bugesera rigaragazwa nk'inkingi ya mwamba mu kuzamura ubu bukungu.

Iki kigo kandi kivuga ko ibiciro ku isoko bizazamuka ku gipimo cya 4,5% muri uyu mwaka, mu gihe icyuho mu ngengo y'imari nacyo kizaganuka, kikagera kuri 4,6% mu 2026 kivuye kuri 6,4%. Ku rundi ruhande, byitezwe ko mu 2025, inguzanyo za Leta zizagera ku kigero cya 78,2% by'umusaruro mbumbe w'igihugu.

Ikinyuranyo cy'ibyo u Rwanda rutumiza n'ibyo rwohereza mu mahanga cyo cyitezweho gukomeza kuzamuka, kikazagera kuri 12,5% by'umusaruro mbumbe w'igihugu mu mpera z'uyu mwaka, uretse ko kizarushaho kugabanuka mu myaka iri imbere.

Gusa iki kigo kigaragaza ko icyuho kinini mu ngengo y'imari y'u Rwanda, ibibazo bya politiki cyane cyane ibiri mu Karere u Rwanda ruherereyemo, ibyago by'izamuka ry'ibicuruzwa nka peteroli n'ibindi u Rwanda rukenera ku isoko mpuzamahanga, bishobora kuba imbogamizi ku bukungu bw'u Rwanda mu bihe biri imbere.

Ubukungu bw’u Rwanda bukomeje kugirirwa icyizere n’ibigo mpuzamahanga

Ni icyemezo gikubiye mu itangazo RDB yashyize hanze mu ijoro ryo kuri uyu wa Kabiri. Ntihigeze hatangizwa impamvu yacyo.

RDB yakomeje ivuga ko itariki ibi birori bizimurirwaho izamenyekanishwa mu bihe biri imbere.

Muri Nzeri 2024 nibwo RDB, yari yatangaje ko abana b'ingagi 22 bagiye guhabwa amazina mu muhango wo Kwita Izina wari utegerejwe ku itariki ya 18 Ukwakira 2024.

Byari byitezwe ko ari umuhango uzagaragaramo abantu b'ibyamamare batandukanye by'umwihariko bakagira uruhare mu guha amazina aba bana b'ingagi.

Mu nshuro 19 uyu muhango umaze kuba, abana b'ingagi 395 bamaze guhabwa amazina, mu gikorwa cyishimirwa ku rwego mpuzamahanga kuko kinagaragaza uruhare rw'u Rwanda mu kurengera ibidukikije muri rusange.

Uyu muhango usanzwe ubera mu Kinigi mu Karere ka Musanze hafi na Pariki y'Igihugu y'Ibirunga isanzwe ibarizwamo ingagi.

Umuhango wo kwita izina abana b’ingagi wasubitswe

Uko umupira w’amaguru ugenda utera imbere hirya no hino ku Isi ni na ko ugenda uha ikaze n’abakiri bato mu myaka. 

Mbere gukina umupira w’amaguru ntabwo byasabaga kuba uwushoboye gusa ahubwo hanagendarwaga ku myaka, ariko kuri ubu bisaba ubushobozi gusa.

Iyo ugiye mu Bwongereza usangayo abakinnyi nka Ethan Chidiebere Nwaneri w’imyaka 17 ukinira Arsenal, Kobbie Mainoo w’imyaka 19 ukinira Manchester United, Harvey Elliot w’imyaka 21 ukinira Liverpool n’abandi.

Usibye muri Premier League no muri La Liga usangayo abakinnyi nka Lamine Yamal w’imyaka 17 ukinira FC Barcelona n’abandi.

Iyo urebye no muri shampiyona y’icyiciro cya mbere mu Rwanda naho ubona abakinnyi bakiri bato nubwo rimwe na rimwe kumenya imyaka yabo hari igihe bigorana. Muri iyi nkuru tugiye kurebana abakinnyi 10 bato kurusha abandi bari muri Rwanda Premier League kugeza ubu.

10. Ishimwe Regis: Afite imyaka 18 n’iminsi 280 akaba akinira ikipe ya Kiyovu Sports 

9. Iradukunda Elie Tatou: Afite imyaka 18 n’iminsi itandatu, akinira Mukura VS 

8.Niyonkuru Pascal: Afite imyaka 18 n’iminsi 3, akinira AS Kigali 

7.Mugisha Andrew: Afite imyaka 17 n’iminsi 331, akaba akinira ikipe ya Muhazi United 

6.Ntwari Anselme: Afite imyaka 17 n’iminsi 280, akinira Gorilla FC 

5.Okoce David: Afite imyaka 17 n’iminsi 228, akinira Gorilla FC 

4.Kwizera Pacific: Afite imyaka 17 n’iminsi 194, akinira Visio FC 

3.Ndaruhiye David: Afite imyaka 17 n’iminsi 149, akaba akinira Marine FC 

2.Iradukunda Luc: Afite imyaka 16 n’iminsi 197, akinira Kiyovu Sports 

1.Kabano Cedrick: Afite imyaka 15 n’iminsi 307 akaba akinira ikipe ya Gasogi United

