Umuhanzi Meddy yashyize hanze amafoto ye na fiancée we bari mu myitozo ngororamubiri (gym) kuri uyu munsi wa mbere utangira umwaka wa 2021. Ibi Meddy yabikoze abinyujije muri story ya instagram ye. Ku rundi ruhande, Mimi nawe yashyize hanze amafoto ndetse n'amashusho magufi agaragaza we na Meddy bari kumwe mu myitozo ngororamubiri (gym).
Source : https://yegob.rw/meddy-na-fiancee-we-batangiye-umwaka-bakora-imyitozo-ngororamubiri-amafoto/
Mu ntangiriro z’uyu mwaka wa 2021 iki gitaramo kikaba cyabaye mu buryo bwihariye, aho Abanyarwanda bagikurikiye kuri Televiziyo y’igihugu kubera gahunda yo kwirinda ikwirakwizwa ry’icyorezo cya CoronaVirus.
Iki gitaramo cyagaragayemo abahanzi gakondo barimo Cecile Kayirebwa, kigaragaramo Intore Masamba, kigaragaramo Cyusa Ibrahim umaze kwigarurira abakunzi muri iyi njyana ndetse na Muzehe Makanyaga Abdul wasoreje abandi ahagurutsa abantu bakurikiye iki gitaramo bari mungo bagafatanye guceza.
Aba bahanzi bose bakaba bibanze mu gukangurira cyane cyane urubyiruko kurushaho kwirinda icyorezo cya Coronavirus kimaze iminsi cyongereye ubukana, basaba abantu gukaza ingamba zo kwirinda, kugira ngo iki cyorezo gitsindwe vuba abantu babashe kuba basubira guhurira mu bitaramo imbona nkubone bagasabana.
Dore mu mafoto uko iki gitaramo cyari kimeze:
Photos: EAP
Amakuru yatangajwe na Minisiteri y'Ubuzima agaragaza ko abitabye Imana barimo abagabo 2 barimo uw'imyaka 81 na 73 bo mu mujyi wa Kigali.
Abarwayi bashya babonetse IKigali: 22, Huye: 24, Musanze: 7, Rubavu: 7, Rusizi: 7, Kamonyi: 3, Kayonza: 2, Ruhango: 1, Nyamagabe: 1, Gakenke: 1, Kirehe: 1, Gicumbi: 1
Uyu munsi hakize abantu 56 mu masaha 24 ashize bituma umubare w'abamaze gukira bose uba 6,598 naho abakirwaye ni 1,768.
Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.
Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune, kwirinda imihuro itari ngombwa no kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.
Hagamijwe gukumira ikwirakwira ry'ubwandu bwa Covid-19, Abajyanama b'Ubuzima bagiye gutanga umusanzu wabo mu kwigisha abaturage no kubapima ibimenyetso by'iki cyorezo babasanze mu ngo aho batuye.
Ni gahunda yashyizweho n'inzego z'ubuzima mu Rwanda hagamijwe guhangana n'icyorezo cya Covid-19 gikomeje gutigisa Isi. Biri mu ntego kandi zo kwigisha abaturage kugira ngo birinde ndetse abanduye bakurikiranywe hakiri kare batarazahazwa n'icyo cyorezo.
Gahunda yo kwifashisha Abajyanama b'Ubuzima mu kurwanya Covid-19 igiye gutangirirana n'abagera ku 1,000 bo mu turere 10 tw'igihugu ari two Rusizi, Nyamasheke, Karongi, Rubavu, Burera, Musanze, Huye, Bugesera, Kirehe na Nyagatare.
Kuri uyu wa Gatatu tariki ya 30 Ukuboza 2020 Abajyana b'Ubuzima 100 bo mu Karere ka Huye bahuguwe n'Umuryango SFH Rwanda ku bufatanye na Minisiteri y'Ubuzima ndetse n'ubuyobozi bw'Akarere ka Huye, bongererwa ubumenyi ku cyorezo cya Covid-19, bigishwa n'uko bazajya bapima ibimenyetso byayo basanze abaturage mu ngo.
Umuyobozi wa SFH mu Ntara y'Amajyepfo, Byiringiro Fidèle, yavuze ko abo Bajyanama b'Ubuzima bahuguwe bahabwa na bimwe mu bikoresho bazifashisha mu kwigisha abaturage kandi hari n'ibindi bazahabwa mu minsi ya vuba bazifashisha mu gupima ibimenyetso by'icyo cyorezo.
