Category: Uncategorized

Source : https://fr.igihe.com/Rwanda-Une-discipline-de-fer-a-la-Noel-en-Province-du-Sud-542-arretes-pour-non.html

Myugariro w’umunyarwanda ukina ku ruhande rw’iburyo yugarira, Rusheshangoga Michel wakiniraga AS Kigali yasezeye kuri bagenzi be aho yavuze ko ruhago ayiharitse agiye gutangira ubuzima bushya.

Uyu mukinnyi w’imyaka 26 akaba agiye murl Leta Zunze Ubumwe za Amerika aho agiye gutangira ubuzima bushya n’umugore we Nakuzungu Aime(aba muri Amerika) bashakanye muri Nyakanga 2019.

Nyuma y’imyitozo yabaye ku munsi w’ejo hashize ku Cyumweru, nibwo uyu mukinnyi yasezeye bagenzi be ababwira ko ahagaritse gukina abifuriza ibihe byiza.

Umwe mu bakinanaga n’uyu mukinnyi yabwiye ISIMBI ko ari byo ndetse yamaze no kuva mu mwiherero arimo yitegura kugenda.

Ati“nibyo yaradusezeye. Gukina yabihagaritse burundu agiye muri Amerika kuba hafi y’umuryango we, yamaze kugenda ntabwo akiri mu mwiherero.”

Asezra kuri bagenzi be, Michel yavuze ko na we atishimye gutandukana nabo kuko wari umuryango mwiza.

Ati“benshi mwagiye mubyumva ariko ukuri ni uko ngiye kuva aha. Ntabwo dushobora gukomezanya kubera impamvu z’ubundi buzima. Ntabwo nishimye. Mwanyakirye neza, mumbanira neza, kuva nava muri APR FC nisanze mu muryango mwiza. Ndabashimira cyane.”

Rushehsangoga Michel yakuriye mu ishuri ryigisha umupira rya FERWAFA, yari mu ikipe y’igihugu y’abatarengeje imyaka 17 yakinnye igikombe cy’Isi cya 2011 muri Mexique.

Nyuma yahise ajya mu Isonga yavuyemo muri 2012 ahita yerekeza muri APR FC yakiniye kugeza 2017 aho yatwaranye nayo ibikombe bitandukanye.

2017 yahise yerekeza muri Tanzania mu ikipe ya Singida United ayikinira umwaka umwe muri 2018 agaruka muri APR FC yasinyiye imyaka 2 ariko ayikinira umwe ari nabwo yahise yerekeza muri AS Kigali mu mpeshyi ya 2019.

Michel Rusheshangoga wakiniraga AS Kigali yahagaritse gukina

APR FC yayikiniye imyaka igera muri 6

APR FC batwaranye ibikombe byinshi bitandukanye

Yakinnye igikombe cy’Isi cy’abatarengeje imyaka 17 muri Mexique 2011, aha yari ahanganiye umupira na Raheem Sterling wa Manchester City

Yasanze umugore we muri Amerika

Source : http://isimbi.rw/siporo/article/rusheshangoga-michel-mu-gahinda-yasezeye-kuri-as-kigali-ahagaritse-gukina-ruhago

Source : https://fr.igihe.com/Rubaduka-le-promoteur-des-droits-de-la-femme-rwandaise-est-mort-de-noyade-dans.html

Source : https://fr.igihe.com/Nyanza-Trois-blesses-a-la-grenade.html

Source : https://en.igihe.com/news/article/covid-19-rwanda-records-2-deaths-153-new-cases

 

 

Meya w'akarere ka Huye, Sebutege Ange, mu kiganiro yagiranye n'abanyamakuru kuwa 23 ukuboza 2020, yongeye gukebura abibwira ko gahunda y'isuku mu mujyi, hacibwa ibihingwa birebire birimo n'urutoki yahagaze, ko bibeshya.

