Webrwanda Backend

Blog

  • Amavubi yatsinzwe na Benin 3-0 hashakishwa itike y'igikombe cya Afurika 2025 #rwanda #RwOT

    Kuri uyu wa Gatanu tariki ya 11 Ukwakira 2024 nibwo hakinwe umukino w'umunsi wa 3 wo gushaka itike yo gukina igikombe cya Afurika 2025.

    Ni imikino yakinwe harimo n'uwo mu itsinda rya D harimo n'uw'u Rwanda rwasuyemo Benin, umukino ukaba warangiye Amavubi atsinzwe ibitego 3-0.

    Uyu mukino wabereye kuri Stade Felix Houphet Boigny watangiye u Rwanda rushaka intsinzi ariko biranga kugeza ubwo habonekaga Koruneri ku munota wa karindwi, Jodel Dossou atereka umupira ku mutwe wa Stevie Mounie wahise aboneza mu izamu.

    Ikipe y'Igihugu yarimo ishaka igitego cyo kwishyura, yaje gutsindwa ibitego bibiri bikurikiranye bya Andreas Hountondji ku munota wa 67 na Hassane Imourane ku wa 70, byombi biturutse ku mashoti akomeye yaterewe inyuma y'urubuga rw'amahina akaruhukira mu izamu ryari ririnzwe na Ntwari Fiacre.

    U Rwanda nyuma yo gutsindwa uyu mukino rwagumye ku mwanya wa gatatu mu itsinda D n'amanota abiri, mu gihe Bénin iri ku mwanya wa kabiri n'amanota atandatu mu itsinda riyobowe na Nigeria n'amanota arindwi, dore ko mu wundi mukino yatsinze Libya igitego 1-0.

    Amakipe yombi azongera guhurira kuri Stade Amahoro ku wa Kabiri tariki 15 Ukwakira mu mukino wo kwishyura wo mu itsinda D.

    Abakinnyi b'Amavubi babanjemo: Ntwari Fiacre, Fitina Omborenga, Mutsinzi Ange, Manzi Thierry (wasimbuwe na Niyigena Clement), Mugisha Bonheur, Bizimana Djihad (wasimbuwe na Niyibizi Ramadhan), Muhire Kevin, Kwizera Jojea (wasimbuwe na Samuel Guelette), Mugisha Gibert na Nshuti Innocent (wasimbuwe na Mbonyumwami Taiba).

    The post Amavubi yatsinzwe na Benin 3-0 hashakishwa itike y'igikombe cya Afurika 2025 appeared first on RUSHYASHYA.

    Source : https://rushyashya.net/amavubi-yatsinzwe-na-benin-3-0-hashakishwa-itike-yigikombe-cya-afurika-2025/?utm_source=rss&utm_medium=rss&utm_campaign=amavubi-yatsinzwe-na-benin-3-0-hashakishwa-itike-yigikombe-cya-afurika-2025

  • Ruhango: Urujijo ku modoka yari iparitse, igashya igakongoka (Amafoto) – #rwanda #RwOT

    Umwe muri bo yagize ati “Nabyutse mbona imodoka iri gucumba umwotsi yahiye yarangiye, gusa ntibyumvukana ukuntu imodoka ishya kugeza irangiye nyamara ntihagire utabaza mu gihe hari irondo ry'umwuga n'abazamu barara ku maduka.”

    Umukozi w'Umurenge wa Bweramana, Manzi Eric, yabwiye IGIHE ko bataramenya icyateye iyi nkongi.

    Ati” Yahiye nta mugenzi uyirimo n'umushoferi uyitwara yagiye. Kugeza ubu biracyagoye kumenya icyateye uwo muriro. Wenda hanakekwa ibibazo by'imbere mu modoka, ariko ntabwo twabyemeza.”

    Umuvugizi wa Polisi y'u Rwanda mu Ntara y'Amajyepfo, SP Emmanuel Habiyaremye, yemereye IGIHE iby'aya makuru, ndetse avuga ko n'iperereza ryatangiye kugira ngo hamenyekane icyateye iyi nkongi.

    Yagize ati “Twahawe amakuru ko imodoka Toyota Coaster yafashwe n'inkongi y'umuriro. Twagiyeyo ariko dusanga imodoka yamaze gushya nyuma y'uko abaturage bari bagerageje kuyizimya ariko bikanga, ubu iperereza ryatangiye ngo hamenyekane icyateye inkongi.”

