Category: Uncategorized

Iyi nama yakiriwe na Angola ifite insanganyamatsiko igira iti 'Gushimangira uburyo bwo gukumira no gukemura amakimbirane muri Afurika.'

Izabanzirizwa n'Inama ya 26 Idasanzwe y'Inama Nyobozi ya AU, iteganyijwe ku wa 29 Kanama 2026.

Iyi gahunda iri mu ngamba za AU zo guhangana n'ibibazo by'umutekano n'amahoro bikomeje kurushaho kuba urusobe ku Mugabane wa Afurika.

Inama y'Abakuru b'Ibihugu na za Guverinoma izaba umwanya wo kuganira ku rwego rwo hejuru ku buryo bwo kongera imbaraga mu gukumira amakimbirane mbere y'uko avuka, guteza imbere imiyoborere idaheza no kunoza imikoranire hagati ya AU n'Imiryango y'Ubukungu y'Uturere n'izindi nzego z'uturere zishinzwe umutekano.

Intego ni ugushakira ibibazo by'umutekano ibisubizo birambye bishingiye ku bushobozi n'inzego bya Afurika, hagamijwe kubaka amahoro arambye ku mugabane.

Minisitiri w'Intebe Nsengiyumva yageze ku Kibuga Mpuzamahanga cy'Indege cya Dr António Agostinho Neto, yakirirwa n'Umunyamabanga wa Leta muri Minisiteri y'Ububanyi n'Amahanga ya Angola ushinzwe imiyoborere n'imari, José Paulino Cunha da Silva hamwe na Ambasaderi w'u Rwanda muri Angola, Charles Rudakubana.

Kwandikisha abakinnyi b’abanyamahanga muri Shampiyona y’icyiciro cya mbere igiciro cyavuye kuri miliyoni ebyiri z’amafaranga y’u Rwanda kiba ibihumbi 500 Frw.

Ni umwanzuro wafashwe ejo hashize ku wa Gatanu tariki ya 28 Kanama 2028 mu nama Komite Nyobozi ya FERWAFA, hashingiwe ku nama nyunguranabitekerezo yagiranye n’ubuyobozi bwa Rwanda Premier League.

Banzuye ko igiciro cyo kwandikisha umukinnyi w’umunyamahanga kiba ibihumbi 500 Frw mu mwaka w’imikino wa 2026-27 ni mu gihe imyaka izakurikiraho ari FERWAFA izagena uko bizakorwa.

Kwandikisha umukinnyi w’umunyarwanda byagumye ku bihumbi 5 Frw. Kwandikisha umunyamabanga mu cyiciro cya kabiri ni ibihumbi 250 Frw.

FERWAFA na Rwanda Premier League byemeje ko bizakomeza kuganira ku buryo icyuho mu mutungo kizaterwa n’ingaruka z’iki cyemezo cyazibwa, cyane cyane ko amafaranga yari kuzava mu gikorwa cyo kwandikisha abakinnyi b’abanyamahanga yari ateganyijwe mu ngengo y’Imari ya FERWAFA.

Aya yari agenewe kunganira amakipe y’abato mu marushanwa atandukanye.

Apple igiye guhindura uburyo yari isanzwe ikoresha mu gushyira ku isoko telefone zayo nshya. Ku wa 9 Nzeri 2026, Apple izagira igikorwa ngarukamwaka cyo kumurika ibicuruzwa bishya, aho biteganyijwe ko izerekana iPhone 18 Pro, iPhone 18 Pro Max, ndetse na telefone ya mbere ya Apple ifunguka.

Igitangaje ni uko iPhone 18 isanzwe itazaba iri muri izo telefone ziteganyijwe kumurikwa muri Nzeri. Amakuru aturuka ku bakurikiranira hafi uruganda rwa Apple avuga ko iPhone 18 isanzwe ishobora kuzasohoka mu mpeshyi ya 2027, hamwe na iPhone 18e ndetse n’igisekuru gishya cya iPhone Air.

Iri ni ihinduka rikomeye kuri Apple, kuko yari imenyereweho gushyirira rimwe ku isoko telefone isanzwe n’iziri mu rwego rwa Pro. Ubu irashaka gutandukanya telefone zo mu rwego rwo hejuru n’izigenewe isoko rusange. Nzeri ishobora kuzajya yibandwaho cyane kuri telefone zo mu rwego rwo hejuru, mu gihe izindi zizajya zisohoka nyuma.

