Category: Uncategorized

Iyi mpanuka yabaye mu masaha saa cyenda n'igice z'igicamunsi, kuri uyu wa 8 Mata 2025, mu Karere ka Huye, mu Murenge wa Mbazi, Akagari ka Tare, Umudugudu wa Kagarama, ku muhanda wa kaburimbo Huye-Nyamagabe ahitwa i Gashikiri.

Umuyobozi wa Volcano Express ishami rya Huye, Havugimana Emmanuel, yatangarije IGIHE ko iyo modoka yari iya saa cyenda z'igicamunsi yari ivuye muri gare ya Huye yerekeje mu Mujyi ya Nyamagabe.

Nyuma y'iminota mike ihagurutse, ubwo yageraga mu ikorosi ry'ahitwa i Gashikiri, ahantu hamanuka, iyi modoka ngo yananiwe kuringaniza umuduvuguko mu ikorosi, ihita itana, igonga ibyuma byo ku muhanda bitangira imodoka, ihita iribirinduka munsi yawo.

Umuvugizi wa Polisi y'u Rwanda, ishami rishinzwe umutekano wo mu muhanda, SP Emmanuel Kayigi, yabwiye IGIHE ko iyo mpanuka yatewe no kutaringaniza umuvuduko bitewe naho yari ageze mu ikorosi, aho yahise ihitana umushoferi wari uyitwaye, ikanakomeretsa abagenzi 22 barimo bane bakomeretse cyane.

Ati 'Abakomeretse bamwe bajyanwe ku Bitaro bya Kaminuza bya Butare (CHUB), abandi bajyanwa ku Bitaro bya Kabutare.''

SP Kayigi, yakomeje yibutsa abatwara ibinyabiziga kwitwararika birinda umuvuduko mwinshi, kubahiriza ibyapa byo ku muhanda no kwirinda gukorera ku jisho kuko biteza impanuka kandi akenshi ziba zikomeye.

Yabigarutseho ku wa 8 Mata 2025, mu gikorwa cyo Kwibuka ku nshuro ya 31 Jenoside yakorewe Abatutsi mu 1994, cyabereye mu Karere ka Musanze.

Minisitiri w'Intebe Dr. Ngirente n'abandi bitabiriye icyo gikorwa bunamiye Abatutsi biciwe mu yahoze ari Komine Mukingo baruhukiye mu Rwibutso rwa Busogo, yizeza abaturage baho ko Jenoside yakorewe Abatutsi itazongera ukundi.

Yavuze ko iyo abantu badashyize hamwe batabasha kurinda umutekano wabo, ariko ubu umuntu ava i Musanze akajya i Rusizi, cyangwa akava i Rusizi akajya Nyagatare atekanye kubera umutekano igihugu gikesha Perezida Paul Kagame.

Ati 'Ntabwo rero nava hano muri aka Karere ntagarutse kuri icyo kintu cy'umutekano w'Igihugu muri rusange, umutekano mu miryango, umutekano muri sosiyete, imibanire myiza hagati y'ingo n'abaturanyi. Tubane neza mu ngo, tubane neza muri sosiyete, turinde umutekano w'Igihugu. Umutekano dufite ntabwo twawurengwa. Kuwurengwa ni ukuvuga gutangira kuwutatira noneho umutekano ukangirika. Ibyo rero ndibaza ko twese tugomba kubyumva kimwe.'

Yavuze ko hari abantu n'ibihugu usanga bishaka kubiba amacakubiri mu Banyarwanda ariko hakwiye gufatwa ingamba zo kutazemera icyasubiza u Rwanda mu mateka mabi.

Ati 'Nta kintu tuzongera kwemera gihungabanya umutekano w'Igihugu, kandi nta n'ubwo tuzemera ikintu kidusubiza mu mateka mabi, ameze nka Jenoside yakorewe Abatutsi.'

Dr. Ngirente yasobanuye ko igihe cyo kwibuka Jenoside yakorewe Abatutsi ari n'umwanya mwiza wo kongera gushimira izahoze ari ingabo za FPR-Inkotanyi zayihagaritse.

Ati 'Ariko kuzishima bisobanuye no kuba natwe dukora ibyo dusabwa gukora kugira ngo dutunganye u Rwanda rwacu rw'ejo, ari byo navuze twirinda kuba hagira umuntu twemerera gusubira mu bikorwa bigana kuri Jenoside.'

Yasobanuye ko kwibuka ari umwanya wo kuzirikana amateka mabi igihugu cyanyuzemo 'turushaho gushimangira ubumwe bwacu nk'Abanyarwanda ndetse no gukumira no kurwanya indi ngengabitekerezo yose yatuma habaho gusubira mu mateka mabi twavuyemo.'

