Dr. Mugenzi asimbuye Musabyimana Jean Claude wari Minisitiri w'Ubutegetsi bw'Igihugu kuva mu ugushyingo 2022, akaba yari yanagiriwe icyizere agaruka muri Guverinoma yarahiye muri Kanama 2024.
Dr. Mugenzi Patrice yari asanzwe ari Umuyobozi Mukuru w'Ikigo gishinzwe Amakoperative (RCA), akaba ari impuguke mu micungire y'ubuhinzi bubyara inyungu, afite uburambe bw'imyaka 15 mu kwigisha murio Kaminuza y'u Rwanda.
Yabaye umujyanama, umushakashatsi, ndetse n'inzobere mu micungire y'imishinga itandukanye, cyane cyane yita ku bushakashatsi ku mibereho myiza, isesengura ry'imikoranire mu bucuruzi, n'iterambere ry'icyaro.
Dr. Mugenzi afite impamyabumenyi y'ikirenga (PhD) muri Agribusiness Management yakuye muri Kaminuza ya Egerton muri Kenya, ndetse n;impamyabumenyi y'icyiciro cya Gatatu cya Kaminuza mu micungire y'ibigo, ubukungu, n'ubushakashatsi ku mikoreshereze y'ibicuruzwa yakuye muri Kaminuza ya Wageningen mu Buholandi.
Dr. Cyubahiro Mark Bagabe wagizwe Minisitiri w'Ubuhinzi n'Ubworozi asimbuye Musafiri Ildephonse, yari asanzwe ari Umuyobozi Mukuru w'Ikigo gishinzwe Ubugenzuzi, Amarushanwa n'Ubwiza bw'Ibigurishwa mu Rwanda (Rwanda Inspectorate, Competition and Consumer Protection Authority).
Mbere yaho, Dr. Bagabe yayoboye ibigo bitandukanye bya leta, birimo Ikigo gishinzwe Iterambere ry'Ubuhinzi n'Ubworozi mu Rwanda (RAB) n'Ikigo cy'Igihugu gishinzwe Ubuziranenge (RSB).
Dr. Bagabe afite uburambe bukomeye mu kuyobora, iterambere mpuzamahanga ry'ubuhinzi, no mu micungire y'ubuziranenge.
Yagize uruhare rukomeye mu bushakashatsi ku buhinzi, ikoranabuhanga mu buhinzi, no mu kubaka urwego rw'ubuziranenge muri Afurika.
Dr. Bagabe afite impamyabumenyi y'ikirenga (PhD) mu buzima bw'ibihingwa n'impamyabumenyi y'icyiciro cya kabiri cya kaminuza (MSc) mu ikoranabuhanga ryo kurinda ibihingwa yakuye muri Kaminuza ya Reading mu Bwongereza.
Dr. Mugenzi Patrice, Minisitiri w’Ubutegetsi bw’Igihugu
Dr. Mark Bagabe Cyubahiro, Minisitiri w’Ubuhinzi n’Ubworozi
Iki gitaramo cyatewe inkunga na SKOL binyuze muri Maltona, kizaba kuwa 27/10/2024 muri Camp Kigali aho guhera saa 14h00 abakunzi b'iyi korali bazafashwa bikomeye n'indirimbo za Family of Singers Choir ikunzwe mu ndirimbo nka “Nzamusingiza”, “Mwuka Wera”, “Ntabwo nkwiye kujya niganyira”, “Itwitaho”, “Ikidendezi”, “Adonai” n'izindi.
Mu rwego rwo kugaburira abakunzi ba Gospel indyo yuzuye kandi yujuje ubuziranenge, Family of Singers yatumiye umuramyi mpuzamahanga Israel Mbonyi umuntu atatinya kwita kibonumwe dore ko atakigaragara cyane ku butaka bwa Kigali bitewe n'ibitaramo mpuzamahanga akomeje kwitabira.
Mu gihe benshi bakomeje gushidikanya ko uyu muhanzi yaba ahari cyangwa adahari, amakuru adashidikanywa ni uko azaba ahari ndetse akaba yarabitangaje ku mbuga nkoranyambaga akoresha zirimo Instagram kandi akomeje gutumira abantu.
Abakunzi b’umuziki wa Gospel baherutse gutangariza Paradise ko bafite impungenge z’uko Camp Kigali yazaba ntoya, hakaba hibazwa icyo abategura iki gitaramo ‘Umuryango Mwiza Live Concert’ bazakora igihe cyose ihema rya Camp Kigali rizaba ritoya.
