Category: Uncategorized

Abaturage bavuga ko uyu muriro wadutse mu minsi ishize, ukaba umaze hafi icyumweru. Buri munsi, abaturage bagera kuri 200 bitabira ibikorwa byo kuwuzimya, ariko ukomeje kwiyongera.

Umuvugizi wa Polisi y'u Rwanda mu Ntara y'Amajyepfo, CIP Hassan Kamanzi, yabwiye IGIHE ko inkongi yatangiriye hagati mu ishyamba, nko mu bilometero birindwi uvuye ku nkengero za Pariki.

Yavuze ko aho umuriro watangiriye hatuma hakekwa ko waba warakomotse ku bikorwa bya muntu bitemewe bikorerwa muri Pariki. Inzego zitandukanye zikomeje gufatanya mu kuwuzimya.

Ati 'Ku bufatanye bw'abaturage, Ingabo, Polisi ndetse n'abakozi ba RDB, ibikorwa byo kuzimya birakomeje kandi hari icyizere cyo kuwuzimya.'

CIP Kamanzi yavuze ko kuba umuriro waratangiriye mu bilometero birindwi imbere mu ishyamba bishimangira ko hakiri abantu bavogera Pariki ya Nyungwe bagakoreramo ibikorwa bitemewe, bishobora kuba intandaro y'inkongi nk'izi.

Yatangaje ko iperereza ririmo gukorwa kugira ngo hamenyekane ababa baragize uruhare muri iki gikorwa, bashyikirizwe ubutabera.

Ati 'Kubona hari umuntu ugihirahira akinjira mu ishyamba rya Nyungwe rizwi nk'ibihaha by'igihugu, ni ibintu bidakwiye kwihanganirwa. Abazamenyekana ko babigizemo uruhare bazahanwa n'amategeko.'

Yibukije abaturage kwirinda ibikorwa byose bishobora guteza inkongi y'umuriro, kuko zigira ingaruka zirimo igihombo cy'umutungo, impfu no kwangirika kw'ibidukikije.

Akarere ka Nyaruguru gakora ku gice cya Pariki y'Igihugu ya Nyungwe mu Mirenge ya Kivu, Muganza, Nyabimata na Ruheru. Iyi nkongi yagaragaye mu gice giherereye mu Murenge wa Muganza.

Kabera avuga ko urwo rutoki rwatwitswe n'abantu bataramenyekana mu ijoro ryo ku wa Gatanu, tariki ya 28 Kanama 2026. Muri rwo harimo ibiti by'ikawa n'ibindi by'imbuto. Umuriro watangiye ahagana saa Sita z'ijoro, utwika igice cyarwo.

Umukozi we, Ndikubwimana Aloys, wari uryamye hafi y'urwo rutoki, ni we wabanje kubona ko rurimo gushya, ahita atangira kuzimya umuriro.

Yagize ati 'Nari ndyamye numva urutoki rushya. Ngezeyo nsanga ni ko biri, umuriro urimo uraka. Nahise ntangira kuwuzimya, nyuma nsubira aho mba mbwira umugore ngo ajye kubwira 'boss' ko urutoki rwahiye.'

Umugore wa Ndikubwimana yahise amenyesha Kabera ibyari bibaye. Na we yajyanye n'abaturanyi be gutabara no kuzimya umuriro.

Kabera yagize ati 'Hari ahagana saa Sita z'ijoro ubwo umugore w'uyu mugabo yazaga kutubwira ko urutoki rwahiye. Twarahageze dusanga we n'abana be bari kuzimya, natwe twihutira kubafasha. Twatandukanyije isaso n'ahari gushya, ku bw'amahirwe umuriro urazima.'

Kabera avuga ko iyi nkongi yamuhangayikishije cyane kuko atari ubwa mbere umutungo we wangizwa. Mu myaka yashize, abantu bataramenyekana ngo bigeze gutema igice cy'urutoki rwe. Ihene n'imbwa bye na byo byigeze kwicwa mu bihe bitandukanye.

Nyuma y'inkongi, Kabera yahise amenyesha inzego z'ibanze.