Ni ryari iPhone 18 Pro zizagera ku isoko?

Apple yemeje ko igikorwa cyo kumurika ibicuruzwa kizaba ku wa 9 Nzeri 2026, ariko ntiratangaza ku mugaragaro itariki telefone nshya zizatangira kugurishirizwaho.

Abakurikiranira hafi ibikorwa bya Apple bavuga ko gutumiza telefone mbere y’uko zishyirwa ku isoko bishobora gutangira mu cyumweru gikurikira igikorwa cyo kuzimurika. Biteganyijwe kandi ko iPhone 18 Pro na iPhone 18 Pro Max zishobora gutangira kugurishwa ku wa 18 Nzeri 2026.

Ibiciro na byo bishobora kuzamuka:

Ikindi kiri kuvugwaho cyane ni ibiciro. Hari amakuru avuga ko iPhone 18 Pro ishobora kuzaba ihenze kurusha izayibanjirije, bitewe n’izamuka ry’ibiciro by’ibikoresho, ububiko bw’amakuru ndetse n’ikoranabuhanga rishya rizaba riyirimo.

Bamwe mu basesenguzi n’abakurikiranira hafi Apple bavuga ko iPhone 18 Pro ishobora kugera ku madorari 1,299 cyangwa arenga.

Ariko ibi biracyari ibiteganyijwe gusa. Apple ntiratangaza ku mugaragaro igiciro cya iPhone 18.

Kuki Apple iri guhindura iyi gahunda?

Imwe mu mpamvu zishobora kuba ziri inyuma y’iri hinduka ni ikifuzo cya Apple cyo gutuma abakiriya bashaka telefone zayo zihenze bahitamo hagati ya Pro, Pro Max cyangwa telefone ifunguka mu gihe cy’ukwezi kwa Nzeri.

Ibi kandi byaha Apple amahirwe yo kurushaho kwibanda ku isoko rya telefone zihenze, mu gihe iPhone 18 isanzwe yazaza nyuma igenewe abakiriya bashaka iPhone nshya itari ku rwego rw’ibiciro rwa Pro.

Niba iyi gahunda izakomeza, 2026 ishobora kuba intangiriro y’uburyo bushya Apple izajya ikoresha mu gusohora iPhone, aho kutongera gushyira ku isoko ikiciro cyose cya telefone nshya icyarimwe.

Kugeza ubu, icyemejwe na Apple ni igikorwa cyo ku wa 9 Nzeri 2026. Andi makuru arimo amazina nyayo y’ibicuruzwa, ibiciro ndetse n’amatariki bizatangiraho kugurishwa, aracyategerejwe kwemezwa na Apple ubwayo.

iPhone18 Pro na Pro Max ni zo zizabanza ku isoko

Jean François Regis / ISIMBI.RW

Ubu bukangurambaga buri kuba nyuma y'aho Ikigo cy'Igihugu gishinzwe ubuziranenge bw'imiti n'ibiribwa (Rwanda FDA), gifunze inganda zikora ibinyobwa bitujuje ubuziranenge, cyane cyane inzoga z'ibyuma, kikanabikura ku isoko ry'u Rwanda, bamwe mu babikora bagakurikiranwa n'ubutabera.

Ku rwego rw'Intara y'Iburengerazuba, Umuganda wakorewe mu Murenge wa Rubavu mu Karere ka Rubavu, witabirwa n'abayobozi mu nzego zitandukanye barimo Minisitiri w'Ubuzima, Dr. Nsanzimana Sabin.

Umuyobozi w'Akarere ka Rubavu wungirije ushinzwe iterambere ry'ubukungu, Nzabonimpa Deogratias, yasabye abaturiye umupaka guhangana n'ibikorwa bya magendu byambukiranya umupaka, bakanacika ku nzoga z'ibyuma.

Ati “Intege nke dufite muri magendu, dufite impungenge ko hari abazishora mu gucora ibyuma, ariko nk'abaturage twibuke ko turi ku mupaka, aho bidusaba gufatanya n'inzego zose kugira ngo ntibyinjire mu gihugu.”

