Blog

Sudani y'Epfo yabaye igihugu yiyomoye kuri Sudani nyuma y'imyaka irenga 20 hari intambara y'urudaca, yasize ubuzima bw'abaturage buhatikiriye, ibikorwaremezo bigasenywa, ndetse n'abandi baturage benshi bakava mu byabo.

Byinshi muri ibyo bibazo byibasiye icyo gihugu n'ubu biracyahari, nyuma y'imyaka 13 Sudani y'Epfo ibaye igihugu cyigenga.

Sudani y'Epfo ni igihugu cya 18 mu bunini muri Afurika kuko ifite ubuso bwa kilometero kare 644.329. Gikubye u Rwanda inshuro 24 mu bunini. Umurwa Mukuru wacyo ni Juba. Mu miterere yayo, ni igihugu kijya kumera nk'u Rwanda kuko kidakora ku nyanja.

Mu Majyaruguru gihana imbibi na Sudani, mu Burasirazuba hari Ethiopia, mu Majyepfo hari Repubulika Iharanira Demokarasi ya Congo, Uganda na Kenya mu gihe mu Burengerazuba hari Centrafrique.

Sudani y’Epfo yabonye ubwigenge mu 2011

Gifite amoko y'abaturage arenga 60 ariko muri ayo yose, atatu ni yo afite ubwiganze mu bikorwa byinshi. Harimo iryitwa Dinka, ari naryo Perezida uyobora iki gihugu, Salva Kiir, akomokamo. Andi moko afite ubwiganze mu mibereho y'iki gihugu ni iry'aba-Nuer n'aba-Luo.

Intambara ishingiye ku moko n'ubwumvikane buke mu bayobozi bakuru b'igihugu, yatumye ibintu bifata indi ntera, biba bibi cyane ubwo Perezida Salva Kiir yashinjaga uwari Visi Perezida we, Riek Machar gushaka kumuhirika ku butegetsi.

Mu Ukuboza 2013, nibwo imirwano yakwiriye igihugu cyose, igihugu gicikamo ibice bibiri bitewe n'uwo buri wese ashyigikiye muri abo bayobozi babiri.

Inkambi ziri hirya no hino mu gihugu kubera ibikorwa by’umutekano muke byakurikiye ubwigenge bwa Sudani y’Epfo

Aya makimbirane yongerewe ingufu n'umutungo kamere uturuka kuri peteroli iki gihugu cyibitse, cyane ko kugeza mu 2023, cyari gifite ubushobozi bwo gucukura utungunguru turenga ibihumbi 140 ku munsi.

Sosiyete zo mu Bushinwa no muri Malaysia, ni zimwe mu zigaragara cyane mu bucukuzi muri iki gihugu.

Amakimbirane yatumye impunzi ziba nyinshi

Sudani y'Epfo ni kimwe mu bihugu bya Afurika bifite impunzi nyinshi. Kuva mu 2013, bibarwa ko abaturage bayo barenga miliyoni enye babaye impunzi. Miliyoni 2,2 bavuye mu ngo zabo burundu, bajya kuba mu nkambi hirya no hino.

Ubu buhunzi bwakubitanye n'inzara ndetse n'ibiza byagiye byibasira iki gihugu, bituma umubare w'abaturage ujya mu kaga wiyongera. Mu myaka 50 ishize, iki gihugu cyahuye n'ibizazane byo kugerwaho n'imvura nke, ku buryo ubushyuhe bwacyo bwiyongereyeho dogere celcius imwe.

Nibura 95% by'abaturage bishingikiriza ubuhinzi kugira ngo babone amaramuko. Gusa, hagati ya 2019 na 2022, imvura yaragabanutse bidasanzwe, n'aho iguye igateza imyuzure ku buryo abaturage batabona ibyo kurya nk'uko bari babyiteze.