    Iyi modoka yari iya 'East Africa Company', aho yakoraga ingendo za Kigali-Muhanga.

    Iyi modoka yahiye irakongoka

    Source : http://igihe.com/amakuru/u-rwanda/article/ruhango-urujijo-ku-modoka-yari-iparitse-igashya-igakongoka-amafoto

  • Umucuruzi wahize abandi yegukanye imodoka muri Biva MoMotima – #rwanda #RwOT

    Ni impano yatangiwe mu Karere ka Musanze ku itariki 10 Ukwakira 2024.

    Kiza ni we wahize abandi bose mu kwishyurwa kuri MoMo Pay kuva muri Gashyantare 2024 ubwo Biva MoMotima y'uyu mwaka yatangizwaga ari ku nshuro yayo ya gatatu.

    Ni gahunda igizwe n'ubukangurambaga mu kwishyurana hifashishijwe MoMo Pay ndetse no gutanga ibihembo ku baguzi n'abacuruzi bakoresha cyane ubwo buryo.

    Hatanzwe ibihembo binyuranye birimo moto, amafaranga, televiziyo, telefone n'ibindi. Ibihembo nyamukuru bisoza iyi gahunda muri uyu mwaka byari imodoka ebyiri zo mu bwoko bwa Volkswagen T-Cross 2023 imwe ifite agacico k'arenga miliyoni 40 Frw.

    Iya mbere yahawe umucuruzi mu gihe iya kabiri yagenewe umuguzi yo biteganyijwe ko itangirwa mu Karere ka Ruhango ku itariki 11 Ukwakira 2024.

    Kiza washyikirijwe imodoka ari ubwa mbere ayitunze, yishimiye bikomeye iyo mpano yitezeho kumuhindurira ubuzima.

    Yagize ati 'Byandenze no kubyakira gusa ndumva ibyishimo ari byinshi. Iyi modoka izampindurira ubuzima niteze imbere n'umuryango wanjye. Birankura ku rwego nari ndiho ngire urundi ngeraho.'

    Yongeyeho ati 'Natangiye gukoresha uburyo bwa Momo Pay nishyurirwaho kuva mu myaka ibiri ishize kandi nashishikariza n'abandi kubukoresha.”

    Kiza yavuze ko kandi itangwa ry'ibihembo muri Biva MoMotima nta ho bihuriye n'ubutekamutwe bw'abakunda guhamagara abantu muri iyi minsi bababeshya ko batsindiye ibihembo kuko ari umwe mu biherewe igihembo na Mobile Money Rwanda Ltd.

    Umukozi mu Ishami ry'Ubucuruzi muri MoMo Rwanda Ltd, Mugabo Joël, yatangaje ko icyo kigo kiri mu cyumweru cyo gushimira abakiliya bacyo batandukanye, ari yo mpamvu banashyikirije impano y'imodoka umucuruzi washishikarije abaguzi gukoresha Momo Pay yishyurwa.

    Yakomeje ati 'Uyu munsi twahuye n'abakiliya bacu bo mu Majyaruguru basanzwe bakoresha serivise zacu. Turabasezeranya kuzakomeza kubumva no gukemura ibibazo baba bafite ndetse tonongere serivise zizakomeza koroshya kwishyurana hakoreshejwe ikoranabuhanga.”

    Mugabo kandi yashishikarije abakiliya gukoresha MoMo Pay mu kwishyurana kuko bihendutse ku bacuruzi kandi ari ubuntu ku baguzi ndetse bikaba bigabanya ibyago byo kugendana amafaranga mu ntoki.

    MoMo Rwanda Ltd ni ikigo gitanga serivise z'imari mu buryo bw'ikoranabuhanga gishamikiye kuri MTN Rwanda. Cyatangiye gukora ukwacyo mu 2021 kikaba gifite abafatabuguzi barenga miliyoni eshanu mu gihugu hose.

    Kwiyandikisha muri Biva MoMotima ni ukunyura ku *182*16# ugakurikiza amabwiriza. Iyo gahunda kuva yatangira 2022 imaze gutangwamo ibihembo by'amafaranga miliyoni 76,5 Frw, moto 19 zifite agaciro ka miliyoni 34,5 Frw na televiziyo 19 zifite agaciro ka miliyoni 19,3 Frw.

