Blog

Mu Rwanda serivisi nyinshi zitangwa binyuze ku ikoranabuhanga ndetse intego ihari ni uko mu gihe indangamuntu-koranabuhanga izaba imaze gutangira gukora, icyo gihe ubucuruzi bukoresheje ikoranabuhanga buzarushaho korohera ababukora.

Raporo izwi nka Global Cybersecurity Index (GCI) 2024 igaragaza ko u Rwanda rwaje mu bihugu by'intangarugero (Tier 1) mu kugira amanota ari hejuru ya 95%.

Yerekana ko u Rwanda rufite amategeko arengera amakuru bwite y'abaturage (data protection) no gukumira ibitero ku makuru yihariye, intambwe ikomeye mu gutuma abaturage n'ibigo bakomeza kwizera umutekano wabo mu gihe bari gukoresha ikoranabuhanga.

Umuyobozi Mukuru w'Urwego rw'Igihugu rushinzwe Umutekano w'Ikoranabuhanga mu Itangazabumenyi n'Itumanaho, David Kanamugire ubwo yari mu Nama yahuje abashinzwe kurinda amakuru bwite ari ku ikoranabuhanga tariki 16 Ukwakira 2024, yagaragaje ko abatuye mu Muryango wa Afurika y'Uburasirazuba bafite byinshi bahuriyeho ku buryo hakenewe uburyo bwo gusangira amakuru mu rwego rwo kwihutisha urujya n'uruza rw'abantu, ibintu na serivisi.

Yagaragaje ko nubwo hariho politike n'amategeko mu bihugu byinshi ariko ibihugu byinshi byo muri Afurika y'Uburasirazuba bigifite icyuho mu bumenyi n'ibikorwaremezo byo kubishyira mu bikorwa.

Ati 'Ibyo tugerageza gukora mu Rwanda ni ukubaka igicumbi cy'umutekano mu by'ikoranabuhanga ku buryo mubyifuje Akarere kagikoresha kandi nizera ko ikindi gihugu kinyamuryango gishobora kuzana undi mushinga na wo uri mu nyungu z'abaturage.'

Yagaragaje ko icy'ibanze ari uko hagomba kubakwa ibikorwaremezo by'ikoranabuhanga byo ku rwego rwa Afurika y'Uburasirazuba bifite ubushobozi buruta ubw'ibyubakwa n'ibihugu ukwabyo.

Kanamugire kandi yahamije ko hari ibiganiro byabayeho hamwe n'ikigo gitanga amasomo mu kurinda amakuru bwite y'abaturage ku buryo mu bihe biri imbere hashobora kugira icyubakwa mu Rwanda.

Ati 'Bitari kera tugiye kubaka igicumbi cy'umutekano mu by'ikoranabuhanga ku buryo hazaba harimo Ishuri ryo ku rwego mpuzamahanga ryigisha kurinda amakuru bwite, laboratwari yo ku rwego mpuzamahanga, Ikigo gitanga amahugurwa ku kurinda amakuru bwite.'

'Mu minsi ishize twarimo tuganira n'inshuti zacu zo muri Data Protection Academy ngo turebe uburyo aha muri EAC twahubaka ikigo cyo ku rwego mpuzamahanga gitanga amahugurwa ku gucunga no kurinda amakuru bwite y'abaturage.'

Yavuze ko mu gihe kizaba cyuzuye bizaba inzira yo gushyira mu bikorwa amategeko ahari mu kurinda umutekano w'amakuru no kuyahererekanya ku rwego rw'akarere.

Ati 'Turizera ko igihe kizaba kimaze kubakwa, abarimu bahari dushobora gutanga umusanzu nk'Akarere mu kubaka ikigo cy'icyitegererezo kizafasha gushyira mu bikorwa umugambi wo guhuriza hamwe gahunda tukavuga ngo tufite icyerekezo kimwe, amategeko ahuye n'ibikorwaremezo twese dushobora gusangira tukibonamo ku buryo n'abavandimwe bacu bo muri Kenya, Uganda, Somalia bashyiraho ibindi bikorwa remezo nabyo tukabyifashisha mu nyungu z'umuryango.'

Umunyamabanga Uhoraho muri Minisiteri y'Ikoranabuhanga na Inovasiyo, Yves Iradukunda yavuze ko hakenewe kubaka icyizere mu baturage ku buryo bumva mo gusangira amakuru hagati y'ibihugu bya Afurika y'Uburasirazuba babifitemo inyungu.