Dr. Ngirente yasabye urubyiruko guhangana n'ibintu byose by'ingengabitekezo mbi n'abayikwirakwiza bose.

Ati 'Tube urubyiruko rwiza, ariko kugira ngo tube urubyiruko rwiza, birasaba uruhare rw'ababyeyi. Ababyeyi twigisha iki abana bacu mu ngo? Tubigishe indangagiciro z'Umunyarwanda zimujyana kubana neza na mugenzi we.'

'Uruhare rw'ababyeyi rurakenewe cyane, kuva ku ruhare rw'ababyeyi, hakaba uruhare rw'abarimu mu mashuri, bikagera no ku ruhare dufite nka Leta natwe turarukora.'

Yashimangiye ko nibigenda gutya u Rwanda ruzaba igihugu gitekanye, kizira amacakubiri, kizira Jenoside.

Ibikorwa byo kwibuka ku nshuro ya 31 Jenoside yakorewe Abatutsi mu 1994, byatangiye ku wa 7 Mata, bikazamara iminsi 100.

Minisitiri w’Intebe Dr. Ngirente yunamiye Abatutsi biciwe muri komine Mukingo, yizeza abaturahe ko bitazongera

Inzego z’ubuyobozi zagiye kwifatanya n’abanyamusanze

Abaturage b’i Musanze basabwe gusigasira ubumwe

Urubyiruko rw’i Musanze rwasabye kurwanya ingengabitekerezo ya Jenoside

Minisitiri w’Intebe Dr. Ngirente yashimangiye ko umutekano igihugu gifite Abanyarwanda batagomba kuwurengwa

Ababyeyi basabwe kugira uruhare mu kwigisha abana amateka y’u Rwanda

Amafoto: Primature

CPA (Certified Public Accountant) ni impamyabushobozi ihabwa ababaruramari b'umwuga ku rwego rwisumbuye nko muri kaminuza aho kugira ngo uyihabwe bisaba kuba waratsinze amasomo 18 atangwa kandi ukayatsinda neza.

Ijyana n'indi izwi nka CAT (Certified Accounting Technician) yo ikaba ari iy'ababaruramari b'abatekinisiye ifatwa nk'iy'ibanze kuko igenewe abarangije amashuri yisumbuye aho uyihabwa bisaba kuba yaratsinze neza amasomo agera kuri 11 akigize.

Ibyo bizamini bya CPA na CAT hamwe n'ibindi bitandukanye by'imari bidatangirwa ku ishuri byiyongera ku mpamyabumenyi umuntu asanganywe bikamwongerera ubushobozi bwo gukora inshingano zisumbuye muri serivisi z'imari.

Amanota aheruka gutangazwa na ICPAR agaragaza ko mu bakoze ibizamini muri Gashyantare 2025 abatsindiye CPA bari 33% by'abari bakoze bose uko bari 953, naho muri CAT hatsinda 44% by'abitabiriye bose uko bari 39.

Biraro yabwiye IGIHE ko muri rusange ikizamini cya CPA na CAT no mu bindi bihugu abatsinda baba ari mbarwa kuko ari cyo gishyira umubaruramari w'umwuga gukora ku rwego mpuzamahanga.

Yagize ati 'Ugiye nko mu Bwongereza ushobora gusanga abatsindira CPA bari nko kuri 38% by'ababa bayikoreye. Ni ikizamini gitsinda n'umugabo kigasiba undi ariko uko gusa n'aho gikomeye bijyana n'ibyo abaha akazi ababaruramari b'umwuga baba babitezeho.'

Yavuze ko umwuga w'ibaruramari uwusanga mu nzego zose bigatuma gutsinda neza amasomo ajyanye na wo bisaba kubishyiramo umuhate cyane ari cyo gituma bamwe batsindwa ibizamini bitangwa.

Ati 'Ibaruramari ni umwuga ugira ingingo 41 z'ibintu bitandukanye ukoraho. Ni umwuga ugera mu buhinzi, ubwubatsi, ubuvuzi, ubworozi n'ibindi byose bihurira mu muntu umwe.'

Yavuze ko umuntu agomba kuba yarateguwe bihagije kugira ngo atsinde icyo kizamini kiba gikubiyemo ibintu byo mu nzego nyinshi, kuko aba agiye gukora akazi gakomeye aho nk'umushoramari winjiye mu Rwanda aba agomba gusanga umubaruramari uhari ari nk'uwo asize iwabo.