    Muri iyo myaka itatu kandi hamaze gutangwa telefone ngendanwa 75 zigezweho za miliyoni 17,2 Frw, amakarita yo guhaha 360 afite agaciro k'arenga miliyoni 11 Frw, amakarita 14 yo kongera ibitoro mu binyabiziga n'imodoka eshatu za miliyoni 101 Frw.

    Mobile Money Rwanda Ltd binyuze muri gahunda ya Biva MoMotima, yahaye impano y’imodoka umucuruzi witwa Kiza Adela wahize abandi mu gukoresha MoMo Pay yishyurwa n'abaguzi

    Kiza Adela yahawe imodoka ifite agaciro ka miliyoni 40 Frw

    Source : http://igihe.com/amakuru/u-rwanda/article/umucuruzi-wahize-abandi-yegukanye-imodoka-muri-biva-momotima

  • Myugariro wabiciye bigacika muri shampiyona y’icyiciro cya mbere mu Bwongereza yitabye Imana – YEGOB #rwanda #RwOT

    Myugariro George Baldock w'imyaka 31 wakiniye Sheffield United yo mu Bwongereza akanayifasha kuva mu Cyiciro cya Kabiri, yasanzwe muri 'piscine' iwe mu rugo yapfuye.

    Mu ijoro ryo ku wa Gatatu rishyira ku wa Kane tariki ya 10 Ukwakira, ni bwo umuryango wa Baldock wasohoye itangazo rivuga ko uyu mukinnyi atakiri muzima.

    Kugira ngo hamenyekane iby'urupfu rwe, umugore we yabanje kumubura kuri telefone nk'uko yari asanzwe amubona cyane ko we yari yarasigaye mu Bwongereza, biba ngombwa ko ahamagara nyir'inzu muri Anthens aho yabaga amusaba gukurikirana.

    Uwari ucumbikiye Baldock mu nzu ni we wamusanze muri piscine ariko ntihamenyekana ako kanya icyatumye apfa, ndetse n'inzego za polisi muri uyu mujyi zitangira iperereza.

    Source : https://yegob.rw/myugariro-wabiciye-bigacika-muri-shampiyona-yicyiciro-cya-mbere-mu-bwongereza-yitabye-imana/

  • Amavubi atsinzwe na Benin, amahirwe yo kujya muri CAN 2025 akomeza kuyoyoka – YEGOB #rwanda #RwOT

    Ikipe y'igihugu y'u Rwanda, Amavubi, yatakaje intsinzi nyuma yo gutsindwa ibitego 3-0 na Benin mu mukino wo ku munsi wa gatatu w'itsinda D mu gushaka itike y'igikombe cya Afurika 2025. Uyu mukino wabereye kuri Stade Félix Houphouët Boigny, mu gihugu cya Côte d'Ivoire, kuri uyu wa Gatanu.

     

    Benin yatangiye umukino ifite ifite imbaraga nyinshi, ibintu byagaragariye ku munota wa 6 ubwo rutahizamu wabo, Steve Mounié, yafunguraga amazamu ku gitego cy'umutwe yatsinze Ku mupira waruvuye kuri koruneri yari itewe neza na Joel Dossou. Iki gitego cyabaye nk'igiciye intege Amavubi, kuko nyuma yacyo abasore b'u Rwanda bagaragaje kudahuza mu kibuga.

     

    Nubwo Amavubi yakomeje kugerageza gusatira, uburyo bwose bwo kubona igitego bwabangamiwe cyane n'ubwugarizi bukomeye bwa Benin ndetse no kubura amahirwe ku mipira yanyuraga hejuru y'izamu cyangwa igafatwa n'umunyezamu Souke Dandjinou wa Benin. Mu gice cya mbere, Amavubi yakoze impinduka zitewe n'imvune ya Thierry Manzi, asimburwa na Niyigena Clément, ibintu bitafashije Amavubi .

     

    Igice cya kabiri cyatangiranye impinduka ku ruhande rw'Amavubi, aho umutoza Torsten Frank Spittler yinjije Mbonyumwami Taiba asimbura Nshuti Innocent. Icyakora, amakosa ya hato na hato y'ubwugarizi bwa Amavubi yakomeje kuba intandaro y'ibitego yo guha umahirwe Benin . kuKo Ku munota wa 58, Andreas Hountondji yatsinze igitego cya kabiri cya Benin nyuma yo kwinjira neza mu rubuga rw'amahina rw'u Rwanda.

