Category: Uncategorized

Ku mbuga nkoranyambaga hamaze iminsi uburakari bw’abantu bamagana ubu busabe bw’ibigo by’amashuri bisaba abana b’abakobwa kuzana impapuro zihakana ko badatwite.

Bimwe mu bigo by’amashuri biherutse kwandikira ababyeyi b’abanyeshuri b’abakobwa ko bagomba gupimisha abakobwa babo bakazasubira ku ishuri bafite ibyemezo by’uko bipimishije.

Umwaka w’amashuri wa 2020/2021 uzatangira kuwa 02 Ugushyingo 2020.Abakoresha imbuga nkoranyambaga bavuze ko ubu busabe bw’amashuri butesha agaciro umwana w’umukobwa ndetse n’ivangura.

Itangazo MINEDUC yashyize hanze rigira riti 'Gupimisha abanyeshuri b’abakobwa inda nk’icyemezo kibemerera kwiga n’ivangura kandi ntibikwiriye.MINEDUC izakora isuzuma kugira ngo irebe ko ibigo by’amashuri byahagaritse iki cyemezo.

Iri tangazo MINEDUC yarishyize kuri Twitter nyuma y’aho ibigo nka Blu Lake International, Gashora Girls, Riviera High School byandikiye ababyeyi bibasaba ibi byemezo.

Umwe mu babyeyi bafite abana biga ku kigo cya Blu Lake International School (BLIS) yabwiye KT Press ko iki cyemezo bagisabwe ndetse ko abanyeshuri badatwite bemerewe kujya ku ishuri.

Iki cyemezo kigira kiti 'Ubuyobozi bwa BLIS burabashimira ubufatanye mwatugaragarije muri ibi bihe bikomeye.Mu kuva mu kwigisha hakoreshejwe ikoranabuhanga twigishiriza mu ishuri,ikigo kirifuza gusaba abanyeshuri b’abakobwa kuzana ibyemezo bigaragaza ko bipimishije inda byasinyweho n’abaganga babifitiye uburenganzira.Twizeye ko muzadufasha kubahiriza iki cyemezo.'

Ababonye iri tangazo barakajwe cyane n’iki cyemezo niko gusaba MINEDUC gukora ibishoboka byose ikabihagarika kuko harimo ivangura ry’abahungu n’abakobwa.

Ingengabihe y’itangira ry’amasomo iherutse gushyirwa ahagaragara na Minisiteri y’Uburezi, igaragaza ko ku wa 2 Ugushyingo 2020 aribwo amashuri yisumbuye ku biga mu mwaka wa Gatatu, uwa Gatanu n’uwa Gatandatu azasubukurwa.

Ni kimwe n’abiga mu mashuri y’imyuga n’ubumenyingiro, abo mu wa Gatatu, uwa Kane n’uwa Gatanu n’abo mu mashuri nderabarezi bazasubira ku mashuri bo mu mwaka wa mbere, uwa kabiri n’uwa gatatu.

Ibi byiciro bitatu ni byo bizajya ku mashuri guhera tariki ya 29 Ukwakira kugera ku wa 1 Ugushyingo 2020.

Itangazo ryashyizwe ahagaragara na Minisiteri y’Uburezi, rivuga ko ku wa 29 Ukwakira 2020 abazajya ku mashuri ari abiga ku mashuri yo mu Turere twa Gisagara, Huye na Muhanga mu Ntara y’Amajyepfo; abiga i Karongi na Rutsiro mu Ntara y’Iburengerazuba hamwe n’abiga mu Turere twa Nyarugenge, Kicukiro na Gasabo mu Mujyi wa Kigali.

Ku wa 30 Ukwakira, abanyeshuri bazajya ku mashuri yabo ni abiga mu Turere twa Nyaruguru na Nyamagabe mu Ntara y’Amajyepfo hamwe na Rusizi na Nyamasheke mu Ntara y’Iburengerazuba.

