Blog

Ku ruhande rw'u Rwanda by'umwihariko, iri Soko rivuze byinshi, bijyanye n'uko rizagabanya ikiguzi cyo kohereza no gutumiza ibicuruzwa hanze.

Dushingiye ku rugero rw'u Burayi, ubona ko Isoko nk'iri ku Mugabane wa Afurika rishobora no kugira ingaruka nziza ku bihugu bidakora ku nyanja muri Afurika kurusha n'ibiyikoraho.

Dufashe nk'urugero rwa Hongrie, iki gihugu cyohereza mu Burayi hejuru ya 78% by'ibicuruzwa cyohereza hanze, bikaba 70% kuri Autriche na 80% kuri Slovakie.

Mu bihugu bikora ku nyanja nk'u Budage usanga uyu mubare uri hasi kuko bwohereza mu Burayi ibingana na 53% gusa, ku Bufaransa bikaba 55%.

Birashoboka ko u Burayi butaba igipimo cyiza cyo kugereranya na Afurika, na cyane ko ubucuruzi bukorerwa imbere mu Burayi bungana 61% by'ubucuruzi bwose uwo Mugabane ukora, nyamara ugasanga muri Afurika tutararenza 16%. Gusa nanone ibi biduha ishusho ngari, yerekana ko ibihugu bidakora ku nyanja bishobora kungukira muri iri Soko rusange.

Ku ruhande rw'u Rwanda, nta gushidikanyamo ko ruyabona agaciro gakomeye, ibinashingirwa cyane cyane n'ubushake bw'ubuyobozi mu kuyihutisha.

Mu kiganiro aherutse kugirana na IGIHE, Minisitiri w'Ubucuruzi n'Inganda, Prudence Sebahizi, yavuze ko u Rwanda rukeneye guhangana n'ikibazo cy'umusaruro muke, hakifashisha ikoranabuhanga mu kuwungera.

Ati ” Ushobora gutanga umusaruro mwinshi ariko umubare w'ibyo wakoreshaga bitiyongereye. Ubutaka butiyongere, umubare w'abakozi utiyongereye, ariko umusaruro ukiyongera. Kugira ngo hiyongereye umusaruro, ni uko hiyongeramo ikoranabuhanga kandi ibyo bikorwa binyuze mu bushakashatsi.”

Minisitiri Sebahizi agaragaza isoko rusange rya Afurika nk’amahirwe akomeye ku bashoramari

Yongeyeho ati “Tugomba kwinjira mu bintu byadufasha ibyo dukora byiyongera, niyo ibyo dukoresha bitaba byiyongereye. Nk'abafite inganda bakibaza uburyo bagomba gukuba kabiri cyangwa gatatu umusaruro wabyo.”

Kudashyira aya masezerano mu bikorwa ni ukwiyahura

Minisitiri Sebahizi yavuze ko kudashyira aya masezerano mu bikorwa ari nko kwiyahura.

Ati “Kudashyira aya masezerano mu bikorwa ni ukwiyahura bikomeye nka Afurika. Aya masezerano akemura ibibazo dufite, kutayashyira mu bikorwa ni ukwemera ko icyari kidutegereje kibi cyatubaho.”

Yashimangiye ko aya masezerano azongera ishoramari ryo ku Mugabane wa Afurika, ati “Hari ibintu bibiri aya masezerano azadufasha. Iterambere rya Afurika rishingiye ku byo tuzashobora gukora, ibyo nibyo bizadufasha kugera ku ntego twiyemeje nk'Umugabane yo kwikura mu bukene.”

Yatanze urugero rw'uko “Umushinwa wabonaga isoko muri Afurika, azabona ko ari ngombwa kuzana uruganda rwe muri Afurika, icyo gihe agatangaza akazi n'ubumenyi ku Banyafurika.”

Gusa kimwe mu bibazo bikomeye biri mu Rwanda ni ikijyanye n'umusaruro muke w'inganda nke igihugu gifite. Nk'ubu inganda izitunganya umuceri, zatunganyaga 45% by'ukenewe mu gihugu, ibigori bikaba 35%, izitunganya ibya pulasitiki bikaba 11%, imbaho bikaba 4%, imyenda bikaba 10%, isukari bikaba 11%.

Muri rusange, mu Rwanda hari inganda 1.162. ariko izikora mu bijyanye no gutunganya umusaruro w'ubuhinzi n'ubworozi, zihariye 49.91%.