     

    Abakinnyi b'Amavubi bakomeje kwihagararaho bashaka uko bakwishyura, ariko biranga biba ibyubusa . Byaje kuba bibi kurushaho ubwo ku munota wa 70, Hassane Mourane yatsindaga igitego cya gatatu cya Benin, cyakurikiwe n'impinduka nyinshi zakozwe n'umutoza w'Amavubi mu gushaka uko bakuramo icyuho cy'ibitego bari batsinzwe , harimo kwinjiza Rubanguka Steven na Niyibizi Ramadhan basimbuye Muhire Kevin na Djihad Bizimana.

     

    Icyizere cyo kugera mu gikombe cya Afurika 2025 kuri Amavubi kirasa n'ikirimo kuyoyoka, kuko nyuma y'uyu mukino, u Rwanda rwasigaye ku mwanya wa gatatu mu itsinda D n'amanota abiri, anganya na Libya iri ku mwanya wa nyuma. Iyi mikino yo gushaka itike y'igikombe cya Afurika 2025, kizabera muri Maroc, izakomeza tariki ya 15 uku kwezi ubwo u Rwanda ruzakina umukino wo kwishyura na Benin kuri Stade Amahoro.

    Source : https://yegob.rw/amavubi-atsinzwe-na-benin-amahirwe-yo-kujya-muri-can-2025-akomeza-kuyoyoka/

  • Ni kuriya Umuryango uhemba! Musengamana Bath… – #rwanda #RwOT

    Uyu mugore wo ku Kamonyi yamamaye cyane binyuze mu ndirimbo ye 'Azabatsinda Kagame' yifashishijwe cyane mu gihe cy'amatora y'Umukuru w'Igihugu muri Kanama 2024. Ariko yari ayimaranye igihe kinini, kuko yayanditse mu 2017 bimeze nk'ihishurirwa yagize ku Mukuru w'Igihugu ubereye u Rwanda.

    Ijoro ryo kuri uyu wa Kane rishyira kuri uyu wa Gatanu tariki 11 Ukwakira 2024, ni bwo hasohotse amafoto agaragaza inzu yubakiwe n'umuryango FPR-Inkotanyi muri Kamonyi mu Majyepfo y'u Rwanda. Ni inzu yujuje ibisabwa, ndetse azahabwa inka, abana be bishyurirwe amashuri kugeza basoje amasomo yabo.

    Mu kiganiro cyihariye na InyaRwanda, Musengamana Béatha yavuze ko atabona amagambo yumvikanisha neza ishimwe afite ku muryango FPR-Inkotanyi n’Umukuru w’Igihugu. 

    Ati “Ndiyumva neza. Ibyishimo ni byinshi nawe urabyumva. Ndashimira FPR, umuryango wabashije kunshyigikira ukankorera igikorwa kimeze gutya. Ni ibyishimo bidasanzwe.”

    Yavuze ko iyi nzu ye yubatswe mu gihe kitageze ku mezi abiri. Kandi yubatswe mu kibanza cye. Musengamana avuga ko mbere y’uko bamwubakira, baramusuye bareba aho yari atuye, bahitamo kumwubakira indi nzu nshya yisumbuyeho. Ati “Bayubatse n’ubundi aho nari ntuye.

    Musengamana avuga ko inzu yari atuyemo yari ifite agaciro ka Miliyoni 1.5 Frw ubariyemo n’ikibanza, ni mu gihe iyo yatujwemo ayibarira nibura arenga Miliyoni 20 Frw.

    Yavuze ko ku ba yatujwe mu nzu nziza ari igisobanuro cy’ubuyobozi bwiza. Ati “Nezerewe u Rwanda n’imiyoborere yarwo. Nezerewe Abanyarwanda, nezerewe FPR, umuryango w’Abanyarwanda. Ni uku nguku umuryango ukora, birandenze, ntabwo nabona uko mbivuga.”   

    Musengamana yavuze ko ahimba iriya ndirimbo ntiyari azi ko izambuka impaka. Ariko yayihimbiye kubera ishyaka ryo gukunda igihugu, n’urukundo agirira umuryango FPR-Inkotanyi.

    Yavuze ko nyuma y’uko umukandida yari ashyigikiye mu matora atsinze amatora y’Umukuru w’Igihugu (Perezida Paul Kagame) ari kwitegura kuzakora indirimbo yo kumushimira, no gushima muri rusange ibyiza amugejejeho cyo kimwe n’abandi banyarwanda.