Minisitiri Nsanzimana yavuze ko nubwo ibikorwa byo guca inzoga zitujuje ubuziranenge bimaze gutanga umusaruro ukomeye, hari ibike bijya byinjira mu gihugu nk'urumogi biturutse mu burasirazuba bwa Repubulika Iharanira Demokarasi ya Congo.

Ati 'Ibyuma byaracitse ariko ntibiracika burundu. Haracyari ibyuma twambukana tuvuye hakurya aha muri Repubulika Iharanira Demukarasi ya Congo birimo ibyitwa Simba, Barça … Ndabinginze ibyuma muzabyihorere byari bigiye kutumara.'

Yakomeje ati “Kubera imiterere y'aka karere, haracyari abinjiza urumogi baruvanye hakurya aha tugomba kurukumira, tutibagiwe n'utuntu twadutse vuba aha batamira tutazana umwotsi twita 'vape'. Mutwirinde kuko badutekeramo ibyo bashaka birimo urumogi cyangwa Cocaine.”

Mu Mujyi wa Kigali, Umuganda wakorewe mu Murenge wa Gahanga mu Karere ka Kicukiro, witabirwa na Minisitiri w'Urubyiruko n'Iterambere ry'Ubuhanzi, Dr. Utumatwishima Abdallah, Umuyobozi Mukuru wa Polisi, CG Felix Namuhoranye n'Umuyobozi Mukuru w'Urwego rw'Igihugu rw'Iterambere (RDB), Jean-Guy Afrika.

Umwe mu bitabiriye uyu muganda witwa Irakoze Ruth wo mu Karere ka Kicukiro ati 'Ibiyobyabwenge nkatwe urubyiruko biratwangiza, ugasanga ncikirije amashuri kandi iyo nza kwiga ngasoza, nari kuzaba umuntu ukomeye. Ubundi urubyiruko ni imbaraga z'igihugu, ni u Rwanda rw'ejo. Iyo tugiye muri ibyo biyobyabwenge, ugasanga mu myaka izaza ntacyo tumariye igihugu.'

Mukeshimana Angelique yavuze ko icyo yakora ari ukugira inama abanywa inzoga zitujuje ubuziranenge cyangwa ibiyobyabwenge kugira ngo babireke, babone imbaraga zo kwiteza imbere no guteza imbere igihugu muri rusange.

Ati 'Twabafasha, twabagira inama, tukababwira ukuntu byangiza ubuzima kugira ngo babashe kuba babivamo, bajye mu nzira nziza zikwiranye n'urubyiruko.'

Minisitiri Utumatwishima yasabye abatuye mu Mujyi wa Kigali gutanga amakuru ku hantu hagikorerwa inzoga zitujuje ubuziranenge, abizeza ko inzego zibishinzwe zitazatangaza imyirondoro yabo.

Ati 'Ndagira ngo mbasabe mujye mutanga amakuru y'ahari ibintu bitameze neza. Twifuza urubyiruko rufite ubuzima bwiza, rujya ku ishuri rukiga, urubyiruko rwatojwe, hanyuma twese hamwe iki gihugu aba bayobozi bacu bazagiharanire, namwe mugiharanire, n'abazadukomokaho bazabe mu gihugu cyiza.'

Yavuze ko Leta y'u Rwanda itigeze ica ikigega n'ubushera, ahubwo ko icyo isaba ari uko ababikora babikorana isuku mu kwirinda ko byagira ingaruka ku buzima bw'abaturage, kuko inshingano ya mbere Leta ifite ari ukurinda Abanyarwanda.

Ku rwego rw'Intara y'Iburasirazuba, Umuganda wakorewe mu Murenge wa Rwimiyaga mu Karere ka Nyagatare, witabirwa n'abayobozi barimo Minisitiri w'Ubutegetsi bw'Igihugu, Habimana Dominique n'abayobozi bo mu nzego z'ibanze.

Harerimana Eric wo mu Mudugudu wa Muyange mu Kagari ka Rwimiyaga yavuze ko inzoga zitujuje ubuziranenge zidindiza iterambere ry'uzinywa, bityo ko yafashe umwanzuro wo kuzireka.