Yavuze ko yahamagaye Umuyobozi w'Umudugudu muri iryo joro, akagera aho byabereye. Yanashatse nimero y'Umunyamabanga Nshingwabikorwa w'Akagari, aramuhamagara, ariko kugeza igihe yatangaga amakuru yari ataramugeraho.

Ku bijyanye n'uwaba ari inyuma y'iki gikorwa, Kabera yavuze ko nta muntu akeka.

Ati 'Nk'umukozi w'Imana, gukeka ni icyaha. Nta muntu nkeka.'

Abaturanyi be bavuga ko ibyabaye bikwiye gukurikiranwa kugira ngo hamenyekane icyateye inkongi n'ababa barayigizemo uruhare.

Mukabarisa Belancilla yavuze ko ikibazo gikomeye kuko atari ubwa mbere umutungo wa Kabera wangizwa.

Ati 'Ni ibintu bikomeye kuko atari ubwa mbere. Hari igihe abantu bigeze kuza nijoro bagatemagura urutoki. Nibaza icyo baba bamuziza.'

Karangwa Ildephonse yavuze ko Kabera asanzwe abanye neza n'abaturanyi, bityo ko hakwiye kumenyekana inkomoko y'ibikorwa byo kwangiza umutungo we.

Yagize ati 'Kabera asanzwe abanye neza n'abaturanyi. Turifuza ko hakorwa iperereza kugira ngo hamenyekane aho ibi bikorwa bituruka, ababikora n'impamvu babikora.'

Kayombya Damascene na we yavuze ko Kabera arenganywa, asaba ko ikibazo gikurikiranwa hakiri kare.

Ati 'Hakwiye gukorwa iperereza kugira ngo hamenyekane ukuri mbere y'uko haba ikindi gikomeye, kuko ejo twazumva ko we cyangwa umwana we hari ikibi cyababayeho.'

Aba baturanyi bavuga ko bakeka ko ibi bikorwa bishobora kuba bishingiye ku ishyari, ariko bakemeza ko nta bimenyetso bafite bibihamya. Basaba ko iperereza ari ryo ryagaragaza ukuri.

Bavuga kandi ko hari hashize hafi ibyumweru bibiri ubuhunikiro bw'undi muturage na bwo butwitswe, umuriro ukagira ingaruka ku matungo yari hafi aho.

Bahuriza ku kuvuga ko ibi bikorwa bibahangayikishije, bakifuza ko inzego zibishinzwe zibikurikirana.

Umuyobozi w'Akarere ka Nyagatare, Kakooza Henry, yavuze ko ubuyobozi bwamenye iki kibazo kandi ko Umuyobozi w'Umudugudu yageze aho urutoki rwatwikiwe muri iryo joro.

Yasobanuye ko kumenya uwatwitse urutoki bishobora kugorana kuko Kabera nta muntu akeka.

Umuyobozi w'Umudugudu n'Umunyamabanga Nshingwabikorwa w'Akagari ngo bamubajije niba hari uwo akeka, abasubiza ko nta we.

Ati 'Iyo aba afite umuntu akeka, iperereza ryatangirira kuri uwo muntu, ariko kuba nta we akeka bituma kumenya uwakoze iki gikorwa bigorana.'

Kabera yavuze ko atifuza gushinja umuntu atabifitiye ibimenyetso, ahubwo ko asaba inzego zibishinzwe gukurikirana ibyabaye no gukora iperereza ryagaragaza ukuri.

Yashimangiye ko amaze igihe ahura n'ibikorwa bitandukanye byo kwangiza umutungo we, bityo ko yifuza ko ababigizemo uruhare bamenyekana kandi amategeko agakurikizwa.

Kugeza ubu, ababa baratwitse urutoki rwa Kabera n'impamvu yabibateye ntibaramenyekana. We n'abaturanyi be barasaba ko ikibazo gikurikiranwa kugira ngo ukuri kumenyekane kandi ubutabera butangwe.

Ibiganiro byabaye nyuma y'inama nama izwi nka 'AFS Forum 2026' yabereye i Kigali, igaruka ku kwihaza mu biribwa no kubaka uburyo bwafasha abantu kubigeraho.