Bukeye bwaho tariki ya 31 Ukwakira, hazagenda abiga mu turere twa Nyanza, Kamonyi na Ruhango mu Ntara y’Amajyepfo hamwe na Ngororero, Rubavu na Nyabihu mu Burengerazuba.

Ku Cyumweru tariki ya 1 Ugushyingo, hazagenda abanyeshuri biga mu bigo by’amashuri byo mu Ntara y’Iburengerazuba n’iy’Iburasirazuba.

Ku banyeshuri bazasubukura amasomo ku wa 23 Ugushyingo 2020 biga mu mwaka wa mbere, uwa kabiri n’uwa kane mu mashuri yisumbuye, bo bazatangira kujya ku mashuri guhera tariki ya 20 Ugushyingo 2020.

Kuri iyo tariki hazagenda abiga mu Turere twa Huye, Gisagara, Nyaruguru na Nyamagabe mu Ntara y’Amajyepfo; Karongi, Rutsiro, Rusizi na Nyamasheke mu Ntara y’Iburengerazuba na Nyarugenge, Kicukiro na Gasabo mu Mujyi wa Kigali.

Ku wa 21 Ugushyingo, hazagenda abanyeshuri biga mu bigo by’amashuri byo mu Turere twa Kamonyi, Muhanga, Nyanza na Ruhango mu Ntara y’Amajyepfo; Ngororero, Nyabihu na Rubavu mu Ntara y’Iburengerazuba.

Itangazo ikigo FDA cyasohoye rigira riti: “Veklury ni wo muti wa mbere wa COVID-19 ubonye uruhushya rwa FDA”.

Mu cyumweru gishize, ishami ry’umuryango w’abibumbye ryita ku buzima (OMS/WHO) ryavuze ko umuti wa remdesivir ufite akamaro kari hagati ya gacye na busa ku gukira k’umurwayi.

OMS yavuze ko ibyo ibishingira ku bushakashatsi bwayo bwite – ariko uruganda Gilead rukora uwo muti rwamaganye ibyo byavuye mu bushakashatsi bwa OMS.
Kuva mu kwezi kwa gatanu, remdesivir yari yemewe gukoreshwa muri Amerika nk’umuti w’amaburakindi gusa.

Uherutse guhabwa Perezida Donald Trump nyuma yuko bamusanzemo Covid-19. Kuva icyo gihe ntayo barongera kumusangamo.

Kugeza ubu muri Amerika hamaze gutangazwa abantu barenga miliyoni 8,4 banduye Covid-19, muri bo abarenga 220,000 yarabishe nkuko imibare ya Kaminuza ya Johns Hopkins ibigaragaza.

Iyo ni yo mibare ya mbere iri hejuru cyane ku isi.

FDA yavuze iki nyirizina?

Mu itangazo rya FDA ivuga ko uwo muti wemejwe ejo ku wa kane ngo “ukoreshwe ku barwayi bakuru n’abana b’imyaka 12 no hejuru yayo kandi bapima ibiro bitari munsi ya 40 mu kubavura Covid-19 bicyeneye ko bashyirwa mu bitaro”.

Stephen Hahn ukuriye ikigo FDA yagize ati:
“Uku kuwemeza uyu munsi [ejo ku wa kane] byisunze amakuru yavuye mu magerageza menshi iki kigo cyagenzuye bikomeye kandi iyi ni intambwe y’ingenzi muri siyansi muri iki cyorezo cya Covid-19”.

FDA yavuze ko uyu mwanzuro wo kwemeza uyu muti wafashwe hagendewe ku isesengura ry’amakuru yavuye mu magerageza atatu yakozwe mu buryo bwo gutomboza ku barwayi ba Covid-19 bashyizwe mu bitaro barimo abarembye n’abarwaye byoroheje.

OMS ivuga iki?
Mu bushakashatsi yakoze, OMS yasuzumye ingaruka z’ine mu yishobora kuba imiti ya Covid-19.

