Blog

AS Kigali yari yakinnye na Rayon Sports mu mukino wa gicuti. Ni umukino amakipe yombi yari afite gahunda yo kureba urwego rw’abakinnyi bayo cyane ko bamwe bari gufasha amakipe y'ibihugu bakomokamo.

Muri uyu mukino kandi wabonaga abari kuri Kigali Pele Stadium batanezerewe cyane kubera bibukaga ukuntu ikipe y'igihugu yatsinzwe ibitego bitatu ku busa n'ikipe y'igihugu ya Benin.

AS Kigali niyo yatangiye ikina neza kuko ubwumvikane bwa Emmanuel Arnold Okwi, Ngendahimana Eric na Akayezu Jean Bosco bwatumye AS Kigali ibona uburyo bwagaruwe n'umutambiko w'izamu.

Nubwo AS Kigali yatangiranye imbaraga zidasanzwe, ubwugarizi bwa Rayon Sports bwari buyobowe n'umunya Senegal Omar Gning bwagumye kuba maso hamwe n'umuzamu Ndiyae nuko AS Kigali ikomeza kubura igitego. Na Rayon Sports yanyuzagamo ikataka ibinyujije mu munya Mali Adama Bagayogo.

Ku munota wa 22 umunya Mali Adama Bagayogo yarekuye umupira imbere y'izamu rya AS Kigali nta wuzi ibyo ari byo, nuko umupira ugarurwa n'umutambiko w'izamu, abakunzi ba Rayon Sports bagarura akabaraga batangira gushyigikira abakinnyi bayo.

Ku munota wa 25 Rayon Sports yongeye kunyereza agapira mu rubuga rw'amahina rwa AS Kigali nuko Serugogo Ali Omar atanga umupira kwa Fall Ngagne ukomoka muri Senegal, atsindira Rayon Sports igitego cya mbere.

Rayon Sports ikimara kubona igitego cya mbere, abakinnyi bayo bakomeje kotsa igitutu izamu rya AS Kigali, ari na ko abafana bayo bari bari kuri Kigali Pele Stadum bari bayishyigikiye mu mwihariko w'amashyi yabo.

Kubura igitego cyo kwishyura ku ruhande rwa AS Kigali, kurata ibitego byinshi ku ruhande rwa Rayon Sports ni byo byasoje igice cya mbere cyarangiye Rayon Sports iyoboye n'igitego kimwe ku busa bwa AS Kigali.

Mu gice cya kabiri, Rayon Sports yagarukanye imbaraga zidasanzwe itangira kotsa igitutu mu izamu rya AS Kigali, gusa igitego cya kabiri kiguma kubura.

Amakipe yombi yagumye kugerageza amashoti ya kure ariko amahirwe yo kubona igitego cya mbere ku ruhande rwa AS Kigali biranga arabura, ari na ko igitego cya kabiri muri Rayon Sports byari byanze.

Ku munota wa 62 AS Kigali yabonye igitego cyatsinzwe na Okwi, gusa abasifuzi baracyanga bashimangira ko uyu rutahizamu ukomoka muri Uganda yari yaraririye.

Abari kuri Kigali Pele Stadium bagumye kuryoherwa n'ibirori bya Rayon Sports kuko umunya Senegal Fall Ngagne yari ari gucenga abakinnyi ba AS Kigaki bakumbagaye.

Ku munota wa 75 Rayon Sports yahushije igitego kidahushwa nyuma y’uko Fall Ngagne yasigaranye n’umuzamu Adolphe akananirwa kumutsinda igitego, umupira usubiye kwa Fiston awuteye n’umutwe izamu rirangaye umupira ujya hanze y’izamu.

Iminota 90 isanzwe yarangiye bikiri igitego kimwe cya Rayon Sports ku busa bwa AS Kigali, umusifuzi yongeraho iminota itanu. Ku munota wa 90+3 Iyabivuze Osee yatsinze igitego cya AS Kigali, umusifuzi aracyanga ariko ntiyabyemeranyaho n’abari kuri Kigali Pele Stadium. 

Umukino warangiye AS Kigali ibuze igitego cyo kwishyura nuko Rayon Sports yegukana intsinzi. Gutsinda uyu mukino byatumye abakunzi ba Rayon Sports babona ko ikipe yabo imeze neza cyane ko mu minsi ishize bari baherutse kwisasira Mukura mu mukino wa gicuti.

Abakinnyi babanje mu kibuga ku ruhande rwa Rayon Sports 

Abakinnyi babanje mu kibuga ku ruhande rwa AS Kigali 

AS Kigali yakinnye na Rayon Sports mu mukino wa gicuti mu gihe benshi batazi igihe shampiyona izagarukira 

Rayon Sports yatsinze AS Kigali mu mukino wa Gicuti

Amakipe yombi yari yakaniye uyu mukino ariko birangira intsinzi yegukanywe na Rayon Sports

Kuva ku wa 14 kugera ku wa 16 Ugushyingo muri Kigali Convention Centre na Mundi Centre hazabera inama ya Access itegurwa na Music In Africa izaba igamije kwigisha no guhugura abahanzi uburyo bwo kubyaza umusaruro umuziki.

Ni inama n'ibitaramo bizitabirwa n'abantu baturutse hirya no hino mu bihugu 50 aho kugeza magingo aya abarenga 500 bamaze kwiyandikisha basaba kwitabira iyi nama mpuzamahanga, ikaba yarahurijwe hamwe n'iserukiramuco rizaririmbamo abahanzi batandukanye baturutse mu bihugu bya Africa.