    Ati “Nzayikora rwose. Kandi muri uyu mwaka igomba kuboneka. Ni indirimbo izaba ishimira Umukuru w’Igihugu ndetse n’umuryango FPR-Inkotanyi muri rusange.”

    Musengamana Béatha waririmbye indirimbo 'Azabatsinda Kagame' yashimye byimazeyo umuryango FPR-Inkotanyi wamwubakiye inzu y'arenga Miliyoni 20 Frw ku Kamonyi

    Musengamana yavuze ko muri uyu mwaka azashyira hanze indirimbo yo gushimira Perezida Kagame n'umuryango FPR-Inkotanyi

    Musengamana yavuze ko iyi nzu yubatswe mu kibanza cye, kandi ko inzu yabagamo yari ihagaze hafi Miliyoni 1.5 Frw

    Musengamana yavuze ko hejuru yo gutuzwa muri iyi nzu, yagabiwe inka, ndetse abana be bazishyurirwa amashuri

    KANDA HANO WUMVE IKIGANIRO TWAGIRANYE NA BEATHA WAMAMAYE MU NDIRIMBO 'AZABATSINDA KAGAME'


    Source : https://inyarwanda.com/inkuru/147676/ni-kuriya-umuryango-uhemba-musengamana-beatha-wubakiwe-inzu-yateguje-indirimbo-yishimwe-ku-147676.html

  • REG W BBC yegukanye igikombe cya shampiyona i… – #rwanda #RwOT

    Ni umukino wabaye kuri uyu wa Gatanu, tariki 11 Ukwakira 2024 muri Petit Stade i Remera. Uyu mukino, ikipe ya APR W BBC yagiye kuwukina ibizi ko isabwa gutsinda dore ko imikino 3 ibanza yari yarayitsinzwe.

    Ikipe ya REG W BBC niyo yatangiye umukino iri hejuru binyuze ku bakinnyi bayo barimo Morgan Kristina. Ikipe ya APR W BBC nayo yaje kwinjira mu mukino ntiyemerera REG W BBC kuyisiga aho yabifashwagamo n’abakinnyi bayo nka Sifa Ineza Joyeuse wari wagize umukino mwiza.

    Agace ka mbere karangiye ikipe ya APR W BBC ariyo iyoboye n’amanota 18 kuri 15 ya REG W BBC. Mu gace ka kabiri amakipe yombi yakomeje guhangana aho wabonaga nta kipe n’imwe ishaka gusiga indi.

    Abakinnyi nka Nandy Linda ku ruhande rwa REG W BBC na Feza Ebengo bigaragaje ku ruhande rwa APR W BBC ariko birangira amakipe yombi anganyije amanota 15-15 naho muri rusange bihita biba amanota 33 ya APR W BBC kuri 30 ya REG W BBC.

    Mu gace ka gatatu ikipe ya REG W BBC yaje ishaka uko yakuramo ikinyuranyo cy’amanota ndetse birangira bibakundiye binyuze ku bakinnyi bayo bakoraga amanota yiganjemo 3 nka King Morgan usanzwe n’ubundi abimenyerweho.

    Aka gace karangiye REG W BBC ariyo iyoboye n’amanota 49 kuri 46 ya APR W BBC. 

    Mu gace ka Kane ari nako ka nyuma ikipe ya Sosiyete y'Igihugu Ishinzwe Ingufu yaje ikomerezaho aho yari yasoreje agace ka gatatu binyuze ku bakinnyi bayo nka Micomyiza Rosine na King Kristina bakoraga amanota 3. 

    Umukino warangiye ikipe ya REG W BBC itsinze amanota 71 kuri 63 ihita yegukana igikombe cya shampiyona. Ni igikombe cya 3 itwaye kuva yashingwa muri 2021 ikaba yagiherukaga muri 2022.

    Ikipe ya REG W BBC yegukanye igikombe cya shampiyona itsinze APR W BBC imikino 4 yikurikiranya 

    Source : https://inyarwanda.com/inkuru/147679/reg-w-bbc-yegukanye-igikombe-cya-shampiyona-isuzuguye-apr-w-bbc-147679.html

  • ‘Plenty ya The Ben iyoboye indirimbo 10 zakw… – #rwanda #RwOT

    Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

    Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

    Mu ndirimbo nshya, harimo iyitwa ‘Plenty’ y’umuhanzi The Ben yashyize hanze ku Cyumweru tariki 6 Ukwakira 2024, yagaragayemo amasura ya bamwe mu byamamare byo mu Rwanda barimo Ruti Joel, Khalfan Govinda n’abandi. Iyi ndirimbo mu buryo bw'amajwi yakozwe na Prince Kiiz wanayigaragayemo, yandikwa na Niyo Bosco afatanije na The Ben.