'Igice cy'umujyi kizakomeza kuba koko igice cy'umujyi. Ntabwo twigeze tubuza umuntu guhinga, ahubwo turamugira inama ngo azakorere ubuhinzi ahagenewe ubuhinzi.' Meya Sebutege Ange, aha yasubizaga umwe mu banyamakuru, wari umubajije niba gahunda yari yatangijwe muri Mutarama 2020, yo gutema insina no guca ibihingwa birebire, niba yarasubiwemo, igahagarikwa.  

Yibukije ko gahunda yo kunoza isuku mu batuye mujyi wa Huye no gukurikiza igishushanyo mbonera cyawo, bitagikeneye kubihatirizwa no kubikoreshwa ku ngufu, ahubwo abaturage bakwiye kubigira ibyabo. Ati ' icyo natangaza ni uko iyi gahunda yo gusukura umujyi, yo gutuma umujyi ukorerwamo ibyakabaye biwukorerwamo, yo izakomeza kandi hari abantu twagiye tubijyamo inama, abenshi bakabyikorera. Kandi nubundi igishushanyo mbonera kivuguruye nicyemezwa kizagira ibyo gitegeka.'

Mu kwezi kwa 9 mu 2019, nibwo akarere kafashe icyemezo cyo gusaba abatuye umugi wa Huye, guhagarika ubuhinzi bw'ibimera birebire birimo: insina, ibigori, amasaka n'ibindi byose bituma isura y'umugi itagaragara neza. Muri icyo kemezo kandi abaturage basabwaga gukuraho inzitiro n'ingo z'imiyenzi, imbingo, imihati, n'ibindi byose bitajyanye n'ikerekezo cy'umujyi, mu gihe kitarenze amezi 6, ndetse n'abacuruza amayinite mu mitaka ku mihanda bakahava bakajya mu isoko.

Ibi byemezo bigitangira gushyirwa mu bikorwa cyanecyane muri Mutarama 2020, abaturage, barabyijujutiye, ntibabyakira neza, bavuga ko bigiye kubateza inzara. Nyuma y'amezi make bishyirwa mu bikorwa, imbaraga byatangiranye zaje kugabanuka abaturage batangira gukeka ko iyo gahunda yahagaritswe. Aha meya  yabibukije ko akarere kagizwe n'igice cy'ubutaka kigenewe umujyi kingana na 14% ndetse na 86% by'icyaro, ko abashaka gukora ubwo buhinzi bagana aho habigenewe.

Igishushanyombonera cy' umujyi wa Huye kivuguruye

Igishushanyo mbonera kivuguruye, kigaragaza ko umujyi uzaba ugizwe n'ibice byo mu mirenge itanu kuri 14 igize Akarere ka Huye, ari yo Mbazi, Huye, Ngoma, Tumba na Mukura.

Mu Murenge wa Mbazi, umujyi uzaba uri mu midugudu imwe n'imwe yo mu Tugari twa Mwulire, Gatobotobo na Kabuga. Muri Huye, ni mu tugari twa Rukira na Sovu, naho muri Ngoma uzagera mu tugari twa Kaburemera, Butare, Ngoma na Matyazo.

Mu Murenge wa Tumba, imbago z'umujyi zizagera mu Tugari twa Mpare, Cyarwa, Cyimana, Gitwa, na Rango B, naho mu Murenge wa Mukura, uzagera muri Rango A na Cyeru.

Umuyobozi w'akarere kandi, yibutsa abafite ibibanza mu mujyi bitabyazwa umusaruro nkuko biteganyijwe n'igishushanyo mbonera bazabyamburwa bigahabwa ababyibyaza umusaruro. Avuga ko icyo cyemezo cyafashwe n'inama njyanama y'akarere.

Source : https://impanuro.rw/2020/12/27/huye-umuyobozi-wakarere-ka-huye-yongeye-kuburira-abibwira-ko-igishushanyo-mbonera-cyumujyi-wa-huye-kitagikurikizwa/

Festus Bandeba umuyobozi wungirije w'akarere utuye Kabarole yavuze ko yahamagawe n'abantu bamwe bari bahanyuze bagasanga abantu abiyerekana bakora imibonano mpuzabitsina ku mugaragaro.