Abahanzi nka Ish Kevin, Bushali, Ruti Joel, Impakanizi, Dr. Nganji, B-Threy, Kaya Byinshii bo mu Rwanda kongeraho abandi bo mu mahanga nka Youbana wo muri Morocco, Majnun and The Black-Magic Sofas Sofas wo muri Senegal, Bantu Spaceship bo muri Zimbabwe, Heavy-K wo muri South Africa, Octopizzo wo muri Kenya n'abandi batandukanye ni bamwe mu bazatarama muri iri serukiramuco.

Mu bazatanga ibiganiro harimo Olivier Laouchez wo mu Bufaransa, Temi Adeniji wo muri USA, Esther Naah wo muri Cameroon, Motolani Alake wo muri Nigeria, Yoel Kenan wo muri South Africa, Akinwunmi Damilola wo muri Nigeria ndetse n'abandi batandukanye.

Mu kiganiro n'itangazamakuru, Umunyamabanga wa Leta muri Minisiteri y'Urubyiruko n'Iterambere ry'Ubuhanzi, Sandrine Umutoni, yavuze ko iyi nama izafasha abahanzi bo mu Rwanda kumenya agaciro k'ibihangano byabo ndetse n'uuryo bwo kubyaza umusaruro ibyo bihangano.

Yagize ati 'hari abahanzi benshi batari basobanukirwa ibigendanye n'uburyo bwo guhesha agaciro ibihangano byabo. Ese kubera iki utaza ngo wicare wige? Ni uburenganzira bwawe ku ndirimbo ariko ugasanga umuntu ari gucuruza indirimbo yawe ariko wowe ntacyo bikubwiye.'

Minisitiri Umutoni yakomeje avuga kandi ko kwitabira iyi nama bizafungura amarembo y'amahirwe yabo kuko bazahura n'abantu bavuye hirya no hino ku Isi bakora ibigendanye n'umuziki ku buryo imikoranire yabo izoroha cyane.

Ati 'Ikindi kuza muri iyi nama ni nko kwiyamamaza. Ni ukwerekana ko hari icyo ushoboye nk'umunyarwanda ndetse unahatane. Turashaka abantu baza bashaka kwiga kandi no guhatana kuko muri iyi nama izaba iteraniyemo abantu batandukanye bafite n'ubumenyi butandukanye.'

Uncle Austin wari wahagarariye abandi bahanzi bazitabira iyi nama, yavuze ko urwunguko rw'umuhanzi w'Umunyarwanda bitazaba ari ukwitabira iyi nama gusa ahubwo ari ukubona urubuga rwagutse rwo ‘kumenyekanishirizaho ibikorwa byawe’.

‘The Music In Africa Conference For Collaborations, Exchange, and Showcases (ACCES), ifatwa nk’inama idasanzwe mu guhindura imibereho y’abahanzi no kubashyigikira mu rugendo rwabo rw’iterambere. Kuri iyi nshuro, izaba i Kigali, kuva ku wa 14-16 Ukwakira 2024.

Gahunda ya Acces yatangijwe mu 2016 nka kimwe mu bikorwa bya Music In Africa Foundation's AGM mu muhango wabereye mu Mujyi wa Addis Abeba muri Ethiopia.

Icyo gihe gutangiza iyi nama byitabiwe n'abantu bo mu bihugu birenga 15, aho ijambo nyamukuru ryavuzwe n'umucuranzi w'icyamamare muri Ethiopia mu njyana ya Jazz, Mulatu Astatke.

Muri 2017, Acces yatangijwe nk'igikorwa Mpuzamahanga gihuza abakitabiriye mu bihugu bigera kuri 50. Icyo gihe ijambo nyamukuru ryavuzwe n'umucuranzi w’icyamamare wo muri Senegal, Baaba Maal.

Muri 2018, iki gikorwa cyabereye mu Mujyi wa Nairobi muri Kenya, aho cyaherekejwe n'imurikagurisha n'ibiganiro byatanzwe na Mr. Eazi wo muri Nigeria, Blinky Bill wo muri Kenya, Blick Bassy wo muri Cameroon, Rikki Stein wo mu Bwongereza n'abandi.

Iki gikorwa kandi cyabereye mu Mujyi wa Accra muri Ghana mu 2019. Icyo gihe cyahuje abanyamuziki mu ngeri zinyuranye batanze ibiganiro barimo umuraperi Sarkodie wo muri Ghana, Sway Dasafo (UK), Efya (Ghana), Samini (Ghana), Skales (Nigeria) ndetse n'umuyobozi Mukuru uri mu bashinze ikigo 'Ditto Music', Lee Parsons wo mu Bwongereza.

Mu 2021 iki gikorwa cyabereye mu Mujyi wa Johannesburg muri Afurika y'Epfo, aho bakoranye n'abahanzi barimo Busiswa, Abidoza, Yugen Blakrok, Priddy Ugly n'abandi.

Ni igikorwa kandi kitabiriwe n'abari bahagarariye ibigo bikomeye ku Isi birimo nka Tik Tok, Reeperbahn Festival, Sony/ATV, Ditto Music, Africori, Linkfire, Believe n'abandi.