Ati 'Uko ari Abajyana b'Ubuzima 100 bo ku Kigo Nderabuzima cya Mukura buri wese twamuhaye udupfukamunwa 100 n'umuti wo gusukura intoki kugira ngo bajye banereka baturage uko ukoreshwa. Bose kandi tuzabaha utwuma dupima umuriro kugira ngo bajye bapima abaturage babasanze mu ngo noneho batange amakuru ku babahagarariye, nabo bayageze ku kigo nderabuzima.'
Byiringiro avuga ko igikorwa Abajyana b'Ubuzima bagiye gukora kizafasha abaturage gusobanukirwa neza icyorezo cya Covid-19 bamenye n'uko bakirinda kandi n'amakuru kuri cyo amenyekane vuba.
Bamwe mu Bajyanama b'Ubuzima bakorana n'Ikigo Nderabuzima cya Mukura mu Karere ka Huye bavuze ko iyi gahunda bayishimiye kuko bagiye gutanga umusanzu wabo mu gukumira Covid-19 bafite ibikoresho bikenewe.
Claude Twagiramungu ati 'Ni igikorwa cyiza cyane kuko kigiye kutwunganira mu bikorwa twakoraga byo gufasha abantu kwirinda Covid-19 dufite ibikoresho. Tuzajya tubigisha tubapime umuriro noneho abafite ibimenyetso duhite dutanga amakuru ku kigo nderabuzima kugira ngo bakurikiranwe hakiri kare.'
Yakomeje avuga ko abaturage bazajya babasanga mu ngo kandi nibabona bafite ibikoresho bazarushaho kubagirira icyizere no kumva neza ibyo babigisha.
Ati 'Umusanzu wacu ni uwo kubigisha no kumenya kare abafite ibimenyetso kugira ngo ubwandu budakwirakwira niba buhari.'
Umuyobozi Mukuru w'Ibitaro bya Nyamata mu Bugesera, Dr Rutagengwa William, yavuze ko iyi gahunda yo gukorana n'Abajyanama b'Ubuzima mu guhashya icyorezo cya Covid-19 izatanga umusaruro mwiza.
Yavuze ko babanje kujya babikorera ku bitaro ariko bigenda bibavuna cyane kuko abakozi ari bake, nyuma bijyanwa no bigo nderabuzima, ariko kuri ubu ubwo bigeze mu Bajyanama b'Ubuzima bizarushaho gukorwa neza.
Ati 'Nta muntu uzarembera mu giturage kubera Covid-19 kuko Abajyanama b'Ubuzima bazajya basanga abantu mu ngo babigishe banabapime kandi batange amakuru ku kigo nderabuzima.'
Amakuru yose yatanzwe n'Abajyanama b'ubuzima azajya yoherezwa ku bitaro nabyo biyohereza ku rwego rw'igihugu.
Iyi gahunda izongerwamo no gukomeza kubigisha kuri gahunda zitandukanye harimo gukurikiranira umurwayi wa Covid-19 mu rugo (Home Based care) n'izindi hakoreshejwe ikoranabuhanga ku buryo bazajya bakoresha telefone zabo zisanzwe. Ubwo buryo bwitwa 'Digitisation of CHWs Education on Covid19 Outbreak'.
Nyuma ibyo bikorwa bizagurwa aho hazakurikiraho guhugura Abajyanama b'Ubuzima 20 000 mu gihungu hose ku ndwara zose harimo na Covid-19 hakoreshejwe ikoranabuhanga.
Abaturage ba Australia kuva uyu munsi tariki ya mbere ya 2021 baratangira kuririmba indirimbo y'Igihugu ivuguruye nyuma y'uko Minisitiri w'Intebe atangaje impinduka mu ijoro ryo kuwa Kane tariki 31 Ukuboza 2020.
Iyi ndirimbo ntwabwo izongera guhabwa agahimbano ka 'Young and Free', ni mu muhate ugamije kubahiriza amateka maremare y'abasangwabutaka muri iki gihugu.
Izi mpinduka zatangajwe bitunguranye ariko benshi mu bagize guverinoma na rubanda bagaragaje kuzishyigikira. Minisitiri w'intebe Scott Morrison yavuze ko yizeye ko izi mpinduka zizatuma habaho 'umwuka w'ubumwe'.
Hari abantu bari batuye ubutaka bwa Australia imyaka ibihumbi za mirongo mbere y'uko ikolonizwa n'abazungu b'Abongereza baje kuhatura mu kinyejana cya 18.