Nk'uko Bandeba abitangaza ngo bakiriye amakuru yerekeyenye n'icyo kirori cy'imibonano mpuzabitsina bahita bajyana n'abapolisi aho byabereye.

Bandeba yavuze ko batunguwe ubwo binjiraga mu kabari bagasanga abarimo bari bahugiye mu birori by'ubusambanyi.

Bandeba yagize ati: 'Nahamagaye umuyobozi wa polisi mu karere tugezeyo dusanga abantu barenga 80, kandi barimo kwishora mu mibonano mpuzabitsina, twafashe bamwe muri bo ubu bakaba bafungiye kuri sitasiyo ya Polisi nkuru ya Fort Port.'

Yavuze ko umuyobozi w'akabari na bamwe mu bakozi nabo bafungiye kuri sitasiyo ya polisi nkuru ya Fort Portal.

Yavuze ko abakekwa bakurikiranyweho kutumvira amategeko yemewe no gukora ibikorwa bishobora gutera no gukwirakwiza indwara yandura.

Bandeba yagize ati: 'Twasabye ubuyobozi bw'akabari n'abayobozi b'Inama Njyanama y'Umujyi wa Fort Portal gufunga akabari ku mugaragaro.'

Bandeba yavuze ko mu bafashwe harimo abana bato na bo bari bitabiriye ibirori by'imibonano mpuzabitsina.

Thomas Rwabwoni umwe mu bayobozi bo muri uyu umujyi yavuze ko batigeze bemera ko akabari ka Giraffe gakora kuva utubari twarafunzwe.

Yavuze ko biteye isoni kubona ibikorwa bibi nk'ibi bikorerwa no ku cyambu cya Fort kandi anakangurira abaturage kutazishora mu bikorwa nk'ibi biteye isoni.

Rwabwoni yagize ati: 'Ntabwo twigeze twemerera ubuyobozi bw'aka kabari gukora, twatunguwe no kumenya ibyabaye ku cyumweru kandi duhita tugafunga ako kanya.'

Justine Kemigisa utuye Kisenyi yavuze ko ibirori by'imibonano mpuzabitsina byateguwe mu bwiru bukomeye, byari bizwi gusa n'ababiteguye.

Kemigisa yagize ati: 'Kuva utubari twarafunzwe aho hantu hakoraga abantu banywa mu masaha ya nimugoroba ariko ku cyumweru amarembo yarakinguwe guhera saa munani z'igicamunsi, tubona imodoka zinjiramo'.

Yakomeje avuga ko 'kugeza saa kumi n'ebyiri z'umugoroba umuziki wari urimo ucurangwa cyane abarimo bakomeje kwishimira umuziki ariko abaturage bo muri ako gace ntibari bemerewe kwinjira kugeza igihe abapolisi n'ingabo bahageraga'.

Mu gihe cyo gutangaza aya amakuru, umuyobozi na bamwe mu bakozi b'aka kabari bari bagifungiye kuri sitasiyo ya Polisi ya Fort Portal.

Source : http://umuryango.rw/amakuru/mu-mahanga/article/abantu-barenga-80-baguwe-gitumo-bari-mu-kirori-cy-ubusambanyi-mu-kabari

Source : http://umuryango.rw/amakuru/urukundo/article/reba-inama-zizagufasha-cyane-mugihe-uwo-ukunda-usanze-yikundira-abandi-cyangwa

Aba bombi bagaragaye mu myenda yo kogana, Michelle Obama yambaye akenda k'umuhondo, isura ye igaragara ko yakoze siporo nta birungo yisize mu maso, yafungiye umusatsi inyuma.

Obama we yafotowe yicaye inyuma ya Michelle muri Kayak, ubona yishimye ku maso, yambaye ikabutura y'umukara yo kogana na lunette z'izuba n'ingofero ya baseball. Mu mazi kandi hagaragaramo n'abasaga n'ababacungiye umutekano.

Abana babo Sacha na Maria Obama ntibigeze bagaragara, bikekwa ko baba bari ahandi mu minsi mikuru bonyine.

