Bibiliya yigisha ko umuntu wese wemera Yesu Kristo nk’Umwami n’Umukiza yakira Umwuka Wera w’Imana mugihe amaze gukizwa. “Ni we namwe mwiringiye mumaze kumva ijambo ry’ukuri, ariryo butumwa bwiza bw’agakiza kanyu, kandi mumaze kwizera niwe wabashyizeho ikimenyetso, ari cyo Mwuka Wera mwasezeranijwe, uwo twahawe ho ingwate yo kuzaragwa wa murage kugeza ubwo abo Imana yaronse izabacungura ubwiza bwayo bushimwe” (Abefeso 1:13-14)
Kuba umukristo ni ukugira Umwuka Wera uba muri wowe:”Ariko mwebwe ntimukiri aba kamere, ahubwo muri ab’umwuka, niba umwuka w’Imana aba muri mwe. Ariko umuntu wese utagira Umwuka wa Kristo ntaba ari uwe” (Abaroma 8:9)
Pawulo yigishije itorero ry’i Korinto ko ku bw’Umwuka umwe w’Imana abizera bose bunze ubumwe mu mubiri umwe: “Nkuko umubiri ari umwe kandi ufite ibice byinshi, kandi ingingo zose z’umubiri, nubwo ari nyinshi, ni umubiri umwe ni nako Kristo ari. Kuko twese twabatijwe n’Umwuka umwe mu mubiri umwe yaba Abayahudi cyangwa Abagereki, baba imbata cyangwa ab’umudendezo twese twahawe Umwuka umwe wo kunywa ”(1 Abakorinto 12: 12–13).
Yesu yarahagaze maze ararangurura abwira abantu ati: “Umuntu nagira inyota aze aho ndi anywe. Unyizera imigezi y’amazi y’ubugingo izatemba iva mu nda ye, nk’uko ibyanditse bivuga . Ibyo yabivuze yerekeje ku Mwuka Wera, uwo abamwizera bendaga guhabwa, ariko ubwo umwuka yari ataraza kuko Yesu yari atarahabwa ubwiza bwe” (Yohana 7:37-39)
Kubwo kwizera niba warakiriye Kristo nk’Umukiza w’ubugingo bwawe, ufite Umwuka Wera. Ariko abizera benshi bitiranya ibintu bibiri “kugira Umwuka Wera” no “kuzura Umwuka Wera ” Kubona Umwuka Wera bibaho umuntu yarikiye agakiza. Abizera bose nyakuri bafite Umwuka Wera nk’ikimenyetso kibaranga nk’abana b’Imana.
Kuzura Umwuka Wera ni ukwemera kuyoborwa na Mwuka ndetse mukagendana igihe kirekire mubuzima bwa gikristo. Mubyukuri Bisobanura kuba umwigishwa wa Kristo (Abagalatiya 5:16-26). Umwizera wese akwiye gushaka kuzuzwa Umwuka mu rwego rwo gukomeza umubano we n’Imana: “Ntunywe inzoga, kuko ibyo bizangiza ubuzima bwawe. Ahubwo, wuzure Umwuka Wera, uririmbe Zaburi n’indirimbo z’Umwuka kandi ushime Uwiteka mu izina ry’Umwami wacu Yesu Kristo ”(Abefeso 5: 18-20).
Bamwe bavuga ko kuvuga mu ndimi ari ikimenyetso kigaragaza ko umuntu yakiriye Umwuka Wera. N’ubwo ntacyo Bibiliya ibivugaho ariko icy’ingenzi, kuvuga mu ndimi nabyo ni imwe mu mpano z’Umwuka Wera.
Muri macye kuzuzwa Umwuka Wera ni uguhabwa imbaraga no kwemera kugengwa n’Umwuka, ugahinduka icyaremwe gishya, ukumvira, ugatinyuka guhamya, kuvuga Ubutumwa Bwiza, no kwigobotora imbaraga z’icyaha Abaroma 15:13).Ni ukugaragaza imbuto z’Umwuka (Abagalatiya 5: 22-23). Ariko kugira Umwuka Wera ni ikimenyetso cy’Abakristo bose bavutse ubwa kabiri. Ushobora kumenya ko ufite Umwuka Wera niba koko warakurikiye Yesu Kristo
Source: www.gotquestions.org
[email protected]
http://dlvr.it/RcHdNK
inzu ndangamurage yitiriwe sultan Moulay niyo yonyine amarembo aba afunguye kubatari abasiramu.