Birumvikana ko kugira u Rwanda rwitegure kubyaza amahirwe umusaruro w'iri soko, ari na ngombwa ko rushyira imbaraga mu guteza imbere inganda zarwo muri rusange.

Mu nama ya Biashara Afrika iri kubera mu Rwanda, hagaragajwe imbogamizi zikibangamira imikorere y'iri soko muri rusange, irimo gukumira urujya n'uruza rw'abantu aho usanga ingendo muri Afurika zigoranye ndetse zinahenze kurushaho.

Muri gahunda ya Guverinoma y'imyaka itanu iri imbere u Rwanda rwifuza ko ishoramari ry'abikorera rigomba kwikuba kabiri mu gaciro. Rikazava kuri miliyari 2,2$ bingana na 15,9% y'umusaruro mbumbe w'igihugu, rizagere kuri miliyari 4,6$ bingana na 21,5%.

Gahunda yo guteza imbere ibikorerwa mu Rwanda biteganyijwe ko izahabwa umwihariko aho ibyo bikorerwa mu Rwanda bigomba kwiyongera ku ijanisha rya 13% buri mwaka.

U Rwanda ruri mu bihugu bya mbere byashyize umukono ku masezerano y'isoko rusange rya Afurika.

Kugeza ubu ibihugu 47 ni byo byamaze kwemeza ayo masezerano, mu gihe u Rwanda ruri mu bihugu birindwi bya mbere byamaze gutangira gukora ubucuruzi binyuze muri ayo masezerano rusange.

Umunyamabanga Mukuru wa AfcFTA, Wamkele Keabetswe Mene yatangaje ko uyu mwaka ibihugu 38 ari byo bigiye kujya bikorana ubucuruzi bikoresheje amasezerano y'isoko rusange rya Afurika.

Ku rundi ruhande, u Rwanda rurateganya kuzohereza mu mahanga ibicuruzwa bifite agaciro ka miliyari 7.3$ mu myaka itanu iri imbere.

Isoko rusange rya Afurika ryagaragajwe nk’uburyo bwafasha u Rwanda gutera imbere ku muvuduko mwinshi

Ibi byabaye mu ijoro ryakeye tariki ya 8 Ukwakira ubwo Fuso yavaga mu Murenge wa Ngarama yerekeza mu Murenge wa Kabarore yageze mu Murenge wa Gatsibo mu Kagari ka Nyabicwamba mu Mudugudu wa Gatungo ikagonga abantu batatu bo mu muryango umwe bari bari gutaha barimo umukecuru, umukobwa we n'umwuzukuru w'amezi atandatu.

Umuvugizi wa Polisi y'u Rwanda mu Ntara y'Iburasirazuba, SP Twizeyimana Hamduni, yabwiye IGIHE ko uwo mushoferi akigonga abo bantu yahise aburirwa irengereo aza kuboneka mu gitondo cyo kuri uyu wa Gatatu, gusa ngo bamupimye basanga atari yanyoye inzoga.

Ati 'Iyo mpanuka koko yabaye, yatewe n'uburangare bw'umushoferi yaturutse inyuma y'abantu batatu bose arabagonga. Umukecuru w'imyaka 53 yahise yitaba Imana naho umukobwa we w'imyaka 31 n'umwuzukuru we w'amezi atandatu bo bajyanywe kwa kwa muganga hafi aho bahita bitaba Imana nabo. Uwo mushoferi yabanje kubura aza kuboneka mu gitondo cy'uyu munsi.'

SP Twizeyimana yakomeje asaba abakoresha umuhanda kwirinda ibisindisha, gukoresha telefone batwaye, uburangare, umuvuduko n'ibindi bibi byose byatuma batubahiriza amategeko y'umuhanda nk'uko bikwiriye. Yavuze ko iyo hagize urenga kuri kimwe muri ibi biteza impanuka zivamo n'urupfu.

Kuri ubu abishwe n'iyi mpanuka imibiri yabo yajyanywe kwa muganga kugira ngo ikorewe isuzuma mbere yo kuyishyingura mu cyubahiro.

None ku wa 09 Ukwakira 2024, muri Camp Kigali hatangiye inama ya Africa Tea Convention and Exhibition ihuza abantu baturuka mu bihugu 15 ikaba yahuje abamurika ibikorwa byabo bigendanye n'icyayi bangana na 30. Iyi nama yitabiriwe n'abantu 500 harimo n'abazatanga ibiganiro 22.