Umurongo wakuwe mu ndirimbo y'igihugu, ubundi yitwa 'Advance Australia Fair', ni uvuga ngo 'For we are young and free'. Ahubwo bazajya baririmba bati: 'For we are one and free'.
Mu ntangiriro z'umwaka wa 2020 hari abategetsi bamwe baho bari basabye ko haba impinduka kuko amagambo amwe y'iyi ndirimbo yirengagiza umuco w'ababanje hano.
Morrison yavuze ko izi mpinduka 'ziha agaciro urugendo igihugu cyaciyemo. Zirashimangira inkuru y'abasokuruza barenga 300 n'indimi zitandukanye kandi ko turi igihugu cy'urunyurane rw'imico ku isi'.
Anthony Albanese ukuriye abatavuga rumwe n'ubutegetsi yatangaje ko ashyigikiye izi mpinduka avuga ko buri wese 'zikwiye kumutera ishemaâ¦'.
Mu myaka ya vuba nkuko BBC ibitangaza, Australia yateye intambwe zikomeye mu kwemera amateka y'abasangwabutaka no kubakira mu mico na politiki y'igihugu. Mu kwezi kwa 12, bwa mbere ikipe y'igihugu ya Rugby yaririmbye indirimbo y'igihugu mu rurimi rw'abasangwabutaka. Bayirirmbye mu rurimi rw'aba Eora â” bakomoka muri Sydney, nyuma bayiririmba mu cyongereza.
Munyaneza Theogene / intyoza.com
Mu rukundo, kwereka umukunzi wawe ko umukunda, kumushimisha si ukuba muri kumwe gusa cyangwa kumuha ibintu bimushimisha, amagambo wamubwira n'ubutumwa wamwandikira bifite uruhare rukomeye cyane.Niyo mpamvu YEGOB yabegeranyirije amwe mu magambo y'ubutumwa bugufi wa kohereza umukunzi wawe bukamunezeza akaba yanarushaho kugukunda.
Dore rero bumwe mu butumwa bwiza bugufi wakohereza umukunzi:
' Mukunzi, utuma nizera ko urukundo nya rukundo rubaho.
Utuma ngukunda buri munota, buri segonda ya buri munsi.
Nta muntu n'umwe wigeze ankunda nk'uko unkunda
Unzanira ibyishimo, urukundo, agahenge n'imigisha mu buzima bwanjye.'
Mukunzi â¦.. uri umumalayika wanjye.Mukunzi wanjye, mutima wanjye â¦.
Umwamikazi wanjye, mukunzi mwiza⦠nzozi zanjye, ni wowe nkunda cyane mutima w'urugoâ¦
Uri igisubizo cy'ubuzima bwanjye. Sinarota ubuzima nabaho ntagufite,Uhora uri mwiza igihe cyose.
'Iyo ngutekereje mbona ndi umunyamahirwe, kukugira mu buzima bwanjye.
Numva nkuri iruhande burigihe niyo naba maze igihe ntakubona
Uzi uburyo bwiza bwo kuntungura ukanshimisha mukunzi mwiza.'
'Ni wowe mpamvu ubuzima bwanjye buhora bwuzuye
Nshimishwa n'inseko yawe, urumuri rwanjye rwa buri munsi.Naraye nkurose mukunzi wanjye. Ngutekereza ijoro n'umunsi, nsoma agafoto kawe buri joro mbere yo gusinzira'
'Nkureba buri gihe nsinguhage,Nkunda impumuro yawe, Numva nishimye iyo turi kumwe
Nifuza kuba ndi kumwe nawe burimunsi. Unyumva neza kurusha abandi
Igihe cyose nshimishwa no kuba ndi kumwe nawe.
Sinjye uzarota tubanye burundu.'
Â
Niba ushaka umukunzi kanda kuri iyi link ukurikize ibisabwa:Â http://yegob.rw/dating
Source : https://yegob.rw/dore-ubutumwa-bwurukundo-wakoherereza-uwo-ukunda-akaryoherwa/
Abantu benshi ku isi usanga bahurira ku itariki y'amavuko y'iya 01 Mutarama ya buri mwaka. Hari impamvu nyinshi zishobora gutuma abantj bahurira kuri iyi tariki. Mbere na mbere iyo umuntu agiye kwibaruza agasabwa itariki ye y'amavuko usanga hari ababa batakizibuka bityo kugirango umwanya wahajya itariki y'amavuko utabura icyo ushyirwamo ababarura bagahitamo gushyiraho itariki ya mbere z'ukwezi kwa mbere (01 Mutarama).