Gahunda ya Acces inaherekezwa no gutanga ibihembo 'Music In Africa Honorary Award' hashimirwa abari mu bahanzi bakoze ibikorwa by'indashyikirwa ku Mugabane wa Afurika.

Umunyamabanga muri Minisiteri y’Urubyiruko n’Iterambere ry’Ubuhanzi, Sandrine Umutoni yasobanuye amahirwe abahanzi bafite kubwo kwitabira iyi nama

Abanyamakuru basobanuriwe akamaro k’inama ya ACCES igiye kubera mu Rwanda


Reba bimwe mu byagarutsweho muri iki kiganiro n’abanyamakuru

“>

Umunyeshuri, Akanyana Clarisse, ni umwe mu babikomojeho ku wa Gatanu tariki ya 11 Ukwakira 2024, ubwo hizihizwaga umunsi mpuzamahanga wahariwe umwana w'umukobwa.

Muri uyu mwaka, uyu munsi wari ufite insanganyamatsiko igira iti 'Ejo eza mu biganza byawe'.

Uyu munsi uba ari umwanya mwiza wo kuganira ku mbogamizi zikigaragara zibuza umwana w'umukobwa kugera ku iterambere yifuza.

Mu Rwanda umwana w'umukobwa atezwa imbere binyuze mu buryo bwinshi.

Urugero rwa hafi ni umuryango wa 'Imbuto Foundation', ufasha abagore batishoboye, impfubyi, gushyigikira abana b'abakobwa bagaragaza ubuhanga mu mashuri, abana b'abahungu n'abakobwa b'abahanga badafite ubushobozi n'ibindi.

Aha ntiwakirengagiza gahunda zinyuranye zashowemo imbaraga na leta, zirimo izo guteza imbere uburezi bw'umwana w'umukobwa n'ibindi.

Mu kiganiro kuri Televiziyo y'Igihugu, Akanyana Clarisse yagize ati 'Uyu munsi numva ukomeye cyane kuko kuba twarahawe amahirwe mu gihugu cyacu ni iby'agaciro. Kuba ndi umukobwa w'Umunyarwanda bimpa agaciro niyo nagera mu bihugu by'amahanga bituma numva nifitiye icyizere kubera igihugu cyacu giha buri mwana amahirwe.'

'Ubu ndabasha kwiga ibyo ndabishimira igihugu cyacu.'

Akanyana yagaragaje ko hakwiye gukoreshwa imbaraga zingana mu guteza imbere abana b'abakobwa n'ab'abahungu kuko byombi ari ingenzi.

Ati 'Murabona ko abakobwa turi gushyirwa imbere cyane, ariko ikindi numva cyashyirwamo imbaraga ntitwibagirwe n'abahungu kuko iyo uteye imbuto ntuyiteho bigera aho igapfa kandi warayitayeho imbaraga nyinshi cyane, rero hashyirwe imbaraga kuri twese.'

Ku rundi ruhanda Dr. Iradukunda Nadia, ni umwarimu muri kaminuza, wabonye impamyabumenyi y'ikirenga PhD, mu masomo y'ikoranabuhanga 'IT' afite imyaka 29 y'amavuko.

Avuga ko aterwa ishema no kuba yaragize inzozi zo kwiga akabigeraho kubera amahirwe igihugu cyamuhaye.

Ati 'Namaze kubona iyo PhD ubu ndi kwigisha abana b'u Rwanda na bo bazigisha abandi bivuze ngo inzozi zanjye ndimo ndagenda nzigeraho n'ubwo zitarasohora.'

Yakomeje avuga ko 'Ikintu gikomeye ni imyumvire nkene ishingiye ku gitsina, aho usanga sosiyete yaragennye icyo umukobwa agomba kuba cyo, aho atagomba kurenga, ibyo akwiye gukora n'ibyo adakwiye gukora kandi afite ububasha bwo gukora ibindi.'

Umuhire Lucie, nawe ni umukobwa witinyutse ayoboka umwuga witirirwa uw'abagabo wo kogosha.

Ati 'Byose umwana w'umukobwa mbasha kubyiha, ubu tuvugana nta kintu umuntu yancukisha ntashobora kwigezaho kuko nabonye ko byose bishoboka.'

Raporo ya 2023 ku cyuho cy'uburinganire ku Isi yakozwe na World Economic Forum yashyize u Rwanda ku mwanya wa 12 ku Isi mu bihugu byagerageje kugabanya iki cyuho.

Akanyana Clarisse yagaragaje ko hakwiye gukoreshwa imbaraga zingana mu guteza imbere abana b'abakobwa n'ab'abahungu kuko byombi ari ingenzi

Iki ni ikigo cy'imari kizwiho gutanga inguzanyo za moto ku bazikeneye. Kugeza ubu Jali ifite moto zirenga 4.500 mu muhanda hakaba n'izindi zirenga 1.500 zamaze kwegurirwa abakiliya nyuma yo kuzishyura neza.

Tuyikorere nawe ni umwe muri abo bakiliya bahawe moto ya Spiro. Yavuze yashimiye iki kigo k'ubwo kwita ku bakiliya bacyo by'umwihariko ubwo cyifatanyaga nawe mu kwizihiza isabukuru y'amavuko dore ko ari ku nshuro ya mbere byari bimubayeho.

Si Tuyikorere gusa witaweho muri iki cyumweru kuko hari n'abandi bakiliya Jali Finance Ltd yageneye za televiziyo.