Iyi nama ibaye ku nshuro ya gatandatu akaba ari inshuro ya kabiri ibereye mu Rwanda nyuma y'uko inshuro ya mbere yabaye mu mwaka wa 2013. Iyi nama yaherukaga kubera mu Burundi mu mwaka wa 2022.

Ubwo hafungurwagaga iyi nama n'imurikagurisha, Ambasaderi wa Pakistan mu Rwanda, Naeem Khan yavuze ko kuba iyi nama yabera mu Rwanda ari urugero rwiza rwo guha agaciro umusaruro w'icyayi cyo mu Rwanda ndetse no gutanga urugero rwiza ku bantu bo hirya no hino bifuza gukora ubucuruzi mu cyayi.

Mu ijambo rye, yavuze ko abaturage benshi bo muri Pakistan bazi u Rwanda kubera icyayi mu gihe abanyarwanda benshi bazi Pakistan kubera umuceri. 

Ati 'Abaturage bo muri Pakistan bazi u Rwanda kubera icyayi mu gihe abanyarwanda bazi Pakistan kubera umuceri. Muri Pakistan hamaze kwaguka ubuso buhingwaho icyayi n'ubwo icyayi cyinshi gikoreshwa muri Pakistan kiba cyavuye hanze y'Igihugu.'

Umuhinzi w'icyayi, Munezero Clementine ukomoka mu karere ka Nyaruguru, yavuze ko iyi nama yitabiriye izamutyaza ikanamufungurira amahirwe yo guteza imbere ubuhinzi bwe bw'icyayi abonamo ubushobozi bw'ibanze ari ukwizigamira, kubona amafunguro ndetse no kubona amafaranga y'ishuri ry'abana.

Mu kiganiro na InyaRwanda.com, Munezero Clementine yagize ati 'Icyayi kimaze gufata intera nini kuko ubu dusigaye ducuruza ku rwego mpuzamahanga n'ikimenyimenyi urabona ko twitabiriye iyi nama mpuzamahanga ya African tea and Exhibition. 

Nitabiriye guhinga icyayi kubera umumaro wacyo nabonye. Mu buzima busanzwe ndi umuganga ariko amafaranga menshi nyakura mu cyayi kuko ni igihinga kidasaza. Ubu nizigamira muri Ejo heza, Nishyurira abana bange ishuri, nshobora kujya muri Bank nkafata inguzanyo, ni byinshi.'

Iyi nama kandi yahurijwe hamwe n'imurikagurisha ry'ibikomoka ku cyayi byahuje abamurika ibikorwa byabo 30. Muri abo harimo nka CMA CGM Kenya Limited, Ocean Freight (EA) Ltd, Unidil Packaging Solutions Limited, Tea Machinery and Engineering Company (TEMEC), Rwanda Mountain Tea Limited, National Agricultural Export Development Board (NAEB), …

Manager w'uruganda rwa UNIDIL rukorera mu gihugu cya Sri Lanka, Hemantha Wijekoon yabwiye InyaRwanda.com ko ari iby'abaciro gusobanurira abanyarwanda ibikorwa by'uru ruganda ruzwiho mu gukora ibintu byo gupfunyikamo.

Hemantha Wijekoon yavuze ko kuba ageze mu Rwanda yiteguye gukorana n'abanyarwanda mu buryo bwo kubika neza icyayi ndetse no kukigeza ku ruhando mpuzamahanga. Ati 'Hari ibigo dukorana byinshi hiyongereyeho n'ibindi bigo byo mu Rwanda byatwongerera amahirwe twembi mu buryo bwo kubisakaza ku Isi.'

Ubuhinzi bw'icyayi bukomeje kwinjiriza igihugu agatubutse ndetse bukamanura inama mpuzamahanga i Kigali, bwatangiye mu mwaka wa 1952 mu karere ka Nyamashake bugenda bwaguka gake gake kugeza mu mwaka wa 1962 ubwo i Gicumbi hshyirwaga uruganda rwa mbere rw'icyayi.

Kugeza magingo aya, mu Rwanda hari inganda 19 zitunganya icyayi aho ku munsi hashobora gutunganywa ibibabi by'icyayi bingana na 1,000,700. Bumwe mu bwoko bw'icyayi cy'umwimerere u Rwanda ruzwiho, harimo black, orthodox, white, green, organic na spicy tea.