Si iyi mpamvu gusa ahubwo abantu benshi bakoresha imbuga nkoranyambaga nabo ukunze gusanga bahurira ku isabukuru y'amavuko y'itariki ya 01 Mutarama. Ibi biterwa nuko mu gufungura za konti kuri izo mbuga nkoranyambaga, basabwa kuzuzamo amatariki yabo y'amavuko ugasanga bamwe batayibuka cyangwa se ugasanga bamwe bahisemo gushyiramo iya mbere z'ukwa mbere bitewe nuko bashaka kwihutisha igikorwa cyo gufungura konti kuri izo mbuga nkoranyambaga. Izi ni zimwe mu mpamvu z'ingenzi usanga abantu benshi bahurira ku isabukuru y'amavuko y'itariki ya 01 Mutarama. Kuri uyu munsi usanga imbuga nkoranyambaga nka Facebook zifite umubare w'abantu bayengayenga 1/6 cy'abafite konti kuri uru rubuga bizihiza amasabukuru y'amavuko kuri uyu munsi wa mbere wa buri mwaka.
Â
Â
Â
Source : https://yegob.rw/sobanukirwa-impamvu-abantu-benshi-bahurira-ku-itariki-yamavuko-ya-01-mutarama/
Aba bakobwa bashyizwe kuri uru rutonde,ahanini ntibagendeye ku bwiza bwo ku isura gusa ,yego ni beza ariko na none hagenderwa ku kuba hari iterambere bagezeho mu mpande zose z'ubuzima no kuba kandi bazwi.
Bamwe baturuka mu miryango ikize ariko hari n'abandi birwanyeho kugira ngo babe bageze aho bari kuri uyu munsi.
Â
1.Duckie Thot
Duckie Thot ni umwana muto ariko utanga ikizere cy'ejo heza, yavutse
ku itariki ya 23 Ukwakira umwaka w'i 1995 akaba ari
umunyamideli wo muri Australia. Yarerewe ahitwa Melbourne. Ababyeyi be bakomoka muri Sudan y'Amajyepfo gusa
baje guhungira muri Australia.Duckie ntiyahiriwe no gukorera umwuga we w'ibijyanye n'imideli muri Melbourne kuko nyuma yahise yerekeza i New York aho yagiriye amahirwe cyane akajya
amurika imideli ya kompanyi zitandukanye harimo: Fenty X Puma, Fenty Beauty, Moschino, Balmain na Oscar de la Renta. Duckie ni we wabaye uwa mbere mu kumurika imideli ya Victoria's Fashion Show aha hari mu mwaka wa 2018.
2.Deepika Padukone
Si ukuba ari umwe mu bakobwa beza ku isi gusa, ahubwo ni n'umwe mu bakinnyi ba Bollywood bahembwa
agatubutse. Akomoka mu Buhinde akaba azwiho kuba ari mwiza, agaseka neza kandi akanambara neza. Uretse ibi ni umukobwa uhora ahuze nta mwanya wo gupfusha ubusa agira. Afitanye
amasezerano n'ibigo bitandukanye aho abyamamariza ibicuruzwa
nka: Tissot, Vogue na Pepsi.
3.Fan Bingbing
Uyu ni umwe mu bakobwa beza cyane ku isi. Yavutse ku itariki ya 16 Nzeri umwaka w'i 1981. Akomoka mu Bushinwa akaba ari umukinnyi wa filime, umunyamideli, umu producer kuri television ndetse
n'umuririmbyi. Mu mwaka wa 2017 The Time yamushyize ku rutonde rw'abantu ijana bagize uruhare mu kwiteza imbere.
Yanashyizwe kandi ku rutonde mpuzamahanga na Vanity Fair nk'uwambara neza kurusha abandi aha hari mu mwaka wa 2015 na 2016. Uyu mukobwa yamenyekanye cyane ubwo yagaragaraga muri serie My Fair Princess yacaga kuri television y'u Bushinwa. Mbere yo kugaragara muri iyi filime Fan ntiyari azwi cyane muri uyu mwuga gusa kuri ubu ni umukinnyi mwiza wananditse izina muri uyu mwuga.
4.Candice Swanepoel
Candice yavutse mu mwaka w'i 1988 akaba akomoka muri Afrika y'Epfo. Azwiho kuba umwe mu bakorana naVictoria's Secret, yanaje ku isonga ku rutonde rw'abantu 10 bafite umubiri
mwiza. Nk'uko tubikesha urubuga Forbes, umwaka ushize Candice yaje ku mwanya wa 10 nk'umunyamideli uhembwa agatubutse.
