Mu muhango w’ihererekanya bubasha kuri komite icyuye igihe ya Rayon Sports na komite nshya, Murenzi Abdallah yemeje ko rutahizamu wa TP Mazembe, Robert Mbelu bari batijwe atakije.

Uyu munsi nibwo habaye ihererekanya bubasha muri Rayon Sports hagati yakomite nshya na komite y’inzibacyuho yari iyobowe na Murenzi Abdallah.

Muri bimwe Murenzi Abdallah yashyikirije ubuyobozi bushya, harimo abakinnyi bashya baguzwe ndetse n’abo batijwe.

Yavuze ko mu bakinnyi babiri ikipe ya TP Mazembe yabatije hazaza Vital Aurega naho Robert Mbelu atakije bitewe n’ikibazo cy’abanyamahanga.

Yagize ati“TP Mazembe yadutije abakinnyi babiri ariko umwe twaramuretse. Dufite ikibazo cy’abanyamahanga, umutoza ni we wamurambagije yatubwiye ko ukenewe cyane ari Vital kuruta Robert Mbelu turamureka.”

Vital akaba yarageze mu Rwanda ndetse bakaba baranumvikanye hasigaye kumwishyura.

Kuri rutahizamu Ernest Sugira yavuze ko n’ubwo APR FC yamubatije ariko hari ibyo bagombaga kumvikana ubu bakaba barumvikanye ndetse 50% by’ibyo bumvikanye barabishyize mu bikorwa.

Yagize ati “Sugira Ernest ni umukinnyi twatijwe na APR FC, n’ubwo twamutijwe hari amasezerano twagombaga kumvikana byaranarangiye. Hari ibyo twumvikanye ndetse 50% twarabimuhaye hasigaye 50% twumvikanye igihe tuzayamuhera.”

Avuze ibi mu gihe byavugwaga ko uyu rutahizamu ashobora kudakinira iyi kipe kuko itarubahiriza amasezerano bagiranye.

Mu bandi bakinnyi biteganyijwe ko Moussa Camara agera mu Rwanda uyu munsi gusinyira iyi kipe.

Umunyezamu Bashunga Abouba baguze we ntabwo arishyurwa akaba yasabye ubuyobozi ko bazamwishyura.

Sugira yishyuwe 50% by’ibyo bumvikanye

Mbelu ntakije muri Rayon Sports

Uyu munsi habaye umuhango w’ihererekanya bubasha

Murenzi Abdallah yavuze yamurikiye komite nshya abakinnyi bashya n’abo batijwe

Abakunzi ba Eberton yatangiye neza Premier League bababajwe nuko umukinnyi wayoboraga umukino wabo James Rodriguez yangiritse ku dusabo tw'intanga [amabya] ubu akaba ari kwivura akoresheje imashini yabigenewe.

Umuyobozi mushya w’ikipe ya Rayon Sports, Uwayezu Jean Fidele avuga ko kuba Rayon Sports na APR FC Ari amakipe akomeye kandi ahanganira igikombe, kuba yatizanya abakinnyi nta kibazo kirimo.

Tariki ya 24 Ukwakira 2020 nibwo Uwayezu Jean Fidele yatorewe kuyobora Rayon Sports mu gihe cy’imyaka 4.

Uwayezu Jean Fidele akaba yarasimbuye komite y’inzibacyuho yari iyobowe na Murenzi Abdallah yari yasimbuye iya Munyakazi Sadate yahagaritswe muri Nzeri 2020.

Nyuma y’umuhango w’ihererekanya bubasha wabaye uyu munsi ku cyicaro cya Rayon Sports kiri Kimihurura, mu kiganiro n’itangazamakuru, Uwayezu Jean Fidele abajijwe niba gutizanya abakinnyi kwa APR FC na Rayon Sports bitazica uburyohe bwa ruhago nyarwanda cyane ku bafana, yavuze ko nta kibazo kirimo.

Yagize ati“Nibyo APR FC na Rayon Sports ni amakipe akomeye ahangana mu mupira w’amaguru, bakunze kwita abakeba n’ubwo ngewe ntabyemera kuko guhangana njye mbibona ukundi, rero kuba batizanya abakinnyi nta kibazo kibirimo.”

Kuba aya makipe asigaye afatwa nk’abakunzi bitewe n’imibanire yayo, yavuze ko nabyo nta kibazo kibirimo.

Ati“Kuba bakwitana Chr si ikibazo kuko uwo wita chr ni uko uba umwubaha.”

Ibi abitangaje nyuma y’uko iyi kipe ya Rayon Sports yongeye gutizwa ku nshuro ya 2 rutahizamu Sugira Ernest. Uyu musore mu mpera za 2019 nibwo Sugira Ernest yatijwe Rayon Sports, intizanyo yarangiye muri Kamena uyu mwaka yongera gutizwa undi mwaka.

