Category: Uncategorized

Ni inkuru yakunze kuvugwa ko aba bombi bari mu munyenga w’urukundo ariko bombi ntihagire icyo babivugaho.

Bombi bakunze kugaragaza ku mbuga nkoranyambaga ko buri umwe afite uwo yihebeye ndetse bagashyiraho n’amafoto asa nk’azimije kuko hari aho bagaragazaga nk’ibirenge ubundi bakagaraza amafoto atagaragara.

Iby’urukundo rwabo bitari bishya, uyu munsi Arthur yabyeruye avuga ko amaze imyaka itandatu akundana n’uriya mukobwa na we usanzwe akora itangazamakuru.

Nkusi Arthur wujuje imyaka 30 y’amavuko akaba yanatumiwe mu kiganiro asanzwe akoranamo na Sandrine Isheja kuri Kiss FM, yagarutse ku rugendo rwe rw’ubuzima rwakunze kurangwa n’ubuhanzi dore ko uyu musore afite impano nyinshi.

Muri iki kiganiro yajemo nk’umutumirwa, yavuze ko yakundanye na Miss Phiona kuva muri 2015 ndetse ko kugeza ubu urukundo rwabo ari pata na rugi kuko yumva ntawundi yamusimbuza.

UKWEZI.RW

Uyu Ntibirama ukekwaho kwica se mu gikorwa cyabaye ku mugoroba wo kuri uyu wa Kane tariki 21 Mutarama 2021 ubwo yatahaga akabanza gutongana na se bakundaga kugirana amakimbirane, undi agahita amukubita iriya suka.

Amakimbirane ya Ntibirama na se ngo yaturukaga ku kuba se yakundaga kumubuza kugurisha ubutaka bwabo.

Umuvugizi w’Urwego rw’Igihugu rw’Ubugenzacyaha (RIB), Dr Murangira Thierry yavuze ko uriya ukekwaho kwica se yatawe muri yombi ubu akaba afungiye kuri station ya RIB ya Mugina.

Yavuze ko umubiri wa nyakwigendera wajyanywe ku kigo gishinzwe gusuzuma ibimenyetso bya gihanga (Rwanda Forensic Lab) kiri ku Kacyiru mu Mujyi wa Kigali kugira ngo hakorwe isuzuma rya nyuma.

Dr Murangira Thierry avuga ko urwego rw’Ubugenzacyaha RIB rwatangiye gukora isuzuma kugira ngo dosiye y’ukekwaho gukora icyaha ishyikirizwe Ubushinjacyaha.

UKWEZI.RW

Umunyamakurukazi wigaruriye imitima ya benshi, Tijara Kabendera avuga ko nyuma yo gusezera muri RBA yari amazemo imyaka irenga 17, yakiriye ubutumwa na we bwamuteye ubwoba ageraho yibaza ko umwanzuro yafashe utari ukwiye.

Tariki ya 23 Ukuboza 2020 nibwo Tijara Kabendera yatangarije abantu ko yamaze gusezera muri RBA nyuma y’imyak 17 ayikorera.

Mu kiganiro yahaye ikinyamakuru ISIMBI, yavuze ko nyuma yo gusezera mu kigo cy’igihugu cy’itangazamakuru(RBA) yakiriye ubutumwa bwinshi cyane bwatumye akeka ko yaba yafashe umwanzuro utari wo.

Ati'ubutumwa nabonye nyuma yo gusezera bwanteye ubwoba cyane, byanteye amarangamutima bintera ubwoba ariko bimpa n’isomo, bintera kwibaza se ndi iki? Ndi inde? Nakoze iki? Nari nzi ko Tijara ndahari ndi umunyamakuru gusa, ntabwo nari nzi ko ndi inshuti, umubyeyi, umuvandimwe wa benshi, hari abampamagaraga, bakanyandikira bambwira ngo oya, njyeze aho ndavuga nti wasanga nkoze ibintu ntakagombye kuba nkora.'

Avuga ko mu minsi ya vuba na we agiye gutangiza umuyoboro wa YouTube azajya anyuzaho ibiganiro bye, ariko na none mu minsi ya vuba agiye kongera kumvikana kuri radio aho azajya kora amasaha abiri ku munsi.

Yagize ati'Radio irahari, nabonye buriya butumwa wambajije ngira amarangamutima, bwari ubutumwa bwinshi bumbaza ndavuga nti ariko wa mugani wasanga hari abantu ntakoreye neza, wasanga abantu baba bagikeye inama zanjye, nzagirayo ikiganiro cy’urubyiruko rugomba gukora rukihangira imirimo, imyidagaduro, abagore turacyakeneye kujijurana no kujijuka.'

'Bizaba bikubiye mu kiganiro kimwe kizajya kimara amasaha 2, ni ahantu nzakora kugira ngo ngumane impano yanjye, ngumane abakunzi banjye ni ahantu nzajya ku buntu.'

N’ubwo atavuze iyi radio, amakuru yizewe ni uko agiye kujya akora kuri Radio Vision FM ivugira kuri 104.1 FM.

Tijara Kabendera ni umubyeyi w’abana 4, yatangiye gukora kuri radiyo Rwanda mu 2003, uyu mugore wamenyekanye mu biganiro b’igiswayili yatangiriye ku kiganiro se yakoraga cya 'Hodi Hodi Mitaani’, cyatumye agira abakunzi benshi, yakoze n’ibindi bitandukanye nka 'Kazi ni Kazi’, 'Amahumbezi’ Twegerene’ n’ibindi.