Ubutumwa bwashyizwe kuri konti ya X y'Ibiro by'Umukuru w'Igihugu, Village Urugwiro buvuga ko ibiganiro byahuje Perezida Kagame na Visi Perezida wa IFAD, Dr. Gérardine Mukeshimana, n'Umuyobozi Mukuru wa AUDA-NEPAD, Nardos Bekele-Thomas, 'byibanze ku kongera ingufu mu bufatanye bugamije guteza imbere ubuhinzi muri Afurika no kwihaza mu biribwa.'

IFAD ni urwego rushamikiye ku Muryango Mpuzamahanga wita ku biribwa n'ubuhinzi ku Isi.

Ni ikigega cyita ku baturage bo mu bice by'icyaro binyuze mu kubongerera ubushobozi bwo kwihaza mu biribwa, kuvugurura imirire mu miryango no kongera umusaruro.

Bafashwa kandi kwigira, kwagura ubucuruzi no guhangana n'imbogamizi z'iterambere ryabo.

Hamwe no kuba umubare w'abatuye Isi ukomeje kwiyongera bikaba biteganyijwe ko uzagera kuri miliyari icyenda mu 2050, icyuho hagati y'abakize n'abakennye kizarushaho kwaguka. Ni muri urwo rwego IFAD iseruka aho ubukene n'inzara byiganje cyane cyane mu bihugu bikiri mu nzira y'amajyambere.

Yabigarutseho ku wa 3 Nzeri 2026, mu kiganiro yahuriyemo n'urubyiruko rwamubazaga ibibazo bitandukanye mu nama izwi nka 'AFS Forum 2026', igaruka ku kwihaza mu biribwa no kubaka uburyo bwafasha abantu kubigeraho.

Perezida Kagame yavuze ko kubona ibiribwa birenze uburenganzira bwa muntu, ko ari ubuzima kuko umuntu atabaho nta byo kurya afite.

Yibukije ko kugira ngo Isi yihaze mu biribwa hari uruhererekane binyuramo kuva ku kubitunganya kugeza bigeze ku isoko cyangwa ku muguzi wa nyuma.

Ati 'Kubitegura bigomba kubaho. Abantu twese tugomba gushaka uburyo twatanga umusaruro ariko haba hari imbogamizi mu ruhererekane nyongeragaciro.'

Perezida Kagame yagaragaje ko hari urubyiruko ruri kugerageza gukora ibintu bitandukanye kugira ngo ibiribwa biboneke, nubwo hari ibirukoma mu nkokora.

Mu buryo bwo gukemura imbogamizi ruhura na zo, Umukuru w'Igihugu yashimangiye ko guverinoma ifite inshingano nyinshi, zirimo gufasha abari muri uru rwego kugira ngo bagere ku ntego.

Umukuru w'Igihugu yavuze ko mu gihe Leta idashatse uburyo bwo gufasha aba bantu kugira ngo bagere ku byo bashaka kubona, ibibazo bizahoraho.

Ati 'Abayobozi …. bashobora kwibuka ko gufata ukuboko abo bashaka kugira icyo bakora kandi bashoboye ariko babura utuntu duto… leta ikwiye gushaka uburyo bwo gukuraho imbogamizi ku bintu byinshi. Hari uburyo bwashyirwaho kugira ngo abantu bafashwe bakore ibyo bashobora gukora.'

Perezida Kagame yavuze ko mu gihe ibi bizakorwa neza, leta izabona ko bitanga umusaruro ndetse n'abafashijwe bishyure ibyo bahawe mu buryo bumwe cyangwa ubundi.

Yakomeje ati 'N'izo mbaraga cyangwa izo nguzanyo wahaye abantu ngo zibafashe ukabona ko zitazagaruka Leta izashaka uburyo yazigaruza ariko urubyiruko rufite ubushobozi bwo gukora ibintu runaka rukomeza.'

Perezida Kagame yagaragarijwe ikibazo kijyanye n'urubyiruko rushoboye ariko rutabasha kugera ku mari mu buryo bukwiye ngo rube rwabona igishoro, abazwa icyakorwa.

Perezida Kagame yagaragaje ko 'uburyo bw'imari muri Afurika bwubakitse mu buryo buha imari abayifite' ko abantu bakwiriye gushaka uburyo za leta zashyiramo imbaraga mu gukuraho imbogamizi abadafite amahirwe yo kubona imari bakayibona mu buryo bukwiye.