Yavuze ko 'Aho kugira ngo urubyiruko rubure akazi, rwagana iki kigo rugahabwa moto [cyane iz'amashanyarazi] kuko bakwemerera kwishyura mu byiciro, zirahendutse kandi zirakomeye, maze nabo bakikura mu bukene.'

Umuyobozi Ushinzwe Kwinjiza abakiliya muri Jali Finance Ltd, Benjamin Ndorimana, yashimiye buri wese wafashe icyemezo cyo kuyoboka iki kigo, abasaba gukomeza kwitwararika mu kazi kabo ka buri munsi no kwihesha ishema.

Umuyobozi Ushinzwe Ibikorwa muri Jali Finance Ltd, Frank Mugisha, yabwiye IGIHE ko bafite gahunda yo gukomeza guha serivisi nziza buri wese uje abagana.

Yavuze ko Jali Finance Ltd, ifite gahunda yo gutanga izindi moto 3.000 bitarenze 2025, inyinshi muri zo zikazaba ari moto z'amashanyarazi.

Jali Finance Ltd itanga umusanzu ufatika ku gihugu na Afurika muri rusange ku bijyanye n'ingingo y'ihumana ry'ikirere ihangayijkishije buri wese utuye Isi.

Igisubizo ku kibazo cy'ihumana ry'ikirere kiri mu gushyiraho politiki zitandukanye ziyobowe no kwimakaza ubwikorezi bukoresha ibinyabiziga bikoresha ingufu zitangiza ikirere ari nabyo iki kigo gishyizemo imbaraga.

Gifite intego yo gufasha u Rwanda kugabanya imyuka ihumanye yoherezwa mu kirere binyuze mu gutanga moto zikoresha amashanyarazi, ibizanafasha guteza imbere ubuzima bwa benshi mu buryo bumwe cyangwa ubundi.

kigo cy'Imari cya Jali Finance Ltd cyifatanyije n'umukiliya wacyo Tuyikorere Sylidion, kwizihiza isabukuru ye y'amavuko

Muri iki cyumweru hari n'abandi bakiliya Jali Finance Ltd yageneye za televiziyo

Jali Finance Ltd, ifite gahunda yo gutanga izindi moto 3.000 bitarenze 2025

Ni ubwa mbere uyu muhanzi wamamaye mu ndirimbo zirimo 'Grateful' azaba ataramiye muri iriya Mijyi mu rugendo rugamije kumvikanisha Yesu Kristo yamenye. Ni urugendo ruherekejwe no gutanga ubuhamya ku buzima bwe, guhamagarira urubyiruko kwegera Jambo n'ibindi.

Mu ijoro ryo kuri uyu wa Gatanu tariki 11 Ukwakira 2024, nibwo uyu muhanzi yagaragaje ko agiye gutaramira muri Canada, mu gihe aherutse gushyira akadomo ku ruhererekane rw'ibitaramo yakoreye mu Mujyi itandukanye muri Leta Zunze Ubumwe za Amerika.

Kwizera Philbert uri gutegura ibi bitaramo bya Meddy, yabwiye InyaRwanda ko bizagera mu Mijyi irindwi igize Canada, kandi bizaha hagati y'Ukuboza 2024 kugeza muri Gashyantare 2025.

Yavuze ko intego y'ibi bitaramo byiswe 'Worship and Testimonies' ari uko 'Meddy azatanga ubuhamya ndetse azane abantu benshi kuri Krsito nk'intego yacu yo kumutumira.'

Ni ibitaramo avuga ko bizabera mu Mijyi irindwi irimo: Montreal, Ottawa, Edmonton, Calgary, Vancouver ndetse na Winnipeg. Avuga ati 'Bizatangira mu Ukuboza 2024 bikomeze muri Gashyantare 2025.'

Yasobanuye ko muri ibi bitaramo Meddy azifatanya n'abahanzi barimo Adrien Misigaro ndetse na Kaira Gahimbare. Yungamo ati 'Nibo bamaze kwemeza. Hagize igihinduka nabamenyesha.'

Kwizera yavuze ko muri ibi bitaramo abantu bakwiye kwitega 'ubuhamya bwa Meddy ndetse n'umuziki mwiza'.

Yasobanuye ko ibi bitaramo bizatangirira mu Mujyi wa Montreal, bikomereze mu Mujyi wa Ottawa 'hanyuma muri Gashyantare dukomereze Edmonton, Calgary, hanyuma Vancouver na Winnipeg bizemezwa mu gihe kiri imbere'.

Meddy agiye gukorera ibitaramo mu Mijyi irindwi mu gihugu cya Canada

Adrien Misigaro wakoranye indirimbo 'Niyo ndirimbo' na Meddy azifatanya nawe mu bitaramo

Umuhanzikazi Keila Gahimbare azafasha Meddy muri ibi bitaramo bigarutse kuri Kristo

Meddy agiye gukomereza ibitaramo muri Canada nyuma yo gutaramira muri Leta Zunze Ubumwe za Amerika

KANDA HANO UREBE AMASHUSHO Y'INDIRIMBO 'NIYO NDIRIMBO' YA MEDDY NA ADRIEN MISIGARO

 “>

KANDA HANO UREBE AMASHUSHO Y'INDIRIMBO YA ADRIEN MISIGASO NA KEILA

“>

Ni umushinga w'indirimbo wagizwemo uruhare na Sosiyete y'umuziki ya RG Consult yakoranye na Amstel mu bihe bitandukanye mu gutegura ibitaramo nk'ibi.