Biraro yavuze ko ICPAR yatangiye gukorana na za kaminuza n'inzego zishinzwe uburezi mu kuvugurura amasomo y'ibaruramari ku buryo abarangiza kuyiga baza ku isoko ry'umurimo bafite ubushobozi bwo gutsinda ibizamini bya CPA na CAT.

Kuva mu 2014 ICPAR yatangira gutanga ibyo bizamini byombi, aho muri CPA hamaze gutsinda abagera kuri 629 na ho muri CAT hamaze gutsinda abagera kuri 383 kandi ibizamini bitangwa inshuro eshatu buri mwaka.

Obadiah Biraro yasobanuye impamvu CPA ibona umugabo igasiba undi

Mu bigo byashinzwe uko iminsi igenda bigahindura ubuzima bwa benshi harimo n'icyitwa Martin Hardware LTD cyatangijwe na Niyitegeka Yves.

Ni ikigo cy'ubucuruzi cyatangiye mu 2012, cyibanda ku bikoresho by'ubwubatsi ariko nyuma kigenda cyagurira imirimo mu bwikorezi bwambukiranya imipaka, gusazura amapine n'ibindi bikorwa by'ubucuruzi bitandukanye.

Niyitegeka Yves w'imyaka 40 yabwiye IGIHE ko ikigo cye cyatangiye mu buryo bugoye yifashishije amafaranga yakuye mu nshuti.

Uyu mugabo yarangije amasomo y'ibaruramari n'icungamutungo mu 2012 ahita yinjira mu bushabitsi nk'umurimo w'umuryango.

Ati 'Ntabwo ari ibintu byizanye kuko mu muryango wacu ari abantu batekereza gucuruza no gukora ubushabitsi butandukanye ndetse ni na byo byatumye ntava muri icyo cyerekezo.''

Yavuze ko igishoro cya mbere bamwe badaha agaciro ari icyizere ugirirwa n'abantu kurusha gutekereza ku mubare w'amafaranga bazatangiza.

Ati 'Mu bucuruzi habamo ikintu cy'icyizere cyane n'ubunyamwuga. Ubwabyo uko wizerwa ni igishoro kinini udashobora kubona uko kingana, ubwabyo uko wizerwa uko abantu bakuzi ni igishoro kinini utabona uko kingana.'

Nyuma y'icyizere abantu baba basabwa kuba inyangamugayo kugira ngo abantu babagiriye icyizere batagitakaza.

Uko byari bimeze mu intangiro n'uyu munsi harimo impinduka zikomeye…

Niyitegeka yavuze ko yatangiye iki kigo akoresha umukozi umwe ariko uko imyaka yagiye igenda bintu byagiye bihinduka ku buryo mu myaka itatu hagaragaraga impinduka zikomeye.

Ati 'Mu bucuruzi iyo wagize ibibazo byinshi bijyanye n'akazi ni bwo ubona ko ibyo gukora biri kugenda bikura. Natangiye kubona ibibazo by'akazi maze imyaka itatu ntangiye. Mu 2015 ni bwo natangiye kubona impinduka, amafaranga ataraba menshi ariko mbona ko hari aho bigana.'

Mu 2016 yatangiye guhemba abantu benshi kurusha indi myaka yari amaze ndetse n'abamwizera bakomeza kwisukiranya umunsi ku wundi.

Kugeza ubu Martin Hardware LTD ifite abakozi barenga 300 bahembwa umushahara uhoraho, ba nyakabyizi barenga 150 ndetse n'abandi bakora indi mirimo ishamikiye ku byo baba bahaye abandi barenga 600.

Ashimira Leta y'u Rwanda, agaha urubyiruko umukoro

Uyu mugabo yavuze ko aho ageze uyu munsi ahashimira cyane Leta y'u Rwanda, kubera ko ifasha abaturage bayo mu buryo bwose bushoboka umunsi ku wundi.

Ati 'Ikintu cya mbere aho mpagaze uyu munsi nshimira Leta y'u Rwanda. Amahirwe mfite uyu munsi ntabwo wayabona mu kindi gihugu. Kubera ko ni Leta ikunda abaturage, yubaka imirimo kandi igatanga amahirwe ku bantu bose bitandukanye n'ahandi abantu babona cyangwa bibwira.'

Yakomeje ati 'Kuko abantu benshi bibwira ko ushobora kujya hanze ugakora ubucuruzi bw'akajagari ukazamuka ariko ibyo byose aho tugenda turabibona, tukabona n'ingorane zirimo. Nishimira kuba ndi Umunyarwanda, utuye mu Rwanda kandi ufite igihugu kinyitayeho kandi kikampa n'uburyo bwo gukora.'