Ati 'Ibi birashoboka. Twe twashyizeho Urwego rw'u Rwanda Rushinzwe Iterambere (RDB), aho leta ndetse n'abafatanyabikorwa bamwe bashyiramo amafaranga ariko hagamijwe gushaka uburyo icyo cyiciro kinagizwe na benshi barimo urubyiruko rushaka gukora ariko rutabona igishoro, kukibona.'

Perezida Kagame yavuze ko RDB na guverinoma muri rusange bajya hagati, urubyiruko rwihangiye imirimo rukabasha kubona igishoro rugakora ibyo rwifuza ariko leta ishyizemo ingufu.

Perezida Kagame yavuze ko iyo Leta ibigenje uko na yo ikuramo inyungu, arakomeza ati 'Kuko abo bantu bafashijwe babona inyungu bakazamuka bagakora ibintu bibungura bikanungura igihugu n'ubukungu bwacyo muri rusange.'

Rwiyemezamirimo wo muri Zambia witwa Imungana Malikana ufasha abantu kugera ku mari no kugeza ibicuruzwa byabo ku isoko, yabajije Perezida Kagame.

Ashingiye ku buryo Afurika ifite ubutaka bwera ndetse ikaba ifite urubyiruko rwinshi kurusha ahandi, uyu musore w'imyaka 28 yabajije Perezida Kagame aho yari kubona amahirwe y'imikorere mu rwego rwo kwihaza mu biribwa, iyo aramuka ari rwiyemezamirimo w'imyaka 25.

Perezida Kagame yagize ati 'Hari uruhererekane rw'ibintu watekerezaho. Iyo ngira amahirwe icyo gihe nka rwiyemezamirimo nari kureba kuva ku murima… ukagenda ukagera ku muguzi wa nyuma cyangwa ku isoko. Hari ibyuho byinshi bikeneye kuzibwa, hari ibyo gushyira mu murima, ibikoresho, ikoranabuhanga, kuhira, ububiko n'ibindi.'

Perezida Kagame yavuze ko nubwo byaba ari ugushingira ku muhamagaro cyangwa ubumenyi urubyiruko rufite, ariko amahirwe yose umuntu yabona muri urwo ruhererekane, ari ho ushaka kubikora yibandaho.

Yagaragaje ko uruhererekane rugeza ku kwihaza mu biribwa rurenze umuntu, umuryango, abaturage, n'igihugu, ahubwo bigera no ku rwego mpuzamahanga bijyanye n'amasomo.

Ati 'Ariko aho guhera … uburyo utangiramo, waba watangiranye n'abandi bantu, uburyo bwo gushaka inguzanyo z'ibyo udafite ngo utangire, ni bwo ubasha kugera ku bundi buryo nka gahunda zashyizweho n'ubuyobozi bugufasha gukora ibyo.'

Murekatete Lydia washinze Ikigo cya All Greens, gihinga imboga muri greenhouses, yabajije Perezida Kagame isomo rikomeye yakuye mu rugendo rw'iterambere ry'u Rwanda, abayobozi na ba rwiyemezamirimo bakomeza kwisunga mu rugendo rwabo.

Perezida Kagame yamusubije ko bitoroshye kuko ari byinshi ariko icy'ingenzi ari uko mu rwego urwo ari rwo rwose umuntu arimo, aba agomba gukora icyo ashinzwe.

Ati 'Isomo nizera ko ryadufasha nabonye ko ibi byose biri muri buri wese muri twe. Buri wese afite ubushobozi, ashobora kuba umuyobozi ashaka kuba.'

Perezida Kagame yavuze ko buri wese akwiye kwibaza icyo akora mu gusubiza ibibazo abantu bahura na byo.

Ati 'Uruhare rwawe ni uruhe? Abayobozi babereyeho gukemura ibibazo mu gihe babibona. Bishobora kuba ibibazo byabo ku giti cyabo, kuko kenshi bitangirira kuri twe ubwacu. Ntanga inama ko mbere yo kwiyemeza kujya gukemura ibibazo biri hariya, banza wisuzume ubwawe.'