5.Taylor Swift
Uyu Munyamerikakazi w'umuririmbyi
ni umwe mu bakobwa bakunzwe cyane ndetse bagiye banagarukwaho muri show biz. Ubutumwa bwe bwinshi abunyuza mu ndirimbo aririmba zinafasha cyane abakobwa n'abagore bigatuma bibona mu
bihangano bye. Yagiye agera kuri byinshi aho yanatsindiye Grammy Awards 7.
6.Katherine Elisabeth Upton
Yavukiye mu mujyi wa Michigan
akaba ari Umunyamerikakazi. Imiterere y'umubiri we ikaba ikurura benshi. Ibi byatumye agenda agaruka ku isonga mu kuba afite uburanga n'imiterere y'umubiri ikurura
benshi nk'uko yashyirwaga ku rutonde n'ibigo bitandukanye bikora ibijyanye n'imideli. Katherine ntiyibeshye ubwo yiyumvagamo kuba umunyamideli kuko n'uko
ateye bibimufashamo.
7.Shailene Woodley
Uyu ni Umunyamerikakazi akaba n'umukinnyi wa Hollywood yavutse ku itariki ya 15 Ugushyingo 1991. Yamenyekanye cyane muri filime izwi nka Divergent. Atanga ikizere cy'ejo hazaza akaba n'igisobanuro cy'ubwiza, nubwo amaze igihe gito amenyekanye yagiye abona ibihembo bitandukanye harimo icyo yahawe na the Sundane Festival.Shailene nubwo aribwo agitangira kumenyekana aratanga ikizere mu gihe kizaza cy'uko azagera kuri byinshi.
8.Charlize Theron
Akomoka muri Afrika y'Epfo akaba yaravutse ari ikinege kuri ubu afite
imyaka 40. Theron ni umukinnyi wa filime, uwagize uruhare mu iterambere rye akaba ari nyina,kuri ubu ni umu star ndetse akaba anahagarariye AOP(African Outreach Program), kandi ari no mu bakobwa bateye imbere muri Hollywood.
9.Alexandra Daddario
Uyu ni Umunyamerikakazi
w'imyaka 29 ni umukinnyi wa filime ndetse n'umunyamideli,si ibi gusa kandi ahubwo ni n'umunyamuziki .Ni umukobwa uri kubaka izina rye yereka buri wese ko ibyo afite birenze ubwiza bugaragara inyuma ku isura.
10.Cate Blanchett
Cate akomoka muri Australia ni umukinnyi wa filime  ni na we uhagarariye ama kinamico muri Melbourne, ku myaka ye 46 uburanga bwe buracyagaragara aho yahawe n'ibihembo bitandukanye harimo Screen Actors Awards.
Src: wisetoast.com
Â
Source : https://yegob.rw/dore-abakobwa-10-beza-cyane-kurusha-abandi-ku-isi-amafoto/
Iyi foto hamwe n’ubutumwa buyiherekeje, Umukuru w’Igihugu cy’u Rwanda, yabinyujije ku rukuta rwe rwa Twitter ahagana saa Saba z’ijoro kuri uyu wa Gatanu tariki 01/01/2021 ubwo umwaka wa 2021 wari utangiye, hari hashize isaha imwe gusa uyu mwaka mushya utangiye. Perezida Paul Kagame agaragara ateruye umwuzukuru we n’ibyishimo byinshi, barebana mu maso, uyu mwana nawe akagaragara yishimiye guterurwa na Sekuru.
Perezida Kagame hamwe n’umwuzukuru we
Mu butumwa bwaherekeje iyi foto, Perezida Paul Kagame yifurije inshuti ze, abatuye isi bose ndetse n’umuryango we kuzagira umwaka mushya muhire wa 2021. Yanditse ati “Umwaka mushya muhire nshuti, mwese n’umuryango”.Â
Mu ijambo yagejeje ku banyarwanda, risoza umwaka rikanatangiza undi mushya, Perezida Kagame yabifurije kuzahirwa na 2021, abifuriza ko wazababera umwaka w’uburumbuke. Yababwiye ko 2021 uzaba umwaka mwiza kurusha 2020. Yabitangaje kuri uyu wa Kane tariki 31 Ukuboza 2020. Perezida Paul Kagame yagize ati:
“Banyarwanda, Baturarwanda mwese, Nshuti z'u Rwanda:
Dutangiye uyu mwaka mushya dufite icyizere kuko u Rwanda rwageze kuri byinshi n’ubwo twahuye n'ibibazo byinshi bidasanzwe mu mwaka wa 2020. Ibi bivuze ko dushobora gukora n'ibirenze, igihe iki cyorezo kizaba kitagihari.