Ambasaderi wa Pakistan mu Rwanda, Naeema Khan yavuze ko benshi mu baturage ba Pakistan bazi u Rwanda kubera icyayi

African tea and Exhibition itegurwa na East African Tea Trade Association yabereye mu Rwanda ku nshuro ya kabiri

Abaturuka hirya no hino ku Isi bitabiriye iyi nama

Iyi nama yahujwe n’imurikagurisha ryahuje abamurika ibikorwa byabo bagera kuri 30

Imibare igaragaza ko igipimo cy'ubushomeri mu rubyiruko rw'Isi kibarirwa kuri 13% mu gihe mu Rwanda kigeze hejuru ya 20% ndetse muri aba bugarijwe n'ubushomeri harimo abize amasomo ya tekinike, imyuga n'ubumenyi ngiro.

Umuyobozi Mukuru wa Mega Global Link, Dr. Francis Habumugisha yatangaje ko abakozi bakenewe mu mirimo itandukanye barimo abagabo bakora mu bwubatsi, abantu bose bafite ubushobozi bwo gukora mu nganda mu ruhererekane rwo gukora ibikorerwa mu nganda buzuza inshingano imashini zitakora, abakora mu bubiko bw'ibicuruzwa n'abakora mu byerekeye amashayarazi.

Ati 'Dufitanye amasezerano n'ibigo biriyo. Mu kazi kose dufite dutwara abafite impamyabumenyi ya A1 kuzamura.'

Dr. Habumugisha yagaragaje ko mu bihugu byose bafiteyo akazi kenshi ku buryo abantu bose bashaka kubyaza umusaruro ayo mahirwe y'akazi, bafashwa ndetse bagahabwa bakanafashwa mu byerekeye icumbi.

Ati 'Abo tujyana mu kazi ibigo bibaha akazi biranabacumbikira.'

Abashaka kubyaza umusaruro amahirwe y'akazi muri ibi bihugu bose ni abafite kuva ku myaka 18 kugeza ku myaka 50 bakazaba bakora amasaha umunani ku munsi, mu minsi itanu y'icyumweru.

Bashakirwa visa ibafasha kugera mu bihugu 26 byashyize umukono ku masezerano ya Shcengen.

Aba mbere bamaze guhabwa akazi mu bigo birimo ibyo mu Bufaransa ndetse bamaze kugenda mu gihe abandi bagifashwa mu kuzuza ibyangombwa ngo bashobore kujya gutangira akazi.

Mu Bufaransa hari abamaze kugerayo ndetse batangiye akazi

Abize ubwubatsi bakenewe mu bihugu byinshi by’i Burayi

Perezida Kagame na Dr. Kaseya kandi bunguranye ibitekerezo ku ngamba zafasha mu guhangana n'indwara zitandukanye zibasira abaturage.

Baganiriye kandi ku buryo bwo kongera ubushobozi bwubakwa mu bijyanye no gukorera inkingo n'ibikoresho byo kwa muganga ku Mugabane wa Afurika.

Africa CDC yabaye hafi u Rwanda by'umwihariko muri iyi minsi ruhanganye n'icyorezo cya Marburg ndetse na Mpox yugarije Afurika muri rusange.

Inkuru bifitanye isano: https://igihe.com/ubuzima/article/perezida-kagame-yatanze-icyizere-ku-myitwarire-y-u-rwanda-mu-guhangana-na

Perezida Paul Kagame na Dr. Jean Kaseya baganiriye ku guhangana n’indwara mu Rwanda no muri Afurika

Ibiro by'Umukuru w'Igihugu, Village Urugwiro byatangaje ko Perezida Kagame na Dr. Morissando bagiranye ibiganiro byibanze ku mikoranire y'impande zombi mu ngeri zitandukanye.

Nyuma yo kwakirwa n'Umukuru w'Igihugu, U Rwanda na Guinea-Conakry byasinyanye amasezerano 12 y'imikoranire mu nzego zinyuranye zirimo ubukerarugendo, ubuhinzi, ingufu, guteza imbere ibyoherezwa mu mahanga, ikoranabuhanga, gutanga serivisi hifashishijwe ikoranabuhanga, ishoramari n'ibindi binyuranye.

Ku ruhande rw'u Rwanda amasezerano yashyizweho umukono na Minisitiri w'Ububanyi n'Amahanga, Amb. Olivier Nduhungirehe, mu gihe Guinea yari ihagarariwe na mugenzi we, Dr. Morissanda Kouyaté.