Umukuru w'Igihugu yagaragaje ko ibyo avuga hano atari ukuba nyamwigendaho, ahubwo ari uburyo bwo kubona amasomo, umuntu akibwiza ukuri, akareba ibibazo yahura na byo, nyuma akabona kujya gufasha abandi.

Ati 'Gutahura ibibazo biroroha, ndetse no kubishyira mu byiciro no kumenya ibikwiriye gukemurwa mbere bikoroha.'

Yavuze ko ubu bushobozi bwose bwo kureba kuri ibi, bufitwe na buri wese, nubwo hari ubwo hari abahitamo kubwicarana ntibakore ibyo bakwiriye gukora.

Perezida Kagame yavuze ko nta muntu wihariye ubushobozi nk'ubwo ahubwo buri wese abufite, ariko agaragaza ko abantu bakwiriye gutekereza batya bakiri bato, umuntu agakurira muri uyu mujyo, ibizamufasha no gukemura ibibazo bikomeye kurushaho.

Mu gitondo cyo ku wa 3 Nzeri 2026 abanyeshuri biga mu turere twa Ruhango, Gisagara, Musanze, Nyagatare, Ngororero na Gatsibo nibo batangiye kujya ku mashuri yabo.

Aba banyeshuri bahuriye muri parikingi ya Kigali Pelé Stadium bafashwa kubona imidoka zibageza ku mashuri yabo n'Ikigo cy'Igihugu Gishinzwe Ibizamini n'Ubugenzuzi bw'Amashuri (NESA).

Ni nyuma y'amezi abiri bari bamaze mu biruhuko bisoza umwaka w'amashuri bakimukira mu wundi.

Nubwo hari abazindutse bakitabira gahunda yo kujya ku mashuri ariko ubwitabire ntiburi hejuru ugeraranyije abahageze n'abiga mu turere twagombaga kugenda kuri uyu wa Mbere.

Bamwe mu banyeshuri baganiriye na IGIHE, bavuze ko ibiruhuko byagenze neza ndetse ko biteguye kuzitwara neza ku ishuri.

Umunyeshuri wo muri College Immaculée Conception Save iherereye mu Karere ka Gisagara, Cyubahiro Ikaze Marchal, yavuze ko mu biruhuko yasuye inshuti n'abavandimwe.

Yagaragaje ko asubiranye ku ishuri ingamba zirimo kwiga cyane, kumvira ndetse n'ibindi kugira ngo bizamufashe kugera ku ntego afite zo kuba uwa mbere mu ishuri.

Ati 'Ingamba mfite ni ugukirikira mu ishuri, nkumvira abarimu nkaba uwa mbere mu ishuri kugira ngo intego zanjye nzazigereho zo kuba umuganga.'

Sangwa Carine Kelia wiga mu mwaka wa gatanu Imibare, Ubugenge, Ubumenyi bw'Isi n'Ubukungu i Gisagara kuri Saint Francois D'Assise yagize ati 'Njyiye kwiga cyane ndetse no gukora cyane nibanda ku kubahiriza amategeko y'ikigo.'

Umwari Mugisha Kethia wiga Maryhill Girls Rwanda iherereye muri Nyagatare yavuze ko agiye gukora cyane akazajya akurikira amasomo yose bigishwa.

Ati 'Icya mbere ni ukwiyambaza Imana, ikindi ni ugukora cyane, udasuzugura isomo iryo aryo ryose. Kubaha ukicisha bugufi.'

Uwamahoro Francine ufite umwana yari ajyanye ku ishuri yabwiye IGIHE ko imyiteguro yagenze neza kubera ko Leta iba yarabamenyesheje mbere igihe abanyeshuri bazatangirira ishuri.

Ati 'Imyiteguro yagenze neza kuko gusubira ku ishuri ntabwo biba bidutunguye ni ibintu tuba twarateguye kandi icyo dusaba abana ni ukutarangara birinda ibyabarangaza igihe cyose bari ku ishuri.'

Biteganyijwe ko ku wa 4 Nzeri hazagenda abo mu turere twa Nyanza, Kamonyi, Nyabihu, Rubavu, Burera, Rwamagana na Kayonza. Ku wa 5 Nzeri hazagenda abo muri Huye, Nyamagabe, Karongi, Rutsiro, Rulindo, Gakenke, Ngoma na Kirehe.

