Category: Uncategorized

Igitaramo cyiswe 'Diamond Platnumz Experience' cyabereye muri Parking ya BK Arena ku mugoroba wo ku wa 29 Kanama 2026, cyarangiye inkuru yahindutse imyambarire y'inkumi zacyitabiriye zitikwije, zisubizwa inyuma ngo zijye kwambara.

Abasubizwaga inyuma ni abambaye amakabutura magufi, amajipo magufi, amasengeri agaragaza amabere n'umugongo.

Iyi nkuru yatumye ibyamamare birimo Miss Mutesi Jolly bavuga ko gushyiraho amabwiriza y'imyambarire bibangamiye gahunda yo guhanga ibishya no guhanga imideli mu by'imyambarire.

Minisitiri Umutoni abinyujije ku rukuta rwa X, yavuze ko abantu bakwiye kwibaza ku bashyira imbere iyi myambarire idakwiye n'impamvu yabyo.

Yavuze ko mu bihugu byose usanga ababyeyi bahangayikishijwe n'uburyo imyambaro y'abana b'abakobwa yamamazwa buri gihe iba ari migufi nyamara iy'abahungu bangana ntibe migufi.

Ati 'Kuki abana b'abakobwa berekwa hakiri kare ko ubugore bugendana no kwerekana umubiri? Kuki uko bakura ubu butumwa bukomeza gushimangirwa binyuze mu matangazo yamamaza cyangwa mu guhanga imideli, umuziki, imbyino, filime, imbuga nkoranyambaga aho umubiri w'umugore ureberwa mu isura y'irari ry'imibonano mpuzabitsina.'

Yagaragaje ko umubiri w'umugore muri rusange atari wo kibazo kuko ntawe uhamagarira kugira ibitekerezo runaka, bityo ko batanakwiye gukoreshwa mu kugenzura irari rya bamwe.

Minisitiri Umutoni yavuze ko mu bihugu byinshi imyambarire n'ibindi bijyanye na yo byakomotse mu mico yo hanze ariko hari bamwe bakomeje gusigasira ibyabo ku buryo n'ubu umuco wabo wakuze wakomeje kubaranga.

Ati 'Ariko kugendana n'ibigezweho ntibivuze guca umuco. Ku mugabane wacu tubona ingero zifatika za sosiyete zinjije umuco uziranga mu mideli igezweho. Nigeria n'ibindi bihugu byerekanye ko ibikorerwa imbere mu gihugu, ibihangano by'abanyabugeni bashobora kubyambara bikabatera ishema, kandi bigakomeza kujyanishwa n'imyambarire igezweho. Ibi bikwiye kutubera urugero.'

Yasobanuye ko kuva kera umuco nyarwanda wagiye utera imbere, ahubwo ikibazo gisigaye kwibazwa ari ukumenya niba abahanga ibishya muri iki gihe bagira uruhare mu gutuma uwo muco ukomeza gukura cyangwa bakomeza kumira bunguri ibivuye hanze yawo.

Ati 'Inganda zikora ibijyanye n'ibyifuzo, …ibyamamare bikabimenyekanisha, isoko rikabyungukiramo. Iyo tudakoze byinshi bijyanye n'umuco wacu, iby'abandi bita byiza, ibyifuzo byabo, ibigezweho iwabo bizoroha guhinduka ibyacu.'

Minisitiri Umutoni yemeza ko mbere yo kujya gutekereza ko Leta ishaka kugenzura imyambarire n'uburyo abantu bakoresha umubiri wabo, ari byiza kwigisha urubyiruko kumenya guhitamo neza ariko bakanabanza kwibaza ibibazo bitandukanye ku mahitamo bagiye gukora.

Ati 'Ubwisanzure si ubushobozi bwo kwihitiramo. Ni n'ubushobozi bwo kumva neza igitumye duhitamo ibi, n'imbaraga zo kwiremera amahitamo yacu.'

Ku mukino wa nyuma wa FERWAFA Super Cup urimo guhuza Police FC na Kiyovu Sports, ibyapa by’umuterankunga w’iri rushanwa (Turbo King) byamanuwe muri Stade.

Uyu mukino urimo kubera muri Kigali Pelé Stadium kuri iki Cyumweru tariki ya 30 Kanama 2026.