Remdesivir yari umwe muri iyo miti, ariko OMS yanasuzumye umuti hydroxychloroquine wa malaria, wifitemo ubushobozi bwo gutera ubwirinzi.

Hari kandi n’imiti ibiri mu yoroshya ubukana bwa VIH/HIV (SIDA) ari yo lopinavir na ritonavir.

Umuti wa dexamethasone ubu ukoreshwa cyane ku barwayi ba Covid-19 bari mu cyumba cy’indembe mu Bwongereza, ntabwo wo wasuzumwe mu bushakashatsi bwa OMS.

Iyo miti ine yageragejwe ku barwayi bakuze 11,266 bo mu bitaro 500 byo mu bihugu birenga 30 ku isi.

Ibyavuye muri ubwo bushakashatsi bwa OMS ntibirasuzumwa n’abandi bashakashatsi.

Bigaragaza ko nta n’umwe muri iyo miti ine ufite akamaro gakomeye mu kurinda kwicwa na Covid-19 cyangwa kugabanya igihe umurwayi wayo amara mu bitaro, nkuko OMS ibivuga.

Yari anafite ibindi byuma by’amashanyarazi yakase kuri izo nkingi. Hakizimana yafashwe mu rukerera rwa tariki ya 19 Ukwakira 2020.

Umuvugizi wa Polisi mu Ntara y’Iburasirazuba, Chief Inspector of Police(CIP) Hamdun Twizeyimana yavuze ko Hakizimana yafashwe n’abapolisi ubwo bari mu kazi mu Mudugudu wa Cyunuzi mu Kagari ka Cyunuzi mu Murenge wa Gatore.

Yagize ati 'Abaturage bari bamaze iminsi bavuga ko Hakizimana yangiza ibikorwaremezo by’amashanyarazi. Abapolisi bahise bategura igikorwa cyo kumufata, mu rukerera rwa tariki ya 19 Ukwakira nibwo yafatiwe mu cyuho arimo gucukura iyo mirindankuba iba ku nkingi z’amashanyarazi yari anafite bimwe mu byuma yakase kuri izo nkingi.'

CIP Twizeyimana akomeza avuga ko atari ubwa mbere Hakizimana yangiza ibyo bikorwaremezo kuko ngo no mu minsi ishize yari yacitse abakozi b’ikigo gishinzwe ingufu(REG). Nabo bari bamusanze arimo gucukura iyo mirindankuba ariruka.

Umuvugizi wa Polisi yashimiye abaturage batanze amakuru, abasaba gukomeza gutanga amakuru kandi banarinda ibikorwaremezo Leta ibagezaho.

Ati 'Ubufatanye bwanyu mugucunga umutekano ni ingenzi, ariko cyane cyane murusheho kurinda ibikorwaremezo Leta ibagezaho. Igihe cyose hari umuntu mukekaho guhungabanya umutekano mujye mwihutira gutanga amakuru.'

Hakizimana yahise ashyikirizwa urwego rushinzwe ubugenzacyaha(RIB) rukorera muri sitasiyo ya Polisi ya Gatore.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 182 ivuga ko Umuntu wese usenya cyangwa wonona ku bw’inabi, ku buryo ubwo ari bwo bwose, inyubako yose cyangwa igice kimwe cyayo, inzu, iteme, urugomero, uruhombo rw’amazi n’inzira yarwo, inzira ya gari ya moshi cyangwa ibikoresho ibyo ari byo byose by’itumanaho cyangwa by’ingufu z’amashanyarazi, amariba cyangwa izindi nyubako zose bitari ibye, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

“Je sais qu’on va me traiter de tous les maux mais j’ose le dire. Au sein de la RURA, il doit y avoir des cadres soucieux de voir les citoyens faire de la désobéissance civile à cause des prix surélevés des services de transport. On se demande sur quel critères ils fixent ces prix. Et pourquoi tous les utilisateurs des services de transport en commun se plaignent et se lamentent de l’inaccessibilité de ces services”, a dit Immaculée Ingabire, présidente de Transparency International Rwanda Chapter accusant ces officiels de RURA d’être à l’écoute des gros investisseurs en transport en commun, ceux-là même qui ont fait de ce secteur uun monopole.