Minisitiri Amb. Nduhungirehe yagaragaje ko ibihugu byombi bisanzwe bifitanye imikoranire myiza ishingiye ku masezerano yagiye asinywa mu nzego zitandukanye.

Ati 'Iyo mikoranire hagati y'ibihugu byacu byombi ni ikimenyetso cy'ubwuzuzanye kandi yungura impande zombi. Ibihugu byacu bisangiye intego y'imikoranire yubakiye ku guhuza imbaraga kwa Afurika, ubwubahane n'ubwumvikane.'

Ibihugu byombi byashyize umukono ku masezerano y'imikoranire arebana no guteza imbere ubukerarugendo, kongera ibyoherezwa mu mahanga, guteza imbere urubyiruko n'umuco ndetse no kubaka inzego y'ubuyobozi.

Nduhungirehe yakomeje agaragaza ko ubwo gukorana kw'ibihugu byombi muri izo nzego bizatuma bikomeza kwagura umubano no mu zindi nzego bishobora guhuzamo imbaraga.

Minisitiri w'Ububanyi n'Amahanga wa Guinea, Dr. Morissanda Kouyate yashimye imikoranire iri hagati y'igihugu cye n'u Rwanda ndetse yashimye uruhare rwa komisiyo ihuriweho n'ibihugu byombi ikomeje kwiga ku mikoranire hagati yabyo.

Dr Morissanda yavuze ko abayobozi b'impande zombi bashishikajwe no kubaka umubano n'imikoranire ishobora gufasha abaturage b'ibihugu byabo.

Ati 'Abo bayobozi babiri barajwe inshinga no kugaragaza ko imiterere y'ibihugu bijyanye n'aho biherereye bidakwiye kuba impamvu ibangamira imikoranire. Rero dushobora kwibanda cyane kuri izo nzego z'imikoranire kandi ndizera ko bizatanga umusaruro.'

Yashimangiye ko inzego zigiye kwibandwaho muri ayo masezerano zizagira impinduka mu mibanire n'umubano w'ibihugu byombi kandi bizahindura byinshi.

U Rwanda na Guinea ni ibihugu bikomeje kubaka umubano n'imikoranire igamije guteza imbere abaturage mu bihugu byombi.

Muri Mutarama 2024, Perezida w'inzibacyuho wa Guinée-Conakry, Général Mamadi Doumbouya, yagiriye uruzinduko mu Rwanda, ndetse ibiganiro abakuru b'ibihugu byombi bagiranye, byagaragaje ko hashyizwe imbere ubufatanye mu ngeri zitandukanye zigamije iterambere ry'abaturage.

Uru ruzinduko rwanasize Gen Doumbouya afunguye ku mugaragaro Ambasade y'iki gihugu mu Rwanda.

Umubano mu bya dipolomasi hagati y'u Rwanda na Guinea washibutse mu ruzinduko Perezida Paul Kagame yagiriye muri icyo gihugu tariki 17 na 18 Mata 2023, ahasinyiwe amasezerano mu ngeri zitandukanye zirimo n'ikoranabuhanga.

Mu Ukwakira 2023 ni bwo Guinea Conakry yatangaje ko yafunguye Ambasade yayo i Kigali, nyuma y'amezi atatu Souleymane Savané agenwe nka Ambasaderi wa Mbere w'icyo gihugu mu Rwanda.

Perezida Kagame yashyikirijwe ubutumwa bwa mugenzi we Mamadi Doumbuya

Minisitiri w’Ububanyi n’Amahanga Amb. Olivier Nduhungirehe, yagaragaje ko imikoranire y’ibihugu byombi yimakaza ubwubahane

Minisitiri w’Ububanyi n’Amahanga wa Guinea Dr. Morissando Kouyate, yashimye umubano w’igihugu cye n’u Rwanda

Hasinywe amasezerano 12 y’imikoranire hagati ya Guinea n’u Rwanda

Impande zombi zishimiye isinywa ry’ayo masezerano

Bamwe mu banya-Guinea bari mu Rwanda kwiga ku ngeri zinyuranye z’imikoranire

Hari abagize itsinda ry’u Rwanda na Guinea bakomeje kwiga uko ibihugu byombi byakagura imikoranire

Luisa Kmreva avuga ko yafashwe ku ngufu n’uyu mukinnyi muri 2017 akabikorera mu modoka ye yo mu bwoko bwa ‘Porsche Cayenne’ impande y’akabyiniro ko muri Espagne.

