Category: Uncategorized

Ubu bukangurambaga bwiswe ‘Kandagiricyuma’, bugamije gushishikariza abakiriya ba Airtel Rwanda gukomeza gukoresha serivisi zihendutse za Airtel kandi bakemererwa kwinjira mu irushanwa, aho bashobora gutsindira igihembo cya moto buri cyumweru dore ko hari moto zigera ku 8 ziteganyijwe kuzatangwa.

Avuga kuri ubu bukangurambaga, Umuyobozi wa Airtel Rwanda, Amit Chawla yagize ati: “Twatangije ubu bukangurambaga kugira ngo tugerageze kuzana akanyabuneza ku maso y’abakiriya bacu b’abanyamahirwe. Twishimiye ibihe turimo kandi twizera ko ubu bukangurambaga buzashishikariza abakiriya bacu gukoresha serivisi zacu nyinshi kugira ngo bashobora kwigeragereza amahirwe yo gutsindira moto nshya. Twari dufite ubukangurambaga nk’ubu mu bihe byashize nka Tunga.”

Yakomeje agira ati: “Turashaka ko abakiriya bacu bamenya ko igihe cyose uzaba umaze kugura airtime (amayinite), bizajya bizana amahirwe y’inyongera yo gutsindira moto buri cyumweru. Hamwe na promotion nk’iyi, abakiriya bacu bashobora kwinezeza mu gihe bakoresha umuyoboro wa Airtel.”

ICYITONDERWA: Abatsinze bose bazamenyeshwa gusa hifashishijwe guhamagarwa hifashishijwe nomero yemewe ya Airtel Rwanda ariyo 0731000000. Witondere abashukanyi bashaka kukwiba kandi mu gihe bibayeho utange amakuru kuri terefone yacu 100, iduka rya Airtel rikwegereye cyangwa ku rupapuro rwemewe rwa Airtel Rwanda.

Mu rwego rwo kurinda abakiriya bacu no gushyigiikira gahunda yo guhana intera mu gihe cyo kwirinda icyorezo cya COVID 19, abazaba batsindiye mapikipiki bazayashyikirizwa babasanze aho buri watsinze ari hose mu Rwanda.

Menya ibyerekeye Airtel Africa Limited:

Airtel Africa Limited ni isosiyete y’itumanaho y’ubukombe muri Afrika ifite ibikorwa mu bihugu 14 byo muri Afrika. Airtel Africa itwarwa n’icyerekezo cyo gutanga serivise zigendanwa kandi zigezweho kuri bose kandi ishyigikiwe mugukurikirana iki cyerekezo numunyamigabane munini wacyo, Bharti Airtel. Ibicuruzwa byayo bitanga harimo 2G, 3G na 4G amajwi adafite amajwi na serivisi zamakuru hamwe nubucuruzi bugendanwa binyuze muri ‘Airtel Money’. Airtel Africa yari ifite abakiriya barenga miliyoni 100 mubikorwa byayo mu mpera zUkuboza 2019.

Imyanzuro yafashwe harimo ko Komite Nyobozi y’Umuryango iriho yari irangajwe imbere na Perezida Munyakazi Sadate ihagaritswe kuko itabashije gusoza inshingano yahawe mu gukemura ibibazo by’uyu muryango.

Munyakazi Sadati wegujwe na RGB kubera kudacyemura ibibazo biri muri Rayon Sport

RGB yatangarijee abanyamakuru ko yahagaritse Komite yose ya Rayon Sports yari iyobowe na Munyakaz Sadate wari umaze igihe kinini yotswa igitutu n’abakunzi b’iyi kipe bamusaba kwegura, ndetse ikongeraho ko yahaye Umuryango wa Rayon Sports iminsi 30 yo kuba bakemuye ibibazo bimaze iminsi biri muri iyi kipe, batabibonera igisubizo, Umuryango wa Rayon Sports ugahagarikwa by’agateganyo.

Iki kiganiro cyagaragaje ibyavuye mu isesengura ku ikipe ya Rayon Sports imaze iminsi mu biganiro by’abakunzi ba ruhago mu Rwanda by’umwihariko ab’iyi kipe.

RGB ivuga ko umuryango wa Rayon Sports waranzwe n’imikorere itubahiriza Itegeko rigenga imiryango nyarwanda itari iya Leta, kudahuza n’amategeko, gutera urujijo ku banyamuryango, imicungire mibi n’inyerezwa ry’umutungo

Uru rwego rwagaragaje imyanzuro yafashwe muri ririya sesengura ryize mu nguni zose z’ibibazo byinshi bivugwa muri iriya kipe.