Ibi bitaramo bya Amstel byagiye bibera ahantu hanyuranye mu Mujyi wa Kigali, hagamije gufasha abanya-Kigali gusabana birushijeho no kwishimira iki kinyobwa.

Mu 2023, ibi bitaramo byaririmbyemo umunya-Nigeria, Johnny Drille byabereye mu mbuga ya BK Arena. Icyo gihe yahuriye ku rubyiniro n'abarimo Bwiza, Ariel Wayz n'abandi.

Uyu munya-Nigeria yatashye atanyuzwe kuko igitaramo cyafunzwe mu buryo butunguranye. Amstel isanzwe itegura ibitaramo nk'iki, nko mu Burundi hatumiwemo Dajdou wamamaye mu Bufaransa, muri Afurika y'Epfo byarahabereye n'ahandi.

Kuri iyi nshuro, RG Consult yahisemo ko kuri iyi nshuro bazakorana n'abahanzi bakizamuka cyane cyane abaraperi mu gitaramo kizaba ku wa 23 Ugushyingo 2024.

Bavuga ko mbere y'uko umunsi nyirizina w'igitaramo ugera, bahisemo ko bahuriza hamwe bariya bahanzi mu ndirimbo nk'ikirango cya 'Friends of Amstel'.

Bati 'Aba bahanzi ni bo bazaririmba ku munsi w'igitaramo, ndetse n'iyi ndirimbo bazayiririmba.'

Aba bahanzi bazahurira ku rubyiniro n'umuhanzi Mukuru utaratangazwa. Ariko ibiganiro bigeze kure kugira ngo azaririmbe muri iki gitaramo.

Iyi ndirimbo ya 'Friends Of Amstel' yakozwe mu buryo bw'amajwi na Prince Kiiiz, kandi yubakiye ku mudiho wa Pop, Dancehall, Hip Hop, Rn B n'izindi.

Yaririmbyemo abahanzi barimo: Mistake, Nillan, Bruce the 1st, QD, ET, Kenny K Shot ndetse n'umuhanzikazi Lorena. Niwe mukobwa rukumbi uri muri iyi ndirimbo.

Iyi ndirimbo isobanurwa nk'igihangano cyo kugaragaza impano z'abahanzi batanga icyizere, kandi aba bombi bitezwe kuzahurira ku rubyiniro n'abandi ku wa 23 Ugushyingo 2024.

Umuraperi E.T yagize uruhare mu ndirimbo y'ikinyobwa cya Amstel

QD wamamaye mu ndirimbo zinyuranye ategerejwe mu gitaramo cya Amstel

Bruce The 1^st agiye kongera kwigaragaza mu bitaramo byagutse bya Amstel

Umuhanzi wigaragaje cyane mu myaka ibiri ishize Nillan yaririmbye muri iyi ndirimbo

Umuraperi Mistaek wamamaye mu ndirimbo zinyuranye yatanze umusanzu we mu kuvuga ikinyobwa cya Amstel

Umuraperi Kenny K Shot uri kwitegura gusohora Album ye ya kabiri 

Lorena, umuhanzikazi rukumbi waririmbye muri iyi ndirimbo ya Amstel 

Muri Kamena 2023, Johnny Drille yataramiye i Kigali binyuze mu gitaramo ‘Friends of Amstel’ cya Amstel

KANDA HANO UBASHE KUMVA FRIENDS OF AMSTEL YARIRIMBYEMO ABAHANZI 7

Ni icyemezo abo bacuruzi bafatiwe n'ubuyobozi bw' Umujyi wa Kigali mu kwezi gushize, aho wabahaye iminsi 30 yatangiye ku itariki 17 Nzeri ikazarangira ku wa 17 Ukwakira 2024.

Gusa iyo minsi 30 ntabwo buyihurijeho n'abacuruzi kuko bo batangaza ko amabaruwa bahawe n'ubuyobozi bw'isoko rya Nyarugenge mu mpera za Nzeri, yabasabaga kuba bafunze imiryango mu cyumweru kimwe nubwo na cyo cyarenze.

Abacuruzi batifuje ko amazina yabo amenyekana baganiriye na IGIHE, bagaragaje ingaruka icyo cyemezo kizabagiraho cyane ko barakoreraga mu maseta bahawe n'isoko mu buryo bwemewe.

Umwe mu bacuruzi yagize ati 'Njye ibaruwa nayihawe ku itariki 29 Nzeri, ivuga ko dusigaje icyumweru kimwe tukaba twashatse ahandi ho gukorera ariko nta mpamvu yabyo batubwiye.'

'Biri kutugiraho ingaruka hano turi benshi kuko nkanjye nari mpamaze imyaka irenze ibiri, mperutse no kwaka inguzanyo ya miliyoni 15 Frw kuko nabonaga ubucuruzi bugenda. Sindabona ahandi ho gukorera kandi ibyo na byo biraduhombya.'

Abacuruzi bagomba kuva mu Isoko rya Nyarugenge ni abacururiza mu tubati twagiye twongerwamo nyuma ahantu bivugwa ko hatemewe cyane cyane muri za 'corridors' no mu nguni nubwo bahahawe n'ubuyobozi bw'isoko.