Israel Mbonyi uherutse gusohora indirimbo yise “Kaa Mami” kuri ubu imaze kurebwa n'abarenga 1,300,000 mu minsi micye, byitezwe ko azaririmba indirimbo zirimo “Nina Siri”, “Nitaamini”, “Sikiliza”, “Malengo ya Mungu”, “Baho”, “Yaratwimanye”, “Icyambu”, “Hari ubuzima”, n’izindi.
Umuyobozi wa Korali Family of Singers, Mujawamariya Eugénie, yavuze ko muri iki gitaramo “Umuryango Mwiza Live Concert”, Korali Family of Singers izaba yizihiza imyaka 15 imaze itangiye umurimo kandi ikaba ikomeje intego yatangiranye yo 'Guharanira ubusugire bw'umuryango' wo shingiro ry'Itorero ndetse n'Igihugu.
Ati 'Izina Family of Singers rero rikomoka kuri iyo ntego. Iyo witegereje abaririmbyi bayigize bagizwe n'ingeri zose zigize umuryango: abakuze, ibikwerere, urubyiruko n'abana bacu nta ndirimbo baba batazi. Dushishikariza kandi abashakanye gukorana uwo murimo mwiza. Family of Singers igira n'ibindi bikorwa byiza bishishikariza abagize umuryango kubana neza”.
Yabwiye inyaRwanda ko batumiye Israel Mbonyi kuko bakunda indirimbo ze kandi bakaba bamufata nk’umurikiwe n’Imana. Ati “Tumufata nk’uwamurikiwe n’Imana ngo ayamamaze binyuze mu ndirimbo, asenga, yicishije bugufi ndetse tumubona nk’umuntu ufite umutima Imana yishimira dukurikije ibyo igenda imukoresha bihembura imitima ya benshi.
Biroroshye rero! Gurira itike hamwe muri aha hakurikira: Women Foundation, Bethesda Holy Church, Foursquare Gospel Church, Restoration Masoro, Zion Temple, The Choice Bakery & Coffee, Good News Enterprise, Omega Church, La Gardienne, EPR Kiyovu, EPR Kamuhoza;
EPR Kicukiro, EPR Karugira, EPR Kanombe, RAAH Super Market, Deluxe Super Market na La Mane Kicukiro. Ushobora kugura itike mu buryo bw'ikoranabuhanga unyuze kuri: www.rgticket.com mu gihe abadiaspora bashobora kugura tike banyuze kuri: www.radahmedia.com.
Kuri ubu itike ziragurishwa nko ku kiranguzo dore ko ushobora kugura itike ku mafaranga 5,000 Frw yonyine, ibaze unaniwe kwigomwa Pizza imwe y'i Kigali ugahomba ibyiza bizaboneshwa amaso n'abazazindukira mu ihema ry'ibonaniro rya Camp Kigali!! Ku bindi bisobanuro, mwahamagara kuri+250787500113 cyangwa se:+250783167000.
Family of Singers igiye gukora igitaramo gikomeye yatumiyemo Israel Mbonyi
Mu kiganiro yagiranye na Daily Mail, Paul Pogba, umukinnyi w'umupira w'amaguru mpuzamahanga w'umufaransa, yagarutse ku byerekeye icyemezo cye cyo kuva muri Manchester United muri 2022, ndetse anavuga ko ashobora kuba yarerekeje muri Manchester City iyo bitaza kuba ibibazo by'ubuzima bwihariye byamubujije.
Â
Pogba yagize ati: 'Iyo ntaza kugira ibibazo bimwe na bimwe⦠bishoboka ko mba naragiye muri Manchester City muri 2022'. Uyu mukinnyi yasobanuye ko ibibazo yahuye nabyo, birimo ubujura bwamukorewe mu rugo rwe ndetse n'abantu bamusabaga amafaranga ku gahato, byamugizeho ingaruka zikomeye.
Yagize ati 'Nabayeho mu bihe bikomeye. Ubujura bwabaye mu rugo rwanjye bwangizeho ingaruka, ndetse hari igitutu cy'abantu bambwiraga ko ngomba kubaha amafaranga. Nari ngomba kuva muri Manchester kubera izo mpamvu',
Yongeyeho ko atari icyemezo cyafashwe nk'icy'umuryango ufunze burundu kuko yavuye muri Manchester United ku buntu, nta masezerano yari agifitanye n'iyi kipe. 'Ntabwo byari urugi rufunze kuko navuye muri Manchester United nta kiguzi bampaye', Pogba yakomeje avuga.
