Category: Uncategorized

Ibiyobyabwenge byamenewe mu ruhame bigizwe na litiro 230 za Kanyanga, udupfunyika 5,338 tw’urumogi n’udusashe 459 dupfunyitsemo inzoga zitemewe mu Rwanda. Hanangijwe kandi bimwe mu bicuruzwa bya magendu n’ibindi bicuruzwa bitujuje ubuziranenge byose byiganjemo amavuta yo kwisiga n’ibinyobwa bidasembuye.

Ubwo hamenwaga ibi biyobyabwege hari abahagarariye urubyiruko rw’abakorerabushake bo mu turere twa Burera na Musanze bagera kuri 50. Umuyobozi w’Akarere ka Musanze, Nuwumuremyi Jeannine yagaragaje ingaruka z’ibiyobyabwenge asaba urubyiruko kubyirinda bagashaka imirimo ibateza imbere.

Yagize ati: “Ibiyobyabwenge byangiza ubuzima bw’ubikoresha ndetse bikagira ingaruka ku gihugu muri rusange. Mujya mubibona ko abakoresha ibiyobyabwege aribo bakora ibyaha bitandukanye bigira ingaruka ku muryango nyarwanda. Ibiyobyabwenge kandi bigira ingaruka ku iterambere ry’igihugu kuko bishorwamo amafaranga menshi nyamara bigafatwa bikamenwa.”

Umuyobozi w’Akarere ka Musanze yakomeje agaragariza urubyiruko ko arirwo mbaraga z’igihugu abasaba kwirinda ibiyobyabwenge ahubwo bakaba aribo bafata iya mbere mu gufatanya n’inzego z’umutekano mu kubirwanya. Bakirinda kubikoresha no kubitunda ariko cyane cyane bakajya batanga amakuru afasha inzego z’umutekano mu kurwanya abijandika mu ikoreshwa ry’ibiyobyabwenge.

Umuvugizi wa Polisi mu Ntara y’Amajyaruguru, Chief Inspector of Police(CIP) Alexis Rugigana avuga ko ibi biyobyabwenge byose byinjizwaga mu Rwanda biturutse mu gihugu cya Uganda binyujijwe mu nzira zitemewe. Avuga ko kwinjiza ibi biyobyabwenge mu Rwanda usanga hakoreshwa urubyiruko rw’abana bato bari hagati y’imyaka 13 na 17.

CIP Rugigana yongeye kwibutsa abaturage ko amategeko ahana umuntu wese ukoresha abana mu bikorwa byo gutunda no gukoresha ibiyobyabwenge, yasabye ababyeyi kuba hafi y’abana babo.

Yagize ati: “Mu bikorwa byo gufata ibi biyobyabwenge twaje gusanga hakoreshwa cyane abana nk’amwe mu mayeri yo kubyinjiza mu gihugu. Abakoresha abo bana ni abantu bakuru bakora ubucuruzi bw’ibiyobyabwe. Turakangurira abantu ko amategeko ahari kandi yakajijwe ku bantu bashora abana mu bikorwa by’ibiyobyabwenge ariko cyane cyane kubyambutsa babivana mu bindi bihugu.”

CIP Rugigana yakomeje avuga ko Polisi y’u Rwanda kubufatanye n’abaturage itazahwema gufata no kurwanya abakoresha ibiyobyabwenge ariko cyane cyane ababyinjiza mu gihugu babikuye hanze y’u Rwanda.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

Ku byerekeye ibiyobyabwenge bihambaye ari nabyo bibarirwamo urumogi, igihano kiba igifungo cya burundu n’ihazabu y’amafaranga y’u Rwanda arenze miliyoni maku (20.000.000 FRW) ariko atarenze miliyoni mirongo itatu (30.000.000 FRW)

Iyo ibikorwa bivugwa mu gika cya 2 n’icya 3 by’iyi ngingo bikorewe ku mwana cyangwa bikozwe ku rwego mpuzamahanga, igihano kiba igifungo cya burundu n’ihazabu y’amagaranga y’u Rwanda arenze miliyoni mirongo itatu (30.000.000 FRW) ariko atarenze miliyoni mirongo itanu (50.000.000 FRW)

Nirisarike Salomon, myugariro w’Amavubi ukinira ikipe ya FC Pyunik muri Armenia avuga ko kwitabira ubutumire bw’ikipe y’igihugu Amavubi bigoye kubera ko ari mu kato nyuma yo kwandura icyorezo cya Coronavirus.