Tijara Kabendera nyuma yo gusezera muri RBA ngo na we byamuteye ubwoba bwinshi

Aba basirikare bahaye amahugurwa bamwe mu baturage bacumbikiwe mu nkambi ngo bajye kwigisha bagenzi babo bavanywe mu byabo n’imvururu n’intambara byakunze kuba muri kiriya gihugu.

Ni amahugurwa yatanzwe n’itsinda ry’abaganga b’ingabo za RDF bari muri buriya butumwa muri Sudani y’Epfo.

Bariya baturage 20 bahagarariye abandi, bahaye amahugurwa anyuranye arimo uko bazajya basukura intoki.

Banahawe bumwe mu bumenyi bw’ibanze kuri iki cyorezo nk’ibimenyetso, uburyo cyanduramo ndetse n’uburyo bwo kwirinda burimo ubu bwo gukaraba intoki n’amazi n’isabune kenshi gashoboka, kwambara udupfukamunwa no guhana intera hagati yabo.

Capt.Capt Dr Phoebe Mwiseneza, yavuze ko bahisemo guhugura bariya baturage uko bakwirinda COVID-19 kuko bari mu bantu bashobora kucyandura mu buryo bwihuse kubera ubucucike bw’aho baba.

Majoroth Duoth Biol uyobora iriya nkambi, yavuze ko izi nyigisho bahawe na RDF bagiye kuzisangiza bagenzi babo kugira ngo bahangane n’iki cyorezo cyugarije Isi.

Iriya nkambi igizwe n’imiryango irenga ibihumbi 22 bagiye bavanwa mu byabo n’intambara yabaye muri kiriya gihugu.

UKWEZI.RW

Byatangajwe na Minisitiri w’ubwikorezi w’u Bwongereza, Hon Grant Shapps wavuze ko nyuma yo kwangira abagenzi 11 baturutse muri Africa y’Epfi ubu hari n’ibindi bihugu bibujijwe.

Yagiz ati ati 'Uretse abaturage b’u Bwongereza n’abandi basanzwe bahatuye, abandi bose bavuye muri ibyo bihugu byombi ntibazemererwa kwinjira kuva ejo saa 04:00 za mu gitondo.'

Uyu muyobozi mu Bwongereza yakomeje agira ati 'Dukomeje gucunganwa n’izamuka ry’imibare ya COVID-19 ndetse n’ubwandu bushya bw’iyi virusi ku Isi hose kadi hamwe no guhagarika abaturutse muri ibi bihugu no gupima abinjira, bizadufasha.'

Igihugu cya Tanzania cyakunze kunengwa gusuzugura iki cyorezo kuko umukuru w’iki gihugu, Dr John Pombe Magufuli yakunze kuvuga ko imana izakibarinda.

Iki gihugu kandi uretse kuba kidashyira imbaraga mu guhangana n’iki cyorezo, ntikijya kinatangaza imibare y’abanduye cyangwa abo cyahitanye.

UKWEZI.RW

Mu gushaka kumenya byinshi kuri iki cyayi, twegereye inzobere mu kuvurisha imiti gakondo itandukanye cyane cyane imiti gakondo ikorerwa ku mugabane wa Aziya nko muri Thailand, China, n’Ubuyapani, adusobanurira ko icyayi cya 'Slimming Herb' gifasha abantu mu kugabanya ibinure byo ku nda bimwe tuzi nk’ibicece cyangwa ibinyenyanza.

Akomeza avuga ko iki cyayi gikoze ijana ku ijana mu bimera kandi kikaba kizewe, ndetse ko abamaze kugikoresha cyabafashije ubu bakaba baratandukanye n’ibinure byo ku nda. Ikindi kandi iki cyayi gisukura mu mara ku buryo umuntu ugira ikibazo cy’impatwe ( Constipation) kimufasha cyane.

Iki cyayi gikoreshwa n’umuntu uwo ari we wese ushaka kugabanya ibiro ukuyemo abantu batwite n’abagore bonsa. Kigizwe na Tea bags 40. Ku munsi biba bihagije ko unywa Tea bag imwe ukayishyira mu gice cya Litiro y’amazi akonje, ugategereza iminota 30 ubundi ukanywa.

Avuga ko bitwara igihe gito ngo umuntu abe yatangiye kubona impinduka. Yagize ati : “Nyuma y’icyumweru uba utangiye kubona impinduka. Slimming Herb iyo uyikoresheje neza, ushobora gutakaza hagati y’ibiro 3 kugeza ku biro 8 mu gihe cy’iminsi 40 umara ufata iki cyayi. Iyo ukoresha ubundi buryo nko gukora imyitozo ngororamubiri, kunywa amazi, gusinzira mu gihe gikwiriye no kurya neza ukabifatanya na Slimming Herb utakaza ibiro byinshi kurushaho.'

N’ubwo iyi gahunda yo kugabanya ibicece ku nda no kugabanya umubyibuho ukabije ngo ikunda kwitabirwa n’abagore, inzobere zivuga ko atari bo gusa yagenewe kuko n’abagabo bakoresha iki cyayi kikabafasha gutakaza ibiro batifuza.

Ku bafite ibicece ku nda cyangwa umubyibuho ukabije bashaka iki cyayi, wabaza byinshi iyi nzobere kuri numero 0788700952 ndetse wanamwandikira kuri Whatsapp.