Sugira Ernest yongeye gutizwa muri Rayon Sports

Twasuye ahubatse iyi nzu yahoze ari iya Kabuga Felicien, dore ko ubu itakibarizwa mu mitungo ye kuko mu gihe yari yaraburiwe irengero yatejwe cyamunara amafaranga avuyemo agashyirwa mu y’abashinzwe gucunga imitungo yasizwe na beneyo. Ni inzu nini cyane, umwuzukuru we twasanze atuye hafi aho akaba yaradutangarije ko ifite ibyumba bigera muri 20. Nta bantu ubu bayibamo, igice kimwe cy’igipangu cyarasenyutse, ku mbuga hameze ibyatsi twasanze binaziritsemo ihene. Ikindi gice mu rugo imbere hateye imyaka irimo ibirayi n’ibigori.

Hari ibyakunze kuvugwa ko iyi nzu ya Kabuga yabagamo icyumba kitakingurwaga ngo cyabagamo imbaraga zidasanzwe, gusa umwuzukuru we yabihakanye mu kiganiro twagiranye. Yavuze ko ari ibyo abantu bagenda babeshya. Ku rundi ruhande yavuze iby’uko ategereje niba sekuru azahamwa n’ibyaha, gusa yemera ko aterwa ipfunwe no kuba sekuru ashinjwa ibyaha bya Jenoside, kuburyo hari n’aho yagiye ajya agahisha ko amukomokaho.

Aha kandi hari umuturirwa muremure wa Nsanzumuhire, uwo akaba murumuna wa Kabuga Felicien witabye Imana mu myaka irenga gato 10 ishize. Mu rugo rwe haba umugore yasize n’umwana we w’umuhungu, aba bo imitungo yabo ntiyakozweho nk’uko babihamije mu kiganiro twagiranye.

IREBERE VIDEO Y’IYI NKURU YOSE HANO :

Ibijyanye n’imishahara y’abapolisi b’u Rwanda, turabishingira mu byemejwe n’Inama y’Abaminisitiri yateranye ku wa 14/10/2015, ubwo Perezida wa Repubulika yemezaga iteka rigena imishara y’abapolisi, iyi ikaba ari imishahara abapolisi batangiye guhabwa guhera mu kwezi kwa Nyakanga 2016. Iyo tubagezaho, ni imishahara mbumbe, iba itarakurwamo imisoro, ubwishingizi n’ibindi bibanza gukatwa ku mishahara.

Mu kubagezaho uko amapeti y’igipolisi cy’u Rwanda akurikirana, ibirango byayo n’umushahara wa buri mupolisi, turahera ku ipeti rito tugenda tuzamuka ku ipeti risumba ayandi :

• Ipeti rya mbere mu gipolisi rya Police Constable (PC), nta kirango rigira, bivuga ko umupolisi wese ugitangira mu ishuri ry’abapolisi bato, ahita atangirana iri peti. Umupolisi ufite iri peti, ahabwa umushahara mbumbe w’amafaranga y’u Rwanda 70,799 ku kwezi.

• Ipeti rya kabiri mu gipolisi, ni irya Corporal (CPL) rirangwa n’ikirango cy’inyuguti za V ebyeri. Umupolisi ufite iri peti, ahabwa umushahara mbumbe w’amafaranga y’u Rwanda 83,829 ku kwezi.

• Ipeti rya gatatu mu gipolisi cy’u Rwanda, ni irya Sergeant (SGT), rirangwa n’ikirango cy’inyuguti eshatu za V. Umupolisi ufite iri peti, ahabwa umushahara mbumbe w’amafaranga y’u Rwanda 96,877 ku kwezi.

• Ipeti rya kane mu gipolisi cy’u Rwanda, ni irya Senior Sergeant (SSGT), rirangwa n’ikirango cy’inyuguti eshatu za “V” hakajyaho n’akamenyetso kari mu ishusho y’umwashi. Umupolisi ufite iri peti, ahabwa umushahara mbumbe w’amafaranga y’u Rwanda 164,045 ku kwezi.

• Ipeti rya gatanu mu gipolisi, ni irya Chief Sergeant (CSGT) rirangwa n’ikirango cy’inuma izengurutswe n’uruziga rwanditsemo “Rwanda Police”, iri rikaba ari naryo peti rya nyuma mu bapolisi bato. Umupolisi ufite iri peti, ahabwa umushahara mbumbe w’amafaranga y’u Rwanda 213,130 ku kwezi.

• – Ipeti rya gatandatu ari naryo rya mbere mu cyiciro cy’abapolisi b’abofisiye (officers) ni irya Assistant Inspector (AIP) rirangwa n’ikirango cy’inyenyeri imwe, cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 264,399 ku kwezi.

