Category: Uncategorized

Manzi Theogene, avuga ko nta mpungenge z’inzara bafite mu Karere ka Gatsibo

Igihembwe cy’ihinga 2021A mu Karere ka Gatsibo hahujwe ubutaka buhingwaho igihingwa kimwe bungana na hegitari 16,154 ku bigori, hegitari 1,291 ku muceri, hegitari 2,702 ku bishyimbo, hegitari 208.8 kuri soya na hegitari 443 ku myumbati.

Ubu buso bwose bwaratewe ndetse bunarenga ubwari buteganyijwe ku kigero cya 128.5%. Habonetse imbogamizi y’imvura cyane ku bahinzi b’ibigori mu Mirenge ya Nyagihanga na Ngarama, ariko by’umwihariko mu Murenge wa Gatsibo aho hegitari 387 zatewe imbuto ntive mu butaka.

Muri rusange muri iyi mirenge uko ari itatu, hegitari 390.5 ni zo zatewe ibigori ntibyamera.

Umuyobozi w’Akarere ka Gatsibo wungirije ushinzwe ubukungu Manzi Theogene, avuga ko aho ibigori bitameze ubu hatewe ibishyimbo kandi imvura yabonetse ku buryo byameze.

Ati “Koko byarabaye ariko aho imvura igwiriye twagiriye inama abahinzi guhita bateramo ibishyimbo kandi ubu byamaze kumera. Iyo bongera guteramo ibigori twajyaga gukererwa igihembwe cy’ihinga B”.

Uretse imirenge yatinze kubona imvura imyaka yatewe ntimere, Imirenge ya Rwimbogo, Rugarama, Murambi na Gatsibo, hegitari 53.8 zatewemo imyaka iramera ariko igaragaramo udusimba bita imikondo y’inyana (Milliapodes).

Manzi Theogene avuga ko hatewe imiti ariko na yo bigaragara ko itatwica, abaturage bagirwa inama yo kudutoragura mu mirima. Avuga ko uko imvura igenda yiyongera dupfa, ku buryo bizeye ko tuzashira.

Agira ati “Twafatanyije n’abaturage gutoragura utwo dusimba mu mirima, ariko na RAB yaradufashije yohereza inzobere mu kurwanya ibyonnyi mu myaka turafatanya haterwa n’imiti, ariko bigaragara ko itatwica, ariko aho imvura igwiriye turimo gushira kuko iratwica ubwayo”.

Akomeza avuga ko ubu barimo gukurikirana aho twagaragaye kugira ngo barebe ko twashize, ndetse no kugenzura ko nta handi twaba twarafashe imyaka.

Uyu muyobozi yizera ko hamwe n’izi ngamba nta mpungenge z’inzara abaturage bazahura na yo, kuko buri kiza cyashakiwe igisubizo.

Ati “Oya nta mpungenge z’inzara twagira kuko niba twarahinze hegitari zisaga ibihumbi 19, ikindi aho imyaka itameze bakaba barabibyemo indi ndetse n’udusimba turwanywa nta mpungenge twagira rwose. Gusa ni ugukomeza tukarwanya ibyo byonnyi kandi icyizere kirahari twatangiye kubona imvura”.

Inama zigirwa abaturage harimo kuhira imyaka aho bishoboka no gufatira ibihingwa ubwishingizi kugira ngo nihaboneka ikiza bareke guhomba burundu.

Kimwe mu byiciro by’aya marushanwa harimo aho abakobwa barushwanwa bagomba kwiyerekana bambaye imyenda y’imbere, ikintu kitavugwaho rumwe na benshi.

Izi impaka zakunze kugaragara iyo habayeho amarushanwa y’ubwiza bisaba ko abayitabira bigaragaza bambaye imyenda yo kogana (bikini). Abategura aya marushanwa bavuga ko ari kimwe mu bisabwa ku rwego mpuzamahanga atari mu Rwanda gusa.