Dore imyanzuro yafashwe ku bibazo bya Rayon Sports:

1. RGB yihanangirije Umuryango Rayon Sport Association kuko wateshutse ku nshingano;

2. Komite Nyobozi y’Umuryango iriho irahagaritswe kuko itabashije gusoza inshingano yahawe mu gukemura ibibazo by’umuryango.

3. Mu rwego rwo kubungabunga ibikorwa by’umuryango, ibikorwa bya Rayon Sport biraragizwa mu buryo bw’agateganyo Komite y’inzibacyuho.

4. Ihererekanya bubasha hagati ya Komite yari isanzwe iriho na Komite y’Inzibacyuho rizakorwa bitarenze taliki ya 24/09/2020. Abazayobora iyi nzibacyuho bazamenyekana mbere y’iherekanya bubasha.

5. Mu gihe Rayon Sport izaba itabashije gekemura ibibazo dushingiyeho tubihanangiriza mu gihe cy’ukwezi (iminsi 30), hazakurikizwa ibiteganywa n’ingingo ya 32 y’itegeko rigenga imiryango nyarwanda itari iya leta biteganya ihagarikwa ry’agateganyo ry’umuryango.

Hari hashize igihe muri iyi kipe ihiga izindi zo mu Rwanda mu kugira abafana benshi, humvikana ibibazo bishingiye ku kutumvikana hagati y’ubuyobozi buriho muri iyi kipe ndetse n’igice cy’abahoze ari abayobozi bayo.

Ibibazo byo muri Rayon Sports byageze ku mukuru w’igihugu Nyakubahwa Perezida wa Repubulika Paul Kagame, atangaza ko yabishinze Ministiri wa Sport, ko yizeyeko byahawe umurongo mwiza wo gukemuka.

Izi televiziyo uko ari 10 zafashwe kuri uyu wa Kabiri tariki ya 22 Nzeri, Twagiramungu Innocent w’imyaka 41 na Habarurema Athanase w’imyaka 36 bafashwe bakurikiranweho kugira uruhare mu iri iki gikorwa cy’ubucuruzi bwa magendu kuko zafatiwe aho bari bashinzwe gucunga umutekano.

Twagiramungu yari asanzwe arinda hoteri iherereye mu murenge wa Gisenyi yitwa Tamara ari naho hafatiwe izo televiziyo 10, ni mu gihe mugenzi we Habarurema yakoraga ku nyubako yegeranye na hoteli Tamara icuruza amacumbi izwi ku izina ryo Kwa Nyanja. Aba bagabo bakurikiranweho kugira uruhare rwo gukorana n’amatsinda y’abantu bacuruza ibintu bya magendu bakabafasha kubihisha muri ayo mazu bashinzwe gucungira umutekano.

Umuvugizi wa Polisi mu ntara y’Iburengerazuba, Chief Inspector of Police (CIP) Bonaventure Twizere Karekezi avuga ko kugira ngo izo televiziyo ziboneke byaturutse ku makuru yatanzwe n’abaturage ko hari abantu bazinjizaga mu gihugu mu buryo bwa magendu bazikuye mu gihugu cya Repubulika iharanira Demokarasi ya Congo.

Yagize ati: “Twari dufite amakuru ko ziriya televiziyo zinjiye mu Rwanda zivuye muri Congo kandi Twagiramungu na Habarurema bagira uruhare mu kuzibika muri ariya mazu bashinzwe kurinda.”

CIP Karekezi akomeza avuga ko Polisi ikimara kumenya ayo makuru yahise ijya gusaka muri hoteli yitwa Tamara basanga koko izo televiziyo 10 zirimo. Ubuyobozi bwa hoteli bwatangaje ko butari buzi ko amazu yabo ajya akoreshwa mu bikorwa binyuranyijwe n’amategeko n’ubwo ngo mu minsi ishize bari baketse ushinzwe umutekano (Twagiramungu) kuba akorana n’abanyabyaha.

Umuvugizi wa Polisi mu ntara y’Iburengerazuba yakomeje avuga ko hagikomeje iperereza ryo kumenya niba nta bindi bicuruzwa bya magendu binjije mu gihugu ndetse hanashakishwa abakora ibi bikorwa by’ubucuruzi bwa magendu. Yashimiye abaturage bihutiye gutangira amakuru ku gihe, agaragaza ko ari umusanzu ukomeye mu bufatanye mu kwicungira umutekano ndetse no kurwanya ibyaha harimo n’ubucuruzi bwa magendu.

Itegeko ry’umuryango w’ibihugu byo mu karere k’Iburasirazuba rinakoreshwa mu Rwanda ingingo yaryo ya 199 rivuga ko ibicuruzwa bya magendu byafashwe bitezwa cyamunara. Imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika(US$5000).