Umujyi wa Kigali wirinze kugaragaza umubare w'abacuruzi bose barebwa n'icyo cyemezo gusa iyo uzengurutse mu magorofa atandatu agize iryo soko uhabona utubari turenga 50 duteretse aho havugwa ko hatemewe.

Utwo tubati twose bigaragara ko twahawe nomero nk'indi miryango yose kandi ba nyiratwo na bo bahamya ko bishyura imisoro nk'abandi kuva batangira kuducururizamo.

Undi mucuruzi yavuze ko we atewe impungenge n'ubukode bw'amezi atatu yari amaze kwishyura mu buyobozi bw'isoko, none mu gihe hataranashira ukwezi kumwe akaba asabwe gufunga imiryango kandi nta n'ikigaragaza ko yasubizwa amafaranga ye.

Yagize ati 'Nari maze kwishyura amezi atatu y'ubukode, ntaramaramo n'ukwezi kumwe. Byaradutunguye ntibigeze baduteguza ngo tubanze dushake ahandi twerekeza kandi ubu sinzi niba bazansubiza n'amafaranga yanjye.'

Amafaranga atangwa nk'ubukode bw'ahakorera utu tubati ntangana bitewe n'iseta gusa ahenshi ari hagati y'ibihumbi 200 Frw n'ibihumbi 300 Frw ku kwezi.

Abo bacuruzi bavuga ko uretse kuba icyemezo cyarabatunguye, nta kibazo bafite ku byo Umujyi wa Kigali wasabye, ahubwo ko ubuyobozi bw'isoko bafitanye amasezerano yo gukorana ari bwo bwakabajijwe igihombo bagiye kugira.

Icyo gihombo kandi kinashingira ku kuba hari abari bamaze kurangura ibicuruzwa byinshi bizeye isoko ku buryo guhita babwirwa kurivamo nta handi ho kwerekeza barabona bitaboroheye.

Mu gushaka kumenya icyo ubuyobozi bwa Sosiyete ya Kigali Investment Company icunga iryo soko buvuga kuri icyo kibazo, Kayumba Godfrey uyiyobora yavuze ko atari we uyibereye Umuvugizi ndetse ko ari hanze y'igihugu ku buryo adashobora kugira icyo atangaza.

Gusa ubwo yari abajijwe uvugira iri soko ngo agire icyo avuga kuri icyo kibazo, yavuze ko abandi bakorana bashobora kubikora ariko ibyo babyamaganiye kure bavuga ko badashobora kuvugira isoko hari Umuyobozi Mukuru waryo.

Ubwo twegeranyaga iyi nkuru, abashinzwe umutekano muri iryo soko bagerageje gukumira umunyamakuru ngo ntaganire n'abacuruzi ndetse bagerageza no gutera ubwoba umwe mu batanze amakuru ko nibayumva mu itangazamakuru bazamwambura imiryango yose afite.

Umuvugizi w'Umujyi wa Kigali, Ntirenganya Emma Claudine, yavuze ko ubundi inkomoko yo gufata icyo cyemezo ishingiye ku bugenzuzi bw'inzego zitandukanye ku hahurira abantu benshi, by'umwihariko muri iki gihe hari indwara z'ibyorezo.

Icyakora ashimangira ko ari amakosa yakozwe n'isoko.

Ati 'Kuba barahawe amaseta mu buryo bwemewe ntibivuze ko ubuyobozi bw'isoko butarenze ku mabwiriza cyangwa butakoze amakosa, ni yo mpamvu ubwo bugenzuzi bukorwa kugira ngo turebe. Kuba wikorera ntibivuga ko ugomba gukora ibintu uko ubyumva.'

'Nta kintu isoko rizabafasha, bagomba gushyira amabwiriza mu bikorwa kuko ubugenzuzi bw'inzego zitandukanye bwasanze aho hantu bagomba kuhava.'

Ntirenganya yongeyeho ko abafite ibibazo 'bakwiteranya bakandikira umurenge isoko ririmo, tukareba uko tubikemura ariko icyo cyemezo cyo kigomba gushyirwa mu bikorwa bakavamo ku gihe ntarengwa inzego zatanze.'

Abajijwe niba mu minsi mike isigaye abo bacuruzi bazaba bakemuriwe ibyo bibazo, Ntirenganya yavuze ko mu gihe nta byo baramenyesha ubuyobozi bifatwa nk'aho nta byo bafite.

Utubati tugomba gukurwaho ni utwagiye twongerwamo nyuma

Bamwe mu bakorera mu isoko rya Nyarugenge bahawe iminsi ntarengwa yo kuba barivuyemo

Mu mishinga ikeneye ubuvugizi muri aka Karere harimo uwo kuhira, abaganga bake n'indi myinshi.

Ibi yabyeretswe mu ruzinduko rw'umunsi umwe aherutse kugirira mu Karere ka Ngoma tariki ya 9 Ukwakira 2024. Muri uru ruzinduko yasuye bimwe mu bikorwa remezo byubatswe muri aka Karere ndetse anasura indi mishinga y'iterambere iri kuhakorerwa irimo n'iyandindiye yasabwe gukorera ubuvugizi.

Mu mishinga yadindiye yasabwe gukorera ubuvugizi harimo umushinga wo kuhira ku buso bwa hegitari 3500 uzakorerwa mu mirenge ya Zaza, Sake, Mugesera, Rukumberi na Karembo. Uyu mushinga wazanywe na Minisiteri y'Ubuhinzi n'Ubworozi byari biteganyijwe ko utangira muri Mutarama uyu mwaka ariko kugeza magingo aya ntakirakorwa.

