Webrwanda Backend

Category: Uncategorized

  • President Kagame calls on the army to always protect national sovereignty #rwanda #RwOT

    The President was on Thursday October 29, 2020 meeting with over 1000 Officer Cadets at Rwanda Military Academy in Gako.

    The Head of State urged the Officer Cadets to be ready mentally and physically to defend national interests at the highest level. 'We must build our capacity to defend our interests, our development; our people… do the best you can do. Do everything to the best level that you can, with precision and the way it should be done'.

    President Kagame reminded Officer Cadets that the rigorous training they undertake was to prepare them to handle challenging situations. 'It teaches you to be aware, to alert you that life is not as smooth as everyone wants'.

    The Officer Cadets who interacted with the President are in different intakes and faculties; Social and Military Sciences, Engineering, General Medicine, Mathematics, Biology, Chemistry, Physics as well as the one-year Officer Basic Training intake.

    The meeting of Officer Cadets with the President of the Republic and Commander-In-Chief of the RDF, the first of its kind at the Rwanda Military Academy, was also attended by the Minister of Defence, Major Gen Albert Murasira, Chief of Defence Staff, Gen Jean Bosco Kazura, Security Advisor to the President, Gen James Kabarebe, Service Chiefs and the RMA Gako Commandant, Maj Gen Innocent Kabandana.

    President Paul Kagame has called on Officer Cadets at Rwanda Military Academy in Gako to always be prepared to safeguard f the sovereignty of the country.

    The President was meeting with over 1000 Officer Cadets at Rwanda Military Academy in Gako.

    The meeting of Officer Cadets with the President of the Republic and Commander-In-Chief of the RDF was also attended by the Minister of Defence, Major Gen Albert Murasira

    President Kagame reminded Officer Cadets that the rigorous training they undertake was to prepare them to handle challenging situations.

    Nicole Kamanzi M.

    Source : https://en.igihe.com/news/article/president-kagame-calls-on-the-army-to-always-protect-national-sovereignty

  • Abana bane bavukana basanganywe umurambo wa mama wabo wari umaze umwaka wose yaritabye Imana #rwanda #RwOT

    Abana bane bavukana batuye mu mujyi wa Nashville, basanganywe umurambo wa nyina ubabyara wari umaze umwaka yaritabye Imana.

    Umubyeyi witwa  Laronda, ufite abana bane bakuru, ku munsi w'ejo nibwo umurambo we wasanzwe iwe uzingiye mu myenda uri ahantu munsi y'indi myenda myinshi. Aba bana bane b'uyu mubyeyi babajijwe igihe gishize nyina apfuye, basubiza ko amaze umwaka wose apfuye.

    Abashinzwe umutekano muri uriya mujyi bafashe uwo mubyeyi bamujyana kwa muganga, abaganga bamukoreye isuzuma basanga uwo mubyeyi yari amaze umwaka koko apfuye kandi ngo yari yarishwe n'uburwayi bw'umutima.

    Abo bana ariko bose uko ari bane bari bajyanywe kuri polisi ngo basobanure impamvu bahishiriye ko nyina ubabyara yapfuye, ndetse ntibanamushyingure ahubwo bagakomeza kumugumisha mu nzu.

    Abana nyuma yo kubazwa gutyo birinze gutangaza byinshi cyane, ariko bavuze gusa ko bari barasezeranye na mama wabo ko atazabasiga.

    Abana mu magambo make cyane, bavuze ko bakundaga nyina cyane ngo akaba ariyo mpamvu babonye ashizemo umwuka bagahitamo kumubika hafi yabo kugira ngo basi bumve ko bakiri kumwe.

    Aba bana babajijwe niba nta kibazo byabateye kuba bamara umwaka wose bafite umurambo mu nzu. Aba bana basobanuye ko nta kibazo bibatwaye ngo kuko bajyaga gushaka imiti yo kumutera kugira ngo atabora.

    Aba bana kandi babajijwe niba nta bantu bajyaga bababaza amakuru ya mama wabo, aba bana basubije ko umuntu wese wababaza mama wabo bamubwiraga ko asigaye afite akazi kenshi, ari nayo mpamvu ituma atakiboneka.