Uyu mwaka iri rushanwa rikaba ryarabonye umuterankunga mushya aba ari na we witirirwa iri rushanwa aho ryiswe ‘FERWAFA Turbo King Super Cup’, ryanahinduriwe uburyo bw’imikinire rikinwa n’amakipe ane.

Nk’uko byagenze ku mikino ya 1/2, ibyapa byamamaza uyu muterankunga byari bimanitse muri Stade, hari n’utuzu bacururizamo ibyo kunywa twubatse mu birango by’iki kinyobwa gisembuye cya Turbo King.

Umukino waje gutangira ariko iminota 10 gusa yari ihagije ngo bibe byamaze kumanurwa muri Stade. Ndetse na ‘Match Announcer’ ntiyari yemerewe kuvuga ko iki kinyobwa kiri muri Stade uretse kuvuga ‘FERWAFA Turbo King Super Cup’.

Ibi ni mu rwego rwa gahunda ya Leta yo kurwanya inzo nzoga z’ibyuma ndetse no gushishikariza abanyarwanda kugabanya kunywa inzoga.

Ibyapa byakuweho

Ni uku byifashe

Igitego kimwe rukumbi cya Kiyovu Sports cyatsinzwe na Hakim Hamis, kiyihesheje igikombe kiruta ibindi (Super Cup) batsinze Police FC 1-0.

Wari umukino utoroshye wabaye kuri iki Cyumweru tariki ya 30 Kanama 2026 ubera Kigali Pelé Stadium.

Police FC yari yasezereye Rayon Sports niyo yahabwaga amahirwe imbere ya Kiyovu Sports yari yasezereye Mukura VS.

Umukino watangiranye imbaraga ku mpande zombi ubona ko buri kipe ishaka igitego ariko yirinda kuba yakwinjizwa igitego.

Police FC mu gice cya mbere niyo yabonye amahirwe menshi ariko umunyezamu Desire yitwara neza harimo n’ishoti rya Keffa Tangara ryari rikomeye yashyize muri koruneri itagize icyo itanga.

Mu gice cya kabiri Kiyovu Sports nayo yahumutse irema uburyo bwinshi ariko ibanza kugorwa no kububyaza umusaruro.

Akagozi kaje gucika ku munota wa 84 ubwo Hakim Hamis wari umaze iminsi mu manza na Gasogi United yatsindiraga Kiyovu Sports igitego cya mbere.

Police FC yagerageje kukishyura biranga umukino urangira ari 1-0, Police FC yegukana Super Cup 2026 ityo.

Hakim Hamis yacunguye Kiyovu Sports

Uku kwagura ibyerekezo kwa RwandAir bijyana no kongera umubare w'indege ifite, aho iteganya kwakira indege eshanu zo mu bwoko bwa Airbus A330 kugira ngo n'ubushobozi bwayo bwo gutwara abagenzi buzamuke.

Iyo gahunda yo kongera indege kandi yatangiranye no kwakira iya mbere yo mu bwoko bwa Airbus A330-200 yageze i Kigali ku wa 24 Kanama 2026.

Iyi ndege nshya ifite ubushobozi bwo gutwara abagenzi 226 kandi yatangiye gukoreshwa mu ngendo z'ubucuruzi, cyane cyane mu zijya mu Burayi zirimo no kongera inshuro RwandAir ijya i Paris mu Bufaransa n'i Bruxelles mu Bubiligi.

Umwe mu bayobozi ba RwandAir yabwiye The New Times ko kwakira iyi ndege byitezweho gufasha mu kwagura gahunda yo guhuza u Burayi na Afurika binyuze mu Rwanda.

Ati 'Ni ubushobozi bwiyongeye ku bwo dufite kandi buzaha abagenzi amahitamo menshi y'ingendo, ndetse bitume Kigali ikomeza kuba ihuriro rifasha abagenzi hagati y'u Burayi n'ibice bitandukanye bya Afurika.'

RwandAir kandi igaragaza ko izo ndege zo mu bwoko bwa Airbus A330 eshanu yatangiye kwakira, buri imwe izaba itwara abagenzi bari hagati ya 220 na 270, bifashe kwitegura neza ubwiyongere bw'abagenzi no kunoza gahunda z'ingendo zirimo n'ibyerekezo bishya.

Indege enye zizakirwa nyuma zizagenda zongerwa mu ngendo RwandAir ikora mu mezi ari imbere, gusa ntiharamenyekana igihe nyirizina zizagerera mu Rwanda.