Ati 'Uwanyoye inzoga zitujuje ubuziranenge bigira ingaruka ku buzima bwe, bikabangamira umutekano w'aho ari ndetse n'ubukungu. Bityo turashimira ubuyobozi bwadufashije kubirwanya kugira ngo tugire ubuzima bwiza kandi twiteze imbere.'

Niyozima Jean Damascène wo mu Mudugudu wa Byimana, Akagari ka Rwimiyaga, yavuze ko abaturage bamaze ingamba zo kurwanya inzoga zitujuje ubuziranenge kuko bamenye ko zangiza ubuzima bwabo.

Ati 'Hano muri Rwimiyaga twahagurukiye kurwanya inzoga zitujuje ubuziranenge, kuko zangiza ubuzima bwacu. Gahunda twafashe ni ukuzirwanya kugira ngo twiteze imbere tunateze imbere igihugu cyacu.'

Minisitiri Habimana yasabye by'umwihariko urubyiruko kwirinda ubusinzi, rugakoresha imbaraga zarwo mu bikorwa biruteza imbere, ashimangira ko ari rwo mbaraga z'igihugu.

Ati 'Rubyiruko, duhangayikishijwe n'ubuzima bwanyu kuko muri kwishyira mu kaga. Hari abarangara bakareka gukora, ugasanga umusore azindukiye mu kabari.'

'Twirinde ubusinzi, duharanire kugira ubuzima bwiza buzira ubusinzi, dukore akazi kaduteza imbere kanateza imbere igihugu, kuko ni mwe mbaraga z'igihugu.'

Yavuze ko niba igihugu gishaka gutera imbere, kigomba kubigeraho mu gihe abaturage bacyo bafite ubuzima buzira umuze, ikaba ari yo mpamvu gahunda yo guca inzoga zitujuje ubuziranenge n'ibiyobyabwenge izakomeza mu gihugu.

Ati 'Kandi iyo tuvuze igihugu gitera imbere, bisobanuye ko n'umuturage ari kwiteza imbere, ari gutera intambwe. Icyo ni cyo gihugu cyacu. Ntabwo ari igihugu cy'ibyuma, ntabwo ari abaturage babaswe n'inzoga cyangwa n'ibiyobyabwenge bitandukanye. Ntabwo byahura rwose. Ni na yo iyi gahunda yabayeho kandi izakomeza, itazigera ihagarara.'

Mu Rwanda hafunzwe inganda zirenga 140 zikora inzoga zitujuje ubuziranenge, hafungwa abantu barenga 80 barimo ba nyirazo, abakozi bazo n'abayobozi bo mu nzego zitandukanye z'igihugu. Ni nyuma y'aho bigaragaye ko zishe abarenga 50, zitera ubuhumyi abantu 100, abagizwe imbata na zo barenga ibihumbi 11 mu mwaka wa 2026.

Umwe mu bakozi ba Sulfo Rwanda umaze imyaka 18 akorera uru ruganda yabwiye IGIHE ko Jaffer yari amaze igihe arwaye. Yabanje kwivuriza mu Rwanda mu Bitaro byitiriwe Umwami Faisal, nyuma aza koherezwa i Nairobi.

Ati 'Yari amaze igihe arwaye. Yabanje kwivuriza mu Rwanda mu Bitaro byitiriwe Umwami Faisal, nyuma aza koherezwa i Nairobi mu Bitaro bya Aga Khan University Hospital. Yaje koroherwa ava mu bitaro akomeza kwivuza ari mu rugo, akurikiranwa n'abaganga.'

Yakomeje avuga ko mu mwaka ushize, ubwo yari amaze koroherwa, Jaffer yagarutse mu Rwanda asura uruganda rwa Sulfo Rwanda.

Ati 'Yaraje asa nk'usezeye uruganda, ararusura rwose, nyuma aza kuruha umuhungu we n'umwuzukuru we.'

Jaffer yatangiye ibikorwa by'ishoramari mu Rwanda mu 1962. Azwi nk'umwe mu batangije inganda z'isabune mu gihugu, nyuma yo kubona ko Abanyarwanda benshi icyo gihe bakoreshaga amazi gusa mu gukaraba no kumesa, abandi bakifashisha uburyo gakondo burimo ibyatsi.

Yatangiriye ku isabune yitwa Tembo, mu ruganda rwari rufite imashini nto ingana n'akagunguru.