Umusaruro w’ubuhinzi uhura n’imbogamizi y’ibura ry’imvura muri Sudani y’Epfo

Mu 2022, abaturage barenga miliyoni imwe bibasiwe n'umwuzure, ku buryo n'ubundi agace kari karimo umutekano muke, kabaye isibaniro ry'ibibazo, abaturage bakisanga mu makimbirane n'ibibazo bishingiye ku mihindagurikire y'ibihe.

NIbura 7% by'abaturage ba Sudani y'Epfo nibo bagerwaho n'umuriro w'amashanyarazi, ndetse 10% ni bo bonyine bagerwaho n'amazi meza.

Abaturage benshi bishimira ko ubuzima bwagarutse mu gihugu, umutekano ukaba ari wose hirya no hino mu bice byari byaribasiwe n’umutekano muke

Ingabo z'u Rwanda zihamaze igihe mu butumwa bwa Loni bwo kugarura amahoro

Loni yohereje Ingabo zayo mu butumwa bw'amahoro mu 2011. U Rwanda ni kimwe mu bihugu bya mbere byatanze umusanzu kuri ubu butumwa, rwoherezayo ingabo.

Magingo aya, u Rwanda ni cyo gihugu gifite ingabo nyinshi muri Sudani y'Epfo mu Butumwa bwa Loni. Ruhafite ingabo 2.575.

U Rwanda rufite batayo eshatu muri Sudani y'Epfo. Usibye abasirikare barwanira ku butaka bari muri Batayo ebyiri, u Rwanda rufite kandi n'Ingabo zibarizwa mu mutwe urwanira mu kirere.

Rwanbatt-1 (Batayo ya Mbere y'Ingabo z'u Rwanda) ibarizwa mu duce twa Tomping i Juba na Torit. Rwanbatt-2 yo iri mu bice bya Malakal na Bunj.

Rwabant-3 yo ibarizwa mu bice bya Durupi mu gihe Ingabo z'u Rwanda zirwanira mu kirere zifite ibirindiro mu gace ka Tomping na Malakal.

Kuva mu 2012, Ingabo z'u Rwanda usibye kurinda abaturage, zinagira uruhare mu bikorwa byo kwita ku mibereho myiza y'abaturage. Zimaze kugira uruhare mu bikorwa 84 byo gutera ibiti, ibikorwa 54 by'ubuvuzi, zagize uruhare kandi mu bikorwa 39 byo kugeza amazi ku baturage.

Ingabo z'u Rwanda kandi zigira uruhare muri gahunda zifasha abanyeshuri kubona ibikoresho by'ishuri, mu bikorwa by'imikino no guha ibikoresho by'imikino abanyeshuri, zigatanga rondereza, zikubaka uturima tw'igikoni n'ibindi.

Kimwe mu bikorwa byakozwe n'Ingabo z'u Rwanda muri Sudani y'Epfo, ni ishuri zubatse mu gace ka Kapuri.

Ibice byinshi byagaruwemo umutekano muri Sudani y’Epfo

Amateka yaryo ahera muri Gicurasi 2014, ubwo zari ku burinzi, zabonye abanyeshuri bari kwigira munsi y'igiti. Basubiye mu birindiro byabo, batanze icyifuzo cy'uko iryo shuri ryafashwa.

Imirimo yo kubaka yatangiye muri Nzeri uwo mwaka, ku bufatanye na UNICEF, Abanyarwanda baba muri Sudani y'Epfo n'abaturage bo mu gace ka Kapuri.

Rigizwe n'ibyumba umunani abanyeshuri bigiramo, ibyumba bibiri by'abakozi n'ubwiherero.

Muri Gashyantare 2015 nibwo ryashyikirijwe Guverinoma ya Sudani y'Epfo. Ryagombaga kuzura ritwaye ibihumbi 219$ ariko birangira ritwaye ibihumbi 79$ kubera uruhare rw'abantu b'ingeri zinyuranye.

Ryigamo abanyeshuri barenga 500.