Kugeza ubu, RwandAir ikoresha indege zo mu bwoko bwa Airbus A330, izo mu bwoko bwa Boeing 737-800NG, Bombardier Q400 ndetse n'indege yabugenewe mu gutwara imizigo.

Mu rwego rwo kongera ubushobozi bwayo, iyi sosiyete yagaragaje ko yatangiye gusuzuma uko yatangiza ingendo nshya zigana mu Mujyi wa Frankfurt mu Budage ndetse no gusubukura izigana i Mumbai n'i Guangzhou.

Izi ndege eshanu nshya za Airbus A330 RwandAir yatangiye kwakira zizakoreshwa binyuze mu masezerano yo kuzikodesha aho kuba kuzigura.

RwandAir ivuga ko abagenzi bazungukira cyane cyane mu kongera ubushobozi bwo gutwara abagenzi, kubona amahitamo menshi y'ingendo no koroherezwa mu guhuza ingendo zerekeza ahantu hatandukanye.

Iyi sosiyete kandi ivuga ko kugira indege nyinshi bizayifasha gukomeza gutanga serivisi n'igihe habaye imbogamizi runaka mu mikorere, bityo abagenzi bagakomeza gukora ingendo nta nkomyi.

Kongera umubare w'indege bibaye mu gihe RwandAir ifite intego yo kurenza inshuro ebyiri umubare w'abagenzi itwara ku mwaka, ukava ku barenga miliyoni imwe yatwaye mu mwaka w'ingengo y'imari wa 2023/24 ukagera ku barenga miliyoni 2.1 mu 2028/29.

Kwiyongera kw'abagenzi batega RwandAir kandi byajyanye n'imizigo batwaye ku bava n'abajya mu mahanga, yavuye kuri toni 16.462,20 mu 2023 igera kuri toni 20.689,54 mu 2024.

Iyi ntego izagerwaho binyuze mu kongera indege, gutangiza ibyerekezo bishya no gukorana n'abandi bafatanyabikorwa mu rwego rw'ingendo zo mu kirere.

Nubwo yakunze guhura n'ibizazane kuva RwandAir yatangira mu 2003, yakomeje intambwe mu buryo butandukanye, byaba mu kongera ubufatanye n'ibigo bikomeye, kongera umubare w'indege n'ibindi.

Ibi bituma kuri ubu ifite ibyerekezo byayo byonyine birenga 20, ariko n'ibindi bishingiye ku bufatanye n'ibigo bitandukanye by'umwihariko Qatar Airways buzwi nka 'code share' aho ifite ibyerecyezo birenga 100.

U Rwanda rufite intego y'uko Ikibuga Mpuzamahanga cy'Indege cya Kigali kiri kubakwa mu Bugesera, nicyuzura, kizazamura ubwikorezi bwo mu kirere mu gihugu, aho kizajya cyakira abagenzi babarirwa muri miliyoni umunani ku mwaka, bavuye ku barenga miliyoni imwe Ikibuga cy'Indege cya Kanombe cyakiriye mu 2024.

Igice cya mbere cy'icyo kibuga kizuzura mu 2027/28, mu gihe icya kabiri cyo kizuzura mu 2034 ndetse kizajya cyakira abagenzi miliyoni 14 ku mwaka.

Ni igikorwa cyabaye ku wa Kane tariki ya 27 Kanama 2026, muri Kigali Serena Hotel ahahuriye abayobozi banyuranye bashinzwe abakozi (HR) mu bigo bikomeye bikorera mu Rwanda.

Banki ya Kigali yagaragaje ko icyifuzo cyayo ari ukubona itanga serivisi zifasha umukoresha gufasha abakozi mu mibereho yabo, hagamijwe kubateza imbere uyu munsi n'ejo hazaza.

Atangiza ku mugaragaro iki gikorwa, Umuyobozi Mukuru ushinzwe Serivisi z'Ikoranabuhanga n'Abakiliya ku Giti Cyabo muri Banki ya Kigali, Rumanyika Désiré yagaragaje ko intego nyamukuru y'iki gikorwa, ari ukwishimira imikoranire bafitanye n'ibigo biba bifite abakozi, kumva ibitekerezo byabo kuri serivisi za banki bahabwa n'ibyifuzo byabo mu gihe kiri imbere.