    Mu bandi bahanzi bakoze mu nganzo muri iki Cyumweru harimo abaramyi nka Vedaste Christian wamamaye mu ndirimbo ‘Uzi gukunda,’ Charles Kagame, Bosco Nshuti, Shalom Choir n’abandi. Ni mu gihe mu muziki usanzwe, Ruti Joel na Nel Ngabo bari mu bitabajwe n’umuhanzi 2Saint kuri Album ye yise ‘Born Tonight.’

    1.     Plenty — The Ben

    “>

    2.     Costa — 2Saint ft Nel Ngabo

    “>

    3.     Umuhigi — Yvanny Mpano

    “>

    4.     Mbese Nzapfa — Oda Paccy ft Kayishunge

    “>

    5.     Byeri — Kinabeat ft Zeo Trap

    “>

    6.     Ndaje — 2Saint ft Memo, Ruti Joel

    “>

    7.     Nararumuhaye — Fela Music

    “>

    8.     Ni urukundo — Vedaste Christian

    “>

    9.     Urugendo — Charles Kagame

    “>

    10. Inyangamugayo — David Kega

    “>
      

    Source : https://inyarwanda.com/inkuru/147672/plenty-ya-the-ben-iyoboye-indirimbo-10-zakwinjiza-neza-muri-weekend-video-147672.html

  • Diamond Platnumz yasabye guhatana mu bihembo… – #rwanda #RwOT

    The Recording Academy itegura ibihembo bya Grammys yatangaje ko ku itariki 08 Ugushyingo 2024 aribwo izasohora urutonde rw’abahanzi bemerewe guhatanira ibi bihembo bizatangwa mu 2025.

    Ibi byatumye abahanzi bakomeye ku Isi batangira gutanga ibihangano byabo ngo bisuzumwe. Muri Africa abahanzi nabo bahise batangira gutanga ibihangano byabo barimo Asake, Rema, Angelique Kidjo, Tems n’abandi.

    Kuri ubu umuhanzi Diamond Platnumz nawe yamaze gutanga indirimbo 'Komasava' kugira ngo hasuzumwe niba izemererwa kuba yahatanira ibihembo bya Grammy bizatangwa umwaka utaha.

    Iyi ndirimbo Diamond yafatanyije na Khalil Harrison na Chley Nkosi ikaba yatanzwe ngo izahatane mu byiciro bibiri birimo 'Best Music Video' na 'Best African Music Performance.'

    Urutonde ntakuka rw'abazahatanira ibi bihembo ruzajya hanze tariki 8 Ugushyingo 2024, mu gihe ibihembo bizatangwa tariki 2 Gashyantare 2025.

    Iyi ni indirimbo yari imaze iminsi itigisa umubumbe, ndetse yagiye ihagurutsa ibyamamare bitandukanye ku migabane yose birimo Chris Brown, Jason Derulo n'abandi.

    Ni mu gihe kandi iyi ndirimbo yanayisubiranyemo na Jason Derulo ikomeza kuba ikimenyabose ari nako ikomeza guhagurutsa abantu aho Diamond akandagiye hose.

    Hategerejwe kureba niba iyi ndirimbo ya Diamond Platnumz izasohoka muzemerewe guhangana mu bihembo bya Grammy Awards 2025 bizatangwa ku itariki 02 Gashyantare 2025 muri sitade ya Crypto Arena i Los Angeles.