Ingabo z’u Rwanda ziri muri Loni zigira uruhare mu kugarura amahoro

Ibice byinshi byagaruwemo umutekano muri Sudani y’Epfo

Ingabo za Loni ziri kugenzura umutekano mu bice bya Sudani y’Epfo

Umusirikare w’u Rwanda uri mu butumwa bwo kugarura amahoro muri Sudani y’Epfo ari kumwe n’abanyeshuri

Abana b’abakobwa basubiye mu buzima busanzwe, nta bwoba bwo gushimutwa nk’uko byahozeho mbere

Uyu musore yagendereye kiriya gihugu mu bitandukanye. Yahaherukaga hagati ya Nyakanga na Kanama 2024, ubwo yahafatiraga amashusho y’indirimbo ye, akanarangiza indirimbo ‘Sikosa’ yakoranye na The Ben na Kevin Kade.

Mu bihe bitandukanye yakunze kugaragaza ko ashyize imbere gukorera indirimbo abahanzi Mpuzamahanga. Ndetse mu mezi abiri ashize, yabwiye itangazamakuru ko mu kabati ke abitse indirimbo z’abarimo Wizkid wamamaye mu gihugu cya Nigeria.

Ku wa Gatanu tariki 11 Ukwakira 2024, nibwo yageze muri Tanzania mu kurangiza imishinga myinshi y’indirimbo z’abahanzi yari amaze igihe yaratangiye. InyaRwanda yabonye amakuru avuga ko uyu musore ari kugerageza kurangiza indirimbo z’abarimo Harmonize, Marioo n’abandi.

Ariko kandi biteganyijwe ko azatangira n’indi mishinga y’indirimbo z’abandi bahanzi babarizwa muri kiriya gihugu. Ni urugendo rwari rumaze igihe ruri gutegurwa, kuko yagombaga kugera muri kiriya gihugu akarangiza ziriya ndirimbo, ndetse agatangira n’izi nshya.

Harmonize yifashishije konti ye ya Instagram yagaragaje ko yakozwe ku mutima no kongera gukorana na Element, cyane ko ariwe wamukoreye indirimbo nka 'Zanzibar' yahuriyemo na Bruce Melodie, 'One more time' yakoranye na Kenny Sol.

Ni mu gihe umuhanzi Marioo nawe yifashishije konti ye ya Instagram, yagaragaje amashusho ari kumwe na Element n’abandi bantu muri studio bakora ku ndirimbo ze.

Harmonize yagaragaje ko Element ageze kure umushinga w'indirimbo ze

Marioo yagaragaje amashusho ari kumwe na Element muri studio bakorana ku ndirimbo

Marioo amaze iminsi ashyize imbere gukorana n'abahanzi bo mu Rwanda barimo The Ben

Mu bihe bitandukanye Harmonize yakoranye na Element mu ndirimbo ze zitandukanye

Element yamaze kugera muri Tanzania kurangiza imishinga y'indirimbo z'abahanzi bakoranye

Producer Zombie wahataniye Grammy Awards yanyuzwe no guhurira na Element mu gihugu cya Tanzania 

Muri Mutarama 2023, Harmonize yari i Kigali aho yahuriye muri studio na Element bemeranya kumukorera indirimbo

Amakuru IGIHE ifite ni uko Rees Kinyangi Lulu yatawe muri yombi tariki 2 Ukwakira 2024. Aya mafaranga ashinjwa kunyereza afitanye isano na Hotel Nobilis isanzwe ari iya Sonarwa.

Uyu mugabo yatawe muri yombi hamwe na Aisha Uwamahoro wari usanzwe ari umucungamutungo w'iyi hoteli.

Itabwa muri yombi ry'aba babiri ryemejwe n'Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, wabwiye IGIHE ko 'Ni ukuri. Bakurikiranyweho kunyereza umutungo no gukoresha nabi umutungo ufitiye rubanda akamaro'.

Kugeza ubu dosiye yamaze gushyikirizwa Ubushinjacyaha nubwo iperereza rikomeje.