Uyu mwaka 2020 wabaye mwiza kuri iyi 'couple' aho basinye amasezerano menshi yabazaniye inyungu.

Nka Michelle yasinyanye na Netflix amasezerano yo kujya akora inkuru mbarankuru ku gitabo yanditse cyitwa 'Becoming' kivuga ku buzima bwe.

Yanatangiye umushinga wo kujya akora ibiganiro bigaca kuri Netflix ndetse mu gihe abantu bari muri guma mu rugo, umutumirwa we wa mbere yabaye umugabo we Barack Obama.

Barack Obama nawe uyu mwaka yasohoye igitabo cyitwa 'The Promised Land' kivuga ku buzima bwe igihe yari akiri Perezida wa Amerika.

Source : http://umuryango.rw/amakuru/mu-mahanga/article/michelle-obama-mu-mwambaro-wa-bikini-ari-kumwe-na-barack-obama-bagaragaye-bari

Ibi byabereye mu karere ka Kicukiro mu murenge wa Busanza, ubwo umusore w'imyaka 35 yari yahuye na bagenzi be bari kwica kurya amafunguro bateguye arimo n'inyama.

Amakuru avuga ko ubwo bari barimo gufata ifunguro, uyu musore yaje gutamira inyama, ariko yagera mu muhogo ikanga kumanuka ndete ikamuniga. Nyuma y'uko bagenzi babonye ko ikibazo gikomeye, bahisemo kumwihutana kwa muganga.

Aha mbere babanje ni ku kigo nderabuzima cya Nyarugunga ariko bahasanga abantu benshi, bahitamo kumwihutana bamujyana ku kindi kigo nderabuzima cya Busanza, dore ko utu tugari twombi duturanye.

Mu nzira bagenda, uyu mugabo ni ko yarushagaho kuremba, maze baza kumugeza ku kigo nderabuzima cya Busanza asa nk'uwamaze gushiramo umwuka.

Umuyobozi w'umurenge yaguyemo wa Kanombe, Mapambano Festo, mu kiganiro na yagiranye na IGIHE dukesha iyi nkuru, yavuze ko atakwemeza ko uyu musore yishwe n'inyama, gusa avuga ko hakenewe gutegereza ibisubizo biza kuvanwa mu iperereza riri gukorwa kugira ngo hamenyekane intandaro y'urupfu rwe.

Yagize ati 'iperereza rirakomeje aho ngaho Nyarugunga, ntituramenya niba ari inyama.'

Si ubwa mbere umuntu mu Rwanda yishwe n'inyama yamunize, kuko tariki ya 8 Nzeri 2019, umusaza witwa Nitirehe Innocent w'imyaka hafi 70 wo mu Kagari ka Gasarenda mu Murenge wa Tare mu Karere ka Nyamagabe yanizwe n'inyama bimuviramo gupfa.

Abaturanyi ba Ntirehe bavuze ko yapfuye anizwe n'inyama yariye mu birori by'umunsi mukuru wo kubatirisha umwana.

Amakuru yemeje ko umugabo wari wabatirishije umwana muri kariya gace,yatumiye abaturanyi be n'inshuti zirimo na Nitirehe birangira inyama yariye imuguye nabi bimuviramo urupfu.

Bivugwa ko uyu mugabo wari wabatirishije yaje kwakiriza abashyitsi be amafunguro n'ibyo kunywa birimo ikigage n'inzoga zitandukanye.

Ngo ubwo abantu barimo kurya nibwo uyu musaza Nitirehe yariye inyama ikamuniga ahita ajyanwa ku Kigo Nderabuzima cya Mbuga ariko ku bw'amahirwe make ahita apfa.

Umunyamabanga Nshingwabikorwa w'Akagari ka Gasarenda, Mbarubucyeye Dominique, yemereye IGIHE dukesha iyi nkuru ko uyu musaza koko yishwe n'inyama yamunize.

IGIHE

Source : http://umuryango.rw/amakuru/mu-rwanda/ubuzima/article/kicukiro-umusore-yapfuye-bikekwa-ko-yanizwe-n-inyama