    Ku ruhande rw'umuryango w'uwo mubyeyi babajijwe impamvu batitaye ku bana kugeza ubwo umwaka wose ushira batazi ko uwo mubyeyi yapfuye, umuryango w'uwo mubyeyi wavuze ko n'ubundi uwo mubyeyi atakundaga kuboneka ariko banavuga ko ngo abana bajyaga bavuga ko umubyeyi wabo ameze neza ahubwo asigaye afite akazi kenshi ngo ari nayo mpamvu yakuyeho telefoni.

    Abana ariko batakambiye aba polisi babasaba ko rwose babasubiza nyina, ngo kuko bishimiye cyane kuba bakiri kumwe ngo n'ubwo yashizemo umwuka. Ariko aba polisi bahamagaje imiryango y'uwo nyakwigendera, ajyanwa gushyingurwa mu cyubahiro.

    Aba bana batakambiye aba polisi babasaba ko babasubiza nyina wabo

    Source : https://impanuro.rw/2020/10/30/abana-bane-bavukana-basanganywe-umurambo-wa-mama-wabo-wari-umaze-umwaka-wose-yaritabye-imana/

  • Abayobozi berekeje i Nyagatare mu mihigo (Amafoto + Video) #Rwanda #RwOT via @kigalitoday #rwanda #RwOT

    Muri ako Karere ni ho hagiye kubera igikorwa cyo gusinyana imihigo na Perezida Kagame, igikorwa cyari kimaze igihe gitegerejwe na benshi.

    Reba mu mafoto uko byari byifashe ubwo bahagurukaga

    Kureba andi mafoto menshi, kanda HANO

    Reba Video igaragaza uko bahagurutse i Kigali

    Amafoto: Plaisir Muzogeye

    Video: Richard Kwizera

    source https://www.kigalitoday.com/amakuru/amakuru-mu-rwanda/Abayobozi-berekeje-i-Nyagatare-mu-mihigo-Amafoto-Video

  • New Zealand : Abaturage Batoye bemeza gufasha gupfa abarembye cyane bageze kure #rwanda #RwOT

    Abaturage ba New Zealand/ Nouvelle Zelande batoye ku bwiganze bemera itegeko ry'igikorwa cya euthanasia, impirimbanyi zabyo zabyise 'intsinzi ku bumuntu'.

    Itegeko ryo kwemera kurangiza ubuzima ku barembye cyane ryari rishyigikiwe na minisitiri w'intebe Jacinda Ardern ndetse n'ukuriye abatavuga rumwe n'ubutegetsi Judith Collins.

    Ibyavuye muri referandum kuri iki byerekana ko 65% bemeye ko umushinga w'itegeko ryo kurangiza ubuzima ku bushake uhinduka itegeko rishya.

    Ibi bizemerera abantu barembye bikomeye, abaganga bemeje ko basigaranye igihe kitarenze amezi atandatu yo kubaho, guhitamo gufashwa gupfa

    Biteganyijwe ko iri tegeko rizemezwa tariki 06 z'ukwezi gutaha kwa 11 ariko rigatangira gushyirwa mu bikorwa mu kwezi kwa 11/2021.

    New Zealand yinjiye mu itsinda ry'ibihugu bicyeya ku isi bifite itegeko nk'iri.

    Euthanasia yemewe n'amategeko mu Bubiligi, Canada, Colombia, Luxembourg n'Ubuholandi, mu gihe gufasha umuntu kwiyahura byo byemewe mu Busuwisi.

    Euthanasia ni igikorwa cyo gufasha gupfa umuntu urembye ubishaka, naho gufasha kwiyahura ni ugufasha umuntu ushaka urupfu ku mpamvu ze.

    New Zealand abaturage Batoye bemeza gufasha gupfa abarembye cyane bageze kure

    Source : https://impanuro.rw/2020/10/30/new-zealand-abaturage-batoye-bemeza-gufasha-gupfa-abarembye-cyane-bageze-kure/

  • Kamonyi: Ubucukuzi bw'amabuye y'agaciro mu cyuho cya Coronavirus #rwanda #RwOT

    Bamwe mu bacukura amabuye y'agaciro bari inyuma mu kubahiriza ingamba zo kwirinda icyorezo cya Coronavirus cyugarije isi n'u Rwanda by'umwihariko. Abakozi nta kumva uburemere bw'icyorezo, Abakoresha babo cyangwa se ba nyiri ibirombe bikurwamo ubu bukungu ntibitaye ku buzima bw'ababinjiriza akayabo. Ishyirahamwe ribahuza naryo rivuga ko hari ibyo ridafitiye ububasha.