Umuyobozi Mukuru wa Sosiyete y'Ubwishingizi, Sonarwa General Insurance, Rees Kinyangi Lulu yatawe muri yombi akekwaho kunyereza arenga miliyoni 117 Frw

Byabereye mu Mudugudu wa Mataba, Akagari ka Kibogora, Umurenge wa Kanjongo mu Karere ka Nyamasheke ku wa 13 Ukwakira 2024.

Saa Cyenda z'igicamunsi kuri iki Cyumweru tariki 13 ni bwo uyu musore yatemberanye na mugenzi we banyura ku kiyaga cya Kivu, avuga ko ashaka kujya koga agiyemo ahita arohama arapfa.

Mugenzi we bari kumwe yabonye ko Imanirahari ari kurohama ariko abura icyo akora kuko nawe atazi koga, atanga amakuru.

Umunyabanga Nshingwabikorwa w'Umurenge wa Kanjongo, Kanyogote Juvenal yabwiye IGIHE ko uyu musore warohamye akomoka mu Karere ka Musanze.

Ati 'Kugeza ubu umurambo nturaboneka. Abantu barasabwa kwirinda kujya mu Kivu batazi koga kandi n'ubwo baba babizi basabwa kujyamo bambaye Jile yabugenewe'.

Ubuyobozi bwa Kibogora Polytechnic bwihanganishije umuryango wabuze uwawo, buvuga ko ubusanzwe iyo abanyeshuri bashya baje, bahurizwa hamwe n'ubuyobozi bakaganirizwa, bakabwirwa ibyemewe n'ibitemewe.

Mu bitemewe babwirwa harimo no kujya mu kiyaga cya Kivu utazi koga, utanambaye umwambaro wabugenewe.

Umuyobozi wa Kibogora Polytechnic, Mukamusoni Daria yasabye abanyeshuri bahiga n'abazaza kwirinda kujya mu kiyaga cya Kivu koga batabizi cyangwa batambaye umwambaro wabugenewe.

Iyi gahunda yo gukura abatishoboye mu bukene, iri mu yo Leta y'u Rwanda yihaye, Intara y'Amajyepfo nayo ikaba itarasigaye inyuma muri urwo rugendo.

Uwibambe Consolee, Umukozi w'Intara y'Amajyepfo ushinzwe gahunda yo kuzamura ubushobozi bw'abaturage yabwiye IGIHE ko muri gahunda y'imyaka ibiri bihaye, bamaze gukora intonde z'abagenerwabikorwa bagomba guherekezwa mu rugendo rwo kwikura mu bukene, hanashyirwaho komite za Gira Wigire mu turere twose, hahugurwa abakozi babikoramo.

Ati 'Abaturage batangiye guhuzwa n'amahirwe harimo akomoka kuri Leta ndetse n'atangwa n'imiryango itegamiye kuri Leta, amadini n'amatorero ndetse n'abikorera kuko iyo tuvuga ngo ni 'graduation' ni uko umuturage ahurizwaho amahirwe y'inkunga atandukanye, kuko haba habanje kuba isesengura umuturage akagaragaza ibyo akeneye n'ibyo avuga ko yakwishoborera, noneho hagasinwa umuhigo n'umuryango, kugira ngo nawe amenye ko urwo rugendo arufitemo inshingano.''

Uwibambe yakomeje avuga ko n'ubwo bafite umuhigo wo gukura mu bukene abagera kuri uriya mubare wavuzwe haruguru, hari n'imbogamizi zijya zibaho bose ntibagerereyo rimwe, kuko hari abakomwa mu nkokora na byinshi birimo uburwayi, imishinga ihomba n'ibindi, ariko igitekerezo nyamukuru kiba ari ukwikura mu bukene.

Mu turere twa Gisagara na Nyaruguru, imiryango 800 iri mu yashyizwe muri gahunda yo gufashwa kwikura mu bukene, aho ihabwa inkunga z'uburyo bwose kugira ngo biteze imbere.