Kubaka umuhanda uhuza Ngoma na Kirehe ureshya na kilometer 14 uzwi nka Gahara-Kazo, hari ukubaka igice cya kabiri cy'Urwibutso rwa Rukumberi ndetse n'umushinga wo kwagura ibiro by'Akarere iyi yose ikaba itarakozwe kubera ibibazo by'ingengo y'imari n'ibindi.

Mu yindi mishinga yagaragajwe harimo uwo gutanga amashanyarazi ku ngo ibihumbi 17 wari gutangira muri Mata uyu mwaka ariko kugeza n'ubu ukaba utari watangira, hanagaragajwe ikibazo cy'ubuke bw'abaganga ku Bitaro bya Kibungo no ku bigo nderabuzima biri muri aka karere.

Minisitiri wa Siporo, Nyirishema Richard, usanzwe ari n'imboni ya Guverinoma muri aka karere, yavuze ko kuba yasuye aka karere akanerekwa imishinga ikarimo bizamworohera mu kuyikurikirana. Yavuze ko hakiri akazi kenshi gakenewe gukorwa ariko ko abantu bafatanyije n'izindi nzego bazajya inama mu kubikurikirana.

Mu yindi mishinga yasuye akishimira iterambere ryayo harimo umuhanda uhuza Akarere ka Ngoma na Bugesera aho kuri ubu watangiye gushyirwamo kaburimbo, imishinga y'ubukerarugendo iri gukorerwa ku kiyaga cya Mugesera ndetse na sitade yubatswe muri aka Karere.

Umuyobozi w'Akarere ka Ngoma wungirije ushinzwe Iterambere ry'Ubukungu, Nyiridandi Mapambano Cyriaque, yerekanye imishinga yadindiye

Minisitiri Nyirishema yiyemeje gukorera ubuvugizi imishinga yadindiye

Minisitiri Nyirishema yiyemeje gukorera ubuvugizi imishinga yadindiye

Ni mu mukino wo ku munsi wa gatatu wo mu itsinda D wakinwe kuri uyu wa Gatanu Saa kumi n’ebyiri z’umugoroba kuri Stade ya Felix Houphouet Boigny muri Cote d’Ivoire.

Abakinnyi 11 ba Benin babanje mu kibuga; Souke Dandjinou, Cedric Yannick, Imourane Hassane, Steve Mounie, Abdoul Rachid, Mohamed Tijani, D’almeida Sessi Emile, Ishola Olaitani, Francisco Dodo na Jooel Dossou.

Abakinnyi 11 b’Amavubi babanje mu kibuga; Fiacre Ntwari, Fitina Ombolenga, Ange Mutsinzi, Thierry Manzi, Claude Niyomugabo, Mugisha Bonheur, Djihad Bizimana, Jojea Kwizera, Kevin Muhire, Gilbert Mugisha na Innocent Nshuti.

Ikipe y’igihugu y’u Rwanda, Amavubi, yatangiye umukino ibona uburyo kuri kufura nziza yari iturutse ku ikosa ryakorewe Mugisha Gilbert ariko itewe na Bizimana Djihad nyuma yo gukorezwaho na Muhire Kevin birangira umupira ukubise umukinnyi wa Benin. 

Ku munota wa 6 ikipe y’igihugu ya Benin yafunguye amazamu ku gitego cyatsinzwe na Steve Mounie akoresheje umutwe ku mupira wari uvuye muri koroneri yatewe na Jooel Dossou.

Nyuma yo gutsindwa igitego, abasore b’Amavubi batangiye gukora amakosa ya hato na hato ndetse binashoboka ko Benin yayabyaza umusaruro igatsinda igitego cya 2.

Ikipe y’igihugu y’u Rwanda, Amavubi, yakomeje kugerageza gukina ngo irebe uko yashaka igitego gusa kuba umupira wagera imbere y’izamu bikaba ingorane.

Ku munota wa 36 Amavubi yakoze impinduka mu kibuga havamo Manzi Thierry wari ugize ikibazo cy’imvune asimburwa na Niyigena Clement.

Mbere yuko igice cya mbere kirangira Benin yari ibonye igitego cya kabiri habura gato ku ishoti riremereye ryari rirekuwe na Steve Mounie ariko birangira Ntwari Fiacre atabaye ashyira umupira muri koroneri itagize icyo itanga.

Igice cya kabiri cyatangiye Torsten Frank Spittler akora impinduka mu kibuga havamo Nshuti Innocent hajyamo Mbonyumwami Taiba.

Amavubi yongeye gukora impinduka mu kibuga ku munota wa 57 aho Samuel Gueulette yasimbuye Kwizera Jojea wari wagize ikibazo cy’imvune. Ku munota wa 67 Amavubi yarase igitego ku ishoti riremereye ryarekuwe na Samuel Gueulette ariko rinyura impande y’izamu.

Nyuma y’amasegonda macye cyane Benin yahise itanga ikosora itsinda igitego cya 2 gitsinzwe na Andreas Hountondji. Abakinnyi b’ikipe y’igihugu y’u Rwanda, Amavubi, bakomeje gukora amakosa cyane cyane ashingiye ku bwugarizi maze ku munota wa 70 Benin iterekamo igitego cya 3 gitsinzwe na Hassane Mourane.