Abayobozi bashinzwe umutekano w'amakuru bwite mu bihugu bya EAC bose bagaragaje ko nubwo hari byinshi byakozwe ariko imbogamizi ikomeye ikiri mu kubika amakuru mu bigo byo hanze y'Akarere n'Umugabane wa Afurika.

Umutekano w’amakuru bwite y’abaturage b’u Rwanda urinzwe ku rwego rwo hejuru

Mu 2022 nibwo Perezida Paul Kagame yakoreye uruzinduko mu Ntara y'Amajyepfo n'iy'Iburengerazuba, ageze mu Mudugudu w'Icyitegererezo wa Rugabano mu Karere ka Karongi, asanga abawutujwemo babangamiwe n'ibibazo birimo inzara n'umwanda.

Icyo gihe yagize ati “Hari aho nanyuze mu nzira nza, hari umudugudu wubatswe kandi umeze neza […] mpanyuze nabonye abantu bari muri uwo mudugudu, ijisho ryambwiye ko hari ikintu kibuze. Ukuntu nabonye bameze ntabwo ari ko bakwiriye kuba bameze, nabonye hagaragaramo ubukene. Ntabwo nifuza kubona Abanyarwanda bameze kuriya”

Ni ibibazo byakomokaga ku kuba inzira z'imyotsi zarubatswe nabi, bateka imyotsi ntisohoke igakwirakwira mu byumba. Ikindi kibazo bari bafite cyari inzara ikomoka ku kuba amasambu yabo yari yarateweho icyayi nacyo kikaba kitari cyagatangiye kwera ngo babonemo akazi ko gusoroma.

Mu bibazo byari muri uyu mudugudu harimo n'icy'ubwiherero bwari bwarakorewe gutanga biogas yo gutekesha. Izo biogas zahise zipfa zituma ubwiherero buziba.

Nyuma y'imyaka ibiri, ibi bibazo bigaragaye, umunyamakuru wa IGIHE yasuye uyu mudugudu asanga imirimo yo kubikemura irarimbanyije.

Mu bimaze gukorwa mu gukosora ibibazo harimo ubwiherero bushya bwubatswe busimbura ubwari bwarazibye, imirindakuba yarongerewe, agakiriro karuzuzwa, hanubakwa inkuta zifata ubutaka, ndetse ibibazo by'ubukene n'imyotsi birakemurwa.

Umuryango wa Mukeshimana Gabriel, ni umwe mu miryango 40 yari ifite ikibazo cy'ubwiherero bwari bwarazibye. Avuga ko byabaye ngombwa ko aba baturage bubakirwa ubundi bwiherero budakoranye na biogas.

Ati “Byari bitubangamiye kuko twakoraga urugendo tujya gutira ubwiherero ku gakiriro. Twari dufite impungenge ko dushobora kuhandurira indwara kuko twahuriragayo turi imiryango myinshi. Turashimira ubuyobozi bwatwubakiye ubwiherero, ubu nta kibazo cy'ubwiherero tugifite”.

Mukabera Asterie, uri mu bamaze gukemurirwa ikibazo cy'imyotsi avuga ko mbere yacanaga imyotsi ikuzura mu byumba byose, agashimira ubuyobozi ko bwakemuye iki kibazo.

Ati “Iyo nacanaga hazaga imyotsi mu nzu, ubu byarakemutse ntabwo imyotsi ikiza mu nzu, ndaryama ngasinzira”.

Inzu zimaze gukemurirwa ikibazo cy'inzira z'imyotsi zari zubatse nabi yasizweho irindi rangi zisubirana umucyo zahoranye.

Nubwo bimeze gutya ariko abatuye mu nzu zubatswe mu cyiciro cya nyuma giheruka gutuzwa muri uyu mudugudu ntabwo barakosorerwa ikibazo cy'imyotsi.

Nyirawumuntu Chantal, uri mubatujwe bwa nyuma muri uyu mudugudu avuga ko batunguwe no kuba imirimo yo gukemura ibi bibazo yarasubitswe batagezweho kandi aribo bafite ikibazo gikomeye cy'imyotsi.

Ati 'Icyifuzo cyacu ni uko natwe baza bakadukorera, natwe tukongera kubona ubwiza bwo mu nzu'.

Umuyobozi w'Akarere ka Karongi, Mukase Valentine, mu kiganiro na IGIHE yavuze ko mu gusubiza ikibazo cy'inzara cyagaragaye abawutuye bahawe amahugurwa yo gusoroma icyayi bibahesha akazi abandi bahabwa akazi mu ruganda rw'Icyari rya Rugabano.