Imiryango 800 yo mu mirenge wa Nyanza mu Karere ka Gisagara ndetse n'imirenge ya Ngera na Ngoma mu Karere ka Nyaruguru, abayigize bari kuva mu cyiciro cy'abatishoboye yari isanzwe ifashwa na Leta, aho bavuga ko inkunga zitandukanye bahabwa zibafasha gukora amatsinda yo kwizigama no kugurizanya, ibituma babona uko baharanira kwigira bakora n'indi mishinga y'iterambere.

Habamenshi Jean Baptiste, umwe muri bo wo mu Murenge wa Nyanza, muri Gisagara, yavuze ko kwikura mu bukene kwe byaturutse mu biganiro by'abajyanama mu myimvire bikamuha icyizere ko kwiteza imbere bishoboka, ari nabyo byamuhinduye, bikunganirwa n'inkunga yahawe.

Ati 'Banyigishije gukora umushinga wo korora banampa amafaranga ibihumbi 60Frw yo kugura itungo ndaricuruza, riza kunyungukira birakomeza kugeza mbonye inzu yo kubamo nyuma mbona n'igare, ubu mfite imibereho myiza.''

Mujawamariya Nadine, Umuyobozi wungirije wa FXB-Rwanda, umwe mu bafatanyabikorwa b'Intara y'Amajyepfo, yavuze ko ubufasha bwa mbere batanga ku baturage, ari ukubafasha guhindura imyumvire kuko ari ryo shingiro ry'ibikorwa byose.

Ati 'Iyo dutangiye gahunda yo gufasha, icyiciro cya mbere ni ugufasha abagenerwabikorwa bacu guhindura imyumvire, ari yo mpamvu inkunga dutanga tuyicamo ibyiciro, kugira ngo turebe aho agana. Guhindura imyumvire ni ikintu cy'ibanze kuko bituma turwanya imyumvire idahwitse icika, akarangamira kwiteza imbere.''

Mu gukomeza gufasha iyi miryango kudasubira inyuma mu ntambwe bamaze gutera, abafashwa bahabwa n'ibikoresho bibafasha kwita ku mibereho yabo harimo ibikoresho by'isuku, ibifasha abana babo mu burezi ndetse n'amatungo maremare n'amagufi abunganira ku ifumbire bakongera umusaruro w'ubuhinzi bihaza m biribwa.

Nibura miliyoni 220Frw ni zo zimaze gutangwa mu mirenge 3 yo mu Turere twa Gisagara na Nyaruguru kuri iyo miryango 800, ndetse n'ubufasha bukaba bugikomeje.

Ubufasha bahabwa haba harimo n’amatungo afasha abayahawe kubona ifumbire, bakihaza mu biribwa

Umuyobozi w’Akarere ka Gisagara, Rutaburingoga Jerome, yavuze ko kwikura mu bukene bisaba no kwiyemeza, ukagira intego yo kwikura ahabi

Mujawamariya Nadine, Umuyobozi wungirije wa FXB-Rwanda, yavuze ko ubufasha bwa mbere batanga ku baturage, ari ukubafasha guhindura imyumvire kuko ari ryo shingiro ry’ibikorwa byose

Ni ibiti by'imbuto zitandukanye zirimo avoka, amacunga n'imyembe byatewe kuri uyu wa 13 Ukwakira 2024 mu ishuri ribanza no mu ryisumbuye bya APACE.

Igikorwa cyo kubitera cyabanjirijwe no kuganiriza abana bo mu mashuri abanza muri APACE ku kamaro k'ibiti ku bantu no bidukikije kugira ngo bazabashe kubibungabunga neza.

Umuyobozi Mukuru wa Rotary Club Kigali Karisimbi, Satish Kumar yavuze ko icyo gikorwa gikubiye mu mushinga bafite wo gutera ibiti 500 by'imbuto ziribwa mu rwego gufasha abantu kunoza imirire no kurengera ibidukikije.