Ku wa 6 Nzeri hazagenda abo mu turere twa Muhanga, Nyaruguru, Rusizi, Nyamasheke, Gicumbi, Bugesera, Nyarugenge, Gasabo, Kicukiro.

Goodluck Jonathan yageze mu Rwanda yitabiriye Inama ya 20 ya Africa Food Systems Forum – AFSF 2026, iri kubera i Kigali kuva ku wa 31 Kanama kugeza ku wa 5 Nzeri 2026.

Iyi nama yahuje abayobozi bakuru baturutse muri Afurika no ku Isi, abashoramari, abahanga muri siyansi, abikorera ndetse n'urubyiruko rufite udushya, aho baganiriye ku buryo Afurika yakwihutisha impinduka mu buhinzi, kongera imirimo no gukurura ishoramari mu rwego rw'ibiribwa.

Mu ruzinduko yagiriye ku Rwibutso rwa Jenoside rwa Kigali, Goodluck Jonathan yasobanuriwe amateka ya Jenoside yakorewe Abatutsi, ndetse asura ibice bitandukanye bigize uru rwibutso.

Goodluck Jonathan yabaye Perezida wa Nigeria kuva mu 2010 kugeza mu 2015.

Urwibutso rwa Jenoside rwa Kigali, ni rumwe mu nzibutso nini u Rwanda rufite kuko rushyinguyemo imibiri isaga ibihumbi 250 y'inzirakarengane zishwe muri Jenoside yakorewe Abatutsi muri Mata 1994.

Hashize hafi icyumweru inkuru zivugwa ku mbuga nkoranyambaga mu Rwanda ari iz'abakobwa basubijwe inyuma mu gitaramo cya Diamond Platnumz kuri BK Arena bazizwa ko bambaye imyambaro migufi, cyangwa udusengeri tugaragaza amabere cyangwa umugongo.

Nyuma hakurikiyeho uwafatiwe i Rubavu ashyirwa mu modoka ya polisi na we azizwa ko yambaye ikanzu ngufi. Hari n'amashusho bigaragara ko yafatiwe mu karere ka Rubavu birukankana umukobwa ahanini bamuhora ko yambaye agakabutura kagufi.

Iyi ngingo itavugwaho rumwe ku mbuga nkoranyambaga no mu biganiro by'abantu, benshi bahuriza ku kuba bikomeje gutya byazatuma abagore muri rusange bahohoterwa birenze imyambarire.

Umuyobozi Mukuru wa RGB, Dr Picard Uwicyeza abinyujije kuri Konti ye ya X yavuze ko itangazo ryasohorwa na Leta nta gisubizo cy'ikibazo ryatanga kuko Guverinoma itakemura ikibazo yonyine ahubwo hakenewe ubufatanye bw'umuryango mugari.

Ati 'Ntihagire amakosa mukora, aho itegego ryishwe bazabiryozwa. Agaciro n'umutekano w'Abanyarwandakazi ntibigibwaho impaka. Umugore ntakwiye kwitwararika ngo abone guhabwa agaciro kubera umuntu wumva ko imyambarire ye idahwitse.'

Dr Uwicyeza yavuze ko igikenewe ari uko abantu bafatanya kugera ku rwego umugore cyangwa umukobwa yumva atekanye kandi ahabwa agaciro.

Mu butumwa Inteko y'umuco yacishije ku mbuga nkoranyambaga ku wa 1 Nzeri 2026 yashyizeho amashusho y'ikiganiro cya Ambasaderi Robert Masozera, ivuga ko 'Hashize imyaka itatu iki kiganiro gitanzwe n'Intebe y'Inteko Amb. Masozera, ariko ubutumwa yatanze icyo gihe buracyafite agaciro kugeza n'ubu.'

Ni ubutumwa Masozera yatanze mu kiganiro yagiranye na IGIHE mu 2022 ubwo imyambarire y'abitabiriye igitaramo cy'umuhanzi w'Umufaransa ukomoka muri Cameroun, Tayc, yakoreye mu Mujyi wa Kigali yatezaga impaka zikomeye ku mbuga nkoranyambaga.