Ni umwe mu bakinnyi bakina mu mutima w’ubwugarizi umutoza Mashami Vincent yahamagaye ndetse yahabwaga amahirwe yo kubanza mu kibuga ku mukino wa Cape Verde tariki ya 11 na 17 Ugushyingo mu gushaka itike y’igikombe cy’Afurika cya 2022.

Uyu mukinnyi akaba atazitabira ubutumire bw’ikipe y’igihugu kubera ko ari ku rutonde rw’abakinnyi batandatu ba Pyunik FC banduye icyorezo cya Coronavirus ubu akaba ari mu kato k’ibyumweru bibiri nk’uko yabitangarije ISIMBI.

Ati“nibyo bayidusanzemo turi abakinnyi ba 6, ubu turi mu kato k’ibyumweru bibiri. uyu munsi turasubira kwipimisha.”

Gukina umukino wa Cape Verde avuga ko bigoye cyane kereka mu cyumweru gitaha batayimusanzemo.

Ati“Biragoye, kereka mu cyumweru gitaha batayinsanzemo kuko twipimisha buri minsi itatu.”

Abakinnyi ba 6 FC Pyunik banduye iki cyorezo Ni Alanyan sevak, Kartashyan Artur, Nirisarike Salomon, Malakyan Gor, Salou Dramane na Ozbiliz Aras

Nirisarike akaba yiyongereye ku bakinnyi nka Sugira Ernest wari wahamagawe ariko akaba atazakina uyu mukino kubera imvune, hari Meddie Kagere wa Simba SC n’ubwo yageze mu Rwanda ari mu mwiherero na we afite imvune ndetse amahirwe menshi ni uko atazakina uyu mukino.

Uyu mukino uzaba tariki ya 11 Ugushyingo muri Cape Verde mu gihe uwo kwishyura uzabera mu Rwanda tariki ya 17 Ugushyingo.

Amavubi ni aya nyuma mu itsinda F n’amanota 0, ni nyuma yo gutsindwa na Mozambique ibitego 2-0 ndetse na Cameroun igitego 1-0 mu mikino ibiri yabaye mu Ugushyingo 2019.

Nirisarike Salomon yanduye Coronavirus

Umuvugizi wa Polisi y’u Rwanda mu Ntara y’Amajyepfo, CIP Twajamahoro Sylvestre yemeje aya makuru mu kiganiro yagiranye n’ikinyamakuru Ukwezi, avuga ko imodoka yari itwaye abantu batanu yakoze impanuka ubwo yavaga mu Ngororero igana i Muhanga, umwe agapfa abandi batanu bagakomereka.

Mukamunana Kevine, umukobwa witeguraga ubukwe mu kwezi gutaha, niwe waguye muri iyi mpanuka naho Peter Mulisa bari kuzakora ubukwe tariki 28 Ugushyingo 2020 ayikomerekeramo hamwe n’abandi bantu batatu.

Bivugwa ko impanuka yatewe n’umuvuduko mwinshi w’uwari utwaye imodoka kongeraho ubunyerere bwatewe n’imvura yari imaze kugwa, byatumye umushoferi agerageza kugarura imodoka biranga irenga umuhanda igwa mu manga muri metero zigera muri 200. Umurambo wa Mukamunana Kevine n’abo bari kumwe bakomeretse, bahise bajyanwa ku bitaro bya Kabgayi biherereye mu karere ka Muhanga.

Waba warigeze wibaza uko byari bimeze ubwo abigishwa ba Yesu bari mu cyumba cyo hejuru bategereje Umwuka Wera nk’umufasha bari barasezeranijwe. N’ubwo bari bafite agahinda ko Umwami Yesu abasize ariko bakimara guhabwa umwuka wera ntibongeye guhangayikishwa n’icyo kibazo.Bivuze ko Umwuka wera ari umufasha ntageranywa mu rugendo rw’umukristo.

Umwuka Wera ni iki?