    Baba abacukura mu birombe, baba bene byo, bose baturuka mu muryango Nyarwanda n'abaturarwanda muri rusange, aho uyu munsi hari ingamba zitandukanye zo kwirinda icyorezo cya Coronavirus cyugarije Isi n'u Rwanda by'umwihariko.

    Bamwe mu bacukuzi bagera aho bakorera imirimo yabo nta gapfukamunwa, bakavuga ko baba bakibagiwe abandi nabo bakavuga ko no mu busanzwe bumva nta mpamvu yako kuko bihorera mu bucukuzi, aho baba bibereye mu ndani( mu myobo ) bacukuramo ubu butunzi, ko rero byanabagora kukambara mu bitaka n'ibyondo.

    Nk'aho agapfukamunwa katabareba

    Twagirayezu Valens, akorera ubucukuzi mu kirombe kimwe mu bibarizwa mu Murenge wa Rukoma. Mu bakozi 30 bacukura nawe arimo.Nta numwe wambaye agapfukamunwa, yewe nta numwe wakazanye. Kubwe yagize ati' Agapfukamunwa n'ibi twirirwamo mbona bitugora, gusa nakibagiwe'. Akomeza avuga ko icyorezo cya Coronavirus acyumva ariko ko atari azi ko yajyana agapfukamunwa mu ndani kuko yumvaga bidakenewe.

    Twagiramungu Pacifique, nawe ni umwe mubacukura amabuye. Avuga ko azi ko icyorezo kiriho, cyugarije Isi n'u Rwanda ariko ko nabo birinda. Abajijwe impamvu nta gapfukamunwa Yagize ati ' Ubundi ubu twari mu kiruhuko, ariko tuba tudufite ni uko twari tutwibagiweho gatoya'.

    Mu kuvuga ibi, Twagirayezu byari nko kujijisha kuko abajijwe kujya ku kazana yararuciye ararumira nyuma yemera ko aba yavuye mu rugo ntako yitwaje, ubundi ati umuntu arakibagirwa. Ati' Nyine umuntu ava mu rugo butaracya atekereza ku kazi yagera hano agasanga yagasize. Ntabwo wakwica akazi ngo usubiye ku kazana'.

    Uyu mukozi si ukwibeshyera gusa kuko avuga ko na Kampani ibakoresha iyo bakibagiwe ibaha utwayo nyamara birangira bigaragaye ko no muri Kampani ntatwo baba bafite nkuko yabivugaga.
    Yamuremye Vedaste umucukuzi, hasi mu kirombe nta gapfukamunwa, yagize ati' Icyorezo cya Covid-19 ndacyumva, sinzi uko cyandura, sinzi n'ibimenyetso, no kukirinda byangora'. Nyuma y'ikiganiro kirekire, Yamuremye avuga ko atazongera gusiga agapfukamunwa.

    Uwimana Yvone, umutekenisiye akaba umunsi ku wundi ahacukurwa amabuye y'agaciro ni umwe gusa mu bakozi basaga 30 wari wambaye agapfukamunwa. Afite site akurikirana zirenze imwe zikorerwamo ubucukuzi. Avuga ko mu busanzwe hari ingamba zo kwirinda icyorezo cya Covid-19 bafashe zirimo kugabanya abakozi, aho bakoreshaga abasaga 70 avuga ko nibura bakoresha abatarenga 30.

    Kuba mu bakozi 30 ari we wenyine ufite agapfukamunwa, yavuze ko ubundi baba badufite. Abajijwe impamvu uwo munsi nta numwe ugafite, yemwe na kampuni bavugaga ko ibatiza ikaba itabatije, yaryumyeho nyuma yemera ko koko hari ubwo badusiga mu rugo ariko ko baba babakanguriye buri munsi kutugira ariko bikarangira bidakozwe.

    Ati' Tubakangurira buri munsi. Uyu munsi ashobora ku kazana kubera ko kamushyuhiye, wagaruka ugasanga yagasize'. Akomeza yemera ko kutubahiriza ingamba zo kwirinda bigira ingaruka nyinshi kuri buri wese harimo kuba yakwandura cyangwa se akanduza abandi, ariko ngo kwigisha ni uguhozaho. Agapfukamunwa ntabwo bakabuze, baradufite ahubwo baradusiga, imyumvire yabo niyo ikiri hasi'. Gusa nawe abona ingaruka ibyo byateza.