Ati 'Uyu munsi twaganiriye n'abashinzwe abakozi mu bigo binyuranye kuko ari bo bahuza bacu n'abo bakozi, kandi badusangiza ibitekerezo byabo natwe tukabereka gahunda z'ahazaza dufite dutekereza ko zababera nziza kurushaho by'umwihariko hagamijwe guhindura imibereho yabo mu buryo bw'imari.'

Yagaragaje ko bishimiye cyane kuba aba bayobozi bashinzwe abakozi bemeye kwitabira ubutumire bahawe, cyane ko hitabiriye abarenga 120 baturutse mu bigo binini kurusha ibindi mu gihugu.

Rumanyika yavuze kandi ko uyu munsi nta mukiliya ugikenera kujya kwirirwa atonze umurongo kuri banki, bitewe n'uko serivisi ziboneka hifashishijwe ikoranabuhanga kuri telefoni zabo; bigatuma badatakaza umwanya n'ikiguzi cy'ingendo.

Sinanga Paul ushinzwe abakiliya ku giti cyabo muri BK, we yagaragaje ibyiza iyi banki yazaniye abakiliya bakorera ibigo binyuranye, birimo kuba bakwiha inguzanyo mu gihe bakeneye amafaranga byihutirwa, no kuba babasha guhabwa agera kuri miliyoni 50 Frw y'inguzanyo bikorewe ku ikoranabuhanga rya BK Mobile App kandi mu gihe gito.

Banki ya Kigali yagaragaje ibisubizo bitangwa n'iyi banki birimo ibijyanye no guhemba abakozi mu bigo bitandukanye, kwishyurana, guhabwa inguzanyo, kwizigamira, gushora imari no kubona izindi serivisi za banki abakozi bakenera mu buzima bwabo bwa buri munsi.

Umuyobozi Mukuru Ushinzwe Ibikorwa muri Banki ya Kigali, Rose Ngabire yashimangiye ko iyi banki yiyemeje gushyira imbaraga mu mikoranire yayo n'abashinzwe abakozi, hagamijwe kunoza serivisi zihabwa abakiliya.

Yashishikarije aba bafite inshingano zo kumenya ubuzima bwa buri munsi bw'abakozi, gukoresha ubu buryo bwashyizweho na Banki ya Kigali bakanabumenyesha abo bashinzwe kuko intego nyamukuru ari ugusubiza ibyifuzo byabo byose.

Ibi byagarutsweho n'Umuyobozi Mukuru w'Agateganyo wa RAB, Dr. Uwamahoro Florence, mu kiganiro yagiranye na Radio Rwanda cyagarukaga ku gihembwe cy'ihinga cya 2027 (Umuhindo).

Ni igihembwe kizatangira ku wa 22 Nzeri 2026, ubwo imvura izaba itangiye kugwa.

Dr. Uwamahoro yavuze ko intambara yo muri Iran iri mu byagize ingaruka zikomeye ku izamuka ry'ibiciro by'ifumbire mvaruganda, bituma Leta ifata ingamba zo kurengera abahinzi.

Ati 'Iyi ntambara yazamuye ibiciro by'ibikomoka kuri peteroli bigira ingaruka ku bindi byose. By'umwihariko ifumbire mvaruganda dukoresha mu gihugu, inyinshi inyura muri uriya Muhora wa Hormuz ufunze. Byatumye ibiciro byayo na byo bizamuka, ariko icyo twakwizeza abahinzi ni uko inyongera yabayeho ku biciro Leta yayigabanye n'umuhinzi, nkunganire yarazamuwe.'

Uyu muyobozi yagaragaje ko ibindi bikenewe mu gutegura Umuhindo wa 2026 biri kugenda neza kuko kuri ubu muri toni zirenga 4.000 z'imbuto zunganirwa (ibigori, soya, n'ingano), izirenga toni 3.000 zamaze kugera ku bazikwirakwiza, mu gihe toni 900 zo zamaze kugera aho zizahingwa.

Ni mu gihe ifumbire izakenerwa muri iki gihembwe cy'ihinga ingana na toni ibihumbi 61. Irenga gato toni ibihumbi 23 ni yo iri mu nzira, mu gihe indi yamaze kugera mu Rwanda.