Niyitegeka avuga ko afitanye ibibazo n'ibisekuru biri inyuma ye kuko benshi badashaka kwiga ikintu ahubwo bashaka amafaranga menshi kurusha ubumenyi bwafasha kuzihangira imirimo yabo cyangwa kuba akazi umuntu yaba afite gashobora kumuhesha akandi kubera gukorana umwete.

Ati 'Abakiri bato uramufata ugashaka kumuha umushahara wamubeshaho ushaka kugira ibyo umwigisha ku buryo mu gihe mwaba murangije gukorana abe yajya mu bye, ariko ugasanga ntafite inyota y'ubumenyi.'

Avuga ko ibintu byose biza hari aho biturutse kandi ko nta handi ari mu kazi umuntu aba yatangiriyeho.

Martin Hardware mu byo ikora harimo gutunganya ubwiherero bugezweho

Mu byo bakora harimo gutunganya amapine y’imodoka

Martin Hardware ikorera mu cyanya cyahariwe inganda i Masoro

Yavuze ko ubu bari guhabwa amahugurwa mu Kigo cya Mutobo kugira ngo bagaruke mu buzima busanzwe.

Yabigarutseho ubwo hatangizwaga icyumweru cy'icyunamo n'iminsi 100 yo kwibuka ku nshuro ya 31 Jenoside yakorewe Abatutsi, igikorwa cyabereye mu Murenge wa Bugeshi uhana imbibi n'iki gihugu kigicumbikiye umutwe w'iterabwoba wa FDLR ugizwe n'abasize bakoze Jenoside mu Rwanda.

Meya Mulindwa yabwiye IGIHE ko muri abo 60 bamaze kwakira, 44 bari baragiye muri Wazalendo, 14 bajya mu mutwe wa FDLR.

Ati 'Mu gihe Leta ya Congo yakomezaga gutegura ibitero yagaba ku Rwanda, hari abaturage bacu bake, yashukishije akazi n'amafaranga irabatwara, ibinjiza muri FDLR no muri Wazalendo.'

Meya Mulindwa yavuze ko ubukangurambaga bakoze mu babyeyi b'abo bana no mu bavandimwe, bwatanze umusaruro 'kuko tumaze kubona abagera kuri 60 bari kuza bizanye, kandi n'ababyeyi bagakomeza kutwizeza ko n'abataraboneka bazakomeza kubashishikariza kuza.'

Yavuze ko bakiriye n'Abanye-Congo bahoze mu ngabo z'icyo gihugu bahunze urugamba barimo 112 bahoze muri FARDC, 15 bahoze muri Wazalendo n'abapolisi babiri bacumbikiwe muri Muhira mu Murenge wa Rugerero.

Yongeye guhumuriza abarokotse Jenoside yakorewe Abatutsi abizeza ko Jenoside itazongera kuba ukundi mu Rwanda.

Umuyobozi w'Akarere ka Rubavu yaboneyeho kwibutsa abaturage ko guhitamo gukorana na Congo ihora irwanya u Rwanda nta nyungu bazabikuramo.

Perezida wa IBUKA mu Karere ka Rubavu, Mbarushimana Gerard, na we yakomoje ku babyeyi bo mu Karere ka Rubavu bafite abana muri FDLR na Wazalendo, abasaba ko babashishikariza gutaha bakaza bakubaka igihugu cyababyaye.

Mbarushimana yavuze ko ko Abanyarawanda bagifite urugamba rwo guhangana n'abapfobya bakanahakana Jenoside yakorewe Abatutsi, bakiri muri RDC no mu bihugu bitandukanye.

Ati 'Dufite Igihugu cyiza cyaturokoye kikongera kuduha ubuzima kandi twari twaragizwe ibivume, kwibuka ku nshuro ya 31 Jenoside yakorewe Abatutsi ni umwanya uduhuza n'abacu bishwe kuko ari nk'umwenda tubabereyemo.'

Yavuze ko ari inshingano za buri wese guhangana n'abagifite ingengabitekerezo ya Jenoside aho baba ari bose.

Yagagaragaje ko bibabaje kuba hari abaturage bakinangira ku gutanga amakuru y'ahakiri imibiri y'abazize Jenoside itarashyingurwa mu cyubahiro kuko abatanga amakuru bakiri bake abandi bagahitamo kwicecekera bagamije gusibanganya ibimenyetso.