Uyu munyamideli kandi yavuze ko icyo gihe yavunitse ku mavi nyuma y’uko yari amaze kumufata ku ngufu akamusohora muri iyo modoka ku gahato.

Yagize ati “Mfite ibimenyetso ku mugongo no ku mavi. Theo aramutse asabye imbabazi. Ni cyo kintu gito nkwiriye.”

Theo Hernandez utarigeze afungwa kubera iki cyaha yemera ko yaryamanye na Luisa Kremleva ariko bakaba bari babyumvikanyeho.

Police yo mu gihugu cya Espagne yemereye ikinyamakuru The Sun ko irimo irakora iperereza kuri iki ikirego cy’ihohoterwa rishingiye ku gitsina.

Icyakora iki kirego cyari cyarahagatitswe n’urukiko nyuma yuko habuze ibimenyetso gusa nyuma abashinjacyaha baza kubona amashusho yerekana uyu munyamideli yakomeretse mu ivi by’impanuka ari inyuma y’akabyiniro muri Espagne.

Nkuko The Sun yabyanditse urubanza rwa Kreml rwashyizwe taliki ya 28 Ukwakira mu rukiko i Malaga muri Espagne gusa ntabwo bizwi neza niba Theo Hernandez azajyayo cyangwa azarwitabira akoresheje ikoranabuhanga.

Uyu mukinnyi w’imyaka 27 usanzwe anakinira ikipe y’igihugu y’u Bufaransa, yatangiye gukina ruhago ahereye mu ikipe ya Atletico Madrid y’abato, ajya muri Deportivo Alavés, ayivamo ajya muri Real Madrid nayo ayivamo ajya muri Real Sociedad mbere yo kwerekeza muri AC Milan muri 2019.

Luisa avuga ko yafashwe ku ngufu n’umukinnyi wa Ac Milan 

Theo Hernandez ari mu mazi abira

Imibare mishya yatangajwe na Minisiteri y'Ubuzima kuri uyu wa 08 Ukwakira 2024, igaragaza ko kugeza ubu hamaze kugaragara abantu 58 banduye Marburg, barimo babiri bagaragaye kuri uyu munsi, aho hamaze gufatwa ibipimo 2 655 birimo 268 byafashwe kuri uyu wa Kabiri.

Ni mu gihe abari kuvurwa ari 33, kuko 13 bamaze kubura ubuzima bazize iyi ndwara, barimo umwe yahitanye Ejo kuwa Kabiri. Naho abamaze gukira iyi ndwara ya Marburg, bose hamwe ni 12, barimo bane (4) bayikize kuri uyu wa Kabiri.

Dr. Menelas ni Inzobere mu buvuzi buhabwa indembe akaba n’umwe mu itsinda ry’Abaganga bavura abarwayi ba Marburg. Ni Umuyobozi ushinzwe imyigishirize no guteza imbere abakozi bo mu rwego rw'Ubuzima (Health Workforce Department).

Kuri uyu wa Gatatu tariki 09 Ukwakira, uyu muganga w’inzobere akaba n’umuyobozi, yagaragaje ibyiza byo gufata urukingo rwa Marburg anavuga ko iturufu yafasha Abanyarwanda guhashya iyi ndwara ihagayikishije Isi by’umwihariko igihugu cy’u Rwanda.

Mu butumwa yandise kuri X, yagaragaje ko nawe yamaze guhabwa uru rukingo. Ati: “Urukingo rwa Marburg twahawe ruzatwongerera ubudahangarwa bityo turusheho kwita ku bafite iyi virusi no kubaha ubuvuzi nta mpungenge z’uko twakwanduzwa nabo. Iyi ni intambwe ishimishije. #DutsindeMarburg”.

Dr. Menelas Nkeshimana yavuze kandi ko “twishimiye cyane ko twagize amahirwe yo kubona inkingo, uyu munsi nanjye nakingiwe kandi nabyishimiye kuko bitwongereye ubudahangarwa twari dufite mu kuvura abarwayi”. Yavuze ko impungenge zo kwandura iyi ndwara zagiye hasi cyane bishoboka.

Yasabye abanyarwanda gukaraba intoki bakoresheje amazi meza n’isabune no kwirinda gukora ku muntu ufite ibimenyetso nk’uko ‘twabibwiwe na Minisiteri y’Ubuzima’. Yongeyeho ati “Kandi wihutire gushaka ubutabazi bw’ibanze 114”.