Nyuma ibikorwa byaragutse, Sulfo Rwanda itangira gukora ibindi bicuruzwa birimo amavuta yo kwisiga no gutunganya amazi yo kunywa azwi nka Source du Nil.

Kugeza ubu, Sulfo Rwanda ifite abakozi 630 kandi yohereza ibicuruzwa byayo ku masoko yo mu Rwanda no mu bihugu birimo u Burundi, Uganda, Tanzania na Repubulika Iharanira Demokarasi ya Congo.

Jaffer kandi ari mu bagize uruhare mu gutangiza umukino wa Golf mu Rwanda. Yakoze n'irindi shoramari ririmo kwinjiza amapine y'imodoka, batiri na gaz yo guteka.

Yari afite urugo mu Rwanda, i Kinshasa muri RDC n'i Nairobi, ari naho yari atuye mbere y'uko apfa.

Ibikorwa byo kwibuka ubuzima bwe biteganyijwe kubera i Nairobi ku wa 30 Kanama 2026.

Ikipe y’Igihugu y’Abangavu batarengeje imyaka 19 bakina Cricket, berekeje muri Tanzania mu mikino yo gushaka itike y’Igikombe cy’Isi (ICC Women’s U19 T20 World Cup Africa Qualifiers).

Ku wa Gatanu, tariki ya 28 Kanama 2026, ni bwo iyi kipe y’Igihugu yafashe indege yerekeza mu Mujyi wa Dar es Salaam muri Tanzania, mu mikino yo gushaka itike y’Igikombe cy’Isi cy’Abangavu batarengeje imyaka 19 mu mukino wa Cricket.

Itsinda ry’abantu 21 barimo abakinnyi14, ni bo bahagurukanye n’ikipe y’Igihugu yagiye gushaka iyi tike.

U Rwanda ruri mu itsinda B na Kenya, Namibia na Zambabwe. Itsinda A ririmo Malawi, Uganda, Tanzania na Nigeria.

Ikipe izegukana Igikombe, ni yo izahita ikatisha itike yo kuzakina Igikombe cy’Isi kizaba umwaka utaha, kikazakinirwa Bangladesh na Nepal.

Mbere yo kuva mu Rwanda bashyikirijwe ibendera

Iserukiramuco ry’indirimbo zo kuramya no guhimbaza Imana ‘RabagiranaFestival’ ritegurwa na Sion Foundation rigiye gukomereza mu Bugesera aho abahanzi nka Gaby Kamanzi bitezwe kuzasusurutsa abazaryutabira.

Rabagirana Festival 2026 yatangiye ku wa 26 Nyakanga 2026, ibera ku Kibuga cy’Umupira cya Karwasa mu Karere ka Musanze guhera saa Saba z’amanywa.

Ubu hatahiwe Akerere ka Bugesera tariki ya 6 Nzeri 2026 aho izabera kuri Stade y’Akarere ka Bugesera guhera saa saba, kwinjira ni ubuntu.

Umuyobozi wa Sion Foundation, Nzahoyankuye Nicodème, yavuze ko intego y’iri serukiramuco ariko uguhindura imibereyeho y’abantu ariko binyuze mu ivagabutumwa.

Ati “Guhindura imibereho myiza y’abantu ariko tunatanga ivugabutumwa binyuze mu ndirimbo nk’uko mwabyumvise ko ari iserukiramuco. Kwishyurira abantu ibihumbi 2 Ejo Heza no kwishyurira ubwisungane mu kwivuza abantu igihumbi.”

Muri iyi gahunda abaturage ibihumbi bibiri ba mbere bazagera aho iri serukiramuco rizabera bazishyurirwa Ejo Heza ni mu gihe aho bazanyura hose mu turere dutandukanye bazatanga ubwisungane mu kwivuza ku bantu 1000, aba bazabahabwa n’ubuyobozi bw’inzego z’ibanze.

Kandi binyuze muri Chanen International urubyiruko ruri hagati y’imyaka 18-35 ruzitabira Rabagirana Festival yo mu Bugesera bifuza kwiga Kaminuza ariko rukaba nta mafaranga, ruzafashwa binyuze muri gahunda yayo yise ‘Iga nonaha, wishyure nyuma’, abantu 1000 nibo bazatoranywa.