    Diamond yamaze gusaba ko indirimbo ‘Komasava’ yasubiranyemo na Jason Derulo, ko yazahatana mu bihembo bya ‘Grammy Awards 2025’

    Source : https://inyarwanda.com/inkuru/147668/diamond-platnumz-yasabye-guhatana-mu-bihembo-bya-grammy-awards-2025-147668.html

  • Abatazi Tshisekedi baramubarirwa: Noneho yanze kwakira Intumwa y'Umuryango w'Ubumwe bw'Ibihugu by'Uburayi ngo atamubwira ibyo gusenya FDLR #rwanda #RwOT

    Mu gihe isi yose ikibuka uburyo mu mpera z'icyumweru gishize yatorotse, akava i Paris hutihuti atinya ko abari nama y'ibihugu bikoresha ururimi rw'igifaransa 'Francophonie', bamubaza igituma atubahiriza ibyemezo bya Luanda, Tshisekedi yongeye gukora andi mahano yo mu rwego rwa dipolomasi, ubwo yangaga kwakira Intumwa y'Umuyobozi w'Umuryango w'Ubumwe bw'Ibihugu by'Uburayi mu karere k'Ibiyaga Bigari, ngo atamubaza ku mikoranire ye n'abajenosideri ba FDLR.

    Kuri gahunda y'uruzinduko rwe muri Kongo, Johan Borgstam yari yasabye, anemererwa kubonana na Perezida Tshisekedi, kugirango bavugane ku ishyirwa mu bikorwa ry'ibyemezo bya Luanda, bigamije kugarura amahoro mu burasirazuba bwa Kongo.

    Imwe mu ngingo z'ibyo byemezo, isaba Leta ya Kongo kugira uruhare mu gusenya umutwe w'abajenosideri wa FDLR, ariko Tshisekedi akaba yaragaragaje ubushake buke bwo gushyira mu bikorwa iyi ngingo, kuko FDLR ari umugatanyabikorwa we ukomeye.

    Tshisekedi rero arasa n'uwihaye akato mu ruhando mpuzamahanga. Aragendera kure umuntu wese wamushishikariza kubahiriza iyo myanzuro, kuko yumva gusenya FDLR byaba ari ukwikora mu nda.

    Nguko uko mbere gato yo gusoza urugendo rw'iminsi 3 muri Kongo, Bwana Johan Borgstam yatunguwe no kubwirwa ko atacyakiriwe na Perezida Tshisekedi, nk'uko byari biteganyijwe ejo tariki 10 Ukwakira 2024. Tshisekedi yabarirwaga aba aramubonye!

    Bwana Johan Borgstam amaze iminsi mike agizwe Intumwa y'Umuryango w'Ubumwe bw'Ibihugu by'Uburayi mu Karere k'Ibiyaga Bigari. Ari mu ruzinduko muri aka karere rero, ngo arebere hamwe n'abayobozi b'ibihugu bikagize uko intambara ica ibintu mu burasirazuba bwa Kongo yarangira.

    Nyuma yo gukama ikimasa muri Kongo, Johan Borgstam ari mu Rwanda, aho biteganyijwe ko azabonana n'abayobozi bakuru b'Igihugu, barimo Perezida wa Repubulika, Paul Kagame.

    Umuryango w'Ubumwe bw'Ibihugu by'Uburayi ni umwe mu basanga ibyemezo bya Luanda na Nairobi ariyo nzira yarangiza ikibazo cy'umutekano muri Kongo.

    Icyakora, abasesenguzi ntibatinya kwemeza ko abarara amajoro bashakira Kongo amahoro bavunwa n'ubusa, igihe cyose ubutegetsi bwa Tshisekedi buzaba budakozwa ibyo gusenya FDLR no kwicarana ku meza y'ibiganiro na AFC/M23.

    Ikibazo ni uko umutekano muke muri Kongo ugira ingaruka ku karere kose, by'umwihariko uRwanda rukaba rudashobora kwipfumbata imbere y'isigasirwa rya FDLR, intambamyi ikomeye ku mudendezo n'ubusugire byarwo. Ubwo rero buri wese azarinda izamu rye!

    The post Abatazi Tshisekedi baramubarirwa: Noneho yanze kwakira Intumwa y'Umuryango w'Ubumwe bw'Ibihugu by'Uburayi ngo atamubwira ibyo gusenya FDLR appeared first on RUSHYASHYA.

    Source : https://rushyashya.net/abatazi-tshisekedi-baramubarirwa-noneho-yanze-kwakira-intumwa-yumuryango-wubumwe-bwibihugu-byuburayi-ngo-atamubwira-ibyo-gusenya-fdlr/?utm_source=rss&utm_medium=rss&utm_campaign=abatazi-tshisekedi-baramubarirwa-noneho-yanze-kwakira-intumwa-yumuryango-wubumwe-bwibihugu-byuburayi-ngo-atamubwira-ibyo-gusenya-fdlr