Mu gihe u Rwanda rukomeje ibikorwa byo gukingira Icyorezo cya Marburg, ruhereye ku bakozi bo kwa muganga, Dr Nkeshimana yishimiye guhabwa urukingo rwiyongera ku zindi ngamba zo kwirinda kwandura virusi ya Marburg mu gihe avura abayifite kuko ruzatuma akomeza akazi ke nta mpungenge zo kwandura.

Yasabye Abanyarwanda gusenyera umugozi umwe mu kwirinda no kurwanya Marburg, avuga ko nibabikora gutyo nta kabuza bazahashya iyi ndwara. Ati “Twese hamwe nitubikorera hamwe tuzabasha kwirinda iyi ndwara, twese tubashe kubaho ubuzima bwiza nk’uko tubyifuza”.

Kuwa Kabiri w’iki Cyumweru, Umunyamabanga wa Leta muri Minisiteri y’Ubuzima, Dr Yvan Butera; Umuyobizi w’Ikigo Gishinzwe gutanga amaraso muri RBC, Dr Muyombo Thomas [Tom Close] bari mu bakingiwe hamwe n’abakora mu Bitaro byitiriwe Umwami Faisal.

Minisiteri y'Ubuzima iributsa ko igikorwa cyo gukingira iyi ndwara cyatangiye, aho cyatangiriye ku baganga n'abandi bakozi bari ku ruhembe mu buvuzi. Dr. Yvan Butera aherutse kuvuga ko urukingo rwa Marburg rwatangiye gukoreshwa muri 2018 muri Leta Zunze Ubumwe za America.

Uru rukingo rutangwa ari doze imwe, nyuma y'iminsi itatu umuntu aruhawe rutangira kurema ubudahangawa bw'umubiri buba buri kuri 70%, naho nyuma y'icyumweru bukaba bwageze ku budahangarwa bwa 95%.

Dr. Nkeshimana ni umwe mu bamaze guhabwa urukingo rwa Marburg

Dr. Menelas Nkeshimana yatangaje inyungu ziri mu gufata urukingo rwa Marburg

Mu mpera z'umwaka ushize, Harmonize yari mu rukundo n'umunyarwandakazi Yolo The Queen aho yamutakagizaga avuga ko ari we mukobwa w'inzozi ze ndetse uhaza kwifuza kwe.

Mu ntangiriro z'umwaka wa 2024, Harmonize yatunguranye yemeza ko yamaze gutandukana na Yolo The Queen ahishura ko urukundo ruryoshye hagati ye n'umushabitsi ufite inkomoko mu Rwanda ari we Poshy Queen.

Urukundo rw'aba bombi rwakomeje kuryoha bigera ubwo Harmonize atangaje ku mugaragaro ko Poshy Queen ari we umuhagije atazongera kwiruka mu bintu by'abagore ahubwo afite gahunda yo gukora ubukwe mbere y'uko uyu mwaka urangira.

Muri iki gihe bamaze bakundana, Harmonize yatewe amabuye kenshi kubera uyu mukunzi we ariko akajya yihagararaho muri ibyo byose yanengwagaho n'abafana be. Mu byo yanenzwe bifitanye isano na Poshy Queen, harimo kujya gusengera mu bakirisitu kandi ari umuyisilamu, kwica igisibo,…

Mu mezi abiri ashize kandi, Harmonize yagize Poshy Queen CEO w'ibikorwa bye byinshi nkuko byigeze kugenda ubwo yari ahararanye na Kajala Frida bakaza gutandukana bigatuma Harmonize ahomba amafaranga menshi kubwe.

Kugeza magingo aya, Harmonize na Poshy Queen ntabwo bagikurikirana kuri Instagram ndetse n'amakuru aturuka muri Tanzania yemeza ko batakiri kumwe ukundi.

Ibya Poshy Queen na Harmonize si shyashya

Amashusho yafashwe muri Mutarama ya Poshy Queen na Harmonize bari mu bwato ni yo yatumye abantu bamenya ko urukundo ruryoshye

Muri Gashyantare Poshy Queen yari yateye imitoma Harmonize avuga ko azahora ashimishwa n’uko ari umugabo we 

Harmonize ubu nta mukunzi afite nyuma yo kwigera abarenga 5 mu myaka 5 ishize