Abatuye uyu mudugudu kandi bahawe amatungo ariko inka n'ingurube, ndetse banashyirwa mu matsinda yo kwizigamira, aho 26 bibumbiyemo amaze kwizigama miliyoni 26Frw.

Meya Mukase avuga ko ubu bwizigame icyo bubafasha ari ukubona inguzanyo muri SACCO igihe muri bo harimo abakeneye gukora imishinga iciriritse ibyara inyungu.

Ku bufatanye n'abafatanyabikorwa b'akarere urubyiruko rwo muri uyu mudugudu rwigishijwe ubudozi, ububaji, abikwakuzi bibafasha kwihangira umurimo ubu bakorera mu gakiriro ka Rugabano kari muri uyu mudugudu.

Kimwe n'ahandi mu gihugu abageze mu za bukuru bari muri uyu mudugudu bahabwa inkunga y'ingoboka.

Ati 'Mu gukosora ibibazo byagaragaye muri uriya mudugudu w'icyitegererezo wa Rugabano ibijyanye n'inyubako byonyine bimaze gutwara 552,000Frw. Icyiciro cya mbere cyararangiye ibisigaye bizakorwa mu kiciro cya kabiri'.

Umudugudu w'Icyitegererezo wa Rugabano watujwemo abarenga 1600, biganjemo abimuwe mu misozi y'umurenge wa Rugabano yo mu kagari ka Gitega na Kabuga yateweho icyayi gitunganywa n'uruganda rw'icyayi cya Rugabano.

Miliyoni zirenga 550 Frw zimaze gukoreshwa mu gukosora amakosa yagaragaye mu Mudugudu wa Rugabano i Karongi

Isoko ry’Umudugudu w’Icyitegererezo wa Rugabano ryashyizweho inzugi mu rwego rwo kongera umutekano w’ibicururizwamo

Ubwiherero bwatagaga biogas bwasimbujwe ubushya

Aya ni amagambo yagarutsweho na Minisitiri w'Ikoranabuhanga na Inovasiyo, Ingabire Paula, ubwo yari amaze gusura ahari hari kubera irushanwa rya 'Cyberlympics'.

Iri ni irushanwa ryari ryitabiriwe n'abanyeshuri, aho bashyizwe mu matsinda bahabwa umukoro wo gushaka ibyuho muri porogaramu zimwe na zimwe bishobora gutuma zinjirirwa.

Iri rushanwa ryabereye ku ruhande rw'Inama y'ihuriro nyafurika yiga ku mutekano w'ikoranabuhanga [Africa Cyber Defense Forum], yabaye ku wa 16 Ukwakira 2024.

Iyi nama yitabiriwe n'inzobere mu bijyanye n'umutekano w'urwego rw'ikoranabuhanga zirenga 400 zo mu bihugu 50 byo hirya no muri Afurika. Ni ku nshuro ya gatanu ibaye, ikaba inshuro ya kabiri ibereye mu Rwanda kuko yaherukaga kuba mu 2023.

Iyi nama yakiriwe n'Urwego rw'Igihugu rushinzwe Umutekano w'Ibijyanye n'Ikoranabuhanga mu Itangazabumenyi n'Itumanaho, [NCSA], akaba ari narwo rwateguye iri rushanwa.

Minisitiri Ingabire yavuze ko yanyuzwe n'umuhate yabonanye aba banyeshuri.

Ati 'Turimo gusoza ingamba nshya z'ubwirinzi kuri internet zizasimbura izari zisanzweho, igice cy'ingenzi ni ukongera ubushobozi cyane twibanda ku rubyiruko binyuze mu bufatanye dufitanye n'ibigo nka Carnegie Mellon University na Rwanda Coding Academy.'

Umunyeshuri wo muri RCA wari witabiriye iri rushanwa, Hakizimana Yves, yavuze ko uko ikoranabuhanga ryaguka amakuru arushaho kuba menshi bityo hakwiye kubaho uburyo bwo kuyarinda.

Ati 'Gahunda zo kutwongerera ubumenyi nk'izi zizatuma igihugu kibasha kubika ya makuru ashobora kujya hanze agateza ibibazo mu buryo bumwe cyangwa ubundi. Iyo twiga twiga kuzayarinda.'

Uyu munsi Afurika itakaza miliyari enye z'amadolari y'Amerika buri mwaka mu bitero by'ikoranabuhanga. Aya mafaranga angana na 10% by'umusaruro mbumbe w'ibihugu byo ku Mugabane.