Yavuze ko mu nyigo yabaye hatoranyijwe imirenge ya Nyakabanda, Nyamirambo na Kimisagara muri Nyarugenge aho bamaze kuhatera ibiti by'imbuto birenga gato 200 muri uyu mwaka, hakaba hasigaye ibindi hafi 300 bizaba byamaze guterwa mu mwaka utaha uwo mushinga urangiye.

Agaruka ku mpamvu bahisemo gutera ibiti yagize ati 'Twatekereje ko umuryango mugari uba ukeneye imbuto z'intungamubiri twiyemeza kuzibaha ku buntu kandi biri no mu buryo bwo kurengera ibidukikije'.

Yakomeje ati 'Hakozwe inyigo muri Kigali igaragaza ko muri iyi mirenge itatu hari abaturage bakennye batabasha kwigurira imbuto zimwe na zimwe kandi ibyo bituma batarya indyo yuzuye n'abana ntibakure neza uko bikwiye. Ni yo mpamvu twiyemeje gutera ibiti'.

Uwo Muyobozi yongeyeho ibyo biti uretse kuzatanga imbuto nibikura banabyitezeho gutanga umwuka mwiza n'umusanzu mu kurwanya isuri mu Rwanda ijya ikunda gutwara ubutaka mu gihe cy'imvura.

Uwari uhagarariye Umurenge wa Nyakabanda muri icyo gikorwa, Kubwimana Shaffy yavuze ko ubufatanye bw'imiryango itegemiye kuri Leta n'inzego z'ibanze butanga inyunganizi ikomeye cyane muri gahunda zizamura imibereho myiza y'abaturage kuko bwunganira ingengo y'imari iba isanzwe bityo izo gahunda zikihuta.

Ihuriro Rotary Club Kigali Karisimbi ryavutse mu 2022 rikomotse kuri Rotary Club Kigali Virunga. Iryo huriro ni ryo rishya mu mahuriro yose ya Rotary Club mu Rwanda aho rikora ibikorwa binyuranye bigira uruhare mu kuzamura imibereho myiza y'abantu.

Kugeza ubu Rotary Club mu Rwanda igizwe n'amahuriro agera ku 10 harimo akorera i Kigali n'akorera mu ntara zitandukanye. Ayo mahuriro yose abarizwa muri Rotary y'u Rwanda na yo ishamikiye kuri Rotary International ikora ibikorwa by'ubugiraneza no kwita ku mibereho y'abantu hirya no hino ku Isi.

Ibiti byatewe mu bice bitandukanye by’ishuri rya APACE

Ibiti byatewe bitangira kwera imbuto mu gihe gito

Abana biga muri APACE bitabiriye iki gikorwa kugira ngo bazabashe kubungabunga ibiti byatewe

Satish Kumar atera igiti

Umuyobozi Mukuru wa Rotary Club Kigali Karisimbi, Satish Kumar yavuze ko icyo gikorwa gikubiye mu mushinga bafite wo gutera ibiti 500 by'imbuto ziribwa, mu rwego gufasha abantu kunoza imirire no kurengera ibidukikije

Kubwimana Shaffy yavuze ko ubufatanye bw'imiryango itegemiye kuri Leta n'inzego z'ibanze butanga inyunganizi ikomeye cyane muri gahunda zizamura imibereho myiza y’abaturage

Abayobozi muri Rotary Club n’inzego z’ibanze bari bitabiriye icyo gikorwa

Tariki 13 Ukwakira Isi izirikana Umunsi Mpuzamahanga wahariwe kugabanya ingaruka z'ibiza.

Ibihugu byinshi muri iki gihe bihanganye n'imihindagurikire y'ibihe yatumye ibiza birushaho kwiyongera mu mpande zose z'Isi, bigateza amapfa hamwe ahandi imyuzure n'imvura y'amahindu bigatwara ubuzima bw'abantu.

Muri Gicurasi 2023 u Rwanda rwahuye n'ibiza byahitanye abarenga 135, inzu zirenga 2100 zangirika igice na ho izindi 2,763 zirasenyuka burundu.