    Ati' Ingaruka zishobora kuba ni nyinshi, abakozi baza baje gushakisha imibereho, bakayibona ariko kampani nayo ikabona umusaruro igatera imbere. Umukozi niba atirinze n'abandi bose bakwandura, akanduza abavandimwe be, icyorezo aho kugira ngo tugikumire kigakomeza kigakwira u Rwanda rwacu ndetse n'Isi muri rusanjye'.

    Ukutagenzura iyubahirizwa ry'amabwiriza

    Ubuyobozi bw'ishyirahamwe ry'abacukuzi b'amabuye y'agaciro (RMA) buvuga ko nta bubasha bwo gukora igenzura bafite, ko biri mu maboko y'ikigo cya Leta gifite mu nshingano ubucukuzi bw'amabuye y'agaciro (RMB).

    Butera Frank, Umunyamabanga Nshingwabikorwa w'ishyirahamwe ry'abacukuzi, avuga ko abacukuzi batagira ubwirinzi ari amakosa yabo kuko ngo ikigo cya leta gishinzwe Mine, Peterori na Gaz cyasohoye amabwiriza agomba gukurikizwa mu gihe cya Coronavirus ubwo ubucukuzi bwakomorerwaga bukongera gukora.

    Agira ati' Abadafite ingamba z'ubwirinzi ni amakosa yabo kuko amabwiriza yarasohotse ashingiye ku myanzuro y'inama y'abaminisitiri yakomoreraga ubucukuzi gusubukura ibikorwa. Babwiye Kampuni zose ko zigomba kuba zifite; Udupfukamunwa, za kandagira ukarabe, ibikoresho bifashisha bapima abantu ibijyanye n'ikigero cy'ubushyuhe, kwandika abantu, gukoresha 50 by'abakozi basanzwe bakora, n'ibindi'.

    Butera avuga ko nk'ishyirahamwe nta bugenzuzi bakora. Ati' Twebwe nta inspection-ubugenzuzi dukora. Bukorwa na RMB n'uturere bareba ko usibye n'ibyo bya Covid, bubahiriza n'andi mabwiriza yose baba babahaye. Turimo gusaba ko muri izo inspection/ubugenzuzi bukorwa natwe twashyirwamo kuko hari byinshi tutamenya ngo tubashe kugira ibyo dufasha gukosora. Twari twarabisabye bakatubwira ko inspection ari iya Leta, ariko bigeze aho bagiye kutwemerera ku buryo umwaka utaha mu bugenzuzi natwe tuzaba dufitemo abantu'.

    Ntawe amabwiriza yo kwirinda Covid-19 atareba

    Gatare Francis, Umuyobozi mukuru-CEO wa RMB, Ikigo cy'igihugu gifite ubucukuzi mu nshingano zacyo yabwiye intyoza ko uretse n'amabwiriza ya Corona asabwa buri wese kubahiriza, ko abacukuzi nubundi basanzwe bafite amabwiriza abategeka uko Bambara n'uko bitwara mu gihe bari mu bikorwa by'ubucukuzi.

    Agira ati' Hari amabwiriza y'ubwoko butatu, kandi dukora ubugenzuzi kureba ko hose yubahirizwa, aho dusanze batayubahiriza bafatirwa ibyemezo ndetse hakavamo no guhagarikwa by'agateganyo kugeza igihe bayubahirije'.

    Amabwiriza ya mbere avuga ko ajyanye n'ubucukuzi muri rusange na mbere ya Covid. Ko habaho imyambaro iranga abagiye mubucukuzi ibafasha kwirinda impanuka cyangwa se ubukana bw'impanuka iyo yabaye. Harimo imyambaro n'ingofero ziriya zikomeye z'akazi, harimo agapfukamunwa gasanzwe n'ubundi ko mu kazi kabarinda guhumeka imyuka mibi cyangwa se ivumbi, harimo inkweto zikomeye zibarinda iyo ikintu gikomeye nk'ibuye kiguye kugira ngo kitabamerera nabi, harimo imyambaro y'amasarubeti iranga aho bakorera buri wese agomba kuba yambaye, ibyo nibyo by'ibanze biranga umucukuzi iyo tugiye kumureba aho ari.