Ibi bitero akenshi biba byiganjemo iby'abiba amakuru bagashyiraho ikiguzi kugira ngo bayasubize [Ransomware attacks] n'amayeri yo kubona uburenganzira ku makuru bwite y'abantu hagambiriwe kubiba [phishing]. Ibi bikorwa akenshi mu butumwa butangwa kuri za email bugaragara nk'ubuvuye ahantu hizewe nka banki cyangwa ahandi.

Irakoze Nezerwa Princess nawe wiga muri RCA, yabwiye IGIHE ko amasomo ajyanye n'umutekano kuri internet [cybersecurity] akwiye kugezwa mu mashuri yose, kuko ari ingenzi mu bihe tugezemo.

Ati 'Dushaka kurinda sisitemu n'amakuru yacu, rero binyuze muri cybersecurity nibwo buryo bwonyine bwo bwadufasha.'

Iri rushanwa ryitabiriwe n'amatsinda 15 y'abanyeshuri, buri rimwe rigizwe na bane. Aba banyeshuri bari baturutse muri RCA ndetse no muri Kaminuza y'u Rwanda.

Minisitiri w'Ikoranabuhanga na Inovasiyo, Ingabire Paula, yagaragaje ko hakwiye gushorwa imbaraga mu rubyiruko, rukubakirwa ubushobozi kuko ari rwo “Barinzi b’ahazaza h’ikornabuhanga”

Umuyobozi Mukuru w'Urwego rw'Igihugu rushinzwe Umutekano w'Ibijyanye n'Ikoranabuhanga mu Itangazabumenyi n'Itumanaho, [NCSA], Col. David Kanamugire

Abategura Inama y'ihuriro nyafurika yiga ku mutekano w'ikoranabuhanga [Africa Cyber Defense Forum] bishimiye umuhate w’urubyiruko rw’u Rwanda

Iri rushanwa ryitabiriwe n'amatsinda 15 y'abanyeshuri, buri rimwe rigizwe na bane

Ababaye indashyikirwa bahembwe

Ni ku nshuro ya kabiri iyi nama ibereye mu Rwanda

Hakizimana Yves, yavuze ko uko ikoranabuhanga ryaguka amakuru arushaho kuba menshi bityo hakwiye kubaho uburyo bwo kuyarinda

Amafoto: Nezerwa Salomon & Niyonzima Moses

Iyi modoka yari yaheze mu muvu w'amazi y'imvura yaguye ku mugoroba wo kuri uyu wa Gatatu tariki ya 16 Ukwakira 2024, ikaba yari yaheze mu Mudugudu w'Akayange mu Kagari ka Ndama mu Murenge wa Karangazi.

Umunyamabanga Nshingwabikorwa w'Umurenge wa Karangazi, Mutesi Hope, yabwiye IGIHE ko iyi mbangukiragutabara yari yaheze mu mazi yatewe n'imvura nke yaguye kumugoroba wo kuri uyu wa Gatatu.

Yavuze ko iyi modoka yari irimo abantu batatu yanyuzeho ivuye kuzana umurwayi umushoferi aheramo hitabazwa abaturage bari hafi aho bayikuramo.

Ati 'Ntabwo haguye imvura nyinshi, yaguye ari nke ahubwo tubona umuvu w'amazi aje ari menshi. Imbangukiragutabara rero yari ihanyuze umushoferi acamo aziko amazi ari make birangira ihezemo kuko wari umuvu w'amazi yatembaga, twifashishije abaturage abaturage bari hafi aho n'abandi bari gukora mu mushinga wa Gabiro Agro business Hub bayikuramo. Nta muntu n'umwe wakomeretse bayivuyemo ari bazima.'

Mutesi yavuze ko imvura yaguye ari nke cyane, avuga ko bamenye amakuru ko yangije inzu imwe gusa kuri ubu bakaba batari basuzuma niba koko iyo nzu yangijwe n'imvura nke yaguye.

Mutesi yasabye abaturage kuzirika ibisenge no gushyira imbuto mu butaka kugira ngo imvura nigwa neza bazabashe kweza neza. Yavuze ko abaturage benshi muri uyu Murenge bamaze gutegura imirima yabo kuburyo barindiriye ko imvura igwa nabo bagahinga.

Imbagukiragutabara yarohamye mu mazi yatewe n’imvura

Itangazo ryasohowe na RDF ku mugoroba wo kuri uyu 16 Ukwakira 2024, ryagaragaje ko ibirego bitatu byatangajwe mu nkuru z'ibyo bitangazamakuru zanditswe n'umunyamakuru Barbara Debout ari ibinyoma.