Icyo gihe Masozera yavuze ko kutavuga rumwe ku myambarire ari ibintu bisanzwe kuko atari ibintu abantu babona kimwe. Hari abumva ko ari uburenganzira bw'umuntu kwambara uko ashatse, abandi bakumva bigomba kujyana n'umuco, gusa agaragaza ko hari ibyo bakwiye guhuriraho.

Ati 'Twumva ko hari ibyo bakwiriye kuvugaho rumwe cyane cyane ku ndangagaciro zigaragarira mu myambarire. Mu myambarire hagaragaramo indangagaciro yo kwiyubaha, kwiha agaciro, kwitwararika, kutiyandarika, kwanga umugayo. Izo ndangagaciro nubwo abantu batavuga rumwe mu myambarire yindi ariko icyo cyo twemera ko twagihuriraho.'

Yakomeje avuga ko 'Imyambarire ibangamira umuco w'u Rwanda ni myinshi ariko navuga nk'ibintu nka bitatu cyangwa bine. Icya mbere ni ya myambarire iteza cyangwa ishobora guteza uyambaye ikinegu. Icya kabiri ni ya myambarire igaragaza ubwambure bw'uyambaye ikaba yamwambika ubusa kuko mu muco w'u Rwanda, nta muntu wambara ubusa. Icya gatatu ni imyambarire idahesha nyirayo icyubahiro n'agaciro.'

Inkuru bifitanye isano:

Inteko y'Umuco yashimangiye aho ihagaze ku kibazo cy'imyambarire gikurura impaka

Imiryango, amadini n'amashuri byatengushye leta; muhame hamwe rero ibakorere inshingano

Ni igikorwa cyabaye ku wa 2 Nzeri 2026, aho iri shuri riherereye mu Murenge wa Nyakabanda, Akagari ka Kabusunzu.

Uretse kubaganiriza, babageneye n'ibikoresho by'ishuri.

Mu bikoresho byatanzwe harimo amakayi azahabwa abanyeshuri, impapuro zikorerwaho ibizamini, amakaramu, calculatrice ndetse na table périodique, mu rwego rwo gufasha abanyeshuri gukurikirana amasomo yabo.

Umuyobozi Mukuru wa Zaria Court Hotel, Walid Choubana, yabwiye abanyeshuri ko kugeza ubu mu bukerarugendo n'amahoteli ari ho hasigaye amahirwe y'akazi kurusha ahandi, aho umuntu ashobora gutangirira ku kazi gato, akagenda azamuka.

Ati 'Hari amahirwe, hari imirimo, ndetse hari n'ahantu umuntu ashobora gushora imari ye n'iyo yaba nto cyangwa agatangira buhoro buhoro. Hari ahazaza heza mu Rwanda muri uru rwego.'

Yavuze ko umuntu ashobora gutangirira ku mirimo irimo gutanga serivisi ku bakiliya, gukora mu bijyanye n'icungamutungo, iyamamazabikorwa, gucunga bakozi cyangwa mu gikoni, nyuma akagenda azamuka akaba n'umuyobozi mukuru.

Walid yavuze ko bahisemo gusura abanyeshuri mu gihe amashuri yari yongeye gutangira kugira ngo babafashe kubona ibikoresho bakeneye, ariko banabaganirize ku mwuga bashobora kuzahitamo.

Umuyobozi wa GS Kabusunzu, Benimana Grace, yashimiye by'umwihariko Zaria Court Hotel aho yashimangiye ko kubazirikana bisobanuye ikintu kinini ku kigo ndetse ko ari n'ibintu bifasha abanyeshuri gukurikirana amasomo nta nkomyi.

Ati 'Iki gikorwa cya Zaria Court kuba yaradutekerejeho tubiha agaciro gakomeye kuko iki kigo ni ikigo gifite abana benshi baturuka mu miryango itandukanye. Icyo gihe rero iyo habonetse umufatanyabikorwa akadufasha mu buryo bufasha abana kwiga bagakurikirana amasomo neza biradufasha.'