    Akomeza avuga ko mu gihe cya Covid Minisiteri yongeyeho amabwiriza yayo areba buri munyarwanda wese, ayo ngayo asabwa kubahirizwa igihe bose bahabwaga kongera gusubukura imirimo. Ikindi ni uko habayeho amabwiriza yihariye, yacu yatanzwe n'ikigo gishinzwe kuyobora Mine, Peterori na Gaz, yinyongera harimo nko gutanga aho abantu bakarabira, gukora batandukanye, kugabanya abakozi, n'ibindi. Aho ibi byose bitari bivuga ko bakora ibitandukanye n'amabwiriza bahawe'.

    Kukijyanye by'umwihariko n'agapfukamunwa, Gatare ashimangira ati ' Bagomba kuba bagafite by'umwuga ntabwo ari ibya Covid'.

    Umwe mu bantu bafite ibirombe uzwi ku izina rya Kinyogote, abajijwe n'umunyamakuru impamvu abakozi mu bucukuzi batubahiriza amabwiriza yashyizweho mu kwirinda Coronavirus yagize ati' Ingamba zo zirahari ahubwo ubwo ngira ngo ni uko batabasha kwisobanura neza'.

    Imvugo y'uyu munyabirombe itandukanye n'ibigaragara ahakorerwa ubucukuzi kuko avuga ko basaba abakozi kuva mu ngo bafite udupfukamunwa twabo bwite, bagera mu kazi bakabahindurira, bakabaha utwo bakoresha rimwe, nyamara siko biri. Gusa avuga ko ubwo umunyamakuru yageraga ahakorerwa ubucukuzi twari twashize.

    Umwe mu baturage mu Murenge wa Rukoma wegereye ahakorerwa ubucukuzi avuga ko kuba abanyabirombe batambara udupfukamunwa cyangwa se ngo bagire ubundi bwirinzi ari ikibazo gishobora kubakururira ibyago ubwabo ariko n'abaturage muri rusange bahura nabo kuko iyo bava cyangwa se bajya aho bakorera bahura n'abaturage, basuhuzanya, basangira cyangwa se bahahira muri butiki hirya no hino.

    Uretse kandi na Covid19, aho birirwa, mu nda y'isi naho bahahurira n'imyuka myinshi ishobora kubatera indwara zidakira mu minsi iri imbere. Hambere aha, bamwe mu bacukuzi bo muri Gakenke , na Bugesera bavugaga ko uko kutirinda gutuma banduriramo indwara ya silicose (soma silikoze) ifata imyanya y'ubuhumekero, ndetse bamwe mu bagore bakaba baravugaga ko yabahitaniye abagabo.

    Tariki 14 Werurwe 2020 nibwo mu Rwanda hatangajwe umuntu wa mbere wanduye icyorezo cya Coronavirus. Kuva icyo gihe, Leta yagiye ifata ingamba zitandukanye zo guhangana no kwirinda icyorezo. Muri izo ngamba zafashwe ni uko; buri muntu agomba kwambara agapfukamunwa gapfutse umunwa n'amazuru neza, gushyira intera nibura ya metero hagati y'umuntu n'undi, Gukaraba amazi meza n'isabune.

    Iyi nkuru yakozwe ku bufatanye na Paxpress(Umuryango w'Abanyamakuru baharanira amahoro).

    Munyaneza Theogene / intyoza.com

    Source : http://www.intyoza.com/kamonyi-ubucukuzi-bwamabuye-yagaciro-mu-cyuho-cya-coronavirus/

  • Abayobozi berekeje i Nyagatare mu mihigo (Amafoto) #Rwanda #RwOT via @kigalitoday #rwanda #RwOT

    Muri ako Karere ni ho hagiye kubera igikorwa cyo gusinyana imihigo na Perezida Kagame, igikorwa cyari kimaze igihe gitegerejwe na benshi.