Itangazo ryagize riti “Mu kirego kivuga gufata ku ngufu byakorewe 'Jeanne' ucuruza imboga n'imbuto bavuga ko yafashwe ku ngufu n'umusirikare w'Umunyarwanda mu kigo cyabo i Bangui muri 2023: Ibirindiro by'ingabo z'u Rwanda ntibyemera ko hari umusivili utanditse kandi udafite icyo ahakora kuhinjira, bityo nta hohoterwa ry'umuturage ryabera muri icyo kigo.”

RDF yakomeje ihakana n'ikindi kivuga ihohotera rishingiye ku gitsina bivugwa ko ryakorewe uwitwa 'Grace w'imyaka 28' mu mujyi wa Paoua mu majyaruguru, ivuga ko “Nta basirikare b'Abanyarwanda bari mu butumwa bw'amahoro bigeze boherezwa muri ako gace, bityo icyo kirego ntigifite ishingiro.”

Naho ku kindi kirego kivuga ihohoterwa bivugwa ko ryakorewe 'abagore babiri i Ndassima,' muri 400Km uvuye i Bangui, RDF yatangaje ko “Nta ngabo z'Abanyarwanda cyangwa izo mu butumwa bwa MINUSCA zigeze zoherezwa muri ako gace, bityo ibyo birego ntaho bishingiye.”

RDF yakomeje igaragaza ko ihohoterwa rishingiye ku gitsina iryo ari ryo ryose rikorerwa abaturage ridashobora kwihanganirwa, kandi ko ifata mu buryo bukomeye ibirego byose bishinja ingabo z'u Rwanda ibikorwa nk'ibyo, ko biramutse bibaye bitakwihanganirwa, n'ubwo ibyatangajwe n'uwo munyamakuru byagaragaye ko ari ibinyoma.

RDF yerekanye ko nk'uko umwanditsi w'izo nkuru ubwe yabyitangarije, ibikorwa by'ihohotewa rishingiye ku gitsina byose byaberaga mu gace ka Bria, byashyizweho iherezo ubwo ingabo z'u Rwanda zari zihageze.

Yakomeje iti “Imyitwarire, izina n'ubushobozi bw'abasirikare b'u Rwanda bari mu butumwa bw'amahoro ntibishidikanywaho. Hashize imyaka 20 abasirikare b'u Rwanda bari mu butumwa bw'amahoro bashyira mu bikorwa inshingano zabo, bafite ubunyangamugayo n'icyubahiro, kandi bubaha abaturage b'aho bakorera, bitewe n'indangagaciro z'ingenzi zo kurengera abaturage no kubazwa inshingano zo kubarinda (R2P).”

RDF yakomeje ivuga ko izakomeza gushyigikira amahoro n'umutekano muri Centrafrique n'ahandi abasirikare bayo bari n'aho bazoherezwa mu bikorwa nk'ibyo.

Ingabo z'u Rwanda zagiye gutanga umusanzu muri iki gihugu, ubwo imitwe yitwaje intwaro mu majyaruguru yishyize hamwe ikarema umutwe witwa Séléka, utegura 'coup d'état' ariko ntibyawuhira.

Ingabo z'u Rwanda zageze muri iki gihugu cyo muri Afurika yo Hagati, mu ntangiriro za 2014 mu butumwa bwari ubw'Umuryango wa Afurika Yunze Ubumwe, MISCA.

Nyuma y'amezi make bwarahindutse, zitangira kubarizwa mu butumwa bwa Loni, Minusca aho zuzuza inshingano zirimo kurinda abasivile, ibikoresho bya Loni, kurinda Umukuru w'Igihugu n'umuryango we, urugo rwe n'ibindi.

Mu 2020, u Rwanda rwohereje muri Centrafrique izindi ngaho binyuze mu masezerano hagati y'ibihugu.

Muri Mata 2022 Perezida wa Centrafrique Prof Archange Touadéra yashimiye ibikorwa ingabo z'u Rwanda zakoreye abaturage b'igihugu cye mu bihe bigoye, yambika imidali y'ubwo bunyuranye ingabo z'u Rwanda (Rwabatt8) azishimira akazi k'indashyikirwa zakoze mu kugarura amahoro n'umutekano mu gihugu.

Abasirikare b’u Rwanda bari muri Centrafrique bashimirwa ubunyamwuga

Ingabo z’u Rwanda zageze muri Centrafrique bwa mbere mu 2014

Ni amatsinda yubatse ibigwi! Ku buryo kubona Safi Madiba, Nizzo Kaboss na Humble Jizzo muri Urban Boys, ukabona Nemeye Platini na Mujyanama Claude [Tmc] ku rubyiniro byabaga ari ibicika. Ibi byatumye abafana ba buri tsinda biyita amazina.