Paul Pogba, wari umwe mu bakinnyi b'ingenzi muri Manchester United, nyuma yaho yahisemo gusubira mu ikipe ya Juventus yo mu Butaliyani, aho yari amaze kugira ibigwi bikomeye mbere yo gusubira muri Manchester United mu 2016.
Kugeza ubu, Pogba ari mu rugamba rwo guhangana n'ibibazo by'ubuzima ndetse no kugaruka ku rwego rwo hejuru nyuma yuko muri Kanama 2023, yasuzumwe agasangwa yarakoresheje DHEA, imiti itemewe yongera imbaraga, maze ahagarikwa imyaka ine n'urwego rw'ubutabera bw'Abataliyani ariko akaza kubabarirwa.
Ni ibyaha byiganje cyane muri iyi Ntara aho nk'icyaha cyo gukubita no gukomeretsa Nyagatare ariho cyakozwe cyane n'abantu 449, Gatsibo hakozwe ibyaha 69 mu gihe Kayonza hakozwe ibyaha 102. Ku cyaha kijyanye no kunywa ibiyobyabwenge Nyagatare niyo iza imbere n'ubundi n'ibyaha 262, Gatsibo ibyaha 7 naho Kayonza hakozwe ibyaha 64.
Umuvugizi wa Polisi y'u Rwanda mu Ntara y'Iburasirazuba, SP Twizeyimana Hamduni, yabwiye IGIHE ko ibyaha byo gukubita no gukomeretsa byagiye biterwa no kunywa ibiyobyabwenge byiganjemo kanyanga cyane cyane ku baturage bo mu Karere ka Nyagatare.
Yagize ati 'Urebye ni ibintu bishingiye ku ikoreshwa ry'ibiyobyabwenge nka kanyanga ituruka hakurya muri Uganda, kimwe n'abaturage bajya kuyinywerayo bagataha basinze ugasanga rimwe na rimwe bateje umutekano muke uvamo ibyaha byo gukubita no gukomeretsa. Abantu nibareke kunywa ibiyobyabwenge kuko nibyo bibatera ibyaha akenshi.'
SP Twizeyimana yakomeje avuga ko kuri ubu Polisi y'u Rwanda ifatanyije n'abaturage bari guhiga ibiyobyabwenge no kubifata kandi ko abo bafashe babashyikiriza Urwego rw'Ubugenzacyaha, RIB ibindi byiganjemo inzoga z'inkorano bakabimena.
Yavuze ko mu Nteko z'abaturage bakomeje gusobanurira abaturage ububi bw'ibiyobyabwenge ku buryo babireka, utabiretse abaturage n'inzego z'umutekano ngo bakaba batazamwemerera gukomeza kubikoresha.
Polisi yatangaje ko hagaragaye ibyaha bigera kuri 950 mu mezi atatu ashize
Iyi nama yateranye kuri uyu wa 18 Ukwakira 2024, iyobowe na Perezida Kagame, yafashe imyanzuro n'ingamba bitandukanye ndetse ishyira mu myanya abayobozi mu nzego zitandukanye.
Inkuru irambuye ni mukanya…
Ibyemezo by'Inama y'Abaminisitiri yateranye kuri uyu wa 18 Ukwakira 2024
Umwe mu mukino utegerejwe na benshi ku isi ni umukino uzahuza ikipe ya Real Madrid na Fc Barcelona kubera abastar aya makipe yibitseho.
Kylian Mbappe wa Real Madrid
Lamine Yamal wa Fc Barcelona
Nyuma yaho aya makipe atakaje abakinnyi benshi babaga bahanze amaso nka Cristiano Ronaldo wa Real Madrid na Lionel Messi wa Fc Barcelona, aya makipe yabashije kongera gukundisha abafana uyu mukino aho zerekanye impano zidasanzwe mu bakinnyi bazo barimo Kylian Mbappe na Lamine Yamal.
Ibi byatumye abasaga abarenga milioni babyiganira gushaka amatike y'uyu mukino uteganyijwe tariki 26 UKWAKIRA 2024 kugirango bazabashe kuwureba imbonankubone mu gihe system itanga amatike yo itaratangira gutanga amatike.
Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.
Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.
Imwe muri izi ndirimbo, ni iyitwa 'Tamu Sana' y'umuhanzikazi Alyn Sano. Ni indirimbo yatwaye amafaranga akayabo k'amafaranga, ubariyemo ayo yatanze mu ikorwa ry'amajwi (Audio) ndetse n'ifatwa ry'amashusho (Video), gukodesha ubwato, itike ya buri wese wamufashije, aho kurara, amatike y'indege yafashe ajya muri Kenya n'ibindi.