    Reba mu mafoto uko byari byifashe ubwo bahagurukaga

    Kureba andi mafoto menshi, kanda HANO

    source https://www.kigalitoday.com/amakuru/amakuru-mu-rwanda/article/abayobozi-berekeje-i-nyagatare-mu-mihigo-amafoto

  • Salomon Nirisarike wanduye #COVID19 ntazakina imikino ibiri ya Cap-Vert #Rwanda #RwOT via @kigalitoday #rwanda #RwOT

    Mu gihe ikipe y’igihugu y’u Rwanda ikomeje imyitozo yo gutegura imikino ibiri bazahuramo na Cap-Vert, abakinnyi bamwe bakina hanze barimo Meddie Kagere na Rwatubyaye Abdul bamaze kugera mu Rwanda, mu gihe hari abo biteganyijwe ko bazahurira muri Cap-Vert.

    Salomon Nirisarike ntazakina imikino ibiri ya Cap-Vert
    Salomon Nirisarike ntazakina imikino ibiri ya Cap-Vert

    Gusa kuri myugariro Salomon Nirisarike usanzwe ukina mu ikipe ya FC PYUNIK yo muri Armenia, ntakitabiriye uyu mukino kuko amakuru atugeraho ari uko yanduye icyorezo cya Coronavirus, akazamara ibyumweru bibiri mu kato.

    Ibi biraza gutuma imikino ibiri Amavubi afite na Cap-Vert, aho uwa mbere uzabera hanze tariki 11/11/2020, naho uwo kwishyura ukazahita ubera I Kigali tariki 17/11/2020, atazabasha kuwitabira kugeza ubu.


    source https://www.kigalitoday.com/imikino-11/football/article/salomon-nirisarike-wanduye-covid19-ntazakina-imikino-ibiri-ya-cap-vert

  • The Power Ministries yasohoye indirimbo nshya ‘Igitambo’ igaragaramo abanyempano batangaje-VIDEO #rwanda #RwOT

    The Power Ministries yamamaye cyane mu ndirimbo ‘Super power’ yamaze gushyira hanze indirimbo nshya ‘Igitambo’ irimo ubutumwa bwihariye buhumuriza abantu muri iki gihe Isi yugarijwe na Covid-19, bukabibutsa ko ibyari amarira Yesu yabihinduye ibitwenge.

    Iyi ndirimbo ‘Igitambo’ mu buryo bw’amajwi yakozwe na Producer Nic Mucyo naho amashusho yayo afatwa ndetse atunganywa na Producer Eliel Sano nyiri Eliel Filmz. Ni imwe mu ndirimbo ziri kuri album ya kabiri ya The Power Ministries izasohoka umwaka utaha wa 2021, ubu aba baririmbyi bakaba bamaze gukora indirimbo 3 kuri iyo album ari zo; ‘Yaratsinze’, ‘Umwami naganze’ na ‘Igitambo’.

    Iyi ndirimbo bamaze gushyira hanze, ‘Igitambo’ yagaragayemo abanyempano batangaje bafite amajwi meza aryoheye amatwi, barimo utangira atera iyi ndirimbo ari we Ndacyayisenga Esther wiga mu ishuri rya muzika rya Nyundo, Sandrine Niwemuhoza wambaye ikanzu y’umweru bakunze kuvuga ko aririmba nk’umuhanzikazi Gikundiro Rehema, akaba ari we ukurikiraho mu gutera indirimbo, na Diane Uwera bamwe bari kuvuga ko aririmba neza nka Gerardine Muhindo.

    Uwera Diane watunguranye muri iyi ndirimbo ‘Igitambo’, agaragara aririmba agace ka nyuma k’iyi ndirimbo ati 'Yampinduriye izina, kandi ampa n’agaciro, nibereye uwe, kandi anyobora iteka'. Bamwe mu bumvise ijwi rye muri iyi ndirimbo, bavuze ko aririmba nka Gerardine Muhindo umuhanzikazi wakanyujijeho mu muziki wa Gospel mu Rwanda ariko nyuma yo kujya ku mugabane wa Amerika akaba yaracogoye.

    The Power Ministries basohoye indirimbo nshya ‘Igitambo’

    Mu kiganiro na InyaRwanda.com, Maurice Ndatabaye, Perezida wa The Power Ministries yadutangarije ko bakoze iyi ndirimbo bashaka kubwira abantu ko yacunguye abari mu Isi kugira ngo bave mu byaha. Ati “Mu ndirimbo nshya 'Igitambo' ubutumwa bw’ingenzi twashakaga gutanga ni uko Yesu yatanze igitambo rimwe atwitangiye kugira ngo tuve mu byaha. Kera batambaga amaraso y’amapfizi n’ayihene ariko ntiyakuraho ibyaha, ariko Yesu yamennye amaraso ye aba igitambo cy’iteka ryose”.