Iradukunda Elie Tatou ukinira Mukura VS aza ku mwanya wa 9 mu bakinnyi bakiri bato bakina muri shampiyona y’icyiciro cya mbere mu Rwanda 

Okoce David ukinira ikipe ya Gorilla FC aza ku mwanya wa 5 mu bakinnyi bakiri bato bakina muri shampiyona y’icyiciro cya mbere mu Rwanda 

Ibi bamwe muri aba bakiliya babigarutseho kuri uyu wa Mbere tariki ya 07 Ukwakira 2024, ubwo iyi banki yatangizaga icyumweru cyahariwe serivisi zo kwita ku abakiliya.

Munyakazi Sadate wavuze nk'umukiliya wa Equity Bank Rwanda, yagaragaje ko iterambere agezeho, ryagizwemo uruhare n'iyi banki, yatangiye gukorana nayo yitwa Cogebanque.

Ati 'Inguzanyo ya mbere nafashe hano yari miliyoni 30 Frw kandi nabwo byagoranye kuko nari navuze ko nzajya nkoresha duke twanjye. Za miliyoni zarandyoheye nza kwaka izindi miliyoni 150 Frw na zo zirandyohera nkurikizaho izindi miliyoni 300 Frw none ubu ngeze ku nguzanyo ya miliyari 1Frw irenga.'

'Urumva hari icyiyongereye ku mitungo yanjye kandi ni ukubera serivisi nziza twahawe na banki, kandi ntekereza ko atari njye gusa, ahubwo ari kuri benshi banki ifasha ngo ubukungu bwabo buzamuke.'

Murekatete Judith yavuze ko 'Icyo nshimira uyu muryango twajemo ni serivisi zawo nziza cyane, twaje twihurije hamwe nka ba rwiyemezamirimo, dufite abandi duhagarariye benshi b'abagore ariko ubu tumaze kwaguka mu buryo bugaragara tubikesha serivisi za Equity Bank kugeza ubwo dukangurira na bagenzi bacu kuyiyoboka.'

Muri iki cyumweru, abakiliya ba Equity Bank, bazarushaho kunogerezwa serivisi ari na ko banagenerwa impano, mu rwego rwo kubashimira ku musanzu batanga mu iterambere ry'iki kigo cy'imari kimaze kubaka izina mu Rwanda no mu Karere.

Umuyobozi ushinzwe ibikorwa muri Equity Bank Rwanda, Adalbert Rutayisire, yavuze ko n'ubwo bafasha abakiliya babo kwaguka, nabo ari ingenzi mu mikorere ya banki, akaba ari yo mpamvu hashyizweho icyumweru cyo kubashimira no kubanogereza serivisi kurushaho.

Ati 'Dutega amatwi abakiliya bacu, aho tubonye ko ari ngombwa dushingiye ku byo bakeneye tugashyiraho serivisi bashaka, tuzakomeza kugenza gutyo ntabwo ari ibintu tuzakora muri iki cyumweru gusa. Kumva abakiliya bacu nibyo dushyira imbere.'

Equity Bank ni banki mpuzamahanga yatangiye gukorera mu Rwanda mu 2011. Ifite amashami 36, abayihagarariye barenga 1,500 n'ahandi hatangirwa serivise zayo zinyuranye ku bakiliya barenga miliyoni n'igice ifite hirya no hino mu Gihugu.

Mu minsi ishize iyi banki iherutse gutangiza serivisi igamije gutera ingabo mu bitugu abashoramari mu rwego rw'ubuzima, hagamijwe kwagura no kunoza serivisi zitangwa ndetse no kuborohereza kugera kuri serivisi z'imari.

Munyakazi Sadate yashimiye Equity Bank kuri ubu imuha inguzanyo y’asaga miliyari

Murekatete Judith yavuze ko bageze ku rwego rwo guhamagarira abandi kuyoboka iyi banki

Umuyobozi ushinzwe ibikorwa muri Equity Bank, Adalbert Rutayisire, yavuze ko n'ubwo bafasha abakiliya babo kwaguka, nabo ari ingenzi mu mikorere ya banki

Iki gikorwa cyari cyitabiriwe n’abayobozi batandukanye barimo n’abahagarariye amashami ya Equity Bank hirya no hino mu gihugu

Hakaswe umutsima mu rwego rwo kwishimana n’abakiliya

Abakiliya ba Equity Bank Rwanda yashimiye abakiliya bayo

Mu minsi ishize iyi banki iherutse gutangiza serivisi igamije gutera ingabo mu bitugu abashoramari mu rwego rw'ubuzima

Amafoto: Habyarimana Raoul