Umuyobozi w'Akarere ka Rubavu, Mulindwa Prosper yahumurije abarokotse Jenoside yakorewe Abatutsi abibutsa ko itazongera ukundi mu Rwanda

Perezida wa IBUKA mu Karere ka Rubavu, Mbarushimana Gerard, avuga ko Abanyarwanda bagifite urugamba rwo guhangana n'abapfobya bakanahakana Jenoside yakorewe Abatutsi aho baba bari hose

Inzego zitandukanye zitabiriye Umunsi Mpuzamahanga Ngarukamwaka Isi yose yibukaho Jenoside yakorewe Abatutsi mu 1994, yahitanye abarenga miliyoni mu mezi atatu gusa. Byabereye mu Murenge wa Bugeshi

Abatuye Umurenge wa Bugeshi n’uwa Mudende bitabiriye igikorwa cyo kwibuka ku nshuro ya 31 Jenoside yakorewe Abatutsi mu 1994

Kuva muri Werurwe 2025, abategura igitaramo 'Solidarité Congo' cya Maître Gims bari bagaragaje ko bashaka gutamira mu Mujyi wa Paris mu Bufaransa, hagamijwe gushakisha ubufasha bwo gufasha abana bo muri Repubulika Iharanira Demokarasi ya Congo (RDC). 

Ariko Abanyarwanda banyuranye cyane cyane abatuye mu Bufaransa, bagaragaje ko iki gitaramo cyateguwe mu rwego rwo gupfobya Jenoside yakorewe Abatutsi, kuko cyari cyashyizwe ku munsi Mpuzamahanga wo kwibuka no kuzirikana Jenoside yakorewe Abatutsi mu 1994. 

Ibi byatumye bandikira inzego zinyuranye, kugeza ubwo ubuyobozi bw'Umujyi wa Paris bwamenyesheje abategura iki gitaramo gushaka indi tariki, bahitamo kuzakora iki gitaramo tariki 22 Mata 2025 mu nyubako ya Accor Arena muri Paris.

Mu kiganiro na InyaRwanda muri iki gihe u Rwanda n'inshuti bibuka ku nshuro ya 31 Jenoside yakorewe Abatutsi, Safi Madiba yavuze ko buri wese afite uruhare mu gukumira buri wese wagerageza gukoresha inzira zose mu guhakana Jenoside yakorewe Abatutsi.

Yavuze ko yakuze akunda ibihangano bya Maître Gims, ariko ko atishimiye imyitwarire ye ijyanye n'uburyo yashakaga gukora igitaramo ku munsi Mpuzamahanga wo Kwibuka Jenoside yakorewe Abatutsi.

Ati 'Ibyo yakoze bihabanye n'ukuri. Navuga ko ari amakosa gushyira igitaramo ku munsi wo Kwibuka abishwe muri Jenoside yakorewe Abatutsi. Navuga ko ari ibintu bibi cyane, ni amakosa mabi ntatinya no kuvuga ko umuntu atakwihanganira. Kuko kuri njye, biriya nabifashe nk'agashinyaguro.'

Akomeza ati 'Ntabwo nzi icyabimuteye. Niba ari ubumenyi bucye, niba ari ukudagira amakuru ahagije, ariko ni amakosa. Nibishoboka rwose.'

Uyu muhanzi yasabye ko ababishinzwe bakwiye kureba uburyo Maître Gims yakurikiranwa. Avuga ati 'Ababishinzwe bazamukurikirane. Kuko njyewe nkanjye ubwanjye imiziki ye ndayikunda ariko ntabwo nacyekaga ko ari umuntu wakora ibintu nka biriya, navuga ko nabigaye cyane. Ntabwo ari ibintu byari bikwiriye, ko yakora ibintu nkabiriya. Nizere ko nawe ahari, adatewe ishema n'ibyo yakoze.'

Ibitekerezo bya Safi Madiba byongeye gushimangira ko ibikorwa byo kwibuka Jenoside yakorewe Abatutsi bigomba kwitabwaho mu buryo bwimbitse, aho ubuhanzi n'ubukorikori bifatwa nk'ibikoresho byunganira gahunda yo kwiyubaka, aho kuyoboka gusa mu birori by'imyidagaduro.

Safi Madiba yatangaje ko Maître Gims yakoze amakosa akomeye kandi akwiye kuyaryozwa, ubwo yateguraga igitaramo akabihuza no gutangiza icyunamo

Ubutumwa bwa Safi Madiba mu kwibuka ku nshuro ya 31 Jenoside yakorewe Abatutsi mu 1994 

Maitre Gims aherutse gutangaza ko yavuye ku izima, igitaramo cye akimurira ku itariki ya 22 Mata 2025