Umutoza w’Amavubi, Torsten Frank Spittler, yakomeje gukora impinduka mu kibuga akuramo Muhire Kevin na Bizimana Djihad ashyiramo Rubanguka Steven na Niyibizi Ramadhan ngo arebe ko haboneka n’igitego cy’impozamarira ariko birangira byanze Benin yegukana intsinzi y’ibitego 3-0.

Imibare yo kujya mu gikombe cy’Afurika cya 2025 ku Amavubi isa nk’aho igoye kugeza ubu kuko mu itsinda D iherereyemo iri ku mwanya wa gatatu n’amanota 2 inganya na Libya iri ku mwanya wa nyuma.

Amavubi azasubira mu kibuga n’ubundi akina na Benin taliki ya 15 z’uku kwezi muri Stade Amahoro n’ubundi muri iyi mikino yo gushaka itike y’igikombe cy’Afurika cya 2025 kizabera muri Morocco.

Amavubi yatsinzwe na Benin ibitego 3-0

Bageze ku kibuga cy'indege Mpuzamahanga cya Kigali i Kanombe mu gitondo cyo kuri uyu wa Gatanu tariki 11 Ukwakia 2024, bakirwa n'abo mu muryango wabo, inshuti zirimo itsinda rya Angel na Pamella n'abandi babahaye ikaze mu Rwanda.

Mu bihe bitandukanye, Daniel Ngarukiye yagiye aza mu Rwanda mu bikorwa by'umuziki birimo ibitaramo n'ibindi bikorwa by'umuziki we.

Kuva yava mu Rwanda akarushinga n'umugore we, abana be ntibigeze bamenya imiryango akomokamo, kuko batari barigeze bagera mu Rwanda, cyo kimwe n'umugore we.

Mu kiganiro na InyaRwanda, Daniel Ngarukiye yavuze ko hari hashize igihe abitegura n'umuryango we kugeza ubwo mu minsi ishize bakoze uko bashoboye bashaka ibyangombwa bibemerera kuza mu Rwanda.

Bivuze ko imyaka umunani yari ishize abagize umuryango we batazi mu Rwanda. Ati 'Ni ubwa mbere nzanye n'umuryango wanjye, abana batatu n'umugore. 

Umwana Mukuru w'umukobwa yitwa Impano, Umuhungu wa kabiri yitwa Mbizihire, umwana wa Gatatu w'umuhungu yitwa Inkumburwa Yanis. Ni ubwa mbere bose bageze mu Rwanda.'

Daniel Ngarukiye n'umuryango we batangiye kuba mu Bufaransa mu 2016. Ari naho abana be batangiriye amashuri, akora akazi n'umuryango we, ariko nta na rimwe bari barigeze bagera mu Rwanda.

Yavuze ko bahisemo gukorera uru rugendo mu Rwanda, mu rwego rwo kwereka abane be inkomoko ye, ndetse no kubakundisha u Rwanda. Ati 'Ni ugusura umuryango ndetse no kubera u Rwanda kugirango bazakure bazi neza ko bagira iyo bavuka.'

Daniel Ngarukiye yaherukaga mu Rwanda muri Nyakanga 2023, icyo gihe nawe hari hashize imyaka irindwi atahakandagira, kuko yahaherukaga mu 2015.

Icyo gihe ku kubiga cy'indege yakiriwe n'abarimo Jules Sentore, Umusizi Tuyisenge Olivier, Ben Nganji, Rukizangabo Shami Aloys, umuririmbyi Audia Intore n'abandi.

Ubwo yari ageze ku kubiga cy'indege yarapfukamye asoma ubutaka, mu rwego rwo kugaragaza urukumbuzi yari afitiye igihugu cye cy'amavuko.

Icyo gihe yabwiye itangazamakuru ati 'Nkijya kurira indege nabanje kurira cyane kubera urukumbuzi numvaga mfite. Maze no kugera i Kigali nishimiye kongera kumva akayaga kaho. Ndishimye cyane. Nyuma y'imyaka irindwi, kongera kwisanga ntabwo byari kubura kunshimisha, niyo mpamvu nahageze nkasoma ubutaka bw'Urwambyaye.'

Ngarukiye ni umwe mu bahanga mu gukirigita inanga u Rwanda rufite. Azwi mu ndirimbo nka 'Uru rukundo', 'Ikibugenge', 'Giramata' n'izindi nyinshi.

Daniel Ngarukiye yazanye abana be n'umugore we gusura u Rwanda nyuma y'imyaka umunani babarizwa mu Bufaransa

Ngarukiye Daniel ku kibuga cy'indege yakiriwe n'abarimo Angel na Pamella babahaye ikaze

Daniel Ngarukiye ari kumwe n'abana be batatu n'umugore we ku kibuga cy'indege

Ngarukiye yavuze ko imyaka umunani yari ishize ari kumwe n'umuryango we bagerageza kuza mu Rwanda

Ngarukiye yavuze ko bagenzwa no gusura ibyiza bitatse u Rwanda, no gusura umuryango we

Muri Nyakanga 2023, ubwo Daniel Ngarukiye yageraga i Kigali yasomye ubutaka

KANDA HANO UBASHE KUMVA INDIRIMBO 'BWIZA' YA DANIEL NGARUKIYE

“>