    Ndatabaye yakomeje adusobanurira aho bakuye igitekerezo cyo gukora iyi ndirimbo. Yavuze ko basanze bakwiriye kwibutsa abantu igitambo Yesu Kristo yatanze mu bugingo bwabo n’agaciro bahawe. Yagize ati “Igitekerezo cyo gukora indirimbo, tureba mu ndirimbo dufite tukareba ubutumwa dushaka gutanga muri ibi bihe, dusanga abantu dukwiriye kubibutsa igitambo Yesu yatanze mu bugingo bwacu ndetse n’agaciro twahawe ndetse duhindurirwa Izina ryo kwitwa abana b’Imana”.

    Yunzemo ati “Ubutumwa bwihariye dutanga muri iki gihe ni uko ibyari amarira Yesu yabihinduye ibitwenge, ubu twemwerewe kwinjira ahera. Rero muri iki gihe hari ibihinyuza byinshi turababwira ko Yesu yaduhinduriye izina kandi aduha n’agaciro twibereye uw’iwe kandi atuyobora iteka”. Yashimiye buri wese ukomeje gushyigikira The Power Ministries, ati “Turashimira abadushyigikira, abadusengera, abatuba hafi abadukunda, bose Imana ibahe umugisha”.

    REBA HANO ‘IGITAMBO’ INDIRIMBO NSHYA YA THE POWER MINISTRIES

    Source: Inyarwanda.com

    [email protected]

    Source : https://agakiza.org/The-Power-Ministries-yasohoye-indirimbo-nshya-Igitambo-igaragaramo-abanyempano.html

  • Imyifatire muri RDF ni kimwe mu by’ingenzi tugenderaho – Perezida Kagame #Rwanda #RwOT via @kigalitoday #rwanda #RwOT

    Perezida Kagame yibukije ko imyitwarire ari ingenzi mu Gisirikare cy
    Perezida Kagame yibukije ko imyitwarire ari ingenzi mu Gisirikare cy’u Rwanda

    Ibyo Perezida Kagame yabivuze ku wa Kane tariki 29 Ukwakira 2020, ubwo yasuraga abo bitegura kuba ba Ofisiye, ari kumwe n’Umugaba Mukuru w’Ingabo z’u Rwanda, Gen. Jean Bosco Kazura, Minisitiri w’Ingabo Maj Gen Murasira Albert hamwe n’Umujyanama wa Perezida wa Repubulika mu by’umutekano, Gen Kabarebe James.

    Perezida Kagame yababwiye ko u Rwanda rufite umwihariko wo kuba rufite intego nziza, ndetse zitangana n’amikoro igihugu gifite, ariko ko mu muco w’Abanyarwanda hakaba harimo gukora byinshi birenze amikoro.

    Umukuru w’Igihugu yavuze ko ibi bisaba uburyo, ubushobozi, ubwitange, gukorera hamwe ndetse bikabamo n’imyifatire myiza.

    Perezida Kagame yibukije aba bitegura kuba ba Ofisiye ko mu Gisirikare cy’u Rwanda, kurangwa n’imyifatire myiza biri mu by’ibanze.

    Perezida Kagame yari yambaye impuzankano ya gisirikare
    Perezida Kagame yari yambaye impuzankano ya gisirikare

    Ati “Imyifatire (discipline) muri RDF, ni kimwe mu by’ingenzi tugenderaho. Imyifatire itarimo ruswa, itarimo ubusinzi, itarimo ubugambanyi, irimo kureba mugenzi wawe mufatanyije umwuga, kureba umuturage, ukumva ko buri umwe akorera undi. Ibyo ni ibijyanye n’imyimvire y’impamvu abantu baba bari mu ngabo”.

    Perezida Kagame kandi yasabye aba bitegura kuba ba Ofisiye kurushaho gukora cyane no kwitangira abaturage. Yavuze ko Ingabo z’u Rwanda zifite amateka yihariye, aho zifatanyije kandi zigafatanya n’abaturage kugira ngo igihugu cy’u Rwanda kigere aho kimaze kugera.