Abo bagiye bataramira mu bitaramo bitandukanye birimo nka Primus Guma Guma Super Stars, ibirori bitabiriye bya Salax Awards n'ibindi byasize urwibutso.

Bari bakiri abasore (Bamwe muri bo barashatse muri iki gihe) bafite amashagaga, kandi buri umwe yakoraga igishoboka cyose kugira ngo itsinda rye rihora ku isonga.

Inkumi nziza mu mashusho yabo, gukorana n'abaraperi bari bagezweho kiriya gihe, ni kimwe mu byatumye aya matsinda yigwizaho igikundiro.

Ariko kandi, buri umwe yaciye inzira ukwe- Amatsinda ashyirwaho agakadomo. Ariko Humble Jizzo yisunze Nizzo Kaboss bakomeje urugendo nubwo imbaraga zitakiri nyinshi nka mbere.

Hagati ya 2013 na 2014, umuraperi Oda Paccy yari agiye gukora amateka yo guhuriza aya matsinda mu ndirimbo imwe- ariko umwana yapfuye mu iterura.

Uti byagenze gute?

Mu kiganiro na InyaRwanda, Oda Paccy yavuze ko atekereza gukora iriya ndirimbo yashakaga kumvikanisha ubufatanye hagati y'abahanzi, ariko kandi yashakaga no kugaragaza ko nubwo akora injyana ya Hip Hop yisanga no mu zindi njyana, kandi yubatse umubano n'abandi bahanzi.

Ni indirimbo avuga ko yatekereje gukora akayita 'Rendez-Vous' nyuma y'iminsi mike yari ishize yibarutse imfura ye. Kandi, yayifataga nk'impano yari gutuma abakunzi b'umuziki bongera kumva ubuhanga bwe muri Hip Hop no kudacika intege.

Ariko kandi muri kiriya gihe nta ndirimbo yari yagakozwe yarimo amazina akomeye mu bahanzi Nyarwanda. Bitewe n’uko Producer Junior Multisystem ariwe wamukoreraga indirimbo, yanamuhaye ikiraka cyo kumukorera iyi.

Atekereza kwifashishamo King James, Uncle Austin, Jay Polly, Alpha Rwirangira, Urban Boys ndetse na Dream Boys. Ni indirimbo avuga ko yakozwe mu minsi itandukanye ahanini 'bitewe n'uko guhuza abahanzi barenze umwe atari ikintu cyoroshye'.

Oda avuga ariko ko igihe cyageze indirimbo irakorwa kandi irarangira. Yemeranyije na Junior ko azamwishyura ariko uko irangiye 'bitewe n'imikoranire twari dufitanye.'

Iriya ndirimbo yasibwe muri machine n'umuntu batamenye

Uyu muraperi yavuze ko yakiriye telefone ya Junior amubwira kumusanga muri studio mu Biryogo bakarangiza indirimbo ye, ariko ubwo bafunguraga machine basanga itarimo.

Icyo gihe batangiye gutekereza umuntu waba wafunguye iyo machine agasibamo indirimbo, bagera ku bantu babiri, ndetse bagerageza kubabaza ariko baraheba.

Akomeza ati 'Nta muntu twari dufitanye ikibazo ku buryo yansibira indirimbo. Ibyo bintu nabiherukaga cyera mu 2009 na 2010 byo gusiba indirimbo zanjye.'

'Junior yarambwiye ngo indirimbo ntari kuyibona mu machine ngira ngo ni ukuganira. Yari umuntu (Junior) ukubwira ikintu akakikubwira aseka. Naramubwiye nti ntabwo ibi bintu bishoboka. Twabanje kugira ngo ni ukutubeshya, ariko koko twaje gusanga itarimo.'

Oda yavuze ko kiriya gihe bifashishije abahanga muri mudasobwa kugira ngo agerageze kugarura iyi ndirimbo ariko biranga. Ati 'Indirimbo yarabuze. Ariko hagati yacu tuzi ko yasibwe, Junior nawe arambwira ati 'kanaka niwe nkeka wa mbere, nanjye nti kanaka niwe dukeka waba warasibye indirimbo yanjye.'

Uyu muhanzikazi yavuze ko yakoranye neza na Junior ku buryo yamwizeraga ku kigero cyo hejuru, ndetse amubwira ko indirimbo yasibwe yabyumvise vuba.