Minisitiri ushinzwe Ibikorwa by'Ubutabazi Maj. Gen. (Rtd) Albert Murasira yatangaje ko kwifatanya n'Isi kuri uyu munsi, ari umwanya wo kwibutsa buri wese mu nzego zitandukanye ko gushyira imbaraga zishoboka mu gufata ingamba no gukora ibikorwa byo kugabanya ingaruka z'ibiza, bifite akamaro kanini mu kubungabunga ubuzima bw'abantu n'imitungo yabo.

Yagaragaje ko ibyangijwe n'ibiza byibasiye u Rwanda mu 2023 bigeze kure bisanwa ndetse inzu nyinshi zasanwe aba mbere bagatangira kuzibamo.

Ati 'Amazu 778 yamaze gusanwa na banyirayo bayarimo mu turere twa Rubavu, Nyabihu, Ngororero, Rutsiro, Burera, Musanze, Karongi na Gakenke. Aya mazu yasanwe ku ngengo y'imari ya Leta. Amazu 980 arimo arasanwa ku buryo ba nyirayo bazaba bayarimo bitarenze impera z'uyu mwaka [2024].'

Minisitiri Maj. Gen. (Rtd) Murasira yavuze ko izindi 342 hagitegurwa ibyangombwa by'ubutaka ku buryo na zo zizaba zarangije gusanwa bitarenze umwaka utaha muri Kamena ba nyirazo bakazaba bazirimo.

Yahamije ko imirimo yo gusana inzu 2.763 zasenyutse burundu iteganyijwe mu ntangiriro za 2025, bikazakorwa ku nkunga ya Banki y'Isi kuko yatanze inkunga ya 26.028.205$ agenewe kubaka gusa.

MINEMA igaragaza ko ubu hari gutegurwa ibyangombwa kugira ngo haboneke ibibanza byo kubakaho izi nzu, kwishyura ibiri ku butaka bikazakorwa na Leta.

Ni mu gihe ibikorwa by'amazi n'amashanyarazi ndetse n'amashuri byamaze gusanwa byose, na ho imihanda n'ibiraro na byo byarasanwe ku buryo imihanda yose ari nyabagendwa, ariko hakaba aho imirimo igikomeza.

Hateganyijwe ibikorwa byinshi bigamije guhangana n'ibiza

Minisitiri Maj. Gen. (Rtd) Murasira yavuze ko mu bizakorwa hagamijwe gukumira no kugabanya ingaruka z'ibiza harimo n'umuganda uteganyijwe ku wa 26 Ukwakira 2024, mu Murenge wa Rugerero w'Akarere ka Rubavu, aho bazasiburura inzira z'amazi, kuzirika ibisenge by'inzu no gushyira fondasiyo (kubaka ibitebe) kuzitabifite.

Tariki 31 Ukwakira 2024, hazaba inama yo ku rwego rw'igihugu ihuza inzego zitandukanye zirimo iza Leta, amashuri makuru na za kaminuza, amashami y'Umuryango w'Abibumbye, Abanyamadini, Abikorera n'abandi bafite ibikorwa bijyanye n'imicungire y'ibiza.

Politike y'Igihugu y'Imicungire y'Ibiza iherutse kwemezwa mu Rwanda itanga ibisubizo birimo kongera imbaraga mu bushakashatsi n'ubusesenguzi ku biza byugarije igihugu kugira ngo ibisubizo bifatwa bitange umusaruro mu kubaka ubudahangarwa ku biza, bikajyana no kumvikanisha neza ibiza n'ingaruka zabyo binyuze mu kongerera ubushobozi inzego zose n'abaturarwanda muri rusange kugira ngo bamenye ibiza bibugarije n'aho bagomba gushyira imbaraga ngo babyirinde.

Inzu nyinshi mu Ntara y’Iburengerazuba n’Amajyaruguru zarasenyutse

Abo inzu zasenyutse burundu bazatangira kubakirwa mu ntangiriro za 2025

Inzu zangiritse igice kimwe zirenga 1700 zarasanwe