Umwarimu wigisha ibijyanye n'ikoranabuhanga muri GS Kabusunzu, Elisa Bikorimana, yavuze ko bishimiye bikomeye inkunga yatanzwe, avuga ko ishuri rifite abanyeshuri barenga 3.000, bamwe muri bo bakaba bafite ubushobozi buke.

Yagize ati 'Iki kigo kigizwe n'abanyeshuri 3.000, kubafasha kubona ibikoresho n'amafaranga yunganira mu mirire bibafasha kwiga neza, ndetse bikorohera n'abarimu mu kazi kabo ka buri munsi.'

Zaria Court Hotel yavuze ko yifuza ko uru ruzinduko rwatuma abanyeshuri batangira kubona ubukerarugendo n'amahoteli nk'urwego bashobora kubonamo umwuga wo gukora, ndetse bakagira uruhare mu iterambere ryarwo mu gihe kiri imbere.

Kuva ku wa 1-03 Nzeri 2026, Ishami rya Polisi rishinzwe kurwanya ibiyobyabwenge (ANU) rikorera mu mujyi wa Kigali ryafashe abantu 5 bacuruza urumogi, bafatanwe urumogi udupfunyika 2952 bakaba bafatiwe mu bice bitandukanye byo mu mujyi wa Kigali.

Mu Karere ka Nyarugenge mu Murenge wa Nyakabanda, ku wa 1 Nzeri 2026, hafatiwe umwe afite udupfunyika 200 tw'urumogi agiye kurugurisha abakiliya be, akimara gufatwa avuga ko afite ububiko mu Karere ka Kamonyi mu Murenge wa Runda.

Abapolisi bihutiye kugera mu nzu yakodeshaga ari naho arubika basanga afite udupfunyika 1000 ndetse n'umukozi yakoreshaga mu kurutunda w'imyaka 36 nawe arafatwa.

Ku wa 2 Nzeri 2026, mu karere ka Gasabo mu Murenge wa Gatsata mu Kagali ka Nyamabuye ku makuru yatanzwe n'umuturage ko hari igipangu baturanye gicururizwamo urumogi Abapolisi bakigezemo bafata umugabo w'imyaka 37, afite udupfunyika 28 amaze kuturangura. Abapolisi basatse iyo nzu basangamo udupfunyika 1702, na ho nyiratwo abonye Abapolisi ahita yurira igipangu ariruka ndetse n'ubu akaba agishakishwa ngo afatwe.

Muri uyu murenge wa Gatsata kandi hafatiwe umugore n'undi mugabo bacuruza urumogi bafatanywe udupfunyika 16.

Umuvugizi wa Polisi mu Mujyi wa Kigali CIP Wellars Gahonzire yabwiye IGIHE ko abafashwe bavuze ko bakuraga urumogi muri RDC.

Ati 'Aba bose batubwiye ko uru rumogi barukura muri Congo. Iperereza rirakomeje.'

CIP Gahonzire yashimiye abaturage batanze amakuru aba bantu bagafatwa ndetse n'urumogi bafite rugafatwa rutarakwirakwizwa mu baturage.

Ati 'Kuba urumogi rungana gutya rufatwa ni ikimenyetso cy'uko hakiri abaturage bacuruza urumogi kandi ko hari n'abarunywa, abaturage rero baributswa gukomeza kugira uruhare mu kurwanya ibiyobyabwenge batangira amakuru ku gihe kubo bazi ko babicuruza, ababinywa barashishikarizwa kubireka kuko bigira ingaruka ku buzima bwabo.'

Yasabye abishora mu bukorwa byo gucuruza ibiyobyabwenge kubireka bagashaka ibindi bakora kuko 'bahugurukiwe kandi amayeri yose bakoresha yamaze kumenyekana.'

Abavuye mu mashyamba ya RDC by'umwihariko abo muri FDLR bemeza ko mu byo ikuramo amafaranga harimo n'urumogi

Mu Rwanda urumogi rushyirwa mu cyiciro cy'ibiyobyabwenge bihambaye, aho uhamijwe n'urukiko ibikorwa byo kubikora, kubihinga, kubihindura, kubitunda, kubibika, kubiha undi cyangwa kubigurisha mu gihugu, ahanishwa igifungo cya burundu n'ihazabu ya 20.000.000 Frw, ariko itarenze 30.000.000 Frw.