Iyi ndirimbo y'iminota 3 n'amasegonda 30' yakoreye mu Mujyi wa Mombasa ndetse no muri Nairobi muri Kenya. Kandi yifashishijemo bamwe mu bakobwa bakunze kwifashishwa cyane n'abahanzi mu ndirimbo muri kiriya gihugu.
Mu kiganiro na InyaRwanda, Alyn Sano yavuze ko yahisemo gukorera iyi ndirimbo mu Mijyi ibiri bitewe n'ubutumwa buyigize. Ati 'Nashakaga kuzana no kwerekana ahantu hashya cyane cyane muri iyi mijyi ahanini bitewe n'ibyo naririmbye muri iyi ndirimbo, cyangwa se ku byo twashakaga kugeraho.'
Icyambu gishya cya Rubavu cyuzuye mu ntangiriro za 2024 ndetse mu mezi yakurikiyeho gitangira gukorerwaho nk'igerageza mbere y'uko gihabwa rwiyemezamirimo ugomba kugicunga.
Abacuruzi bohereza ibicuruzwa muri Repubulika Iharanira Demokarasi ya Congo bagatangaje ko icyambu cyatumye batangira kohereza ibicuruzwa byinshi ugereranyije no kubitwara mu modoka.
Umwe muri bo ucuruza amavuta yo guteka yabwiye RBA ati 'Iyo ubonye umukiliya urabitwara arabinyuza hano bitworohera cyane kuruta uko yajya aza kubifata ku bubiko. Urumva hari ingano y'ibicuruzwa imokoka igomba kuba itwaye ku mupaka ariko iyo turanyuza hano ibintu biratworohera cyane. Bituma tugurisha ibintu byinshi kurusha uko twabitekerezaga.'
Mbarushimana Edouard ufite ubwato bune bupakira imizigo mu Kiyaga cya Kivu yagaragaje ko abanye-Congo bitabira gukoresha icyambu gishya cyubatswe kuko baba bizeye umutekano w'ibicuruzwa byabo.
Ati 'Babicisha hano kubera ko bizeye umutekano wabyo no kuba bipakirwa neza hari n'ububiko Aashobora kubibikamo igihe bibaye byinshi kandi natwe byaradufashije cyane kubera ko baduha akazi.'
Gusa abacuruzi bagaragaza ko hakiri imbogamizi zirimo ububiko bw'icyambu budakora na serivisi za gasutamo zitaboneka ku gihe.
Undi ati 'Aba bashinzwe ibyinjira n'ibisohoka bashinzwe gusuzuma imizigo iri mu modoka, baratinda cyane ushobora gusanga imodoka igeze hano mu gitondo bakirirwa bamutegereje akagera hano saa Saba cyangwa saa Munani.'
Muri rusange ibicuruzwa bipakirwa cyane byiganjemo iby'ubwubatsi kuko ku munsi hapakirwa toni zirenga 1000 za sima, na ho ibindi bicuruzwa byiganjemo ibiribwa bikaba toni zirenga 350.
Minisitiri w'Ubucuruzi n'Inganda Prudence Sebahizi ubwo yasuraga iki cyambu yavuze ko izo mbogamizi zizavaho nigifungurwa mu Ukuboza 2024.
Ati 'Kugitaha ku mugaragaro ni byo bitari byaba, biteganyijwe mu Ukuboza iyo mirimo rero yo kugikoresha ni nk'igerageza kugira ngo na Rwiyemezamirimo uzaza kugicunga habe hari imibare tumwereka, tumubwire tuti iki cyambu gifite ubushobozi bungana gutya.'
Biteganyijwe ko iki cyambu kizajya kinyuzwaho toni ibihumbi 700 ku mwaka, n'abantu barenga miliyoni eshatu.
Kuri iki cyambu ntihateganyijwe inzego z'ubuyobozi bw'ikindi gihugu ariko hazaba hakorera serivisi za RTDA, inzego zishinzwe abinjira n'abasohoka, inzego z'umutekano na serivisi ziboneka ku mipaka yo ku butaka, hari Magerwa, Ikigo cy'Igihugu cy'Imisoro n'Amahoro n'ibindi.
Gifite ahantu hazajya hakirirwa ba mukerarugendo basura ibice nyaburanga by'Intara y'Iburengerazuba n'ububiko by'ibicuruzwa ku buryo umuntu umaze gupakurura ashobora kuba abitsemo ibikoresho.