    Perezida kagame yabibukije ko ibihe isi irimo ubu, bisaba abantu kubanza kwimenya mbere yo kugira ngo bafatanye n’abandi.

    Ati “Ubu rero turi mu bihe mu karere, mu isi, aho ibintu bisaba abantu mu gice barimo, bidusaba twebwe nk’Abanyarwanda, icyo nakwita kwimenya, ukamenya ibyawe, ukabirinda, ukabigwiza, ukabikuza, hanyuma igikurikiraho ni ubufatanye. Gufatanya n’ibindi bihugu, buri wese akabigiramo inyungu, ni byo byiza, ni byo byifuzwa”.

    Yakomeje agira ati “Ariko hashobora gukurikiraho n’ibindi, abantu batabona icyiza mu bufatanye, bashobora noneho kwifuza gusenya ibyawe wubaka cyangwa wubatse, cyangwa se kugusenya wowe ubwawe. Aho rero ni ho mvuga ngo kwimenya. Ndabivuga mu buryo bwo kubaka ubushobozi,… Ntabwo tubeshwaho n’uko hari udukunze, hari udushaka, hari utwifuriza ineza, oya! Tubeshwaho n’uko ari uburenganzira bwacu”.

    Ishuri rya Gisirikare rya Gako ritanga amahugurwa y’ibyiciro bitatu. Hari ababa barangije kaminuza bahabwa amahugurwa y’umwaka umwe, abarangije kamunuza bafite ubumenyi bwihariye bukenewe mu Ngabo z’u Rwanda bo bahabwa amahugurwa y’amezi atandatu, hamwe n’abahabwa amasomo y’igihe kirekire mu mashami y’ubumenyi, ikoranabuhanga, ubumenyi bw’imibanire y’abantu n’ubumenyi bwa gisirikare, bo bakiga imyaka ine.

    source https://www.kigalitoday.com/amakuru/amakuru-mu-rwanda/article/imyifatire-muri-rdf-ni-kimwe-mu-by-ingenzi-tugenderaho-perezida-kagame

  • Ingabo za Sudani y'Epfo na Uganda zongeye kurwana hapfamo babiri #rwanda #RwOT

    Mu masaha y'umugoroba kuwa Mbere tariki 26 Ukwakira , Abasirikare babiri ba Sudani y'Epfo biciwe mu mirwano n'ingabo za Uganda ku mupaka wa Ngomoromo, nk'uko bivugwa n'uruhande rwa Uganda.

    Umuvugizi wungirije w'igisirikare cya Uganda Lt.Col Deo Akiiki yavuze ko imirwano yatangiye ubwo umusirikare wa Uganda yajyaga kureba ibivugwa n'abaturage ko abasirikare ba Sudani y'Epfo bafunze umuhanda mu buryo butemewe mu mupaka Ngomoromo.

    Yavuze ko abasirikare babiri ba Sudani y'Epfo baguye muri iyo mirwano, umwe agafatwa, bakanyaga n'imbunda eshatu.

    Umuvugizi w'igisirikare cya Sudani y'Epfo Maj Gen. Lul Rual Koang mu itangazo yasohoye yavuze ko abasirikare ba Uganda binjiye binyuranyije n'amategeko ku butaka bw'iki gihugu kandi bitwaje intwaro, avuga ko bateye ibiro by'umupaka wa Pogee mu ntara ya Magwi.

    Uruhande rwa Sudani y'epfo ntirwatangaje niba hari abishwe cyangwa abafatiwe muri iyo mirwano.

    Kenshi Uganda na Sudani y'Epfo byagiye bigira amakimbirane ashingiye ku mupaka mu majyaruguru ya Uganda.

    Aya makimbirane yagize ateza imirwano ya hato na hato hagati y'ingabo z'ibihugu byombi.

    Mu 2016, Umuryango w'ubumwe bwa Africa washyizeho itsinda ryo gushinga imbibi hagati y'ibi bihugu ariko imirimo yaryo yagiye ikererezwa n'ibibazo bya politiki n'umutekano muri Sudani y'Epfo.


    Ingabo za Sudani y'Epfo na Uganda zongeye kurwana hapfamo babiri

    Source : https://impanuro.rw/2020/10/30/ingabo-za-sudani-yepfo-na-uganda-zongeye-kurwana-hapfamo-babiri/