Tariki 25 Ukwakira 2020 nibwo amajojonjora yabaye hagasigara abakobwa batanu bazavamo umwe uzakomeza. Aba bose biyerekanye bambaye bikini ariko abenshi barenzaho agatambaro. Ku mbuga nkoranyambaga abenshi berekanye ko batabyishimiye.

Uwitwa Lydie Mutesi Mwambali yanditse ati “Mumpugure,harya ubwiza bw’umukobwa bubonwa ari uko ashyize hanze ubwambure akiyereka? Hanyuma se muri aya marushanwa y’ubwiza bagenzi babo b’abahungu ko ntarabona amafoto yabo nk’aya bo ntibibareba?” Ingabire Immaculée yamusubije ko ubusa ari ubusa nyine kandi ubwiza butareberwa mu busa.

Abandi baganiriye na Kigali Today bavuga ko ari ikibazo cy’imyumvire. Uwitwa Safari Damien avuga ko ababyita umuco bakarebye uko imyambarire yagiye ihinduka mu myaka ishize. Yagize ati “Guhera kera mu Rwanda bambaraga utuntu twahishaga imyanya y’ibanga gusa ku mukobwa, ibi byo kwambara bita kwikwiza ni umuco w’abazungu twitije. Rero kugeza ubu ababyita umuco bakarebye ko umuco mu myambarire wagiye uhinduka, kubona abana b’abakobwa bambara kuriya nta gitangaza kirimo.”

Ababyeyi bo ntibabikozwa. Muhimpundu Claudine ufite abana b’abakobwa babiri avuga ko ntaho abizi, yewe bidakwiye. Ati “Njyewe uko narezwe ntaho nabonye umukobwa yambara ubusa ngo ni ukwerekana ubwiza, mbonye umwana wanjye aje akambwira ko ashaka kujya muri bene ayo marushanwa ntago nabyemera.”

Nyamara undi mubyeyi we siko abyumva kuko avuga ko yamushyigikira. Secumi Richard avuga ko yanamuherekeza. Ati “Umukobwa wanjye aje akambwira ko ashaka kujya muri ayo marushanwa namushyigikira nkanamuherekeza yewe. Kuko n’ubundi aba yajya ku mazi akambara uko nyamara hariya afite kuba anakorera amafaranga n’ibindi byinshi.”

Izi mpaka ntizirangira kuko buri wese avuga ibye, gusa amarushanwa y’ubwiza ategurwa mu Rwanda kwiyerekana muri iyi myambaro ntabwo bibamo. Urugero rw’irushanwa rizwi cyane muri ayo abera mu Rwanda ni iryo guhitamo Nyampinga w’u Rwanda (Miss Rwanda). Abitabira iri rushanwa biyerekana mu makanzu n’imyenda y’umuco, ababaha amanota bakagendera ku bwiza, ubwenge n’umuco.

Ku rubuga https://www.menshealth.com, bavuga ko ubushakashatsi bwakozwe n’abashakashatsi bo muri Leta ya Pennsylvania muri Leta zunze ubumwe za Amerika, bwagaragaje ko ubunyobwa bufite akamaro ko kurinda umutima w’umuntu.

Abo bashakashatsi bafashe abantu 15 bafite umubyibuho ukabije ariko nta bundi burwayi bafite, babagabanya mu matsinda abiri, bakajya babagaburira amafunguro akungahaye ku mavuta, ariko nyuma y’igihe gito, bagiye gupima basanze itsinda ryagaburirwaga ibinyamavuta harimo n’ubunyobwa, 32% y’ibinure byo mu maraso byaragabanutse ugereranyije n’itsinda ry’abataraburyaga.

Gusa nubwo bimeze bityo, kuri urwo rubuga bavuga ko ubushakashatsi bugikomeje kugira ngo hamenyekane ingano y’ubunyobwa umuntu akwiriye kurya, kugira ngo bumugirire akamaro ko gutuma ibinure bigabanuka mu maraso ye ndetse n’umutima we ugakora neza.