• Ipeti rya karindwi ni irya Inspector (IP) rirangwa n’ikirango cy’inyenyeri ebyiri cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 323,804 ku kwezi.

• Ipeti rya munani ni irya Chief Inspector(CIP), rirangwa n’ikirango cy’inyenyeri eshatu cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 432,469 ku kwezi.

• Ipeti rya cyenda, ni irya Superintendent (SUPT) rirangwa n’ikirango gifite ishusho y’ikirangantego cy’igihugu, cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 559,406 ku kwezi.

• Ipeti rya cumi, ni irya Senior Superintendent (SSP) rirangwa n’ikirango cy’ikirangantego kiri kumwe n’inyenyeri imwe. Umupolisi ufite iri peti, ahabwa umushahara mbumbe w’amafaranga y’u Rwanda 671,288 ku kwezi.

• Ipeti rya cumi na rimwe, ni irya Chief Superintendent (CSP) rirangwa n’ikirango kirimo ikirangantego n’inyenyeri ebyiri. Umupolisi ufite iri peti, ahabwa umushahara mbumbe w’amafaranga y’u Rwanda 806,957 ku kwezi.

• Ipeti rya cumi na kabiri, ni irya Assistant Commissioner (ACP) rirangwa n’ikirango kigizwe n’ikirangantego cy’igihugu n’ishusho y’uruziga rufite umuzenguruko ukoze mu ihundo, hagati hakaba harimo imishyo ibiri isobekeranye. Umupolisi ufite iri peti, ahabwa umushahara mbumbe w’amafaranga y’u Rwanda 1,104,565 ku kwezi.

• Ipeti rya cumi na gatatu, ni irya Commissioner (CP), rirangwa n’ikirango kigizwe n’ikirangantego cy’igihugu, ishusho y’uruziga rufite umuzenguruko ukozwe mu ihundo, hagati hakaba harimo imishyo ibiri isobekeranye, hanyuma hagati y’ibi birango hakaba harimo inyenyeri imwe. Umupolisi ufite iri peti, ahabwa umushahara mbumbe w’amafaranga y’u Rwanda 1,146,739 ku kwezi.

• Ipeti rya cumi na kane, ni irya Deputy Commissioner General (DCGP), rirangwa n’ikirango kigizwe n’ikirangantego cy’igihugu, ishusho y’uruziga rufite umuzenguruko ukozwe mu ihundo, hagati hakaba harimo imishyo ibiri isobekeranye, hanyuma hagati y’ibi birango hakaba harimo inyenyeri ebyiri. Umupolisi ufite iri peti, ahabwa umushahara mbumbe w’amafaranga y’u Rwanda 1,329,839 ku kwezi.

• Ipeti rya cumi na gatanu ari naryo rya nyuma mu gipolisi cy’u Rwanda, ni irya Commissioner General (CGP). Iri rirangwa n’ikirango kirimo ikirangantego cy’igihugu, ishusho y’uruziga rurimo inuma ndetse n’ishusho y’uruziga rufite umuzenguruko ukozwe mu ihundo, hagati harimo imishyo ibiri isobekeranye. Umupolisi ufite iri peti, ahabwa umushahara mbumbe w’amafaranga y’u Rwanda 1,735,800 ku kwezi.

Icyitonderwa : Inspector General (IGP) na Deputy Inspector General (DIGP) si amapeti, ahubwo ni imyanya w’ubuyobozi bukuru bwa Polisi y’u Rwanda. Urugero, Inspector General (IGP) Emmanuel Gasana uyobora Polisi y’u Rwanda, afite ipeti rya nyuma mu gipolisi cy’u Rwanda, rya Commissioner General.

Ufite umwanya w’ubuyobozi bwa Polisi y’u Rwanda ari we Inspector General, ahemberwa uwo mwanya, akaba ahabwa umushahara mbumbe w’amafaranga y’u Rwanda 2,395,449 buri kwezi hanyuma n’abamwungirije ku buyobozi Deputy Inspector General bagahabwa umushahara mbumbe w’amafaranga y’u Rwanda 2,177,430 buri kwezi.

Ikindi ukwiye kumenya ku bijyanye n’ibirango by’amapeti y’igipolisi cy’u Rwanda, ni uko uretse ibirango byambarwa ku rutugu, guhera ku ipeti rya Chief Superintendent hatangira kwambarwa n’ibindi birango bakunda kwita ibirokoroko, byambarwa ku ikora ry’umwambaro wa Polisi.

SOMA INKURU BIJYANYE : – Sobanukirwa ibijyanye n’ibirango by’amapeti y’igisirikare cy’u Rwanda, ibyiciro byayo n’uko arutana