Isomo twakuye muri uyu mwaka ushize, ni uko iyo twitwaye neza tugashyira hamwe ntacyaduhungabanya. Twese tugomba gukomeza kuba maso mu mezi ari imbere mu gihe urukingo rwa COVID-19 rutaratugeraho.
Kubera imbaraga zanyu, ubushake no gukunda igihugu twese dufite, uyu mwaka utangiye uzaba mwiza kurusha uwo dusoje. Twirinde rero buri wese yite ku bandi.
Mu by'ukuri iri jambo ryari iryo gusoza umwaka no gutangiza undi, naho ibindi twabivuze ubwo nabagezagaho uko igihugu gihagaze. Njye n'umuryango wanjye tubifurije mwese n'abanyu Umwaka mushya Muhire wa 2021, uzababere uw'uburumbuke.
Mugire umugisha w'Imana”.
Yabitangaje kuri uyu wa Kane tariki 31 Ukuboza 2020, mu ijambo risoza umwaka wa 2020 n'iritangiza utaha wa 2021. Ijambo rya Perezida Kagame:
Banyarwanda, Baturarwanda mwese, Nshuti z'u Rwanda:
Dutangiye uyu mwaka mushya dufite icyizere kuko u Rwanda rwageze kuri byinshi n’ubwo twahuye n'ibibazo byinshi bidasanzwe mu mwaka wa 2020. Ibi bivuze ko dushobora gukora n'ibirenze, igihe iki cyorezo kizaba kitagihari.
Isomo twakuye muri uyu mwaka ushize, ni uko iyo twitwaye neza tugashyira hamwe ntacyaduhungabanya. Twese tugomba gukomeza kuba maso mu mezi ari imbere mu gihe urukingo rwa COVID-19 rutaratugeraho.
Kubera imbaraga zanyu, ubushake no gukunda igihugu twese dufite, uyu mwaka utangiye uzaba mwiza kurusha uwo dusoje. Twirinde rero buri wese yite ku bandi.
Mu by'ukuri iri jambo ryari iryo gusoza umwaka no gutangiza undi, naho ibindi twabivuze ubwo nabagezagaho uko igihugu gihagaze. Njye n'umuryango wanjye tubifurije mwese n'abanyu Umwaka mushya Muhire wa 2021, uzababere uw'uburumbuke.
Mugire umugisha w'Imana.
Umuhanzi Justin Bieber wakunzwe cyane mu njyana zirimo R&B na Pop yamaze gufata umwanzuro wo kwiga kugira ngo abashe kuba umupasiteri mu itorero rya Hillsong Church nyuma y'aho kurisengeramo bimufashije gucika ku ngeso mbi zari zaramubase.
Umupasiteri w'inshuti ya Justin Bieber witwa Carl Lentz,niwe wamwereye imbuto zatumye nawe yifuza kuba umupasiteri ariyo mpamvu yatangiye kwiga Bibiliya.
Ikinyamakuru OK cyagize kiti 'Justin ntabwo ashaka kuva mu muziki,ariko arumva hari ijwi rinini riri kumuhamagara.Arashaka kuba umupasiteri umwaka utaha.'
Iki cyamamare cyashimye bikomeye itorero rya Hillsong ukuntu ryagifashije guhinduka kikava mu mwijima kikajya mu mucyo,kuko cyari cyarabaswe n'ibiyobyabwenge,kurwana cyane no gufungwa buri gihe,n'ibindi.
Justin Bieber,ubu asigaye ari umwe mu bafasha korari ya Hillsong kuririmba ndetse ngo yamaze kuyinjiramo.
Bieber akimara kugera mu biganza bya Pasiteri Lentz yarahindutse cyane ndetse ngo yihanye ibyaha ku buryo ashobora kuba pasiteri muri uyu mwaka.
OK Magazine yagize iti 'Justin yizeye ko yayobora ibijyanye no guhindura abantu.Ntabwo yari yarigeze yishima cyangwa ngo agire ubuzima bwiza nkuko bimeze ubu.'
Source : https://yegob.rw/cyore-umuhanzi-justin-bieber-yahisemo-kwiyegurira-imana/