Minisiteri y'Ubuhinzi n'Ubworozi igaragaza ko ingano ya nkunganire ku ifumbire yagiye izamurwa ku kigero gitandukanye, aho nk'iyitwa Urea ubu izunganirwa ku gipimo cya 45%, ivuye kuri 32% yariho mu Muhindo wa 2025.

Ni mu gihe NPK 17-17-17 izunganirwa ku kigero cya 43%, ivuye kuri 41% yunganiweho umwaka ushize, naho DAP yo izunganirwa kuri 46% ivuye kuri 45%.

Nk'urugero ku izamuka ry'igiciro cy'ifumbire yitwa Urea, mu Muhindo wa 2025 yaguraga 1.190 Frw ku kilo, Leta igatangaho 380 Frw, umuhinzi akitangira 810 Frw.

Ni mu gihe ubu iri kugura 1.980 Frw, Leta igatangaho nkunganire ya 890 Frw, umuhinzi akitangira 1.090 Frw.

Nkunganire kandi zizatangwa ku mbuto y'ibigori, ingano na soya, icyakora ho ibiciro ntibyazamutse cyane nko ku ifumbire, bituma n'uruhare rwa Leta na rwo nta gihindukaho cyane.

Muri iki gihembwe cy'Umuhindo wa 2026 mu Rwanda hazahingwa hegitari ibihumbi 765 harimo hegitari ibihumbi 100 zizahingwa mu buryo bubungabunga ubutaka.

Tariki 30 Gicurasi 2026, uyu musore wo mu Mudugudu wa Mwunguzi Akagari ka Kamina Umurenge wa Murundi mu Karere ka Karongi, yavuye mu bukwe ageze hafi y'iwabo asanga nyina ari ku kabari Saa Mbili z'ijoro ari kumwe n'umugabo wamuragije inka.

Nzayikorera Samson avuga ko yahise abwira nyina ngo 'uri hano aya masaha, abajura barateye watashye ukajya mu rugo, inka y'abandi nibayiba uzayiriha iki?'

Yakomeje avuga ko 'Nkimara kuvuga gutyo uwo mugabo na mugenzi we bahise batangira kunkubita bambwira ngo urafuhira nyoko uzamwirongorera.'

Uyu musore avuga ko yagerageje kurwanya abamukubitaga ariko bamurusha imbaraga umwe muri bo amukubita igiti mu jisho rirameneka.

Ati 'Nagiye ku bitaro bya Kirinda mu gitondo, ijisho barikuramo kuko ryari ryamenetse. Ndasaba ubuyobozi ko bwamfasha abankubise bakanyishyira amafaranga nakoresheje nivuza bakanishyura ubumuga banteye'.

Ahobantegeye Jacqueline w'imyaka 55, nyina wa Nzayikorera Samson, yemeza koko ko umwana yakubiswe n'abagabo babiri bamushinja kumufuhira kuko yari amubwiye ngo natahe batamwiba inka.

Ati 'Icyo nifuza ni uko umwana wanjye yarenganurwa. Twishyuye ibihumbi 30 Frw byo kumuvuza. Yagiye kuri RIB ya Gashari atanga ikirego baramubwira ngo natahe acika intege zo gusubirayo, nanjye njyayo ndi kumwe na Mukandori Clothilde ikirego banga kucyandika, ngo tuzagaruke turi kumwe n'uwakubiswe. Abamukubise bari baratorotse ariko baragarutse njya mbabona'.

Umuyobozi w'Umudugudu wa Mwunguzi, Merchior Siborurema, yavuze ko uyu musore abamukubise bamuhoye ko yari ambwiye nyina ngo natahe batamwiba inka.

Ati 'Namukoreye raporo ariko ntabwo mbizi niba yaragiye kuri RIB gutanga ikirego'.

Habiyaremye Samuel, umukozi ushinzwe imiyoborere myiza mu Murenge wa Murundi, wasigaye mu nshingano z'Umunyamabanga Nshingwabikorwa uri muri kiruhuko cy'akazi, yabwiye IGIHE ko iki kibazo atari akizi asaba uyu musore kwegera ubuyobozi bukamufasha.

Ati 'Icyo kibazo ni ubwa mbere kingezaho ariko uwo musore yaza ku murenge hari umupolisi uhakorera yamufasha abo bantu bagafatwa'.