Hari kandi n’ubushakashatsi bwatangajwe mu kitwa ‘JAMA Internal Medicine’ mu mwaka wa 2015, aho abashakashatsi bakurikiranye imirire y’abantu bagera ku 200,000 hirya no hino ku isi, nyuma baza gusanga abantu bakunda kurya ubunyobwa n’ibibukomokaho mu mafunguro yabo bafite ibyago bikeya byo kwicwa n’indwara z’umutima ugereranyije n’abataburya cyangwa se baburya gake gashoboka.

Ku rubuga https://nuts.com, bavuga ko nubwo hari abafata ubunyobwa nk’ikiribwa kibi kuko kigira ibinure byinshi, ariko ubwoko bw’ibinure biba mu bunyobwa, ngo ni ibinure bikenewe kugira ngo umutima ugire ubuzima bwiza.

Abashakashatsi bo muri Kaminuza ya Harvard, batangaje ko ubunyobwa ari bwiza ku buzima bw’umutima kuko bwifitemo ibinure byitwa ‘monounsaturated fats’ kandi ibyo bunure ngo bifasha mu gutuma imitsi itembereza amaraso ikora neza.

Kuri urwo rubuga bavuga ko ubunyobwa bwigiramo urugero rw’ibyitwa ‘Antioxidants’ rungana n’urwa divayi itukura (Red Wine/vin rouge), izo ‘antioxidants’ zigira akamaro ko kurinda utunyangingo (cells) tw’umubiri w’umuntu kwangirika.

Ubunyobwa kandi bwigiramo ubutare bwa ‘Copper’, iyo copper ikaba igira akamaro ko kugenzura imisemburo iba mu mubiri w’umuntu ituma agira imbaraga. Iyo copper kandi ifasha imitsi gukora neza. Kubura ubwo butare bwa Copper mu mubiri w’umuntu ngo ni impamvu y’indwara zitandukanye.

Ku rubuga https://www.rowingnews.com, bo bavuga ko ubunyobwa ari ikiribwa cyiza cyane ku bantu bakora siporo. Bavuga ko uretse kuba ubunyobwa buryoha, ngo ni n’ingirakamaro ku buzima bw’ababurya kuko butuma bagira ubuzima bwiza kandi bagahorana imbaraga.

Nko ku bantu bakunda gukora amarushanwa yo kwiruka (athletes), bakwiriye kurya ubunyobwa kenshi gashoboka, haba kuburya babuhekenya bisanzwe, kuburya butetse mu byo kurya, cyangwa se n’iyo bajya bafata ibyitwa ‘peanut butter’ bisigwa ku migati n’ibindi.

Abaturage babanje kwerekwa uko ibiti bahawe biterwa

Umuryango AEE wabitanze ku baturage bo mu Murenge wa Mukura mu Karere ka Huye, no mu Murenge wa Ngera ndetse n’uwa Ngoma mu Karere ka Nyaruguru. Byahawe abaturage bakeya batoranyijwe n’inzego z’ubuyobozi.

Abatuye muri Mukura no muri Ngera bagiye bahabwa igiti kimwe buri wese, naho muri Ngoma bo bahabwa ibiti bitatu buri wese.

Osée Dusengimana uhagarariye Umuryango AEE watanze ibi biti, avuga ko nubwo byifuzwaga na benshi bikababana bikeya, muri Ngoma hatanzwe bitatu ku muntu kuko byari bigenewe abatuye mu mudugudu wa Mutima w’urugo.

Umudugudu wa Mutima w’urugo ni uwo batoranyije uri inyuma y’iyindi haba mu mibereho no mu myumvire, uri kwitabwaho n’Inama y’Igihugu y’Abagore ngo na wo utere imbere.

Patricie Musabyemariya, umuhuzabikorwa w’Inama y’Igihugu y’Abagore uri gukurikirana uyu mudugudu, ashima ababateye inkunga kuko ngo n’abatuye muri uyu mudugudu batangiye kumva ko gutera ibiti by’imbuto ari ngombwa.

Agira ati “Twababwiye imihigo ya mutima w’urugo, tubabwira ko harimo n’uwo gutera ibiti by’imbuto ziribwa. Hari abari batangiye, ukabona yateye umwembe, avoka se. Mbega ubu bufasha bahawe bari babukeneye”.