Asobanura ko yatashye afite umujinya mwinshi, ndetse yumva nta gitekerezo agifite cyo kongera gusubiramo iyi ndirimbo.

Ariko ageze mu rugo, umutima wamubwiye gukomeza uyu mushinga ariko akawujyana kwa Producer Pasto P 'kubera ko numvaga kwa Junior nta mutekano uhari.'

Ageze kwa Pastor P yamwumvishije intangiriro y'umushinga, ndetse agerageza kuvugisha abahanzi bari baririmbyemo, ariko Dream Boys na Urban Boys ntibabonetse.

Oda Paccy yavuze ko atorohewe no kumvisha abagize ariya matsinda uburyo indirimbo yabuze. Ati 'Buriya iyo umuntu wamuzanye mu mushinga ku nshuro ya mbere akakwemerera, kongera kumubwira ko yabuze ntibiba byoroshye.'

Ariko kandi yibuka ko Urban Boys yari ifite ibikorwa muri Nigeria, ndetse na Dream Boys yari ifite ibyo ihugiyemo byatumye batabafasha kuririmbamo.

Ati 'Urban Boys yahise ijya hanze, Dream Boys nabo ntabwo nongeye kubahamagara.'

Oda yavuze ko zari inzozi ze guhuriza mu ndirimbo 'bariya bahanzi', ariko yishimira umusanzu wa King James, Uncle Austin, Jay Polly na Alpha Rwirangira batanze ku ndirimbo 'Rendez-Vous'. Ati 'Nta wundi mukobwa wari wagakoze 'collabo' nk'iyo.'

'Rendez-Vous' yari igiye kuba indirimbo ya mbere Dream Boys na Urban Boys bari kuba baririmbyemo, ariko byarangiye bataririmbyemo bituma mu myaka yose bamaze mu muziki nta ndirimbo n'imwe bigize bakorana.

Twahuriye mu ndirimbo yo kwamamaza gusa

Manzi James wamenyekanye nka Humble Jizzo muri Urban Boys yabwiye InyaRwanda, ko iyo asubije inyuma amaso akareba neza, yibuka ko indirimbo bigeze gukorana na Dream Boys, ariyo yo bahuriyemo bigizwemo uruhare na Sosiyete y'itumanaho ya Tigo gusa.

Ati 'Twahuriye muri iyo ndirimbo yo irasohoka. Ni indirimbo yaririmbyemo Kitoko, Riderman, yakozwe na Washington mu buryo bw'amajwi, ndetse yaririmbyemo na Good Life bo muri Uganda.'

Humble yavuze ko nubwo bahoraga bahaganye mu muziki, kenshi bagiye bagerageza kuba bakorana indirimbo ariko 'ntabwo byagiye biduhira'.

Ariko kandi 'avuga ko n'ubushake hagati yacu bwari buke kubera guhora tumeze nk'abantu bahanganye'.

Ati 'Ni nk'uko uyu munsi wabona Bruce Melodie na The Ben bakoze indirimbo. Ni nko gushyira amazi ku muriro. Ngirango impamvu ni uko twumvaga ko iryo hangana kugira ngo rikomeze ribeho, nubwo rimwe na rimwe twabaga tutariteguye, byasabaga ko abantu bahora bameze nk'aho badahuza, ariko mu by'ukuri ntakibazo cy'ihangana cy'urwango cyabaga gihari. Byabaga ari ukuba buri wese arekereje avuga undi arakora iki, noneho ni iki kisumbuyeho akora. Bikagenda gutyo.'

Humble yibaza impamvu Zizou Al Pacino wagiye uhuriza mu ndirimbo abahanzi banyuranye, atigeze atekereza n'uburyo yari guhuzamo Urban Boys na Dream Boys.

Ariko kandi atekereza ko kubaho ubuzima bw'ihangana ubushake 'bwo gukemura ayo makimbirane bwabaga ari bucye cyane.'

Ati 'Iryo hangana ryatumye hatabaho gushyira hamwe no kugira ngo abantu bagire imishinga bahuriraho, ariko byari kuzakunda.'

Humble Jizzo avuga ko ihangana ryabo na Dream Boys ryari rishingiye cyane ku muziki, kuko mu buzima busanzwe bari inshuti z'akadasohoka.