Bamwe mu baturage bo mu Karere ka Nyagatare bavuga ko hari aho usanga abana bakoreshwa imirimo yo mu nzuri irimo kuragira inka n'indi mirimo ivunanye, ibintu bavuga ko bishobora kubangamira uburenganzira bwabo no kwiga.

Nsengiyumva Joel yagize ati 'Hari aho tubona abana bajya mu mafamu kuragira inka cyangwa gukora indi mirimo. Iyo mirimo ishobora gutuma umwana atabona umwanya wo kwiga. Turasaba ko ababakoreshamo bahagarika iyo mirimo kugira ngo buri mwana wese abashe kwiga.'

Nshimiyimana Eric na we yavuze ko ikibazo cyo gukoresha abana imirimo ivunanye gikwiye gukurikiranwa, cyane cyane mu bice by'icyaro, aho usanga abana bamara umwanya munini baragira inka.

Ati 'Turabizi ko hari abakoresha abana mu mafamu no mu yindi mirimo ivunanye. Abandi bakirirwa baragira inka. Inzego bireba zikwiye kubihagurukira bigacika kuko bibangamira uburenganzira bw'umwana.'

Mutuyimana yavuze ko ababyeyi muri rusange bakwiye kugira uruhare mu gukumira imirimo ikoreshwa abana.

Yagize ati 'Umwana akwiye kwiga kuko ari ho azakura ubumenyi buzamufasha mu buzima bwe. Nk'ababyeyi, tugomba kubifata nk'inshingano, tukagira uruhare mu kurinda abana no kubafasha gukomeza kwiga kugira ngo baziteze imbere, banateze imbere igihugu.'

Minisitiri Habimana yavuze ko umwana akwiriye kuba ku ishuri aho gukora imirimo ishobora kumubuza kwiga no gutegura ejo hazaza he.

Yagize ati 'Abana ntibakwiye kujya mu mafamu kuragirira inka, kirazira. Abana bagomba kuba bari mu mashuri, ntabwo bakwiye kuba bari mu mafamu baragiye inka cyangwa bari mu yindi mirimo ivunanye.'

Yasabye abaturage kugira uruhare mu kurinda uburenganzira bw'abana, buri wese akaba ijisho rya mugenzi we kugira ngo abana barerwe neza kandi bahabwe amahirwe yo kwiga.

Ati 'Buri wese abe ijisho rya mugenzi we, tubarere neza kandi tubarinde imirimo ivunanye.Tubyirinde kuko uzabifatirwamo azahanwa.'

Minisitiri Habimana kandi yashimangiye ko uburezi ari ingenzi mu gutegurira abana ejo hazaza, avuga ko kugira ngo bazabe abantu bakomeye kandi bagire uruhare mu iterambere ry'igihugu, bagomba kubanza kwiga.

Yagize ati 'Abana baba abantu bakomeye. Ibyo byose ntabwo byashoboka batize. Kugira ngo bishoboke, birasaba uruhare rwa buri wese, mukajyana abana ku ishuri bakiga kandi bakarangiza amashuri.'

Minisitiri w'Ubutegetsi bw'Igihugu ashimangira ko kurinda abana imirimo ibabuza kwiga atari inshingano y'ababyeyi gusa, ahubwo ari inshingano ya buri wese mu muryango no mu baturage muri rusange.

Ibi byabereye mu Mudugudu wa Taba, Akagaki ka Cyarwa, Umurenge wa Tumba, ho mu Karere ka Huye, mu gicuku cyo kuri uyu wa 29 Kanama 2026.

Amakuru IGIHE yamenye avuga ko basangiraga inzoga bisanzwe, noneho Nayituriki wari usigaranye amafaranga yanga ko bayanywera, mugenzi we amutera ibyuma, aramukomeretsa cyane.

Uwakomeretse yahise ajyanwa ku bitaro bya CHUB ari naho arembeye.

Umuvugizi wa Polisi mu Ntara y'Amajyepfo, CIP Kamanzi Hassan, yabwiye IGIHE ko ukwekwaho gutera undi ibyuma afungiwe kuri sitasiyo ya Polisi ya Ngoma.

Yagize ati “Ukekwa gukomeretsa yajyanwe kuri sitasiyo ya Polisi ya Ngoma, Ubugenzacyaha bwatangiye kumukurikirana.”

Polisi yasabye abaturage kwirinda urugomo, ibibutsa ko ari icyaha gihanwa n'amategeko.