Abahawe ibiti barabyishimiye kuko ngo batangiye kwibona mu myaka ibiri iri imbere barya avoka bataguze, ndetse bakanagurishaho bakikenura.

Bosco Shimiryayo n’ibiti bye bitatu mu ntoki, yagize ati “Bampaye ibiti bitatu bya avoka, ndarara mbiteye”.

Anavuga ko ngo yagiye agerageza gutera avoka ariko zikuma. Ariko noneho ngo yasobanuriwe uko azatera eshatu yahawe, ku buryo azanazibungabunga zikera neza.

Joséphine baturanye we ngo arazitera hafi y’urugo kugira ngo azabashe kuzikurikiranira hafi.

Mbere yo guhabwa ibiti babanje gusobanurirwa uko biterwa

Ati “Kubera ko mu murima igiti bashobora kucyangiza igihe nagiye gukorera kure y’urugo, ndazitera hafi y’urugo, nzubakire kugira ngo zitangirika. No mu gihe cy’izuba nzajya mbivomerera”.

Umushinga Sead Project wa AEE ni wo watanze ibi biti ku nkunga y’umuryango Tearfund. Muri Huye wahatanze ibiti bya avoka 1,472 tariki 27/10/2020, muri Nyaruguru uhatanga 608 tariki 28/10/20. Ubu uri gushaka n’ibindi uzatanga muri Gisagara.

Gutanga ibiti by’imbuto ziribwa biri no mu murongo watanzwe na Minsitiri w’Intebe, Dr. Edouard Ngirente, w’uko buri rugo rwo mu Rwanda rwagira nibura ibiti bitatu by’imbuto ziribwa.

Perezida Macron yatangaje ingamba zikomeye zigamije guhangana n’icyorezo cya Coronavirus cyadutse mu isura nshya

Iki cyemezo gifashwe nyuma y’aho muri iki gihugu hakomeje kugaragara ubwiyongere buri ku rwego rwo hejuru bw’abandura COVID-19. Kuri ubu ibitaro mu Bufaransa byongeye kurengerwa n’umubare munini w’abanduye covid-19 barenga ubushobozi bw’ibitaro mu minsi mike gusa.

Perezida w’u Bufaransa, Emmanuel Macron, yavuze ko iki cyorezo cyongeye gukwira mu gihugu ku muvuduko udasanzwe ndetse urenze uwari witezwe.

Akomeza avuga ko ingamba zari zafashwe mu byumweru bibiri bishize zo kubuza urujya n’uruza cyane cyane mu masaha ya nijoro mu murwa mukuru i Paris no mu yindi mijyi ikomeye, ntacyo byafashije mu guhagarika ubwandu bushya bwiswe igice cya kabiri cy’icyorezo cyongeye kugaruka.

Abafite utubari batangiye kubika ibikoresho muri iyi guma mu rugo izamara ukwezi

Guhera mu ijoro ryo kuri uyu wa kane, utubari, amazu y’ubucuruzi, amaguriro, amasoko, hamwe n’imirimo inyuranye biraba byafunzwe ariko ku banyeshuri bo bazakomeza amasomo ku mashuri nk’ibisanzwe.

Macron yagiranye inama idasanzwe n’Abaminisitiri mu ntangiriro z’icyumweru; nyuma y’inama zatanzwe n’abakora mu rwego rw’ubuvuzi basabye ko hakongera gusubizwaho guma mu rugo kugira ngo iyi virusi igabanye umuvuduko iriho.

Iyi gahunda ya guma mu rugo ishobora kongera gusubizwaho mu bihugu by’i Burayi nk’uko umuryango w’ubumwe bw’ibihugu by’i Burayi ubitangaza ngo bitewe n’uko iki cyorezo kiri gukwira mu buryo bushya muri ibi bihugu, aho uwo muryango uvuga ko abantu barenga miliyoni 6 n’ibihumbi 500 by’Abanyaburayi bamaze kwandura Coronavirus yadutse mu yindi sura.