Humble Jizzo yatangaje ko mu bihe bitandukanye bagerageje gukorana indirimbo na Dream Boys ariko ntibahiriwe

Dream Boys yahoraga mu ihangana, yahuriye bwa mbere na Urban Boys mu ndirimbo binyuze mu kiraka bari bahawe

Urban Boys yabayeho igerageza imikoranire na bagenzi babo, ariko bigapfa ku munota wa nyuma

Oda Paccy yavuze ko yari yiteguye gukora amateka yo guhuza Dream Boys na Urban Boys ariko byapfuye ku munota wa nyuma 

KANDA HANO UREBE AMASHUSHO Y’INDIRIMBO ‘RENDEZ- VOUS’ YASUBIWEMO NYUMA Y’UKO IYA MBERE IBUZE

“>

Imyuga imwe igira ibiciro umuntu yishyura kuri serivisi ahawe, kikiyongera hagendewe ku bunini cyangwa ubwinshi buzakorwa.

Nk'urugero mu bunganira abandi mu mategeko umuntu yishyura amafaranga atari munsi ya 500 Frw kugira ngo umunyamategeko amwunganire mu kirego cye.

Ku benjeniyeri bo muri Amerika binjiza abarirwa kuri 51$ ku isaha, mu mwaka bakinjiza hagati ya 82.509$ ku bagitangira umwuga na 153.735$ ku bawumazemo igihe.

Umuyobozi Mukuru w'Urugaga Nyarwanda rw'Abenjeniyeri mu Rwanda- IER, Eng. Gentil Kangaho, yagaragaje ko kuba nta biciro byagenewe serivisi bakora bituma habaho bamwe bunama ku bakilia ariko birimo kwigwaho muri iki gihe.

Ati 'Nshobora gufata akazi ko kukubakira ubu ngubu nkaguca amafaranga runaka hakaza undi akaguca amafaranga make cyane cyangwa menshi cyane ariko icyo turimo gukora, turimo gukorana na RPPA. Ni ukuvuga ngo twashyizeho umuhanga urimo kutwigira no mu bindi bihugu duturanye ese ikiguzi kuri serivisi enjeniyeri atanga mu ngeri runaka, bisaba angahe, bisaba iki?'

'Nibabizana tuzongera twicare twese muri izo nzego zose kugira ngo twemeranye tuvuge tuti ibi birafatika kuko no mu bindi bihugu ni ko babikora.'

Muri rusange imibare y'uru rugaga igaragaza ko uru rwego rubarizwamo abenjeniyeri b'umwuga basaga ibihumbi 3.500 mu gihe abagore muri bo ari 10% gusa.

Abakora mu bikorwa by’ubwubatsi bari mu bagira uruhare rukomeye mu iterambere ry’ibikorwa remezo

Iki kiraro gisanwe nyuma y'uko umunyamakuru witwa Emma Marie Umurerwa, asangije abamukurikira ku rubuga rwa X ifoto igaragaza umwana ugenda akambakaba ku kiraro kimwe muri ibyo, ku wa 14 Ukwakira 2024.

Nyuma yaho nibwo umuvugizi w'Umujyi wa Kigali, Ntirenganya Emma Claudine, yatangaje ko mu gihe bagitegereje gusana ruhura ziteye inkeke, Akarere kagiye gutegura umuganda udasanzwe wo kuba bubatse ibyo biraro.

Mu ijoro ryo ku wa 15 Ukwakira, Umuvugizi w'Umujyi wa Kigali yerekanye amafoto agaragaza ibyo biraro bibiri byari biteye inkeke byasanwe, avuga ko byakozwe n'abaturage mu gihe hagishakwa igisubizo kirambye.

Yagize ati “Turashimira abaturage bafatanyije n'Akarere ka Kicukiro gusana ibiraro bibiri byari biteye inkeke, mu buryo bwihuse bw'igihe gito, i Nyarurama muri Bigo, mu gihe hagishakishwa uburyo bwo gukora za Ruhurura zihangayikishije.”

Yavuze ko Umujyi wa Kigali ushimira abantu bose bakomeza gutanga amakuru ku gihe.

Ntirenganya yabwiye IGIHE ko impamvu zituma umushinga wo gukora za ruhurara utihuta, ari uko nta ngengo y'imari yo guhita babikora bafite, gusa bagenda bazikora uko babonye ubushobozi.

Umujyi wa Kigali ufite umushinga wo gukora ruhurura zigiye zitandukanye zizatwara asaga Miliyari 8 Frw, muri zo harimo iya Mpazi yatangiye gusanwa mu 2021.

Abaturage bo mu Karere ka Kicuckiro ku bufatanye n'ubuyobozi basannye ibiraro bibiri byari biteye inkeke

Ibi biraro bisanwe n’abaturage mu buryo bwihuse mu gihe Umujyi ugishaka igisubizo kirambye