Bien avant elle, de grands noms de la société civile dont le Député Frank Habineza, la chanteuse Clarisse Karassira, la modéliste Shadia Mbabazi alias Shadboo avaient protesté contre cette hausse des prix de transport sur leurs comptes twitter.

Un gouvernement à l’écoute de la société civile

“J’ai cherché la cause de cette hausse mais je ne l’ai pas trouvée. De un le prix de l’essence à la pompe n’est pas monté. Au contraire il a baissé. Et cela partout au monde. Mais voilà ! RURA, dans sa plénipotence de par le pouvoir que lui confère la loi, a décidé de hausser les prix de services de transport”, s’est révoltée la dame trouvant qu’il est grand temps de hausser la voix pour que le Capital rwandais ne continue pas d’empuantir l’atmosphère sociale.

“Je demande aux élus du peuple rwandais dont le Président de la République et les députés de bien étudier cette situation intenable”,a-t-elle ajouté jouant pleinement son rôle d’alerte.
Du côté de RURA, la chanson est la même. “Le principe est que chaque année la grille des prix des services de transport sont actualisés”, a dit le Dr Benjamin Rutimirwa qui va dans la logique que du fait du déséquilible de la balance commerciale enregistré chaque année en terme d’import-export et donc de dépréciation du franc rwandais face au dollar, les prix sont condamnés à la hausse.

Donc les investisseurs rwandais tiennent haut le pavé. Face à cette pression de la société civile, RURA sur ordre de la Primature rwandaise, a décidé que les prix reviennement momentanément à ce qu’ils étaient avant l’apparition de la pandémie du Codid 19.
Mais jusque à quand ?
Quelles sont les stratégies arrêtées pour résorber le déséquilibre de la balance commerciale du pays ? C’est là la clé de ce gros défi.

NDJ

Inzego zitandukanye zikomeje gushyira imbaraga mu gukumira no guhiga bukware abasore n’abagabo basambanya abakobwa batarageza imyaka nyuma y’uko byagaragaye ko mu bihe bya Guma mu rugo bakomeje kwiyongera.

Binyuze kuri twitter ya RIB, kuri uyu wa Gatanu tariki 23 Ukwakira 2020, uru rwego rwatangaje ko ku bufatanye n’izindi nzego rwataye muri yombi abagabo 10 bo muri Rusizi bakekwaho gukora aya mahano.

Itangazo rya RIB rigira riti 'Uyu munsi RIB ifatanyije n’izindi nzego mu Karere ka #Rusizi yafashe abagabo 10 bakekwaho gusambanya abangavu bakabatera inda.'

Abafashwe ubu bafungiye kuri sitasiyo ya RIB ya Muganza mu gihe iperereza rikomeje kugirango hakorwe amadosiye ashyikirizwa Ubushinjacyaha.

RIB iboneyeho kongera kwihanangiriza umuntu wese ushora abana n’abangavu mu busambanyi kuko bibagiraho ingaruka mbi ku buzima no kubabuza ejo hazaza heza kandi inibutsa ko ari icyaha gihanisha ibihano bikomeye uwagikoze.

Uyu munsi RIB ifatanyije n’izindi nzego mu Karere ka #Rusizi yafashe abagabo 10 bakekwaho gusambanya abangavu bakabatera inda.

Abafashwe ubu bafungiye kuri sitasiyo ya RIB ya Muganza mu gihe iperereza rikomeje kugirango hakorwe amadosiye ashyikirizwa Ubushinjacyaha.

— Rwanda Investigation Bureau (@RIB_Rw) October 23, 2020