Umwuka Wera ni uwa gatatu mu bagize ubutatu butagatifu (Trinity). Imana ni Data, Yesu ni Umwana naho Umwuka Wera ni Umwuka w’Imana.

Mu Isezerano rya Kera Umwuka wera yagize uruhare mu kurema no mu mibereho ya muntu, ariko Umwuka wera ntiyakoraga ku kigero kimwe n’uko yakoze Yesu amaze kuzuka no kuzamurwa mu ijuru (ascension). Mugihe Yesu n’abigishwa be basangiraga ifunguro rya nyuma, Yesu yabasobanuriye ku buryo burambuye Umwuka Wera n’umurimo we.

Ku bizera, Umwuka Wera utuyobora mu kuri kandi ukaduhumuriza, Umwuka Wera atwemeza iby’ibyaha byacu ndetse n’umucamanza wacu (Yohana 14:-17)

Dore ibintu 7 Ibyanditswe Byera bivuga ku murimo w’Umwuka Wera

1. Umwuka Wera aduhamiriza umubano wacu n’Imana

Umwuka w’Imana ubwe ahamanya n’umwuka wacu yuko turi abana b’Imana. Kandi ubwo turi abana bayo turi n’abaragwa, ndetse turi abaragwa b’Imana, turi abaraganwa na Kristo niba tubabarana na we ngo duhanwe ubwiza na we (Abaroma 8:16-17)

2. Umwuka Wera aduhishurira ukuri

Uwo Mwuka w’ukuri naza azabayobora mu kuri kose kuko atazavuga ku bwe, ahubwo ibyo azumva nibyo azavuga, kandi azababwira ibyenda kubaho (Yohana 16:13).

3.Umwuka Wera adufasha kunesha

Ndavuga nti:”Muyoborwe n’Umwuka”, kuko aribwo mutazakora ibyo kamere irarikira (Abagalatiya 5:16).

4. Umwuka wera aduha gushira amanga tugasangiza abandi ubutumwa bwiza bwa Kristo

Icyakora muzahabwa imbaraga Umwuka Wera nabamanukira , kandi muzaba abagabo bo kumpamya i Yerusalemu n’i Yudaya yose n’i Samariya, no kugeza ku mpera y’isi (Ibyakozwe n’Intumwa:1:8)

5. Umwuka wera aratwigisha kandi aratwibutsa

Ariko umufasha ari we Mwuka Wera, uwo Data azatuma mu izina rya njye ni we uzabigisha byose, abibutse ibyo nababwiye byose (Yohana 14:26)

6. Umwuka Wera aratweza

Kandi bamwe muri mwe mwari nka bo ariko mwaruhagiwe mwarejejwe, mwatsindishirijwe n’Umwuka w’Imana yacu mu izina ry’Umwami Yesu Kristo (1Abakorinto 6:11)

7. Umwuka Wera aradusabira

Uko niko n’Umwuka adufasha mu ntege nke zacu kuko tutazi uko dukwiriye gusenga, ariko Umwuka ubwe ni we udusabira aniha iminiho itavugwa (Abaroma 8:26).

Uburyo Umwuka Wera ahumuriza

Rimwe na rimwe, ibyiringiro biradushirana. Yesu yatubwiye ko muri iyi si tuzagira ibibazo, ariko duhumure kuko yatsinze isi. Kubw’ibyo, tuzi ko intambara zacu zatsinzwe. Ariko bigenda bite hagati aho? Tugomba kubaho mu ntambara zacu ariko twizeye ko dufite umufasha.

Kuba Yesu yaratsinze urupfu n’isi ntibisobanuye ko ubuzima butazabamo ibibazo cyangwa akarengane. Muri iyi minsi dukeneye ibyiringiro. Umwuka Wera ni isoko y’ibyiringiro byacu , Umwuka Wera araduhumuriza akaduha amahoro atemba nk’uruzi kugira ngo tubashe guhangana n’ibibazo dufite ukwizera.

Muri macye ni byiza gutunga umwuka wera kuko ni umufasha utigera ayobya atuyobora inzira nyakuri itugeza ku Mana. Wowe utaramuhabwa, gira umwete wo kumusaba Imana kuko yavuze ko uzasaba yizeye azahabwa.

Source: crosswalk.com

[email protected]