Jim Caviezel benshi bamenye nka Yesu bitewe na firime yakinnye igaragaza incamake z’ibyo Umucunguzi Kristo Yesu yakoze mu isi, yatangaje ko agiye kongera kugaragara mu yindi filime 'The Passion of the Christ: Resurrection 'byitezwe ko izagira umusaruro ukomeye kandi igahindura abatuye isi. Ngo ni filime izaba ifite umwihariko wo kugaragaza iby’umuzuko wa Kristo kandi ikazandika amateka akomeye mu isi.

Nk’uko tubikesha urubuga ChristianToday Umugabo wagaragaye muri filime y’umwimerere muri 2004 nka Yesu, yabwiye Breitbart News ko yakiriye umushinga wa gatatu wo gukina filime izaba ivuga ku muzuko wa Kristo, nk’uko yabisabwe n’ushinzwe kuyobora filime(Director) Mel Gibson.

Ni filime izaba yitwa 'The Passion of the Christ: Resurrection'(Umuzuko) . Nubwo nta tariki iratangazwa iyi filime izasohokeraho , Caviezel yiteze ko izagera kure kandi igakora umurimo ukomeye.

Yatangarije Breitbart ati: “Mel Gibson yanyoherereje ishusho ya gatatu, ni umushinga wa gatatu tugiye gushyira hanze'. Yongeyeho ati: “Igiye kuba filime ikomeye mu mateka y’isi.”

Jim Caviezel benshi bamenye nka Yesu muri filim

Gibson yemeje ko ubundi ngo bwa mbere yateguraga kuyisohora muri 2016. Yabivuze ubwo yari mu kiganiro The Late Show hamwe na Stephen Colbert. Muri icyo kiganiro, yabwiraga Colbert ko bizatwara igihe kirekire gusohora iyo firime bitewe n’uko ingingo igendanye n’umuzuko wa Kristo ari “ikintu gikomeye”.

Yavuze ko uko abantu biteze iyo filime atariko bazayibona ahubwo hazagaragaramo n’ibindi bintu byinshi .

Gibson ati: “Ntabwo ari ibintu bizaba byerekana urukurikirane rw’ibyabayeho gusa nk’uko bizwi muri Bibiliya. Hari ubwo Ibyo bishobora kurambirana, dore ko hari n’ubwo umuntu avuga ati ' n’ubundi biriya twarabisomye’ ” Nyine mu kwandika filime uribaza uti ariko ni ibihe bintu bindi byabaye hirya y’ibyo twasomye cyangwa twumvishe ? Ni byo uragerageza ukazenguruka hirya no hino mu nguni zose.

Byagenze bite mu minsi itatu, ubwo Yesu yari yarahambwe? Sinzi neza, ariko birakwiriye ko tubitekerezaho, tukabyibazaho. N’uko dukomeza dukusanya ibitekerezo.

Gibson yahanganye bikomeye muri Hollywood ubwo yatangizaga filime ya mbere ya Passionof Christ dore ko yaje kwinjiza amafaranga menshi, Miliyoni 612 z’amadorari y’Amerika ku isi yose .

Bwana Caviezel yabwiye Brietbart ko kuba filime yaratsinze ku rugero rungana rutyo bidasobanuye ko yamukoreye byinshi, kandi ko ibyo yari ayitezemo ahanini ataribyo yabonye, ko ahubwo yabonye ibinyuranyije na byo.

Caviezel ati: ” Filime yarangijwe . Ntabwo aho iri ariko byagombaga kugenda.

“Ushobora gutekereza ko hari ibidasanzwe nari niteze ku bikoraho cyane. ” Oya, sinabikoze. Ntabwo nari nkiri ku rutonde rwaho muri sitidiyo. Ariko ibyo byararangiye. “

Yavuze ariko ko yemeye kugira uruhare muri iyo filime kubera ko “kwizera kwe kwari gukomeye kuruta inyungu zo muri Hollywood, kandi ko kwizera kwe kwari kunini kuruta inyungu zo mu ishyaka ry’ Abarepubulike cyangwa mu ba Demokarate , cyangwa n’ahandi hose.”

Ati: “Kubera ko ibyo nkora nk’umukinnyi, ubwo ni ubuhanga bwanjye nahawe n’Imana. Ntabwo arijye wabyihaye.”

Ubusanzwe abahanga bagaragaza ko ubutumwa butambukijwe mu buryo bw’amakinamico bugira umusaruro ukomeye cyane. Nta wakwirengagiza uruhare rukomeye filime ya Yesu yagize mu ivugabutumwa ryahinduye imitima ya benshi mu isi, benshi bakiriye Kristo nk’umwami n’umukiza w’ubugingo bwabo.

Source:Christian Today

[email protected]