Nyuma ya Musanze na Bugesera, bazakomereza Muhanga, Ruhango na Rubavu.

Abazasusurutsa abazitabira iri serukiramuco barimo Gaby Kamanzi, umurapera MD, Titus Thatien, Vedaste Christian na Dj Spin.

Umuyobozi wa Sion Foundation, Nzahoyankuye Nicodème yavuze ko bafite intego bafite ari ugufasha Abanyarwanda

Gaby Kamanzi yitezwe mu iserukiramuco ryo mu Bugesera

Baganiriye n’itangazamakuru

Uyu muganda wabereye mu Murenge wa Gahanga witabiwe n'abandi bayobozi mu nzego nkuru z'igihugu barimo Minisitiri w'Urubyiruko n'Iterambere ry'Ubuhanzi, Dr. Utumatwishima Abdallah; Umuyobozi Mukuru wa Polisi y'u Rwanda, CG Felix Namuhoranye n'Umuyobozi w'Urwego rw'Igihugu rw'Iterambere, Jean-Guy Afrika.

Masisi waje mu Rwanda yitabiriye inama ya Afurika yiga ku kwihaza mu biribwa izabera i Kigali kuva tariki ya 31 Kanama kugeza ku ya 4 Nzeri 2026, yagaragaje ko bishimishije kuba urubyiruko rw'Abanyarwanda rufatanya n'abakuru mu bikorwa nk'umuganda.

Yagize ati “Mu Rwanda hari ibintu byinshi byiza, cyane cyane kuba urubyiruko rwiyunga ku bakuru buri wa Gatandatu w'ukwezi kugira ngo bifatanye mu muganda, bakore isuku, bubake u Rwanda rwunze ubumwe.”

Yasabye urubyiruko guhorana intego yo kwiteza imbere umunsi ku wundi, kandi rugaharanira kutagira uwo rusiga inyuma, agaragaza ko ibyo ari byo bizatuma Afurika iba umugabane w'igihangange.

Ati 'Ndagira ngo ujye ubyuka ushaka kuba umuntu urenze uwo wari we ejo, utere imbere kurusha uko byahoze kandi ukore ku buryo ujyana n'abandi, ntugire uwo usiga inyuma. Muzabona Afurika ifata umwanya ukomeye ku Isi. Muzasobanukirwa ko Afurika ari ho ubuzima bw'ikiremwamuntu bwatangiriye.'

Masisi yavuze ko u Rwanda na Botswana ari ibihugu bifite byinshi bihuriyeho, ashimangira ko bikwiye guhuza intego yo kugira Afurika umugabane uteye imbere kandi w'icyitegererezo ku Isi yose.

Uyu mushinga ugamije gutuza mu nzu nziza imiryango 716, isanzwe ituye ku buso bungana na hegitari 33,699. Hazubakwa inyubako z'amagorofa atandatu (G+6), zizaba zifite parikingi zabugenewe na ascenseurs.

Umuvugizi w'Umujyi wa Kigali, Emma-Claudine Ntirenganya, yavuze ko uyu mudugudu uzaba urimo n'ibikorwaremezo birimo imihanda ya kaburimbo, uruganda rutunganya amazi mabi, ahantu nyaburanga hahurirwamo n'abaturage, isoko ndetse n'ivuriro.

Abaturage basanzwe bafite ubutaka cyangwa inzu ahazubakwa uyu mushinga ntibazimurwa gusa. Bazahabwa inzu nshya hakurikijwe agaciro k'imitungo yabo n'amabwiriza agenga ingurane, bityo babe ba nyirayo.

Uyu mushinga wa Kagugu uzakurikiza uburyo bwakoreshejwe mu mishinga ya Mpazi na Nyabisindu.

Icyiciro cya mbere cya Mpazi cyatanze inzu hafi 800, mu gihe icyiciro cyo kuyagura giteganyijwe gutanga inzu zirenga 4.100. Nyabisindu yo biteganyijwe ko izatanga inzu zirenga 2,000 bitarenze Kamena 2027.

Umujyi wa Kigali uvuga ko intego atari ukubaka inzu gusa, ahubwo ari ukuzamura imibereho y'abaturage.